काठमाण्डौ-बानेश्वरमा दिनदाहाडै खुकुरी प्रहार गरी फरार रहेका तीन ब्यक्तिहरूलाई प्रहरीले नियन्त्रणमा लिएको छ।

कात्तिक २२ गते काठमाण्डौ-१० बानेश्वर स्थित आई प्लेक्स मल नजिकै नेकपा (माओवादी केन्द्र) का बाग्मती प्रदेश कमिटी सदस्य, अखिल नेपाल खेलकुद महासंघको उपाध्यक्ष तथा नेपाल उसु महासंघको केन्द्रीय अध्यक्ष जनक बर्तौलालाई धारिलो हतियार प्रयोग गरी घाइते बनाउने बाँके कोहलपुर-१० चटार बस्ने बर्ष २४ को शेर बहादुर थारु  कोहलपुर -१ कौशिला नगर बस्ने बर्ष २६ को आशिष लामिछने मगर र झापा मेचि -८ मेचे गाँउ बस्ने बर्ष ३४ को कैलास भन्ने टेक बहादुर प्रधानलाई प्रहरीले पक्राउ गरेको छ।

अनुसन्धानको क्रममा फरार रहेका तीन जानालाई घटना पश्चात सीमावर्ती इलाकामा लुकीछिपी बसेको भन्ने सूचनाको आधारमा जिल्ला प्रहरी परिसर, काठमाण्डौबाट खटिएको टोलिले पशुपतिनगर इलाकाबाट पक्राउ गरेको छ।

पक्राउ परेका व्यक्तिहरुलाई जिल्ला अदालत काठमाडौंबाट ज्यान मार्ने उद्योग कसुरमा दश दिन म्याद थप भई थप अनुसन्धान कार्य भईरहेको छ।