शीतलपाटीन्युज डटकम।
अमेरीका। कांग्रेस नेता जितेन्द्र गुरुङ अत्याधिक मत सहित २०२५ मे २४ मा बानाको आगामी कार्यकालको लागि अध्यक्षमा निर्वाचित भएका छन्। अध्यक्षको पदभार सम्हाले लगतै गुरुङले आफ्ना भावी कार्ययोजनाका विभिन्न कार्यक्रमहरुलाई क्यालेन्डरको रुपमा एक पत्रकार सम्मेलनको आयोजना गरी सार्वजनिक गरेका छन्।

जितेन गुरुड्ग,अध्यक्ष बाना
बानाले नेपालका विभिन्न स्थानबाट फरक पहिचान र उद्देश्य सहित अमेरिका पुगेका नेपालीहरुबीच आफ्नो भाषा,संस्कृति र परम्पराको संरक्षण गरी आपसी भाइचाराको सम्बन्ध सुदृढ बनाउन वर्ष २०२६ मा गर्ने कार्यक्रमको सूचिलाई क्यालेन्डरको रुपमा तयार गरेको हो।

प्रभु थापा,ट्रष्टी अध्यक्ष
अध्यक्ष गुरुङका अनुसार अमेरिकामा बसोबास गर्ने युवाहरुबीच एकता तथा सद्भाव बढाउन बाना कप फुटबल प्रतियोगिता आयोजना गर्ने,नेपाली सांस्कृतिक भेषभूषाको संरक्षण तथा महिला शक्तिकरणका लागि तीज विशेष कार्यक्रम गर्ने, नेपाली खाना तथा परिकारहरुलाई परिचित गराउन रोड फूड फेस्टिबल आयोजना गर्ने, दसैँ तथा तिहार विशेष कायक्रम गर्ने, नेपाली डाक्टरहरुद्धारा नै स्वास्थ्य परिक्षणका लागि स्वास्थ्य शिविर सञ्चालन गर्ने तय भएको जानकारी दिएका छन्।

ध्रुव वन्त,कार्यक्रम संयोजक
बानाका निवर्तमान अध्यक्ष सुवोध विलाश पन्तको कार्यकालमा सुरुवात गरिएको बाआमा कार्यक्रम लाई निरन्तरता दिदै अमेरिकामा रहेका छोराछोरी भेट्न पुगेका आमाबुवालाई लक्षित गरी ज्येष्ठ नागरिक भेटघाट तथा अन्तरक्रियाको कार्यक्रम पनि गरिने कार्यक्रम संयोजक ध्रुव वन्तले जानकारी दिइन् । यस्ता भेटघाटको कार्यक्रमले जेष्ठ नागरिकबिच अनुभव साटासाटको अवसर प्रदान हुने र विदेशी मुलुकमा बस्दा हुने एकांकीपनको मानसिक समस्या टाढा हुने सह – संयोजक रोना केसी गौतमले बताईन।

रोना केशी गौतम,कार्यक्रम सह संयोजक
यस्तै बार्षिक क्यालेन्डर अनुसार अमेरिका बसोबास गर्ने बालबालिका अंग्रेजी भाषामा अब्बल भएतापनि नेपाली भाषा कमजोर हुने विषयलाई मध्यनजर गर्दै नेपाली भाषाको जर्गेना गर्नको लागि बालबालिकाहरुलाई नेपाली भाषा कक्षा सञ्चालनलाई पनि विशेष प्राथमिकताका साथ यस वर्ष पनि सञ्चालन हुने कुरा ट्राष्ट का अध्यक्ष एव पूर्व महासीचव प्रभु थापा ले जानकारी दिएका छन्।