शीतलपाटीन्युज डटकम। लन्डन । लन्डनमा आइतबार १५ औं नेपाली मेला भव्य रुपमा सम्पन्न भएको छ। नेपाली राजदुताबास लण्डन र तमुधिं यूकेले विगत जस्तै केम्पटन पार्क रेस कोर्समा नेपालीमेलाको आयोजना गरेको हो। महासचिव डा.विशाल गुरुङले सञ्चालन गरेको औपचारिक कार्यक्रममा मेला संयोजक तथा उपाध्यक्ष परशु गुरुङले स्वागत मन्तव्य दिनु भयको थियो।अध्यक्ष हरि गुरुङको अध्यक्षतामा सम्पन्न भयको सो कार्यक्रम अध्यक्ष गुरुड्ग,संस्थापक अध्यक्ष मिनप्रसाद गुरुङ र कार्यक्रम संयोजक तथा उपाध्यक्ष परशु गुरुङले दीप प्रज्वलन गरेर मेला आरम्भ गरीएको थियो।करिब ८ हजार सहभागी भएको सो मेलामा बेलायतका ४० नेपाली संघसंस्थाका मौलिक झांकी र नृत्यले लन्डन नेपालमय बनेको थियो। यस पटक पनि नेपाली मेलाको मुख्य आकर्षण सांस्कृतिक झाँकी नै रह्यो। मेलामा पूर्व मेचीदेखि पश्चिम महाकाली र हिमालदेखि तराईसम्मका विभिन्न जातजाती,भूगोल,धर्म प्रतिनिधित्व गर्दै विभिन्न संघसंस्थाले झांकी प्रस्तुत गरेका थिए। मेलामा सिली साकेला,लाखेनाच,ट्होंटे, सालैजो जस्ता १८ वटा विभिन्न नाच देखाइएको थियो।गायन,नृत्य,राफल ड्र,विभिन्न च्यारिटी,मिठोखाना र जनचेतनामूलक गरि ६५ वटा स्टलमा पनि मेलामा सहभागी थिए। मेलामा राजन गुरुङ,शिवदास गुरुङ,नेसन पुन,आरुषी मगर लगायतका कलाकारहरुले आ–आफ्नो बेजोड प्रस्तुति दिएका थिए। मेलामा झांकी र नृत्य दुवैमा उत्कृष्ट प्रदर्शन गरि पासा पुच गुथि यूकेले एम्बासडर कप तथा एनआरएनए कप जितेको छ भने फष्ट रनर अप किरात याक्थुङ चुम्लुङ यूके भयको छ। त्यसैगरि सेकेन्ड रनर अप र सान्त्वना पुरस्कार क्रमशःकिरात राई यायोख्या यूके र शेर्पा एसोसिएसन यूकेले जितेको छ। प्रेसिडेन्ट च्वाइस अवार्ड किरात राई यायोख्या यूकेले प्राप्त गरेको छ भने उत्कृष्ट झांकी र नृत्य प्रस्तुत गर्ने पासा पुच सुकेले लन्डन दूतावासले प्रायोजन गर्ने ११०० पाउण्डको एम्बासडर कप प्राप्त गरेको छ। रनरअपले ७०० र सेकेन्ड रनरअपले ५०० पाउण्ड,सर्टिफिकेट एवं मेडल पाउन सफल भएको थियो। एम्बासडर कप विजेतालाई एनआरएनए कपसहित ३०० पाउण्ड पनि प्रदान गरिएको थियो। झांकीमा उत्कृष्ट प्रदर्शन गरि पासा पुच गुथि यूके प्रथम बन्यो भने फष्ट रनर अप किरात याक्थुङ चुम्लुङ यूके र सेकेन्ड रनर अप किरात राई यायोख्या यूके भएको थियो। नृत्यमा उत्कृष्ट प्रदर्शन गरि किरात याक्थुङ चुम्लुङ यूके प्रथम बन्यो भने पासा पुच गुथि यूके फष्ट रनर अप र किरात राई यायोख्या
गोकर्ण ढकाल, अध्यक्ष ग्लोबल गोरखा समाज। लण्डन। गोरखाका र गोरखाली दिनदुःखी, असाहाय,अशक्त र बेसहाराहरुको स्वास्थ्य, शिक्षा,आपतकालीन सहयोग र उद्धारको लागी अक्षयकोष स्थापना गर्न शुरु गरिएको अक्षयकोष अभिबृद्धि गर्ने अभियानका लागी गोरखाली समाज युकेको आयोजना तथा ग्लोबल गोरखा समाजको सह-आयोजनामा आयोजित “श्रीमद्भागवत ज्ञान महायज्ञा यूके २०२४” वेद र बौद्ध दर्शन सम्बन्धी प्रवचन कार्यक्रम गोरखालीहरुको बाहुल्य रहेका शहरहरुमा वाचनप्रवीन पण्डित श्री दीनबन्धू पोखरेलज्यूको साथमा बेलायतका विभिन्न शहरहरुमा आयोजित कार्यक्रम सफल पार्न र कार्यक्रममा सरिक हुन आज बेलायत आईपुगेको छु। तपाईहरु सबै सामाजीकभाव बोक्ने गोरखाली तथा ग़ैर-गोरखालीहरुलाई आफ्नो शहर नजीक पायक पर्ने ठाउमा वेद र बौद्ध दर्शनका वाचन श्रवन गर्न हार्दिक निमन्त्रणा गर्दछु। “तपाई हामीले हाम्रो लागी त केही गरेकै छौ। हामी त अब्बल र सबल नै छौ र हाम्रो लागी हामी आफै प्रसस्त छौ तर गरीब,दिनदुःखी,असहाय र बेसहाराको लागी केही अभियानको शुरुवात अब हामीले नगरे कस्ले गर्ने र? अहिले नगरे कहिले गर्ने ?” हामी सामाजीक भावले केही गरौ भन्ने अभियान लिएर बेलायत पस्चात बिश्वका बिभिन्न देशहरुमा यसै प्रकृतीका कार्यक्रम वा गोरखाली कलाकारहरुको समुपस्थितीमा संगितीक कार्यक्रम सहित यो नोभल उदेश्य पुरा गर्न आउदै छौ। सबै देशका गोरखा/गोरखाली समाज,गोरखालीमनहरु र ग़ैर-गोरखालीहरुलाई यस पुण्य कार्यमा हातमा हात र साथमा साथको अब्ह्वान गर्दछौ। साथै यस शुभ कार्य स्थापनाको दिन (गतबर्ष काठमाण्डौको एल्लोपगोडा होटल) मा आयोजित कार्यक्रममा सहयोग गर्नुहुने सम्पुर्ण गोरखाली मनहरु र ग़ैर-आवासीय नेपाली संघका साथीहरुलाई आफ्नो कमिटमेन्ट सहित गोरखालाई सहयोग गर्नु भएकोमा फेरी पनि हार्दिक धन्यवाद दिन चाहान्छु। धन्यवाद। 