पुर्ण गुरुड्ग, लण्डन। बुद्धिष्ट कम्युनिटी सेन्टर (बीसीसी) युकेले विविध धार्मिक कार्यक्रमकासाथ तमू (गुरुङ) हरुको महान पर्व तमू ल्होछार मनाएको छ। गत सोमबार ३० डिसेम्बर २०२४ अर्थात् २०८१ पौष १५ का दिन अल्डरसटस्थित बीसीसी गुम्बामा मनाइएको हो। नेपालबाट आमान्त्रित धर्मगुरु लामा गुप्ती गुरुङको बिशेष उपस्थितिमा आयोजना गरिएको कार्यक्रममा दिप प्रज्ज्वलन,घ्यासी (ग्रह शान्ति),आयु,साङ्ग,छोग, घनचक्र पूजा गरिएको थियो। कार्यक्रममा बीसीसी युकेका अध्यक्ष हर्क बहादुर गुरुङले तमूहरुको मौलिक पर्व ल्होछारको पावन अवसरमा सबै प्राणी जगतमा सुख, शान्ति, समृद्धि, दीर्घायू एवं सुस्वास्थ्यको कामनासहित शुभकामना व्यक्त गर्दै सबैलाई स्वागत गरेका थिए। त्यस्तै, आमान्त्रित लामा गुप्ती गुरुङ, खेन्पो छेवाङ्ग,बीसीसी यूकेका खेन्पो शेनाङ्ग, लोपेन नोर्बु, लामा हर्कजंग घले, लामा प्रदीप गुरुङलगायत धर्मगुरुहरुले विभिन्न धार्मिक पूजापाठहरु गरेका थिए। साथै, गुप्ती लामा गुरुले ल्होछारबारे धार्मिक प्रवचन दिएका थिए भने तमू धीं युकेका नवनिर्वाचित अध्यक्ष जुमकाजी गुरुङले ल्होछारको शुभकामना मन्तब्य दिएका थिए। विश्वभर रहेका गुरुङहरुले प्रत्येक पौष १५ गते हुने ल्हो अर्थात् बर्ग परिवर्तनलाई बिशेष महत्वका साथ लिने गर्दछ। सोही अनुरुप यसबर्ष विश्वभर रहेका गुरुङहरुले गिद्ध बर्गलाई बिदाई गर्दै सर्प बर्गलाई स्वागत गरिएको हो । सो अवसरमा बीसीसी युके अध्यक्ष हर्क बहादुर गुरुङ तथा आमा प्रमुख जगना गुरुङ, तमूधिं युकेका अध्यक्ष हरि गुरुङ,नवनिर्वाचित अध्यक्ष जुमकाजी गुरुङ,पूर्व अध्यक्षहरु हित काजी गुरुङ, ज्ञाम गुरुङ,रामचन्द्र सुर्जे गुरुङ, तमू फोरम युकेका अध्यक्ष क्या.राजु गुरुङलगायत आमाहरु, सल्लाहकारहरुको बिशेष उपस्थितिमा गुम्बा परिसरभित्र नयाँ लुंदा फेरेका थिए। कार्यक्रममा एनआरएनए युकेका अध्यक्ष हित काजी गुरुङ,शेर्पा एशोसिएशन युकेका अध्यक्ष रिन्जी शेर्पा, शिव कल्चरल एण्ड कम्युनिटी सेन्टर युकेका अध्यक्ष बिक्रम भट्टराई,मगर संघ युके,सीसी लण्डन ब्रान्चका अध्यक्ष गोपाल तामाङ्ग,बीसीसी युकेका ट्रष्टी मेम्बर्सलगायत करीब १००० जनाको उपस्थिति रहेको बीसीसी यूकेका उपाध्यक्ष एवं कार्यक्रम संयोजक क्याप्टेन क्याप्टेन देब घलेले जानकारी दिए। उक्त कार्यक्रमलाई सफल बनाउनका लागि बीसीसी युकेका सिंगो कार्यसमिति,आमाहरु,सल्लाहकारहरुका साथसाथै ट्रष्टी मेम्बर्सहरुले बिशेष भूमिका खेलेका थिए। त्यस्तै,विभिन्न सहभागी भक्तजनहरुले भोजनदान, जिन्सी दान तथा दीप प्रज्ज्वलन गरेका थिए। बीसीसी युकेका अध्यक्ष हर्क बहादुर गुरुङको अध्यक्षतामा सम्पन्न भएको कार्यक्रममा बीसीसी युके उपाध्यक्ष एवं कार्यक्रम संयोजक क्याप्टेन देब घलेले सहभागी
GNNNEWS- लन्डन - नयाँ वर्ष २०२५ को अवसरमा साझा नेपाली समाजले शुभकामना आदानप्रदान गरेको छ। सोमबार बिहान भर्चुएल माध्यमबाट आयोजित कार्यक्रममा बोल्दै विभिन्न संघ संस्थाका पदाधिकारीहरुले शुभकामना दिएका थिए। समाजका ट्रष्टी तथा एनआरएन अभियन्ता दयानिधि सापकोटाले समाजले स्थापना कालदेखि नै सदस्यहरुको हकहितका साथै नेपालमा आपदविपद पर्दा सक्दो सहयोग गर्दै आएको स्मरण गरे। उनले समाज सेवामा लाग्दा थुप्रै वाधा व्यवधान व्यहोर्नु परे पनि त्यसबाट प्राप्त हुने सन्तुष्टिले सामाजिक काममा लागि रहन उत्प्रेरित गर्ने बताए। समाजका अध्यक्ष दिपक सापकोटा विशेष कारणले कार्यक्रममा उपस्थित हुननसकेकोले कार्यक्रमको सभापतित्व साझा नेपाली समाजका उपाध्यक्ष शिव खरालले गरेका थिए। कार्यक्रमको सभापतित्व गरेका खरालले सामाजिक एकता कायम रहोस्, सद्भाव कायम रहोस्, नयाँ साल सुखद रहोस्, दुख कष्ट केही नपरोस भन्ने शुभकामना दिए। उक्त अवसरमा समाजका ट्रष्टी संयोजक महेश अधिकारी,ट्रष्टिहरु कृष्ण प्रसाद शर्मा, गोमा पौडेल,नारायण फुयाल,पुर्व अध्यक्ष गङ्गा गौतम, शान्ति नेपाली समाजका अध्यक्ष राम प्रसाद न्यौपाने, निवर्तमान अध्यक्ष प्रविण खराल, समाजका उपाध्यक्ष, शम्भु अर्याल, कार्यसमिति सदस्यहरु सुदर्शन पराजुली, दिनेश ढकाल, गोविन्द सापकोटा, दिपक पौडेल, पत्रकार भगीरथ योगी लगायतले लगायतले शुभकामना दिए। यसै गरी हाम्रो नेपाली समाज वेष्ट मिडल्यांड्सका अध्यक्ष भीम शर्मा, ग्रान्थम नेपाली समाजका अध्यक्ष किशोर लामीछाने, श्रृजनशिल नेपाल समाज लेस्टरका अध्यक्ष पुण्डरी प्रसाद अर्याल,नटिङगहम नेपाली समाजका महासचिव वीरेन्द्र खड्का लगायतले बेलायतमा बसोबास गर्ने नेपालीहरुको हितमा सहकार्य गर्न र संगै अगाडी बढ्न आफुहरु तयार रहेको बताए । हाल बेलायत बाहिर रहेका समाजका पूर्व अध्यक्ष रणबहादुर खाती क्षेत्रीले शुभकामना संदेश पठाएका थिए। कार्यक्रमको संचालन समाजका महासचिव शशांक शर्माले गरेका थिए।
