वीरगञ्ज– बारामा ट्याम्पु दुर्घटना हुदाँ तीन वर्षीया बालिकाको मृत्यु भएको छ ।उक्त दुर्घटनामा ५ जना घाइते भएका छन् ।

भारत बिहार राज्यको रक्सौल बस्ने आदित्य श्रीवास्तवको तीन वर्षीया छोरी पल्लवी कुमारीको मृत्यु भएको हो ।

भारतको रक्सौलबाट बाराको कलैयातर्फ जाँदै गरेको स १ ह ७०८ नम्बरको ट्याम्पु, वीरगञ्ज–कलैया सडकखण्ड अन्तर्गत बाराको फेटा गाँउपालिका वडा नम्बर १ भलुही चोकमा अनियन्त्रित भई पल्टिएको थियो ।

दुर्घटनामा गम्भिर घाइते भएकी बालिकालाई उपचारका लागि एलएस न्युरो अस्पतालमा लगिएकोमा अस्पतालले मृत घोषित गरेको जिल्ला प्रहरी कार्यालय बाराका प्रमुख प्रहरी उपरीक्षक होबिन्द्र बोगटीले जानकारी दिए ।