🙏 “जय गोरखा जय गोरखाली”
शीतलपाटीन्युज डटकम। लन्डन। धार्मिक प्रवचक तथा कथावाचक पण्डित दिनबन्धु पोखरेल बेलायत आइपुगेका छन्। बेलायतका विभिन्न क्षेत्रमा आयोजना हुने विशेष धार्मिक प्रवचन कार्यक्रमका लागि उहा शुक्रबार दिउँसो लन्डन आइ पुगेका हो। लन्डनको हिथ्रो विमानस्थलमा उत्रिंदा पण्डित पोखरेललाई गोर्खाली समाज यूकेका अध्यक्ष हेम गुरुङ,सल्लाहकार गणेश गुरुङ,सचिव राजेन्द्र गुरुङ,गीता ढकाल,गायक रविन लामिछाने र शिव कल्चरल एण्ड कम्युनिटी सेन्टरका पुर्व अध्यक्ष एवम संरक्षक बाचस्पति रेग्मी समेतले स्वागत गरेका थिए। गोर्खाली समाज युके र ग्लोबल गोर्खा समाज अन्तराष्ट्रियको पहलमा उनी बेलायत आएका हुन्। गोर्खाली समाज यूकेका अध्यक्ष हेम गुरुङका अनुसार बेलायतमा रहंदा पण्डित पोखरेलले विभिन्न क्षेत्रस्थित नेपालीहरुमाझ धार्मिक प्रवचन दिनेछन् ।सो अनुसार २८ अगष्टमा स्कटल्यान्डस्थित पशुपतिनाथ मन्दिरमा,३१ अगष्ट र १ सेप्टेम्बर अल्डरसटस्थित शिव कल्चरल एण्ड कम्युनिटी सेन्टरमा तथा २ सेप्टेम्बरमा नटिङहमको हिन्दू मन्दिरमा उहाले प्रवचन दिने कार्यक्रम तय भएको छ। बेलायतमा पण्डित पोखरेलको प्रवचन वेद र बौद्ध दर्शनमा केन्द्रित रहने बताइएको छ। बेलायतमा चार दिनका प्रवचनहरु पूरा गरी ३ सेप्टेबर मै पण्डित पोखरेल नेपाल फर्किने योजना छ।
शीतलपाटीन्युज डटकम। काठमाण्डौ।क्यानडास्थित नेपाली राजदूतावासले निकट भविष्यमै नयाँ शैक्षिकसत्रको सुरुआत हुन लागेकाले अध्ययनका लागि क्यानडा जाने तयारी गरिरहेका नेपाली विद्यार्थीलार्य सुझाव दिएको छ। दूतावासले क्यानडा बसाइ र अध्ययन सहज एवं समस्या रहित बनाउनका लागि विभिन्न सुझाव जारी गर्दै ध्यान पुर्याएर तयारी गर्न अनुरोध गरेको छ । विद्यार्थीका लागि दूतावासबाट यसअघि गत वैशाख १७ मा जारी गरिएको जानकारी मूलक सूचना राम्ररी अध्ययन गरेर मात्र क्यानडाको तयारी गर्न उचित हुने दूतावासले जनाएको छ। आफूले अध्ययन गर्ने कलेज,अध्ययन गर्ने विषय,लाग्ने खर्च,कलेज रहेको सहर आदिबारे पर्याप्त खोजीगरी बुझेर आउँदा कम समस्या व्यहोर्नुपर्ने उल्लेख गर्दै दूतावासले अवास्तविक, अपर्याप्त र अतिरञ्जित प्रचारप्रसारमा मात्र भर गरेर पूर्ण तयारी नगर्दा विद्यार्थीले विविध समस्या व्यहोर्नु परेको यथार्थलाई राम्ररी ध्यान दिन आग्रह गरेको छ। अध्ययनका लागि क्यानडा जानु अघि पूर्वक्यानडामा रहेका आफन्त,इष्टमित्र, साथीहरू,पूर्वविद्यार्थी, विद्यार्थीका सोसल मिडिया नेटवर्क,सम्बन्धित सहरमा रहेका गैरआवासीय नेपाली सङ्घलगायत नेपाली डायस्पोराका सङ्घसंस्थासँग आफू आउन लागेको ठाउँ, पढाइको तौरतरिका,लाग्ने खर्च,आवासको उपलब्धता, रोजगारीका सम्भावना आदि बारे पर्याप्त मात्रामा बुझी जानकारी लिएर आउँदा सहज हुने दूतावासको सुझाव छ। (समयपोष्टबाट साभार)
बर्दो थ्योडोल छेन्मो र मृत्यु संस्कार एक चर्चा - शीतलपाटीन्युज डटकम।
