शीतलपाटीन्युज डटकम। लण्डन।भूपू गोर्खाहरुको माग सम्बोधनका विषयमा नेपाली राजदूतावास र संयुक्त अधिराज्यका रक्षा मन्त्रालयका पदाधिकारीहरु एवं भूतपूर्व गोर्खाका प्रतिनिधिहरुको सहभागितामा आज रक्षा मन्त्रालयमा प्राविधिक स्तरको वैठक सम्पन्न भयको कुराको नेपाली राजदुताबास लण्डनले एक बिज्ञप्ति प्रकाशित गरी जानकारी गराएको छ। वैठकमा भूपू गोर्खाहरुका पेन्सन, अध्यागमन लगायतका विषयहरुमा विस्तृत छलफल भएको छ। बेलायती रक्षा मन्त्रालयले भूपू गोर्खाहरुले उठाएका विषयहरुमा बिभिन्न सम्बन्धित निकाय तथा पदाधिकारीहरुसँग आन्तरिक छलफल गरी आगामी वैठकहरुमा जानकारी गराउने बताएको समेत बताएको छ। बैठकमा नेपाल सरकारका तर्फबाट नेपाली राजदूतावासका उप-नियोग प्रमुख रोशन खनाल,सैनिक सहचारी महासेनानी अनुप शाह तथा भूतपूर्व गोर्खाहरुको तर्फबाट मेजर(अ.प्रा.) जुदबहादुर गुरुङ्ग, मेजर(अ.प्रा.)उदयबहादुर गुरुङ्ग,पुष्पा राणा घले तथा बेलायत सरकारको तर्फबाट रक्षा मन्त्रालय,गृह मन्त्रालय र अन्तर्गतका अधिकारीहरुको सहभागिता रहेको २१ फेब्रुवरी २०२४ मा प्रकाशित पेस बिज्ञप्तिमा उल्लेख गरी जानकारी गराइएको छ। बिज्ञप्ति-
शीतलपाटीन्युज डटकम। लन्डन।लन्डनस्थित नेपाली राजदूतावास लण्डनले स्कटल्यान्डमा घुम्ती सेवा सञ्चालन सम्पन्न गरेको समाचार छ । गत सोमबार एकैदिन स्कटल्यान्डका फाइफ र एबर्डिन पुगेर दूतावासले स्थानीय नेपालीहरुलाई आवस्यक सेवा प्रदान गरेको हो। एनआरएनए राज्य समन्वय परिषद स्कटल्याण्डसंगको सहकार्यमा दूतावासबाट घुम्ती सेवा सञ्चालन भएको हो। जसबाट फाइफ र एबर्डिनमा गरी करिब १५० स्थानीय नेपाली लाभान्वित भएको एनआरएनए स्कटल्यान्ड अध्यक्ष दिवाकर पाण्डे र प्रचारप्रसार संयोजक तारानाथ भण्डारीले जानकारी दिनु भयको छ। घुम्ती सेवामा पासपोर्ट रिन्यु,भिसा,यात्रा अनुमतिपत्र (Travel Document), एनआरएनए कार्ड, वारेसनामा लगायतका सेवा उपलब्ध गराइएको थियो। त्यस अवसरमा सेवाग्राहीहरुलाई अबेर मध्यरातसम्म सेवा दिइएको र सेवाग्रहीहरुले सेवा लिई रहेका थिए। स्कटल्यान्डमा घुम्ती सेवाका लागि लन्डन राजदूतावासबाट थर्ड सेक्रेटरी पुजन पाण्डे खटिएकी थिइन्। एनआरएनए स्कटल्यान्ड, नेप्लिज हिमालयन एशोसिएसन एबर्डिनसहित स्थानीय नेपाली संघसंस्थाका प्रतिनिधि र सामाजिक अभियन्ताहरुले स्वयमसेवकका रुपमा सहयोग गरेका थिए। घुम्ती सेवाले स्कटल्यान्डवासी नेपालीहरुलाई सहज ढंगले दूतावासका सेवा उपलब्ध गराएको भन्दै एनआरएनए स्कटल्यान्ड अध्यक्ष दिवाकर पाण्डेले घुम्ती सेवामा योगदान गर्ने दूतावास, कर्मचारी र एनआरएनए एवम् अन्य संघसंस्थाका प्रतिनिधि समेतलाई धन्यवाद दिएका छन्।
शीतलपाटीन्युज डटकम। काठमाडौँ । संयुक्त अधिराज्यले व्यवसायमा नेपाल (नेपाल इन् बिजनेस-एनआइबी) र हरित विकास कार्यक्रम (ग्रीन ग्रोथ प्रोग्राम-जिजिपी) परियोजना कार्यान्वयन गर्न सात करोड स्टर्लिङ पाउन्ड (करिब ११ अर्ब ७० करोड रुपैयाँ) अनुदान उपलब्ध गराउने भएको छ। आगामी सात वर्षसम्म दुवै परियोजना सञ्चालन हुनेछन्। अनुदान सोही अवधिका निम्ति प्रदान गरिएको हो। नेपालको भ्रमणमा रहेका अफ्रिकाका निम्ति बेलायतका विकासमन्त्री एन्ड्रु मिचेल र अर्थमन्त्री प्रकाशशरण महतको उपस्थितिमा अनुदान सहायतासम्बन्धी सम्झौतापत्रमा मंगलबार अर्थ मन्त्रालयमा आयोजित एक कार्यक्रममा उक्त मन्त्रालयका सहसचिव श्रीकृष्ण नेपाल र यहाँस्थित बेलायती दूतावासका विकास निर्देशक पिपा बर्डले हस्ताक्षर गरे । यो अनुदानमा प्राविधिक सहायता र वैदेशिक विकास सहायता पनि समावेश गरिएको छ। अर्थ मन्त्रालयका अनुसार एनआइबी कार्यक्रमबाट प्राप्त हुने अनुदान नेपालको समग्र आर्थिक विकास, गरिबी निवारण र समग्र आर्थिक समृद्धिको बाटो निर्धारणमा सहयोग गर्ने अपेक्षा गरिएको छ। यो कार्यक्रमले साना तथा मझौला उद्यमलाई सहयोग गर्नेछ। साना तथा मझौला उद्यमलाई उत्पादनमा जोड्ने र त्यस्ता व्यवसाय विकासका लागि वित्तपोषण गर्ने अपेक्षा गरिएको छ। त्यसैगरी, हरित नेपाल विकास कार्यक्रमले उद्योग तथा सेवा क्षेत्रमा लगानी गर्न, जलवायु अनुकूलित पूर्वाधार निर्माण गर्न, दिगो आर्थिक नीतिलाई सुदृढ गर्न र आर्थिक सहजीकरण गरी समावेशी विकासका लागि सहयोग गर्नेछ। त्यस्तै, प्रत्यक्ष वैदेशिक लगानीका क्षेत्रमा सुधार र जलवायु अनुकूल लगानी परियोजना विकासमा योगदान गर्ने बताइएको छ। त्यस अवसरमा अर्थमन्त्री महतले नेपाल-बेलायत सम्बन्धबारे चर्चा गर्दै नेपालको सामाजिक-आर्थिक विकासका प्राथमिकतालाई पूरा गर्न बेलायत सरकारले निरन्तर सहयोग गरेकोमा आभार व्यक्त गरे। उनले नेपालको आर्थिक वृद्धि, दिगोपन प्रवर्द्धन, गरिबी घटाउनेलगायत महत्त्वपूर्ण कार्यक्रम कार्यान्वयनका निम्ति अनुदान उपयोगी हुने विश्वास व्यक्त गरे। ‘आर्थिक रूपान्तरण, जलवायु परिवर्तनका मुद्दा, सामाजिक सेवा तथा समावेशीकरणका लागि पनि अनुदानबाट सञ्चालन हुने कार्यक्रम महत्त्वपूर्ण छन्,‘उनले भने। बेलायतीमन्त्रीले आर्थिक रूपान्तरण,जलवायु परिवर्तनका प्रभावसँग सम्बन्धित विषय,सबल सामाजिक सेवा प्रवाह,समावेशिता प्रवर्द्धनमा सहयोग र सहकार्यका प्रशस्त क्षेत्र रहेका बताए। (प्रसासनबाट साभार)
