शीतलपाटीन्युज डटकम। लण्डन। गत शनिबार बिहान एक्कासि पुराना कलेजका दिनहरू सम्झाउने हलुवा स्वारी खान मन लाग्यो। त्यसै स्वाद खोज्दै म साउथहल पुगें र छोले भटुरे,जेरी र साइडमा हलुवा अर्डर गरें। तर मेरी श्रीमतीले भटुरे खान चाहिनन्,किनभने उनलाई प्रयोग भएको तेलको गुणस्तर र त्यसको असरबारे शंका थियो। तर मज्जाले नान र समोसा अर्डर गरिन्—त्यही तेलमा भुटिएको,त्यही मैदाले बनेको! खैर,त्यो दिन म सम्झनाका स्वादहरू फेरि जिउन चाहन्थें,त्यसैले मैले केही सोच्दै नसोधी मज्जाले खान थालें। तर,एक्कासि मनमा कुरा खेल्न थाल्यो। भटुरे—मैदाबाट बनेको,गरम तेलमा फ्राइ गरिएको। जेरी—फेरि मैदाको, E160a भन्ने रङ्ग मिसाइएको,फ्राइ गरेर चिनीको चास्नीमा भिजाइएको। समोसा—मैदाको खोल,हाइड्रोजनेटेड डाल्डा घ्यू मुछेर फ्राइ गरिएको। नान—त्यही मैदाको अर्को रूप। यी सबै परिकार हामीले वर्षौं देखि खाँदै आएका छौं,तर कहिल्यै यसबारे कुनै उजुरी थिएन। तर अहिले,अचानक,म:म निशानामा परेको छ! किन? किनभने यो मैदाबाट बनेको हुन्छ? अचम्म! त्यही मैदा,जुन वर्षौं देखि हामीले समोसा, भटुरे,जेरी,नानमा खाँदै आएका छौं। फरक यति मात्र छ—यी सबै सेन्थेटिक तेलमा तारिएका छन्, चिनी र हाइड्रोजनेटेड फ्याटले भरिएका छन्,तर म:म त सादा स्टीम गरिन्छ! स्वास्थ्यबारे सोच्नु राम्रो हो। हामीले के खाँदै छौं,ख्याल राख्नुपर्छ। तर तपाईँलाई कसैले जबरजस्ती मैदाको म:म खान भनेको छ र? अरू विकल्प छैन त? गहुँको पिठो,कोदो,फापर—यी सबै छन,तर माग गर्ने कि नगर्ने,त्यो तपाईंको हातमा छ। जब माग बढ्छ,व्यवसाय आफैं परिवर्तन हुन्छ। यही त प्राकृतिक नियम हो! म:मलाई दोष दिएर के फाइदा? बरु यसलाई स्वस्थ बनाउन पहल गरौं—स्थानीय, मौसमी,हल्का र पौष्टिक सामग्री राखौं। यसलाई आफ्नो जीवनशैलीअनुसार ढालौं—शाकाहारी,हलाल, जैन,ग्लुटेन-फ्रि जस्तो जे चाहिन्छ,त्यस्तै बनाऔं। अनि,कसले भन्यो कि म:म तेलमा फ्राइ गर्ने भनेर? त्यो त मौलिक शैली नै होइन! म:म सँग मायोनेज खानुपर्ने भन्ने सोच कसरी आयो? त्यो त म:म को अपमान नै हो! म:मको आफ्नै चटनीको संसार छ—गोलभेँडाको,भट्टमासको, तिलको,सुन कागती,लप्सी, धनियाँ,टिमुरको स्वादले भरिएको हुन्छ। यसलाई आफ्नै स्वाद अनुसार बनाउन सकिन्छ, फरक-फरक ठाउँको मौलिक स्थानिय स्वाद मिलाएर। त्यसैले,म:मलाई दोष लगाउनेहरूलाई मेरो नम्र अनुरोध—पहिले आफ्नो वरिपरि हेर्नुस्। हात्ती देख्न छोडेर जङ्गलको एउटा सानोतिनो माहुरीलाई किन खोज्नुहुन्छ? यो स्वास्थ्यको चिन्ता होइन,यो पागलपन र इर्ष्या हो! र, म:मको
शीतलपाटीन्युज डटकम। काठमाडौं । नेपाल सरकारले डीआईजी जनक भट्टराईलाई एआईजीमा बढुवा गरेको छ । बुधबार बसेको मन्त्रिपरिषद् बैठकले भट्टराईलाई एआईजीमा बढुवा गर्ने निर्णय गरेको हो। गृह मन्त्रालय सिहदरवारको सिफारिसका आधारमा उनी बढुवा भएका हुन्। अब भट्टराईको ११ दिन मात्र पदमा रहको छ। ३० वर्षे सेवाहदका कारण उनले आगामी ४ चैतदेखि अनिवार्य अवकाश पाउँदैछन्। भट्टराईलाई अवकाशअघि एआईजीमा बढुवा गर्नकै लागि गृह मन्त्रालयले एआईजी रबिन्द्र केसीलाई राजीनामा दिन लगाएको समाचारमा प्रकाशित थियो।
शीतलपाटीन्युज डटकम। काठमाडौँ। ट्रम्प प्रशासनले ८ नेपालीलाई चार्टर विमानबाट नेपाल पठाएको छ। उनीहरूलाई आज केहीबेर अघि त्रिभुवन अन्तर्राष्ट्रिय विमानस्थलमा उतारिएको हो। आधिकारिक कागजातविहीन आप्रवासीलाई अमेरिकाबाट निष्कासन गर्ने नीति अनुसार सात जना पुरुष र एक जना महिलालाई अमेरिकी वायुसेवा कम्पनी ग्रिफोन एयरको जहाज गल्फजेटस्ट्रिम बिहान ९ बजेर ५३ मिनेटमा त्रिभुवन अन्तर्राष्ट्रिय विमानस्थलमा उतारेको हो। चार्टर विमान अल्बानियाको तिराना अन्तर्राष्ट्रिय विमानस्थलमा त्यहाँका केही नागरिकलाई ओरालेपछि सोझै नेपाल आएको होव यसअघि २७ नेपालीलाई अमेरिकाबाट नेपाल फिर्ता गरिसकेको छ। प्रहरी उच्च स्रोतका अनुसार डिपोर्ट भएकाहरुमा सबै भन्दा बढी उमेर भएका एक जना ४७ वर्षका छन् । डिपोर्ट हुनेहरूमा शुष्मा, लक्ष्मण, सुकुमार, हिमाल, मोहन, टोपबहादुर, कमल प्रकाश र तीर्थ बहादुर नामका छन् । उनीहरुको थप पहिचान खुलाइएको छैन । (जनबोलीबाट)
GNNNEWS- लण्डन। बेलायतको लिड्स विश्वविद्यालयमा अन्तरराष्ट्रिय कानूनका प्राध्यापक डा.सूर्यप्रसाद सुवेदीले पाश्चात्य सभ्यतामा पूर्वीय सभ्यताको गहिरो छाप रहेको जनाएका छन्। आफ्नो सम्मानमा बेलायतको म्यानचेस्टर विश्वविद्यालयले आयोजना गरेको एक सम्मेलनलाई सम्वोधन गर्दै उनले भने, "शान्तिका अग्रदूत गौतम बुद्धको समयमा नै एक किसिमको संसदीय अभ्यास प्रचलनमा थियो र हिन्दु र बुद्ध धर्मका ग्रन्थहरुमा मानिसको व्यक्तिगत स्वतन्त्रताको सम्मान गरिएको उल्लेख छ । प्राचिन समयमा पूर्वीय सभ्यता पाश्च्यात्य सभ्यता भन्दा निकै अगाडी रहेको थियो र पूर्वीय दर्शनका केहि मूल्य र मान्यताहरुले पाश्चात्य दर्शनलाई प्रभावित गरेको थियो। त्यसैले पूर्वीय सभ्यता र पाश्चात्य सभ्यतामा कुन राम्रो हो भन्ने बहसमा लाग्नु भन्दा दुबै सभ्यताका राम्रा कुरा समावेश गरि एउटा सिंगो मानव सभ्यता विकास गर्दै लान सकिए संसारमा सबैको भलो हुनेछ," उनले भने। बेलायतका प्रतिष्ठित विश्वविद्यालयमा लब्ध–प्रतिष्ठित प्राध्यापकहरुले आफ्नो विधामा जीवनभर दिएको उत्कृष्ट योगदानको कदर गर्दै त्यस्ता प्राध्यापकको सम्मानमा एक ग्रन्थ प्रकाशन र सम्मेलन गर्ने परम्परा छ। बेलायतको प्राज्ञिक क्षेत्रमा यो एक असाधारण र विरलै रूपमा गरिने सम्मान मानिन्छ। त्यसलाई परम्परागत अंग्रेजी भाषामा फेस्श्रीफ्ट (Festschrift) भन्ने गरिएको छ । यस्तो सम्मेलनमा ती प्राध्यापकको सुपरिवेक्षणमा विद्यावारिधि गरेका संसारभर छरिएका प्राज्ञिक सन्ततिहरु र सहकर्मी प्राध्यापकहरु जम्मा भइ उनलाई सामुहिक सम्मान गर्ने, उक्त ग्रन्थ समर्पण गर्ने, प्रवचन राख्ने र रात्री भोजको आयोजना गर्ने प्रचलन छ। यसै परम्परा अनुसार प्रा.