शीतलपाटीन्युज डटकम। लण्डन। नेपाली कांग्रेसका नेता डा.शेखर कोइरालाले संयुक्त अधिराज्य बेलायतको संसद्मा सम्बोधन गर्ने भएका छन्। उनले यही १३ जनवरी २०२५ का दिन संसद् भवनभित्र आयोजना गरिने एक विशेष कार्यक्रममा सम्बोधन गर्ने उनको निजी सचिवालयले जनाएको छ। उक्त कार्यक्रममा बेलायतका एशिया मामिला हेर्ने विदेश राज्यमन्त्री,उद्योग,व्यापार तथा वाणिज्यमन्त्रीका साथै बेलायती सांसदहरूको उपस्थिति रहनेछ। नेता कोइराला बेलायतको एशिया मामला हेर्ने विदेश राज्यमन्त्री क्याथराइन वेष्ट र उद्योग व्यापार वाणिज्यमन्त्री ग्यारेथ थोमसको निमन्त्रणामा यही जनवरी ९ तारिखमा त्यसतर्फ आउदै छन्।
शीतलपाटीन्युज डटकम। लन्डन। क्षेत्री समाज बेलायतको नयाँ नेतृत्वको लागि आगामी अप्रिल ५ तारिख साधारण सभा हुने भएको छ । गत डिसेम्बर १६ मा बसेको बैठकले अल्डरसटमा ९ औं साधारण सभा गर्ने निर्णय गरेको हो। उक्त साधारण सभाले २०२५ –२७ का लागि नयाँ कार्यसमिति चयन गर्नेछ। कार्यसमिति चयन गर्न समाजले विधान अनुरुप तीन सदस्यीय समिति समेत गठन गरिसकेको छ। निर्वाचन समिति सदस्यहरुमा समाजका सल्लाहकार डा.राम अधिकारी,समाजका पूर्व अध्यक्ष तथा वर्तमान सल्लाहकार रि.क्याप्टेन धन कुंवर र समाजका पूर्व अध्यक्ष तथा सल्लाहकार यज्ञ क्षेत्री छन्। साधारण सभामा वर्तमान कार्यसमितिले आफ्नो कार्यकालमा समाजको तर्फबाट भए गरेका आर्थिक एवं सांगठनिक प्रतिवेदनबारे छलफलपछि अनुमोदन गराइने योजना छ। बैठकले उक्त साधारण सभामा समाजका सबै सदस्यहरुलाई सहभागी भइ कार्यसमितिले गरेका कामको अनुमोदन, सल्लाह–सुझाव साथै नयाँ कार्यसमिति निर्माण गर्ने कार्यमा सभागी हुन आव्हानसमेत गरेको छ। बैठकले पन्जीकृत रहेका आवधिक सदस्यहरुलाई आफ्नो सदस्यता अद्यावधिक गराउन र समाजको सदस्य बन्न चाहनेलाई सदस्यता लिन पनि आव्हान गरको छ। सदस्यता अध्यावधिक गर्न र नयाँ सदस्य बन्न चाहनेहरुले क्षेत्री समाज बेलायतका महासचिवको इमेल- [email protected] अथवा उपाध्यक्षको इमेल [email protected] मा सम्पर्क राखी सन् २०२५ मार्च २० तारिख भित्र आफ्नो सदस्यता कायम गरिसक्नुपर्ने क्षेत्री समाज बेलायतले जनाएको छ। उपरोक्त विषयमा अन्य विस्तृत जानकारी आवश्यक परेमा निम्न इमेलमा सम्पर्क गर्नुहुन समाजले आग्रह आग्रह गरेको छ। इमेल: अध्यक्ष :[email protected], उपाध्यक्ष – [email protected] , महासचिव – [email protected], मिडिया साचिव – [email protected]
शीतलपाटीन्युज डटकम। लन्डन। अंग्रेजी नयां वर्ष २०२५ को पहिलो दिन बुधबार सेन्ट्रल लन्डनमा आयोजना हुने एक परेडमा नेपाली समुदायले पनि सहभागिता जनायो। सो सहभागितामा नेपालीहरुले आफ्नो कला,संस्कृति,भेषभुषा,नाच प्रस्तुत गरे। रोयल बरो अफ ग्रीनवीचको आयोजना र मेयर जीत रानाभाटको नेतृत्वमा नेपाली समुदायले पहिलोपटक परेडमा भाग लिएको हो। परेडमा समाजसेवी श्रीचन्द्र गुरुङले नेपाली समुदायको संयोजन गरेका थिए। लन्डन न्यू इयर परेडमा करिब १५० जना नेपाली आफ्नो जातीय,नेपाली मौलिक पोशाक र गरगहनामा सहभागी भएका थिए। परेडका कमान्डर मेयर जीत रानाभाटले लण्डनको परेडमा नेपाली सांस्कृतिक विविधिता झल्काइएको मेयरले जनाउनु भयको छ। परेडमा नेपाली जातीय कला संस्कृति र भेषभूषा आकर्षणको केन्द्र बनेको र लण्डन नेपालमय बनेको उहाले बताउनु भयो। परेडमा पासा पुचः गुथि यूकेले धिमे,ढाः र खिंग बाजाका साथ गाइजात्रामा प्रस्तुत गरिने घिन्ताङ घिसी नाच,लाखे नाच देखाउंदै कुमारी यात्रा समेत गरीयको थियो। सुशील प्रजापतिको संयोजनमा गुठीको सहभागिता भएको थियो। परेडका समयमा पानी परेकोले पानीले बाजा भिजेर शुरुमा केही असहज भएपनि बाद्यबादन र परम्परागत नाच देखाइ मनोरन्जन दिलाईएको कुरा प्रजापतिले जनाउनु भयको थियो। गुथिबाट कार्यक्रममा सहभागी हुन करिब ६० जना आफ्नो नेवारी भेषभूषामा पुगेका थिए।अर्को टोली गोविन्द सापकोटाको संयोजनमा नौमति पन्चे बाजा थियो। साउथ इष्ट रिजनल तमुधिं लन्डनले सोरठी नाच देखाएको थियो भने थकाली समाज यूके,डायमण्ड बुद्धिष्ट सेन्टर यूके,मगर समुदायले पनि आफ्नो कला संस्कृति देखाएर नेपालको पहिचान दियका थिय। परेडमा मेयर रानाभाटको यो वर्षको च्यारिटी बाउल क्यान्सर यूके र कमनवेल्थ एण्ड गोर्खा गार्डेन प्रोजेक्टका लागि डोनेसन समेत आव्हान गरिएको थियो। पिकाडेलीबाट रिजेन्ट्स स्ट्रीट,सेन्ट जेम्स्,पल मल,ट्राफलगर स्क्वायर हुंदै पार्लियामेन्ट स्क्वायर पुगेर समापन गरेको थियो। लण्डनको सो परेडमा विभिन्न समुदायका ७५ वटा समूहले प्रतिष्पर्धा गरेका थिए भने केही लन्डन बरोहरुले भाग लिएका थिए। लण्डनमा ई.स.नयाबर्ष मनाउने क्रममा नेपालीहरुको परेड पहिलो पटक भयकोले ऐतिहासिक भयको र ७५ वटा समुहको परेडमा नेपाली टीमले तेस्रो भयर पुरुष्कार समेत जितेको थियो। तस्विर- याम गुरुङ