पोखरा स्पोर्टस, पोखरा। सहाशीक एवं मनोरन्जनपूर्ण खेल हट एयर बेलुन उडाउँदै आएको नेपालको एक मात्र कम्पनी बेलुन नेपालले थाइल्याण्डमा सम्पन्न इन्टरनेसनल बेलुन फियस्ता २०२४ मा सहभागीता जनाएको छ। गत बुधबारदेखि थाइल्याण्डको सबैभन्दा चिसो शहर च्याङराईमा आयोजना भएको पाँच दिने सो फेस्टिभलमा नेपालको प्रतिनिधित्व गर्दै पोखराको बेलुन नेपाल कम्पनीका अध्यक्ष बिक्रम बाडे र निर्देशक बि बि ढकाल सहभागी भएका हुन्। कार्यक्रममा २० व्यवसायिक तथा ६० वटा मिनी सहित ८० वटा बेलुन उडाइएको थियो। जसमा नेपालसहित १२ वटा मुलुकका बेलुन कम्पनीको सहभागीता रहेको थियो। कार्यक्रममा विभिन्न बेलुनमा २० वटा मुलुकको राष्ट्रिय झण्डा फहराइएको थियो, जसमध्ये एउटा बेलुनमा नेपालको राष्ट्रिय झण्डा फहराइएको निर्देशक ढकालले जानकारी दिए। आइतबार समापन भएको कार्यक्रममा हरेक दिन विभिन्न किसिमका प्रतियोगितात्मक खेल आयोजना भएको थियो। जसको पर्यवेक्षकको रुपमा बेलुन नेपालले सहभागीता जनाएको कम्पनीका निर्देशक ढकालले जानकारी दिए। कार्यक्रम अवधिमा खटिएका पाइलट र बलुन क्रूको सम्मानमा आइतबार साँझ बेलुन नेपालको संयोजनमा रात्री भोज सहित ुनेपाली नाइटु आयोजना गरिएको थियो। सो अवसरमा पाइलट र क्रूहरुलाई नेपाली ढाका टोपी र खादाले सम्मान गर्दै बुद्धको प्रतिमा उपहार दिइएको ढकालले बताए। ‘मुलुकको प्रवर्द्धनका लागि यस्तो कार्यक्रम निकै राम्रो हुने रहेछ,’निर्देशक ढकालले भने-‘नेपालमा बेलनु पनि छ भन्ने जानकारी दिन पाउनु खुशीको कुरा हो।’ उनले कार्यक्रममा नेपालको लुम्बिनी र सिद्धार्थ गौतमबारे जानकारी दिएको समेत बताए। उनले भने,’धेरैमा बुद्ध इण्डियामा जन्मिएको भ्रम थियो तर यो फेस्टमा डेढ लाख जनासम्म त्यहाँ कन्सर्टमा सहभागी थिए त्यहाँ लुम्बिनी नेपालको र बुद्धको जन्म नेपालमा भएको जानकारी दिन पायौं।’ उनले नेपालमा पनि यस्तै किसिमका कार्यक्रम राखेर विभिन्न मुलुकका पर्यटकहरू सहभागी गराउने प्रशस्तै सम्भावना रहेको बताए। उनले भने, ‘यहाँ गरिएका बेलुन ग्लो कार्यक्रमले हाम्रो ध्यान खिचेको छ, छिट्टै नेपालमा पनि यस्तै कार्यक्रम आयोजना गर्ने सोचमा छौं।’ निर्देशक ढकालले सम्भवत नेपालबाट इन्टरनेसनल बेलुन फेस्टिभलमा नेपाली कम्पनी सहभागी भएको यो पहिलो पटक भएको बताए। थाइल्याण्डको फ्लाइङ मिडियाले आयोजना गरेको यस कार्यक्रममा स्थानीय सांस्कृतिक प्रस्तुति समेत समावेश थियो। कार्यक्रमको पाँच दिन अवधिमा कुल १० लाख जनाले अवलोकन गरेको ढकालले बताए।
सुरेश कोईराला। काठमाडौं। चितवन प्रहरीले ५ सय ४२ किलो गाँजा बरामद गरेको छ। जिल्ला प्रहरी कार्यालयका प्रमुख एसपी रामेश्वर कार्कीले पूर्वी चितवनको झुरझुरेबाट ३० वटा पोकामा राखेर लुकाइएको गाँजा बरामद गरिएको जानकारी दिए। राप्ती-३ स्थित पूर्व-पश्चिम राजमार्गको झुरझुरेमा सडक छेउमा ना ३ ख ६१२२ नम्बरको ट्रक र ना ३ ख ७२४० नम्बरको डिब्बा ट्रकमा लुकाइएको गाँजा इलाका प्रहरी निरीक्षक श्याममणि पोखरेलको कमाण्डमा खटिएको प्रहरी गस्ती टोलीले चेकजाँच गरेको थियो। शंकास्पद अवस्थामा रोकिराखेको देखेपछि दुबै ट्रकको चेकजाँच गर्दा ठूलो परिमाणमा गाँजा भेटिएको एसपी कार्कीले बताए। उनका अनुसार सिसाका बोतल बोक्ने ट्रकले धादिङको मलेखुबाट लोड गरेर ल्याएको गाँजा झुरझुरेमा डिब्बा ट्रकमा पल्टी गरिएको थियो। बरामद भएको गाँजा धादिङ, मकवानपुर र चितवनका पहाडी क्षेत्रमा उत्पादन गरिएको हुनसक्ने उनले बताए। प्रहरीले डिब्बा ट्रकका चालक धनकुटा छथर जोरपाटे-३ का ३२ वर्षका रमेशनाथ दाहाल र अर्को ट्रकमा सवार कपिलवस्तु बुद्धभूमि-४ का २५ वर्षीय खुशीराम थारूलाई पक्राउ गरेको छ। ट्रकका चालक फरार छन्। ‘मेरो कार्यकालमा मात्रै ४ पटक १८० देखि ५४० किलो सम्मको परिमाणमा गाँजा बरामद गरिएको छ। यो नै अहिलेसम्ममा सबभन्दा ठूलो परिमाणमा बरामद भएको हो,’ कार्कीले भने। कार्की सोमबार नै चितवनबाट सरूवा भएर लागुऔषध ब्युरोमा जाँदैछन्।