शीतलपाटीन्युज डटकम। लन्डन। बेलायतमा श्रीमदभागवत ज्ञान महायज्ञ हुने भएको छ। आगामी ३१ अगस्ट र १ सेप्टेम्बर २०२४ मा हुने महायज्ञमा वेद र बौद्ध दर्शनबारे ख्यातिप्राप्त वाचन प्रवीण पण्डित दीनबन्धु पोखरेलले प्रवचन दिने कार्यक्रम छ। नेपालको गोरखा जिल्लामा स्वास्थ्य,शिक्षा,आपतकालीन सहयोगका साथै दु:खी, अशक्त र बेसहाराको सहयोगार्थ अक्षयकोष स्थापनाका लागि महायज्ञ हुन लागेको कुरा गोर्खाली समाज यकेका अध्यक्ष हेम कुमार गुरुड्ग र समाजका सल्लाहाकार गणेश गुरुड्गले शीतलपाटीन्युजका सम्पादक बाचस्पति रेग्मीलाई बताउनु भएको छ। कार्यक्रमका लागि फ्लायर तयार गरेर प्रचार प्रसार समेत भै रहेको जानकारी समेत दिनु भयको छ। महायज्ञ अल्डरसटस्थित शिव कल्चरल एण्ड कम्युनिटी सेन्टरमा ३१ अगस्त २०२४ बिहान ११ देखि बेलुका ७ बजेसम्म हुने र २ सेप्टेम्बर २०२४ बिहान १० देखि दिउँसो ३ बजेसम्म नटिंगमस्थित हिन्दू मन्दिरमा गरीने कुरा आयोजक ग्लोबल गोरखा एवम गोर्खाली समाज युकेले जनाएको छ। महायज्ञको आयोजक गोरखाली समाज यूके र सहआयोजक ग्लोबल गोरखा समाज रहेको कुरा जनाईएको छ। पण्डित पोखरेल आध्यात्मिक जगत्का अभियन्ता तथा राष्ट्रिय/अन्तर्राष्ट्रिय रूपमा ख्यातिप्राप्त प्रवचक हुन् भने उनले बेलायतका लागि प्रबेश आज्ञा (भिषा) प्राप्त गरी सकेका छन। उक्त आध्यात्मिक तथा वैज्ञानिक प्रवचनमा सहभागी भएर पुण्यलाभ लिन यूकेवासी भक्तजनमा आयोजक समाजका अध्यक्षहरुले अनुरोध गर्नु भयको समाचार छ। प्रेष बिज्ञप्ती-
शीतलपाटीन्युज डटकम। लन्डन । बेलायतमा श्रीमदभागवत ज्ञान महायज्ञ हुने भएको छ। आगामी ३१ अगस्ट र १ सेप्टेम्बर २०२४ मा हुने महायज्ञमा वेद र बौद्ध दर्शनबारे ख्यातिप्राप्त वाचन प्रवीण पण्डित दीनबन्धु पोखरेलले प्रवचन दिने कार्यक्रम छ। नेपालको गोरखा जिल्लामा स्वास्थ्य,शिक्षा,आपतकालीन सहयोगका साथै दु:खी, अशक्त र बेसहाराको सहयोगार्थ अक्षयकोष स्थापनाका लागि महायज्ञ हुन लागेको कुरा गोर्खाली समाज यकेका अध्यक्ष हेम कुमार गुरुड्ग र समाजका सल्लाहाकार गणेश गुरुड्गले शीतलपाटीन्युजका सम्पादक बाचस्पति रेग्मीलाई बताउनु भएको छ। कार्यक्रमका लागि फ्लायर तयार गरेर प्रचार प्रसार समेत भै रहेको जानकारी समेत दिनु भयको छ। महायज्ञ अल्डरसटस्थित शिव कल्चरल एण्ड कम्युनिटी सेन्टरमा ३१ अगस्त २०२४ बिहान ११ देखि बेलुका ७ बजेसम्म हुने र २ सेप्टेम्बर २०२४ बिहान १० देखि दिउँसो ३ बजेसम्म नटिंगमस्थित हिन्दू मन्दिरमा गरीने कुरा आयोजक ग्लोबल गोरखा एवम गोर्खाली समाज युकेले जनाएको छ। महायज्ञको आयोजक गोरखाली समाज यूके र सहआयोजक ग्लोबल गोरखा समाज रहेको कुरा जनाईएको छ। पण्डित पोखरेल आध्यात्मिक जगत्का अभियन्ता तथा राष्ट्रिय/अन्तर्राष्ट्रिय रूपमा ख्यातिप्राप्त प्रवचक हुन् भने उनले बेलायतका लागि प्रबेश आज्ञा (भिषा) प्राप्त गरी सकेका छन। उक्त आध्यात्मिक तथा वैज्ञानिक प्रवचनमा सहभागी भएर पुण्यलाभ लिन यूकेवासी भक्तजनमा आयोजक समाजका अध्यक्षहरुले अनुरोध गर्नु भयको समाचार छ ।
शीतलपाटीन्युज डटकम। लन्डन। गैरआवासीय नेपाली संघ (एनआरएन) यूकेको सक्रियतामा गैरआवासीय नेपाली नागरिकतासम्बन्धि एक वहस सञ्चालन हुने भएको छ। सोसाइटी अफ नेप्लिज प्रोफेसनल्स यूकेको आयोजना र एनआरएनए यूकेको सहयोगमा यही अगष्ट १७ तारिख आइतबार लन्डनमा गैरआवासीय नेपाली नागरिकता वहस गरिने भएको हो। वुल्लीचस्थित लाइब्रेरी बिल्डिंगको सातौं तलामा मध्यान्ह १२ देखि साँझ ६ बजेसम्म तय कार्यक्रममा नेपाल तथा बेलायतका विषय विज्ञहरुले प्रिजेन्टेसन गर्नेछन्। एनआरएनए यूके महासचिव गोविन्द खरेलका अनुसार कार्यक्रममा सहभागी हुन सर्वोच्च अदालतका न्यायधिस एवम् अधिवक्तासहितका विज्ञ बेलायत आउँदैछन। त्यस्तै, सोसाइटी अफ नेप्लिज प्रोफेसनल्समा अबद्ध विषयविज्ञहरुले पनि कार्यक्रममा प्रिजेन्टेसन गर्नेछन्।