काठमाडौं– विश्वकै दुुर्लभ रोगबाट ग्रसित प्रणय केसीका परिवारले आर्थिक सहयोगको अपिल गरेका छन् ।

२० महिने बालक प्रणयलाई इनल मस्कुलर एट्रोफी–टाइप २ रोग लागेको र उपचारका क्रममा आर्थिक अभाव हुन थालेपछि परिवारले सहयोगको अपिल गरेका हुन्।

प्रणय केसीको उपचार न्यूू दिल्लीमा रहेको गंगाराम अस्पतालमा भइरहेको छ। स्पाइनल मस्कुलर एट्रोफीको उपचार गर्न २८ करोड भन्दा बढी खर्च लाग्ने अस्पतालले जनाएको छ। यस रोगको उपचार प्रणय केसी २ वर्षको हुँदासम्म गरी सक्नुपर्ने डक्टरहरूले बताएका छन् ।

६ महिनादेखि उपचार गर्दा सबै पैसा सकिएको र अब ४ महिना भित्र उपचार गरिसक्नुपर्ने भएकाले उनका परिवारले सबैमा अर्थिक सहयोगको अपिल गरेका हुन्।

के हो स्पाइनल मस्कुलर एट्रोफी ?

स्पाइनल मस्कुलर एट्रोफी एक भयानक दुर्लभ हो। यो रोगले मानिसको जीवनलाई एकदमै खतरामा पार्ने न्यूरो मस्कुलर वंशानुक्रमिक असन्तुलन हो।

स्पाइनल मस्कुलर एट्रोफी एक गतिशील रोग हो। यसले मांसपेशीहरूको गम्भीर कमजोरी निम्त्याउँछ । यो रोग लागेपछि अशक्तता, मेरुदण्डको स्कोलियोसिस र फोक्सोको कार्यमा बलगम्भीर रूपमा अवरोध उत्पन्न गरी स्वासप्रश्वासमा बाधा पैदा गर्दछ । त्यसैले यो रोग लागेपछि समयमा नै उपचार गर्नुपर्ने स्वास्थ्यविद्हरू बताउँछन्।

प्रणयको स्वास्थ्य अवस्थाबारे बुुझ्नको लागि ९८५१०६६३६९ मा सम्पर्क गर्न सक्ने परिवारले जनाएको छ। साथै आर्थिक सहयोगका लागि ग्लोबल आईएमई बैंकको खाता नम्बर २५७०७०१०१५४८३३  मा रकम जम्मा गर्न सकिन्छ। खाता प्रणय केसीको नाममा खोलिएको छ।

Bank : Global Ime Bank, Sankhamul
Account Number : 25707010154833
Account Holder Name : PRANAYA KC