शीतलपाटीन्युज डटकम। काठमाण्डौं। यही फेव्रवरी १६ तारिख २०२४ तदनुसार फाल्गुण ४ गते शुक्रवार २०८० मा नेपाली समय सांझ पाँच तीसबजे डायस्पोरामा नेपाली संस्कृति र सम्पदा” पुस्तक लोकार्पण भयो । नेपाल प्रज्ञा प्रतिष्ठानका पूर्वकुलपति साहित्यकार प्राध्यापक गंगाप्रसाद उप्रेतीको प्रमुख आतिथ्यमा कार्यक्रम भएको थियो। गैरआवासीय नेपाली संघ अन्तर्राष्ट्रिय समन्वय समितिका अध्यक्ष डाक्टर बद्री के सीको अध्यक्षतामा भएको कार्यक्रममा संस्कृति तथा सम्पदा विभागका संयोजक तथा वर्तमान एनआरएनएका सल्लाहकार गोविन्दप्रसाद गौतमले कार्यक्रमको परिचय दिँदै स्वागत गर्नु भएको थियो। गैरआवासीय नेपाली संघ संस्कृति तथा सम्पदा समिति २०२१ – २०२३ का दुई महत्वपूर्ण कार्यहरू थिए। जसमा प्रवासमा छरिएर रहेका प्रतिभावान गायकहरूलाई गायन प्रतियोगिता एनआरएन द सिङ्गर्स्ग राउने। डायस्पोरामा रहेको नेपाली संस्कृति र सम्पदालाई अभिलेखिकरण गर्ने। गतबर्ष २०२३को अक्टोवर महिनामा सम्पन्न एनआरएन द सिंगर्सले एउटा ऐतिहाँसिक कार्य गरेको छ। त्यस्तै गरेर डायस्पोरामा नेपाली संस्कृति र सम्पदाको पुस्तकको प्रकाशन गरी लोकार्पण भएको छ। कार्यक्रममा विमोचित पुस्तकको लोकार्पणमा सम्म आइपुग्दाका बिभिन्न चरणका बारेमा उत्तरअमेरिकाका संयोजक सुरेन उप्रेतीले प्रकाशन पार्नु भएको थियो। सन २०१९ अक्टोवरमा बिभागको स्थापना भइ प्रथम बैठकबाट सल्लाहकार श्री कृष्णप्रकाश श्रेष्ठ, एशिया प्यासिफिकका संयोजक डा लेखनाथ काफ्ले र सुरेन उप्रेतीलाई यो पुस्तक प्रकाशनको जिम्मा दिइएको थियो। बिभागको स्थापना लगतै कोभिड १९को महामारीले सन्सारलाई त्राहिमाम बनायो। यो महामारीले डायस्पोरामा नेपाली संस्कृति र सम्पदाको अनुसन्धान र अध्ययनलाई समेत प्रभावित बनायो। यतीकैमा साहित्यकार अनुवादक कृष्णप्रकाश श्रेष्ठ बिरामी पर्नु भयो। बिरामी श्री कृष्णप्रकाश श्रेष्ठले मार्च २९ । २०२१ का दिन महाप्रस्थान गर्नु भयो। यसले समितिलाई अझ मर्माहत बनायो। पूर्व अध्यक्ष साहित्यकार जीवा लामिछाने ,पूर्वकोषाध्यक्ष हिक्मत थापा र सुरेन उप्रेतीको सल्लाहमा दिवंगत कृष्णप्रकाश श्रेष्ठको सम्मान र सम्झनामा पुस्तक प्रकाशन गर्ने निर्णय भयो। जसलाई साकार बनाउन गोविन्दप्रसाद गौतम, डाक्टर मनमूर्ति भुर्त्याल,नेपाल प्रज्ञाप्रतिष्ठानका काव्य विभाग प्रमुख साहित्यकार प्रा डा हेमनाथ पौडेलले पुस्तक प्रकाशनमा अहम भूमिका निर्वाह गर्नु भएको थियो। सम्झनामा कृष्णप्रकाश श्रेष्ठ नामक पुस्तकको सल्लाहकार सम्पादकमा प्राडा हेमनाथ पौडेल र साहित्यकार जीवा लामिछाने हुनु हुन्छ। सम्पादकमा सुरेन उप्रेती हिक्मत थापा र डा.मनमूर्ति भुर्त्याल रहनु भएको समूहले पुस्तक प्रकाशन
शीतलपाटीन्युज डटकम। काठमाडौँ। वि विल राइज फाउन्डेसनका संस्थापक अध्यक्ष एवं तेक्वान्दो ग्रान्ड मास्टर तुलसीकुमार गुरुङले पोखरा अन्तर्राष्ट्रिय म्याराथनका लागि नगद ५ लाख रुपैयाँ सहयोग प्रदान गरेका छन्। नेपाली अग्रज खेलाडीको छाता संस्था नेपाल भूतपूर्व खेलाडी मञ्चका आजीवन सदस्यसमेत रहेका गुरुङले आफ्नो परिवारका तर्फबाट २ लाख र हङकङस्थित नेपाली दाजुभाइबाट संकलित ३ लाख गरी ५ लाख प्रदान गरेका हुन्।उक्त रकम शनिबार हुने १८औँ संस्करणको पोखरा अन्तर्राष्ट्रिय म्याराथनअन्तर्गत प्रथम पुरस्कारका लागि रहेको मञ्चका अध्यक्ष हरिप्रसाद पराजुलीले जानकारी दिए। सोही अवसरमा सहारा क्लब हङकङका अध्यक्ष दीपक गुरुङ र प्रदेश खेलकुद परिषद् गण्डकीका सल्लाहकार एवं समाजसेवी सुनिल गुरुङले समेत नगद ५–५ हजार प्रदान गरेका छन्। सहयोग रकम हस्तान्तरण गर्दै संस्थापक अध्यक्ष गुरुङले आयोजकको ध्यान म्याराथन सफल बनाउनतर्फ केन्द्रित गर्नुपर्ने बताए। ‘अन्तिम समय आइपुगेको छ।सफल रूपमा सम्पन्न गर्न यहाँहरूको ध्यान पुग्न आवश्यक छ,’ उनले भने। पोखरालाई अब लिने मात्रै नभई दिने पनि बनाउन सक्नुपर्ने उनको भनाइ छ। नेपाललाई नै अब खेलकुदको माध्यमबाट ‘फिट’ राख्नुपर्ने बताउँदै गुरुङले पोखरामा फिट नेपाल परियोजना सञ्चालन गर्ने तयारी गरिरहेको संस्थापक अध्यक्ष गुरुङले बताए। यस्तै, म्याराथनलाई हङकङमा रक्ष (रक्स)गुरुङको संयोजकत्वमा तेक्वान्दोका ग्रान्ड मास्टर चौबहादुर गुरुङले सहयोग गरेका छन्। गंगा गुरुङले १ लाख, अर्जुन गुरुङले ७० हजार,सुरेश गुरुङले ३०हजार,सुरज (नारायण) गुरुङले ३० हजार सहयोग गरेको अन्तर्राष्ट्रिय सम्पर्क संयोजक तेजबहादुर गुरुङले जनाए। त्यस्तै, हङकङबाट सहयोग गर्नेमा बुद्धि गुरुङ र सुरेन्द्र ढकालले हङकङ डलर १–१ हजार, दिनेश गुरुङले ७००,भिम गुरुङले ५००, रक्ष (रक्स)गुरुङले ५००, डम्बरकुमार गुरुङले २५१ हङकङ डलर सहयोग गरेका छन्। हङकङबाट २६ जनाले पोखरा म्याराथनलाई सहयोग गरेको संयोजक गुरुङले जानकारी दिए। मञ्चका अध्यक्ष हरिप्रसाद पराजुलीले सहयोगप्रति आभार व्यक्त गर्दै विदेशमा बस्ने नेपाली दाजुभाइको सहयोगले पोखरा म्याराथनलाई सहज रूपमा सञ्चालन गर्न सहयोग पुगेको बताए।सो अवसरमा अस्ट्रेलियाका संयोजक चन्द्रप्रकाश गुरुङले आफू पोखरा म्याराथनमा सहभागी हुन हरेक वर्ष आउने गरेको बताए। अर्को वर्ष भने अस्ट्रेलियन नागरिकलाई पनि सहभागी गराउने प्रयास गर्ने उनको भनाइ छ। ‘अहिले हामीले जति सकिन्छ नेपाली दाजुभाइबाट संकलित रकम सहयोग गरेका छौँ,’उनले भने। ‘अर्को वर्ष अस्ट्रेलियन नागरिकलाई समेत सहभागी गराउन
