शीतलपाटीन्युज डटकम। शीर्षक: आओस् नयाँवर्ष यो। शार्दूलविक्रीडित सारा दुःख हटून् समस्त जगका प्राणीहरू हून् खुशी मान्छेका मनभित्र प्रेम भरियोस् हाँसून् सबै सन्तति। पीडाले जन तड्पिएर नमरून् शानन्द आनन्द होस् बाँची बाँच्न सिकाउने प्रण लिई आवस् नयाँ वर्ष यो।। पानी वायु सफा बनोस् सफरमा प्राणी सबैले घर पाऊन् बस्न र बाँच्न जीव जगका उन्मुक्त हून् निर्भय। मेरोमात्र खुशी म हेर्न नसकूँ संसार यो खास होस् हाँसी बाच्न सिकाउने प्रणलिई आवस् नयाँ साल यो।। स्नेही भाव विवेकशील मन होस् संवाद होस् ध्यान होस् ईर्ष्या द्वेष घमन्डको घर ढलोस् भात्रित्वमा प्रेम होस्। सारा भाइ र बन्धु बान्धब मिलून् साना ठुला एक हून् साझा मानव जातको महल होस् नौलो नयाँवर्ष होस्।। वाणी शुद्ध र बद्ध हून् वचनमा धोका कसैमा नहोस् गर्ने कार्य फटाफटी अघि बढून् यो राष्ट्र सम्मान होस्। झुप्रामा पनि राज्यको प्रगतिको आभाष होस् सान होस् भन्दै निर्मल भाव, आँट बटुली आयो नयाँवर्ष यो।। चैते घाम र हुन्डरी सित जुधे बाढी र वर्षा गयो बैशाखे रुखका मुना र पिपिरा जन्मे उज्यालो भयो। आऊ भास्कर भाग्य हेर्न पिपिरा बाँचून् पलाऊन्, बढून् सारा जीव र जन्तुको प्रिय बनी आयो नयाँवर्ष यो। २०८१/१/१, गंगा भण्डारी,स्वीन्डन युके।
शीर्षकःपादाकुलक छन्दः वसन्त वसन लगाई विपिन रमाए युगल हाँसले ताल सजाए। रविका रङले रजनी भागे मधुमय मनमा मोहन जागे।।१ अतुलित राम्रा शोभित खास पुष्पित प्यारा वाग बगैँचा। मोहित पार्ने रङिला झुप्पा वृक्ष लता छन् लठ्ठ झुलेका।।२ निर्जन वनमा छहरा धुनले मयुख र पुतली साथ चराले। मस्त सखी सित फागु फुराई मोहन छर्छन् रास रचाई।।३ मसिना कीरा, भमरा किथ्रा ब्यस्त सबैको कर्म विचित्र। हेर्दै प्रमुदित धरणी आज नवल किशोरी झै अति खास!!४ ¤¤¤¤¤ गंगा भण्डारी¤¤¤¤¤
शीतलपाटीन्युज डटकम। काठमाडौँ । कवि गोमा रानाको कवितासङ्ग्रह "सात समुन्द्रपारिबाट’"लोकार्पण भएको छ। ललितपुरको मानभवनस्थित बीएफबीएस रेडियोको स्वर्णिम संगमको कार्यक्रमबाट शुक्रबार पुस्तक लोकार्पण गरिएको हो । पुस्तकमा "म खोजिरहेछु" सहित ७१ वटा कविता संग्रहित छन्। उनका श्रीमान् तथा मगर संघ युकेका निवर्तमान अध्यक्ष सुनिल राना पुस्तकको प्रकाशक रहेका छन्। समाजसेवा तथा पत्रकारिता गर्दै आएकी रानाले बीएफबीएस रेडियो ब्रुनाईमा रहेर पनि कार्यक्रम सञ्चालन गरेकी थिइन् । यस्तै, उनले रेडियो बीजीडब्ल्यूएसमा पनि काम गरेकी थिइन् । स्याङ्जाको गल्याङ नगरपालिका-३ मा जन्मिएकी गोमाले पाल्पा बहुमुखी क्याम्पसबाट प्रमाणपत्र तह पास गरेकी थिइन् ।हाल बेलायतको फानबोरोमा बस्दै आएकी गोमा फोनिज युकेको पूर्वअध्यक्ष, मगर संघ युकेको पूर्वट्रस्टी हुन्। सामाजीक काममा सक्रिय गोमा पत्रकार महासंघ बेलायत शाखामा पनि आबद्ध छिन्।
शीतलपाटीन्युज डटकम, लण्डन। एउटा गजल- हेर दिन ढल्यो,हेर दिन ढल्यो झम्मकै साँझ पर्यो , एक दिन तिमी नबोल्दा यो दिल बिमार हुन्छ, लुकाउन खोज्दा पनि आँसु नखसेको होईन , मैले त गीत सुनाएँ तिमीले कथा सुनेछौं उ जितेर गइ या हारेर गइ नतिजा आफैतिर पारेर गई, हिजो निम्ता दिई बांच्न दिलमा बरु हास्नु म मर्दा , नरुनु म मर्दा, न हेर्नु मेरो लास , रुदै आँसु पुत्रदा म मर्दा भगवान कसम भगवान कसम भगवान कसम तिमीलाई माया गर्ने बानी बस्यो, यो मायाले मलाई गर्नु गर्यो . कहिले काहीं मनका कुरा हामीलाई पनि भनन रात ढल्छ,तारा गन्दै,दिन बिताइए यहाँ गार्हो छ ,जिबन बिताउन सार्हो छ नपिएको जस्तो गर्छौ आफु छेउमै बसेर, पिलायो आफ्नै जवानी बोतलमै पसेर,हल्का नशा चढडै छ नजर तिमीमा गडदै छ । यस्तै तेस्तै शास्त्रीय गीत संगीत गजलै गजलको भरपुर मनोरन्जन प्रस्तुतीकार ख्याति प्राप्त कलाकार Tilak Singh Pela र Raj Sigdel लन्डन। युकेमा तिलकसिंह पेला र राज सिग्देल गजल साँझ हुने भएको छ।बुद्धिस्ट गुम्बा रिडिङ युकेको सहयोगार्थ आगामी मार्च ३१ मा पेला र सिग्देलको साथ ‘च्यारिटी डिनर गजल साँझ’ हुने भएको कुरा गुम्बाका महासचिव कमल गुरुड्गले जानकारी दिनु भयको छ। ३१ मार्च बेलुका १७:३०मा इम्पायर ब्यांक्वेटिङ हल अल्डरसटमा कार्यक्रम हुने बताइएको छ । कार्यक्रमका लागि टिकट मूल्य साधारणतर्फ ४० र भीआईपीतर्फ १०० पाउन्ड तोकिएको छ। टिकट अग्रिम बुकिङ गर्न पनि सकिनेछ। पेलाको 'के लत बस्यो मलाई' गजल पछिल्लो समय चर्चामा छ। सिग्देलका भने 'उ जितेर गई', 'यो माया हराएको शहर'लगायत चर्चित गजल प्रस्तुत गरिने कार्यक्रम छ। यस्तै,कार्यक्रमका बारेमा बुझ्न परेमा सम्पर्क व्यक्ति कार्यक्रम संयोजक चन्द्रमान गुरुङ र महासचिव कमल गुरुङ (07588 242398) संग सम्पर्क गर्न सकिने छ।