सुवेदीको सम्मानमा म्यानचेस्टर विश्वविद्यालयमा आयोजना गरिएको एक समारोहमा बेलायतका दुई महिला प्राध्यापक डा लुइसा आश्ली र डा निकी बटलरले प्रकाशन गरेको ‘अन्तरराष्ट्रिय रूपमा मानव अधिकार कार्यान्वयनमा देखिएका समस्या र तिनको समाधान’ पुस्तक उनीहरुले प्रा सुवेदीलाई अर्पण गरे। त्यसपछि उक्त ग्रन्थ लीड्स विश्वविद्यालयका भूतपूर्व डीन प्राध्यापक स्टेफेन व्हिटलीले लोकार्पण गरेका थिए। त्यसपछि प्राध्यापक सुवेदीले मानव अधिकार र अन्तरराष्ट्रिय कानूनमा दिएको योगदानको बारेमा प्रकाश पारेका थिए। उक्त समारोहमा डा निकी बटलर र डा लुइसा आस्लिले प्रा सुवेदीको प्राज्ञिक तथा पेशागत योगदानबाट प्रभावित भएर उक्त ग्रन्थको लेखन र सम्पादन गरेको बताएका थिए । ती दुवै महिला प्राध्यापकहरुले प्राध्यापक सुवेदीको सुपरिवेक्षणमा दश–पन्ध्र वर्ष अघि विद्यावारिधि गरेका थिए र उनीहरुले अहिले आफ्ना गुरुको सम्मानमा उक्त ग्रन्थ
शीतलपाटीन्युज डटकम। लन्डन।सर्बोच्च अदालतद्वारा निर्देशित शेष घले अन्तरगत गैरआवासीय नेपाली संघ,राष्ट्रिय समन्वय परिषद् यूकेको यही मार्च २३ मा हुने एकता अधिवेशनका लागि निर्वाचन तालिका सार्वजनिक गरिएको छ। निर्वाचन समितिले अल्डरसटस्थित ठमेल रेस्टुरेन्टमा आइतबार २ मार्च २०२५ मा पत्रकार सम्मेलन (Press Meet)गरी अधिवेशनको निर्वाचन कार्यतालिका सार्वजनिक गर्यो। कार्यतालिका अनुसा उम्मेदवारी दर्ता १९ मार्च ५ बजेसम्म तथा उम्मेदवारीउपर दावी/विरोधको समयसीमा २० मार्च दिउँसो एक बजेसम्म राखिएको छ। त्यस्तैगरी मतदाता नामावली प्रकाशन १६ मार्च अपराह्न ५ बजे हुनेछ भने सदस्यता माथि दावी/विरोधका लागि १७ मार्च ५ बजेसम्मको समय निर्धारण गरिएको छ।उम्मेदवारी फिर्ताका लागि २० मार्च दिउँसो ३ बजेसम्म र अन्तिम उम्मेदवारहरुको नामावली प्रकाशन २० मार्च साँझ ७ बजेको समय तोकिएको निर्वाचन समितिले जनाएको छ। २१ मार्च दिउँसो उम्मेदवारहरुका प्रतिबद्धता सार्वजनिक गरिने र २३ मार्चका दिन निर्वाचन,नतिजा घोषणा र शपथ हुने समितिले जनाएको छ। तालिकाअनुसार सदस्य बन्ने अन्तिम समयसीमा १५ मार्च मध्यरात सम्म तोकिएको छ। अधिवेशनले ३६ सदस्यीय एनआरएनए एनसीसी गठन गर्नेछ। अध्यक्ष र आईसीसी पदको उम्मेदवारी दिन १ हजार पाउण्ड,उपाध्यक्ष र महासचिव उम्मेदवारका लागि ५०० पाउण्ड,सचिव,महिला सचिव र कोषाध्यक्ष पदका लागि ३०० पाउण्ड,सहकोषाध्यक्ष,महिला संयोजक र युवा संयोजक उम्मेदवारले २०० पाउण्ड एवं १८ सदस्यहरुले उम्मेदवारी शुल्क १०० पाउण्ड निर्धारण गरेको छ। भौतिक रुपमा उपस्थित भएर उम्मेदवारी र मतदान दिनुपर्ने समितिले प्रष्ट जनाएको छ। निर्वाचन समितिको संयोजकमा डा.भिम पुन,सदस्यसचिवमा विश्वासदीप तिगेला, सदस्यहरुमा राजकुमार त्रिपाठी र टेकबहादुर थापा छन्। आइतबार नै सोही हलमा ५ सय २७ सदस्यीय मूल आयोजक समितिले पत्रकार सम्मेलन गरेको थियो । सो समितीमा अध्यक्ष योगेन क्षेत्री र सचिव राजकुमार त्रिपाठी रहेका छन्। उक्त अवसरमा एनआरएनए यूके अध्यक्ष प्रेम गाहामगर,तमुधीं यूके पूर्वअध्यक्ष ज्ञाम गुरुङ, पूर्वडीएसपी वाचस्पति रेग्मी, पूर्वकाउन्सिलर प्रवेश केसी, एनआरएनए यूके गोर्खा टास्क फोर्सका प्रमुख संयोजक ओमप्रसाद थापा काउचाले आआफ्नो मन्तव्य राखेका थिए। यस्तै एनआरएनए उपाध्यक्ष थर्क सेनले सदस्यता लिएर बेलायत र नेपालमा हुने अधिवेशनमा सहभागी हुन अपिल गरेका थिए। उनले एनआरएनए यूके अधिवेशनमा डा.शेष घले आउने जनाउँदै अधिवेशनको सामूहिक जिम्मेवारी पूरा गर्न सबैमा आग्रह गरेका थिए। त्यस्तैगरी
ओमकार अधिकारी। लण्डन। रेडिंग नेपाली समाज युकेको महाधिवेशन रेडिंग को पाकिस्तानी कम्युनीटी हल पाल्मर पार्क लन्डन रोडमा सम्पन्न भएको छ। नेपाली राष्ट्रिय गानाबाट शुरू भएको कार्यक्रमको उद्घाटन संस्थापक प्रथम महिला बत्ति गुरुङ र अध्यध्य भिमसेन खड्काले संयुक्त रूपमा पानसमा बत्ती बालेर गर्नु भएको थियो। उपस्थित संपूर्ण महानुभाव हरुलाई समाजका उपाध्यक्ष सुरेश थापाले स्वागत गर्नुभयो भने प्रथम संस्थापक सदस्य तथा सल्लाहकार विश्व आदर्श पण्डित र सल्लाहकारहरु राम गलामी,मान गुरुङ्ग,महेन्द्र घले गुरुङ्, र एल बी सुब्बाले शुभ कामना मन्तब्य राख्नुभएको थियो। यसै गरी नब आगन्तुक आजीबन सदस्य बिना थापा र युवाको तर्फबाट सुर्य भण्डारीले आ आफ्नो मन्तब्य राख्नु भएको थियो। समारोहमा समाजका बिभिन्न कार्यक्रमहरुमा स्वयं सेवा गर्ने महानुभाबहरुलाई प्रसंसापत्र बितरण तथा नयां तथा आजीबन सदस्यता लिएका सदस्यहरुलाई सदस्यता कार्ड पनी बितरण गरिएको थियो। समारोहमा ज्येष्ठ नागरिकहरुको लागी सुनौलो लठ्टी समेत बितरण गरिएको थियो। ऊद्घाटन समारोहको दोस्रो सत्रमा महासचीब ओमकार अधीकारीले दुई बर्षको कार्य प्रगती बिबरण पेश गर्नुभयो भने कोषाध्यक्ष सरोज थापाले आर्थिक प्रतीबेदन पेश गर्नुभयो। सभाले दुबै प्रतिबेदन सर्बसम्मतले अनुमोदन गर्यो।