शीतलपाटीन्युज डटकम। पोखरा । १८ औं सफल पोखरा म्याराथनमा केन्याली धावकहरुले वर्चस्व राखेका छन् । नेपाली अग्रज खेलाडीहरुको छाता संस्था नेपाल भूतपूर्व खेलाडी मञ्चद्वारा पोखरामा शनिबार सम्पन्न म्याराथनमा खुला म्याराथनतर्फ केन्याली धावकहरुले बर्चश्व राखेका हुन्। म्याराथन खुलातर्फ पहिलो भएका केन्याली धावक जुलियास मुरियाली वाहोमले निर्धारित ४२.१९५ किलोमिटरको दुरी २ घण्टा १९ मिनेट ३६ सेकेण्डमा पूरा गरे भने केन्याकै इसाक किहारा कमिरीले २ घण्टा २० मिनेट ०५ सेकेण्डको समय निकाल्दै दोश्रो भए । त्यस्तै अर्का केन्याली धावक इडविन किप्लागटले २ घण्टा २० मिनेट ४५ सेकेण्डमा दुरी पार गरी तेस्रो भए। किप्लीगाट १७ औं सस्करणका विजेता थिए। त्यस्तै नेपाली धावक किरण सिंह बोगटी चौथो स्थानमा रहे। उनले २ घण्टा २४ मिनेट ०२ सेकेण्डमा म्याराथन पूरा गरे। खुला म्याराथनतर्फ पहिलो भएका जुलियासले नगद रु ५ लाख, दोश्रो भएका इसाक किहाराले नगद ३ लाख, तेश्रो भएका इडविनले नगद २ लाख र चौथो भएका किरण बोगोटीले ३० हजार नगद हात पारे।त्यस्तै गण्डकी प्रदेशतर्फ सफल लामा, देव प्रसाद जलारी र मनोज अधिकारी क्रमश पहिलो,दोश्रो र तेश्रो भए। महिला २१ किमितर्फ सन्तोषी श्रेष्ठले पोखरा अन्तर्राष्ट्रिय म्याराथनमा कोर्स रेकर्ड दर्ता गरिन्। उनले १ घन्टा १८ मिनेट ३९ सेकेण्डमा दुरी पार गर्दै नगद रु १ लाख ५० हजार प्राप्त गरिन्। २१ किमि महिलातर्फ केन्याली अवीजल जेरोप १ घन्टा १९ मिनेट ०२ सेकेण्डमा दुरी पार गर्दै दोश्रो हुँदा राममायाँ बुढा १ घन्टा १९ मिनेट २२ सेकेण्डमा दुरी पार गर्दै तेश्रो र १ घन्टा २१ मिनेट ०७ सेकेण्डमा दुरी पार गरेकी फुलमती राना चौथो भइन्। यस्तै पुरुष १० किमि दौडमा ३१ मिनेट १५ सेकेण्डमा दुरी पार गरी टंक बहादुर कार्की पहिलो, सुवास कार्की दोश्रो हुँदा ३२ मिनेट ३७ सेकेण्ड लगाए भने, तेश्रो भएका सन्जिब नेपाली तेश्रो ३३ मिनेट २९ सेकेण्डमा दुरी पार गरे। महिला १० किमि दौडमा ४२ मिनेट १६ सेकेण्डमा दुरी पार गरी आशा रावत पहिलो हुँदा ४२ मिनेट २४ सेकेण्डमा दुरी पार गरेकी सिमा चौधरी दोश्रो र ४४ मिनेट २१ सेकेण्डमा दुरी पार गर्दै नम्रता
भरत पौड्याल, रेडिङ,लण्डन। प्रत्येक बर्ष परम्परागत रुपमा बसन्त पंचमीको दिन मनाइने गरिएको सरस्वती पूजा यो बर्ष पनि ग्रेटर रेडिंग नेपाली समाजले भव्यतापूर्वक मनायो। पाकिस्तानी कम्युनिटी सेन्टरमा आयोजित उक्त कार्यकममा रेडिंग वरिपरि बसोबास गर्ने वालवच्चा र अविभावक गरी १०० भन्दा बढी ब्यक्तीहरुको उपस्थिति रहेको थियो। अन्य कार्यक्रम भन्दा पृथक रुपमा संचालन गरिएको उक्त कार्यक्रममा बालिका रीभा ढकालले आगन्तुक हरुलाइ स्वागत गरेकी थिईन भने अर्की बालिका काव्या पुडासैनीले हेल्थ एण्ड सेफ्टीको बारेमा जानकारी गराएकी थिईन। ११ / १२ बर्ष उमेरका रिया पण्डित र अमोग भट्टराईले संचालन गरेको उक्त कार्यक्रममा ५ र ६ बर्षका निसिका तिवारी र अर्नभ कायस्थले सरस्वतीको मन्त्रोचारण गरेका थिए। त्यसै गरी ग्रेटर रेडिंग नेपाली समाज द्वारा संचालन गरिएको नेपाली कक्षाका बिद्यार्थी हरुले नेपाली भाषामा आफ्नो लेख,रचना प्रस्तुत गरे भने नेपाली कक्षाका शिक्षक त्रिलोचन गौतमले नेपाली कक्षाका गतिविधि जानकारी गराउनु भयो। पूर्ख्यौली संस्कृतीलाई ग्रहण गर्दै बालबालिकाहरु आफैले उत्साहका साथ संचालन गरेको उक्त कार्यक्रममा बेलायतमा जन्मिएर हुर्किएका नानी,बाबुहरुलाई नेपाली संस्कार र संस्कृति को पहिचान होस् भन्ने हेतुले विद्याकी देवी सरस्वतीको पूजा पाठ,बन्दना र अर्चना,अक्षराम्भ,चित्रकला प्रतियोगिता लगायत सरस्वती माताको गीतमा नाचगान प्रस्तुत गरेका थिए। उक्त कार्यक्रममा नयनतारा प्रधानले सरस्वती माता सम्बन्धी नृत्य सिकाएकी थिइन् जसमा वालिकाहरु आर्याना,निष्ठा,प्रिन्सु,प्रिशा,रिया,शुभाले नृत्य प्रस्तुत गरेका थिए भने दुर्गा ढकालले सरस्वती बन्दना रचना गरी नेपाली भाषामा वाचन सिकाएकी थिइन्। उपाध्यक्ष कल्पना पण्डितले संस्कृतमा लेखिएको सरस्वती पाठ सिकाउदै बालबालिकालाइ प्रोत्साहन गर्न बिशेष भूमिका खेल्नु भएको थियो। यसै गरि बैधि गोगटेले बसन्त पंचमीको महिमाको बारेमा प्रकाश पर्नु भएको थियो। साना बालबालिकाहरुले हनुमान चालिसा पाठ गरेर कार्यक्रमलाइ अझ रमाइलो बनाएका थिए। ११ बर्षिया बालिका प्रत्युषा त्रिपाठीले अंग्रेजी भाषामा सरस्वती देवी र सरस्वती पूजाको महत्व बारे बिस्तृत जानकारी गराउदै उपस्थित सबैलाइ प्रसाद ग्रहण गर्न अनुरोध गर्दै कार्यक्रम भब्य भएको घोषणा गरेकी थिइन। कार्यक्रममा समाजका अध्यक्ष भिमसेन खड्काले उपस्थित सम्पूर्ण अभिभावक तथा बालबालिकाहरुलाई धन्यबाद ज्ञापन गर्नु भयको थियो। उपाध्यक्ष कल्पना पण्डितले आगामी दिनमा पनि यस प्रकारका कार्यक्रम गर्ने जानकारी दिनु भयो। नेपाली समाजका सचिब तथा कार्यक्रमका संयोजक डा भरत
