शीतलपाटीन्युज डटकम। लण्डन। गैरआवासीय नेपाली संघ, राष्ट्रिय समन्वय परिषद यूके (NRNA- NCC UK) को पन्जिकृत सदस्यता खुल्ला भएकोबारे अत्यन्त जरुरी सूचना ! आदरणीय यूके निवासी सम्पूर्ण नेपाली आमाबुबा, दिदीबहिनी, दाजुभाई, पत्रकार साथीहरु, तथा एनआरएनए प्रति चासो, सदभाव र स्नेहभाव राख्नु हुने सम्पूर्ण महानुभावहरुमा सादर नमस्कार ! गैरआवासीय नेपाली संघ राष्ट्रिय समन्वय परिषद यूके (NRNA- NCC UK) का लागि अन्तर्राष्ट्रिय समन्वय परिषद (आइसीसी) बाट स्वीकृत भइ आए बमोजिम मिति १५ जनवरी २०२५ देखि पन्जिकृत सदस्यता खुल्ला भएकोले गैरआवासीय नेपाली संघ राष्ट्रिय समन्वय परिषद यूकेको विधान २००५ तथा संशोधन २०१७ र सदस्यता सम्बन्धी केन्द्रको विधान तथा मौजुदा नियमावलीहरु समेतलाई मध्यनजर राख्दै सदस्यता सम्बन्धी आकर्षित हुने निम्न बमोजिम नियम र आचारसंहिता निर्माण गरी सम्बन्धित सबैमा जानकारी तथा कार्यान्वयनका लागि यो अत्यन्त जरुरी र महत्त्वपूर्ण सूचना प्रकाशित गरिएको छ । संघले आगामी कार्यकाल सन् २०२५-२७ को लागि मिति १५ जनवरी २०२५ का दिनदेखि सदस्यता खुला गरी वितरण सुरु गरिएकोले समयमा नै सदस्यता लिइ गैरआवासीय नेपालीहरुको हक, अधिकार र मताधिकार प्राप्त गर्न विनम्र अनुरोध गर्दछौं । सदस्यता प्राप्त गर्ने प्रयोजनका लागि: सदस्यता प्राप्त गर्दा अपनाउनु पर्ने प्रक्रिया, नीति, नियम, कर्तव्य र आचारसंहिता: १) गैरआवासीय नेपाली संघ यूकेको सन् २०२५-२०२७ कार्यकालको लागि आम यूकेवासी नेपाली दिदीबहिनी तथा दाजुभाइहरुका लागि सदस्यता खुला गरी वितरण गर्न औपचारिक रूपमा केन्द्र (आइसिसी) बाट स्वीकृत र अनुमति प्राप्त भइ आए बमोजिम १५ जनवरी २०२५ देखि लागु हुने गरी सदस्यता खुल्ला गरी वितरण सुरु गरिएको छ । सदस्यता वितरण अवधि आगामी ३१ मे २०२५ रातको २३:५९ बजेसम्म रहनेछ । २) गैरआवासीय नेपाली संघ यूकेको सदस्यता लिनको लागि Google Play Store वा Apple Store बाट SMART NRNA एप्लिकेसन डाउनलोड गरेर "एप" मा भने अनुसार सम्पूर्ण विवरण अनिवार्य भर्नुका साथै तकिएका डकुमेन्टहरु संलग्न गर्नु पर्नेछ । तपाईको परिचय खुल्ले निम्न आईडीहरुलाई मान्यता दिईनेछ : क) पासपोर्ट ख) यूके ड्राईभिङ लाईसेन्स ग) आर्मी ….. कार्ड ४) BioMatric Card ……. ३) अघिल्लो कार्यकाल सन् २०२३-२५ का लागि SMART NRNA एपबाट सदस्यता प्राप्त गर्नु
शीतलपाटीन्युज डटकम। लण्डन। गैरआवासीय नेपाली संघ, राष्ट्रिय समन्वय परिषद यूके (NRNA- NCC UK) को पन्जिकृत सदस्यता खुल्ला भएकोबारे अत्यन्त जरुरी सूचना - आदरणीय यूके निवासी सम्पूर्ण नेपाली आमाबुबा, दिदीबहिनी, दाजुभाई, पत्रकार साथीहरु, तथा एनआरएनए प्रति चासो, सदभाव र स्नेहभाव राख्नु हुने सम्पूर्ण महानुभावहरुमा सादर नमस्कार ! गैरआवासीय नेपाली संघ राष्ट्रिय समन्वय परिषद यूके (NRNA- NCC UK) का लागि अन्तर्राष्ट्रिय समन्वय परिषद (आइसीसी) बाट स्वीकृत भइ आए बमोजिम मिति १५ जनवरी २०२५ देखि पन्जिकृत सदस्यता खुल्ला भएकोले गैरआवासीय नेपाली संघ राष्ट्रिय समन्वय परिषद यूकेको विधान २००५ तथा संशोधन २०१७ र सदस्यता सम्बन्धी केन्द्रको विधान तथा मौजुदा नियमावलीहरु समेतलाई मध्यनजर राख्दै सदस्यता सम्बन्धी आकर्षित हुने निम्न बमोजिम नियम र आचारसंहिता निर्माण गरी सम्बन्धित सबैमा जानकारी तथा कार्यान्वयनका लागि यो अत्यन्त जरुरी र महत्त्वपूर्ण सूचना प्रकाशित गरिएको छ । संघले आगामी कार्यकाल सन् २०२५-२७ को लागि मिति १५ जनवरी २०२५ का दिनदेखि सदस्यता खुला गरी वितरण सुरु गरिएकोले समयमा नै सदस्यता लिइ गैरआवासीय नेपालीहरुको हक, अधिकार र मताधिकार प्राप्त गर्न विनम्र अनुरोध गर्दछौं । सदस्यता प्राप्त गर्ने प्रयोजनका लागि: सदस्यता प्राप्त गर्दा अपनाउनु पर्ने प्रक्रिया, नीति, नियम, कर्तव्य र आचारसंहिता: १) गैरआवासीय नेपाली संघ यूकेको सन् २०२५-२०२७ कार्यकालको लागि आम यूकेवासी नेपाली दिदीबहिनी तथा दाजुभाइहरुका लागि सदस्यता खुला गरी वितरण गर्न औपचारिक रूपमा केन्द्र (आइसिसी) बाट स्वीकृत र अनुमति प्राप्त भइ आए बमोजिम १५ जनवरी २०२५ देखि लागु हुने गरी सदस्यता खुल्ला गरी वितरण सुरु गरिएको छ । सदस्यता वितरण अवधि आगामी ३१ मे २०२५ रातको २३:५९ बजेसम्म रहनेछ । २) गैरआवासीय नेपाली संघ यूकेको सदस्यता लिनको लागि Google Play Store वा Apple Store बाट SMART NRNA एप्लिकेसन डाउनलोड गरेर "एप" मा भने अनुसार सम्पूर्ण विवरण अनिवार्य भर्नुका साथै तकिएका डकुमेन्टहरु संलग्न गर्नु पर्नेछ । तपाईको परिचय खुल्ले निम्न आईडीहरुलाई मान्यता दिईनेछ : क) पासपोर्ट ख) यूके ड्राईभिङ लाईसेन्स ग) आर्मी ….. कार्ड ४) BioMatric Card ……. ३) अघिल्लो कार्यकाल सन् २०२३-२५ का लागि SMART NRNA एपबाट सदस्यता प्राप्त गर्नु