शीतसपाटीन्युज डटकम। काठमाडौं। गायिका तथा संगीतकार तृप्ति खड्का गुरुङ र करण परियारको स्वर तथा तृप्ति खड्काको संगीत एवं कवि तथा गीतकार हरि उप्रेतीका मार्मिक र कारुणिक शब्दलहर सहितको गीत “तिम्रो झझल्को”हरि उप्रेतीको अफिसियल युट्यूब च्यानल मार्फत सार्वजनिक भएको छ। गीतको एरेन्ज राजेन्द्र श्रेष्ठले गरेका थिए भने मिक्सिङ र मास्टरिङ नरेश पाण्डेको रहेको छ। सारेगम स्टुडियो सामाखुसीमा रेकर्ड गरिएको उक्त गीतको भिडियोमा विजय गुरुङ र नेहा गौतमको जीवन्त अभिनय रहेको छ। भिडियोको निर्देशन विजय गुरुङले गरेका थिए भने राजाराम सिंखडले कोरियोग्राफी गरेका छन्। सिनेमा अटोग्राफ र ड्रोनमा प्रकाश खड्काको भूमिका रहेको छ। भिडियोको कलरिङ र सम्पादन मिलन विश्वकर्माको रहेको छ भने कलाकारलाई कविता तोलाङ्गीले आफ्नो श्रृङ्गार कलाले सिंगारेकी छिन्। करिब सात दर्जन भन्दा बढि गीतमा आफ्नो सुमधुर आवाज भरिसकेकी तृप्ति हर किसिमको गीत,गजल,भजन गाउन सक्ने क्षमता भएकी भर्सटाइल गायिका तथा संगीतकार हुन्,यो भन्दा अगाढि उनका भगवान श्री कृष्ण लगायतका भजनहरु सार्वजानिक भइसकेका छन् भने चाडै नै रामकृष्ण ढकाल संगको सहकार्यमा ज्ञानेन्द्र क्षेत्रीको शब्द र आफ्नै संगीतमा ‘छ माया छपक्कै’ र उदित नारायण झा संगको सहकार्यमा विजय गुरुङको संगीत तथा हरि उप्रतीको शब्दमा ‘सारङ्गीको र्याइर्याई’ बोलको गीत चाडै नै बजारमा आउने जानकारी दिइन्।
शीतलपाटीन्युज डटकम। लण्डन। पोखरामा पल्लो घरको दाई ब्रिटीष सेनामा हुनुहुन्थ्यो। समय समयमा हेभीकेट लिएर घर पुग्दा धेरै कुरा ल्याएको भान हुन्थ्यो। मेरा छोराछोरीहरुले देखेका हुन्थ्ये र सोध्थ्ये। बाबा हाम्रो यस्तो बक्स आउदैन र? म पनि प्रहरी अधिकृत भएकोले मैले परिवारलाई राम्रै गरी राखेको थिए। समयले कोल्टो फेर्यो। पेन्सन पाकेर म पनि लण्डन आई पुगे।यहा आउना साथ नागरिकता निरन्तरता,एनआरएन नागरीकता,दोहोरो नागरीकता भन्ने नारा जुलुस,दवाबका अवस्था देखियो। अब मेरो बाटो के हो त राम्रो भन्ने मलाई लाग्यो।मैले जान्दासम्म ब्रिटीस सेनामा बाहेक परदेशीने नेपाली कमै लाग्थ्यो। अहिले ८० लाख नेपाली बिदेशमा भएको डाटा आईरहेको छ। कानुन बिश्व मै एउटै हो। बिदेशीलाई काम गर्न दिने गरेको देशको काम गर्ने इजाजतको पेपर लिनै पर्ने नियम छ। ब्रिटीशबाट काम गर्ने पेपर पाए पनि अमेरीकाबाट ग्रीन कार्ड पाए पनि यी डकुपेन्ट काम गर्न पाउने वर्कपरमीटको पेपर हो।यो नपाएसम्म बिदेशमा काम गर्न पाईदैन। बिदेशी पासपोर्ट, पिआर,आईएलआर, ग्रीनकार्ड जे जे होस सबै काम गर्न दिने बर्कपरमीट हो भनेर नेपालले चिन्यो भने सबै भन्दा राम्रो।८० हजार नेपाली बिदेशीयको अवस्थामा कोही नेपाली घर फर्क्यो भने सबै भन्दा उचित त्यो हुन्छ।देश खाली हुनै लागेको बेला मोटीभेसनल कुराहरु समाबेश गरेर नेपालीलाई नेपालै फर्कने योजना बनाऔ।नया कानुन बनाएर आफ्नै नागरीकलाई रोकेर टाउको दुखाई गरौ र? नगरौन ल? एउटा अमेरीका बसेका नेपालीको अनुभव र योजना मलाई चित्त बुझ्यो। उनी हुन बासुदेव घिमिरे। उनको बर्णन यो छ। लिंक- म पनि के भन्न चाहान्छु भने, नेपालमा घरेलु उद्योगमा बुनेको कपडा अमेरीका,युके बसेका नेपालीले बिबाह ब्रतबन्ध जस्ता महत्वपुर्ण समारोहमा लगाएर रमाईलो गर्छन तर नेपाल मै बसेको नेपालीले यी सामाजीक कार्यमा जापानमा बनेको,थाईलैण्ड,भारत,चाइनामा बनेको लगाएर ठाट पारेको देखिन्छ।यहा नेर सरकारले नियम वनाएर आफ्नै उत्पादन प्रयोग गर्ने बाताबरण सृजना गर्न कसो होला? हामी त मानव अधिकार अवलम्वन गर्ने राष्ट्रको नागरीक हो रे।दैनिक जुलुस नारा गरेर राष्ट्र ध्वस्त पारेका नागरीक हौ कि भन्ने भैरहेका छौ हामी। त्यसैले हामी कृषि प्रधान देशका नागरिक हौ,उत्पादन गरेर खान सिकौ।पर्यटकिय देश हो,पर्यटकलाई माया गरेर कमाउन सिकौ। लण्डनमा भारतिय तरकारी खान्छौ,नेपाली तरकारी पनि भारतले
