शीतलपाटीन्युज डटकम।
काठमाडौं। निर्वाचन आयोगले बिशेष महाधिवशनबाट निर्वाचित सभापति गगन थापा नेतृत्वको कांग्रेसलाई आधिकारिता दिएको छ।

आज बसेको आयोगको बैठकले राजनीतिक दल सम्बन्धी ऐनको आधारमा थापा नेतृत्वको नेपाली कांग्रेसलाई आधिकारिकता दिने निर्णय लिएको हो। आयोगको यो निर्णयसँगै कांग्रेस महामन्त्रीद्वय गगन थापा र बिश्वप्रकाश शर्माले मोलेको जोखिमले परिणाम पाएको छ भने सभापति शेरबहादुर देउवासहित अधिकांश पदाधिकारीको राजनीतिक भविश्य सकिएको छ ।

आयोगले कांग्रेसको विशेष महाधिवेशनलाई कानून र विधानसम्मत ठहर गरेको हो। सोही आधारमा पदाधिकारीहरुको विवरण अद्यावधिक गर्ने निर्णय बैठकले गरेको हो। उक्त निर्णयसँगै विशेष महाधिवेशनले गरेका सबै निर्णयहरुले मान्यता पाएको छ। यो निर्णयले विशेष महाधिवेशनले मान्यता पाउन नसक्ने भनी शेरबहादुर देउवा समूहले गरेको दावी स्वतः अस्वीकृत भएको छ।