यसै गरी सभामा प्रस्तुत गरिएको आगामी कार्यसमीतीको कार्यकाल ३ बर्ष बनाऊने प्रस्ताब पनी अनुमोदन गर्यो। अधिबेशनको तेस्रो सत्रमा निर्बाचन समितीले नब निर्बाचीत कार्यसमीतिको घोषणा गर्यो जस्मा अध्यक्ष्य भिमसेन खड्का र ऊपाध्यक्षमा ओमकार अधिकारी,कल्पना पण्डित,बालकृष्ण दाहाल,प्रेम गुरुंग,लक्ष्मण श्रेष्ठ र यादब श्रेष्ठ हुनुहुन्छ। यसै गरी महासचिबमा डा भरत पौडेल, कोषाध्यक्षमा सरोज थापा, सह कोषाध्यक्षमा जगन्नाथ सापकोटा र सचिबमा सुवास चौलागांई हुनुहुन्छ। युवा तथा खेलकुद संयोजकमा मिन गुरुंग र सदस्यहरुमा चेत रेगामी,बिनस रिजाल,ईन्द्र कमल लिम्बु,हिम्मत सिटौला ,सुरेन्द्र ऊप्रेती,सिता सापकोटा तिवारी,मनोहर थापा,अजीत सेडाई,मन प्रसाद लिम्बु , सुधंसु मल्ल,पुरुस्वत्तम आचार्य,महेश निरौला,महेन्द्र आले र सह सदस्यहरुमा गोबिन्द उप्रेती र शुरेश राना हुनुहुन्छ। निर्बाचित कार्यसमितीलाई निर्बाचन समिती संयोजक कृष्ण न्यौपानेले सफथ ग्रहण गराऊनु भएको थियो भने आयुक्तहरु मान गुरुंग,राम गलामी र रामेश्वर थापाले बधाई तथा शुभकामना दिनुभयो। यसै गरी नयां कार्य समितीलाई पुर्ब अध्यक्ष टेक गुरुंग तथा सल्लाहकार सोब रेगामी र चन्द्र बुढाथोकीले पनी बधाई दिंदै आफ्ना भनाईहरु राख्नुभएको थियो। अधिबेशनको अन्त्यमा नब निर्बाचित
शीतलपाटीन्युज डटकम। अल्डरसट,लण्डन।बेलायतका लागि नेपाली महामहिम राजदुत चन्द्र प्रसाद घिमीरेले शीव मन्दिर अल्डरसटको आज १ मार्च २०२५ अपरान्ह अवलोकन गर्नु भयो। महामहिम राजदुत शिव मंन्दिरमा पुग्दा मन्दिरका अध्यक्ष बिक्रम भट्रराई समेतको टोलीले फुल गुच्छा र खादाद्वारा भब्य स्वागत गरीएको थियो। स्वागत गर्ने क्रममा उपाध्यक्ष हरि भट्टराई, प्रमुख संरक्षक एवम निवर्तमान अध्यक्ष बाचस्पति रेग्मी,पुर्व अध्यक्ष एवम संरक्षक रोहित गुरुड्ग,सचिव निरज शर्मा,सहकोषाध्यक्ष किशोर गुरुड्र,ट्रष्टी शंकर श्रेष्ठ, फस्टलेडी पवित्रा भट्रराई,गुरु पंण्डित मधुसुदन सत्याल, भोलेन्टेयर गुरु रुपेस काफ्ले लगायतले पुजा अर्चना गर्नु भएको थियो। मन्दिरमा पुजा र दिप प्रज्वलन गर्दै महामहिम राजदुत घिमीरेले चतुर्मुखी शिवलिड्गको जलाशयमा जल चढाउनु भएको थियो। चतुर्मुखी शिवलिड्गमा पुजा र जल चढाउदै गर्दा मन्दिरका आचार्य पंण्डित मधुसुदन सत्यालले संस्कृत मन्त्रोच्चारण गरी पुजा गराउनु भएको थियो।पुजामा मंदिरका अध्यक्ष भट्टराई लगायत मन्दिरका पदाधिकारी र महामहिम राजदुत घिमीरे अफिसीयल सेक्रेटरी संदेश आचार्यको पनि उपस्थिती थियो। साथै मन्दिर भिजीटका समयमा महामहिम राजदुतले आफ्नो धारणा राख्दै बिदेशी भुमीमा नेपाली मन्दिर सेवा उकृष्ट भएको बताउनु भयको थियो।मन्दिर निर्माण र सेवा बारे जिज्ञासा राख्दै मन्दिरलाई आवस्यक पर्ने सहयोगका लागि आफु सधै तयार रहेको जनाउनु भयो। नेपाल,भारत,श्रीलंका,भुटान,बर्मा,बंगलादेश,मलेसिया, पोर्चुगल,मौरीससका हिन्दु नागरीक दर्सनका लागि आउने गरेको र शिबरात्रीमा १५ शय भन्दा बढीले शिवको पुजा गरी आशिर्बाद लिने गरेको अनुभव बताईयो।
शीतलपाटीन्युज डटकम। लन्डन - गैर आवासीय नेपाली संघ यूकेले आउँदो २३ मार्चमा हुन गैरहेको एकता अधिवेशन सफल पार्न ५२७ सदस्यीय मूल आयोजक समिति गठन गरेको छ।एनआरएनए यूकेका पूर्व अध्यक्ष योगेन बहादुर क्षेत्री प्रमुख संयोजक रहेको उक्त समितिको सहसंयोजकमा अनिता राई, सिरी गुरुङ, जुरेन्द्र खाजुम, राम गलामी, धन तामाङ, नर्बु शेर्पा, भक्त दर्जी, क्याप्टेन बिष्णु श्रेष्ठ र सदस्य सचिवमा राजकुमार त्रिपाठी छन् । बेलायतका हरेक नेपाली संघसंस्थालाई प्रतिनिधित्व गर्ने सदस्यहरुको नामावली तल समावेश छ । ‘एउटा पारदर्शी, एकताबद्ध तथा प्रजातान्त्रिक एनआरएनए बनाउने यो एउटा ऐतिहासिक अवसर हो। त्यसैले यूकेमा बसोबास गर्नु हुने भूतपूर्व गोर्खा समुदायलगायत प्रवासी नेपाली दाजुभाइ दिदी बहिनीहरुलाई जति सक्दो चाडो एनआरएनएको सदस्यता लिन र महाधिवेशनमा भाग लिनको लागि नाम दर्ता गराउन हामी आग्रह गर्दछौं’- एनआरएनए यूके अध्यक्ष प्रेम गाहा मगरले भने। गाहा मगरले एक विज्ञप्ति प्रकाशित गर्दै २३ मार्चमा हुन गैरहेको एनआरएनए यूकेको एकता अधिवेशन भव्य र सभ्यरुपमा सम्पन्न गर्न सहयोगका लागि सबैलाई आग्रह पनि गरे। गाहा मगरले सर्वोच्च अदालतको २०८० चैत्र २१ गतेको परमादेश अनुसार गठित गैर आवासीय नेपाली संघ एनआरएनए उच्चस्तरीय समितिले सदस्यता वितरण खुला गरेकाले यथाशीघ्र सदस्यता लिन आग्रह गरे। एनआरएनए यूकेको nrnauk.org/unity-convention वा उच्चस्तरीय समितिको www.nrnahlc.com वेबसाइटमा गएर एनआरएनएको सदस्य हुन योग्य गैर आवासीय नेपालीले सदस्यता नवीकरण वा नयाँ सदस्यता प्राप्तिका लागि आवेदन दिन पाउनेछन्। यूकेमा सदस्यता शुल्क निशुल्क गरिएको छ। अन्तरराष्ट्रिय महाधिवेशनमा सहभागी हुन लाग्ने शुल्क उच्चस्तरीय समितिले तोके बमोजिम हुनेछ। अन्तरराष्ट्रिय महाधिवेशनमा सहभागी हुन इच्छुकहरुका लागि समितिले आउँदो १६ मार्चदेखि ३१ मार्च २०२५ सम्म दर्ता आवदेन खोल्नेछ। यसअघि एनआरएनए यूकेको सदस्यता लिइसकेका सदस्यहरुलाई अधिवेशनमा भौतिक रुपमा उपस्थित भएर मतदान गर्न दिइने गाहामगरले जनाए।