मेरो पनि एउटा जागीर थियो, काठमाण्डौ। मेरो पनि, एउटा जागीर थियो जागिर छउन्जेल देखावटी मान थियो दृश्य - अदृश्य सान थियो एउटा निश्चित धरातल थियो एउटा परिवेश थियो समय संग चल्नु पर्ने गतिशीलताको कडा नियम थियो। जब जागिर रहेन तब, देखावटी मानहरु अदृश्य हुँदै गए सानहरु अस्ताउदै गए धरातलहरु भासिदै गए गतिशीलताका नियमहरु क्रमश : तोडिदै गए। जागीर, अलिकति उमंग थियो अलिकति जरुरत थियो अलिकति संयोग थियो जगतलाइ नियाल्न सकिने एउटा कलात्मक आखीझ्याल थियो। जागिरे साथिहरु, कोही युद्धमा ढले देशसंग खुसी साट्न नसक्नेहरुले बिदेशी भुमी रोजे आशीर्वाद भित्र भबिस्य देख्नेहरुले मुल कर्तब्य भुले कर्मको भर पर्नेहरु क्रमश: किनारा तर्फ झरे। जागीर, मात्रै, जागीर थिएन एउटा पद्धति भित्रको बिशेष अनुभुति थियो जिउने एउटा सहरा थियो समाजको रखबारी थियो अपराधीहरु उपर निरन्तर खबदारी थियो। जागीरले, केही लिएर पनि गयो केही दिएर पनि गयो जागीरले, जिबनको अमुल्य समय लिएर गयो यौवन र उर्जाशिल दिनहरु ढलाएर गयो असंख्य रहरहरु गलाएर गयो साथ साथै ,जागीरले देश भित्रका भूगोलहरु डुलाएर गयो समाजभित्रको भिन्न भिन्न चरीत्र बुझाएर गयो कानुनका केही दफाहरु सिकाएर गयो समय समयमा बिदेशी भुमीसँग साक्षात्कार गराएर गयो देश भित्रका, भ्रष्ट र भष्मासुरहरुको धेरै धेरै रुपहरु देखाएर गयो उमेरका शृङ्खलाहरु ढलाउदै गयो। हो , मेरो पनि एउटा जागीर थियो। (कृष्णकान्त अधिकारीको फेसबुकवालबाट साभार)
शीतलपाटीन्युज डटकम। काठमाडौं। भजन शिरोमणि उपाधिले सम्मानित वरिष्ठ गायक तथा संगीतकार भक्तराज आचार्यको ८२ वर्षको उमेरमा निधन भएको छ। आचार्यको सोमबार अस्पताल लैजादैं गर्दा बाटोमै निधन भएको पारिवारिक स्रोतले जनाएको छ। अक्सिजन लेभल घटेपछि मेडिसिटी अस्पताल लैजाने क्रममा उनको निधन भएको हो। विसं १९९९ साल असोज १६ मा जन्मिएका आचार्य स्वरसम्राट नारायण गोपालका समकालीन गायक हुन्। उनले नेपाली सुगम संगीतमा विशिष्ट योगदान पुर्याएका छन्। आचार्यका ‘जहाँ छन् बुद्धका आँखा’, ‘मुटु जलिरहेछ’,‘जति चोट दिन्छौ’,‘हजार सपनाहरूको माया लाएर आउँछ’, ‘माया मेरी साँझ बिहान’, ‘हजार आँखा हेर्ने’ लगायतका थुप्रै गीत लोकप्रिय छन्। आचार्यले झन्डै ४ सय गीतमा स्वर तथा संगीत दिएका छन्। स्वास्थ्य समस्याका कारण पछिल्लो तीन दशकयता भनेरै उनले गाउन सकेका थिएनन्। स्वर्गीय आचार्यको पार्थिव शरीरलाई मंगलबार बिहान ९ बजे संगीत तथा नाट्य प्रज्ञा प्रतिष्ठानको परिसरमा अन्तिम श्रद्धाञ्जलीका लागि राखिने बताइएको छ। स्वर्गीय आचार्यका दुई छोरा सत्य र स्वरुप आचार्य पनि गीत/संगीतमै सक्रिय छन्।
शीतलपाटीन्युज डटकम। काठमाण्डौं। यही फेव्रवरी १६ तारिख २०२४ तदनुसार फाल्गुण ४ गते शुक्रवार २०८० मा नेपाली समय सांझ पाँच तीसबजे डायस्पोरामा नेपाली संस्कृति र सम्पदा” पुस्तक लोकार्पण भयो । नेपाल प्रज्ञा प्रतिष्ठानका पूर्वकुलपति साहित्यकार प्राध्यापक गंगाप्रसाद उप्रेतीको प्रमुख आतिथ्यमा कार्यक्रम भएको थियो। गैरआवासीय नेपाली संघ अन्तर्राष्ट्रिय समन्वय समितिका अध्यक्ष डाक्टर बद्री के सीको अध्यक्षतामा भएको कार्यक्रममा संस्कृति तथा सम्पदा विभागका संयोजक तथा वर्तमान एनआरएनएका सल्लाहकार गोविन्दप्रसाद गौतमले कार्यक्रमको परिचय दिँदै स्वागत गर्नु भएको थियो। गैरआवासीय नेपाली संघ संस्कृति तथा सम्पदा समिति २०२१ – २०२३ का दुई महत्वपूर्ण कार्यहरू थिए। जसमा प्रवासमा छरिएर रहेका प्रतिभावान गायकहरूलाई गायन प्रतियोगिता एनआरएन द सिङ्गर्स्ग राउने। डायस्पोरामा रहेको नेपाली संस्कृति र सम्पदालाई अभिलेखिकरण गर्ने। गतबर्ष २०२३को अक्टोवर महिनामा सम्पन्न एनआरएन द सिंगर्सले एउटा ऐतिहाँसिक कार्य गरेको छ। त्यस्तै गरेर डायस्पोरामा नेपाली संस्कृति र सम्पदाको पुस्तकको प्रकाशन गरी लोकार्पण भएको छ। कार्यक्रममा विमोचित पुस्तकको लोकार्पणमा सम्म आइपुग्दाका बिभिन्न चरणका बारेमा उत्तरअमेरिकाका संयोजक सुरेन उप्रेतीले प्रकाशन पार्नु भएको थियो। सन २०१९ अक्टोवरमा बिभागको स्थापना भइ प्रथम बैठकबाट सल्लाहकार श्री कृष्णप्रकाश श्रेष्ठ, एशिया प्यासिफिकका संयोजक डा लेखनाथ काफ्ले र सुरेन उप्रेतीलाई यो पुस्तक प्रकाशनको जिम्मा दिइएको थियो। बिभागको स्थापना लगतै कोभिड १९को महामारीले सन्सारलाई त्राहिमाम बनायो। यो महामारीले डायस्पोरामा नेपाली संस्कृति र सम्पदाको अनुसन्धान र अध्ययनलाई समेत प्रभावित बनायो। यतीकैमा साहित्यकार अनुवादक कृष्णप्रकाश श्रेष्ठ बिरामी पर्नु भयो। बिरामी श्री कृष्णप्रकाश श्रेष्ठले मार्च २९ । २०२१ का दिन महाप्रस्थान गर्नु भयो। यसले समितिलाई अझ मर्माहत बनायो। पूर्व अध्यक्ष साहित्यकार जीवा लामिछाने ,पूर्वकोषाध्यक्ष हिक्मत थापा र सुरेन उप्रेतीको सल्लाहमा दिवंगत कृष्णप्रकाश श्रेष्ठको सम्मान र सम्झनामा पुस्तक प्रकाशन गर्ने निर्णय भयो। जसलाई साकार बनाउन गोविन्दप्रसाद गौतम, डाक्टर मनमूर्ति भुर्त्याल,नेपाल प्रज्ञाप्रतिष्ठानका काव्य विभाग प्रमुख साहित्यकार प्रा डा हेमनाथ पौडेलले पुस्तक प्रकाशनमा अहम भूमिका निर्वाह गर्नु भएको थियो। सम्झनामा कृष्णप्रकाश श्रेष्ठ नामक पुस्तकको सल्लाहकार सम्पादकमा प्राडा हेमनाथ पौडेल र साहित्यकार जीवा लामिछाने हुनु हुन्छ। सम्पादकमा सुरेन उप्रेती हिक्मत थापा र डा.मनमूर्ति भुर्त्याल रहनु भएको समूहले पुस्तक प्रकाशन