GNNNEWS: युरोप। गैर आवासीय नेपाली नागरिक (एनआरएन) हरुलाई निःशुल्क भिसा दिने समेतका प्रावधान राखी नेपाल सरकारले हालै ल्याएको अध्यादेशको एनआरएनए बेल्जियमले कडा विरोध जनाएको छ। एनआरएनए बेल्जियमकी अध्यक्ष सीता सापकोटाद्वारा जारी विज्ञप्तिमा उक्त अध्यादेश 'एक पटकको नेपाली सधैँको नेपाली' भन्ने मूल मन्त्र र नेपालको संविधान २०७२ को मर्म तथा भावना विपरित रहेको जनाइएको छ। "नेपालको संविधानले नै राजनीतिक बाहेकका सबै अधिकार नेपाली नागरिक सरह पाउने कुरा सुनिस्चित गरि सके पछि फेरि एनआरएनहरुले आफ्नै मातृभूमि जाँदा भिसा लगाउनु पर्ने प्रावधानले सबै एनआरएनहरुको अवमूल्यन गरेको छ। यसले निस्वार्थ ढंगले नेपालको हितमा होमिने हाम्रो आकांक्षामाथि कुठाराघात गर्ने मात्रै हैन, एनआरएन लगानीलाई दुरुत्साहित गर्नुका साथै दोस्रो तथा तेश्रो पुस्ताका एनआरएनलाई नेपालसंग जोड्ने हाम्रो पहलमाथि पनि आघात पुग्ने निश्चित छ," विज्ञप्तिमा भनिएको छ। विज्ञप्तिमा संसदको आगामी अधिवेशनबाट उक्त प्रावधान सच्याई एनआरएनहरुलाई नेपालको भ्रमण गर्दा भिसा लगाउनु नपर्ने व्यवस्था गर्न पनि आग्रह गरेको छ। यसै गरी एनआरएनए बेल्जियमले वंशजको आधारमा प्राप्त नेपाली नागरिकतामा 'एनपी' भन्ने छाप लगाएर नेपाली नागरिकताको निरन्तरता सुनिस्चित गरि दिन पनि नेपालका सबै राजनीतिक दल, नेतृत्व तथा सांसदहरुलाई अपिल गरेको छ। एनआरएनए बेल्जियमको प्रेस विज्ञप्ति-
शीतलपाटीन्युज डटकम। लन्डन। गण्डकी प्रदेशकी सांसद (प्रदेशसभा सदस्य) सरस्वती गुरुङ बेलायत आइपुगेकी छन्। क्वोंने (घोताने/घोण्डे) गुरुङ (तमु) समाज यूकेको वार्षिक भेटघाट तथा चेलीबेटी भोज कार्यक्रममा सहभागी हुन गुरुङ बेलायत आएकी हुन्। सांसद गुरुङलाई लन्डनको हिथ्रो विमानस्थलमा संस्थाका संस्थापक सल्लाहकार चित्रबहादुर गुरुङ,संस्थाका कार्यवाहक अध्यक्ष राम गुरुङ, महासचिव इन्द्र गुरुङ,वरिष्ठ सल्लाहकार हरिगोविन्द गुरुङ, निवर्तमान उपाध्यक्ष एवं कार्यक्रम संयोजक कुमार गुरुङ र उनको श्रीमती मिना गुरुङ,सदस्य देउबहादुर गुरुङ, तमु समाज यूके आमा समूहका पूर्वअध्यक्ष माया गुरुङ, चेलीबेटी प्रमुख लिना गुरुङ, चेलीबेटी महासचिव ध्रुवा गुरुङ र शोभा गुरुङले स्वागत गरेका थिए। सोंपाल समाजको संस्थापक अध्यक्ष विजय गुरुङ,माया गुरुङ,सोंपाल समाजको पूर्वअध्यक्षहरू श्रीप्रसाद गुरुङ र चन्द्र गुरुङ,समाजको आमा समूह अध्यक्ष मनदेवी गुरुङ, समाजका अध्यक्ष जगदीश गुरुङ,कोल्मा बाहकोट समाजका अध्यक्ष चन्द्र गुरुङ, तमु धीं यूकेका संस्थापक अध्यक्ष मीनप्रसाद गुरुङ,उपाध्यक्ष कमल गुरुङ, पूर्वअध्यक्ष ग्याम गुरुङ, तर्कजङ गुरुङ,केशबहादुर गुरुङ,भोज गुरुङ,नेपाल पत्रकार महासंघ यूकेका अध्यक्ष विमला सेने,विन्दु गुरुङ,जयन्तीदेवी गुरुङ लगायतले स्वागत गरेका थिए। सो क्रममा कार्यवाहक अध्यक्ष राम गुरुङ र चेलीबेटी प्रमुख लिना गुरुङले स्वागत मन्तव्य राखेका थिए। संसद गुरुड्गले आफुलाई बेलायत भ्रमणको निम्तो दिएर विमानस्थलमा आएर भव्य स्वागत गरेकोमा सबैलाई धन्यवाद दिएकी थिईन। सांसद गुरुङको विशिष्ट उपस्थितिमा भेटघाट तथा भोज कार्यक्रम आगामी १८ जनवरी २०२५ मा हुँदै छ। गुरुङ गण्डकी प्रदेशबाट अमेरिकाको इन्टरनेसनल भिजिटर लिडरसिप प्रोग्राम (आईभीएलपी) मा सहभागी हुने पहिलो सांसद हुन्। श्रोत-गोर्खा मिडीया।
GNNNEWS- लन्डन।.ब्रिटिश संसदको पोर्टकुलिस हाउसमा सोमबार बेलुका "नेपाल बेलायत सम्बन्ध" विषयक अन्तरक्रिया आयोजना गरिएको छ। अन्तरक्रियामा भाग लिन नेपालबाट आएका नेपाली कांग्रेसका वरिष्ठ नेता तथा सांसद डा शेखर कोइरालाले नेपाल तथा बेलायतबीच कायम लामो र गहन सम्बन्ध तथा गोर्खा सैनिकहरुले बेलायतमा इमान्दारिपूर्वक गरेको सेवालाई मध्यनजर गर्दै उनीहरुका जायज माग ढिला नगरी सम्बोधन गरिदिन ब्रिटिश सरकारलाई आग्रह गरे । उनले गएको दुईसय वर्षको अवधिमा कुनै पनि बेलायती प्रधानमन्त्रीले नेपालको भ्रमण नगरेको भन्दै ब्रिटिश प्रधानमंत्रीलाई स्वागत गर्न नेपाल इच्छुक रहेको बताए। डा कोइरालाले बेलायत नेपालको एक प्रमुख व्यापारिक साझेदार रहेको बताउंदै संयुक्त अधिराज्यको 'इन्हान्सड फ्रेमवर्क स्किम' अन्तर्गत नेपाली उत्पादनहरुको उपलव्धता बेलायती बजारमा बढाउन आग्रह गरे। उनले चिकित्सक, नर्स, वकिल, विमान चालक, इन्जिनियर, एकाउन्टेन्ट र आतिथ्यताका क्षेत्र लगायत सबै क्षेत्रमा काम गर्ने नेपालीहरुले यहाँको चलायमान अर्थतन्त्रलाई अझ गतिशील बनाउन मदत गरिरहेको जनाए । बढ्दो संख्याका नेपाली मुलका साथीहरु यहाँको चुनाव र चुनावी प्रकृयामा भाग लिइरहेको थाहा पाउँदा खुशी लागेको पनि उनले बताए। बेलायतको लिड्स विश्वविद्यालयमा अन्तरराष्ट्रिय कानूनका प्राध्यापक डा सूर्य सुवेदीले सन् १९२३ मा नेपाल तथा बेलायत बीच सम्पन्न शान्ति तथा मैत्री सन्धिले नेपालको स्वतन्त्रता र सार्वभौम सत्ता प्रवर्द्धन गर्न महत्वपूर्ण भूमिका निर्वाह गरेको बताए। उनले सन् २०१५ मा नयाँ संविधान जारी भए पछि नेपालमा राजनीतिक स्थायित्व आएको जनाए। प्रा सुवेदीले सन् १९९७ भन्दा पहिले ब्रिटिश सेनाबाट सेवानिवृत्त गोर्खा सैनिकहरुको माग संबोधन गर्न पनि अनुरोध गरे। अन्तरक्रियामा सहभागी बेलायतकी सहायक परराष्ट्र मंत्री क्याथरिन वेष्ट तथा सहायक व्यापार मंत्री गरेथ थोमसले नेपालसंगको सम्बन्धलाई उच्च महत्व दिंदै बेलायतको सहयोग जारी रहने बताए। यो एउटा राम्रो सुरुवात हो। उक्त अन्तरक्रिया कार्यक्रम आयोजना गर्न खट्नु हुने आर के त्रिपाठी, रमेश सरांगकोटी लगायत सबै मित्रहरुलाई हार्दिक धन्यवाद। सहायक परराष्ट्र मंत्री क्याथरिन वेष्टले ब्रिटिश प्रधानमंत्रीले नेपालको भ्रमण गर्ने उपयुक्त समय आएको बताइन्। उनले जलवायु परिवर्तनबाट नेपालले व्यहोर्नु परिरहेको चुनौतीबारे बेलायत जानकार रहेको बताउंदै नेपालका महत्वपूर्ण सम्पदा सुरक्षित गर्न अन्तरराष्ट्रिय समुदायसंगको सहकार्यमा बेलायतले मदत गर्ने बताइन्। व्यापार तथा व्यवसाय मन्त्रालय हेर्ने सहायक मंत्री गरेथ टमसले बेलायत तथा