भरत पौड्याल, रेडिङ,लण्डन। प्रत्येक बर्ष परम्परागत रुपमा बसन्त पंचमीको दिन मनाइने गरिएको सरस्वती पूजा यो बर्ष पनि ग्रेटर रेडिंग नेपाली समाजले भव्यतापूर्वक मनायो। पाकिस्तानी कम्युनिटी सेन्टरमा आयोजित उक्त कार्यकममा रेडिंग वरिपरि बसोबास गर्ने वालवच्चा र अविभावक गरी १०० भन्दा बढी ब्यक्तीहरुको उपस्थिति रहेको थियो। अन्य कार्यक्रम भन्दा पृथक रुपमा संचालन गरिएको उक्त कार्यक्रममा बालिका रीभा ढकालले आगन्तुक हरुलाइ स्वागत गरेकी थिईन भने अर्की बालिका काव्या पुडासैनीले हेल्थ एण्ड सेफ्टीको बारेमा जानकारी गराएकी थिईन। ११ / १२ बर्ष उमेरका रिया पण्डित र अमोग भट्टराईले संचालन गरेको उक्त कार्यक्रममा ५ र ६ बर्षका निसिका तिवारी र अर्नभ कायस्थले सरस्वतीको मन्त्रोचारण गरेका थिए। त्यसै गरी ग्रेटर रेडिंग नेपाली समाज द्वारा संचालन गरिएको नेपाली कक्षाका बिद्यार्थी हरुले नेपाली भाषामा आफ्नो लेख,रचना प्रस्तुत गरे भने नेपाली कक्षाका शिक्षक त्रिलोचन गौतमले नेपाली कक्षाका गतिविधि जानकारी गराउनु भयो। पूर्ख्यौली संस्कृतीलाई ग्रहण गर्दै बालबालिकाहरु आफैले उत्साहका साथ संचालन गरेको उक्त कार्यक्रममा बेलायतमा जन्मिएर हुर्किएका नानी,बाबुहरुलाई नेपाली संस्कार र संस्कृति को पहिचान होस् भन्ने हेतुले विद्याकी देवी सरस्वतीको पूजा पाठ,बन्दना र अर्चना,अक्षराम्भ,चित्रकला प्रतियोगिता लगायत सरस्वती माताको गीतमा नाचगान प्रस्तुत गरेका थिए। उक्त कार्यक्रममा नयनतारा प्रधानले सरस्वती माता सम्बन्धी नृत्य सिकाएकी थिइन् जसमा वालिकाहरु आर्याना,निष्ठा,प्रिन्सु,प्रिशा,रिया,शुभाले नृत्य प्रस्तुत गरेका थिए भने दुर्गा ढकालले सरस्वती बन्दना रचना गरी नेपाली भाषामा वाचन सिकाएकी थिइन्। उपाध्यक्ष कल्पना पण्डितले संस्कृतमा लेखिएको सरस्वती पाठ सिकाउदै बालबालिकालाइ प्रोत्साहन गर्न बिशेष भूमिका खेल्नु भएको थियो। यसै गरि बैधि गोगटेले बसन्त पंचमीको महिमाको बारेमा प्रकाश पर्नु भएको थियो। साना बालबालिकाहरुले हनुमान चालिसा पाठ गरेर कार्यक्रमलाइ अझ रमाइलो बनाएका थिए। ११ बर्षिया बालिका प्रत्युषा त्रिपाठीले अंग्रेजी भाषामा सरस्वती देवी र सरस्वती पूजाको महत्व बारे बिस्तृत जानकारी गराउदै उपस्थित सबैलाइ प्रसाद ग्रहण गर्न अनुरोध गर्दै कार्यक्रम सम्पन्न भएको घोषणा गरेकी थिइन। कार्यक्रममा समाजका अध्यक्ष भिमसेन खड्काले उपस्थित सम्पूर्ण अभिभावक तथा बालबालिकाहरुलाई धन्यबाद ज्ञापन गर्नु भयको थियो। उपाध्यक्ष कल्पना पण्डितले आगामी दिनमा पनि यस प्रकारका कार्यक्रम गर्ने जानकारी दिनु भयो। नेपाली समाजका सचिब तथा कार्यक्रमका संयोजक डा
शीतलपाटीन्युज डटकम। लन्डन- लोकप्रिय समाजसेवी गायिका आनी छोइङ डोल्मा सांगीतिक कन्सर्टका लागि बेलायत आउने भएकी छन्। गायिका छोइङले मानवसेवा आश्रम सहयोगार्थ आगामी मे ५ मा बेलायतमा आयोजना हुने कन्सर्टमा प्रस्तुति गर्ने भएकी हुन्। मानवसेवा आश्रम बेलायत शाखाको आयोजनामा क्याम्बर्लीको लेकसाइड कन्ट्री क्लबमा ‘इनर मेलोडी फर इनर पिस’ कार्यक्रम हुने भएको हो। कार्यक्रममा १५ सय जनाको सहभागिता गराउने र मानव सेवा आश्रमका लागि १ लाख पाउन्ड बढी सहयोग जुटाउने लक्ष्य राखिएको आयोजक मानवसेवा आश्रम बेलायतका अध्यक्ष एवम कार्यक्रम संयोजक सुनिलबाबु खड्काले बताउनु भयको छ। करिब ८ वर्षअघि बेलायतको रेडिङमा आनीको कन्सर्ट हुदा उल्लेख्य सहभागितामा उनको कन्सर्ट सम्पन्न भएको थियो। यसैबीच,आयोजक मानवसेवा आश्रम बेलायत शाखाको कार्यक्रम तयारीसम्बन्धि पहिलो बैठक सोमबार सम्पन्न भएको छ। अध्यक्ष सुनिलबाबु खड्काको अध्यक्षतामा सम्पन्न बैठकमा कार्यसमितिका पदाधिकारी एवम् सल्लाहकारहरुबीच तयारी, कार्यविभाजन लगायतका विषयमा छलफल गरिएको थियो। मानवसेवा आश्रमका काममा सहयोग गर्ने उद्देश्यसहित गत वर्ष एनआरएनए यूके निवर्तमान अध्यक्ष खड्काको अध्यक्षतामा मानवसेवा आश्रम यूके शाखा गठन गरिएको थियो। गत वर्ष आश्रम अध्यक्ष रामजी अधिकारीसहितको टोली बेलायत आएको बेलामा करिब एक करोड रुपैयाँ बढीको सहयोग जुटाइएको थियो। मानवसेवा आश्रमले विसं. २०८२ भित्र नेपालमा कसैले पनि बाध्यात्मक रुपमा खुला अकाशमुनि,सडकपेटी एवम् सार्वजनिक स्थलहरुमा कष्टपूर्ण जीवन बिताउनु नपर्ने अवस्था बनाउने उद्देश्यले देशव्यापी अभियान चलाइरहेको छ। संस्थाले हाल सातै प्रदेशका १९ जिल्लामा २४ सेवाकेन्द्र सञ्चालन गरी ७७ वटै जिल्लाका सहयोगापेक्षी सडक आश्रित मानवहरुको उद्धार गर्दै आएको छ।
