Saturday February 08, 2025

प्रवास

सिएनएस युकेले मासिक वेभिनार सन्चालन गर्ने

शीतलपाटीन्युज डटकम। रेडिङ। सेन्टर फर नेपाल स्टडिज युके (सिएनएस युके) ले नयाँ वर्ष २०२५ देखि “नेपाल डायलग युके” नामक नयाँ मासिक अनलाइन वेभिनार श्रृंखला सुरु गर्ने भएको छ। नेपाल, नेपाली संस्कृति, र प्रवासी समुदायबारे सहकार्य गर्दै ज्ञान आदानप्रदान गर्ने लक्ष्यका साथ यो वेभिनार शुरु गरिएको सिएनएस युकेले जनाएको छ। यो कार्यक्रमको पहिलो श्रृंखला शनिबार ४ जनवरी, २०२५ का दिनदेखि औपचारिक रूपमा सुरु हुनेछ। त्यसपछि हरेक महिनाको पहिलो शनिबार बिहान बेलायती समयअनुसार १० बजेदेखि ११:१५ बजेसम्म (नेपाली समय दिउँसो ३:४५ बजेदेखि ५ बजेसम्म) सो वेभिनार सन्चालन हुने छ। पहिलो सत्रमा नेपालबारे दशकौँदेखि अनुसन्धान गर्दै आएका अक्सफोर्ड विश्वविद्यालयका पूर्व प्राध्यापक डेभिड गेल्नरले “नेपाल र प्रवासमा मन्दिर र पहिचान” विषयमा प्रस्तुति दिनेछन्। “यो सत्रले नेपाल (जन्मभूमि) र नयाँ आप्रवासन गन्तव्यहरू, विशेष गरी बेलायतमा हुने दैनन्दिन धार्मिक अभ्यासहरूबारे गहिरो अनुसन्धानमा आधारित जानकारी प्रदान गर्नेछ,” नेपाल डायलग युकेका संयोजक डा. कृष्ण अधिकारीले जानकारी दिँदै भने । “हामी आशा गर्छौं कि यसले विचारोत्तेजक छलफलहरूलाई प्रेरित गर्नेछ साथै नेपाल र नेपाली प्रवासी समुदायलाई जोड्दै सांस्कृतिक अभ्यासहरूको समझदारी र साझा शिक्षालाई प्रवर्द्धन गर्नेछ।” सिएनएस युकेका कार्यकारी निर्देशक लोकेन्द्रपुरुष ढकालले वेभिनार श्रृंखला अर्थपूर्ण संवादका लागि एक जीवन्त मञ्च सिर्जना गर्ने दिशामा महत्त्वपूर्ण कदम भएको बताए। ढकालले भने, “अनुसन्धाताहरू, शिक्षाविद्,पेशाकर्मीहरू र सर्वसाधारणलाई एकत्रित गरी नेपाल र प्रवासी नेपाली समुदायका लागि महत्त्वपूर्ण विषयवस्तुहरूमा छलफल गर्ने आशा हामीले गरेका र्छौं।” यो वेबिनार श्रृंखलामा नेपाल र प्रवासी नेपाली समुदायसित सम्बन्धित विभिन्न प्राज्ञिक अनुसन्धानात्मक छलफलका साथै विभिन्न दैनन्दिन सरोकार विषयहरू समेटिनेछन्।  सिएनएस युकेले यस वेभिनारमा अन्य संस्थाहरूसित पनि सहकार्य साझा चासोका विषयमा छलफल गराउने योजना पनि बनाएको छ। जूमबाट हुने यस वेभिनारमा निशुल्करूपमा सहभागी हुन सकिने छ।

नेपालको संवृद्धि र दिगो विकाश कांग्रेसबाट मात्र संभब छ -नेता आर के त्रिपाठी

आर के त्रिपाठी लेख्छन् - नेपालको संवृद्धि र दिगो विकाश कांग्रेसले नै गर्ने हो।अन्य राजनैतिक पार्टीबाट यो कार्य संभव देख्दिन।स्टन्ट बाजी र लोकरिझ्याईंले गर्दा जनताले कहिले काहीं चुनाबको बेला मतदान गर्दा बाटो बिराएको देखिन्छ।कांग्रेस नयाँ सोच,बिचार,सक्रियता,योजना र नयाँ नेतृत्वको साथ कार्यकर्ता र जनता माझ आउँदैछ।अब कांग्रेस नयाँ ढङ्गले हिड्छ। विगतमा छिटपुट कमि कमजोरी भएका छन्। हामीले विगतका कमजोरी र अभ्यास बाट पाठ सिक्दै अघि बढ्नु पर्दछ। हजुर बुबाले,बुबाले पढेनन्,केहि गरेनन् बुझेनन्, विगारे,अलपत्र पारे भनिरहने होइन/ हजुरबुबा,बुबा लाई गाली गलौज गरिरहने पनि होइन।अब छोरा नातीहरुले राम्रो गर्ने हो।  पूर्खाले देश निर्माण गरे।जन्म दिए,हुर्काए,बढाए,पढाए, पाठ सिकाए।अब छोरा,नातीहरुले आफ्नो र भविष्यको सन्ततीको लागी राम्रो गर्दै राम्रो देश र संवृद्धिको आकार कोर्दै नेपाल बनाउने हो। नेपाली कांग्रेस हिजो पनि राम्रै गर्न चाहेको थियो तर जब कांग्रेस सरकारमा गयो,तब चौतर्फी घेरावन्दी शुरु भयो।अब यस्तो हुनु हुँदैन। स्वर्गीय विपी कोइराला सदैव बौद्धिकहरुलाई कदर गर्नु हुन्थ्यो।सल्लाह लिनु हुन्थ्यो।उचित जिम्मेवारी दिनु हुन्थ्यो।देशको दिर्घकालीन योजना निती बनाउन सामेल गराउनुहुन्थ्यो ।कांग्रेसको भविष्यमा आउने नेतृत्वले यहि पथ लिनु पर्दछ। हो जनमानसमा निराशा छ,शाषनमा बेतिथी छ,भद्रगोल छ/हामीले यि सबै बेतिथी चिर्न,भद्रगोल हटाउने, जनभरोसा जगाउने एउटै मात्र आजको आवश्यकता भनेको भ्रष्टाचार निर्मुल र शुसाशन हो। यहाँ एउटा सानो उदाहरण प्रस्तुत गर्न चाहन्छु। Plane मा उड्न टिकट किन्नु,Plane किन्नु र Plane बनाउनु समाजका अलग पक्ष हुन्।म बेला बखत Plane को टिकट किन्न सक्ने भएँ। हाम्रा केहि व्यापारीहरु Plane किन्न सक्ने भए तर स्वर्गीय वि पी कोइरालाले चाहेको,सोचेको कुरा भनेको देशले Plane बनाउने हो।हामी त्यता तर्फ कहिल्यै लम्किएनौं। नेपालमा प्रजातन्त्र,प्रजातन्त्र मात्र भनियो। प्रजातन्त्र भनेको भोट हाल्ने,शाषन हातमा लिने व्यवस्था मात्र होइन।प्रजातन्त्र भित्र त व्यक्तिको दायित्व पनि Allocate हुनु पर्दछ।यो दायित्व पनि Right Man In Right Place हुनु पर्दछ। आविष्कार बिना उद्योग संभव छैन।उद्योग विना उत्पादन संभब छैन।उत्पादन बिना आन्तरिक उपभोग र निर्यात संभब छैन।निर्यात बिना व्यापार घाटा न्युनिकरण संभब छैन।उद्योग त केबल Innovation बाट मात्र संभब छ। Innovation त केबल बौद्धिक पढेलेखेका बाट मात्र संभव छ।तसर्थ नेपाल अब उत्पादन बढाउने वा भनौं Industrial Revolution गर्ने पथमा