शीतलपाटीन्युज डटकम। अल्डरसट,लण्डन। बिश्वभर छरिएर रहेका नेपालीभाषी समुदायका गायन र नृत्य क्षेत्रलाई बढावा दिने उद्देश्यले इन्ट्रा-इन्टरनेसनल वेलफेयर एण्ड सपोर्ट फाउण्डेसन अमेरीकाले हालै बेलायतमा एउटा प्रेषमीट सम्पन्न गर्यो। बिश्वस्तरिय अंन्तराष्ट्रिय उत्कृष्ट प्रतिभाहरु पहिचान गर्न अडिसन गर्ने उदेश्यले यो प्रेषमीट गरीएको थियो। १२ जनवरी २०२५ आईतवार ठमेल रेष्टुरेन्ट बेलायतमा भएको प्रेषमीटमा बेलायतमा रहेका पत्रकारहरु माझ गरीएको प्रेषमीट भब्य भएको थियो।सन २०२३ मा भएको रियालिटी सो को पहिलो सीजन सफलतापुर्वक सम्पन्न भएकोले उत्साहित हुदै अब दोश्रो रियालिटी सो सम्पन्न गर्न यो प्रेषमीट गरीएको हो। संसारभरका नेपालीहरुको नेपाली संस्कृति र सास्कृतिक पहिचानलाई संरक्षण,संम्बर्धन र उत्थान गर्ने फाउन्डेसनको उध्देश्य रहेकोले सबै नेपालीलाई एउटै मालामा गास्न र पुस्तान्तरणलाई परम्परा हस्तान्तरण गर्दै कार्यक्रमलाई जिबीत राख्न यो सीजन २ को आयोजना गर्ने घोषणा गरीएको हो। यो अडिसन बेलायत र वरपरका मुलुकमा बसोबास गर्नेका लागि फेब्रुवरी १५ र १६ मा लण्डनको अल्डरसटस्थित एम्पाएरहल हाईस्ट्रिटमा हुने तय भएको छ। सहभागी हुन चाहाने प्रतिष्पर्दीहरुले फाउन्डेसनको बेवसाईट www.intrafoundatiins.org मार्फत आवेदन दिन सकिने बनाएको छ। दुबै सोका पहिलो हुने सहभागीहरुलाई एक करोड पुरष्कार, दोश्रो हुनेलाई २५ लाख र तेश्रो हुनेलाई १० लाख नगद पुरुष्कार दिने घोषणा गरीएको छ। यो पुरुष्कारले आदिमकाल देखि बिकसित हुदै आएको सास्कृतिक पहिचान संरक्षण हुने र मानव जातीमा मानवताको बिकास हुने फाउण्डेसनले आशा लिएको छ। यो अडिसनमा इन्ट्रा-नेसनल वेलफेयर एण्ड सपोर्ट फाउण्डेसनको बेवसाईट मार्फत आवेदन गरी छनौट भएका बिश्व भरीबाट छनौट कलाकारहरुलाई फाइनल प्रतिष्पर्दाका लागि काठमाण्डौ लगिने बताइएको छ। छनौट भएका डान्सका लागि १२० र भ्वायसका लागि १२० एवम लण्डनमा छनौट भएका ५ जना प्रतिस्पर्दी पनि फाईनल प्रतिष्पर्दाका लागि नेपाल पुग्ने छन। अन्तराष्ट्रिय स्तरको दुई रियालिटी सो मेरो भ्वाईस युनिभर्श र मेरो डान्स युनिभर्स अघि बढाउन केही आधारभुत नियम बनाईएको र यी नियम भित्र रहेर कार्यक्रम संचालन हुनेछ। राष्ट्रिय लोक तथा दोहोरी गीत प्रतिष्ठान बेलायतका प्रथम उपाध्यक्ष तथा गायक मनसुनधन थापा मगरले संचालन गरेको प्रेसमीट भब्य भएको र बेलायतस्थित पत्रकारहरुको भब्य उपस्थिती रहेको थियो। कार्यक्रमको बिस्तृत सहभागी एवम जानकारीका लागि इन्ट्रा-नेसनल वेलफेयर एण्ड सपोर्ट फाउण्डेसन
'GNNNEWS: लन्डन - बेलायतमा कार्यरत विज्ञ तथा पेशाकर्मीहरुले प्रवासी नेपालीलाई दोहोरो नागरिकता दिंदा नेपाललाई नै फाइदा हुने जनाएका छन्। हाल बेलायतको भ्रमणमा रहेका नेपाली कांग्रेसका वरिष्ठ नेता डा शेखर कोइरालासंगको अन्तरक्रियामा सोसाइटी अफ नेप्लिज प्रोफेसनल्स (एसओएनपी) युकेसंग आबद्ध विज्ञहरुले त्यस्तो बताएका हुन्। आइतबार दक्षिण पूर्वी लन्डनमा आयोजित एक अन्तरक्रियामा एक प्रस्तुति दिंदै नेपालको सन्दर्भमा दोहोरो नागरिकताको औचित्यको अध्ययन गर्न एसओएनपी युकेद्वारा गठित विज्ञ समितिका लिड डा ओम प्रसाद गौतमले अहिले संसारका झन्डै आधी मुलुकहरुले आफ्ना प्रवासी नागरिकहरुका लागि दोहोरो नागरिकताको व्यवस्था गरेको जनाए। उनले ७८% रास्ट्रहरुले आप्रवासी र प्रवासीहरुलाई कुनै न कुनै रुपमा आफ्नो नागरिकको रुपमा ग्रहण गरेको तर २२% देशहरुले पूर्ण रुपमा अस्वीकार गरेको जनाए। एशियाका ४८ मध्ये २०, यूरोपेली संघका २७ मध्ये २३ ओटा,अमेरिका महादेशका ९८% देशहरुले साथै अफ्रिकाका अधिकांश देशहरुले दोहोरो नागरिकता प्रदान गरेको उनले जानकारी दिए। सोमालिया,केन्या, घाना,दक्षिण कोरियाजस्ता देशहरुको उदाहरण दिंदै उनले दोहोरो नागरिकता मुलुकको सामाजिक तथा आर्थिक प्रगतिका लागि फाइदाजनक रहेको दावी गरे । सोसाईटी अफ नेप्लिज प्रोफेसनल्स युकेका अध्यक्ष अध्यक्ष गजेन कटुवालले नेपालले अहिले सम्म लगानी र आर्थिक कुरामा मात्रै जोड दिंदै आएको बताउंदै अब प्रवासमा रहेको मानव पूँजीको उपयोगको बारेमा पनि सोच्न आग्रह गरे। ‘हामीसंग भएको विज्ञता नेपालको हितमा प्रयोग गर्न हामी लालायित छौं,’ उनले भने । उनले दोहोरो नागरिकता सम्बन्धी विश्वव्यापी अभ्यासको बारेमा अध्ययन गरेर सुझाव दिन संस्थाले एउटा स्वतन्त्र ‘सिस्टमेटिक रिभ्यु’ गर्न लागेको जानकारी दिए। वरिष्ठ कांग्रेस नेता डा कोइरालाले विभिन्न क्षेत्रका विद्वानहरु एकै संस्थामा आएर नेपालको हितमा अध्ययन अन्सुन्धान गरि रहेको थाहा पाउँदा आफुलाई खुसी लागेको बताए। उनले दोहोरो नागरिकता सम्बन्धमा सोसाईटी अफ नेप्लिज प्रोफेसनल्स युकेले स्वतन्त्र ‘सिस्टमेटिक रिभ्यु’ गर्न लागेको एकदमै राम्रो काम भएको बताउंदै यसको निष्कर्ष आफु हरु लाई उपलब्ध गराउन आग्रह गरे। उनले ग्लोबल मात्रै हैन मध्य पूर्व र युरोप बाट नेपाल जाने रेमिट्यान्सको डेटा पनि छुट्टा छुट्टै रुपमा हेर्न आग्रह गरे। उनले नेपालको संविधानले गैर आवासीय नेपाली नागरिकताको व्यवस्था गरेको भएता पनि त्यसलाई समयमै कार्यान्वयन नगरिएकाले विभिन्न समस्या हरु आएको जनाए। "