शीतलपाटीन्युज डटकम। लण्डन। संयुक्त अधिराज्य बेलायतमा स्थापित नेपाली राजदुताबास लण्डनले स्कटलैण्डमा घुम्तीसेवा प्रदान गर्ने भयको छ। १२ फेब्रुवरी २०२४ मा दुताबासद्वारा जारी बिज्ञप्तिमा घुम्ती सेवा हुने जनाएको छ। १९ फेब्रुवरी २०२४ सोमवार १०:०० देखि १७:०० सम्म हुने सो घुम्ती सेवा Gothenburg Hotel,138 Queensferry Road,Roseth, KY11 2QY, Scotland मा संचालन हुने जनाईएको छ। सो घुम्ती सेवामा कन्सुलर सेवाहरु मध्य राहदानी नविकरण,अधिकृत वारेसनामा,कागजात प्रमाणीत,ट्राभल डकुमेन्ट,पर्यटन भिषा,एनआरएन आईडी कार्डका कामहरु गर्ने जानकारी प्रेष बिज्ञप्तिमा जनाइएको छ। एनआरएन युके राज्य समन्वय परिषद स्कटलैण्डको सहयोगमा सम्पन्न हुने सो कार्यक्रममा स्कटलैण्ड परिषदका अध्यक्ष दिवाकर पाण्डे,महासचिव राम प्रसाद कडेल र प्रचारप्रसार संयोजक तारानाथ भण्डारीले संयोजन गर्ने कार्यक्रम छ। घुम्ति सेवा सम्वन्धी अन्य कुरा जानकारी लिन आवस्यक परेमा नेपाली राजदुताबासमा इमेल [email protected] ,फोन 00442072291594,नेपाली राजदुताबास लण्डनको प्रेष बिज्ञप्ति तथा एनआरएन राज्य समन्वय परिषद स्कटलैण्डका अध्यक्ष दिवाकर पाण्डे 07577974837 मा सम्पर्क गरी आवस्यक सुचना लिई उचित सेवा लिन सकिने जनाइएको छ। बिग्यप्ति-
शीतलपाटीन्युज डटकम। लण्डन। संयुक्त अधिराज्य बेलायतमा स्थापित नेपाली राजदुताबास लण्डनले स्कटलैण्डमा घुम्तीसेवा प्रदान गर्ने भयको छ। १२ फेब्रुवरी २०२४ मा दुताबासद्वारा जारी बिज्ञप्तिमा घुम्ती सेवा हुने जनाएको छ। १९ फेब्रुवरी २०२४ सोमवार १०:०० देखि १७:०० सम्म हुने सो घुम्ती सेवा Gothenburg Hotel,138 Queensferry Road,Roseth, KY11 2QY, Scotland मा संचालन हुने जनाईएको छ। सो घुम्ती सेवामा कन्सुलर सेवाहरु मध्य राहदानी नविकरण,अधिकृत वारेसनामा,कागजात प्रमाणीत,ट्राभल डकुमेन्ट,पर्यटन भिषा,एनआरएन आईडी कार्डका कामहरु गर्ने जानकारी प्रेष बिज्ञप्तिमा जनाइएको छ। एनआरएन युके राज्य समन्वय परिषद स्कटलैण्डको सहयोगमा सम्पन्न हुने सो कार्यक्रममा स्कटलैण्ड परिषदका अध्यक्ष दिवाकर पाण्डे,महासचिव राम प्रसाद कडेल र प्रचारप्रसार संयोजक तारानाथ भण्डारीले संयोजन गर्ने कार्यक्रम छ। घुम्ति सेवा सम्वन्धी अन्य कुरा जानकारी लिन आवस्यक परेमा नेपाली राजदुताबासमा इमेल [email protected] ,फोन 00442072291594,नेपाली राजदुताबास लण्डनको प्रेष बिज्ञप्ति तथा एनआरएन राज्य समन्वय परिषद स्कटलैण्डका अध्यक्ष दिवाकर पाण्डे 07577974837 मा सम्पर्क गरी आवस्यक सुचना लिई उचित सेवा लिन सकिने जनाइएको छ। बिग्यप्ति-
शीतलपाटीन्युज डटकम। अल्डरसट, लण्डन।नेपाली मौलिक गीत,सङ्गीत,कला र संस्कृतिलाई देशविदेशमा संरक्षण र प्रबर्धन गर्दै पाल्पा जिल्लालाई संसारभर चिनाउन महत्वपूर्ण योगदान दिँदै आएकी पाल्पाली गायीका मुना मगरको योगदानको उच्च कदर गर्दै पाल्पा जिल्ला समाज (पाल्पाली भञ्ज्याङ) युकेले अल्डरसर्टस्थित द प्यालेस रेष्टुरेन्ट एण्ड बारमा भव्य स्वागत एवम् सम्मान गरेको समाचार छ । पाल्पा जिल्ला समाज युकेका अध्यक्ष गोपाल थापा चिडीमगरको अध्यक्षतामा भएको उक्त सम्मान कार्यक्रममा संस्थाका महासचिव डोलबहादुर सोमरे मगरले सञ्चालन गरेका थिए भने संस्थाका पेट्रोन बम थापा सूर्यवङ्शीमगरले कार्यक्रमको संयोजन गरेका थिए। सो अवसरमा पाल्पा जिल्ला समाज युकेका पूर्व अध्यक्षहरू रिखिराम राना र बाचस्पति रेग्मी,सल्लाहकारहरू क्याप्टेन हरिबहादुर थापा,क्याप्टेन विष्णु श्रेष्ठ र नेत्र थापालगायत बेलायतबासी पाल्पाली दाजुभाई, दिदीबहिनीहरूको बाक्लो उपस्थिति रहेको थियो। सो अवसरमा चर्चित नायिका एवम् लोकदोहारी गायिका मुना मगरले विभिन्न बोलका गीत गाएर उपस्थित पाल्पालीहरुलाई छमछम नचाएकी थिइन्। सो कार्यक्रममा बेलायतभरि छरिएर रहेका पाल्पालीहरूबाट मुना मगरलाई विशेष मायाको चिनो प्रदान गरिएको थियो। समाजका अध्यक्ष गोपाल थापा चिडीमगरको विशेष पहलमा मुना मगरलाई पौण्ड १५४० (लगभग नेपाली रूपैयाँ २ लाख ५५ हजार) को आर्थिक सहयोग र मायाको चिनो प्रदान गरियको थियो। दिबा भोजको समेत भयको गायिका मुना मगरको सो कार्यक्रम मगरहरूको महान् चाड माघेसङ्क्रान्तिको अवसर पारेर मगर संघ युके युएचएसबी शाखाले मुना मगरलाई युकेमा निमन्त्रत्रणा गरेको थियो।
