शीतलपाटीन्युज डटकम।
लण्डन। विश्वप्रसिद्ध नेपाली पर्वतारोही,विश्व कीर्तिमानधारी, एलिट एक्स्पेडका संस्थापक तथा पूर्व ब्रिटिस सैनिक निर्मल पुर्जा (निम्स दाइ) को पाकिस्तानस्थित ब्रोड पिक हिमाल आरोहणका क्रममा भएको दुःखद निधनमा गैरआवासीय नेपाली संघ (एनआरएनए) यूके गहिरो दुःख व्यक्त गर्दछ।

निर्मल पुर्जा (निम्स दाइ) केवल एक असाधारण पर्वतारोही मात्र नभई बेलायतमा बसोबास गर्ने नेपाली समुदायको गौरव, प्रेरणा र पहिचान हुनुहुन्थ्यो। बेलायती गोर्खा सेनामा उहाँको समर्पित सेवा र त्यसपछिका ऐतिहासिक पर्वतारोहण उपलब्धिहरूले नेपाल र संयुक्त अधिराज्य (यूके) बीचको सम्बन्धलाई अझ गौरवान्वित बनाएका थिए। उहाँको सफलता विश्वभर रहेका नेपाली, विशेषगरी यूकेस्थित नेपाली समुदायका लागि अपार गर्वको विषय थियो।
उहाँको असामयिक निधनले नेपालले एक महान् राष्ट्रिय व्यक्तित्व गुमाएको छ भने यूकेस्थित नेपाली समुदायले आफ्नो प्रेरणा, गौरव र एक असाधारण व्यक्तित्व गुमाएको महसुस गरेको छ।
उहाँको साहस,नेतृत्व,समर्पण र राष्ट्रप्रतिको योगदान सधैँ स्मरणीय रहनेछ।

गैरआवासीय नेपाली संघ (एनआरएनए) यूके निर्मल पुर्जा (निम्स दाइ) सहित यस दुःखद घटनामा ज्यान गुमाउनु भएका सम्पूर्ण आरोहीहरूप्रति भावपूर्ण श्रद्धाञ्जली अर्पण गर्दै दिवङ्गत आत्माहरूको चिरशान्तिको कामना गर्दछ। साथै शोकसन्तप्त परिवार,आफन्त तथा सम्पूर्ण नेपाली समुदायप्रति हार्दिक समवेदना व्यक्त गर्दछ भन्दै १ अगस्ट २०२६, अध्यक्ष एवम एनआरएन युके परिवालले प्रेष बिज्ञप्ती निकालेको छ।