GNNNEWS: लन्डन- हेल्प नेपाल नेटवर्क यूकेले स्थापनाको २५ औं वार्षिकोत्सव मनाएको छ। हेल्प नेपालले आइतबार फार्नबरोस्थित गोर्खा प्यालेस रेष्टुरेन्टमा एक समारोहबीच वार्षिकोत्सव मनाएको हो। कार्यक्रमका प्रमुख अतिथि बेलायतका लागि नेपालका कार्यवाहक राजदूत विपिन दुवाडीले शुभकामना दिंदै हेल्प नेपालले नेपालका लागि गरेको योगदानको प्रशंसा गरे। ‘देश दुःख्दा विदेशमा झन् बढी दुख्छ, तपाईंहरुले नेपाल अप्ठेरोमा पर्दा सहयोग गरिरहनु भएको छ । यो प्रशंसनीय छ,' उनले भने। अरुको अस्तित्व स्वीकार्न सक्नु नै मानवता भएको जनाउंदै उनले हेल्प नेपालले त्यो मानवता प्रदर्शन गरेको बताए । प्रशासनिक खर्च नगरि चन्दा रकम सबै च्यारिटीमा लगाउनु निकै सरहानीय भएको उनले बताए। प्रष्ट देखिने खालको नतिजा आउने गरी परियोजनाहरु संचालन गर्न पनि उनले सुझाव दिए। कार्यक्रममा स्वागत मन्तव्य दिंदै उपाध्यक्ष प्रसिद्ध प्रधानले परोपकारमार्फत् नेपाली डायष्पोरालाई नेपालसंग जोड्ने उद्देश् ले स्थापित हेल्प नेपाल अहिले करिब एक दर्जन देशमा फैलिएको जनाए। अध्यक्ष सचिन श्रेष्ठले आफ्नो संस्थाले गरेका कार्यक्रमबारे जानकारी दिंदै हेल्प नेपाल नेटवर्कले विशेष गरि शिक्षा, स्वास्थ्य र प्राकृतिक विपत्तिमा सहयोग गरिरहेको बताए। उनले हालसम्म संस्थाले १७ हेल्थ क्याम्पसहित २१ स्वास्थ्यसम्बन्धी प्रोजेक्ट गरेको, ४० लाइब्रेरी र ५० बढी इ-लाइब्रेरी स्थापना,गोर्खा,दोलखा र सिन्धुपाल्चोकमा भूकम्प बाट क्षतिग्रस्त विद्यालयहरुको पुनर्निर्माण,विभिन्न स्कूलहरुमा ६८ वटा कक्षा कोठा निर्माण साथै तीनवटा हेल्थ पोष्टको सञ्चालनमा सहयोग गरेको जनाए। संस्थाले काभ्रेको धुलिखेलमा बालगृह र मुगुको मुर्मामा हेल्थ पोष्ट सञ्चालन गरिरहेको उनले जानकारी दिए। कार्यक्रममा शिव कल्चर मन्दिर अध्यक्ष विक्रम भट्टराई, पासा पुचः गुथि यूके अध्यक्ष सुशील प्रजापति, नेपाल पत्रकार महासंघ बेलायतका निवर्तमान अध्यक्ष ध्रुवराज अर्याल,समाजसेवी शिवजी श्रेष्ठ,बुद्ध फाउण्डेशन यूके अध्यक्ष दीपक श्रेष्ठ,सहारा यूके अध्यक्ष कृष्ण गुरुङ, आरजिएनएसका महासचिव ह्यारी गुरुङ,ब्रिटेन नेपाल च्याम्बर अफ कमर्सका अध्यक्ष डा.कपिल रिजाल, अधिवक्ता सुरेन्द्र श्रेष्ठ,समाजसेवी एकिन्द्र गुरुङ,युवा उद्यमी किशोर सापकोटा,तमुधिं यूकेका संस्थापक अध्यक्ष मीनप्रसाद गुरुङले शुभकामना दिएका थिए। त्यसैगरि एनआरएनए यूके अध्यक्ष हितकाजी गुरुङ, एनआरएनए यूके आइसीसी सदस्य दिलरास गुरुङ र ले. रि.चन्द्र गुरुङ,एनआरएनए यूके पूर्व अध्यक्ष पुनम गुरुङ, तमुधिं यूके अध्यक्ष जुमकाजी गुरुङ र हेल्प नेपाल नेटवर्क यूकेका सल्लाहकार चिरन्जिवी ढकालले पनि शुभकामना दिंदै संस्थाको परोपकारी कार्यले अझ तीव्रता पाओस्
शीतलपाटीन्युज डटकम। लन्डन। नेपाल आदिवासी जनजाति महासंघ (नेफिन)यूकेले आफ्नो कार्यालयको औपचारिक उद्घाटन गरेको छ। जातीय संस्थाका अध्यक्षहरु, केन्द्रीय कार्यसमिति र सल्लाहकारहरुको रोहबरमा कार्यालयको उद्घाटन गरिएको हो। नेपालीहरुको बाक्लो बस्ती रहेको सहर अल्डरसटको मुख्य बजारमा रहेको ४३ युनियन स्ट्रीटको दोस्रो तल्लामा रहने गरि नेफिनको नयाँ कार्यालय संचालनमा ल्याइएको हो। प्रति महीना एक हजार पाउण्ड भाडा लाग्ने सो कार्यालय रिटायर्ड मेजर इन्द्र प्रशाद राईले नेफिन यूकेलाइ निशुल्क प्रदान गरेका हुन्। संस्था स्थापनाको १६ वर्षमा नेफिन यूकेले पहिलो पटक आफ्नो कार्यालय स्थापना गरेको हो। नेफिन यूकेमा हालसम्म १४ वटा जातीय संस्थाहरु आवद्ध छन्। संस्थाले आफ्नो पाँचौँ नियमित बैठक पनि सोही अवसरमा सम्पन्न गर्यो। बैठकमा छलफल भई निर्णय भएका एजेन्डाहरुमा सम्पूर्ण आवद्ध जातीय संस्थाहरुबाट अबको कार्यकालका लागि संघीय परिषद् सदस्यहरुको नामावली आह्वान गर्ने,बैङ्क खातामा समस्या भएकाले च्यारिटी संस्थाको रुपमा अथवा सीआइसीमा जाने अर्थात नजाने बारेमा अध्यक्ष रिटायर्ड मेजर योगेश कोयी राईलाई जिम्मा दिइयो। साथै बैठकले २०२५ वर्षभरीका कार्ययोजना पनि तय गरेको थियो। सोही अनुसार २४ मे मा एम्पार हलमा बृहत च्यारिटी डिनर कार्यक्रम गर्ने र त्यसको जिम्मेवारी नेफिन यूकेका सचिव रिटायर्ड मेजर इन्द्र प्रसाद राईलाई दिइएको छ। त्यसैगरि महासंघले पहिलो पटक अगस्त ९ र १०, सन् २०२५ मा आदिवासी दिवसको अवसरमा बृहत आदिवासी मेला आयोजना गर्ने पनि निर्णय गरेका छ। अदिवासी दिवसको संयोजक उपाध्यक्ष विमला राईले गर्ने निर्णय गरिएको छ।आदिवासी मेला किरात हाउस गेम्बलस लेनमा हुने छ। मेलामा कार्रबूट सेल, भलिबल प्रतियोगिता, सांगीतिक मनोरञ्जन लगायतका कार्यक्रम आयोजना हुने छ। कार्यक्रममा नेपालबाट हरेक जातीय संस्थाहरुले आ–आफ्नो समुदायबाट कलाकार ल्याउने पनि बैठकको निर्णमा उल्ल्लेख छ। जनजातिहरुको आस्थाको धरोहर मुकुम्लुङमा (पाथिभरा देवी) भइरहेको आन्दोलनमा ऐक्यवद्धता जनाउदै प्रेस विज्ञप्ती जारी गर्ने र सो विज्ञप्ती नेपाली दूतावास मार्फत नेपाल सरकारलाई पठाउने पनि बैठकले निर्णय गरेको छ। साथै मुकुम्लुङ आन्दोलनलाई सहयोग गर्नका लागि आवश्यक पहल गर्ने निर्णय बैठकले गरेको छ। बैठकमा किरात राई यायोक्खा यूकेकी अध्यक्ष आशा राई र चुम्लुङ यूकेकी अध्यक्ष कमला लिम्बूले उठाएका सवाललाई मध्यनजर गर्नै जातीय संस्थाहरुमा महासंघको औचित्यको बारेमा अझै पनि