हेल्प नेपाल नेटवर्क युकेले रजत महोत्सव मनाउँदै

GNNNEWS- लन्डन - नेपालमा शिक्षा,स्वास्थ्य तथा आपत्कालिन मानवीय सहायताको क्षेत्रमा काम गर्दै आइरहेको कल्याणकारी संस्था,हेल्पनेपाल नेटवर्क युकेले आउँदो १२ जनवरी २०२५ मा फार्नबरोमा संस्था स्थापनाको रजत महोत्सव मनाउन लागेको छ। सन् १९९९ मा बेलायतमा स्थापित नेटवर्कका झन्डै एक दर्जन मुलुकमा शाखाहरु रहेका छ्न भने नेपालमा केन्द्रीय कार्यालय रहेको छ। “मातृभूमिका लागि महिनामा एक पाउण्ड” भन्ने नारा सहित  सन् १९९९ मा बेलायतबाट हेल्पनेपाल  नेटवर्क (www.helpnepal.net) स्थापना गरिएको थियो।  नेटवर्कले  नेपालका एक सय बढी स्कुलहरुमा कक्षा कोठा  निर्माण तथा झन्डै ५० ओटा इ-लाइब्रेरी स्थापना गर्नुका साथै सिन्धुपाल्चोक, दोलखा लगायतका जिल्लाहरुमा भूकम्पबाट क्षतिग्रस्त विद्यालय भवनहरुको पुनर्निर्माणमा पनि सघाएको छ । नेटवर्कले सन् २००४ मा विकट मुगु जिल्लाको मुर्मामा स्थापना गरेको हेल्प नेपाल हेल्थ पोष्टले स्थानीय समुदाय तथा पदयात्रीहरुलाई गएको २० वर्ष देखि  स्वास्थ्य सेवा प्रदान गर्दै आएको छ। त्यस्तै सन् २०१४ देखि धुलिखेलमा संचालित  हेल्प नेपाल बाल गृहमा २३ जना असहाय बालिका बसेर पठनपाठन गरिरहेका छन्। सन् २०१५ को महाभूकम्प, जाजरकोट भूकम्प तथा देशका विभिन्न स्थानमा बाढी, पहिरो तथा आगलागी पीडितहरुलाई पनि नेटवर्कले मानवीय सहायता पु-याउँदै आएको छ।   हेल्पनेपाल नेटवर्क युकेका अध्यक्ष सचिन श्रेष्ठले भने, "गएको अढाई दशकसम्म हामीमार्फत नेपालको सेवा गर्ने सहयोगी र स्वयम्सेवीहरुलाई धन्यवाद दिन  हामीले यो कार्यक्रम आयोजना गर्न लागेका हौँ।  बेलायतस्थित नेपाली संघ संस्थाहरु संग समन्वय र सहकार्य गरी आगामी दिनमा पनि हाम्रा गतिविधि निरन्तर राख्न हामी प्रतिबद्ध छौं। "   नेपालमा महाभूकम्प, कोभिड महामारी तथा गत वर्षको जाजरकोट भूकम्पका बेला पनि  हेल्पनेपाल  नेटवर्क युकेले बेलायतबाट सहयोग संकलन गरी  हेल्पनेपाल  नेटवर्क नेपाल कार्यालयको अगुवाईमा  सम्बन्धित समुदायहरुमै सेवा पुराएको थियो।  

नेपाली मूलका आर्नव इङलिस क्लब अक्सफोर्डमा आवद्ध

शीतलपाटीन्युज डटकम। काठमाडौं। परिवारको साथ र फुटबलप्रतिको लगाव र मेहनतले नेपाली मूलका आर्नव थापा इङल्याण्डको पुरानो र चर्चित क्लब मध्ये एक अक्सफोर्ड युनाइटेड फुटबल क्लबमा आवद्ध भएका छन्। अक्सफोर्ड युनाइटेडमा आठ साता लामो कठिन र कडा ट्रायल पश्चात आर्नवले क्लबको यु–१३ टोलीमा दुई वर्षका लागि अनुवन्धसँगै स्थान बनाउन हुन सफल भएका हुन्। आर्नवले अक्सफोर्डमा आवद्ध हुनु अघि रिडिङ सिटी फुटबल क्लबको युथ टोलीबाट चार सिजन समेत खेले। वालिङ,स्याङ्जा पुख्र्यौली घर भई हाल इङल्याण्डको रिडिङ शहरमा परिवारसहित बसोबास गर्दै आएका आर्नवको परिवारिक पृष्ठभूमि पनि फुटबलमय छ। उनका दाजु अरहान्त पनि राम्रा खेलाडी थिए। तर कलिलो उमेरमा दाजुको निधन भएपछि दाई कै सपना पुरा गर्दैछन् आर्नव।त्यसो त,आर्नवका पिता कुमार थापा मोफसलको चर्चित र परिचित सहारा क्लब, युकेका कोषाध्यक्ष समेत हुन्। अरहान्त कै स्मृतिमा उनको परिवारले हरेक वर्ष वालिङ युनाइटेड,स्याङ्जासँगको सहकार्यमा युथ फुटबल प्रतियोगिता पनि आयोजना गर्दै आईरहेको छ। आर्नवका काका गोपाल थापा नेपाल कै युथ लेभलबाट अन्तर्राष्ट्रिय फुटबलमा पनि सहभागि भईसकेका छन् । त्यसबाहेक गोपालले एपिएफ क्लबबाट नेपालको शिर्ष फुटबल पनि खेले। फुटबलमय माहोल कै कारण आर्नव पनि अहिले राम्रा बाल खेलाडीका रुपमा अगाडी बढिरहेका छन्। अक्सफोर्ड युनाइटेडमा युथ लेभलमा राम्रो गर्न सके उनले क्लबसँग थप व्यवसायिक सम्झौता गर्ने अवसर पनि छ। आर्नवका पिता कुमार भन्छन्, “यो शुरुवात मात्रै हो । उसले (आर्नव) ले मेहनत गर्दै गए अझै माथि जानेछ । यसमा हामी आशावादी पनि छौं।” स्मरण रहोस, सन् १८९३ मा स्थापित भई १३१ वर्षे पुरानो इतिहास बोकेको अक्सफोर्ड युनाइटेड हाल इङल्याण्डको दोस्रो डिभिजनको इङलिस फुटबल लिग (इएफएल) च्याम्पियनसिप खेल्दैछ। यो लिगबाट बढुवा हुन सके अक्सफोर्डले शिर्ष लिग इङलिस प्रिमियर लिग खेल्नेछ। (साभार- सुरज राना मगर, गोलनेपाल डटकमबाट।)

डा शेखर कोइराला बेलायतको संसद भबनभित्र संवोधन गर्न बेलायत आउँदै

आर के त्रिपाठी, लण्डन। डा शेखर कोइरालाले बेलायतको संसद भवन Westminister भित्र संवोधन गर्ने: कांग्रेस पार्टीका बरिष्ठ नेता डा शेखर कोइराला बेलायतको संसद भवन भित्र १३ जनवरी २०२५ का दिन एक विशेष कार्यक्रममा संवोधन गर्न बेलायत आउने हुनु भएको छ।बेलायतका विदेशमन्त्री क्याथराईन वेष्ट र उद्योग व्यापार बाणिज्य मन्त्री ग्यारेथ थोमसको निमन्त्रणा र बेलायती उद्योग व्यापार बाणिज्य मन्त्रीका निकट सहयोगी सल्लाहकार बौद्धिक व्यक्तित्व आर के त्रिपाठीको संयोजनमा कांग्रेस पार्टीका वरिष्ठ नेता डा शेखर कोइराला बेलायत आउनु हुनेछ। बेलायतको संसद भवन भित्र बेलायती विदेश मन्त्री र उद्योग व्यापार बाणिज्य मन्त्री लगायत सांसदको उपस्थितिमा संवोधन गर्न पाउने  नेपालबाट पहिलो र दक्षिण एशियाबाट दोश्रो भाग्यमानी नेता डा शेखर कोइराला बन्नुहुने भएको छ।यस अघि दक्षिण Asia बाट भारतका प्रधानमन्त्री नरेन्द्र मोदीले मात्र यो सौभाग्य प्राप्त गर्नु भएको थियो। बेलायत सरकारको नजरमा परेका विश्वका विभिन्न शक्तिशाली देशका शक्तिशाली सरकार प्रमुख,प्रजातान्त्रिक आन्दोलन,मानब अधिकार शान्ती स्थापना वाक स्वतन्त्रता  शुशाषन भ्रष्टाचार नियन्त्रण वारे पहेरदारी भूमिका खेलेका South Asia का नेताहरु मध्ये बेलायती सरकारको नजरमा विशेष भुमीका खेलेका नेताहरु वा शक्तिशाली देशका सरकार प्रमुखहरुलाई मात्र बेलायत सरकारले बेलायतको फूल संसद वा मिनी संसद हल भित्र बेलायती मन्त्रीले नै निमात्रणा गरि मन्त्रीकै उपस्थितमा संवोधन गर्न दिने प्रचलन छ। बेलायतको संसद भवन अवलोकन गर्न सबैलाई निशुल्क प्रवेश भए पनि विश्वका उत्कृष्ठ र बरिष्ठ नेताहरुले संवोधन गर्न पाउने अवसरको व्यवस्था मिलाउन बेलायतका मन्त्रीले वा माननिय सांसदले मात्र कार्यक्रम राख्न पाउने व्यवस्था छ।बेलायतको संसद भवनभित्र बेलायती सांसदले कार्यक्रम राखे पनि बेलायतको मन्त्रीहरुले विदेशी नेताहरुको लागी धेरै कम वा विरलै कार्यक्रम राख्दछन्। नेपालको ६ पटक प्रधानमन्त्री भईसकेका गिरिजा प्रसाद कोइराला,शेर बहादुर देउवा माधब नेपाल,सुशिल कोइराला,केपी शर्मा वली, पुष्प कमल दाहाल प्रचण्ड,बाबुराम भट्टराई,झलनाथ खनालले विगतमा बेलायत भ्रमण गर्दा समेत यो अवसर प्राप्त गरेका थिएनन्। संसद भवन भित्र रहेको तिन वटा संवोधन Hall मध्ये डा शेखर कोइरालाले संवोधन गर्न प्रबन्ध गरिएको मिनी संसद हल यस आगाबै अमेरिकी राष्ट्रपती र ठूला देशका प्रधानमन्त्री वा बेलायती सरकारको नजरमा विश्व राजनितीमा उच्च मुल्यांकनमा परेका विशेष नेताले मात्र

