पोखरा। नेपाल उद्योग वाणिज्य महासंघको नयाँ कार्यसमिति चयनका लागि मतदान भएको छ। सोमबार महासंघको ६० औं वार्षिक साधारणसभा उद्घाटनपछि मंगलबार मतदान भएको हो। महासंघको विधान अनुसार वरिष्ठ उपाध्यक्ष स्वतः अध्यक्ष हुन्छन्सो।ही अनुसार अन्जन श्रेष्ठ स्वतः अध्यक्ष बनेका छन्।

महासंघको उपाध्यक्ष र कार्यकारिणी समिति सदस्यका लागि हेमराज ढकाल र शिवप्रसाद घिमिरेका २ प्यानल चुनावी मैदानमा छन्।अध्यक्ष श्रेष्ठले आफ्नो आगामी तीन वर्षे कार्यकालमा निजी क्षेत्र र सरकारबीचको सम्बन्ध पुनः परिभाषित गर्ने वाचा गरेका छन्।

महासंघको साधारणसभाका उनले सरकारले निजी क्षेत्रलाई साक्षी होइन, सहकार्यकर्ता मान्ने वातावरण बनाउन निरन्तर पहल गर्ने वाचा गरे। ‘नीति निर्माणमा, बजेट निर्माणमा, ऐन–कानुन निर्माणमा र अन्तर्राष्ट्रिय वार्तामा निजी क्षेत्रको आवाज सुनिने र प्रतिविम्बित हुने प्रणाली विकास गर्ने छु,’ उनले भने।

श्रेष्ठले आफ्नो कार्यकालमा निजी क्षेत्रप्रतिको धारणामा परिवर्तन ल्याउन काम गर्ने बताए। ‘उद्यमी भनेको शोषक होइन,सम्पत्ति निर्माता हो,व्यवसायी भनेको कर छली गर्ने होइन, राज्यलाई कर तिर्ने सहयात्री हो, यो सत्य समाजमा स्थापित गर्न महासंघले व्यवस्थित अभियान चलाउने छ,’उनले भने।

आगामी कार्यकालमा जिल्ला,नगर उद्योग वाणिज्य संघ,वस्तुगत र क्षेत्रगत संघहरूको कामलाई बढी प्रभावकारी बनाउने श्रेष्ठले बताए। महासंघ केन्द्रमा मात्र होइन,हरेक जिल्लामा, हरेक प्रदेशमा आफ्ना सदस्यहरूको आवाज बन्ने भन्दै उनले महासंघ सचिवालयलाई व्यावसायिक, सक्षम र सेवामुखी बनाउने घोषणा गरे।
समाधान न्युजबाट।

Advertisement

तपाईको प्रतिक्रिया