शीतलपाटीन्युज डटकम। अलडरसट,लण्डन। नेपाली लोक गायक यश कुमारलाई अल्डर्शटको एम्पाएर हलमा बेलायती सांसद लिओ डोकर्टीले स्वागत गरेको समाचार छ। बहुप्रतिभाशाली गायक,गीतकार र अभिनेता यश कुमारलाई सांसद लियो डोकर्टी (MP Leo Docherty) ले फुल र खादाले एम्पाएरहल अल्डरसट युकेमा स्वागत गरेका थिए। शुभारम्भमा एस कुमारले शब्द ब्यान्डले सदाबहार गीत चरी मर्यो शीशैको गोलीले जस्ता गीतबाट दर्शकलाई झुमाएका थिए भने दोस्रो चरणमा यश कुमारले सुनेर मनोरञ्जन गर्ने खालका मैले छोएको पानी चल्दैन जस्ता गीत गाएका थिए। त्यसपछि भने कार्यक्रमको अन्त्य सम्मको गीतले नचाएर माहोल तताएका थिए। औपचारिक कार्यक्रम प्रमिला लाबुङ राइले सन्चालन गरेकी थिइन भने कार्यक्रम सम्योजक भरतमणि चेम्जोङ,सेर सुनार,शब्द ब्यान्ड लगायतको टिम र कार्यक्रम प्रायोजक आशिष ज्वेलर्स,ओजोने रेस्टुरेन्ट, लक्ष्मी ज्वेलर्स,के डि के कोदो,गोर्खा मोर्गेज,सुनगाभा मोर्टगेज,ग्लोबल बुलिअन भल्ट लगायतले प्रायोजन गरेका थिए। काममा ब्यस्त नेपालीहरु शुक्रबार भएकोले औपचारिक कार्यक्रम निर्धारित समयमा आरम्भ नभए पनि केही ढिलो शुरु भएको र दर्शकहरुको बाक्लो उपस्थिति रहेको थियो। यश कुमारको कार्यक्रम शिङ्गलटन भिलेजहल हक्सटन अस्फोर्ड केन्ट (TN23 5LB) मा लाईभ शो पनि हुदैछ।
शीतलपाटीन्युज डटकम। लन्डन। ब्रिटिस सेनामा कार्यरत नेपाली सैनिक बिजय सुब्बा लिम्बुहरुको इतिहासमा पहिलो लेफ्टिनेन्ट कर्णेल बनेका छन्। ब्रिटिस आर्मी मेजरहरुको गत हप्ता बसेको प्रोमोसन बोर्डबाट मेजर बिजय सुब्बा लेफ्टिनेन्ट कर्णेल पदमा छनोट भएका हुन्। ब्रिगेड अफ गोर्खाजका क्लर्कहरुबाट इतिहासमा सुब्बा पहिलो लेफ्टिनेन्ट कर्णेल बनेका हुन । उनी हाल आर्मी पर्सनल सर्भिसेज (एपीएसजी) आर्मी हेर्डक्वाटरमा कार्यरत छन्। ब्रिटिस सेनाका जम्मा १० जना मेजरहरु लेफ्टिनेन्ट कर्णेलका लागि छनोट गर्दा गोर्खाली बिजय सुब्बा पनि परेका हुन् । उनले बेलायतमा सबै ब्रिटिस आर्मीका लागि एसओटू एस्युरेन्सको अभिभारा लिएर जी वान एस्युरेन्स सम्हालिरहेका छन्। सुब्बा सन् २००९ सालमा क्याप्टेनमा कमिसनिङमा भर्ना भएका थिए भने बिजय सन् १९९१ मा ब्रिगेड अफ गोर्खाज्मा भर्ती भएका हुन्। उनी स्व.मेजर ऐतहाङ सुब्बा गोर्खा इन्जिनियर र आशा सुब्बाका कान्छा छोरा हुन् श। नख्खु ललितपुर निवासी बिजय हाल श्रीमती उर्सिला राई सुब्बा र परिवारसहित बेलायत बस्दै आएका छन् । उनका छोरा भिनीत सुब्बा रेडिङ युनिभर्सिटीमा अध्यनरत छन् । श्रोत-गोर्खा मिडीया।
शीतलपाटीन्युज डटकम। लण्डन। अमेरिकामा प्रधान कार्यालय रहेको द एक्सप्लोरर्स क्लवले विश्व परिवर्तन गर्ने ५० जनाको सूचीमा कीर्तिमानी सगरमाथा आरोही तथा पूर्व गोरखा सैनिक हरि बुढामगरलाई छनौट गरेको छ।बुढामगरलाई पूर्व सैनिक तथा अपाङ्गता भएकाहरुको पैरवीकर्ता विधामा छनौट गरिएको हो। रोल्पामा जन्मिएका बुढामगर १९ वर्षको उमेरमा बेलायती सेनामा भर्ती भएका थिए। गोरखा सैनिकका रुपमा अफगानिस्तानमा कार्यरत रहेको बेलामा विष्फोटमा परी उनले दुवै गोडा गुमाएका थिए। सो घटनाबाट निको भएपछि उनले आफ्नो जीवन अपाङ्गता भएका मानिसहरुलाई समाजले हेर्ने दृष्टिकोणमा परिवर्तन गराउन र मानिसहरुलाई उत्प्रेरणामा समर्पित गर्दै आएका छन्। साहसिक खेलकुद मन पराउने बुढामगरले कायाकिङ, साइक्लिङ, ह्वीलचेयर दौड,स्की,पर्वतारोहण गर्दै आएका छन्। उनले सन् २०२३ मा सगरमाथाको सफल आरोहण गरी घुँडामाथिबाट कृतिम खुट्टाको सहारामा सगरमाथा आरोहणको विश्वकीर्तिमान कायम गरेका छन्। नेपालमा अपाङ्गतालाई लुकाउने, शिक्षितहरुमा पनि अपाङ्गता भएकाप्रतिको गलत दृष्टिकोण राख्ने गरिएको आफ्नो अनुभव बुढा साट्छन्। उनी अपाङ्गता भएकाहरुलाई गरिब,दयालाग्दो, अरुको सहारामा बाँच्ने होइन सफल, खुशी र अर्थपूर्ण जीन्दगी बाँच्न सकिन्छ भन्ने सन्देश दिन चाहन्छन्। अपाङ्गता भएकाहरुलाई सगरमाथा चढ्न नेपाल सरकारले रोक लगाएकोमा बुढाले सो प्रावधान हटाउन पनि अभियान गर्नु परेको थियो। सन् १९०४ मा अमेरिकामा स्थापना भएको द एक्सप्लोरर्स क्लबले विगत चार वर्षदेखि हरेक वर्ष विश्वभरबाट ५० जनाको छनौट गर्ने गरेको छ । जसलाई द एक्सप्लोरर्स क्लव फिफ्टी भनिने गर्छ।चर्चाभन्दा बाहिर रहेका विज्ञान र अन्वेषण क्षेत्रमा अभूतपूर्व काम गरेकाहरु मध्येबाट छनौट गर्ने बताइएको छ। छनौटमा पर्नेहरुले अनुसन्धान, प्रोत्साहन र पृथ्वीको भविष्यका लागि काम गरिरहेको दाबी गरिएको छ।हालसम्म ५१ देशबाट १ हजार ६१८ जनामध्येबाट २०० जना छनौट गरेको छ। साभार- वीनेपाली।
शीतलपाटीन्युज डटकम। लण्डन। अमेरिकामा प्रधान कार्यालय रहेको द एक्सप्लोरर्स क्लवले विश्व परिवर्तन गर्ने ५० जनाको सूचीमा कीर्तिमानी सगरमाथा आरोही तथा पूर्व गोरखा सैनिक हरि बुढामगरलाई छनौट गरेको छ।