ल्होछार पर्व मनाउदा लण्डन नेपालमय

शीतलपाटीन्युज डटकम। लन्डन। तमुधीं यूकेले क्राइस्टचर्च एभिन्यू,ह्यारो लेजर सेन्टरमा भव्य समारोहबीच स्थापनाको २५औं वर्षगाँठ तथा तमु ल्होछार मनायो। अध्यक्ष हरि गुरुङको अध्यक्षतामा भएको सो कार्यक्रममा नेपाली दूतावास लन्डनका उपनियोग प्रमुख विपिन दुवाडी प्रमुख अतिथि रहनु भएको थियो। महासचिव डा.विशाल गुरुङले सञ्चालन गरेको सो कार्यक्रममा अंदाजी १५०० पाहुना र तमु परिवारको उपस्थिती थियो। सो समारोहमा डा.हर्क गुरुङ अवार्ड वितरण,संस्थाको मुखपत्र फ्रेंसी विमोचन,हरि गुरुङ नेतृत्वको १२औं कार्यसमिति र नवनिर्वाचित अध्यक्ष जुमकाजी गुरुङ,आमा समूह अध्यक्ष सन्ध्या गुरुङ र नवनिर्वाचित आमा समूह कमलादेवी गुरुङ नेतृत्वबीच कार्यभार हस्तान्तरण,रजत महोत्सवको गीत सार्वजनिक,राफल ड्र,तमु धीं यूकेका संस्थापक अध्यक्ष,पूर्वअध्यक्षहरु, विभिन्न इकाइमा योगदान दिनेहरू,कम्युनिटी सर्भिस अवार्ड लगायतलाई बधाई तथा सम्मान गरिएको थियो। डा.हर्क गुरुङ अवार्ड जीसीएसी उत्कृष्ट अंक ल्याउने लमजुङ पुर्ख्यौली घर भई हाल बेलायतमा रहेकी अम्बिका गुरुङले प्राप्त गरिन्। छनौट भएकी गुरुड्गलाई प्रमुख अतिथि उपनियोग प्रमुख विपिन दुवाडी र संस्थाका अध्यक्ष हरि गुरुङले खादा, प्रमाणपत्र र ५ सय पाउन्डको चेक हस्तान्तरण गरेर सम्मान गरेका थिए। संस्थापक अध्यक्ष मिनप्रसाद गुरुङ,पूर्वअध्यक्षहरु मेजर डमर घले एमबीई,मेजर लालबहादुर गुरुङ,सुवाससिं गुरुङ बीईएम, मुछेत्र गुरुङ,कमल गुरुङ, रामचन्द्र गुरुङ,ज्ञाम गुरुङ, नन्दजंग गुरुङ, हितकाजी गुरुङ लगायतलाई सम्मान गरियो। यस्तै संस्थापक सल्लाहकारहरु चन्द्रबहादुर गुरुङ,आशबहादुर गुरुङ,मिनबहादुर गुरुङ, संस्थापक कोषाध्यक्ष सूर्य गुरुङ र सदस्यहरूलाई पनि सम्मान गरिएको थियो।  कम्युनिटी सर्भिस अवार्डतर्फ लन्डन इकाईबाट सिफारिस भएका प्रेमराज गुरुङ र लक्ष्मी गुरुङ,साउथ इस्ट रिजनल तमु धीं इकाइका ह्यारी गुरुङ,रन्जु घोताने,चारभन्ज्याङ तमु समाज यूकेबाट मास्टर प्रदीपजङ गुरुङ र अनमोल गुरुङ लगायतलाई पनि सम्मान गरिएको थियो। अन्तर्राष्ट्रियस्तरमा आफ्नो प्रतिभा देखाउने समुदायका एक महिला र एक पुरुषलाई हरेक वर्ष प्रदान गर्ने उद्देश्य अनुरुप संस्थाको तर्फबाट महासचिव डा.विशाल गुरुङले 'तमु प्रतिभा पुरस्कार-२०२४' घोषणा गरेका थिए। उक्त पुरस्कारबाट यो बर्ष राष्ट्रिय कराँते खेलाडी एरिका गुरुङ (धादिङ) र प्यारा ग्लाइडर युकेश गुरुङ (कास्की) लाई प्रदान गरिने घोषणा भएको छ। पुरस्कार राशि ५० हजार रुपैयाँ रहेको छ। पुरस्कार हरेक वर्ष मनाइने ल्होछार कार्यक्रममा वितरण गरिने तमु धीं यूकेले जनाएको छ । फ्रेंसी पत्रीका ' तमु धिंको मुखपत्र' को पायोनियरको रुपमा धेरै लामो समय काम गरि आएका सल्लाहकार

"छ दशकपछि मरुभूमिको रमाइलो”

पिपला पाण्डे देवान, “छ दशकपछि मरुभूमिको रमाइलो” पुसको महिना, गाउँको त्यो चिसो बिहान, हल जोत्न खेतमा निस्कँदा हिउँसरी सास सुक्थ्यो। हातका औँलाहरू कठ्याङ्ग्रिन्थे, तर हृदयको आगो दन्किएको थियो। त्यो आगो— जीवन बनाउने, भविष्य देख्ने, आफ्नो माटोबाट केही सिर्जना गर्ने। आज यो मरुभूमिमा छु। ६० डिग्रीको घाम, जसले शरीर तातो बनाउँछ, तर मन, अझै चिसो छ। यो ठाउँले मलाई धेरै कुरा दियो— रोटी, छानो, अवसर। तर केही दिनुजस्तो, धेरै कुरा खोसियो पनि। जन्मभूमिको त्यो अपनत्व, त्यो आफ्नोपन, र आफ्नै माटोको सुगन्ध। त्यो बेलाका संघर्षहरू, खुट्टामा फाटेको जुत्ता, हिलोले भरिएका कपडा, तर आत्मामा एउटा गर्व थियो। आज, म राम्रो जुत्ता लगाउँछु, मसिनो लुगा लगाउँछु, तर के गर्व अझै उस्तै छ? यहाँको विकास मेरो जीवनमा चमक हो, तर त्यही चमकभित्र कुनै खोक्रो प्वाल पनि छ। परदेश आएँ सपना पूरा गर्न। सोच्थेँ, म यहाँका सुख बोकेर गाउँ फर्किन्छु। तर परदेशमा मात्र रहेछ, सुखसँगै अपुरोपनको कथा। यहाँ म धनले ठूलो भएँ, तर आत्माले सानो। मेरो गाउँमा गरिबी थियो, तर आत्मामा एक अटल इमान थियो। यहाँ सबै सुविधा छ, तर के मनको शान्ति छ? पुसको कठ्याङ्ग्रिने चिसो, गाउँको त्यो मुस्कान, खेतको माटोमा परेको हलको डोब, यी सबै मलाई अझै बोलाउँछन्। तर यहाँ, मरुभूमिमा, जहाँ केवल बालुवाको समुद्र छ, जीवन जिउन सिकाएको यो कर्मभूमि अब मलाई एउटा सम्झौताको थलोजस्तो लाग्छ। तर समय कहिल्यै रोकिँदैन। मेरो चाला, मेरो यात्राको कथा, यो दुई ठूला भिन्न संसारको बीचको पुल बनेको छ। जहाँ जन्मथलोले सधैँ माया बाँडिरह्यो, तर परदेशले मबाट धेरै अपेक्षा गरिरह्यो। अब, ६० डिग्रीको घाम पनि त्यति असह्य लाग्दैन, किनकि थकित मनलाई अब फर्किनुपर्ने कुरा थाहा छ। फर्कने इच्छा अब सपना होइन, यो मेरो अस्तित्वको अन्तिम यात्रा हो। तर फर्केर जाने गाउँ त्यहीँ छ? कि बदलिएको छ— मानिसका अनुहार,सोच,अनि सपनाजस्तै? मेरो जन्मभूमि, म तिमीलाई अझै उस्तै देख्न चाहन्छु, तर थाहा छैन, के मैले देख्ने ठाउँ उस्तै हुनेछ, या केवल यादले भरिएको एउटा खाली ठाउँ।