शीतलपाटीन्युज डटकम। लन्डन। सांगीतिक प्रस्तुतिका लागि बेलायत उत्रिएको चर्चित ब्यान्ड कन्दराको टोलीसँग फार्नबोरोस्थित गोर्खा प्यालेस रेस्टुरेन्टमा ‘मिट एन्ड ग्रिट’ कार्यक्रम सम्पन्न भएको छ। शुक्रबार बिहानको ब्रेकफास्टसहित भएको कार्यक्रममा बेलायतका विभिन्न संघसंस्थाका प्रतिष्ठित व्यक्तित्वहरूको उपस्थिति थियो। ब्यान्डका संस्थापक तथा गायक विवेक श्रेष्ठ,तमु धीं यूकेका अध्यक्ष जुमकाजी गुरुङ,एनआरएनए आईसीसीका सदस्य दिलराज गुरुङ,एनआरएनए यूकेका पूर्वअध्यक्ष पुनम गुरुङ, तमु धीं यूकेका पूर्वअध्यक्ष कमल गुरुङ,उपाध्यक्ष कमल गुरुङ, सहारा यूकेका पूर्वअध्यक्ष कुमार गुरुङ,तमु धीं जापानका उपाध्यक्ष अरमान गुरुङलगायत उपस्थित थिए। यस्तै आयोजक टोली, कलाकारहरू राजबहादुर गुरुङ,सपनकुमार राई पनि उपस्थित थिए। सो अवसरमा कन्दरा ब्यान्डलाई कार्यक्रम सफलताको शुभकामना व्यक्त गरिएको थियो। कार्यक्रमको होस्ट गोरखा प्यालेसका प्रोप्राइटर तथा एनआरएनए आईसीसीका सल्लाहकार सूर्य गुरुङले गरेका थिए। कन्दराले सन् २०२५ को विश्वव्यापी सांगीतिक यात्रा बेलायतबाट सुरु गर्दै छ। जसअनुसार कन्दराले शनिबार (४ जनवरी) लन्डनको विश्व प्रतिष्ठित ऐतिहासिक कन्सर्ट हल ‘इन्डिगो एट द ओटु’ विशेष प्रस्तुति दिँदै छ । विश्व यात्रामा निस्किएको कन्दराको लन्डन सो परदेशमा पहिलो प्रस्तुति हुनेछ। साभार-गोर्खा मिडीया।
शीतलपाटीन्युज डटकम। लन्डन। लन्डनस्थित नेपाली राजदूतावासले बेलायतमा रहेका नेपाली संघसंस्थाहरुलाई आफ्नो ताजा विवरण उपलब्ध गराउन अनुरोध गरेको छ। नेपाली राजदूतावासले आगामी दिनमा आयोजना गर्ने कार्यक्रमहरु तथा समुदायसँगको सहकार्यमा हुनसक्ने राष्ट्रिय हित एवं प्राथमिकताका अन्य गतिविधिमा नेपाली डायस्पोराको अधिकतम परिचालनका लागि संघसंस्थाको विवरण ‘अपडेट’ गर्न आवश्यक भएको महसुस गरि संस्थाको ताजा डाटा उपलब्ध गराई दिन एक सूचना लेखी ताजा डाटा उपलब्ध गराईदिन अनुरोध छ। ‘संयुक्त अधिराज्यमा हाल क्रियाशील रहेका नेपाली संघसंस्था,संगठनहरुको विवरण आवश्यक भएकाले देहायको लिंकमा गइ ०७ जनवरी २०२५ भित्र आ–आफ्नो विवरण अद्यावधिक-उपलब्ध गराउनु हुन सम्बन्धित सबैमा अनुरोध छ’, दूतावासको सूचनामा जारी गरेको छ। ‘नेपाली राजदूतावास लण्डन नेपाली संघसंस्थासंग ताजा अपडेट गरेर सहकार्य गर्न उत्सुक रहेको बुझिएको छ। समुदायबाट रचनात्मक सुझाव सल्लाह केही भए हामी सहर्ष स्वीकार्छौं’,कार्यवहाक राजदूत विपिन दुवाडीले बताउनु भएको छ। विवरण अपडेटका लागि यहां क्लिक गर्नुहोस्- https://uk.nepalembassy.gov.np/notice-on-organization-registration/
शीतलपाटीन्युज डटकम। लन्डन। नेपाल पत्रकार महासंघ बेलायतको तेश्रो पूर्ण बैठक गत २८ डिसेम्बर शनिबार लन्डन साउथ ह्यारोमा सम्पन्न भयो। शाखा अध्यक्ष विमला सेनेको अध्यक्षतामा सम्पन्न उक्त बैठकमा कार्यसमितिका पदाधिकारी, सदस्यहरु एवं केन्द्रीय समितिका पदाधिकारी र सल्लाहकारहरुको उपस्थिति थियो। बैठकले नयां कार्यसमितिको जिम्मेवारी यता भएका गतिविधिको समीक्षा गर्दै संस्थाको भावी कार्यर्रम तय गरेको छ। साथै, उक्त बैठकले नेपाल पत्रकार महासंघको २७ औं महाधिवेशनवाट निर्वाचित निर्मला शर्मा नेतृत्वको कार्यसमितिलाई औपचारिकरुपमा वधाई तथा शुभकामना दिने प्रस्ताव पारित गरेको छ। बैठकले हाल शाखाले समसामयिक विषयमा विभिन्न क्षेत्रका विज्ञहरुसंगको गर्दै आएको मासिक संवाद श्रृंखलालाई निरन्तरता दिने, कोष अभिवृद्धिका लागि च्यारिटी डिनर गर्ने,प्रत्येक वर्ष जुलाई १० लाई शाखाको स्थापना दिवसका रुपमा मनाउने, स्थानीय समुदायसंग सहकार्य गरि उनीहरुका सुझाव सल्लाह लिन अन्तरसंवाद र नेपाल पत्रकार महासंघ नेपाल केन्द्रको वैदेशिक शाखाहरुप्रतिको दृष्टिकोणबारे एक अन्तरक्रिया गर्ने निर्णय गरेको छ। यस कार्यक्रममा सबै वैदेशिक शाखाको प्रतिनिधित्व गराइने भएको छ। यस अतिरिक्त शाखाले प्रदान गर्दै आएको पत्रकारिता पुरस्कारको नियमावली परिमार्जन गर्न शाखा सल्लाहकारहरु नवीन पोखरेल,नरेश खपांगीमगर र ध्रुवराज अर्याल रहने गरि एक समिति गठन गरेको छ। बैठकका अवसरमा शाखाका पदाधिकारी, सदस्यहरु र सल्लाहकारहरुको अन्तर्राष्ट्रिय प्रेस कार्ड (आइएफजे कार्ड) समेत वितरण गरियो। अध्यक्ष विमला सेनेले शाखाका केही सदस्यहरुमा देखिएका सामान्य असन्तुष्टिप्रति भ्रममा नपर्न सबैमा आग्रह गर्दै ति असन्तुष्टिलाई सम्बोधन गर्दै समाधान गर्न अगाडि बढ्ने बताइन्। सो अवसरमा क्रिसमस र अंग्रेजी नयाँ वर्ष लगायत पर्वहरुको शुभकामना आदानप्रदान समेत भएको थियो। श्रोत-एफएनजे युके।