बुढामगरलाई पूर्व सैनिक तथा अपाङ्गता भएकाहरुको पैरवीकर्ता विधामा छनौट गरिएको हो। रोल्पामा जन्मिएका बुढामगर १९ वर्षको उमेरमा बेलायती सेनामा भर्ती भएका थिए। गोरखा सैनिकका रुपमा अफगानिस्तानमा कार्यरत रहेको बेलामा विष्फोटमा परी उनले दुवै गोडा गुमाएका थिए। सो घटनाबाट निको भएपछि उनले आफ्नो जीवन अपाङ्गता भएका मानिसहरुलाई समाजले हेर्ने दृष्टिकोणमा परिवर्तन गराउन र मानिसहरुलाई उत्प्रेरणामा समर्पित गर्दै आएका छन्। साहसिक खेलकुद मन पराउने बुढामगरले कायाकिङ, साइक्लिङ, ह्वीलचेयर दौड,स्की,पर्वतारोहण गर्दै आएका छन्। उनले सन् २०२३ मा सगरमाथाको सफल आरोहण गरी घुँडामाथिबाट कृतिम खुट्टाको सहारामा सगरमाथा आरोहणको विश्वकीर्तिमान कायम गरेका छन्। नेपालमा अपाङ्गतालाई लुकाउने, शिक्षितहरुमा पनि अपाङ्गता भएकाप्रतिको गलत दृष्टिकोण राख्ने गरिएको आफ्नो अनुभव बुढा साट्छन्। उनी अपाङ्गता भएकाहरुलाई गरिब,दयालाग्दो, अरुको सहारामा बाँच्ने होइन सफल, खुशी र अर्थपूर्ण जीन्दगी बाँच्न सकिन्छ भन्ने सन्देश दिन चाहन्छन्। अपाङ्गता भएकाहरुलाई सगरमाथा चढ्न नेपाल सरकारले रोक लगाएकोमा बुढाले सो प्रावधान हटाउन पनि अभियान गर्नु परेको थियो। सन् १९०४ मा अमेरिकामा स्थापना भएको द एक्सप्लोरर्स क्लबले विगत चार वर्षदेखि हरेक वर्ष विश्वभरबाट ५० जनाको छनौट गर्ने गरेको छ । जसलाई द एक्सप्लोरर्स क्लव फिफ्टी भनिने गर्छ।चर्चाभन्दा बाहिर रहेका विज्ञान र अन्वेषण क्षेत्रमा अभूतपूर्व काम गरेकाहरु मध्येबाट छनौट गर्ने बताइएको छ। छनौटमा पर्नेहरुले अनुसन्धान, प्रोत्साहन र पृथ्वीको भविष्यका लागि काम गरिरहेको दाबी गरिएको छ।हालसम्म ५१ देशबाट १ हजार ६१८ जनामध्येबाट २०० जना छनौट गरेको छ। साभार- वीनेपाली।
GNNNEWS- लन्डन - योग, ध्यान र साधनाद्वारा जीवनमा सकारात्मक परिवर्तन ल्याउन काम गरिरहेको संस्था जीवन विज्ञान युकेको चौथो वार्षिकोत्सव मनाइएको छ। शनिबार बिहान अनलाइनबाट आयोजित समारोहमा जीवन विज्ञानका संस्थापक तथा जीवन विकास विशेषज्ञ गुरु रमेश नेपालले अरुको हितको लागि आफ्नो जीवन समर्पण गरेका प्रशिक्षकहरुको मेहनत र प्रयासको कारणले धेरै व्यक्तिलाई सेवा पुगेको बताए। "जीवनमा सुखदुख, आरोह अवरोह भै रहन्छन। तर आफुलाई व्यवस्थित गर्ने, खुसी बनाउने, सहज जीवन यापन गर्ने प्रयास जारी राख्नु पर्छ," उनले भने। उनले यही मार्च ३० देखि अप्रिल ५ (चैत्र १७ देखि २३ गते) सम्म लुम्बिनीमा हुन लागेको ‘बिराट चक्र विज्ञान साधना शिविर’ मा सहभागी हुनपनि सबैलाई आग्रह गरे। भगवान बुद्धको जन्मभूमिमा ५ हजार मानिसहरुले एकै ठाउँमा बसेर मानवताको कल्याणका लागि ध्यान गर्दा विश्वव्यापी संदेश जाने र देशको प्रतिष्ठा बढ्ने उनले बताए। जीवन विज्ञानका संस्थापक तथा जीवन विकास विशेषज्ञ गुरु एलपी भानु शर्माले प्रकाशतिरको यात्रा कठिन भए पनि असम्भव नभएको बताए। " तपाईंले पहिलो कदम लिनोस् , त्यस पछि जीवनले आफ्नो बाटो आफै लिन्छ। यो यज्ञमा आफ्नो तर्फबाट चरु थप्दै जानोस्। यो अग्निमा जे चाहिंदैन सबै जल्छन्, जे चाहिन्छ सबै प्रकट हुन्छन् । बेलायतले धेरै ठूलो सम्भावना राख्छ, युरोपको केन्द्र तथा अमेरिका र नेपालबीच समदूरी रहेका कारण पनि । त्यसैले बेलायतमा अध्यात्मको अग्नि जगाउनु पर्छ," उनले भने। हामी नेपालीहरु देव भूमि, योग भूमि, तपोभूमिमा जन्मेका हौँ। हाम्रो मातृभूमिको मूल काम पुरै विश्वमा अध्यात्मको बिजारोपण गर्ने हो। त्यो काम हामीले नगरे कसले गर्छ?” आफ्नो शुभकामना मन्तव्यमा लन्डनस्थित नेपाली दूतावासकी उपनियोग प्रमुख श्रीमती रोशन खनालले कोरोना महामारी शुरु हुन लागेको बेला १ फेब्रुअरी २०२० देखि नियमित रुपमा अनलाइन योग कक्षा संचालन गरी शारीरिक तथा मानसिक स्वास्थ्य प्रवर्धनमा जीवन विज्ञान युकेले निर्वाह गरेको भूमिकाको प्रशंसा गरिन् । "मानिसहरुको व्यस्त जीवन र बढ्दै गएको तनावका बिचमा यस संस्थाको उपादेयता अरु बढेको छ," उनले भनिन्। आफ्नो शुभकामना संदेशमा जीवन विज्ञान अमेरिकाका अध्यक्ष सुशील शर्माले गुरुद्वयको उपस्थितिमा सन् २०२२ मा अमेरिकाका तीन राज्यमा चक्र विज्ञान र सात राज्यमा कार्यक्रम
शीतलपाटीन्युज डटकम। पोखरा । गोर्खा मिडियाका प्रबन्ध निर्देशक मिलन तमुलाई नेपाल मगर सांस्कृतिक संघ कास्कीले सम्मान गरेको छ। मगर कलाकार भलाई कोष स्थापनार्थ शनिबार पोखरामा आयोजित दोस्रो मगर उत्सव २०८० को सन्दर्भमा प्रबन्ध निर्देशक तमुलाई सम्मान गरिएको हो। कार्यक्रमका प्रमुख अतिथि गण्डकी प्रदेश आर्थिक मामिलामन्त्री जीतप्रकाश आलेगमगर र अध्यक्ष सरिता सारु मगरले तमुलाई फेटा,माला, प्रमाणपत्रले सम्मान गरे। त्यस्तै, नेपाल मगर सांस्कृतिक संघ कास्कीले यस वर्ष राष्ट्रिय लोक तथा दोहोरी गीत प्रतिष्ठान नेपालका केन्द्रीय अध्यक्ष रीता थापामगर, सामाजिक अभियन्ता जुनु पुन मगर, सामाजिक अभियन्ता अनिता रानामगरलाई सम्मान पनि गरेको छ । पूर्वगोर्खा सैनिक तमु दुई दशकभन्दा लामो समयदेखि बेलायतमा फोटो पत्रकारितामा सक्रिय छन्। चार वर्षअघि तमुले एकल स्वामित्वमा गोर्खा मिडिया डटकम अनलाइन सञ्चालनमा ल्याएका छन् । पत्रकारिता र समाजसेवामा सक्रिय गुरुङ नेपाल पत्रकार महासंघ बेलायत शाखा कार्यकारिणी सदस्य, नेपाल आदिवासी जनजाति पत्रकार महासंघ (फोनिज) यूकेका सल्लाहकार, गैरआवासीय नेपाली संघ (एनआरएनए) यूकेका सल्लाहकार जस्ता विभिन्न संघसंघमा आबद्ध छन्।
