सुरेश कोईराला।
चितवन प्रहरीले विभिन्न मुद्दामा अदालतबाट सजाय तोकिएपछि फरार रहेका ४३ जना प्रतिवादीलाई पक्राउ गरेको छ । जिल्ला प्रहरी कार्यालय चितवन र मातहत कार्यालयबाट खटिएको संयुक्त प्रहरी टोलीले उनीहरुलाई जिल्लाका विभिन्न स्थानबाट पक्राउ गरेको हो।

जिल्ला प्रहरी कार्यालय चितवनले आइतबार जारी गरेको प्रेस विज्ञप्तिअनुसार पक्राउ परेकाहरूलाई सम्मानित चितवन जिल्ला अदालतमा पेश गरिएको छ। पक्राउ परेकामध्ये अभद्र व्यवहार, चेक अनादर,चोरी,जबरजस्ती करणी,बाल यौन दुरुपयोग,बैंकिङ कसुर,लागूऔषध तथा सवारी ज्यान मुद्दाका प्रतिवादी रहेका छन्।

चेक अनादरका १२ जना,चोरीका १० जना,जबरजस्ती करणीका २ जना,बाल यौन दुरुपयोगका १ जना,बैंकिङ कसुरका ३ जना, लागूऔषधका ८ जना तथा सवारी ज्यान मुद्दाका १ जना पक्राउ परेका हुन् ।

उनीहरूमाथि अदालतबाट तोकिएको जम्मा ४ वर्ष ८ महिना ६ दिन कैद सजाय तथा ७ लाख १० हजार ८२१ रुपैयाँ जरिवाना बाँकी रहेको प्रहरीले जनाएको छ । प्रहरीले अदालतको फैसला कार्यान्वयनलाई प्रभावकारी बनाउन फरार प्रतिवादी पक्राउ जिल्ला प्रहरी कार्यालय प्रमुख प्रहरी उपरीक्षक रामेश्वर पौडल जानकारी दिनुभय।
https://www.facebook.com/share/v/1CHp3iaCCh/