शीतलपाटीन्युज डटकम। लण्डन। अन्तर्राष्ट्रिय नेपाली साहित्य समाज (अनेसास) बेलायत च्याप्टरले अंग्रेजी नयाँ वर्ष २०२४ को उपलक्ष्यमा शुभकामना आदान प्रदान,नेपाली साहित्यका ६ जना मूर्धन्य साहित्यकारहरुको सम्झना,अनेसास बेलायतका सदस्यहरुको हालै प्रकासित कृतिहरुको विमोचन तथा कृतिकारहरुलाई सम्मान कार्यक्रम सम्पन्न गरेको छ। आइतबार लण्डनको प्लमस्टिड स्थित साउथ इष्ट तमुधी ईकाइको हलमा सम्पन्न उक्त कार्यक्रममा कविशिरोमणि लेखनाथ पौड्याल,नेपाली आधुनिक चित्रकलाका पिता तथा साहित्यकार लैनसिंह वाङदेल, नेपाली गीत तथा संगीतका प्रसिद्ध व्यक्तित्व मास्टर मित्रसेन थापा मगर, आधुनिक नेपाली संगीतका पिता अम्बर गुरुङ,नेपाली प्रगतिवादी तथा पृथक धारका कविताका लोकप्रिय कवि भूपी शेरचन र स्वर सम्राट नारायण गोपालको तस्बीरमा पुष्प अर्पण गर्दै स्मरण गरियो। अनेसास बेलायतले अनेसासका कोषाध्यक्ष प्रतिमा केसी ‘प्रवासी’ को हालै प्रकासित मुक्तक संग्रह “प्रवासी मन”, समाजका सदस्य जीत बहादुर बुढाथोकी छन्त्यालको मुक्तक संग्रह “यानीमाया” र डा. रुपक श्रेष्ठ सम्पादित “सरुभक्तका मुक्तकहरु” को संयुक्त रुपमा विमोचन सम्पन्न गरेको हो। उक्त कार्यक्रममा स्रष्टाहरुलाई कार्यक्रमका प्रमुख अतिथि रोयल बरो अफ ग्रीनविचका डेपुटी मेयर जीत रानाभाट र भूपी शेरचनका समकालीन साहित्यकार तथा बेलायतका आँखा रोग बिशेषज्ञ डा. बीरेन्द्र अमात्य, सल्लाहकारद्वय डा. रुपक श्रेष्ठ र सुमल कुमार गुरुङ, अनेसासका अध्यक्ष राज श्रेष्ठ र कार्यक्रम संयोजक माया गुरुङले फूलमाला तथा खादाले स्रष्टाहरुलाई सम्मान गरेका थिए। त्यसै गरी अनेसासका सदस्य तथा साहित्यकार संगीता स्वेच्छालाई महिलाहरुको हक तथा अधिकार बारे गरिएको योगदानको सम्मान गर्दै युनिभर्सल पिस फेडेरेसन बेलायतले पिस एम्बासडर घोषणा गरेकोमा उनलाई सम्मान गरिएको थियो। अनेसास बेलायतले विगत एक दशकदेखि वर्षेनी गर्दै आएको स्रष्टा स्मृति दिवस यसपटक उपाध्यक्ष माया गुरुङले संयोजन गरेकी थिइन्। अनेसास अध्यक्ष राज श्रेष्ठको अध्यक्षतामा तथा रोयल बरो अफ ग्रीनविचका डेपुटी मेयर जीत रानाभाट प्रमुख अतिथि रहेको सो कार्यक्रमको पहिलो चरणको कार्यक्रम समाजका सदस्य कुमार केसीले तथा दोस्रो चरणको कार्यक्रम सहित्यकार अहिल्या कुँवरले गरेका थिए भने कार्यक्रम संयोजक तथा समाजका उपाध्यक्ष माया गुरुङले सम्पूर्ण सहभागीलाई स्वागत गरेकी थिइन्। स्थानीय विभिन्न संघसंस्थाको उपस्थिती रहेको कार्यक्रममा अनेसासका सल्लाहकार डा. रुपक श्रेष्ठले कार्यक्रमको औचित्य तथा साहित्यकारहरुको व्यक्तित्व बारेमा संक्षीप्त चर्चा गरेका भने अर्का सल्लाहकार सुमलकुमार गुरुङले शुभकामना मन्तव्य राखेका
शीतलपाटीन्युज डटकम। अल्डरसट,युके। परदेश रहे पनि आफ्ना भाषा, कला, संस्कृति र परम्पराको जगेर्ना गर्न नेपालीहरु पछि परेका छैनन भन्ने कुरा समाचारहरुमा पढ्न, देख्न पाइएको कुरा छर्लड्गै छ। यसै प्रसंड्गसंगै बेलायतमा नेपालीहरुको राजधानी मानिने रसमोर बरो काउन्सीलको अल्डरसट भन्ने ठाउमा नेपाली भाषा कक्षा संचालनमा आउदै रहेको समाचार शीतलपाटीन्युज डटकमलाई प्राप्त भयको छ। ग्रेटर रसमोर नेपाली कम्युनिटी युके च्यारीटी रजिस्ट्रेसन ११०६६३२ ले नेपाली भाषा कक्षा संचालन गर्न लागेको कुरा नेपाली कम्युनिटीका अध्यक्ष मान गुरुड्गले जानकारी दिनु भयको छ।सो नेपाली कक्षा Suit 4, Greyholme,Victorira Road,Aldershot, GU11 1SJ मा हरेक आईतबार १० बजे देखी ३ महिना सम्म हुने कार्यक्रम छ। नेपाली भाषा पढाउने दुईजना शिक्षकको ब्यबस्था गरिएको सो नेपाली कक्षामा एउटा कक्षाको ८ पौण्ड फि राखीएको कार्यक्रममा महिनाको ३२ पाउण्ड फि लिईने र अध्ययनका लागी बिध्दाथीहरु भर्ना भै रहेको जानकारी पनि अध्यक्ष गुरुड्गले दिनु भयको छ। सो नेपाली भाषा कक्षामा भर्ना हुन र आवस्यक कुरा बुझ्न ग्रेटर रसमोर नेपाली कम्युनिटीका उपाध्यक्ष डा बिशाल गुरुड्ग 07512612279, उपाध्यक्ष जीत मन्याड्गबो 07786372784,सह कोषाध्यक्ष सुमन पुन 07852566720,सहायक मिडीया सेक्रेटरी गोमा राना 07877255869 सम्पर्क गर्न सक्नु हुनेछ।