शीतलपाटीन्युज डटकम। लन्डन । बेलायत भ्रमणमा रहेका नेपाली कांग्रेसका वरिष्ठ नेता डा.शेखर कोइरालालाई लन्डनमा नागरिक समाज बेलायतले शुक्रबार सांझ एक कार्यक्रमबीच नागरीक अभिनन्दन गरियो। अभिनन्दन पत्रमा पूर्व उपकुलपति डा.कोइरालाले नेपालमा प्रजातन्त्र प्राप्ति, मानवअधिकार रक्षा,भ्रष्टाचार नियन्त्रण,सुशासन,खबरदारी एवं पूर्ण कानूनी राज्य स्थापना गर्न लगातार ध्यानाकर्षण गराएको भन्दै अभिनन्दन पत्रमा उल्लेख गरीएको छ। उनले राजनीतिक तथा सामाजिक क्षेत्रमा गरेका विविध कार्यहरुको उच्च मूल्यांकन गर्दै अभिनन्दन गरिएको नागरिक समाज बेलायतले जनाएको छ। प्रशंसापत्रमा नागरिक समाज बेलायतका अध्यक्ष शेरबहादुर सुनार,महासचिव आर के त्रिपाठी र कार्यक्रम संयोजक डेभिड गुरुङको हस्ताक्षर छ। औपचारिक कार्यक्रम शुरु हुनु अघि डा.कोइरालालाई पाइपर धुनले स्वागत गर्दै हलमा प्रवेश गराएर कदरपत्र,पुष्पगुच्छा र खादाले सम्मान गरियको थियो। कदरपत्र प्राप्तपछि डा. कोइरालाले आफू अभिनन्दनका लागि लायक भए नभएको भविष्यले निर्धारण गर्ने तर यो सम्मान धेरै ओझपूर्ण भएको बताएका थिए। कोइरालाले राजनीति गर्ने व्यक्तिमा नैतिकता र संस्कार हुनै पर्ने र होइन भने उसले राजनीति नगरे हुने बताए। अहिले नेपालमा राजनीतिमा नैतिकता र संस्कार दुवैमा खडेरी परेको र मैले त्यसमा तपाईंहरुलाई निराश हुन दिने छैन। म खरो तरिकाले उत्रन्छु’ डा कोईरालाले भने। नेपाल ब्रिटेन सम्बन्ध दुई सय वर्ष बढी भइसकेको उल्लेख गर्दै त्यो सम्बन्ध गोर्खाहरुले त्यतिबेला नै स्थापित गरेको उनको भनाइ थियो। डा. कोइरालाले भूतपूर्व गोर्खाहरुको समान पेन्सन लगायत समस्या समाधान गर्न आफूले ब्रिटिश मन्त्री र सांसदहरुसँग कुरा उठाउने जनाए। यसका लागि समय लागेपनि आफ्नो आवाज उठाइरहन नछोड्न उनले सबैमा अपिल गरे। कोइरालाले नेपालका नेताहरुलाई निरन्तर खवरदारी गर्न र देशको समृद्धिमा साथ दिन बेलायतको नेपाली समुदायलाई आग्रह समेत गरे। कार्यक्रमका सभापति एवं नागरिक समाज बेलायतका अध्यक्ष शेरबहादुर सुनारले भूतपूर्व गोर्खा समस्या समाधान र वंशजको नेपाली नागरिकता निरन्तरताका लागि पहल गरिदिन कोइरालासमक्ष अनुरोध गरे। उनले सहयोगी र सहभागी सबैप्रति आभार समेत व्यक्त गरेका थिए।कार्यक्रममा स्वागत मन्तव्य दिंदै कार्यक्रम संयोजक डेभिड गुरुङले डा.कोइरालालाई भावी प्रधानमन्त्री र कांग्रेस सभापतिका रुपमा बेलायतका नेपालीहरुले चाहेको बताए। आफूहरुले पार्टी हेरेर भन्दा पनि स्वच्छ छवि भएका र देशलाई नेतृत्व गर्न सक्षम नेताको सम्मान गर्न पाउंदा गर्व लागेको बताए। उक्त कार्यक्रममा
शीतलपाटीन्युज डटकम। पोखरा। सहारा क्लबले अर्को महिना आयोजना गर्ने २४ औं आहा रारा पोखरा गोल्डकपमा १० टोलीको सहभागिता निश्चित भएको छ। जयश्री फुड्स प्रालिले सह प्रायोजकको रुपमा आहा रारा पोखरा गोल्डकपसँग सम्झौता गर्न शनिवार आयोजित कार्यक्रममा सहभागिता निश्चित भएका १० टोलीको नाम सार्वजनिक गरिएको छ। आहा रारामा यस पटक सहभागी हुनेमा साविक विजेता त्रिभुवन आर्मी फुटबल क्लब सहित ७ ए डिभिजन टोली छन् । जसमा लिग विजेता चर्च ब्वाइज युनाइटेड, थ्रीस्टार क्लब, मच्छिन्द्र एफसी, नेपाल पुलिस क्लब,संकटा क्लब, एनआरटी छन् । त्यस्तै एपिएफ फुटबल क्लब, ब्रिगेड ब्वाइज फुटबल क्लब युके र आयोजना सहारा छन् । अन्य २ विदेशी टोलीसँग सहभागिताका बारेमा छलफल भइरहेको सहाराले जनाएको छ। आहा राराको हाम्रो खेलकुदको युट्युब च्यानलबाट प्रत्यक्ष प्रसारण हुनेछ। आहा रारामा जयश्री फुड सह प्रायोजक- सहारा क्लब पोखराले २४ औं आहा रारा पोखरा गोल्ड कप फुटबल प्रतियोगिताको तयारीलाई तीव्रता दिएको छ। यसै क्रममा जयश्री फुड्स प्रालि सह प्रायोजकको रुपमा आहा रारा सँग जोडिएको छ। त्यसका लागि शनिवार जयश्री फुड्सका जनरल मेनेजर अमित अग्रवाल र सहाराका अध्यक्ष केशव वरालले सम्झौता पत्रमा हस्ताक्षर गरे। सम्झौता एक वर्षको लागि गरिएको जानकारी सहाराका अध्यक्ष बरालले दिए। सहकार्य निरन्तरता रहने प्रतिबद्धता जनाउँदै जयश्रीका जनरल म्यानेजर अग्रवालले क्लबसँग जोडिदाँ व्यवसायको पनि प्रवर्द्धन हुने विश्वास व्यक्त गरे। अध्यक्ष बरालका अनुसार सम्झौता अनुसार जयश्री फुड्सले ५ लाख रुपैयाँ प्रदान गर्ने छ। जयश्री च्यारिटी संस्था मार्फत सामाजिक सेवा काम गर्दै आएपनि फुटबलसँग जोडिएको पहिलो भएको अग्रवालले बताए। ‘सहाराको बारेमा बुझ्यौं। सामाजिक संस्था त्यसमा पनि सेवामुलक रहेछ । बालकहरुलाई राखेर एकेडेमी चलाइएको रहेछ । एकेडेमी अवलोकन गरेपछि आहा रारा पोखरा गोल्डकपमार्फत सहकार्य गर्ने निर्णय लियौं, सहारा सँगको सहकार्य जा बारेमा जयश्रीका जनरल म्यानेजर अग्रवालले भने,’ भविष्यमा एकेडेमीलाई केही गर्न सकिन्छ भन्ने उद्देश्यसँगै जोडिएका हौं। एकेडेमीका बच्चाहरुको भविष्यको सहयोगअग्रसर रहन्छौं। ’ सहाराको आयोजनामा आहा रारा माघ २२ सुरु हुनेछ। सहाराका अध्यक्ष बरालले ए डिभिजनका क्लब, जापान, युकेको ब्रिगेड ब्वाईज क्लब र भारतीय सर्भिस टिम वा अन्य क्लबसँग सहभागिताको लागि छलफल भइरहेको जानकारी दिए । आहा रारा पोखरा गोल्डकपलाई हिमश्री