सो अवसरमा एनआरएनए यूकेका अध्यक्ष हित काजी गुरुङले पनि नागरिकतासम्बन्धि एनआरएनए अभियान र सोसाइटी अफ नेप्लिज प्रोफेसनल्स् यूकेसंग हुन सक्ने सहकार्यबारे मन्तव्य राख्नेछन्। कार्यक्रम नेपालको संविधानमा भएको गैरआवासीय नेपाली नागरिकतासम्बन्धि व्यवस्थाबाट प्राप्त उपलब्धिहरु,आउन सक्ने समस्याहरु तथा सम्भावित समाधानका उपायसम्बन्धि रिसर्च तथा नतिजा प्रकाशनमा केन्द्रित रहनेछ। एनआरएनए यूके अध्यक्ष हित काजी गुरुङले गैरआवासीय नेपालीहरुको सबैभन्दा ठूलो चासो र चिन्ता रहेकाले नागरिकताको विषयलाई प्राथमिकतासाथ अघि बढाउन लागिएको बताए। नागरिकता बारे बेलायतवासी आम नेपालीलाई सुसूचित गर्ने र नेपालको राजनीतिक नेतृत्वलाई झक्झकाउने कार्यलाई एनआरएनए यूकेले तीव्र रुपमा अगाडि बढाउने अध्यक्ष गुरुङले बताए। कार्यक्रममा उपस्थित भएर नागरिकता वहसमा सहभागी हुन आयोजक सोसाइटी अफ नेप्लिज प्रोफेसनल्स यूके र एनआरएनए यूकेले इच्छुक बेलायतवासी नेपालीहरुलाई आव्हान गरेका छन्। कार्यक्रममा उपस्थित हुन नसक्नेहरुले इमेलमार्फत् आफ्ना जिज्ञासा वा धारणा पठाउन सक्ने र तीनलाई कार्यक्रममा यथोचित स्थान दिइने एनआरएनए यूकेले जनाएको छ।
शीतलपाटीन्युज डटकम। लन्डन। गैरआवासीय नेपाली संघका अध्यक्ष डा.बद्री केसी बेलायत आउने भएका छन्। डा.केसी बेलायतबाट सञ्चालित नेपालब्रिटेन डट कमको आगामी सेप्टेम्वर १ तारिख आइतबार आयोजना हुने १७ औं वार्षिकोत्सव समारोहमा भाग लिन लण्डन आउन लागेका हुन्। गैरआवासीय नेपाली संघका सहकोषाध्यक्ष कृष्ण तिमल्सीनाका अनुसार डा. केसी २४ अगष्ट शनिवार लण्डनस्थित हित्रो विमानस्थलमा उत्रिने तयारी गरेका छन्। उनी अगष्ट २५ तारिख आइतवार तमुधीं यूकेको आयोजनामा हुने नेपाली मेलामा सहभागी हुने भएका छन्। यस्तै,अगष्ट २६ तारिख सोमवार गैरआवासीय नेपाली संघ यूकेले उनको सम्मानमा एक कार्यक्रमको आयोजना गर्ने संघका अध्यक्ष हितकाजी गुरुङले जानकारी दिए। सो कार्यक्रममा अल्डरशट स्थित एम्पाएर हलमा आयोजना गर्ने तयारी भएको छ। सन् २००७ को जुन महिनादेखि अनलाइन सेवा सञ्चालनमा आएको समाचार पोर्टलले १७ औं वार्षिकोत्सव मनाउने तयारी गरेको हो। नेपालब्रिटेन डटकमका संस्थापक अध्यक्ष चिरन्जीबी ढकालका अनुसार स्ट्यान्स्स्थित स्ट्यावेल कम्यूनिटीमा आयोजना हुने सो समारोहमा बेलायतमा सक्रिय १० सामाजिक व्यक्तित्वहरुलाई सम्मान गर्ने तयारी गरिएको छ। अनलाइनले हरेक वर्षमा बेलायतमा रहेर विभिन्न सामाजिक क्षेत्रमा सक्रिय चर्चित व्यक्तिहरुको सूची सार्वजनिक गर्दै आएको छ । गत वर्षहरुमा जस्तै नेपाली समुदायसँग वार्षिकोत्सव मनाउने तयारी गरिएको ढकालले बताए। सो अवसरमा कार्यक्रममा एमाले पूर्व सांसद तथा केन्द्रीय सदस्य डा.सूर्य पाठक,गण्डकी प्रदेश सांसद डिल्ली राम सुवेदी,नेपाली दूतावास लन्डन, स्थानीय सबै सामाजिक संघसंस्था,पत्रकारहरु, बुद्धिजीवी लगायतको उपस्थितिमा नेपालबाट आएका कलाकारहरुले विभिन्न सांस्कृतिक कार्यक्रमको प्रस्तुति दिने भएका छन्। नेपालब्रिटेन डट कमका सम्पादक चिरन शर्माले गत वर्षहरुमा जस्तै यो वर्ष पनि बेलायतमा चर्चित दश नेपालीलाई सम्मान गरिने जानकारी दिए। उनले बेलायतस्थित नेपाली समुदायको सिफारिसमा चर्चित १० जनाको नाम चयनको प्रकृया अघि बढेको बताए। यस वर्ष बेलायतमा सक्रिय एक सामाजिक संस्थालाई समेत सम्मान गर्ने तयारी गरिएको उनले जानकारी दिए। कार्यक्रममा नेपालका प्रमुख राजनीतिक दल नेपाली कांग्रेस,नेकपा एमाले,माओवादी केन्द्र र राष्ट्रिय स्वतन्त्र पार्टीका केन्द्रीय नेताहरुको समेत उपस्थिति रहने अपेक्षा गरिएको छ।