शीतलपाटीन्युज डटकम। रेडिङ। सेन्टर फर नेपाल स्टडिज युके (सिएनएस युके) ले नयाँ वर्ष २०२५ देखि “नेपाल डायलग युके” नामक नयाँ मासिक अनलाइन वेभिनार श्रृंखला सुरु गर्ने भएको छ। नेपाल, नेपाली संस्कृति, र प्रवासी समुदायबारे सहकार्य गर्दै ज्ञान आदानप्रदान गर्ने लक्ष्यका साथ यो वेभिनार शुरु गरिएको सिएनएस युकेले जनाएको छ। यो कार्यक्रमको पहिलो श्रृंखला शनिबार ४ जनवरी, २०२५ का दिनदेखि औपचारिक रूपमा सुरु हुनेछ। त्यसपछि हरेक महिनाको पहिलो शनिबार बिहान बेलायती समयअनुसार १० बजेदेखि ११:१५ बजेसम्म (नेपाली समय दिउँसो ३:४५ बजेदेखि ५ बजेसम्म) सो वेभिनार सन्चालन हुने छ। पहिलो सत्रमा नेपालबारे दशकौँदेखि अनुसन्धान गर्दै आएका अक्सफोर्ड विश्वविद्यालयका पूर्व प्राध्यापक डेभिड गेल्नरले “नेपाल र प्रवासमा मन्दिर र पहिचान” विषयमा प्रस्तुति दिनेछन्। “यो सत्रले नेपाल (जन्मभूमि) र नयाँ आप्रवासन गन्तव्यहरू, विशेष गरी बेलायतमा हुने दैनन्दिन धार्मिक अभ्यासहरूबारे गहिरो अनुसन्धानमा आधारित जानकारी प्रदान गर्नेछ,” नेपाल डायलग युकेका संयोजक डा. कृष्ण अधिकारीले जानकारी दिँदै भने । “हामी आशा गर्छौं कि यसले विचारोत्तेजक छलफलहरूलाई प्रेरित गर्नेछ साथै नेपाल र नेपाली प्रवासी समुदायलाई जोड्दै सांस्कृतिक अभ्यासहरूको समझदारी र साझा शिक्षालाई प्रवर्द्धन गर्नेछ।” सिएनएस युकेका कार्यकारी निर्देशक लोकेन्द्रपुरुष ढकालले वेभिनार श्रृंखला अर्थपूर्ण संवादका लागि एक जीवन्त मञ्च सिर्जना गर्ने दिशामा महत्त्वपूर्ण कदम भएको बताए। ढकालले भने, “अनुसन्धाताहरू, शिक्षाविद्,पेशाकर्मीहरू र सर्वसाधारणलाई एकत्रित गरी नेपाल र प्रवासी नेपाली समुदायका लागि महत्त्वपूर्ण विषयवस्तुहरूमा छलफल गर्ने आशा हामीले गरेका र्छौं।” यो वेबिनार श्रृंखलामा नेपाल र प्रवासी नेपाली समुदायसित सम्बन्धित विभिन्न प्राज्ञिक अनुसन्धानात्मक छलफलका साथै विभिन्न दैनन्दिन सरोकार विषयहरू समेटिनेछन्। सिएनएस युकेले यस वेभिनारमा अन्य संस्थाहरूसित पनि सहकार्य साझा चासोका विषयमा छलफल गराउने योजना पनि बनाएको छ। जूमबाट हुने यस वेभिनारमा निशुल्करूपमा सहभागी हुन सकिने छ।
आर के त्रिपाठी लेख्छन् - नेपालको संवृद्धि र दिगो विकाश कांग्रेसले नै गर्ने हो।अन्य राजनैतिक पार्टीबाट यो कार्य संभव देख्दिन।स्टन्ट बाजी र लोकरिझ्याईंले गर्दा जनताले कहिले काहीं चुनाबको बेला मतदान गर्दा बाटो बिराएको देखिन्छ।कांग्रेस नयाँ सोच,बिचार,सक्रियता,योजना र नयाँ नेतृत्वको साथ कार्यकर्ता र जनता माझ आउँदैछ।अब कांग्रेस नयाँ ढङ्गले हिड्छ। विगतमा छिटपुट कमि कमजोरी भएका छन्। हामीले विगतका कमजोरी र अभ्यास बाट पाठ सिक्दै अघि बढ्नु पर्दछ। हजुर बुबाले,बुबाले पढेनन्,केहि गरेनन् बुझेनन्, विगारे,अलपत्र पारे भनिरहने होइन/ हजुरबुबा,बुबा लाई गाली गलौज गरिरहने पनि होइन।अब छोरा नातीहरुले राम्रो गर्ने हो। पूर्खाले देश निर्माण गरे।जन्म दिए,हुर्काए,बढाए,पढाए, पाठ सिकाए।अब छोरा,नातीहरुले आफ्नो र भविष्यको सन्ततीको लागी राम्रो गर्दै राम्रो देश र संवृद्धिको आकार कोर्दै नेपाल बनाउने हो। नेपाली कांग्रेस हिजो पनि राम्रै गर्न चाहेको थियो तर जब कांग्रेस सरकारमा गयो,तब चौतर्फी घेरावन्दी शुरु भयो।अब यस्तो हुनु हुँदैन। स्वर्गीय विपी कोइराला सदैव बौद्धिकहरुलाई कदर गर्नु हुन्थ्यो।सल्लाह लिनु हुन्थ्यो।उचित जिम्मेवारी दिनु हुन्थ्यो।देशको दिर्घकालीन योजना निती बनाउन सामेल गराउनुहुन्थ्यो ।कांग्रेसको भविष्यमा आउने नेतृत्वले यहि पथ लिनु पर्दछ। हो जनमानसमा निराशा छ,शाषनमा बेतिथी छ,भद्रगोल छ/हामीले यि सबै बेतिथी चिर्न,भद्रगोल हटाउने, जनभरोसा जगाउने एउटै मात्र आजको आवश्यकता भनेको भ्रष्टाचार निर्मुल र शुसाशन हो। यहाँ एउटा सानो उदाहरण प्रस्तुत गर्न चाहन्छु। Plane मा उड्न टिकट किन्नु,Plane किन्नु र Plane बनाउनु समाजका अलग पक्ष हुन्।म बेला बखत Plane को टिकट किन्न सक्ने भएँ। हाम्रा केहि व्यापारीहरु Plane किन्न सक्ने भए तर स्वर्गीय वि पी कोइरालाले चाहेको,सोचेको कुरा भनेको देशले Plane बनाउने हो।हामी त्यता तर्फ कहिल्यै लम्किएनौं। नेपालमा प्रजातन्त्र,प्रजातन्त्र मात्र भनियो। प्रजातन्त्र भनेको भोट हाल्ने,शाषन हातमा लिने व्यवस्था मात्र होइन।प्रजातन्त्र भित्र त व्यक्तिको दायित्व पनि Allocate हुनु पर्दछ।यो दायित्व पनि Right Man In Right Place हुनु पर्दछ। आविष्कार बिना उद्योग संभव छैन।उद्योग विना उत्पादन संभब छैन।उत्पादन बिना आन्तरिक उपभोग र निर्यात संभब छैन।निर्यात बिना व्यापार घाटा न्युनिकरण संभब छैन।उद्योग त केबल Innovation बाट मात्र संभब छ। Innovation त केबल बौद्धिक पढेलेखेका बाट मात्र संभव छ।तसर्थ नेपाल अब उत्पादन बढाउने वा भनौं Industrial Revolution गर्ने पथमा
