२८ श्रावण, २०८१
शीतलपाटीन्युज डटकम।
लण्डन।मिड्ल्यान्ड नेपाली क्रिकेट लिग २०२४ को उपाधि नटिङ्गम गोर्खाले जितेको छ। आइतबार नटिङ्गममा सम्पन्न फाइनल खेलमा नटिङ्गम गोर्खाले गोर्खा टाइगर स्पोर्ट्स क्लब लेस्टरलाई हराउँदै विजेता बन्न सफल भएको हो। टस जितेर पहिले ब्याटिङ रोजेको लेस्टरले १८ ओभरमा १०६ रनको लक्ष्य दिएको थियो। नटिङ्गम गोर्खाले उक्त लक्ष्य १६ ओभरमै पूरा गर्दै ११० रन बनाउँदै खेल आफ्नो पक्षमा पारेको हो।
खेल समाप्तिपछि विजेता र उपविजेता टोलीलाई मेडल, ट्रफी र नगद पुरस्कार प्रदान गरियो। खेल संयोजक दीपक सापकोटाका अनुसार बेलायतमा रहेका नेपाली युवाहरूको खेलमा रुचि बढाउन र राष्ट्रिय स्तरका खेलाडी उत्पादन गर्ने उद्देश्यले लिगको आयोजना गरिएको हो।
पुरस्कार वितरण कार्यक्रम साझा नेपाली समाज बेलायतका संस्थापक अध्यक्ष शंकर भण्डारीको अध्यक्षतामा सम्पन्न भएको थियो।जसमा मिड्ल्यान्डमा रहेका विभिन्न नेपाली समाजका पदाधिकारीहरूको उपस्थिति रहेको थियो।साझा नेपाली समाजका महासचिव शशांक शर्माका अनुसार यो लिगको प्रमुख प्रायोजक साझा नेपाली समाजले गरेको थियो।
समाजको कोषबाट निकासा गरिएको £२५०० खर्चको भरपाई सेप्टेम्बर १६मा साझा नेपाली समाजले sports & emergency relief fund नॅामको च्यारिटि सॅाझको आयोजना गरि गर्देछ।च्यारिटि सॅाझ पुर्व अध्यक्ष एवं ट्रष्टि रण बहादुर खाती क्षेत्रीको संयोजकमा गरिनेछ।