प्रकास अर्याल, स्कटल्याण्ड। समाजसेवी तथा एनआरएनए अभियन्ता मोहन कार्कीद्वारा स्कटल्याण्डको फलक्रिकमा सञ्चालित मेक्सिकन टेक्समेक्सबार एण्ड ग्रिलले बेस्ट रेस्टुरेन्ट अवार्ड प्राप्त गरेको छ। स्कटल्याण्ड बिजनेस अवार्ड अन्तर्गत स्टरलिंग र फलक्रिक क्षेत्रको रेस्टुरेन्टहरु मध्य बेस्ट रेस्टुरेन्ट अवार्ड प्रदान गरिएको थियो।२०२४ मा दोस्रो पटक उक्त रेस्टुरेन्टले बेस्ट रेस्टुरेन्ट अवार्ड पाएको छ। यहि मार्च २०२४ मा ओसीएनिक अवार्डसद्वारा आयोजना गरिएको द स्कटिस रेस्टुरेन्ट अवार्ड २०२४ मा मेक्सिकन टेक्समेक्स बार एण्ड ग्रिललाई बेस्ट मेक्सिकन रेस्टुरेन्ट अवार्ड प्रदान गरिएको थियो। एनआरएनए स्कटल्याण्डका संस्थापक अध्यक्ष तथा एनआरएनए युकेको दुई कार्यकाल उपाध्यक्ष समेत रहनु भएका कार्कीले नेपालमा भूकम्प जाँदा धेरै सहयोग गर्नु भएको थियो। साथै कोभिडको महामारीमा नेपाल र स्कटल्याण्डमा सहयोगको अभियान संचालन गर्नु भएको थियो। हाल एनआरएनएमा कुनै पदमा नरहनु भएपछि र आफ्नो ब्यबसायमा खटिनु भएपछि अवार्डहरु प्राप्त गर्न थालेको छ। सन् २०१७ मा स्थापना गरिएको उक्त मेक्सिकन रेस्टुरेन्टमा सबै परिकारहरु ताजा मेड टु अडर बनाइने र कुनै फ्रोजन सामग्री प्रयोग नगरिने सञ्चालक समाजसेवी कार्कीले बताउनु भयो।गुणस्तरीय सेवा र ग्राहकको सन्तुष्टिको कारणले नै उक्त अवार्ड प्राप्त गरेको कार्कीले बताउनु भयो। एनआरएनए स्कटल्याण्डका संस्थापक अध्यक्ष तथा एनआरएनए युकेका निवर्तमान उपाध्यक्ष समेत रहनु भएका कार्कीले फोर्थ भ्याली कम्युनिटीमा आफ्नो रेस्टुरेन्ट लोकप्रिय रहेको बताउनुभयो। कार्कीको यस बाहेक फलक्रिकमा सुसी रेस्टुरेन्ट तथा प्रोपर्टी बिजनेस पनि रहेको छ। कार्कीको यो चौथौ रेस्टुरेन्ट हो भने निकट भविष्यमा पब बिजनेसमा लगानी गर्दै हुनुहुन्छ। स्कटल्याण्डको पहिलो नेपाली पब सञ्चालन गर्ने समेत तयारीमा समेत उहाँ रहनुभएको छ।फास्टफुड बिजनेसमा २२ वर्षदेखि कार्यरत कार्कीले यस अघि मध्यपूर्वमा तथा अमेरिकाको मियामीमा उत्कृष्ट म्यानेजरको रुपमा समेत अवार्ड प्राप्त गर्नु भएको थियो।
शीतलपाटीन्युज डटकम। लन्डन- बेलायतका विभिन्न क्षेत्रमा बस्ने बाग्लुङ बिहुकोटेहरुको सामाजीक संस्थामा नयाँ नेतृत्व चयन भएको छ। सोमबार बेलायतको ग्रान्थममा सम्पन्न बिहुकोट हेल्प नेटवर्क यूकेको पाँचौं महाधिवेशन तथा दशौं वार्षिक भेलाले शिव कंडेलको अध्यक्षतामा नयाँ कार्यसमिति निर्विरोध निर्वाचित गरेको छ। १३ सदस्यीय नवनिर्वाचित कार्यसमितिमा वरिष्ठ उपाध्यक्ष लिलाराम निउरे, उपाध्यक्ष केशव कंडेल र रामप्रसाद कंडेल चयन भएका छन भने महासचिवमी राजु कंडेल छन्। साथै सचिवमा मुक्ति कंडेल,कोषाध्यक्षमा यमलाल कंडेल तथा सदस्यहरुमा गंगाधर कंडेल,धनकुमारी निउरे,सागर कंडेल,राजेन्द्र कंडेल,सुशिल कंडेल र सिता कंडेल चुनिएका छन्। अधिबेसनमा सम्बोधन गर्दै प्रमुख अतिथि अमर उच्च माविका निवर्तमान प्रधानाध्यापक हरिप्रसाद कंडेलले बेलायतमा बसोबास गर्ने बिहुकोटेहरुको योगदानको उच्च मुल्यांकन गर्नु भयको थियो। उहाले सधैभर एकजुट भएर समाज सेवामा लाग्न बेलायतवासी बिहुकोटेहरुलाई आग्रह पनि गर्नु भयको थियो।सभालाई सम्बोधन गर्दै नेटवर्कका संस्थापक अध्यक्ष, सल्लाहकार तथा निर्वाचन समितिका संयोजक दयानिधि सापकोटाले नवनिर्वाचित कार्यसमितिले विश्वव्यापी रुपमा फैलिएको बिहुकोटेहरुलाई एकजुट बनाउन भूमिका निर्वाह गर्ने विश्वास व्यक्त गर्नु भयको । कार्यक्रममा बिहुकोट समाज जापानका पूर्व अध्यक्ष अशोक शर्मा गोपाल,ग्रान्थम नेपाली समाजका कमल भण्डारी, शान्ति नेपाली समाजका प्रवक्ता डिएन खराल,पूर्व सल्लाहकार फुल प्रसाद कंडेलले शुभकामना मन्तव्य राख्नु भयको थियो। सो अधिबेसनका अवसरमा समुदायलाई विशेष योगदान पुर्याउने संस्थापक अध्यक्ष दयानिधि सापकोटा,पूर्व अध्यक्ष प्रेम कंडेल,प्रमुख अतिथि प्राचार्य हरिप्रसाद कंडेल,एकाउन्टेट प्रकाश भट्टराई,बिहुकोट समाज जापानका पूर्व अध्यक्ष अशोक शर्मा लगायतलाई बिहुकोटे समाजले सम्मान गरेको थियो। नेटवर्कका अध्यक्ष गंगाप्रसाद कंडेलको अध्यक्षतामा सम्पन्न कार्यक्रममा शिव कंडेलले स्वागत गरेका थिए भने महासचिव कुलपति न्यौपानेले बार्षिक प्रतिवेदन तथा कोषाध्यक्ष रमेश कंडेलले आर्थिक प्रतिवेदन पेश गरेका थिए। कार्यक्रममा शान्ति नेपाली समाजका पन्चेबाजा र कलाकार सुशिला गौतमको बेजोड सांगीतिक प्रस्तुतिबाट मनोरञ्जन गरिएको कार्यक्रम संयोजक छबिलाल कंडेलले जानकारी गराएका थिए। बेलायतको च्यारिटी कमीसनमा दर्ता भएर २०१४ मा स्थापित बिहुकोट हेल्प नेटवर्क यूके सामाजिक कार्यमा सक्रिय रहंदै आएको छ।