प्रतिभा नक्षत्रमा नया कार्यसमिती,अध्यक्षमा कुमार श्रेष्ठ

शीतलपाटीन्युज डटकम। लण्डन । बेलायतमा ट्यालेन्ट शो आयोजना गर्दै आएको प्रतिभा नक्षत्रले कुमार श्रेष्ठको अध्यक्षतामा नयाँ कार्यसमिति गठन भएको छ । बेलायतमा बसोबास गर्ने नेपाली बालबालिकाको प्रतिभा प्रस्फुटन गर्ने उद्देश्यले हरेक वर्ष ट्यालेन्ट शो “प्रतिभा नक्षत्र” को आयोजना गर्दै आएको प्रतिभा नक्षत्रको लण्डनमा सम्पन्न तेस्रो अधिवेशनले श्रेष्ठको नेतृत्वमा आगामी दुई वर्षका लागि १९ सदस्यीय नयाँ कार्यसमिति चयन गरेको छ। लण्डनको वल्र्डवीच,ब्रेसफोर्ड सडकमा रहेको रिभरसाइड भवनमा सम्पन्न अधिवेशनबाट उपाध्यक्षमा विजया दाहाल भण्डारी,महासचिवमा कर्मा पहाडी शेर्पा,सह–सचिवमाद्धय डा.विना घिमिरे र सत्य प्रजापति निर्वाचित हुनुभएको छ। यस्तै कोषाध्यक्ष आस्था जोशी,सह–कोषाध्यक्षमा सेवा राई निर्वाचित हुनुभएको छ भने दिपक मैथाने मगर संस्कृति विभागमा आउनुभएको छ। सदस्यहरुमा दिर्घ केसी,जिवन शाही,सूर्य विक्रम केसी,अर्जुन शाही,प्रकृति श्रेष्ठ,सुरज गिरी, समु भारती,धनजित चौधरी, छविन चौधरी,राजेन्द्र खस, शम्भु गौतम र यूरोप इन्चार्जमा सान्डि भण्डारी रहनुभएको छ। बेलायतमा बस्ने नेपालीहरुले स्थापना गरेको संस्था प्रतिभा नक्षत्रले त्यहाँ भएका नेपाली बालबालिकाको प्रतिभा प्रस्फुटन गर्ने उद्देश्यले हरेक वर्ष ट्यालेन्ट शो “प्रतिभा नक्षत्र” का साथै मेड इन नेपाल एक्स्पो लगायतका विभिन्न कार्यक्रम आयोजना गर्दै नेपाली कला संस्कृतिको प्रचार गर्दै आएको छ । (कोपिला अनलाईनबाट)

आर के त्रिपाठी कांग्रेस केन्द्रिय आर्थिक निती तथा योजना विभाग सदस्यमा नियुक्त

शीतलपाटीन्युज डटकम। काठमाण्डौ। नेपाली कांग्रेसका नेता,बौद्धिक व्यक्तित्व आर के त्रिपाठी कांग्रेस केन्द्रिय आर्थिक निती तथा योजना विभाग सदस्यमा सदस्यमा नियुक्त हुनु भएको छ।पार्टी सभापती शेर बहादुर देउवाले बौद्धिक व्यक्तित्व आर के त्रिपाठी लाई कांग्रेसको तर्फवाट देशलाई सल्लाह दिने आर्थिक निती र योजना तर्जुमा गर्ने महत्वपूर्ण केन्द्रिय आर्थिक निती तथा योजना विभाग सदस्यमा नियुक्त सदस्यमा नियुक्त गर्नु भएको हो। देशको अर्थतन्त्रलाई पार्टीको तर्फवाट सल्लाह दिने यो केन्द्रिय अर्थ विभागलाई महत्वपूर्ण विभाग मानिन्छ।यस विभागमा बौद्धिक,प्राज्ञिक र उच्च शिक्षा हासिल गरेका अनुभबी व्यक्तिहरुलाई नियुक्त गर्ने प्रचलन छ। केन्द्रिय अर्थ विभागमा मनोनीत भई काम गरेका सदस्यहरुलाई प्राय योजना आयोग र प्राज्ञिक क्षेत्रमा नियुक्ति गर्ने प्रचलन छ। बेलायत स्थित अन्तराष्ट्रिय नेपाली समुदायका अब्बल समाजसेवी बौद्धिक व्यक्तित्व आर.के.त्रिपाठी यस अगावै नेपाली काँग्रेसको अन्तराष्ट्रिय संबन्ध तथा बिदेश निती बिज्ञमा मनोनित भएका थिए।त्यसै गरि यस अगाबै अघि आर के त्रिपाठीलाई नेपाली कांग्रेसले निर्माण विभाग सदस्यमा नियुक्त गरेको थियो। त्रिपाठी नेपाली डायस्पोराका बौद्धिक व्यक्तित्व मानिन्छन्। नेपाली कांग्रेस पार्टीले बिदेशमा बसोबास गरेका नेपाली कांग्रेस कार्यकर्तालाई महत्वपूर्ण केन्द्रिय आर्थिक निती तथा योजना विभागमा पहिलो पटक नियुक्त गरेको हो। यस नियुक्ति संवन्धमा आर के त्रिपाठीले नेपाली कांग्रेस पार्टी र नेतृत्वलाई विशेष धन्यवाद दिंदै आफ्नो योग्यता र अनुभवले भ्याएसम्म नेपाली कांग्रेस पार्टीको संगठन मजबुद गर्न र नेपाली कांग्रेस पार्टीको समाजवादी अर्थ नितीको बारेका सदैब सल्लाह प्रदान गर्ने बताए।नेपालको दिर्घकालिन विकाश योजना लाई अन्तराष्ट्रबाट प्राप्त अनुभबलाई भरपूर प्रयोग गर्ने बताउनु भयो। कांग्रेसको केन्द्रिय आर्थिक निती तथा योजना विभागमा मनोनीत जिम्मेवारी सहितको पत्र पाएको त्रिपाठीले बताए।उनले इमान्दारीपूर्वक प्राप्त जिम्मेवारी निर्वाह गर्ने समेत बताएका छन् । बेलायत स्थित नेपाली समुदायमा विभिन्न संघ संस्थामा नेतृत्व गरी सल्लाहकार समेत रहेका समाजसेवी त्रिपाठी नेपाली जनसम्पर्क समिति बेलायतका तिन कार्यकालको लागी पूर्व महामन्त्री समेत हुन्।त्यसै गरि गैर आवासीय नेपाली संघ बेलायतको दुई कार्यकाल पूर्व महासचिव समेत रहेका उनी बेलायतको ब्यस्त ट्रान्सपोर्ट अफ लण्डन अन्डरग्राउन्डका सिनियर इन्जिनियर समेत हुन्।त्रिपाठी सिभिल इन्जिनियरिङ विषयमा स्नातक र कन्ट्रक्सन प्रोजेक्ट मेनेजमेण्ट विषयमा स्नातकोत्तर हुन्। भर्खरै बेलायतमा भएको आम निर्वाचनमा लेबर पार्टी लाई