GNNNEWS- लन्डन - नेपालमा शिक्षा,स्वास्थ्य तथा आपत्कालिन मानवीय सहायताको क्षेत्रमा काम गर्दै आइरहेको कल्याणकारी संस्था,हेल्पनेपाल नेटवर्क युकेले आउँदो १२ जनवरी २०२५ मा फार्नबरोमा संस्था स्थापनाको रजत महोत्सव मनाउन लागेको छ। सन् १९९९ मा बेलायतमा स्थापित नेटवर्कका झन्डै एक दर्जन मुलुकमा शाखाहरु रहेका छ्न भने नेपालमा केन्द्रीय कार्यालय रहेको छ। “मातृभूमिका लागि महिनामा एक पाउण्ड” भन्ने नारा सहित सन् १९९९ मा बेलायतबाट हेल्पनेपाल नेटवर्क (www.helpnepal.net) स्थापना गरिएको थियो। नेटवर्कले नेपालका एक सय बढी स्कुलहरुमा कक्षा कोठा निर्माण तथा झन्डै ५० ओटा इ-लाइब्रेरी स्थापना गर्नुका साथै सिन्धुपाल्चोक, दोलखा लगायतका जिल्लाहरुमा भूकम्पबाट क्षतिग्रस्त विद्यालय भवनहरुको पुनर्निर्माणमा पनि सघाएको छ । नेटवर्कले सन् २००४ मा विकट मुगु जिल्लाको मुर्मामा स्थापना गरेको हेल्प नेपाल हेल्थ पोष्टले स्थानीय समुदाय तथा पदयात्रीहरुलाई गएको २० वर्ष देखि स्वास्थ्य सेवा प्रदान गर्दै आएको छ। त्यस्तै सन् २०१४ देखि धुलिखेलमा संचालित हेल्प नेपाल बाल गृहमा २३ जना असहाय बालिका बसेर पठनपाठन गरिरहेका छन्। सन् २०१५ को महाभूकम्प, जाजरकोट भूकम्प तथा देशका विभिन्न स्थानमा बाढी, पहिरो तथा आगलागी पीडितहरुलाई पनि नेटवर्कले मानवीय सहायता पु-याउँदै आएको छ। हेल्पनेपाल नेटवर्क युकेका अध्यक्ष सचिन श्रेष्ठले भने, "गएको अढाई दशकसम्म हामीमार्फत नेपालको सेवा गर्ने सहयोगी र स्वयम्सेवीहरुलाई धन्यवाद दिन हामीले यो कार्यक्रम आयोजना गर्न लागेका हौँ। बेलायतस्थित नेपाली संघ संस्थाहरु संग समन्वय र सहकार्य गरी आगामी दिनमा पनि हाम्रा गतिविधि निरन्तर राख्न हामी प्रतिबद्ध छौं। " नेपालमा महाभूकम्प, कोभिड महामारी तथा गत वर्षको जाजरकोट भूकम्पका बेला पनि हेल्पनेपाल नेटवर्क युकेले बेलायतबाट सहयोग संकलन गरी हेल्पनेपाल नेटवर्क नेपाल कार्यालयको अगुवाईमा सम्बन्धित समुदायहरुमै सेवा पुराएको थियो।
शीतलपाटीन्युज डटकम। काठमाडौं। परिवारको साथ र फुटबलप्रतिको लगाव र मेहनतले नेपाली मूलका आर्नव थापा इङल्याण्डको पुरानो र चर्चित क्लब मध्ये एक अक्सफोर्ड युनाइटेड फुटबल क्लबमा आवद्ध भएका छन्। अक्सफोर्ड युनाइटेडमा आठ साता लामो कठिन र कडा ट्रायल पश्चात आर्नवले क्लबको यु–१३ टोलीमा दुई वर्षका लागि अनुवन्धसँगै स्थान बनाउन हुन सफल भएका हुन्। आर्नवले अक्सफोर्डमा आवद्ध हुनु अघि रिडिङ सिटी फुटबल क्लबको युथ टोलीबाट चार सिजन समेत खेले। वालिङ,स्याङ्जा पुख्र्यौली घर भई हाल इङल्याण्डको रिडिङ शहरमा परिवारसहित बसोबास गर्दै आएका आर्नवको परिवारिक पृष्ठभूमि पनि फुटबलमय छ। उनका दाजु अरहान्त पनि राम्रा खेलाडी थिए। तर कलिलो उमेरमा दाजुको निधन भएपछि दाई कै सपना पुरा गर्दैछन् आर्नव।त्यसो त,आर्नवका पिता कुमार थापा मोफसलको चर्चित र परिचित सहारा क्लब, युकेका कोषाध्यक्ष समेत हुन्। अरहान्त कै स्मृतिमा उनको परिवारले हरेक वर्ष वालिङ युनाइटेड,स्याङ्जासँगको सहकार्यमा युथ फुटबल प्रतियोगिता पनि आयोजना गर्दै आईरहेको छ। आर्नवका काका गोपाल थापा नेपाल कै युथ लेभलबाट अन्तर्राष्ट्रिय फुटबलमा पनि सहभागि भईसकेका छन् । त्यसबाहेक गोपालले एपिएफ क्लबबाट नेपालको शिर्ष फुटबल पनि खेले। फुटबलमय माहोल कै कारण आर्नव पनि अहिले राम्रा बाल खेलाडीका रुपमा अगाडी बढिरहेका छन्। अक्सफोर्ड युनाइटेडमा युथ लेभलमा राम्रो गर्न सके उनले क्लबसँग थप व्यवसायिक सम्झौता गर्ने अवसर पनि छ। आर्नवका पिता कुमार भन्छन्, “यो शुरुवात मात्रै हो । उसले (आर्नव) ले मेहनत गर्दै गए अझै माथि जानेछ । यसमा हामी आशावादी पनि छौं।” स्मरण रहोस, सन् १८९३ मा स्थापित भई १३१ वर्षे पुरानो इतिहास बोकेको अक्सफोर्ड युनाइटेड हाल इङल्याण्डको दोस्रो डिभिजनको इङलिस फुटबल लिग (इएफएल) च्याम्पियनसिप खेल्दैछ। यो लिगबाट बढुवा हुन सके अक्सफोर्डले शिर्ष लिग इङलिस प्रिमियर लिग खेल्नेछ। (साभार- सुरज राना मगर, गोलनेपाल डटकमबाट।)
सुरक्षा सरोकारबाट, काठमाण्डै। सेवानिबृत्त हुन भएका प्रहरी अतिरिक्त महानिरीक्षक किरण बज्राचार्यलाई आज काठमाडौं उपत्यका प्रहरी कार्यालयमा आयोजित बिशेष समारोहबीच बिदाइ गरिएको छ। बिदाई समारोहलाई सम्बोधन गर्नुहुदै प्रहरी अतिरिक्त महानिरीक्षक किरण बज्राचार्यले राष्ट्र र नागरिकको सेवाको खातिर नेपाल प्रहरी संगठनले सुम्पेको जिम्मेवारी व्यवसायिक रूपमा सक्षमताका साथ निर्वाह गर्न सहयोग र सहकार्य गर्ने आफू मातहत सम्पूर्ण प्रहरी कर्मचारीहरू प्रति कृतज्ञता व्यक्त गर्नुभयो। सेवा अवधिभर संगठनले सुम्पिएको जिम्मेवारी आम नागरिकलाई न्याय र सुरक्षाको अनुभूति दिनका साथै संगठनको हकहितका लागि केन्द्रित भई आफूले काम गरेको उहाँले उल्लेख गर्नु भयको थियो। प्रहरी अतिरिक्त महानिरीक्षक बर्ज्राचार्यले आगामी दिनमा समेत संगठनको श्रीवृद्धिका लागि रचनात्मक सहयोग गर्न आफू तयार रहेको र हरेक सेवा निबृत्त प्रहरी कर्मचारीले समेत नेपाल प्रहरी संगठनलाई सहयोग गर्नुपर्नेमा जोड दिनुभयो।