शीतलपाटीन्युज डटकम। लन्डन। बेलायतका विभिन्न शहरमा केही दिनदेखि प्रदर्शन तथा हुलदंगा चलिरहेको छ। यस्तो हुलदंगा भएको स्थानको भ्रमण नगर्न तथा प्रदर्शनमा सहभागी नहुन बेलायतमा रहेका एवं बेलायत भ्रमण गर्न लागेका नेपाली नागरिकलाई लन्डनस्थित नेपाली दूतावासले अनुरोध गरेको छ। बेलायतको वर्तमान परिस्थितिलाई नेपाली राजदूतावासले नजिकबाट नियाली रहेको समेत जनाएको छ। यस्तो अवस्थामा सम्पूर्ण नेपाली नागरिकहरूलाई आवश्यक सुरक्षा सतर्कता अपनाउन एवं स्थानीय सञ्चारमाध्यम तथा सुरक्षा निकायले जारी गरेको सूचनाहरू ध्यानपूर्वक पालना गर्न अनुरोध गरिन्छ,राजदूतावासले मंगलबार विज्ञप्ति जारी गर्दै भनेको छ। साथै,बेलायतस्थित नेपाली संघ संगठनलाई आफ्नो संस्था/समुदाय मार्फत नेपाली नागरिकहरूलाई सुरक्षा सतर्कता अपनाउने सम्बन्धमा जानकारी गराउन एवं समन्वय गर्न समेत राजदूतावासले अनुरोध गरेको छ । आपत्कालीन अवस्थामा राजदूतावासमा सम्पर्क गर्न पनि विज्ञप्तिमार्फत अनुरोध गरिएको छ। राजदूतावासलाई देहायबमोजिम सम्पर्क गर्न सकिनेछ। Embassy of Nepal 12A Kensington Palace Gardens, London, W8 4QU Email: [email protected], [email protected] Phone: +44 (0) 20 7229 1594, +447404939274 प्रेष बिज्ञप्ति-
शीतलपाटीन्युज डटकम। २२ साउन, काठमाडौं । नेपाल प्रहरीका ४ जना प्रहरी अतिरिक्त महानिरीक्षकको सरुवा भएको समाचार छ। मंगलबार बसेको मन्त्रिपरिषद बैठकले केन्द्रीय अनुसन्धान ब्यूरो (सीआईबी) मा दीपक थापा,उपत्यका प्रहरी कार्यालयमा किरण बज्राचार्य, प्रदेश समन्वय विभागमा श्यामलाल ज्ञवाली र कार्य विभागमा रामदत्त जोशीलाई सरुवा गरेको कुरा जानकारी प्राप्त भयको छ। यसअघि ज्ञवाली सीआईबी प्रमुख थिए भने थापा उपत्यका प्रहरी कार्यालयमा थिए। बज्राचार्य प्रहरी प्रधान कार्यालयमा थिइन् भने जोशी हालै बढुवा भएका हुन् ।
शीतलपाटीन्युज डटकम। लण्डन।घान्द्रुक समाज युकेले यहि ३ अगष्ट २०२४ शनिबारको दिन फार्नबोरो स्थित साम्युल कोडी स्कूलको हलमा आफ्नो १६ औ वार्षिक समर भेटघाट कार्यक्रम धुमधामका साथ मनाएको छ। ३ चरणमा कार्यक्रमको पहिलो चरणको औपचारिक कार्यक्रम घान्द्रुक समाजको अध्यक्ष श्री देब बहादुर गुरुङको अध्यक्षतामा आमन्त्रित विभिन्न संघ संस्थाबाट सहभागी हुन आउनु हुने अतिथिगण र भद्रभलादमीहरुलाई आसन ग्रहण गराएको थियो। सो पश्चात नेपालको र संयुक्त राज्य बेलायतको राष्ट्रिय धून बजाए पछि यो वर्षमा दिवङ्गत हुनु भएका गाउँलेहरुको मृतात्माहरुको चीर शान्तिको कामना गर्दै एक मिनेट मौन धारण गराएर शुभारम्भ गरेका थिए। शुभारम्भ गर्नु अघि घान्द्रुकको आस्थाको केन्द्र शक्तिपीठ श्री मेश्रम बराहलाई पुजारी पच्यू त्रेय देव बहादुर गुरुङ आफै, कृष्ण गुरुङ र बुद्धि ल्हो गुरुङले पूजा पाठ गराए। पूजा पश्चात सबैले प्रसाद ग्रहण गरेपछि कार्यक्रम शुरू गरेका थिए। आमन्त्रित अतिथिहरुमा तमुहरुको छाता संगठन तमु धी युकेको अध्यक्ष हरि गुरुङ दम्पती,तमु प्ये ल्हु संघ युकेको प्रतिनिधि महासचिव श्री वेगलाल गुरुङ दम्पती,तमु समाज युकेको अध्यक्ष श्रीमति बिन्दु घले दम्पती,गोर्खा मिडिया प्रबन्ध निर्देशक तथा प्रधान सम्पादक श्री मिलन तमु र शितल पाटी ई पत्रिकाको प्रबन्ध निर्देशक तथा प्रधान सम्पादक श्री वाचस्पति रेग्मी आदि थिए। विधिवत रूपमा अतिथिहरुलाई आसन ग्रहण गराए