शीतलपाटीन्युज डटकम। लन्डन। तमु धीं यूकेका महासचिव एवं समाजसेवी डा. विशाल गुरुङले नेपालमा निःशुल्क आँखा शिविर सञ्चालन गर्ने भएका छन् । निःशुल्क आँखा शिविरको दोस्रो संस्करण आगामी फेब्रुअरीमा पर्वत र सर्लाहीमा सञ्चालन गर्ने भएका हुन्। नेपाल नेत्रज्योति संघसँगको समन्वयमा पर्वतको कुस्मा र चार भन्ज्याङमा फेब्रवरी १०,११, १२ र १३ तथा सर्लाहीमा फेब्रुवरी १८, १९ र २० मा शिविर चल्नेछ । आँखा शिविर सञ्चालनका लागि आर्थिक संकलन गर्न यही १७ जनवरीमा बेलायतमा ‘फन्ड रेजिङ डिनर नाइट’ आयोजना गरिएको छ।”राम्रो आँखाको ज्योति,राम्रो जीवनका लागि” नारासहित अल्डरसटस्थित एम्पायर हलमा हुदै छ। उक्त डिनर नाईट कार्यक्रमको टिकटदर ४५ पाउन्ड तोकिएको छ। शिविरका लागि संघसंस्था र व्यक्तिहरूले सहयोग गर्न सक्नेछन्। यस पटक तमु धीं यूके आमा समूह,चार भन्ज्याङ तमु समाज यूके,पर्वत वेल्फेयर सोसाइटी युके लगायत संस्थाले सहयोग गर्ने जनाइसकेका छन् । कार्यक्रममा उपस्थित भएर परोपकारी काममा लागि सहयोग गरिदिन डा.विशालले संघसंस्था तथा व्यक्तिहरूलाई अनुरोध गरेका छन्। सो च्यारीटी डिनर नाइटका अवसरमा खानासँगै राफल ड्र जस्ता मनोरञ्जनात्मक कार्यक्रम पनि हुनेछन्। डिनर नाइटका लागि तमु धीं यूकेले दुई वटा टेबल बुक गरिसकेको छ। अन्य संघसंस्थाले पनि टेबल बुक गरिरहेको उनले जानकारी दिएका छन। आँखा शिविरलाई सफल बनाउन आवश्यक तयारीका लागि कुस्मा नगरपालिकाका मेयरसहित अन्य व्यक्ति तथा संघसंस्थासँग कुरा भइरहेको डा.विशालले बताए। शिविरका लागि कुस्मामा हिमालयन आँखा अस्पतालबाट र सर्लाहीका लागि भरतपुर आँखा अस्पतालबाट चिकित्सकको टोली खटिनेछन्। सोसाइटी अफ नेप्लिज प्रोफेसनल्स यूकेका अध्यक्ष डा.ओम प्रसाद गौतम र नेपाल नेत्र ज्योति संघका अध्धक्ष डा. चेतराज पन्तले आँखा शिविरमा सुरुआतदेखि नै सहयोग गर्दै आएको डा. विशालले जानकारी दिए । डा. विशालले यसअघि सन् २०२३ फेब्रुअरीमा शिविरको पहिलो संस्करण सञ्चालन गरेका थिए। स्याङ्जाको पुतलीबजार नगरपालिकामा भएको शिविर सफल भएकाले नै दोस्रो संस्करण गर्न लागिएको उनको भनाइ छ। सो बेला नगरपालिकालाई मोतीयाबिन्दु मुक्त क्षेत्र बनाउने अभियान अन्तर्गत भएको शिविरबाट ४ हजार ४७० जनाले सेवा लिएका थिए। ९४ जना बिरामीको मोतिया बिन्दुको शल्यक्रिया गरिएको थियो।
शीतलपाटीन्युज डटकम। लण्डन,नटीड्गहिल । नेपाली काग्रेसका बरिष्ठ नेता, पुर्व उपकुलपति तथा माननिय सांसद डा शेखर कोईरालालाई एक समारोह बिच नेपाली राजदुतास लण्डनको सभाहलमा आज १० जनवरी २०२५ मा भब्य स्बागत गरियो। सो स्वागत समारोहमा नेपाली राजदुताबास लण्डनका कार्यबाहक राजदुत एवम डिपुटी चिफ अफ मिसन बिपिन दुवाडी लगायत बेलायतमा सक्रिय दर्जनै संघसंस्थाका अध्यक्ष,प्रतिनिधीहरु,बुध्दिजीबीहरु, ब्यवसायीहरु,पत्रकारहरु र राजदुताबासका कर्मचारीहरुको भब्य उपस्थिती रहेको थियो। नेपाली राजदुताबासका प्रथम सचिव उद्वव न्यौपानेले संचालन गर्नु भएको स्वागत कार्यक्रम कार्यबाहक राजदुत एवम डिपुटी चिफ अफ मिसन बिपीन दुवाडीले डा कोइरालालाई स्बागत गर्नु भएको थियो। सो स्वागत समारोहमा उपस्थित सम्पुर्ण संघसंस्थाका अध्यक्षहरु, प्रमुखहरु,बुध्दिजीवी, पत्रकारहरुलाई उपस्थित भै कार्यक्रमलाई शोभा बढाई दिएकोमा धन्यबाद समेत दिनु भएको थियो। स्वागत कार्यक्रममा प्रमुख अतिथी डा कोईरालाले भुतपुर्व ब्रिटीस गोर्खाहरुको समान काम,समान पेन्सन,ब्रिटेनबाट नेपाल हवाई उडान,बेलायत सरकारले नेपाललाई गर्ने सहयोगका बारेमा संसद हुने कार्यक्रममा स्पष्ट रुपमा राख्ने र बिदेशमा बस्ने नेपालीहरुको नेपाली नागरीकता बारेमा आफु छलफल गर्न तयार रहेको बताउनु भयो। नेपालको बिकासका लागि बिदेश बस्ने नेपाली र नेपाल बिच सुमधुर सम्बन्ध रहन पर्नेमा डा कोईरालाले जोड दिनु भएको थियो। संबोधनका क्रममा कार्यबाहक राजदुत एवम डिपुटी चिफ अफ मिसन दुबाडीले बेलायतमा रहेका नेपाली संघसंस्थाहरुसंग सहकार्य नेपाली दुताबास तयार रहेको र संघसंस्थाको अभिलेख अपडेट गर्ने काम भैरहेको बताउनु भयो। नेपालीहरुका लागि राजदुताबाट दिने सेवा सुबिधा सजिलो बनाउने उपाएहरुको तरिका भएमा राजदुबासलाई अनुरोध गर्नु भएको थियो। साथै बेलायत सरकारले शुरु गरेको ईभिसालाई समय मै जानकारी लिएर अपडेट गर्न पनि उहाले बताउनु भएको थियो। डा कोईराला १३ जनवरी २०२५ का दिन बेलायतको हाउस अफ कमन्सका सांसद ग्यारेथ थोमस र क्याथिरीन वेष्टसंग भेटबार्ता हुनेछ। सासंदहरुले सो समारोहमा केही नेपाली अभियन्ताहरुलाई पनि निमन्त्रणा गरेको कुरा नेपाली काड्गेसका केन्द्रिय आर्थिक निती तथा योजना विभागका सदस्य बेलायत प्रतिनिधी राजकुमार त्रिपाठीले बताउनु भएको छ। यो कार्यक्रमको संयोजन पनि इन्जीनियर आर के त्रिपाठीले गर्दै आउनु भएको छ।
शीतलपाटीन्युज डटकम। लन्डन। नेपाली कांग्रेसका नेता एवं संघीय सांसद डा. शेखर कोइराला बेलायत आइपुगेका छन् । यही जनवरी १३ का दिन संसद् भवनभित्र आयोजना गरिने एक विशेष कार्यक्रममा सम्बोधन लगायतका कार्यक्रमका लागि कोइराला बिहीबार राति ९ जनवरी २०२५ मा लन्डनस्थित हिथ्रो बिमानस्थलमा ओर्लिएका हुन् । उनलाई बेलायतस्थित नेपाली कांग्रेसका कार्यकर्ता तथा शुभेच्छुकहरुको जम्बो टोलीले स्वागत गरेको थियो। उनी बेलायतको एसिया मामला हेर्ने विदेश राज्यमन्त्री क्याथराइन वेष्ट र उद्योग व्यापार वाणिज्यमन्त्री ग्यारेथ थोमसको निमन्त्रणामा बेलायत आएका हुन्। नेता कोइरालाले एक साता बेलायतमा रहँदा बेलायती राजनीतिज्ञहरुसंग भेटघाट साथै विभिन्न सहरमा नेपाली समुदाय र कांग्रेस कार्यकर्तासँग पनि अन्तरक्रिया गर्नेछन् ।