GNNNEWS- काठमाडौं। बेलायतस्थित साइबर सुरक्षा विशेषज्ञ निरञ्जन कुँवरले कम्पनीहरूलाई साइबर सुरक्षाका लागि समग्र रणनीति अपनाउन आह्वान गरेका छन्। बिहीबार ‘डिजिटल युगका अपराध: पूर्वानुमान र प्रतिकार’ विषयक दुई दिने अन्तर्राष्ट्रिय सम्मेलनमा प्रस्तुति दिँदै बेलायतमा मुख्यालय रहेको सूचना प्रविधि तथा साइबर सुरक्षा सम्बन्धी परामर्श कम्पनी, जेनेस सलुशन, का प्रमुख प्राविधिक अधिकृत तथा प्रमुख सूचना सुरक्षा अधिकृत कुँवरले साइबर अपराधलाई सम्बोधन गर्ने परम्परागत आईटी-केंद्रित दृष्टिकोणबाट व्यवसाय-केंद्रित सक्रिय रणनीतितर्फ रुपान्तरण गर्न जरुरी रहेको बताए। नेपाल सरकारको महान्यायाधिवक्ताको कार्यालयद्वारा आयोजित सम्मेलनलाई सम्बोधन गर्दै कुँवरले भने, "साइबर अपराधले वित्तीय, कम्पनीको प्रतिष्ठा, सञ्चालन र नियामकीय जोखिमहरू उत्पन्न गरिरहेकाले साइबर सुरक्षालाई व्यवसायको केन्द्रिय प्राथमिकता बनाउनुपर्छ।" उनले कम्पनीहरूलाई तीन प्रमुख आधारशिलामा आधारित समग्र साइबर सुरक्षा संरचना अपनाउन सुझाव दिए। पहिलो, लगातार सुरक्षा सचेतना तालिम तथा उच्च तहको नेतृत्वको साथमा सुरक्षा संस्कृति विकास गर्ने,दोश्रो व्यवसाय निरन्तरता योजना, घटना प्रतिकार रणनीति र नियमित अडिटहरू सुनिश्चित गर्ने तथा तेश्रो, बहु-स्तरीय सुरक्षाको अवधारणा अन्तर्गत अन्तिम प्रयोगकर्ता (endpoint) सुरक्षा, डेटा इन्क्रिप्शन, जोखिम व्यवस्थापन, तथा सुरक्षित सफ्टवेयर विकास अभ्यासहरूलाई प्रवर्द्धन गर्ने। सूचना प्रविधि तथा साइबर सुरक्षाको क्षेत्रमा २५ वर्षभन्दा बढी अनुभव भएका कुँवरले साइबर अपराध नियन्त्रण गर्न एनआइएसटी (NIST) साइबर सुरक्षा संरचना जस्ता मानकहरू प्रयोग गर्न,व्यवसाय तथा आईटी लक्ष्यहरूसँग अनुरूपित प्राथमिकताहरू निर्धारण गरी रणनीति कार्यान्वयन गर्न सुझाव दिए। "व्यापक रणनीति अवलम्बन गरेमा संगठनहरूले साइबर खतराहरूको सामना गर्न क्षमतावान बन्न सक्छन्," उनले भने। सन् २०२४ मा विश्वभर डेटा चोरीको औसत लागत ४.८८ मिलियन डलर पुगेको छ। यसमा सुरक्षामा भएको उल्लंघन पत्ता लगाउने, नियन्त्रण गर्ने खर्च मात्र होइन, ग्राहक गुमाउने र प्रतिष्ठामा पर्ने दीर्घकालीन असरहरू पनि समावेश छन्। कुँवरका अनुसार साइबर हमलाको कारण संस्थाहरू गम्भीर प्रतिष्ठागत संकटमा पर्न सक्छन्। उदाहरणका लागि, म्यारिअट होटल समूहमा भएको डेटा चोरीले लाखौं ग्राहकको संवेदनशील जानकारी चुहिएको थियो, जसका कारण कम्पनीले ५२ मिलियन डलर जरिवाना तिर्नु परेको थियो। साइबर सुरक्षाका लागि उपायहरू: साइबर सुरक्षा विशेषज्ञ कुँवरले वर्तमान साइबर जोखिमहरूलाई ध्यानमा राख्दै व्यवसायिक नेतृत्वले सुरक्षा व्यवस्थापनको नयाँ दृष्टिकोण अवलम्बन गर्नुपर्ने बताए । "अब हामीले 'साइबर हमला हुन्छ कि हुँदैन?' भन्ने प्रश्न गर्न
शीतलपाटीन्युज डटकम। बेलायत। बेलायती सेनाका प्रमुख जनरल सर रोली वाकर लन्डनस्थित नेपाली दूतावासले आयोजना गरेको नेपाली सेनाको २६२औँ स्थापना दिवस कार्यक्रमको विशेष समारोहमा सहभागी भएका छन्। बुधबार साँझ नेपाली राजदूतावासमा आयोजित समारोहमा प्रमुख अतिथिका रूपमा सहभागी भएका बेलायती सेना प्रमुखले नेपाली र बेलायती सेनाबीचको दिगो सम्बन्ध प्रति प्रसन्नता व्यक्त गरेको समाचार छ। सो क्रममा बेलायती जनरलले बेलायतमा नेपाली सेनाले देखाएको अटल समर्पण, निष्ठा र व्यावसायिकताको प्रशंसा गरेका थिए। बेलायतमा ब्रिगेड अफ गोर्खाजले पुर्याएको योगदानको पनि उनले खुलेर प्रशंसा गरेका थिए। नेपाली सेना दिवसको नेपाली राजदुताबासको कार्यक्रममा सहभागी हुन पाउनु आफ्नो लागि खुसीको पल भएको उनले आफ्नो भनाइ राखेका थिय। सो अवसरमा नेपाली सेनालाई थप सहयोग र सहकार्य गर्ने प्रतिबद्धता समेत जनाएका थिए। कार्यक्रममा बेलायतका लागि नेपाली राजदूत डा. चन्द्रकुमार घिमिरेले नेपाली सेनाको गौरवशाली इतिहासको स्मरण गरेका थिए। नेपालको सार्वभौमसत्ता,भौगोलिक अखण्डता र राष्ट्रिय हितको संरक्षण र प्रवर्द्धनमा नेपाली सेनाको योगदान उल्लेखनीय रहेको राजदुत घिमीरेले बताएका थिए। आपसी सहमति सहकार्य र भाइचाराको जगमा नेपाल र बेलायतबीच सम्बन्ध घनिष्ठ बनेको उनको भनाइ थियो । राजदूत घिमिरेले नेपाली सेनाको महत्त्वपूर्ण इतिहास र बेलायती सेनासँगको लामो समयदेखिको सम्बन्ध स्मरण गर्दै बेलायत सरकारले नेपाल र नेपाली सेनालाई निरन्तर सहयोग गरेकामा प्रशंसा गरेका थिए। नेपाली राजदूतावासका सैनिक सहचारी कर्णेल अनुप शाहले संबोधन गर्दै इतिहासका निर्णायक क्षणमा बलिदानको स्मरण गर्दै नेपाली सेना आफ्नो व्यावसायिक धर्ममा कटिबद्ध रहेको बताएका थिए। राजदुताबासका DCM Duwadi लगायत लण्डनस्थित बरिष्ठ ब्यक्तिहरुको उपस्थित रहेको सो समारोहमा पत्रकारहरुको पनि उपस्थिती थियो। बिज्ञप्ति समेत-