तमुधिं नेपालका अध्यक्ष हुम गुरुड्गलाई लण्डनमा भब्य स्वागत

शीतलपाटीन्युज डटकम। लन्डन । तमु धीं यूकेको निमन्त्रणामा तमु धिं नेपालका अध्यक्ष हुमबहादुर गुरुङ र तमु धीं जापानका उपाध्यक्ष अर्मन गुरुङलाई बेलायतको हिथ्रो एअरपोर्टमा तमुधि युके अध्यक्ष जुमकाजी गुरुड्गको एक टोलीले भब्य स्वागत गरेको छ।   उहाहरु बुधबार राति २५ डिसेम्बर २०२४ मा लन्डनको हिथ्रो एयरपोर्ट उत्रिदा उहाहरुको स्वागतका लागि तमु धीं यूकेका वर्तमान अध्यक्ष जुमकाजी गुरुङ,निवर्तमान अध्यक्ष हरि गुरुङ्ग,पूर्वअध्यक्ष ज्ञाम गुरुङ,उपाध्यक्ष कमल गुरुङ,आमा समूह अध्यक्ष कमलादेवी गुरुङले लगायतले एयरपोर्ट पुगेर भब्य स्वागत गर्नु भएको थियो।  एयरपोर्टमा ओर्लदै स्वागतका क्रममा तमु धीं नेपालका अध्यक्ष हुम गुरुङले आफ्नो धारणा राख्दै तमु धीं यूकेजस्तो विश्वभरिमा उदाहरणीय संस्थाले आफ्नो रजत महोत्सव ल्होछार समारोहमा आफूलाई निमन्त्रणा गरेकोमा धन्यवाद व्यक्त गरेका थिए। तमुधी नेपालका अध्यक्ष गुरुड्गले सप्री ल्होको अवसरमा हुने कार्यक्रम कार्यक्रमलाई सफलताको शुभकामना दिँदै कार्यक्रममा उपस्थिति हुनका लागि आग्रह गरेका थिए।     अर्का आमन्त्रित पाहुना तमुधि जापानका उपाध्यक्ष अर्मन गुरुङले पनि तमु धीं जापानलाई निमन्त्रणा गरेकोमा आफूले प्रतिनिधित्व गरेर यहाँ बेलायत आएको बताउनु भयो।   सो अवसरमा तमु धिं यूकेका नवनिर्वाचित अध्यक्ष जुमकाजी गुरुङले दुवै पाहुनालाई स्वागत गर्दै २८ तारिखमा हुने सांगीतिक कार्यक्रम सहितको ल्होछार र रजत महोत्स्वमा उपस्थिति भै कार्यक्रम हुने हुदा खुसी ब्यक्त गर्नु भएको थियो।      तमु धिं यूकेको ल्होछार र रजत महोत्सब कार्यक्रम यही २८ डिसेम्बरमा ह्यारो लेजर सेन्टरमा धुमधामका साथ हुँदैछ। श्रोत-गोर्खा मिडीया।

लन्डनका वरिष्ठ चार्टर्ड अकाउन्टेन्ट कृष्ण दाहाल ICAEW को सदस्य निर्वाचित

शीतलपाटीन्युज डटकम। लन्डन। लन्डनस्थित वरिष्ठ चार्टर्ड अकाउन्टेन्ट कृष्णप्रसाद दाहाल ‘इन्स्टिच्युट अफ चार्टर्ड अकाउन्टेन्ट्स इन इङ्ल्यान्ड एण्ड वेल्स’ को काउन्सिल सदस्यमा निर्वाचित भएका छन्। सन् २०२५ देखि लागू हुने गरी दाहाल चार वर्षका लागि काउन्सिल सदस्य निर्वाचित भएका हुन्। उनी यस सम्मानित निकायमा सेवा गर्ने १२५ ग्लोबल काउन्सिल सदस्यमध्ये एक र पहिलो नेपाली नागरिक हुनेछन्। दाहालले यसअघि द इन्स्टिच्युट अफ चार्टर्ड अकाउन्टेन्ट्स अफ इन्डियाको यूके च्याप्टर अध्यक्ष र एसीसीए–ह्यारो नेटवर्क प्यानलको अध्यक्षका रूपमा काम गरिसकेका छन्। उनी फोकस सोमर अडिट एण्ड ट्याक्स अकाउन्टेन्ट्स यूकेका साथै बलाड्र्स न्यूम्यान चार्टर्ड अकाउन्टेन्ट्सका प्रवन्ध साझेदार पनि हुन्। दाहालले नयां भूमिका अन्तर्गत अकाउन्टिङ पेशाको उत्कृष्टताका लागि आफ्नो प्रतिवद्धता जारी राख्दै लेखा परीक्षा र एसुरेन्स संकायको प्रतिनिधित्व गर्ने जनाएका छन्। हाम्रा रणनीति र कार्यक्रमहरूले वर्तमान यथार्थ र भविष्यका चुनौतीहरू दुवैलाई प्रतिबिम्बित गर्ने सुनिश्चित गर्न लेखापरीक्षकहरू र सरोकारवालाहरूसँग नियमित वार्तालापलाई प्रोत्साहन गर्न म प्रतिबद्ध छु। मेरो लक्ष्य नयाँ प्रविधिहरू अन्वेषण, लेखापरीक्षण दृष्टिकोणलाई परिष्कृत र व्यवसाय तथा नियामकहरूको अपेक्षाहरूसँग तालमेल गर्न पहल गर्ने हुनेछ’, दाहालले भने,म उदीयमान प्रवृत्ति मात्र होइन, लेखापरीक्षकहरूलाई बढ्दो जटिल वातावरणमा फस्टाउन सशक्त रुपमा लाग्नेछु।’ द इन्स्टिच्युट अफ चार्टर्ड अकाउन्टेन्ट्स इन इङ्गल्याण्ड एण्ड वेल्स एक शीर्ष व्यावसायिक लेखा सम्बन्धी निकाय हो जसले लेखा र वित्तको क्षेत्रमा विश्वको सबैभन्दा समृद्ध प्राविधिक स्रोतहरू प्राप्त गर्दछ। यसले विश्वभरका चार्टर्ड एकाउन्टेन्ट र विद्यार्थीहरूको वृत्ति विकासमा सघाउ पुर्‍याउंछ। सन् १८८० मा ब्रिटिश शाही चार्टरद्वारा स्थापित यो निकायमा अहिले १४६ देशमा २०८,००० सदस्य र विद्यार्थीहरु आबद्ध छन्। श्रोत- नेपालीलिंक।

बीसीसी युकेले धार्मिक पूजापाठसहित तमू ल्होछार मनाउँदै

पुर्ण गुरुड्ग, लण्डन। बुद्धिष्ट कम्युनिटी सेन्टर (बीसीसी) युकेले विविध धार्मिक कार्यक्रमकासाथ तमू (गुरुङ) हरुको महान पर्व तमू ल्होछार मनाउने भएको छ। आउँदो सोमबार ३० डिसेम्बर २०२४ अर्थात् २०८१ पौष १५ का दिन अल्डरसटस्थित बीसीसी गुम्बामा मनाउन लागिएको हो।  उक्त ल्होछारका लागि नेपालबाट आमान्त्रित धर्मगुरु लामा गुप्ती गुरुङको बिशेष उपस्थितिमा आयोजना गर्न लागिएको कार्यक्रममा दिप प्रज्ज्वलन,घ्यासी (ग्रह शान्ति),आयु,साङ्ग,छोग, घनचक्र पूजाका गरिने कार्यक्रम रहेको छ। उक्त ल्होछारका दिन आमान्त्रित लामा गुप्ती गुरुङ,खेन्पो छेवाङ्ग,बीसीसी यूकेका खेन्पो शेनाङ्ग,लोपेन नोर्बु, लामा हर्कजंग घले,लामा प्रदीप गुरुङलगायत धर्मगुरुहरुले पूजापाठ गर्ने छ।   विश्वभर रहेका गुरुङहरुले प्रत्येक पौष १५ गते हुने ल्हो अर्थात् बर्ग परिवर्तनलाई बिशेष महत्वका साथ लिने गर्दछ। सोही अनुरुप यसबर्ष विश्वभर रहेका गुरुङहरुले गिद्ध बर्गलाई बिदाई गर्दै सर्प बर्गलाई स्वागत गर्न लागिएको बीसीसी यूकेका उपाध्यक्ष एवं कार्यक्रम संयोजक क्याप्टेन क्याप्टेन देब घलेले जानकारी गराए।   कार्यक्रममा तमू धीं युके,मगर संघ यूके,तामाङ्ग सोसाईटी यूके, थकाली समाज युके, ह्योल्मो समाज युके,रङ्गजुङ्ग येशे उडियना सेन्टर, एनआरएनए युके,शेर्पा एशोसिएशन युके,स्थानीय नेपाली संघसंस्था,धार्मिक संघसंस्था,बीसीसी लण्डन ब्रान्च, बीसीसी युकेका ट्रष्टी मेम्बर्सलगायत संघसंस्थालाई आमन्त्रण गरिएको बताइएको छ।  बिहान ८ बजे देखि साँझ ४ बजेसम्म संचालन हुने सो कार्यक्रममा नयाँ लुंदा फेरिने भएको हुँदा साथमा सत्क्यु–पत्क्यु र नाङ्ग काटेर सोमबार ३० डिसेम्बरको बिहान ११ बजे भित्र गुम्बामा ल्याईदिनहुन बीसीसी युकेले अनुरोध गरेको छ।  निःशुल्क चियापान,खाजा र खानाको समेत व्यवस्था गरिएको सो कार्यक्रमका लागि भोजन दान र दीप प्रज्ज्वलन गर्न चाहने भक्तजनहरुले गुम्बामा सम्पर्क गर्न समेत बीसीसी युकेले हार्दिक अनुरोध  छ।  बीसीसी युकेका अध्यक्ष हर्क बहादुर गुरुङको अध्यक्षतामा सम्पन्न हुन लागेको ल्होछार कार्यक्रमलाई सफलतापूर्वक सम्पन्न गर्नका लागि बीसीसी यूकेको सिंगो कार्यसमिति, आमा प्रमुख जगना गुरुङलगायत आमाहरु,पूर्व अध्यक्ष तथा पूर्व आमा प्रमुखहरु,सल्लाहकारहरूले बिशेष जिम्मेवारी लिएको संयोजक क्याप्टेन घलेले जनाए। साथै,उनले उक्त  दिन आयोजना हुने धार्मिक पूजापाठमा सहभागी हुन सम्पूर्ण नेपाली दाजुभाइ तथा दिदिबहिनीहरुमा हार्दिक अनुरोध गरेका छन् ।  स्मरण रहोस्,बीसीसी युकेले तमू ल्होछार,सोनाम ल्होसार, ग्याल्पो ल्होसार लगायतका कार्यक्रमहरुमा बिशेष पूजापाठहरु गर्दै आएको छ।