पछि र पूजाआजा गराए पश्चात उपाध्यक्ष श्री कृष्ण गुरुङले स्वागत मन्तब्य राख्नको साथै हेल्थ एण्ड सेफ्टी बारे जानकारी गराएका थिए। त्यसपश्चात आमन्त्रित अतिथिहरुमा यो वर्ष तमु प्ये ल्हु संघ युके र तमु समाज युकेको नव निर्वाचित पदाधिकारी अतिथिहरु वेगलाल गुरुङ दम्पती र तमु समाज युकेका नव निर्वाचित अध्यक्ष श्रीमति बिन्दु घले दम्पतिलाई खादा, भाँग्रा तथा पछ्यौराले बधाई दिनको साथै स्वागत तथा सम्मान गर्यो भने बाँकी अतिथिहरुलाई खादाले सम्मान गरेको थियो। पहिलो औपचारिक कार्यक्रमको दौरानमा यो वर्ष समाजको सदस्यहरूको नानी बाबुहरु जसले विभिन्न विधाहरूमा विभिन्न विश्व विद्यालयहरुबाट ब्याचलर, मास्टर्स डिग्री र विशेष डिग्री हासिल गरेका ७ जना नानीहरूलाई पनि सम्मान गरेका थिए। जसमा हितकाजी गुरुङ सुपुत्री सुश्री सामिन गुरुङ, कुल बहादुर गुरुङ सुपुत्री श्रीमति ममता गुरुङ, याम गुरुङ सुपुत्र रिचल गुरुङ, राज बहादुर
शीतलपाटीन्युज डटकम। लण्डन।बंगलादेशी प्रधानमन्त्री शेख हसिनाले राजीनामा दिएर देश छाडेकी छिन्। हसिना चढेको हेलिकोप्टोर भारतीय शहर अगरतलातर्फ उडेको बिबिसी बंगाललाई उदृत गर्दै बिबिसीले जनाएको छ। सरकारी जागिरमा आरक्षण (कोटा) प्रणालीको विरोधमा विद्यार्थी समूहले सुरू गरेको आन्दोलन थप हिंसात्मक बनेपछि हसिनाले देश छाडेकी हुन्।
शीतलपाटीन्युज डटकम। काठमाडौं- सरकारले बेलायतका लागि नेपाली राजदूतमा पूर्व सचिव चन्द्र घिमिरेलाई सिफारिस गरेको छ। सोमबार बसेको मन्त्रिपरिषद बैठकले बेलायतका लागि घिमिरे,अमेरिकामा लोकदर्शन रेग्मी,दक्षिण कोरियामा शिवमाया तुम्बाहाङ्फे र मलेसियामा डा.नेत्र तिमल्सिना सिफारिस गरेको जनाइएको छ।भारतका लागि नेपाली राजदूतमा भने शंकर शर्मालाई नै निरन्तरता दिने निर्णय भएको छ। उता सरकारले चीनका लागि नेपाली राजदूत विष्णुपुकार श्रेष्ठलाई फिर्ता बोलाएको छ। श्रेष्ठलाई फिर्ता बोलाएर उनको ठाउँमा कृष्णप्रसाद ओलीलाई सिफारिस गरिएको हो।माओवादी केन्द्र निकट श्रेष्ठ कांग्रेस सभापति शेरबहादुर देउवा प्रधानमन्त्री हुँदा राजदूत नियुक्त भएका थिए।
शीतलपाटीन्युज डटकम। रेडिड्ग, युके। मृत्यु पश्चात गरिने आफ्नो जातिय संस्कारलाई एकरुपतामा ल्याउनलाई बुद्दिस्ट गुम्बा रिडिङ् यूकेले २८ जुलाई २०२४ मा प्रेषमीटको आयोजना गर्यो। गुम्बाका अध्यक्ष खेम गुरुड्गको अध्यक्षतामा भएको उक्त कार्यक्रम गुम्बाका महासचिव कमल गुरुड्गले गुम्पबाको दाधिकारीहरुको परिचय गराउदै कार्यक्रम संचालन गर्नु भएको थियो भने प्रेषमीटमा गुम्बाका उपाध्यक्ष कृष्ण गुरुड्ले स्वागत भाषण गर्नु भयको थियो। बेलायतमा १८ अगस्टमा मृत्युपर्यन्त बौद्ध विधि संस्कारसम्बन्धी च्योद पूजा एम्पायर हलमा हुने र अल्डरशटको एम्पायर हलमा हुने पुजामा गुम्बाको गुरु खेन् रेन्पोछे शिर लामाज्यूबाट धर्मदेशणा कार्यक्रममा प्रबचन हुने भएको छ। सन २००७ पछि ब्रिटिश सरकारले गोर्खाहरुलाई रिटायर पश्चात स-परिवार बेलायत बस्न पाउने नियम तथा अवसर दिए पश्चात नेपालीहरुको बसोबाश बाक्लिदै गएको छ र उमेर सङ्गै जिवनको अन्तिम महोत्सब मृत्यु पनि हुने गरेको कुरा लामाले उद्रित गर्दै नेपाल र बेलायतको भौगोलिक,सस्कार संस्कृति र जीवन शैली बेग्लै भएकोले कतिपय अवस्थामा के गर्ने भन्ने अन्योल समेत उत्पन्न हुने भएकोले बुद्दिस्ट गुम्बा रिडिङ् यूकेले यस सम्बन्धी बिषयमा विशेष धर्मदेषणा गर्न लागेको हो। प्रवेश शुल्क प्रतिब्यक्ति £२० रहेको उक्त कार्यक्रम बिहान ११ बजे बाट शुरु भएर साझ ५ बजे सम्म चल्ने छ।प्रवचन समाप्त भए पश्चात समुर्ण धर्मवलम्बीहरुको लागि ग्रह शान्तिको पूजा पनि गर्ने आयोजकले जानकारी दिएका छन।