शीतलपाटीन्युज डटकम। लन्डन। लन्डनको ह्यारोमा ‘अबको बाटो’ पुस्तकबारे विमर्श गरिएको छ। भरत कुमार श्रेष्ठद्वारा संकलित यस कृतिमा नेपालले हिँड्नुपर्ने मार्गचित्रबारे विभिन्न अनुभवी व्यक्तित्वका लेख समावेश छन्। आइतबार,२३ फेब्रुअरीका दिन बेलायतका लागि नवनियुक्त राजदूत चन्द्र कुमार घिमिरेको प्रमुख आतिथ्यमा कार्यक्रम भएको हो। बेलायतमा क्रियाशील विभिन्न साहित्यिक संघसंस्थाले कार्यक्रम आयोजना गरेका हुन्। कवि तथा लेखकसमेत रहेका राजदूत घिमिरेलाई सो अवसरमा स्वागतसँगै नेपालका विगत, वर्तमान र भविष्यको समीक्षात्मक मूल्यांकनसमेत भएको थियो। नेपालले विगतमा गरेका कमजोरी र अबका चुनौतीबारे पुस्तकमा प्रस्तुत विचार गहन रहेको राजदूत घिमिरेले बताए। ‘विभिन्न क्षेत्रका विज्ञबाट नेपालका सम्भावनाबारे तथ्यगत विश्लेषण गरिनु सराहनीय छ,’घिमिरेले भने। उनले पुस्तक संकलनका लागि सम्पादक श्रेष्ठलाई विशेष धन्यवाद दिए। लेखक डा. मिलन ज्ञवालीले आफ्नो लेख ‘साना तथा मझौला उद्योगको पारस्परिक अन्तरसम्बन्ध, एक बिजनेस मोडल’ को चर्चा गर्दै नेपालका २७ सफल साना तथा मझौला उद्योगको अनुसन्धानबाट प्राप्त निष्कर्ष प्रस्तुत गरे। त्यस्तै, पूर्वडीएसपी तथा स्तम्भकार शिवजी श्रेष्ठले ‘नेपाल प्रहरी र गृहमन्त्री कस्तो हुनुपर्छ’ विषयमा ऐतिहासिक उदाहरण दिँदै आफ्नो विचार राखेका थिए। उनले सन् १८२२ का बेलायती गृहमन्त्री रोबर्ट पिलको उदाहरण दिँदै नेतृत्व र प्रशासनिक दक्षताको महत्व दर्शाए। ‘हामीले सत्य लेख्न र बोल्न छाड्नु हुँदैन, किनभने सकारात्मक विचारको कुनै न कुनै दिन सुनवाइ हुन्छ,’ श्रेष्ठले जोड दिए। साहित्यकार तथा लेखक डा.रूपक श्रेष्ठले पुस्तकको समग्र पक्षको समीक्षा प्रस्तुत गरे । त्यसैगरी पुस्तकका परिकल्पनाकार एवं संकलक भारत कुमार श्रेष्ठको व्यक्तित्व र कृतित्वबारे पत्रकार महासंघ यूकेका महासचिव तथा लेखक खेमराज रानाभाटले चर्चा गरेका थिए। कार्यक्रममा लेखक गोपी सापकोटाले राजदूत चन्द्रकुमार घिमिरेले लेखेको ‘डन्ट टच मी ओ कविताहरू’ वाचन गरेर सुनाएका थिए। साहित्य अनुरागीहरूको उत्साह झन् बढ्दै गयो जब दुर्गा प्रसाद पोखरेल, सुनिल संगम,विनोद अधिकारी, प्रसुन कँडेल,रश्मिता दर्लामी,वाईबी गुरुङ, जया राईलगायत सर्जकहरूले आफ्ना गजल, मुक्तक र कविता प्रस्तुत गरे। आध्यात्मिक व्यक्तित्व विष्णु प्रसाद सापकोटाले ‘जीवनमा सन्तुष्टि कसरी प्राप्त गर्ने’ विषयमा प्रेरणादायी विचार राखे। पुस्तकका संकलक श्रेष्ठले समाजमा रहेका दक्ष र अनुभवी व्यक्तिको ज्ञानलाई एकत्रित गरेर अबको नेपाल निर्माणको मार्गचित्र कोर्न सकिन्छ भन्ने सोचले पुस्तकको परिकल्पना गरिएको बताए । अनेसास बेलायतका अध्यक्ष राज
शीतलपाटीन्युज डटकम। लण्डन। बिसीसी युकेको छैंटौं कार्यसमितिको अध्यक्षमा आङ्देवा शेर्पा निर्बिरोध निर्बाचित भएका छन्। पाँचौं कार्य समितिमा बरिष्ठ उपाध्यक्षमा रहेका शेर्पा निर्बिरोध अध्यक्ष पदमा सर्वसम्मत निर्वाचित हुनु भएको हो। उहाँ र नवनिर्बाचित कार्यसमितिलाइ निर्बाचन आयुक्त पुर्ब अध्यक्ष नरेश गुरुङ संयोजक रहेको टोलीले अधिवेशन मार्फत निर्बाचित भएकाे जानकारी गराएको हो। उपाध्यक्षमा रबिन गुरुङ,क्या.देव द्यले,मे.हितमान गुरुङ,महासचिव मे. कुमार गुरुङ एमभिअेा,सचिवमा मे. सकर गुरुङ,कोषाध्यक्षमा मे.बलदेब तामाङ,सह कोषाध्यक्षमा रिन्जी शेर्पा लगायत बिभिन्न जिम्मेवारीका पदाधिकारी निर्बाचित भएका छन्। निर्बाचित कार्य समितिलाइ गुम्बाका मुल गुरू खेम्पो यान्जी सेनाङ्ले सपथग्रहण गराउनु भएको थियो। निर्बाचन समितिमा नरेस गुरुङ,मे. खुशी मान गुरुङ, ले.नारायण गुरुङ, धर्म तामाङ र ग्यानु गुरुङ समेत रहेको भएको पाँच जनाको समिति गठन भएको थियो। निबर्तमान अध्यक्ष हर्क बहादुर गुरुङले खादा लगाई नव निर्बाचित अध्यक्ष र कार्य समितिलाइ बधाई र निर्बाचित कमिटीलाइ धन्यवाद दिनु भयको थियो। अधिवेशनमा सस्थाको ट्रष्टीहरू,सल्लाहकारहरू,आमा समुह,कार्यसमिति पदाधिकारीहरुको बाक्लो उपस्थिती थियो। कार्यक्रममा तमु धीं युकेको पुर्व अध्यक्ष ग्याम गुरुङ,उपाध्याक्ष कमल गुरुङ,तमु प्रतिष्ठानका अध्यक्ष क्या.राजु गुरुङको उपस्थिति थियो। कार्यक्रम बिसिसी युके अल्डरसर्टमा निबर्तमान अध्यक्ष हर्क बहादुर गुरुङको अध्यक्षतामा तथा महासचिव मे.हितमान गुरुङले सन्चालन गर्नु भयको थियो। अधिबेसन २२ फेब्रुअरी २०२५ शनिबार सम्पन्न भएको थियो।