तमू ल्होछारका लागि वरिष्ठ लामा गुप्ती आईपुगे बेलायत ।

शीतलपाटीन्युज डटकम। लण्डन। बुद्धिष्ट कम्युनिटी सेन्टर (बीसीसी) युकेको आयोजना गर्न लागेको तमू ल्होछार पर्वका लागि पोखराका वरिष्ठ बौद्ध धर्म गुरु गुप्ती गुरुङ बेलायत आइपुगेका छन् । मंगलबार २४ डिसेम्बर राती लण्डन आई पुगेका लामा गुरु गुप्तीलाई स्वागत गर्न बीसीसी युकेका उपाध्यक्ष एवं तमू ल्होछार संयोजक क्याप्टेन देब घले, संस्थापक आमा प्रमुख ज्ञानुमाया गुरुङ,सल्लाहकार कमल गुरुङ,आमा उपप्रमुख शारदा गुरुङ,आमा समूहकी सदस्य प्रेमा गुरुङ लगायत सदस्यहरु हिथ्रो एयरपोर्ट पुगेका थिए।  त्यस्तै, तमूधिं युकेका पूर्व अध्यक्ष ज्ञाम गुरुङ,घान्द्रुक समाज युकेका निवर्तमान अध्यक्ष नारायणसिंह गुरुङ, पूर्व अध्यक्ष अर्जुन गुरुङ, घान्द्रुक काम्चे कोन्मय खलक युकेका अध्यक्ष क्या.चन्द्र बहादुर गुरुङ लगायत आफन्तजन,शुभचिन्तक र भक्तजनहरु हिथ्रो पुगी खादा लगाई स्वागत गरेका थिए।  बीसीसी युकेले आउने सोमबार ३० डिसेम्बरका दिन अल्डरसटस्थित गुम्बामा तमू ल्होछारको अवसरमा आयोजना गर्न लागेको बिशेष पूजापाठमा वरिष्ठ लामा गुप्ती गुरुङलाई निमन्त्रणा गरिएको हो। उनी घ्यासी पूजा,आयु पूजा,महाकाला पूजा,दिप प्रज्ज्वलन,साङ पूजा लगायतका पूजाहरुमा सहभागी हुने छन्।   स्मरण रहोस् तमू अर्थात् गुरुङ जातिहरुको महान पर्व ल्होछारका दिन प्रत्येक बर्ष बिशेष पूजाको आयोजना गर्दै आएको छ। सो ल्होछार कार्यक्रममा सहभागी भैदिन हुनका लागि सम्पूर्ण नेपाली दाजुभाइ तथा दिदिबहिनीहरुमा बीसीसी युकेले  हार्दिक अनुरोध गरेको छ।

हाम्रो इतिहास,संस्कार र पहिचानको सम्मान गरौ- बिनोद बराल

शीतलपाटीन्युज डटकम। मेरो प्रिय नेपाली दाजुभाइ तथा दिदीबहिनीहरू, मेरो यो अनुरोध छ कि आउँदै गरेको नयाँ वर्ष २०२५ र टोपी दिवसमा हामी सबैले एकतामा बाँधिन प्रयास गरौं। हाम्रा गौरवशाली नेपाली प्रतीकहरू – ढाका टोपी,म:म र नेपाली झण्डालाई संगै अगाडि बढाउन म तपाईंहरूको साथ र समर्थनको अपेक्षा गर्दछु। ढाका टोपी हाम्रो पहिचान हो। यो हाम्रो इतिहास,संस्कार र सस्कारको पहिचानको प्रतीक हो। म:मले हाम्रो खानाको मौलिकतालाई विश्वभर चिनाएको छ। अनि नेपाली झण्डाले हाम्रो स्वाभिमान,साहस र राष्ट्रिय एकतालाई प्रकट गरेको छ। हामी सबैले यस नयाँ वर्ष र टोपी दिवसमा ढाका टोपी लगाएर,म:मको स्वाद चाखेर र हातमा नेपाली झण्डा फहराएर हाम्रो संस्कृतिको सम्मान गरौं। यो अभियानमा तपाईंको सानो सहभागिताले ठूलो प्रभाव पार्न सक्छ।हाम्रो संस्कृति,पहिचान, र नेपालीपनलाई जोगाउन हामी एकजुट होऔं। “ढाका टोपी,म:म र झण्डा,हाम्रो पहिचान,हाम्रो गौरव।” आउनुहोस्,यो नयाँ वर्षलाई नेपालीपनको रंगमा सजाऔं। जय नेपाल! #विनोदबराल #मःम (बिनोद बराल फेसबुकवालबाट)

नेपाललाई फेरि हिन्दु राष्ट्र बनाउन माग

GNNNEWS- काठमाडौँ -  काठमाडौंमा दुई दिनसम्म चलेको धार्मिक संघ संस्थाहरुको राष्ट्रिय सम्मेलनले नेपाललाई हिन्दु राष्ट्रको रुपमा पुनस्थापना गर्न माग गरेको छ।   नेपाल सन्त समाजका विशिष्ट स्वामीजीहरुको संरक्षकत्वमा वैदिक, बौद्ध, जैन, सिख, किराँत, बोन  लगायत समग्र ॐकार धार्मिक संघसंस्थाहरु आयोजक रहेको सम्मेलनको संयोजन विश्व ॐकार  एकता महाभियानले गरेको थियो । सम्मेलनमा विश्व ॐकार एकता महाभियानका संयोजक डा. चिन्तामणि नाथ योगीले नेपाललाई सनातन हिन्दु राष्ट्र कायम गर्नुपर्ने मागलाई विशेष प्रस्तावको रुपमा प्रस्तुत गरेका थिए । सो प्रस्तावलाई सम्मेलनले ध्वनि  मतले पारित गरेको थियो । चाबहिलमा पुस ५ र ६ गते चलेको   सम्मेलनले सरकारसमक्ष  नेपालमा भएका मठ, मन्दिर, गुठी, गुम्बा लगायतका धार्मिक धरोहरहरु सम्बन्धित धार्मिक समुदायको व्यवस्थापन र नेतृत्वमा मात्र सञ्चालन गर्नु पर्ने,  ती क्षेत्रमा सनातन धर्म इतरका व्यक्ति र राजनीतिक नियुक्ति बन्द गर्नुपर्ने लगायतका १३ बुँदे मागहरु समेत राखेको छ ।   एकादशी र औंसी जस्ता मुख्य तिथिपर्वहरुमा देशभित्र सबै किसिमका हिंसा बन्द गर्ने र मास–मदिरा पसल बन्द हुनुपर्ने, ॐकार परिवारको धार्मिक आस्थाका केन्द्रहरु आश्रम, मठमन्दिर, लगायतका सबै क्षेत्रलाई  करमुक्त क्षेत्र घोषणा गर्नुपर्ने, स्थानीय कृषि प्रणाली र गौवंश संरक्षणका लागि सामुदायिक वनमा गौचरण क्षेत्र अनिवार्य छुट्याउनुपर्ने माग पनि सम्मेलनले राखेको छ ।   यसैगरी सरकारी कामकाजमा नेपाली भाषा प्रयोग गर्नुपर्ने, सवारी साधन अनुमतिपत्र (लाइसेन्स), बैंकमा पैसा राख्दा दिने अभिलेख लगायत विदेशी भाषा र संवत्मा दिने कार्य गरिएकाले राष्ट्र बैंकबाटै सुधार गर्नुपर्ने, सरकारी कर्मचारी र सरकारको संरक्षणमा सन्चालित मठमन्दिर र कोष आदिमा कार्यरत कर्मचारी वा धार्मिक गुठी प्रतिनिधिले सम्बन्धित परम्परा अनुसारको स्वदेशी भेषभूषा अनिवार्य लगाउनुपर्ने माग सम्मेलनले राखेको छ ।   सम्मेलनले नेपाल सरकार लगायत सम्बन्धित समुदायले सन्चालन गरेको मठमन्दिर, आश्रम, गुठी र गुम्बाको आम्दानी पाठशाला, गौशाला, यज्ञशाला, औषधालय, भोजनालय, पुस्तकालय जस्ता विषयमा मात्र खर्च गर्ने व्यवस्था मिलाउन पनि माग गरेको छ ।   साथै सम्मेलनले अबदेखि हरेक वर्ष असोज ३ गते अन्न ग्रहण नगरी ‘व्रत आन्दोलन’को रुपमा मनाउने निर्णय गरेको  छ । सोही दिन नेपाललाई धर्मनिरपेक्ष राष्ट्र घोषणा गरिएको थियो।   नेपाल धर्मसापेक्ष नभएसम्म असोज ३ गतेको दिन अन्न ग्रहण नगर्ने