शीतलपाटीन्युज डटकम। काठमाण्डौ।यसबर्षको तुलसीमान श्रेष्ठ लोकसाहित्य सम्मान कुसुमाकर न्यौपानेलाई प्रदान गरिने भएको छ। तुलसीमान श्रेष्ठ स्मृति समाजले मंगलबार प्रेस विज्ञप्ति जारी गरी यसबर्षको सम्मान लोकसाहित्य अनुसन्धानमा दशकौंदेखि निरन्तर लागिरहेका नेपाली लोकगीतका अनुसन्धानदाता प्राध्यापक डाक्टर कुसुमाकर न्यौपानेलाई प्रदान गर्ने जनाएको हो। २५ हजार नगदसहित सम्मान गरिने सो कार्यक्रम आउँदो मंसीरको २३ गते नेपाल प्रज्ञा प्रतिष्ठानमा एक समारोहका बीच प्रदान गर्ने कार्यक्रम रहेको तुलसीमान श्रेष्ठ स्मृति समाजका निरजमान श्रेष्ठले जानकारी दिएका छन।२०१७ सालमा पर्वत जिल्ला पैयुँ गाउँपालिका ६,सरौँखोला, डाँडाकाहुँमा जन्मेका न्यौपाने त्रिभुवन विश्वविद्यालय अन्तर्गत पृथ्वीनारायण क्याम्पस पोखराको प्राध्यापक थिए। उनका कास्की जिल्लामा प्रचलित लोकगीतमा वृक्ष,वनस्पती र वन (२०४९), गोपीचन लोकनाटक (२०६५), लोकरामायण(२०६५),कस्केली जातजाति र उखान(२०६९),दशावतार बालन लोकनाटक कृतिहरु प्रकाशित छन्। यसअघि अघिल्लोबर्ष सो पुरस्कार लोक संस्कृतिविद प्राध्यापक तुलसी दिवशलाई प्रदान गरिएको थियो।त्यस्तै २०७८ मा लोक गायिका ज्ञानुराणा, त्यसअघि २०७७ मा लोक तथा देउडा गायक श्री नन्दकृष्ण जोशीलाई,२०७६ मा संस्कृतविद् सत्यमोहन जोशीलाई र २०७५ मा भाषा वैज्ञानिक तथा लोक साहित्यविद् प्राध्यापक डाक्टर चूडामणि बन्धुलाई प्रदान गरिएको तुलसीमान श्रेष्ठ स्मृति समाजका श्रेष्ठले जानकारी दिएको हो। लोकगीत तथा लोकसंस्कृतिको क्षेत्रमा अध्ययन अनुसन्धान गर्दागर्दै क्यान्सर रोगका कारण २०७३ सालमा निधन भएका तुलसीमान श्रेष्ठको स्मृतिमा सो सम्मान स्थापना गरिएको हो। गोरखाको पहिलो समाचारमुलक पत्रिका दरौँदीका संस्थापक सम्पादकका रुपमा काम गरेका श्रेष्ठले गोरखा,तनहूँ,नेपालगञ्ज,काठमाडौँका क्याम्पसमा प्राध्यापन गरेका थिए। श्रेष्ठका गोरखाली लोक साहित्य,हिन्दू धर्ममा नारी,पुस्तान्तर कथा संग्रह, नेपाली लोक गीत : परिचय र बिश्लेषण,झ्याउरे गीतको अध्ययन र अधकल्चो जीवन लगायतका पुस्तकहरु प्रकाशित छन्।त्यस्तै विजय मल्ल स्मृति ग्रन्थ, र विजय मल्ल स्मारिका लगायतका कृति सम्पादन पनि गरेका थिए। (दरौदी दैनिकबाट साभार)
सुरेशजङ्ग शाह संस्थापक तथा निवर्तमान अध्यक्ष नेपाली साहित्य विकास परिषद युके स्थापित १९९५ (२०५१विसं),लण्डन 'म कोसोभोको युद्धमा शान्ति सुरक्षामा जानेदिनमा बिहान सबेरै उठेँ। छोरीहरू सुतेका थिए। जमुना मसँगै उठेकी थिइन्। युद्धमा जानका लागि उर्दी लगाएँ। सुतेकाछोरीहरूलाई म्वाइँ खाएँ। छोरीहरूलाई छोएर भनेँ, छोरीहरू हो ! यदि युद्धमा मेरो मृत्यु भएछ भने तिमीहरूसँग अर्को जुनीमा अर्थातस्वर्गमा भेट होला। जमुनाको पनि हात समातेर भने, यदि मेरोमृत्यु भएछ भने छोरीहरूको लालनपालन राम्रोसँग गर्नु। राम्रोशिक्षादीक्षा दिनु। तिम्रो शरीरको ख्याल गर्नु। मेरो इन्सोरेन्सगरेकोछु। इन्सोरेन्सबाट पैसा आउँछ। काठमाडौँमा घर छ। मेरोपेन्सन आउँछ। राम्रोसँग घर चलाउनु। छोरीहरूको राम्रोसँग कर्मचलाइदिनु। यदि तिमीलाई अर्को विवाह गर्ने इच्छा भयो भने पनिअर्को विवाह गरेर सुखका साथ जिन्दगी विताउनु।' युद्धका बेला बारुद र बमगोलासँग खेल्ने सैनिकजीवनको पारिवारिक विदाइको त्यो क्षण कस्तो कारुणिक होलाहामीले अनुमान मात्र गर्नसक्छौँ तर स्वयम् सैनिकको त्यो क्षणकोमन र मुटुको अनुभूति यी माथि उद्दृत गरिएका पङ्क्तिहरूमाअभिव्यक्त गरेका छन् लेखक पूर्व गोर्खा सैनिक दूत गर्बुजा पुनअर्थात साहित्यकार चिम्खोले काइँलाले आफ्नो जिवनी'लोसोगोठदेखि बकिङ्घम प्यालेससम्म' पुस्तकमा। चार सयसत्ताइस पेजको पुस्तकमा ८९ शीर्षकमा आफ्नो जीवनी उतारेका जिवनीकार चिम्खोले काइँला अर्थात दूत गर्बुजा पुनले आफ्नोलेखकीय शिल्प बढो रोचकरूपले उत्सर्ग उत्सुक्ता रकलाइमेक्सको फ्युजन गरेर पाठक वर्गको मनमा यसपछि अव केहुन्छ (?) भन्ने एउटा कौतुहल्ता उब्जाउन सफल रहेका छन्। जुनशिल्प जिवनी लेखनको उत्कृष्ट कला हो। नायकको केन्द्रविन्दुमा खलनायक र अन्य पात्रहरू चलायमान बनाएका छन् ।घटना परिघटनाहरू एक पछि अर्को रोचकरूले प्रस्तुत गरेका छन्। पढ्दापढ्दै कतै वेदनाले गह भरिने त कतै ओँठमा फिसिक्कहाँसो फुस्कने लेखन कौसलतामा घटनाक्रमहरूलाई संप्रेशण गर्न लेखक सफल छन्। जस्ले गर्दा पाठक वर्गलाई कसैको जिवनीपढिरहेको भएपनि कुनै सत्य घटनामा आधारित उपन्यासपढिरहेको अनुभूति हुन जान्छ वा कुनै चलचित्र हेर्दा प्रदामा दखिनेदृश्य आँखामा झल्किरहेको भान पर्दछ। यो लेखकको सबल पक्षहो। सर्जक साहित्यकार, पत्रकार,