शीतलपाटीन्युज डटकम। अमेरीका। राष्ट्रपति डोनाल्ड ट्रम्पले सेना प्रमुख ( चिफ अफ स्टाफ ) सी. क्यू. ब्राउन जूनियर तथा नौसेनाका प्रमुख लिसा फ्रान्चेट्टी सहित केही शीर्ष सैन्य अधिकारीहरूलाई बर्खास्त गरेका छन्। ट्रम्पले आफ्नो सामाजिक संजाल ट्रुथ सोसलमा प्रकाशित गर्दै सैन्य नेतृत्वमा व्यापक परिवर्तनको संकेत दिएका थिए। त्यसपछि रक्षा सचिव पिट हेगसेथले विज्ञप्ति निकाल्दै एडमिरल फ्रान्चेट्टीलाई पदमुक्त गरेको घोषणा गरे। ट्रम्प प्रशासनले थप पाँच उच्च पदहरूमा पनि परिवर्तन ल्याउने संकेत गरेको छ। जनरल ब्राउनले अक्टोबर २०२३ मा आफ्नो कार्यकाल सुरु गरेका थिए । उनि दोस्रो अफ्रिकी अमेरिकी(अस्वेत) व्यक्ति थिए । फ्रान्चेट्टी नौसेनामा सेवा गर्ने पहिलो महिला थिइन् उनलाई पनि पदमुक्त गरिएको छ। रक्षा सचिव पिट हेगसेथ, जसले विगतमा अमेरिकी सेनाभित्र विविधता, समानता, र समावेशीकरण नीतिहरूको आलोचना गरेका थिए । उनले यी बर्खास्तीहरू कार्यान्वयन गरेका हुन्। ट्रम्प प्रशासनले सैन्य विभागको पुनर्गठन गर्दै ८% कर्मचारी कटौती गर्ने योजना ल्याएको छ। यसले के असर पार्न सक्छ? यो निर्णयले अमेरिकी सैन्य स्थिरतामा ठूलो प्रभाव पार्न सक्छ। प्रमुख सैन्य नेतृत्व हटाइनुले अन्तर्राष्ट्रिय क्षेत्रमा पनि अस्थिरता बढ्न सक्छ, किनकि अमेरिकाले विश्वभरि विभिन्न सैन्य अभियानहरू सञ्चालन गरिरहेको छ। राजनीतिक रूपमा ट्रम्प प्रशासनको यो कदमलाई सेनालाई राजनीतिकरण गर्ने प्रयास भनेर पनि हेरिएको छ। (ईनेप्लीजबाट साभार)
शीतलपाटीन्युज डटकम। काठमाण्डौ। शेष घलेले गैर आवासीय नेपाली संघ(एनआरएनए) आईसीसीमा सन् २०१३ देखि दुई कार्यकाल अध्यक्षको जिम्मेवारी सम्हालिसकेका छन्। संघभित्र सन् २०२१ सम्पन्न १० औं महाधिवेशनबाट विवाद देखिदैं आएर ११ औं महाधिवेशनमा आइपुग्दा संघ विभाजित अवस्था पुगेपछि सर्वोच्च अदालतको आदेश र परराष्ट्र मन्त्रालयको निर्देशन अनुसार डा.घलेलाई एकताको महाधिवेशन गराउने जिम्मेवारी थपिएको छ। डा.घलेसहित १३ सदस्यीय उच्चस्तरीय समिति समेत बनेको छ। काठमाडौँमा आगामी २०८२ वैशाख २० देखि २२ गते सम्म (मे ३–५, २०२५) एकताको महाधिवेशन आयोजना गर्ने मिति तोकेर काम अघि बढाइएको डा.घलेको भनाइ छ। सर्वोेच्चको दुईवटा अलग अलग फैसलाका सवालमा फरक फरक व्याख्या र विश्लेषण भइरहँदा उनले एकताको महाधिवेशन गराएर संघलाई नयाँ र वैधानिक लयमा फर्काउन आफुले सक्दो प्रयास गरि रहेको उनले जनाए। यसै सिलसिलामा नेपाल न्यूज बैंकले डा.घलेसँग गरेको कुराकानीमा आधारित अन्तरवार्ता: तपाईंले नेतृत्व गरेको एनआरएनएको उच्चस्तरीय समितिले मे ३–५, २०२५ मा काठमाडौँमा महाधिवेशन गर्न आह्वान गरेको छ। यसको तयारी कस्तो भइ रहेको छ ? आजसम्म हामीले नौ ओटा 'फर्मल मिटिङ' सम्पन्न गरिसकेका छौं। पहिलो मिटिङ १९ नोभेम्बरमा भएको हो। अहिले अप्रिलको अन्तिमसम्ममा प्रत्येक आइतबार क्यालेन्डर नै बनाएर मिटिङ गरिरहेका छौं । यतिबेला हामीलाई अलिक सहज भएको छ। किनकि मुख्य निर्णयहरु गरिसकेका छौं। अब एक्सनमा जान बाँकी छ। अब हामीभन्दा पनि डायस्पोरामा रहेका समूदायका साथीहरुको कोर्टमा बल गएको छ। नयाँ सदस्यता लिने, रिन्यू गर्ने काम एनआरएन समूदायका व्यक्तिहरुले गर्नुपर्नेछ। महाधिवेशनको महत्व, प्रक्रिया के हो भनेर बुझेर समूदायका व्यक्तिहरु अघि बढ्नुपर्नेछ। उहाँहरुलाई सचेत गराउने र सम्झाउने हाम्रो जिम्मेवारी हो। अब बाटो क्लियर भइसक्यो,डेट फिक्स भइसक्यो। बाँकी दश हप्ता सचेतना जगाउने काममा लाग्नुपर्नेछ। अलिकति पृष्ठभूमिमा जाउँ, उच्चस्तरीय समितिको गठन कसरी भयो,सर्वोच्च अदालतले फैसलामा खास के के कुरा भनेको छ ? अदालतको फैसला आएको त करिब १० महिना भइसक्यो। हामी सबै बौद्धिक र विवेकशिल व्यक्तिहरु भएकाले अदालतको फैसला बुझ्नु नै भएको छ। अदालतको फैसला बुझ्न नसक्ने पनि छैन। संक्षिप्त र पूर्ण पाठ आउनेबेलासम्म धेरैले बुझिसक्नु भएको थियो। मिडिया र पब्लिकमा छरपष्ट भइसकेको कुरा हो, नबुझ्ने भन्ने कुरा केही छैन्। यसलाई मैले बुझ्नु,
चिम्खोले काईला, लण्डन। बेलायतका लागि नवनियुक्त नेपाली राजदूत चन्द्र कुमार घिमिरे बौद्धिक, कुशल कूटनीतिज्ञ र निष्कलंक व्यक्तिका रुपमा परिचित छन् । तिन दसक भन्दा लामो निजामती सेवाबाट सन् २०२१ मा सेवानिवृत्त भएका घिमिरेले त्यसपुर्व महावाणिज्यदूतका रुपमा महावाणिज्यदूताबास कोलकाता हुँदै उद्योग वाणिज्य सचिव, राष्ट्रिय योजना आयोगका सचिव, स्वास्थ्य सचिव, प्रधानमन्त्री कार्यालयको सचिवको जिम्मेवारी सम्हालेको अनुभव सँगालेका छन्। नेपालको उद्योग वाणिज्य पारवहन र विश्व व्यापार संगठनको नीति नियम र द्दिपक्षिय तथा क्षेत्रीय व्यापार वार्ता तथा सन्धि संझौता नियम तर्जुमा साथै औद्योगिक विकास र लगानी प्रवर्धनमा दख्खल राख्ने हुदा उनी नेपाली सन्दर्भमा उद्योग र वाणिज्य क्षेत्रका ज्ञातासमेत मानिन्छन्। राजदूत घिमिरेको जन्म पिता नरनाथ घिमिरे र माता नेत्रकुमारी घिमिरेको ज्येष्ठ सुपुत्रको रुपमा धरान उपमहानगरपालिका वडा नम्बर १० मा भएको हो। बाल्यकाल पनि धरानमै बिताएका राजदूत घिमिरेले नर्वेको बर्गिन विश्वविद्यालयबाट मास्टर अफ फिलोसफी (एमफिल) आर्जन गरेका छन्। त्रिभुवन विश्व विद्यालयबाट सर्वोत्कृष्ट नतिजा ल्याएर मास्टर इन पब्लिक एडमिनिस्ट्रेसन (एमपीए) उत्तीर्ण गरेपछि उनी त्रिभुवन विश्वविद्यालयबाट नेपाल विद्याभुषण (ख) लगायतका स्वर्ण पदकहरुद्वारा विभूषित भएका थिए। त्यस्तै सार्वजनिक क्षेत्रमा विशिष्ट सेवा योगदान गरे वापत नेपालका निवर्तमान राष्ट्रपति विद्यादेवी भण्डारीबाट राष्ट्रिय सुप्रवल जनसेवा पदकद्वारा विभूषित भएका छन् उनी। राजदूत घिमिरेको प्रराम्भिक शिक्षा धरान पब्लिक हाइस्कुलबाट सुरु भएको थियो भने