शीतलपाटीन्युज डटकम।
पोखरा। दुबईबाट पोखराका लागि बुधबार उडेको ऐतिहासिक पहिलो नियमित उडानको ककपिटमा नेपाली पाइलट सर्बजीत यादव थिए। फ्लाई दुबईमा कार्यरत पहिलो नेपाली क्याप्टेन यादवले नै यो ऐतिहासिक उडानको नेतृत्व गरेको समाचार छ।

सीता एयर,सिम्रिक एयर र श्री एयरलाइन्समा काम गर्दै उडान क्षेत्रको अनुभव बटुलेका यादवले सन् २००८ देखि उडान सुरु गरेका हुन्। उनी सन् २०२२ देखि फ्लाई दुबईमा कार्यरत थिए। सन् २०२५ मा क्याप्टेनमा पदोन्नति भएका यादवका लागि पनि पोखराबाट सुरु भएको यो नियमित अन्तर्राष्ट्रिय उडान विशेष थियो।

पोखराबाट पहिलोपटक नियमित अन्तर्राष्ट्रिय उडान लिएर दुबईतर्फ उडेको विमानको नेतृत्व नेपाली पाइलटकै हातमा हुनु संयोग मात्र थिएन,पोखराको आकाशसँग जोडिएको एउटा भावनात्मक क्षण पनि थियो। विमानमा सवार यात्रुहरूका लागि यो पोखराबाट बाहिरिने नयाँ बाटो थियो भने ककपिटमा रहेका यादवका लागि आफ्नै देशको एउटा नयाँ अन्तर्राष्ट्रिय उडानको नेतृत्व गर्ने अवसर पाए।

समाधान न्युजबाट।