आर के त्रिपाठी, लण्डन। डा शेखर कोइरालाले बेलायतको संसद भवन Westminister भित्र संवोधन गर्ने: कांग्रेस पार्टीका बरिष्ठ नेता डा शेखर कोइराला बेलायतको संसद भवन भित्र १३ जनवरी २०२५ का दिन एक विशेष कार्यक्रममा संवोधन गर्न बेलायत आउने हुनु भएको छ।बेलायतका विदेशमन्त्री क्याथराईन वेष्ट र उद्योग व्यापार बाणिज्य मन्त्री ग्यारेथ थोमसको निमन्त्रणा र बेलायती उद्योग व्यापार बाणिज्य मन्त्रीका निकट सहयोगी सल्लाहकार बौद्धिक व्यक्तित्व आर के त्रिपाठीको संयोजनमा कांग्रेस पार्टीका वरिष्ठ नेता डा शेखर कोइराला बेलायत आउनु हुनेछ। बेलायतको संसद भवन भित्र बेलायती विदेश मन्त्री र उद्योग व्यापार बाणिज्य मन्त्री लगायत सांसदको उपस्थितिमा संवोधन गर्न पाउने नेपालबाट पहिलो र दक्षिण एशियाबाट दोश्रो भाग्यमानी नेता डा शेखर कोइराला बन्नुहुने भएको छ।यस अघि दक्षिण Asia बाट भारतका प्रधानमन्त्री नरेन्द्र मोदीले मात्र यो सौभाग्य प्राप्त गर्नु भएको थियो। बेलायत सरकारको नजरमा परेका विश्वका विभिन्न शक्तिशाली देशका शक्तिशाली सरकार प्रमुख,प्रजातान्त्रिक आन्दोलन,मानब अधिकार शान्ती स्थापना वाक स्वतन्त्रता शुशाषन भ्रष्टाचार नियन्त्रण वारे पहेरदारी भूमिका खेलेका South Asia का नेताहरु मध्ये बेलायती सरकारको नजरमा विशेष भुमीका खेलेका नेताहरु वा शक्तिशाली देशका सरकार प्रमुखहरुलाई मात्र बेलायत सरकारले बेलायतको फूल संसद वा मिनी संसद हल भित्र बेलायती मन्त्रीले नै निमात्रणा गरि मन्त्रीकै उपस्थितमा संवोधन गर्न दिने प्रचलन छ। बेलायतको संसद भवन अवलोकन गर्न सबैलाई निशुल्क प्रवेश भए पनि विश्वका उत्कृष्ठ र बरिष्ठ नेताहरुले संवोधन गर्न पाउने अवसरको व्यवस्था मिलाउन बेलायतका मन्त्रीले वा माननिय सांसदले मात्र कार्यक्रम राख्न पाउने व्यवस्था छ।बेलायतको संसद भवनभित्र बेलायती सांसदले कार्यक्रम राखे पनि बेलायतको मन्त्रीहरुले विदेशी नेताहरुको लागी धेरै कम वा विरलै कार्यक्रम राख्दछन्। नेपालको ६ पटक प्रधानमन्त्री भईसकेका गिरिजा प्रसाद कोइराला,शेर बहादुर देउवा माधब नेपाल,सुशिल कोइराला,केपी शर्मा वली, पुष्प कमल दाहाल प्रचण्ड,बाबुराम भट्टराई,झलनाथ खनालले विगतमा बेलायत भ्रमण गर्दा समेत यो अवसर प्राप्त गरेका थिएनन्। संसद भवन भित्र रहेको तिन वटा संवोधन Hall मध्ये डा शेखर कोइरालाले संवोधन गर्न प्रबन्ध गरिएको मिनी संसद हल यस आगाबै अमेरिकी राष्ट्रपती र ठूला देशका प्रधानमन्त्री वा बेलायती सरकारको नजरमा विश्व राजनितीमा उच्च मुल्यांकनमा परेका विशेष नेताले मात्र
शीतलपाटीन्युज डटकम। लन्डन। तमुधीं यूकेले क्राइस्टचर्च एभिन्यू,ह्यारो लेजर सेन्टरमा भव्य समारोहबीच स्थापनाको २५औं वर्षगाँठ तथा तमु ल्होछार मनायो। अध्यक्ष हरि गुरुङको अध्यक्षतामा भएको सो कार्यक्रममा नेपाली दूतावास लन्डनका उपनियोग प्रमुख विपिन दुवाडी प्रमुख अतिथि रहनु भएको थियो। महासचिव डा.विशाल गुरुङले सञ्चालन गरेको सो कार्यक्रममा अंदाजी १५०० पाहुना र तमु परिवारको उपस्थिती थियो। सो समारोहमा डा.हर्क गुरुङ अवार्ड वितरण,संस्थाको मुखपत्र फ्रेंसी विमोचन,हरि गुरुङ नेतृत्वको १२औं कार्यसमिति र नवनिर्वाचित अध्यक्ष जुमकाजी गुरुङ,आमा समूह अध्यक्ष सन्ध्या गुरुङ र नवनिर्वाचित आमा समूह कमलादेवी गुरुङ नेतृत्वबीच कार्यभार हस्तान्तरण,रजत महोत्सवको गीत सार्वजनिक,राफल ड्र,तमु धीं यूकेका संस्थापक अध्यक्ष,पूर्वअध्यक्षहरु, विभिन्न इकाइमा योगदान दिनेहरू,कम्युनिटी सर्भिस अवार्ड लगायतलाई बधाई तथा सम्मान गरिएको थियो। डा.हर्क गुरुङ अवार्ड जीसीएसी उत्कृष्ट अंक ल्याउने लमजुङ पुर्ख्यौली घर भई हाल बेलायतमा रहेकी अम्बिका गुरुङले प्राप्त गरिन्। छनौट भएकी गुरुड्गलाई प्रमुख अतिथि उपनियोग प्रमुख विपिन दुवाडी र संस्थाका अध्यक्ष हरि गुरुङले खादा, प्रमाणपत्र र ५ सय पाउन्डको चेक हस्तान्तरण गरेर सम्मान गरेका थिए। संस्थापक अध्यक्ष मिनप्रसाद गुरुङ,पूर्वअध्यक्षहरु मेजर डमर घले एमबीई,मेजर लालबहादुर गुरुङ,सुवाससिं गुरुङ बीईएम, मुछेत्र गुरुङ,कमल गुरुङ, रामचन्द्र गुरुङ,ज्ञाम गुरुङ, नन्दजंग गुरुङ, हितकाजी गुरुङ लगायतलाई सम्मान गरियो। यस्तै संस्थापक सल्लाहकारहरु चन्द्रबहादुर गुरुङ,आशबहादुर गुरुङ,मिनबहादुर गुरुङ, संस्थापक कोषाध्यक्ष सूर्य गुरुङ र सदस्यहरूलाई पनि सम्मान गरिएको थियो। कम्युनिटी सर्भिस अवार्डतर्फ लन्डन इकाईबाट सिफारिस भएका प्रेमराज गुरुङ र लक्ष्मी गुरुङ,साउथ इस्ट रिजनल तमु धीं इकाइका ह्यारी गुरुङ,रन्जु घोताने,चारभन्ज्याङ तमु समाज यूकेबाट मास्टर प्रदीपजङ गुरुङ र अनमोल गुरुङ लगायतलाई पनि सम्मान गरिएको थियो। अन्तर्राष्ट्रियस्तरमा आफ्नो प्रतिभा देखाउने समुदायका एक महिला र एक पुरुषलाई हरेक वर्ष प्रदान गर्ने उद्देश्य अनुरुप संस्थाको तर्फबाट महासचिव डा.