उक्त गुम्बाका गुरु लामा एसोसियन नेपालका अध्यक्ष हुन र लुम्बिनी बुद्ध धर्म बिस्तार, प्रचार प्रसारका एक संयोजक पनि हुन। यसै गरी बुद्दिस्ट गुम्बा रिडिङ् यूकेको आयोजनामा बुद्दिस्ट गुम्बा रिडिङ्मा सेप्टेम्बर २ देखी ८ तारिख सम्म ७ दिन भगवान बुद्धको (प्रज्ञा पारा बिद्या,गरुड पुराण) १६ ठेली ग्रन्थहरुको व्याख्या गर्ने कार्यक्रम बौध्द गुम्बा रेडिड्गमा नै आयोजना गरीने समाचार छ। समस्त भक्तजनहरुबाट यस कार्यको लागि प्रायोजन खोजिरहेको र यसबाट बचेको रकम गरीब दु:खीहरुलाई प्रदान गर्ने जानकारी गराईएको छ।यो सम्पूर्ण कार्यक्रमको अरु जानकारिको लागि गूगलमा Budhista gumbaa Reading सर्च गरेर फोन संपर्क गरी बुझ्न सकिने छ। साथै प्रेषमीटमा भर्खरै निर्वाचित पत्रकार महासंघ युकेको अध्यक्ष बिमला सेनी, बरीष्ठ उपाध्यक्ष नरेन्द्र बस्नेत, कोषाध्यक्ष एसके गुरुड्ग,सहकोषाध्यक्ष सुरेन्द्र इगनाम , सदस्यहरु मीलन तमु गुरुड्ग,नरेन्द्र नेवाड्ग र बाचस्पति रेग्मीलाई सम्मान गरीएको थियो।
शीतलपाटीन्युज डटकम। काठमाडौँ । सरकारले नयाँ मुख्यसचिव नियुक्त गरेको छ। बिहीबार बसेको मन्त्रिपरिषद बैठकले लीलादेवी गड्तौलालाई मुख्य सचिव नियुक्त गरेको हो। सरकारको यो निर्णयसँगै गड्तौला नेपालको पहिलो महिला मुख्यसचिव बनेकी हुन्।उनलाई यसअघि प्रचण्ड नेतृत्वको सरकारले कामु मुख्यसचिव बनाएको थियो। यसअघि उनी प्रधानमन्त्री कार्यालयको सिनियर सचिव भएका कारण कामु मुख्यसचिवको जिम्मेवारी दिइएको थियो। उनी कानुन सेवाबाट सचिव भएकी थिइन्। (रातो पाटीबाट)
शीतलपाटीन्युज डटकम। लण्डन। क्षेत्री समाज युकेले हरेक बर्ष मनाउदै आएको वार्षिक कार्यक्रमको तयारी अन्तिम चरणमा पुगेको कुरा अध्यक्ष श्रध्दा थापाले बताउनु भयको छ। अध्यक्ष थापाका अनुसार यसपटकको वार्षिक भेटघाट २७ जुलाई शनिबार अल्डरसटस्थित एम्पाएर हलमा हुने भएको छ। नयाँ पुस्तालाई पनि नेपाली कला संस्कृति र परम्पराबारे जानकारी गराउन एवं निरन्तरता दिलाउन प्रेरित गर्ने उद्देश्यले वार्षिक भेटघाट गरिंदै आएको कुरा समाजकी अध्यक्ष श्रद्धा थापाले शीतलपाटीन्युजलाई बताउनु भएको छ।यो बार्षिक भेटघाट कार्यक्रम क्षेत्री समाज युकेको आयोजनामा भएपनि सम्पूर्ण बेलायतवासी नेपालीहरुलाई सहभागी हुन उहाले आग्रह गर्नु भयको छ। विगत जस्तै यसपटक पनि विभिन्न किसिमका मनोरन्जनात्मक कार्यक्रम राखिएको,लोकदोहोरी कलाकारहरु चोलेन्द्र पौडेल,सिर्जना खत्री र सुशीला गौतमले सांगीतिक प्रस्तुति दिने गरी ब्यवस्था गरीएको छ। कार्यक्रममा स्कुल कलेज तथा युनिभर्सिटिमा राम्रो नतिजा ल्याउने र समाजमा उत्कृष्ट योगदान पुर्याउनेहरुलाई प्रेरणा र हौसलास्वरूप सम्मान गरिने योजना पनि रहेको छ। ‘राफल ड्र’ का लागि सुनका आकर्षक गहनालगायत विभिन्न सामग्री राखिने भएको छ। सो राफल ड्र का लागि मनका धनी एवम शुभ चिन्तकहरुले प्रायोजन समेत गर्नु भयको खुलाईएको छ। कार्यक्रम संयोजक मेजर चक्र खत्री रहेको समाजको बार्षिक कार्यक्रममा सान्भी ज्वेलर्स यूके,दिदीबहिनी समूह तथा व्यक्तिहरु लगायत निम्न स्पोन्सरहरुले पुरष्कारको सामाग्री उपलब्ध गराउनु भयको छ। स्पोन्सरहरु- Raffle Draw Prize list- 1.Gold jewellery 2.Sanvi jewellers kukuri 3.Mr Deepak shrestha Buddha foundation,Hot air Ballon flight Ticket for couple . 4.Pom’s penthouse pokhara nepal 2 BHK for 2 Night valid Ticket for 6 Month 5.Didibaini Samuha UK Saari,Kurtha gift. 6.Gift hamper from Mr prajwol kc comet 2 Drycleaner Eltham. 7.Mr Chakra Khatri - A bottle of Whiskey 8.Sharada kunwar- Rice cooker 9.Mrs Sangita Thapa,Elegant Hair & beauty products 10.Mr Prajesh shrestha,Kings gates gift Voucher कार्यक्रम- मिती- २७ जुलाई २०२४, शनिबार समय- १२:०० देखि २३:०० बजे सम्म। स्थान- एम्पायर हल,अल्डरसट। Post Code -GU11 1 DJ