सन् १९८१ सालमा प्रवेशिका परीक्षा पनि धरान पब्लिक हाइस्कुलबाट नै उत्तीर्ण गरेका थिए। प्रवेशिका परीक्षा उत्तीर्ण गरेपछि उनले महेन्द्र बहुमुखी कलेजमा अध्ययन गरी सन् १९८५ मा इन्टर मिडियट अफ कमर्स (आइकम) उत्तीर्ण गरेका थिए। राजदूत घिमिरे आइकम उत्तीर्णपछि ब्याचलर अफ कमर्स (बिकम) को अध्ययन गर्न काठमाडौं पसेका थिए । काठमाडौं आएपछि घिमिरेले शंकरदेव क्याम्पसमा बिकम अध्ययन शुरु गरे । उनले सन् १९८७ - १९८८ अवधिमा बिकम अध्ययन सम्पन्न गरेका थिए। उनले बिकम उत्तीर्ण गरेपछि अध्ययनलाई पनि निरन्तरता दिँदै शाखा अधिकृत पदमा जागिरका लागि लोकसेवा आयोगको परीक्षा दिए। सन् १९८९ सालमै निजामति सेवामा प्रवेश भए उनी। उनको पहिलो दरबन्दी सिंहदरबारमा रहेको थियो। सिंहदरबारमा उनले भौतिक तथा आवास मन्त्रालय र राष्ट्रिय योजना आयोग र प्रधानमन्त्री कार्यालयमा काम गर्ने अवसर पाएका
सुरेश कोईराला, काठमाण्डौ।चितवनको भरतपुरमा सबैभन्दा ठुलो राष्ट्रिय रनिङ्ग शिल्ड दोहोरीगीत प्रतियोगिता हुने भएको छ। आज भरतपुरमा आयोजक सस्था राष्ट्रिय लोक तथा दोहोरी गीत प्रतिष्ठानले पत्रकार सम्मेलनको आयोजना गरी यही फागुन १७ गतेदेखि २० गते सम्म दोहोरीगीत प्रतियोगिताको ८ औं संस्करण चितवनको भरतपुरमा हुने जानकारी गराएको हो। तियोगिता भरतपुर १० स्थित वीरेन्द्र क्याम्पसको डिग्री भवनको खेलमैदानमा आयोजना हुने र प्रतियोगिताको प्रमुख प्रवर्धकको रुपमा भरतपुर महानगरपालिका रहने प्रतिष्ठानकी अध्यक्ष रिता थापा मगरले बताइन् ।प्रतियोगितामा प्रथम पुरस्कार ३ लाख,द्वितीय पुरस्कार २ लाख, तृतीय पुरस्कार १ लाख र सान्त्वना पुरस्कार ५० हजार रपैयाँ प्रदान गरिने छ। प्रतियोगी कलाकारहरु मध्येबाट उत्कृष्ट गायक, उत्कृष्ट गायिका,उत्कृष्ट भेषभूषा,उत्कृष्ट नवगायक, उत्कृष्ट नवगायिकालाई समेत आकर्षक पुरस्कारको व्यवस्था गरिएको थापा मगरको भनाई छ। प्रतियोगितामा नयाँ तथा पुराना सबै कलाकारले भाग लिन पाउने छन्। प्रतिष्ठानले चितवनमा पहिलो पटक यस प्रतियोगिता आयोजना गरेको हो। यसभन्दा अघी काठमाडौं, बुटवल,धादिङ लगाएतका जिल्लाहरुमा दोहोरी प्रतियोगिता आयोजना गरिसकेको छ। ८ औं राष्ट्रिय रनिङ्ग शिल्ड दोहोरीगीत प्रतियोगितामा स्वदेश तथा बिदेशमा रहेका करिब पचास लाख नेपाली दर्शकले अवलोकन गर्ने अपेक्षा गरेको बताइन।
शीतलपाटीन्युज डटकम। लन्डन। पासा पुचः गुथि साउथ इष्ट लन्डन शाखाको आइतबार गोर्खा क्याप्रिकन प्लमस्टिडमा सम्पन्न एघारौं अधिवेशनले सुरोज मास्केको अध्यक्षतामा सर्वसम्मत् नयाँ कार्यसमिति निर्वाचित गरेको समाचार छ। अध्यक्ष निर्वाचित मास्के यसअघिका उपाध्यक्ष थिए।लन्डनका एक सफल व्यवसायी उनी एनआरएनए यूके सचिव,आइसीसी सदस्य लगायतका जिम्मेवारी सफलतापुर्वक समाली सकेका एनआरएनए अभियन्ता हुन्। दुई वर्षे कार्यकाल रहेको २१ सदस्यीय कार्यसमितिको तीन उपाध्यक्ष सत्यप्रसाद प्रजापति, सोनी श्रेष्ठ र भगवान श्रेष्ठ, महासचिवमा इश्वर महर्जन र कोषाध्यक्षमा जुनु कोजु श्रेष्ठ रहनु भएको छ। त्यस्तैगरी सांस्कृतिक सचिव कृष्ण वैद्य, आइटी संयोजक समेन महर्जन, स्वास्थ्य संयोजक भिमलक्ष्मी शाक्य,मिडिया संयोजक शिवराम श्रेष्ठ,इभेन्ट सहसंयोजक महेन्द्र शाक्य, सचिव अञ्जु सुवाल, सहकोषाध्यक्ष गीता श्रेष्ठ र सहसचिव सुरज माकजु निर्वाचित हुनु भएको छ। साथै रामबाबु मास्के, रामलाल श्रेष्ठ,आशिष श्रेष्ठ,विनोद श्रेष्ठ,राजकुमार श्रेष्ठ,मेरिना बज्राचार्य र सुजित प्रजापति कार्यसमिति सदस्यमा चुनिनु भएको कुरा निर्वाचन कमिटीले जनाएको छ। निर्वाचन समितिका संयोजक एवं शाखाका पूर्व अध्यक्ष चुत्रबहादुर श्रेष्ठले नेपालीमा र पासा पुचः गुथि यूकेका अध्यक्ष सुशिल प्रजापतिले नेवारी भाषामा नवनिर्वाचित कार्यसमितिका पदाधिकारीहरुलाई शपथग्रहण गराउनु भएको थियो। समितिका सदस्यसचिव सचिन श्रेष्ठले सर्वसम्मत निर्वाचित कार्यसमितिको घोषणा गर्नु भएको सो कार्यक्रममा शपथपछि नयाँ कार्यसमितिका पदाधिकारीहरुलाई सगुन खुवाएर शुभकामना दिइएको थियो। निवर्तमान कार्यसमितिका अध्यक्ष माधवलाल श्रेष्ठले निर्वाचित नया अध्यक्ष मास्के लगायत नवनिर्वाचित कार्यसमितिलाई बधाई ज्ञापन गर्दै आफ्नो तर्फबाट पूर्ण सहयोग र सहकार्यको प्रतिवद्धता गर्नु भएको थियो।दुई कार्यकाल सफल नेतृत्व प्रदान गरी बिदा भएका श्रेष्ठले विगत चार वर्षमा आफूलाई साथ सहयोग दिने कार्यसमितिका पदाधिकारी, पूर्व अध्यक्षहरु, सल्लाहकारहरु र शाखाका सबै सदस्यलाई विशेष धन्यवाद दिनु भएको थियो। सो अवसरमा महासचिव नगेन्द्र श्रेष्ठ र कोषाध्यक्ष सोनी श्रेष्ठद्वारी प्रस्तुत आर्थिक प्रतिवेदनमाथि छलफल गरी पारित गरिएको थियो।सो अवसरमा विगत १२ वर्षसम्म महासचिवका रुपमा शाखालाई निरन्तर योगदान गरेका नगेन्द्र श्रेष्ठलाई दोसल्ला र प्रमाणपत्रसहित विशेष सम्मान गरिएको थियो। सन् २००० मा स्थापित पासा पुचः गुथि यूकेको शाखाका रुपमा सन् २००४ मा स्थापित साउथ इष्ट लन्डन शाखा बेलायतमा नेवारी कला, संस्कृति, भाषा प्रवर्द्धनमा सक्रिय छ।