सुरेशजङ्ग शाह संस्थापक तथा निवर्तमान अध्यक्ष नेपाली साहित्य विकास परिषद् यूके स्थापित १९९५ (२०५१विसं), लण्डन 'म कोसोभोको युद्धमा शान्ति सुरक्षामा जानेदिनमा बिहान सबेरै उठेँ । छोरीहरू सुतेका थिए। जमुना मसँगै उठेकी थिइन्। युद्धमा जानका लागि उर्दी लगाएँ। सुतेकाछोरीहरूलाई म्वाइँ खाएँ । छोरीहरूलाई छोएर भनेँ, छोरीहरू हो ! यदि युद्धमा मेरो मृत्यु भएछ भने तिमीहरूसँग अर्को जुनीमा अर्थातस्वर्गमा भेट होला । जमुनाको पनि हात समातेर भने, यदि मेरोमृत्यु भएछ भने छोरीहरूको लालनपालन राम्रोसँग गर्नु। राम्रोशिक्षादीक्षा दिनु। तिम्रो शरीरको ख्याल गर्नु। मेरो इन्सोरेन्सगरेकोछु। इन्सोरेन्सबाट पैसा आउँछ। काठमाडौँमा घर छ। मेरोपेन्सन आउँछ। राम्रोसँग घर चलाउनु। छोरीहरूको राम्रोसँग कर्मचलाइदिनु। यदि तिमीलाई अर्को विवाह गर्ने इच्छा भयो भने पनिअर्को विवाह गरेर सुखका साथ जिन्दगी विताउनु।' युद्धका बेला बारुद र बमगोलासँग खेल्ने सैनिकजीवनको पारिवारिक विदाइको त्यो क्षण कस्तो कारुणिक होलाहामीले अनुमान मात्र गर्नसक्छौँ तर स्वयम् सैनिकको त्यो क्षणकोमन र मुटुको अनुभूति यी माथि उद्दृत गरिएका पङ्क्तिहरूमाअभिव्यक्त गरेका छन् लेखक पूर्व गोर्खा सैनिक दूत गर्बुजा पुनअर्थात साहित्यकार चिम्खोले काइँलाले आफ्नो जिवनी'लोसोगोठदेखि बकिङ्घम प्यालेससम्म' पुस्तकमा। चार सयसत्ताइस पेजको पुस्तकमा ८९ शीर्षकमा आफ्नो जीवनी उतारेका जिवनीकार चिम्खोले काइँला अर्थात दूत गर्बुजा पुनले आफ्नोलेखकीय शिल्प बढो रोचकरूपले उत्सर्ग उत्सुक्ता रकलाइमेक्सको फ्युजन गरेर पाठक वर्गको मनमा यसपछि अव केहुन्छ (?) भन्ने एउटा कौतुहल्ता उब्जाउन सफल रहेका छन्। जुनशिल्प जिवनी लेखनको उत्कृष्ट कला हो। नायकको केन्द्रविन्दुमा खलनायक र अन्य पात्रहरू चलायमान बनाएका छन् ।घटना परिघटनाहरू एक पछि अर्को रोचकरूले प्रस्तुत गरेका छन्। पढ्दापढ्दै कतै वेदनाले गह भरिने त कतै ओँठमा फिसिक्कहाँसो फुस्कने लेखन कौसलतामा घटनाक्रमहरूलाई संप्रेशण गर्न लेखक सफल
शीतलपाटीन्युज डटकम। २ मंसीर, काठमाण्डौ। मुक्तककार प्रतिमा केसी ‘प्रवासी’को मुक्तक संग्रह “प्रवासी मन” मंगलवार नेपाल प्रज्ञा प्रतिष्ठान काठमाण्डौमा एक भव्य समारोहका बिच लोकार्पण गरिएको छ। प्रज्ञा भवनको लेखनाथ कक्षमा खचाखच भरिएका साहित्यकार तथा आफन्तजनहरु बिच आयोजित कार्यक्रममा वरिष्ठ साहित्यकार उषा शेरचनले कृतिको लोकार्पण गरेकी हुन्। नेपाल मुक्तक प्रतिष्ठान बेलायतले प्रकाशन गरेको उक्त कृतिमा केसीले करिव एक दशकको अवधिमा सिर्जना गरेका उनका प्रकाशित तथा अप्रकाशित गरी जम्मा १११२ मुक्तकहरु अटाएका छन्। विमोचन कार्यक्रममा प्रमुख अतिथि उषा शेरचनले यो कृति मुक्तकको एउटा महाग्रन्थ भएको र यसका सर्जक नेपाली भावना बोकेकी एउटा शसक्त डायस्पोरिक नारी हस्ताक्षर भएको कुरा बताईन।बेलायतमा बसोबास गर्ने साहित्यकार प्रतिमा प्रवासीले नेपाली मुक्तक साहित्यमा बेजोड कृति पस्केर एउटा फरक पहिचान स्थापित गरेको चर्चा गरिन। नेपाल मुक्तक प्रतिष्ठान बेलायतका सल्लाहकार तथा प्रवासी मन कृतिका भूमिका समेत लेखेका डा. रुपक श्रेष्ठले मुक्तककार प्रतिमा केसी ‘प्रवासी’को ब्यक्तित्व र कृतित्व बारेमा चर्चा गर्दै यसमा संग्रहित सबै मुक्तकहरु आफूले पढेको र ती सबै अत्यन्तै स्तरीय र पठनीय रहेको चर्चा गरे। हजारौं मुक्तक प्रतिमा प्रवासीसंग संचित रहेको तर अंग्रेजीमा आफ्नो जन्म गते र महिनालाई ( ११ डिसेम्बर) बुझाउने सांकेतिक अर्थमा १११२ मुक्तक समावेश गरेको कुरा चर्चा गरे। साहित्यकार तथा पुस्तकका समिक्षक ज्ञानु अधिकारीले कृतिको बिस्तृत रुपमा परिचर्चा गर्दै नाम प्रवासी मन राखिएको छ तर यसले घरदेशको राजनीतिक अवस्था, सामाजिक चेतना, नारीका वेदना, परदेश रहँदा घरदेशको संझना, गाउँघरको संझना, अध्यात्म चेत, सिंगो जीवन र जगतको बिषय बोलेको एउटा संग्रहनीय कृति रहेको चर्चा गरिन। उक्त कृतिका सर्जक प्रतिमा केसी प्रवासीले परिवारजनको हौसला, मुक्तक प्रेमीहरुको साहित्यिक संगत र मेरो आफ्नो निरन्तरको लगनले मेरो दोश्रो साहित्यिक सन्तानको जन्म संभव भएको कुरा बताइन। उनले आफ्नो कृतिबाट करिव आधा मार्मिक र रसिला मुक्तकहरू वाचन गरिन र आयोजक, भूमिका लेखक, शुभकामना लेखक, अग्रज साहित्यिकारहरू र उपस्थित आफन्तजनलाई धन्यवाद समेत दिएकी थिईन। कृति बारे आफ्नो शुभकामना मन्तव्य - राख्दै बरिष्ठ साहित्यकार रमेश पौडेलले यस कृतिको सम्पादन गर्ने क्रममा सम्पूर्ण मुक्तकहरु आफूले पढेको र यसले पोखरा घोषणालाई आत्मसात् गरेको बताए। जसरी एउटा
