शीतलपाटीन्युज डटकम।

काठमाडौं। गैरआवासीय नेपाली संघ एनआरएनए र नेपाल पर्यटन बोर्डबीच सहकार्य हुने भएको छ। एनआरएनए अध्यक्ष डा.हेमराज शर्मा नेतृत्वको टोलीले पर्यटन बोर्डका प्रमुख कार्यकारी अधिकृत सिइओ दीपकराज जोशीसँग भेट गर्दै सहकार्य गर्ने सहमति भएको हो।

छलफलमा नेपाल र नेपाली पर्यटन प्रवद्र्धन,सांस्कृतिक महोत्सव र दीर्घकालीन सहकार्यका विषयमा छलफल भएको थियो। यसैगरी पर्यटन प्रवद्र्धन,नेपाल महोत्सव,नेपाल हाउस र आगामी सहकार्यको समझदारी तयार गर्ने विषयमा छलफल भएको एनआरएनएका प्रवक्ता सोम सापकोटाले जानकारी दिए।

छलफलमा पर्यटन प्रवद्र्धन अन्तर्गत,दोस्रो पुस्तालाई पर्यटन क्षेत्रमा संलग्न गर्ने योजना प्रस्तुत गरिएको थियो। साथै नेपाल महोत्सवमार्फत सांस्कृतिक कार्यक्रम,कला र परम्परागत गतिविधिहरूको आयोजना गर्ने विषयमा छलफल भएको पनि प्रवक्ता सापकोटाले बताए।

नेपाल हाउसको अवधारणा पनि बैठकमा प्रस्तुत गरिएको थियो । सो अवसरमा सहकार्यको समझदारी एमओयु तयार गर्ने जिम्मेवारी पर्यटन बोर्डलाई नै दिइएको छ।