विशाल गुरुङले 'तमु प्रतिभा पुरस्कार-२०२४' घोषणा गरेका थिए। उक्त पुरस्कारबाट यो बर्ष राष्ट्रिय कराँते खेलाडी एरिका गुरुङ (धादिङ) र प्यारा ग्लाइडर युकेश गुरुङ (कास्की) लाई प्रदान गरिने घोषणा भएको छ। पुरस्कार राशि ५० हजार रुपैयाँ रहेको छ। पुरस्कार हरेक वर्ष मनाइने ल्होछार कार्यक्रममा वितरण गरिने तमु धीं यूकेले जनाएको छ । फ्रेंसी पत्रीका ' तमु धिंको मुखपत्र' को पायोनियरको रुपमा धेरै लामो समय काम गरि आएका सल्लाहकार
पिपला पाण्डे देवान, “छ दशकपछि मरुभूमिको रमाइलो” पुसको महिना, गाउँको त्यो चिसो बिहान, हल जोत्न खेतमा निस्कँदा हिउँसरी सास सुक्थ्यो। हातका औँलाहरू कठ्याङ्ग्रिन्थे, तर हृदयको आगो दन्किएको थियो। त्यो आगो— जीवन बनाउने, भविष्य देख्ने, आफ्नो माटोबाट केही सिर्जना गर्ने। आज यो मरुभूमिमा छु। ६० डिग्रीको घाम, जसले शरीर तातो बनाउँछ, तर मन, अझै चिसो छ। यो ठाउँले मलाई धेरै कुरा दियो— रोटी, छानो, अवसर। तर केही दिनुजस्तो, धेरै कुरा खोसियो पनि। जन्मभूमिको त्यो अपनत्व, त्यो आफ्नोपन, र आफ्नै माटोको सुगन्ध। त्यो बेलाका संघर्षहरू, खुट्टामा फाटेको जुत्ता, हिलोले भरिएका कपडा, तर आत्मामा एउटा गर्व थियो। आज, म राम्रो जुत्ता लगाउँछु, मसिनो लुगा लगाउँछु, तर के गर्व अझै उस्तै छ? यहाँको विकास मेरो जीवनमा चमक हो, तर त्यही चमकभित्र कुनै खोक्रो प्वाल पनि छ। परदेश आएँ सपना पूरा गर्न। सोच्थेँ, म यहाँका सुख बोकेर गाउँ फर्किन्छु। तर परदेशमा मात्र रहेछ, सुखसँगै अपुरोपनको कथा। यहाँ म धनले ठूलो भएँ, तर आत्माले सानो। मेरो गाउँमा गरिबी थियो, तर आत्मामा एक अटल इमान थियो। यहाँ सबै सुविधा छ, तर के मनको शान्ति छ? पुसको कठ्याङ्ग्रिने चिसो, गाउँको त्यो मुस्कान, खेतको माटोमा परेको हलको डोब, यी सबै मलाई अझै बोलाउँछन्। तर यहाँ, मरुभूमिमा, जहाँ केवल बालुवाको समुद्र छ, जीवन जिउन सिकाएको यो कर्मभूमि अब मलाई एउटा सम्झौताको थलोजस्तो लाग्छ। तर समय कहिल्यै रोकिँदैन। मेरो चाला, मेरो यात्राको कथा, यो दुई ठूला भिन्न संसारको बीचको पुल बनेको छ। जहाँ जन्मथलोले सधैँ माया बाँडिरह्यो, तर परदेशले मबाट धेरै अपेक्षा गरिरह्यो। अब, ६० डिग्रीको घाम पनि त्यति असह्य लाग्दैन, किनकि थकित मनलाई अब फर्किनुपर्ने कुरा थाहा छ। फर्कने इच्छा अब सपना होइन, यो मेरो अस्तित्वको अन्तिम यात्रा हो। तर फर्केर जाने गाउँ त्यहीँ छ? कि बदलिएको छ— मानिसका अनुहार,सोच,अनि सपनाजस्तै? मेरो जन्मभूमि, म तिमीलाई अझै उस्तै देख्न चाहन्छु, तर थाहा छैन, के मैले देख्ने ठाउँ उस्तै हुनेछ, या केवल यादले भरिएको एउटा खाली ठाउँ।
हेमन्त मल्ल ठकुरी बोल्नेको मुख बन्द गरौं देख्नेको आँखा हिँड्नेलाई किन हिँड्न दिने ? दुवै खुट्टा कसेर बाँधौं हाथले मुठ्ठी कस्यो कसेर बाँधौं फेरि पनि सर्न खोज्ला घाँटीमा दाम्लो कसौं घरमुलिलाई तिम्रा विचार मन पर्दैनन् यति पनि बुझ्नु पर्दैन ? घरमुलिहरूलाई आफूखुशी गर्न दिऊँ आफूखुशी बोल्न दिऊँ आफूखुशी चल्न दिऊँ कहिले त थाक्लान् कहिले त सोच्लान् कहिले त थाहा पाउलान् आफूले गरेको बेथिति आफूले गरेको गल्ती ए पछि-पछि थपडी बजाउनेहरू ! धेरै बजाए हाथ दुख्छ धेरै भजन गाए राग टुट्छ बडका भलमन्साले भन्ने गर्छन् सहीलाई सही भन्न सिक गलतलाई गलत होइन मान्छेलाई मात्रै होइन मुलुकलाई पनि दशा लाग्छ जय नेपाल (साभार-नेपालीहेडलाइन डटकम।)
शीतलपाटीन्युज डटकम। लन्डन । बेलायत निवासी गायिका शर्मिला बर्देवाको नयाँ गीत ‘सजाय काफी हुँदैन’सार्वजनिक भएको छ । क्रिसमसका दिन बुधबार नयाँ गीत ‘सजाय काफी हुँदैन’ सार्वजनिक गरिएको हो । उक्त गीत देवेन्द्र आचार्यले रचना गर्नुभएको हो भने कम्पोज-एरेन्ज राजेन्द्र बजगाईंको छ । मिक्सिङ/मास्टरिङ इन्जिनियर मनोज परियार हुनुहुन्छ । उक्त गीतको म्यूजिक भिडियो क्याच स्टुडियोले ल्याएको हो । नेपाली पार्श्व तथा आधुनिक गायनमा विशिष्ट स्थान बनाएकी बर्देवाले नेपाली चर्चित फिल्महरुमा पार्श्व गायन गर्नुभएको छ । बर्देवाका ‘फूलको जवाफ’, ‘मेरो हजुरलाई’, ‘तस्वीरमै यस्तो’, ‘आँखैमा झलझली’, ‘हिउँचुलीमा हिउँ’, ‘आगो लाग्यो दिलैमा दमकल बोलाइदेउ’ लगायत दर्जनौँ गीत चर्चित छन् । उहाँको यसअघि ‘मन सिउने धागो’ बोलको गीत बजारमा आएको थियो । बेलायतको राष्ट्रिय स्वास्थ्य सेवा (एनएचएस) मा नर्सका रुपमा कार्यरत गायिका बर्देवाले आफ्नो गायन पेशालाई अझ बढी समय दिन नेपाल बसेको बताइन्।