शीतलपाटीन्युज डटकम। किसन राईको स्वरमा रहेको गीत ‘यो मन मेरो दोमन भो’ सार्वजानिक भएको छ । दिनेश ‘काजी’ बान्तावाको सङ्गीत, सञ्चारकर्मी अमरध्वज लामाको शब्द र देबेश राईको एरेञ्ज, मिक्सिङ÷माष्टरिङ रहेको गीतको भिडियो सार्वजनिक भएको हो । भीमफेदी गाईजका निर्मलकुमार लामा (बिजी)ले निर्देशन गरेको गीतको भिडियोमा एलिसा राई, निर्मलकुमार लामा, मन्जित वाईबा,अन्जान मोक्तान कान्छा र गायक किसनको अभिनय छ ।सेवा रेकर्डिङ्गमा रेकर्ड गरिएको गीतको भिडियो किसन राई अफिसियलबाट सार्वजनिक गरिएको हो। पवन सुस्लिङको छायांकन,सम्पादन र कलरिङ रहेको भिडियोमा डोल्मोको सौन्दर्यता र जीवनशैलीलाई मन पराउने भिन्न भिन्न उमेर समूहका युवाहरूको डोल्मोप्रतिको आकर्षणलाई बिषय बस्तु बनाइएको छ। गायक किसन राई बेलायत (गोर्खा) सेनामा बिगत लामो समयदेखि सेवारत छन्। उनको पहिलो गीती एल्बम (JOON) सन् 2004 मा बजारमा निकालेको थियो। गायक बेलायतमा बिभिन्न सांगीतिक तथा सांस्कृतिक कार्यक्रमहरू आयोजना गर्नको साथै सामाजिक काममा अभियान्ताको रूपमा पनि सक्रिय छन्।
Ganga Bhandari Poem Writee “Life" I’m counting every second Waiting for the day unknowingly. I always think of three words: yesterday, today and tomorrow And wanting more and more. I don’t know why, This desire has been stretching endlessly So that I’m running behind it continuously Nevertheless, I’m not sure I may or may not be satisfied. But I am pretty sure, I must have left everything, When the time comes, I have to go beyond the world, Even, I may not get chance to say bye. (08/10/23,Sunday)
-कोमल मल्ल लन्डन ६ नोभेम्बर, बेलायतमा रहेका नेपालीहरूको सबै भन्दा जेठो साहित्यिक संस्था नेपाली साहित्य विकास परिषद् यूके. द्वारा ११४औं महाकवि देवकोटा जयन्ती ,प्रवचन,कविता वाचन,गीतसङ्गीत प्रस्तुति र पुरस्कार सम्मानलगायतका कार्यक्रमहरू गरी भव्यरूपमा मनाइयो।पश्चिम लन्डन एकटन स्थित एबीआई कलेजमा आयोजित समारोहमा प्रमुख अथितिको आसनबाट समारोहलाई सम्वोधन गर्नुहुँदै परिषद्का पदेन संरक्षक महामहिम नेपाली राजदूत ज्ञानचन्द्र आचार्यले नेपाली साहित्यमा नयाँनयाँ शव्दको उत्पति र छन्द निर्माण महाकविले गरेको चर्चा गर्नु भयो। राजदूत आचार्यले नेपाली साहित्यलाई विश्वस्तरको मानकमा पुर्याउने काम महाकविले गरे जुन हाम्रा लागि गर्वको इतिहास हो भन्नु भयो। राष्ट्रको अभिमान बढाउन लागिपरेका व्यक्क्तित्वहरूलाई यसरी पुरस्कार सम्मान गरेर परिषद्ले राष्ट्रीय भावना र कीर्तित्वलाई प्रोत्साहन पु-याएको उल्लेख गर्नुहुँदै साहित्य तथा सङ्गीत र प्रवचनको मिश्रण रहेको आजको देवकोटा जन्मजयन्ती कार्यक्रमले भावि पुस्तालाई समेत प्रेरणा पुर्याउने कुराको चर्चा गर्नु भयो। समारोहमा परिषद्का वरिष्ठ प्रमुख सल्लाहकार तथा यती संस्थाका पूर्व अध्यक्ष डा.राघवप्रसाद धिताल ओबिईले महाकवि लक्ष्मी प्रसाद देवकोटा नेपालका अमूल्यनिधि हुन् जस्ले भाषा साहित्यिको शिखर उच्च मात्र पारेनन् शिक्षा मन्त्री समेत भएर अन्तराष्ट्रीय स्तरमा नेपालको प्रतिनिधित्व समेत गरेर राष्ट्रको ख्याति र प्रभाव बढाएका थिए भन्नुभयो। डा. धितालले बेलायतमा नेपाली भाषा साहित्य कलाजस्ता नेपाली पहिचानहरूलाई जिवन्त राख्न साहित्य विकास परिषद्ले गरेका प्रयासहरू सराहनीय छन् भन्नुभयो। परिषद्का संस्थापक तथा निवर्तमान अध्यक्ष वरिष्ठ साहित्यकार सुरेशजङ्ग शाहले महाकवि देवकोटाको कारणले नेपाल विश्व साहित्य क्षेत्रमा तुलनात्मक रूपमा अरू ठूला देशहरू माझ गनिने गरेको छ भन्नुहुँदै महाकवि देवकटा बेलायतका सेक्सपियर्स र मिल्टन लगायतका विश्वका अतिविशिष्ट सिमित साहित्यकारहरू मध्य एक थिए भन्नु भयो। पुरस्कार र पुरस्कृत व्यक्तित्वहरू बारे प्रकाश पार्नु हुँदै परिषद्का संस्थापक वरिष्ठ साहित्यकार शाहले राष्ट्रको सुरक्षा बोकेका सैनिक व्यक्तित्व नेपाली राजदूतावास बेलायतमा कुट्नितिक सेवामा आएको बेलामा पनि नेपाली भाषा साहित्यको समृद्धिमा परिषद्का साहित्यिक कार्यक्रमहरूमा निरन्तर सहभागिता राखेर राष्ट्रीय एकता र नेपाली पहिचानको भावना फैलाउन प्रोत्साहन पुयाउनु हुने बृगेडियर जनरल रत्न बहादुर गोदार र नेपालको चलचित्र क्षेत्रमा विगत चार दशक देखि अविछिन्न अभिनय कलाद्वारा योगदान पु-याउनु भएका वरिष्ठ कलाकार लक्ष्मणबिक्रम वस्नेतलाई पुरस्कार सम्मानले अभिनन्दन गरिएको चर्चा गर्नुभयो। सभापतिको आसनबाट वोल्नु