शीतलपाटीन्युज डटकम। दुलेगौडा,तनहु। सोलार फर्म लिमिटेड बेलचौतारा तनहुको सौर्य विद्युत् आयोजनाको छैटौँ वार्षिक साधारणसभा आयेजनास्थल मै सम्पन्न भएको समाचार छ। गत शुक्रबार ३ जनवरी २०२५ मा संस्थाका अध्यक्ष आस बहादुर गुरुड्ग (मोहन गुरुङ)को अध्यक्षतामा आयोजनास्थल बेलचौतारामा साधारणसभा सम्पन्न भएको हो। कम्पनीका सचिव होमचन्द्र श्रेष्ठले सञ्चालन गरेका थिए। उक्त कार्यक्रममा स्वागत मन्तव्य राख्दै क्याप्टेन हितमान गुरुङले आयोजनाको सफलताको शुभकामना दिएका थिए।साथै शेयरधनी पदम बहादुर गुरुड्ले पनि सफलताको शुभकामना दिएका थिए। आर्थिक वर्ष २०८०/८१ को आर्थिक प्रतिवेदन सञ्चालक तथा प्रमुख कार्यकारी अधिकृत लेखनाथ पाण्डेले प्रकाश पारेका थिए। उनले यस वर्ष लाभांश बाँडिएको र आगामी वर्ष यसलाई बढाउने प्रतिबद्धता पनि व्यक्त गरेका थिए। कार्यक्रममा लगानीकर्ताको नैराश्यलाई सम्बोधन गर्दै कम्पनीका अध्यक्ष गुरुड्गले आगामी वर्ष अरू परियोजनामा लगानी गरी सबै लगानीकर्ताले सोचेअनुसार प्रतिफल पाउने बताएका थिए। नेपाल विद्युत् प्राधिकरणबाट थप ९० मेगावाट परियोजना सम्पन्न गर्न सोलार फार्मलाई ठेक्का परेकाले अब कम्पनी ठूलो भएको उनले जानकारी गराए। सोलार फार्म लिमिटेड र डोल्मा इम्प्याक फन्डको सहकार्यमा ९० मेगावाट परियोजना आगामी दुई वर्षभित्र सम्पन्न गर्ने लक्ष्य लिएर अगाडि बढेको उनको भनाइ थियो। कार्यक्रममा प्रमुख लगानीकर्ता डोल्मा इम्पक्ट फन्डका प्रतिनिधि,कुमारी बैंकका प्रतिनिधि र सौर्य उर्जाका लगानी कर्ताहरुको उपस्थिति थियो।
शीतलपाटीन्युज डटकम। मीडलैण्ड,लण्डन।नेपाली जनसम्पर्क समिति (एनपीसीसी) बेलायत मिडल्याण क्षेत्रले यही जनवरी ६ सोमबारका दिन लेस्टर सिटीमा ४९ औ राष्ट्रीय एकता तथा मेलमिलाप दिवसको अवसरमा " बी.पी. ले अवलम्बन गरेको राष्ट्रियताका लागि मेलमिलापको निति र अहिलेको नेपालको राजनैतिक आवश्यकता " भन्ने बिषयमा एक गोष्ठीको आयोजना गरेको थियो। नेपाली कांग्रेस र यसका भातृ संगठनहरूले २०३३ साल पुस १६ गते बीपी कोइराला, गणेशमान सिंह,शैलजा आर्चाय,खुमबहादुर खड्का लगायत नेता निर्वासन जीवन त्यागेर भारतबाट स्वदेश फर्केको दिनको स्मरणमा मेलमिलाप दिवस मनाइँदै आएका छन्। मिड्ल्यान्डका सभापति नारायण आचार्यको सभापतित्वमा भएको सो कार्यक्रममा कार्यक्रमका प्रमुख अतिथि बेलायत भ्रमण रहनु भएका नेपाली कांग्रेसका युवा नेता एवं राजनीतिक विश्लेषक शंकर तिवारीले जननायक बीपी कोईरालाले तत्कालिन अवस्थामा लिएको निर्णयले नै नेपालको राष्ट्रीयता एकता र प्रजातांत्रिक आन्दोलनलई बल पुगेर बताउनु भयो। बीपीको राष्ट्रीय एकताका लागि लिएर मेलमिलाप नीति नेपालको परिवेशमा अहिले पनि त्यति नै आवश्यक रहेको बताउनु भयो। कार्यक्रममा विशेष अतिथिको रूपमा बोल्दै नेपाली कांग्रेसका महाअधिवेशन प्रतिनिधि एवं नेपाली जनसम्पर्क समिति युकेका सल्लाहाकार विश्व आदर्श पंडितले आफ्नो ज्यानको प्रवाह नगरी तत्कालीन अवस्थामा दक्षि़ण पूर्व एसियामा देखिएको उतार चडावलाई ध्यान दिई बीपी कोईरालाले राजासंग राष्ट्रीयता सवालमा मेलमिलाप र प्रजातन्त्रको पुन स्थापनाका लागि शान्तिपूर्ण संघर्ष नीति सही सावित भएको र अहिलेको अवस्थामा पनि सान्दर्भिक भएको बताउनु भयो। कार्यक्रममा मिडलैण्ड क्षेत्रका नेपाली समाजका प्रतिनिधि एवं समाजिक अभियन्ताहरूको बाक्लो उपस्थिति रहेको थियो। एनआरएनए अभियंता दयानिधि सापकोटा,सोम सापकोटा,महेश अधिकारीले पनि मेलमिलाप दिवसको बारेमा आफ्नो धारणा राख्नु भएको थियो। यसैगरी राष्ट्रीय स्वतंत्र पार्टी बेलायत सम्पर्क बिभागका अध्यक्ष पवन शर्मा,प्रवासी नेपाली मंच बेलायतका प्रतिनिधि पशुपति पोखरेल, एनआरएन युके इंल्याण्ड राज्यपरिषदका अध्यक्ष शम्भु अर्यालले मेलमिलाप दिवसको शुभकामना दिनु भएको थियो। साझा नेपाली समाजका संस्थापक अध्यक्ष शंकर भण्डारी,सिर्जनशील लेस्टर समाजका अध्यक्ष पुण्डरी अर्याल,ग्रान्थम नेपाली समाजका अध्यक्ष किशोर लामिछाने,शान्ति नेपाली समाजका महासचिव राजेश मणि लामिछाने,काभ्रे सोसाइटी युकेका अध्यक्ष नारायण फुयाल,साझा नेपाली समाज युकेका महासचिव शशांक शर्मा,समाजसेवी गोविन्द सापकोटा तथा यम कुमारी कंडेलले पनि शुभकामना मन्तव्य दिनु भएको थियो। यसैगरी एनपीसीसी युकेका पूर्व महामन्त्री शिव तिमिल्सिना,पूर्व
शीतलपाटीन्युज डटकम। लण्डन। म:म मेरो जागिर होइन,मेरो जीवनयापन गर्ने साधन पनि होइन। तर यो मेरो मनको कुरा हो,मेरो भावनासँग जोडिएको एउटा यात्रा। मःम को पोको पारिएको यो स्वादिलो खाना मेरा लागि केवल परिकार मात्र होइन, यो सम्झनाको एक टुक्रा हो। मैले मःम काठमाडौंका गल्लीहरूमा आनन्द लिएको छु,अनि दुनियाँका ठूला ठूला रेस्टुरेन्टहरूमा यसको आकर्षक रूप देखेको छु। यो एउटा यस्तो परिकार हो, जसले मानिसलाई जोड्छ—चाहे त्यो रातको मिठो भोक मेटाउन होस्,पारिवारिक जमघट होस् वा केवल गफगाफको बहाना। तर मेरो लागि मःम बनाउन पैसा कमाउने माध्यम होइन; यो मेरो आत्मालाई सन्तुष्टि दिने कला हो। जब म मःमको त्यही उतकिर्स्ट मुजा बनाउँछु, जब भाँडाबाट बाफ निस्कन्छ र पूरै भान्सामा सुगन्ध ले भरिन्छ, अनि त्यो पहिलो स्वादले जिब्रोमा जादु गराउँछ—त्यो कुनै काम जस्तो लाग्दैन। यो कला हो, संस्कृति हो, भावना हो। मःम मेरो जागिर होइन, तर यो मेरो मनको कुरा हो, जुन कहिल्यै पैसाले किन्न सकिंदैन। यही कारणले यो मेरो सधैंको जूनून हो। Padam Bikram Khand सग गफगाफ, Ireland. #बिनोदबराल #momo #binodbaral को फेसबुकवालबाट।