GNNNEWS- काठमाडौं । गैर आवासीय नेपाली संघ (एनआरएनए) उच्चस्तरीय समितिले संघको सदस्य बन्ने मिति थप गरेको छ। उच्चस्तरीय समितिका अध्यक्ष शेष घलेको अध्यक्षतामा आइतबार बसेको उच्चस्तरीय समितिको नवौं बैठकले सदस्यता दर्ता, निर्वाचन प्रक्रिया र आगामी महाधिवेशनको तयारी लगायतका महत्वपूर्ण विषयहरूमा छलफल गरेको थियो । बैठकले सदस्यता दर्ता प्रक्रिया थप व्यवस्थित बनाउनका लागि नयाँ समयसीमा तोकेको छ । अब गैर आवासीय नेपालीहरूले ३१ मार्च २०२५ सम्म सदस्यता दर्ता गर्न सक्नेछन् । https://nrnahlc.com/ मा गएर सदस्यताको लागि आवेदन दिन सकिनेछ। बैठकले महाधिवेशनका लागि आइसीसी (इन्टरनेशनल कोर्डिनेशन काउन्सिल) ले लिने सदस्यता दर्ता शुल्क नलिने निर्णय गरिएको छ । तर, राष्ट्रिय समन्वय परिषद्हरू (एनसीसी) लाई आफ्नो देशको कानुनी व्यवस्थाअनुसार शुल्क तोक्न सक्ने अधिकार दिइएको छ। त्यसैगरी बैठकले आगामी निर्वाचन प्रक्रियालाई पारदर्शी र निष्पक्ष बनाउने उद्देश्यले प्रमुख निर्वाचन आयुक्त र अन्य निर्वाचन आयुक्तहरूको नियुक्ति गर्ने निर्णय गरेको छ। राष्ट्रिय समन्वय समितिको निर्वाचन १५ अप्रिल २०२५ भित्र सम्पन्न गर्ने समय सिमा पनि तोकिएको छ । तोकिएको समयसीमा भित्र निर्वाचन सम्पन्न गर्न नसके उच्चस्तरीय समितिसँग सम्झौता गरी महाधिवेशनको लागि नयाँ मिति निर्धारण गर्न सक्ने अधिकार पनि दिइएको छ। बैठकले आगामी मे ३-५ तारिखमा काठमाडौँमा आयोजना हुने महाधिवेशनलाई भव्य बनाउनका लागि प्रमुख अतिथि तथा अन्य विशिष्ट अतिथिहरूलाई निमन्त्रणा गर्ने प्रक्रिया सुरु गर्ने निर्णय गरेको छ । यसै गरी मूल आयोजक समितिको बैठक तुरुन्तै आयोजना गर्ने निर्णय गरिएको पनि जनाइएको छ।
सुरेश कोईराला, बाल्टीमोर,अमेरिका। विश्वभरि छरिएर रहेको नेपाली साहित्यका लेखक तथा स्रष्टाहरुको प्रतिनिधिमूलक संस्था अन्तर्राष्ट्रिय नेपाली साहित्य समाज अनेसासले पुरस्कारको लागि पुस्तक आह्वान गरेको छ। आगामी फ्रेबुअरी २८ तारिखसम्मको म्याद राखेर लेखकले पुस्तक पठाउनुपर्ने समयसीमा निर्धारण गरिएको पुरस्कार छनौट समितिका संयोजक एवं अनेसास बाेर्ड अफ ट्रष्टीका उपाध्यक्ष तीर्थराज पाण्डेयले जानकारी दिनुभयो। पाण्डेयले दिनुभएको जानकारीअनुसार दुई हजार डलर राशीको अनेसास सर्वोत्कृष्ट पुस्तक पुरस्कार एक जनाले प्राप्त गर्नेछन् । डायस्पोरामा प्रदान गरिने उक्त पुरस्कार सर्वाधिक रााशीमध्येको एक हो। आफैँ पनि विभिन्न विधामा पुस्तक प्रकाशित गरिसक्नुभएका पाण्डेयले लेखकलाई आफूले लेखेको पुस्तकलाई अन्तर्राष्ट्रिय रुपमा पुर्याउने माध्यम पुरस्कारले गर्नेगरेको बताउनुभयो। यसैगरी पुरस्कार छनोट कमिटीले विभिन्न १० वटा विधामा पनि पुरस्कार प्रदान गर्नेछ। जसमा कविता,कथा, उपन्यास,निबन्ध,नियात्रा, संस्मरण,गीत,गजल मुक्तक, हाइकु,समालोचना, लोकसाहित्य,संस्कृति, बालकृत साहित्य लगायत छन्। पुरस्कारका लागि नेपाली भाषामा लेखिएका विधा प्रष्टसँग उल्लेख गरिएको र पुस्तक आवरणसहित कम्तिमा ६४ पृष्ठको आकार भएको हुनुपर्ने पाण्डेयले जानकारी दिनुभयो। लेखकलाई पुस्तकको साथमा निर्धारण गरिएको लेखक परिचय खुल्नेगरी फर्म भरेर पठाउन संयोजक पाण्डेयले आह्वान गर्नुभयो। विगत वर्षहरुदेखि प्रदान गरिदै आएको पुरस्कारको वितरण महाकवि लक्ष्मीप्रसाद देवकोटा जयन्तीको दिन वासिङ्गटन डिसीमा आयोजना हुने कार्यक्रममा हस्तान्तरण गरिने पाण्डेयले जानकारी दिनुभयो। पाण्डेयले भन्नुभयो,“अब दुई हप्ताको अवधिमा स्रष्टाहरुले सन् २०२३ को जनवरी १ तारिखदेखि सन् २०२४ को डिसेम्बर ३१ सम्म प्रकाशित गर्नुभएका पुस्तकहरु नेपालमा रहेको अनेसासको शाखा वा अमेरिकामा पठाउन अनुरोध गर्दछु।” विश्वभरि छरिएर रहेका करिब ६५ वटा शाखा,तीन हजार आजीवन सदस्य रहेका अनेसासको पुरस्कार लेखक, कवि,स्रष्टाहरुको लागि एउटा महत्वपूर्ण अवसर भएको बताइन्छ।
शीतलपाटीन्युज डटकम। पोखरा। पोखरा भ्रमण वर्ष २०२५ को उद्घाटनका क्रममा बेलुन पड्केर घाइते भएका उपप्रधान तथा अर्थमन्त्री विष्णु पौडेल र पोखराका मेयर धनराज आचार्यलाई हेलिकप्टर मार्फत उपचारका लागि काठमाडौँ लगिएको छ। कार्यक्रमको डिजिटल इनागुरेसन गर्ने क्रममा हाइड्रोजन ग्यास भरिएका बेलुनहरू फायर क्यान्डिलबाट निस्किएका झिल्काहरूसँग ठोकिन पुगेपछि दुर्घटना हुन पुगेको बताईएको छ। अर्थमन्त्री पौडेलको दुवै हात,अनुहार र घाँटी आसपासमा क्षति पुगेको जनाइएको छ। मेयर आचार्यको अनुहारको भाग जलेको देखिएको छ। घटना लगत्तै उनीहरूलाई हेलिकप्टर मार्फत काठमाडौँ लगिएको हो। अर्थमन्त्री पौडेललाई उपचारका लागि गण्डकी मेडिकल कलेज शिक्षण अस्पताल लगिएकोमा थप उपचारका लागि काठमाडौँको कीर्तिपुरस्थित अस्पतालमा लगिएको नेपाल कम्युनिष्ट पार्टी (एमाले) कास्कीका अध्यक्ष बैनबहादुर अधिकारी क्षेत्रीले जानकारी दिएका छन। महानगर प्रमुख आचार्यलाई उपचारका लागि फिस्टेल अस्पताल लगिएकोमा थप उपचारका लागि काठमाडौँ पठाइएको उनका प्रेस संयोजक भीम थापाले जानकारी दिए। महानगरप्रमुख आचार्यको अनुहार तथा गालामा क्षति पुगेको छ। अर्थमन्त्री पौडेल र मेयर आचार्यलाई थप उपचारका लागि कीर्तिपुरस्थित बर्न अस्पताल पुर्याइएको छ। video- https://www.facebook.com/share/v/14wuKZtvT2/?mibextid=wwXIfr