शीतलपाटीन्युज डटकम। साउथ इष्ट लण्डन। पासा पुच गुथि युकेले हरेक बर्ष विभिन्न सहरहरुमा बिशेष रुपमा मनाउंदै आईरहेको म्ह पुजा र न्हुदं कार्यक्रम यस बर्ष अझ उल्लासमय तरिकाले मनाउंने समाचार प्रकाशमा आयको छ। सो समाचार पासा पुच गुथि युके साउथ इष्ट शाखाका अध्यक्ष माधवलाल श्रेष्ठले इच्छुक युकेबासी सबैलाई हार्दिक निमन्त्रणा गर्दै सो कार्यक्रम हुने बताउनु भयको हो। बेलायतमा हुर्कंदै गरेका नेपाली बाबु नानीहरुले युकेमा प्रत्येक आईतवार सिक्दै गरेको १२ हप्ते तालिमको धिमे बाजा,कुमारी नाचको सार्वजनिक प्रदर्शन पनि पासा पुच गुथि युकेको यस पटकको कार्यक्रममा South East London मा हुने जनाइएको छ। युकेको सबै स्थानमा हुने कार्यक्रमहरुमा हुने परमपरागत धिमे,धाःबाजा,भैरव गण नाच,विभिन्न लाखे नाच लगायत विविध सांस्कृतिक कार्यक्रमसंग समेबजि भोजको आन्नद पनि लिइने जनाईएको छ। सांस्कृतिक एकता हाम्रो पहिचान हो भन्दै 16:30,November 14 Tuesday 2023 मा हुने Pasa Puchah Guthi South East London को सो कार्यक्रम Asian Community Centre,White Hart Road, Plumstead,London SE18 1DG हुने कुरा पासा पुच गुथि युके साउथ इष्ट लण्डन शाखाका अध्यक्ष Madhav Lal Shrestha 07846 343920 ले बताउनु भयको छ।आवस्यक कुरा बुझ्न परेमा पासा पुच गुथि युके साउथ इष्ट लण्डन शाखाका अध्यक्ष Madhav Lal Shrestha 07846 343920 संग बुझ्न सकिने छ। For Tickets: https://pasapuchahguthi.org/event/mha-puja-2023-cultural-show?location= “भाषा संस्कृति झीगु पौरख । नेपाल संवत् राष्ट्रिय गौरव ।। नेपाल संवत् ११४४ न्हुदँया भिंतुना ।।।”
शीतलपाटीन्युज डटकम। लण्डन। नेपाली कला साहित्य मञ्च,युकेको आयोजनामा ७ अक्टोबर, २०२३ मा सेन्ट साईमन हल, आश्फोर्डमा गंगाराज राई एकल साँझ भब्य रुपमा सम्पन्न भएको छ। लाईभ ब्याण्ड सहित भएको यो साङ्गीतिक कार्यक्रममा नेपाली सङ्गीत प्रेमी दर्शकको बाक्लो उपस्थिती थियो। गायक राईले नेपाली गीत-सङ्गीतको क्षेत्रमा बिताउनु भएको २० वर्षको उपलक्ष्यमा भएको कार्यक्रममा गंगाराज राईले आफ्नो चर्चित गीतहरु प्रस्तुत गर्नु भएको थियो। नेपाली कला साहित्य मञ्च, युकेको संयोजक डा. अनिल राईको अध्यक्षतामा सम्पन्न भएको कार्यक्रमको सुरुवाती संचालन संस्थाका सचिव श्री दीपेन थुलुङले गर्नु भएको थियो भने पछि श्री प्रमिला लाबुङ राईले कार्यक्रम अगाडि बढाउनु भएको थियो। कार्यक्रमको लागि सगरमाथा गोरखा नेपाली समाज आश्फोर्ड र नेपाली कलाकार प्रस्तोता समाज, बेलायतसँग सहकार्य भएको थियो। कार्यक्रममा गायक गंगाराज राईको संक्षिप्त जीवनी पढेर सुनाईएको थियो र सगरमाथा गोरखा नेपाली समाज आश्फोर्डको तर्फबाट गायक राईको २० वर्षे नेपाली साङ्गीतिक यात्राको कदर गर्दै केक काटिएको थियो। नेपाल राजादुतावास बेलायतबाट विशेष प्रतिनिधिको रुपमा श्री गजेन्द्र राईको उपस्तिथी भएको कार्यक्रममा वरिष्ठ गायक तथा संगीतकार दिनेश सुब्बा र वरिष्ठ गीतकार बुद्धबिर लामाको पनि गरिमामय उपस्थिती भएको थियो। नेपाली गीत-सङ्गीतको क्षेत्रमा वहाँहरुले पुर्याउनु भएको योगदानको लागि श्री सुब्बा र श्री लामालाई सम्मान गरिएको थियो। गैर-आवासीय नेपाली संघ, युकेका अध्यक्ष श्री प्रेम गाहा मगर, सगरमाथा गोरखा नेपाली समाज आश्फोर्डका अध्यक्ष डम्बर सिङ्गक लिम्बु, किरात राई यायोक्खा युकेका अध्यक्ष चन्द्र बहादुर राई लगायत युकेमा भएको नेपाली संस्थाहरुबाट प्रतिनिधित्व भएको थियो। साथै, मगर संघ युकेका अध्यक्ष श्रीमती सीता पुन,फोक्स्टोन नेप्लिज कम्युनिटीका अध्यक्ष झपिन्द्र थापा,किरात राई जुम्लेखाका अध्यक्ष शिव राम राई,प्रस्तोता समाज युकेका अध्यक्ष श्रीमती जानुका पुन,सामाजिक कार्यकर्ता तथा एक्टिभिष्ट पदम राई बिईएम,रत्न राई (गायक राजेश पायल राईका बुवा),मेजर रि. दिल कुमार राई,क्या.रि.सुमन चन्द्र राई, गायक सपन कुमार राई, गायक श्री बिसी राई, कलाकारहरु डा.कपिल रिजाल,सनम कुमार बैराग,गीतकार चन्द्रावती राई लगायत नेपाली गीत-सङ्गीतमा लाग्नु भएका र माया गर्नु हुने श्रष्टाहरुको गरिमामय उपस्थिती थियो। लाईभ भएको साङ्गीतिक कार्यक्रमको जीवन्त बाद्यबादकहरुमा प्रसिद्ध संगीतकार गणेश गुरुङ (हार्मोनियम+किबोर्ड), महेश गुरुङ(तबला), थिर थापा (हार्मोनियम+किबोर्ड),ईन्द्र गुरुङ (बाँसुरी+सेक्सोफोन), रेशम
शीतलपाटीन्युज डटकम। लण्डन।नेपाली कला साहित्य मञ्च यूकेले यहि आउँदो मिति ०७ अक्टोबर २०२३ को दिन,इङ्गल्याण्ड (केन्ट) को आश्फोर्ड स्थित शेन्ट साइमन हलमा,जीवन्त संगीत सहित आयोजना गर्न गैरहेको “गंगा राज राई एकल साँझ–२०२३”सांगीतिक कार्यक्रमको सम्पूर्ण तयारी पूरा भएको जानकारी प्राप्त भयको छ। यस कार्यक्रमलाई भब्य र गरिमामय बनाउन सगरमाथा गोर्खा नेपाली कम्युनिटी आश्फोर्ड,नेपाली कलाकार प्रस्तोता समाज बेलायत र अन्य संघसंस्थाहरुसँग संस्थागत सहकार्य जारी रहेको र दुबै संस्थाहरु आयोजक संस्था सरह सक्रियतापूर्वक लागि परिरहनु भएको समाचार प्राप्त भयको छ। गंगा राज राई एकल साँझको मुख्य प्रायोजक,गोर्खा भान्छा घर (रेष्टुरेन्ट) आश्फोर्ड रहेको छ। सह–प्रायोजकहरुमा