काठमाण्डौको सिमित भागलाई साईकल सिटी घोषणा गरौं-आर के त्रिपाठी

आर के त्रिपाठी लेख्छन् -  Kathmandu मा गाडीको संख्या प्रत्येक दिन बृद्धि भई Traffic flow disturb भई Congestion भएको र हरेक दिन यो Traffic Congestion बृद्धि भई अबको 20 बर्ष पछि रोडमा गाडी हिड्न नसक्ने देखिकोले राष्ट्रपती भबन देखी बालुवाटार,जय नेपाल भवन,कमल पोखरी,वागबजार,पुतली सडक,सिंह दरबार,माईति घर मण्डेला,थापाथली,त्रिपुरेश्वर,धरहरा,विरअस्पताल,जमल,लाजिम्पाट हुँदै पुःन राष्ट्रपति कार्यलय भित्रको Close Circle Inner Road लाई १५ बर्ष पछि  Cycle City घोषणा गरौं। ४० बर्ष पछि लागु हुने गरि साबिक चक्रपथ भित्री रोड लाई पूर्ण  Cycle City हुने गरि आजै घोषणा गरौं/घोषणा आज गर्ने तर पहिलो Phase को कार्यान्वयन चाहिं २० बर्ष पछि गर्ने गरि र संपूर्ण चक्रपथ भित्री Area को चाहिं ४० बर्ष पछि गर्ने। तर स्कुल Shuttle Bus, Hospital Shuttle Bus र ६५ बर्ष माथीका बृद्धको लागी Shuttle Bus चाहिं चलाउन पाईने गरि आज घोषणा गरि कार्यान्वयनमा ल्याउन सबै पक्षबाट ध्यानाकर्षण गराऔँ।   Underground Metro र 0ver Ground Metro Rail वा Overground Flyover Road Civil Engineering पक्षवाट संभव देखिए पनि Budget Economy,Public Safety र Maintainance पक्षबाट महंगो खर्चिलो देखिन्छ। काठमाण्डौको Road मा बढेको गाडीको चाप हेर्दा अबको २० बर्षमा दुई लाख मोटर गाडी काठमाण्डौको रोडमा भित्रने देखिन्छ।हामीले काठमाण्डौंको चक्रपथ भित्रको रोड विस्तार गर्न सक्ने अवस्था छैन।किनकी दिर्घकालीन  Planning विनै धेरै घर बनाउन दिएर राज्यको निकाएले गल्ती गरिरहेछ।चक्रपथ भित्रको जग्गा कहिं खाली देखिदैन र पूरै जमिन धेरै घरले भरि सक्यो। यसै गरि दिर्घकालीन Planning योजना विना काठमाण्डौको चक्रपथ बाहिर यसै जताततै घर बनाउन स्विकृत दिन हुँदैन। काठमाण्डौंको पुरातत्वीक सहरलाई विश्व माझ आकर्शित बनाउन,चिनाउन,बस्न लायक बनाउन,घुम्न लायक र विश्वकै क्रमाङ्कमा आउने शहर बनाउन Phase Wise पहिलो  Phase,दोश्रो Phase गरि Cycle City घोषणा गरौं। उता अर्को तर्फ काठमाण्डौं को Air Polution कोलम्बो,लाहुर,कलकत्ता,दिल्लीको जस्तै प्रदुशित हुने अवस्था छ।यसको लागी काठमाण्डौंको आकाशमा Dust वा धुलो बाट हुने प्रदुशण घटाउन जरुरी छ। काठमाण्डौंको आकाशमा भएको Dust प्रदुशणले यहाँ बस्ने हरेक मानिसको फोक्सोमा असर परि स्वास्थ्य कमजोर भएको अवस्था छ। चक्रपथ Area भित्रको भुभाग लाई अबको ४० बर्ष पछि Cycle

अल्डरसट भलिबल क्लबको अध्यक्षमा विमल गुरुङ, आगामी जुनमा भलिबल टुर्नामेन्ट हुने

शीतलपाटीन्युज डटकम। अल्डरसट। बेलायतको भलिबल इतिहासमा पुरानो क्लब अल्डरसट भलिबल क्लबको पाँचौँ अधिवेशन सम्पन्न भएको छ।  शनिबार अल्डरसटस्थित माइतीघरमा भएको अधिवेशनले विमल गुरुङको अध्यक्षतामा नयाँ कार्यसमिति चयन गरेको हो। गुरुङ यसअघि उपाध्यक्ष थिए। अल्डरसट वरिपरि बसोबास गर्ने भलिबलप्रेमीहरू मिलेर सन् २०१६ मा उक्त क्लबको स्थापना गरेका थिए।  नवनिर्वाचित समितिको उपाध्यक्षमा सैलेश राई र सेवक ग्लान,सचिवमा गोकुल राई,सहसचिवमा मेश पुन रहेका छन्। कोषाध्यक्षमा कृष्ण गुरुङ र सहकोषाध्यक्षमा हेम राई,खेल संयोजकहरुमा मिन ठकुरी र मधुसुदन थापा चयन भएका छन्।  कार्यक्रममा क्लबका संरक्षक शेरबहादुर सुनारले नवनिर्वाचित पदाधिकारी तथा सदस्यहरूलाई बधाई तथा शुभकामना दिएका थिए। अधिवेशनको निर्वाचन मण्डलमा क्लबकै पूर्वअध्यक्षहरू डोल श्रीस र सोर्ग गुरुङ रहेका थिए।  क्लबका संस्थापक अध्यक्ष चन्द्र गुरुङ रहेको सो क्लवमा निवर्तमान अध्यक्ष विकास विके हुन् । क्लबले आगामी ७ जुन २०२५ मा सातौँ अल्डरसट भलिबल टुर्नामेन्ट गर्ने निर्णय गरेको छ। 