शीतलपाटीन्युज डटकम। लन्डन । प्रवासी नेपाली मंच युकेको २० औं वार्षिकोत्सव यहाँ भव्य समारोह बीच मनाइएको छ। प्रवासी नेपाली मंच युकेका अध्यक्ष तुङ्गभद्र भुसालको अध्यक्षतामा सम्पन्न सो कार्यक्रममा पूर्व अध्यक्षहरु दिनेश घिमिरे,रामशरण सिंखडा,राजेन्द्र पुडासैनी,सुरेन्द्र थपलिया लगायतले शुभकामना मन्तब्य दिएका थिए। गत आइतबार बेलुका पश्चिम लन्डनको ब्लुरुम भेन्युमा आयोजित समारोहको शुरुमा संस्थाका संस्थापक अध्यक्ष स्वर्गीय आङ्ग कल्जंग लामाको आत्माको चिर शान्तिको कामना गर्दै एक मिनेट मौन धारण गरिएको थियो। एनआरएनएका केन्द्रीय उपाध्यक्ष तथा संस्थाका पूर्व अध्यक्ष सिम्खडाले २०१४ जनवरी ५ मा आफु मंचको अध्यक्षमा निर्वाचित भएको स्मरण गर्दै अझ जुझारु रुपमा अगाडी बढ्न संस्थालाई शुभकामना दिए। अर्का पुर्व अध्यक्ष पुडासैनीले बार्षिकोत्सवमा सहभागी हुन आउनु भएका सबैलाई धन्यबाद दिएका थिए। सो अवसरमा पूर्व अध्यक्ष सुरेन्द्र थपलियाले सन् २००४ डिसेम्बर २० का दिन आङ्ग कल्जंग लामाको निवासमा भेला भएर आफुहरुले संस्था स्थापना गरेको स्मरण गर्दै थपलियाले नेपालको उन्नति प्रगति र नेपालीको दुखसुखमा साथ दिनुका साथै मंचले सामाजिक र परोपकारी कामहरु गर्दै आएको जनाउदै श्रमिक राहत कोष खडा गर्न संस्थाले छिट्टै आकर्षक उपहार सहितको राफल टिकट बिक्री अभियान संचालन गर्न लागेको पनि प्रष्ट पारे। त्यस्तै प्रवासी नेपाली मंच युके इन्चार्ज सरस्वती केसी,प्रवासी नेपाली मंचका पुर्व अध्यक्ष तथा अन्तरराष्ट्रिय कमिटिका उपसचिव कर्ण शाही,ओएनएफ युके नर्थ वेष्ट कमिटि अध्यक्ष भिम लाल भट्टराई लगायतले पनि कार्यक्रम सफलताको शुभकामना दिए। २० औं वार्षिकोत्सव समारोहलाई सम्बोधन गर्दै कार्यक्रमका प्रमुख अतिथि तथा प्रवासी नेपाली मंच अन्तरराष्ट्रिय कमिटिका अध्यक्ष भक्त गुरुङले सन् २००४ मा तत्कालिन राजा ज्ञानेन्द्रले लोकतन्त्र अपहरण गरेको बेला लोकतन्त्र तथा मानव अधिकारको रक्षा गर्न एनडीएफको स्थापना गरिएको बताएका थिए।उनले नेपाललाई समृद्ध बनाउन यहाँ आर्जन गरेको ज्ञान र धनलाई नेपालसंग जोड्ने र समृद्ध नेपाल बनाउन संस्थाले काम गर्नु पर्नेमा जोड दिएका थिए।उनले डायस्पोरा संग नजोडिंदासम्म नेपालको विकास सम्भव छैन भन्दै भारत लगायत संसारभरि रहेका डायस्पोरालाई समृद्ध नेपाल बनाउन परिचालित गर्नु पर्ने कुरामा पनि जोड दिएका थिए। संबोधन गर्दै प्रवासी नेपाली मंचलाई बढी भन्दा बढी नेपालीहरु सम्म पुराउन आग्रह समेत गर्दै आफ्नो धारणा प्रष्ट पारेका थिए। कार्यक्रममा
शीतलपाटीन्युज डटकम। काठमाडौँ। तिब्बतको दिंग्गे काउन्टी केन्द्रविन्दु भएर मंगलबार बिहान भूकम्प गएको छ। भूकम्प बिहान ६:५० बजे मिनेटमा गएको हो। नेपालको राष्ट्रिय भूकम्प मापन तथा अनुसन्धान केन्द्रका अनुसार ७ म्युाग्निच्युडको धक्का नेपालका अधिकांश भूभागमा धक्का महसुस भएको छ।नेपाल,भारत,भुटान,बंगलादेश र चीनमा पनि धक्का महसुस गरिएको स्थानीय सञ्चार माध्यमले जनाएका छन्। काठमाडौँमा भूकम्पको धक्का महसुस भएपछि स्थानीय त्रसित हुँदै सडकमा निस्किएका थिए। भूकम्पबाट नेपालमा के कति क्षति भयो भन्ने विवरण भने प्राप्त भै नसकेको केन्द्रले जनाएको छ।
पुर्ण गुरुड्ग, लण्डन। बुद्धिष्ट कम्युनिटी सेन्टर (बीसीसी) युकेले विविध धार्मिक कार्यक्रमकासाथ तमू (गुरुङ) हरुको महान पर्व तमू ल्होछार मनाएको छ। गत सोमबार ३० डिसेम्बर २०२४ अर्थात् २०८१ पौष १५ का दिन अल्डरसटस्थित बीसीसी गुम्बामा मनाइएको हो। नेपालबाट आमान्त्रित धर्मगुरु लामा गुप्ती गुरुङको बिशेष उपस्थितिमा आयोजना गरिएको कार्यक्रममा दिप प्रज्ज्वलन,घ्यासी (ग्रह शान्ति),आयु,साङ्ग,छोग, घनचक्र पूजा गरिएको थियो। कार्यक्रममा बीसीसी युकेका अध्यक्ष हर्क बहादुर गुरुङले तमूहरुको मौलिक पर्व ल्होछारको पावन अवसरमा सबै प्राणी जगतमा सुख, शान्ति, समृद्धि, दीर्घायू एवं सुस्वास्थ्यको कामनासहित शुभकामना व्यक्त गर्दै सबैलाई स्वागत गरेका थिए। त्यस्तै, आमान्त्रित लामा गुप्ती गुरुङ, खेन्पो छेवाङ्ग,बीसीसी यूकेका खेन्पो शेनाङ्ग, लोपेन नोर्बु, लामा हर्कजंग घले, लामा प्रदीप गुरुङलगायत धर्मगुरुहरुले विभिन्न धार्मिक पूजापाठहरु गरेका थिए। साथै, गुप्ती लामा गुरुले ल्होछारबारे धार्मिक प्रवचन दिएका थिए भने तमू धीं युकेका नवनिर्वाचित अध्यक्ष जुमकाजी गुरुङले ल्होछारको शुभकामना मन्तब्य दिएका थिए। विश्वभर रहेका गुरुङहरुले प्रत्येक पौष १५ गते हुने ल्हो अर्थात् बर्ग परिवर्तनलाई बिशेष महत्वका साथ लिने गर्दछ। सोही अनुरुप यसबर्ष विश्वभर रहेका गुरुङहरुले गिद्ध बर्गलाई बिदाई गर्दै सर्प बर्गलाई स्वागत गरिएको हो । सो अवसरमा बीसीसी युके अध्यक्ष हर्क बहादुर गुरुङ तथा आमा प्रमुख जगना गुरुङ, तमूधिं युकेका अध्यक्ष हरि गुरुङ,नवनिर्वाचित अध्यक्ष जुमकाजी गुरुङ,पूर्व अध्यक्षहरु हित काजी गुरुङ, ज्ञाम गुरुङ,रामचन्द्र सुर्जे गुरुङ, तमू फोरम युकेका अध्यक्ष क्या.राजु गुरुङलगायत आमाहरु, सल्लाहकारहरुको बिशेष उपस्थितिमा गुम्बा परिसरभित्र नयाँ लुंदा फेरेका थिए। कार्यक्रममा एनआरएनए युकेका अध्यक्ष हित काजी गुरुङ,शेर्पा एशोसिएशन युकेका अध्यक्ष रिन्जी शेर्पा, शिव कल्चरल एण्ड कम्युनिटी सेन्टर युकेका अध्यक्ष बिक्रम भट्टराई,मगर संघ युके,सीसी लण्डन ब्रान्चका अध्यक्ष गोपाल तामाङ्ग,बीसीसी युकेका ट्रष्टी मेम्बर्सलगायत करीब १००० जनाको उपस्थिति रहेको बीसीसी यूकेका उपाध्यक्ष एवं कार्यक्रम संयोजक क्याप्टेन क्याप्टेन देब घलेले जानकारी दिए। उक्त कार्यक्रमलाई सफल बनाउनका लागि बीसीसी युकेका सिंगो कार्यसमिति,आमाहरु,सल्लाहकारहरुका साथसाथै ट्रष्टी मेम्बर्सहरुले बिशेष भूमिका खेलेका थिए। त्यस्तै,विभिन्न सहभागी भक्तजनहरुले भोजनदान, जिन्सी दान तथा दीप प्रज्ज्वलन गरेका थिए। बीसीसी युकेका अध्यक्ष हर्क बहादुर गुरुङको अध्यक्षतामा सम्पन्न भएको कार्यक्रममा बीसीसी युके उपाध्यक्ष एवं कार्यक्रम संयोजक क्याप्टेन देब घलेले सहभागी