क्रमस : ग्लोबल मार्ट आश्फोर्ड,रेड प्यारोट एकाउन्टिङ लन्डन,आशिर ज्वेलरी अल्डरशट,लेमन लीफ रेष्टुरेण्ट फोक्स्टन,पीपल मोर्गेज आश्फोर्ड, लक्की ज्वेलरी अल्डरशट,मुस्ताङ मोटर्स फोक्स्टन,युमा हेयर एण्ड ब्युटी सेलुन आश्फोर्ड र गोर्खा भिल्ला (रेष्टुरेन्ट) आश्फोर्ड रहेको छ। यसैगरी प्रायोजकहरुमा क्रमस ग्लोवल बलुन भल्ट आश्फोर्ड,आइ फिक्स फर यू आश्फोर्ड,काठमाण्डु ज्वेलर्श आश्फोड,नविन एण्ड नविन ज्वेलर्श अल्डरशट,भेराईटी क्यास एण्ड क्यारी आश्फोर्ड,हिमालयन गोर्खा मिनि मार्केट आश्फोर्ड,स्टोर ९३ आश्फोर्ड,दर्बार कक्टेल बार आश्फोर्ड,इन्डिया हाउस आश्फोर्ड र गोर्खा एस पि फोर मिनिमार्केट चथाम आदि रहेका छन। जीवन्त संगीत सहितको गंगा राज राई एकल साँझ सांगीतिक कार्यक्रममा गायक राईको दुई दशकको सांगीतिक यात्राका विच दर्शक श्रोता माझ लोकप्रिय बन्न पुगेको वहाँद्धारा स्वरबद्ध गीतहरु प्रस्तुत हुनेछ। गंगा राज राई एकल साँझ सांगीतिक कार्यक्रमको जीवन्त बाद्यबादकहरुमा प्रसिद्ध संगीतकार गणेश गुरुङ (हार्मोनियम÷किबोर्ड),महेश गुरुङ (तबला),थिर थापा (हार्मोनियम÷किबोर्ड),ईन्द्र गुरुङ (बाँसुरी÷सेक्सोफोन),रेसम पाचे (ढोलक÷मादल),शुरज गुरुङ (लीड गितार),विकल थापा (रिदम गितार),होइशेर तामाङ (बास गितार),प्रभास गुरुङ (ड्रम) साथै भायोलिनमा क्रमस कीथ टायस (Keith Tyas) र एन्थोनी थोन्टर्न (Anthony Thornton) रहनु भएको छ भने संगीत निर्देशकको रुपमा पपिराज राई रहनु भएको छ। यस जीवन्त बाद्यबादकहरुको टोलीमा एक सांगीतिक समुह “Prazna Band” समेत सामेल रहेको छ। यस सांगीतिक कार्यक्रममा बेलायतमा रहँदै आउनु भएका दिग्गज नेपाली संगीतकर्मी, गीतकार साथै गायक गायिकाहरुको उपस्थिति रहने निस्चित भैसकेको छ। सरकारी तवरबाट नेपाली राजदूतावास लण्डनको कूटनीतिज्ञ (उच्चपदस्थ अधिकारी) समेतको सहभागिता रहने यस कार्यक्रममा गैर आवासीय नेपाली संघ यूके लगायत अन्य थुप्रै संघ
शीतलपाटीन्युज डटकम। लण्डन।नेपाली कला साहित्य मञ्च यूकेले यहि आउँदो मिति ०७ अक्टोबर २०२३ को दिन, इङ्गल्याण्ड (केन्ट) को आश्फोर्ड स्थित शेन्ट साइमन हलमा,जीवन्त संगीत सहित आयोजना गर्न गैरहेको “गंगा राज राई एकल साँझ–२०२३”सांगीतिक कार्यक्रमको सम्पूर्ण तयारी पूरा भएको जानकारी प्राप्त भयको छ। यस कार्यक्रमलाई भब्य र गरिमामय बनाउन;सगरमाथा गोर्खा नेपाली कम्युनिटी आश्फोर्ड,नेपाली कलाकार प्रस्तोता समाज बेलायत र अन्य संघसंस्थाहरुसँग संस्थागत सहकार्य जारी रहेको र दुबै संस्थाहरु आयोजक संस्था सरह सक्रियतापूर्वक लागि परिरहनु भएको समाचार प्राप्त भयको छ। गंगा राज राई एकल साँझको मुख्य प्रायोजक,गोर्खा भान्छा घर (रेष्टुरेन्ट) आश्फोर्ड रहेको छ। सह–प्रायोजकहरुमा क्रमस : ग्लोबल मार्ट आश्फोर्ड,रेड प्यारोट एकाउन्टिङ लन्डन,आशिर ज्वेलरी अल्डरशट,लेमन लीफ रेष्टुरेण्ट फोक्स्टन,पीपल मोर्गेज आश्फोर्ड, लक्की ज्वेलरी अल्डरशट,मुस्ताङ मोटर्स फोक्स्टन,युमा हेयर एण्ड ब्युटी सेलुन आश्फोर्ड र गोर्खा भिल्ला (रेष्टुरेन्ट) आश्फोर्ड रहेको छ। यसैगरी प्रायोजकहरुमा क्रमस ग्लोवल बलुन भल्ट आश्फोर्ड,आइ फिक्स फर यू आश्फोर्ड,काठमाण्डु ज्वेलर्श आश्फोड,नविन एण्ड नविन ज्वेलर्श अल्डरशट,भेराईटी क्यास एण्ड क्यारी आश्फोर्ड,हिमालयन गोर्खा मिनि मार्केट आश्फोर्ड,स्टोर ९३ आश्फोर्ड,दर्बार कक्टेल बार आश्फोर्ड,इन्डिया हाउस आश्फोर्ड र गोर्खा एस पि फोर मिनिमार्केट चथाम आदि रहेका छन। जीवन्त संगीत सहितको गंगा राज राई एकल साँझ सांगीतिक कार्यक्रममा गायक राईको दुई दशकको सांगीतिक यात्राका विच दर्शक श्रोता माझ लोकप्रिय बन्न पुगेको वहाँद्धारा स्वरबद्ध गीतहरु प्रस्तुत हुनेछ। गंगा राज राई एकल साँझ सांगीतिक कार्यक्रमको जीवन्त बाद्यबादकहरुमा प्रसिद्ध संगीतकार गणेश गुरुङ (हार्मोनियम÷किबोर्ड),महेश गुरुङ (तबला),थिर थापा (हार्मोनियम÷किबोर्ड),ईन्द्र गुरुङ (बाँसुरी÷सेक्सोफोन),रेसम पाचे (ढोलक÷मादल),शुरज गुरुङ (लीड गितार),विकल थापा (रिदम गितार),होइशेर तामाङ (बास गितार),प्रभास गुरुङ (ड्रम) साथै भायोलिनमा क्रमस कीथ टायस (Keith Tyas) र एन्थोनी थोन्टर्न (Anthony Thornton) रहनु भएको छ भने संगीत निर्देशकको रुपमा पपिराज राई रहनु भएको छ। यस जीवन्त बाद्यबादकहरुको टोलीमा एक सांगीतिक समुह “Prazna Band” समेत सामेल रहेको छ। यस सांगीतिक कार्यक्रममा बेलायतमा रहँदै आउनु भएका दिग्गज नेपाली संगीतकर्मी, गीतकार साथै गायक गायिकाहरुको उपस्थिति रहने निस्चित भैसकेको छ। सरकारी तवरबाट नेपाली राजदूतावास लण्डनको कूटनीतिज्ञ (उच्चपदस्थ अधिकारी) समेतको सहभागिता रहने यस कार्यक्रममा गैर आवासीय नेपाली संघ यूके लगायत अन्य थुप्रै संघ