सहारा यूकेको वार्षिक साधारणसभा सम्पन्न,कोषमा आठ लाख संकलन

शीतलपाटीन्युज डटकम। लन्डन। सहारा यूकेले विभिन्न प्रतिवेदन पारित गर्दै वार्षिक साधारणसभा शनिबार २१ डिसेम्बर २०२४ का दिन स्यान्डहर्स्टस्थित रोयल मिलिटरी एकेडेमीमा सम्पन्न गरेको छ। अध्यक्ष कृष्ण गुरुङको अध्यक्षतामा सम्पन्न साधारणसभामा महासचिवको अनुपस्थिता निवर्तमान महासचिव मनोज गुरुड्गले एजेन्डा प्रस्तुत गरेका थिए।   उपाध्यक्ष श्रद्धा गुरुङले स्वागत मन्तव्य राखेको सो साधारण सभामा सहारा यूकेका सदस्य र दिवंगत ज्ञात अज्ञात व्यक्तिहरुको सम्झनामा १ मिनेट मौन धारण गरिएको थियो। संस्थापक अध्यक्ष नविन गुरुड्ग र पूर्वअध्यक्षहरुले विशेष मन्तव्य राखेको सो सभामा अध्यक्ष कृष्ण गुरुङले ओपनिङ मन्तव्य राख्नु भएको थियो।   साधारणसभामा कोषाध्यक्ष कुमार थापाले आयव्ययको रिपोर्ट र सहकोषाध्यक्ष जगन गुरुङ र अध्यक्षले सहारा यूके अक्षय कोष र आगामी योजनाबारे प्रस्तुति दिनु भएको थियो। सभामा महासचिव र अध्यक्षले संक्षिप्त प्रतिवेदन,सहारा एफसी टिमबाट संक्षिप्त प्रतिवेदन प्रस्तुत गरिएको थियो।   सो साधारणसभामा पोखरा अन्तर्राष्ट्रिय म्याराथन, आहा रारा पोखरा गोल्डकपमा प्रदान गरिने पुरस्कार लगायत विषयमा अध्यक्ष कृष्ण गुरुङले ब्रिफिङ गर्नु भएको थियो। त्यस्तै गोर्खा कपमा राखिने स्टल र साहारा क्याम्पिङको बारेमा शेरा गुरुङले आफ्नो अवधारणा राख्नु भएको थियो।      यसैबीच सहारा यूके अक्षय कोषका लागि झण्डै ८ लाख रुपैयाँ घोषणा भयो। सहारा यूकेले दिएको जानकारी अनुसार अजय थापा १ लाख १ हजार रुपैयाँ, दिलरास गुरुङ १ लाख रुपैयाँ,मेजर कुमार गुरुङ १ लाख रुपैयाँ,हरि श्रेष्ठ १ लाख रुपैयाँ,पूर्वअध्यक्ष कुमार गुरुङ ५६ हजार रुपैयाँ,सूर्य गुरुङ ५१ हजार रुपैयाँ,अमृत गुरुङ ५१ हजार रुपैयाँ,गंगा गुरुङ ५१ हजार रुपैयाँ,ध्रुव गौतम ५१ हजार रुपैयाँ,भोज गुरुङ ५१ रुपैयाँ र बल थापाले ५१ हजार रुपैयाँ घोषणा गर्नु भएको थियो।   साथै सचिव मन्जु गुरुङ राई र सपनकुमार राईले राफल ड्र खेलाएको सो कार्यक्रममा पेय पदार्थ सहारा सदस्यहरुले व्यवस्थापन गरेका थिए।खाना गोर्खा किचन अल्डरसटबाट प्रबन्ध मिलाइएको थियो भने डान्सर तथा मोडल स्वस्तिका खड्काले भरपुर मनोरन्जन दिलाएकी थिइन्। अन्दाजी १०० जना उपस्थित सो सभामा अध्यक्ष कृष्ण गुरुङले हललगायत विभिन्न प्रायोजकलाई र साधारणसभामा सहभागीलाई धन्यवाद दिँदै कार्यक्रम समापन गर्नु भएको थियो।

लण्डन अल्डरसटको शिव मन्दिर विस्तार,थप नेपाली पण्डित पनि शिफारीस

शीतलपाटीन्युज डटकम। लन्डन। बेलायतको अल्डरसटस्थित शिव मन्दिर विस्तार गरि थप पण्डितहरु राख्ने शिफारीष अगाडि बढेको छ । शिव कल्चरल एण्ड कम्युनिटी सेन्टरले अहिलेको शिव मन्दिर संगै जोडिएको अर्को घर खरिद गरेर चाबी लिएको छ। दुई बेड रुमको घर झण्डै तीन लाख पाउण्डमा खरिद गरिएको छ। अहिले ९० हजार पाउण्ड दिएर बांकी २ लाख पाउण्ड मोर्गेजमा घर लिइएको हो। यही २६ डिसेम्बर बक्सिङ डेका दिन विशेष पूजा आराधना सहित उक्त घरको औपचारिक गृह प्रवेश कार्यक्रम तय गरिएको कुरा अध्यक्ष बिक्रम भट्टराईले बताउनु भएको छ। अरु दुई वा तीन जना पण्डित थपेर नयां खरिद गरिएको घर उनीहरुको आवासका रुपमा सञ्चालन गर्ने तथा घर र मन्दिरबीचमा रहेको जग्गा मण्डप बनाउन प्रयोग गरिने शिव मन्दिर संचालक समितीको योजना छ। अध्यक्ष भट्टराईले पेमेन्टका लागि ९० हजार पाउण्ड चन्दा संकलन र भक्तजनहरुबाट बिना ब्याज ऋण लिएर जुटाउदै बांकी मोर्गेज पनि च्यारिटी इभेन्ट वा दाताबाट जुटाएर छिट्टै चुक्ता गर्ने योजना छ, भन्नु भएको छ। अध्यक्ष भट्टराईले निकै लामो प्रतिक्षापछि सबैको सहयोग, सद्भाव र सदासयताका कारण शिव मन्दिर अल्डरसटले छिमेकी घर खरिद गर्न सफल भएको बताउदै यस कार्यमा योगदान गर्ने चन्दादाता,मन्दिरका पण्डित,प्रमुख संरक्षक तथा सम्पूर्ण संरक्षकहरु एवं प्रत्यक्ष परोक्ष सहयोग गर्ने सबै दाताहरु,ट्रष्टीहरु,कार्यसमिति पदाधिकारीहरु र सदस्यहरु प्रति आभार व्यक्त गर्नु भएको छ। बांकी मोर्गेज चुक्ताका लागि विगत जस्तै अब पनि आर्थिक सहयोग गरिदिन सबैमा अपिल समेत गर्नु भएको छ। कम्युनिटी सेन्टरले सन् २०१८ डिसेम्बरमा भवन खरिद गरेर पहिलो मन्दिर स्थापना गरेको हो। उक्त मन्दिरमा बिहान ९ र सांझ ६ बजे आरती गरिन्छ। मन्दिरले पण्डित आचार्य मधुसुदन सत्याललाई तीन वर्ष अनुवन्धित गरेको छ। पण्डित सत्यालले मन्दिरमा बसेर नित्य पूजाआजा,आरती र ५० माइलसम्मको दुरीमा रहेका नेपालीलाई वैदिक कार्यमा टेवा पुर्याउदै आउनु भएको छ। मन्दिरले तोकेको रकम लिएर पितृकार्य लगायत विभिन्न धार्मिक कार्य,बीबाह,ब्रतबन्ध,न्वारन आदि धै रहेको कुरा अध्यक्ष भट्टराईले बताउनु भएको छ। मन्दिरमा कम्तीमा दुई वा तीनजना पण्डित राख्ने योजना बनेको पनि उहाले सुनाउनु भएको छ । नेपालबाट भोलेण्टियर वेसिसमा संस्कृत पाठशालाबाट दिक्षित र उक्त स्कुलले सिफारिस गरेको अब्बल

तमुधीं यूकेको रजत महोत्सवमा मनोरञ्जन दिन पप गायिका तृष्णा गुरुङ लण्डनमा

शीतलपाटीन्युज डटकम। लण्डन। तमुधीं यूकेको रजत महोत्सवमा भाग लिन पप गायिका तृष्णा गुरुङ लण्डन आइपुगेकी छन्।  डिसेम्बर २८ तारिखमा लण्डनस्थित ह्यारो लेजर सेन्टरमा आयोजना हुने कार्यक्रममा भाग लिन गुरुङ बिहीवार साँझ लण्डन उत्रिएकी हुन्। उनको साथमा “द कोल्याब” ब्यान्ड पनि लण्डनको अन्तर्राष्ट्रिय विमानस्थल हिथ्रोमा आइपुगेको छ। कलाकारहरूको टोलीको स्वागतका लागि तमुधीं यूकेका नवनिर्वाचित अध्यक्ष जुमकाजी गुरुङ, ल्होछारका प्रमुख संयोजक कमल गुरुङ, संस्थापक अध्यक्ष मिनप्रसाद गुरुङ, ट्रष्टि तथा गैरआवासीय नेपाली संघका सल्लाहकार सूर्य गुरुङ र संघका केन्द्रीय सदस्य दिलराज गुरुङ समेत विमानस्थलमा पुगेर स्वागत गर्नु भयको थियो। तमुधीं यूके बेलायतको सबैभन्दा ठूलो जातीय संस्था हो। यो संस्थाले लण्डनमा हुने ठुलो कार्यक्रम नेपाली मेला, गोर्खा कप फुटवल जस्ता ठुला कार्यक्रम सफलता पुर्वक सम्पन्न गर्दै आएको छ।

यसपाली को world Cup कसले जित्ला?