Tuesday December 06, 2022

ठगीको आरोपमा निर्मात्री तथा कलाकार प्रज्ञा जोशी प्रहरीद्दारा पक्राउ

१८ चैत्र, २०७५ शीतलपाटीन्युज डटकम 46107


ठगीको आरोपमा निर्मात्री तथा कलाकार प्रज्ञा जोशी प्रहरीद्दारा पक्राउ

शीतलपाटीन्युज डटकम।

केही वर्ष अघि चलचित्रमा सक्रिय रहेकी निर्मात्री तथा कलाकार प्रज्ञा जोशी प्रहरीद्दारा पक्राउ परेकी छिन् । आइतबार इटहरीबाट उनलाइ प्रहरीले ५० लाख ठगी गरेको आरोपमा पक्राउ गरेको हो । सोमबार उनलाई इटहरीबाट काठमाडौं ल्याइँदैछ । लामो समयदेखि उनी लुकेर इटहरीमा बस्दै आएकी थिइन् । बताइएअनुसार उनले एक जग्गाको कारोबारमा ५० लाखको चेक दिएकी थिइन् । उक्त चेक बाउन्स भएपछि उनीविरुद्ध प्रहरीमा मुद्धा चलेको थियो । इलाका प्रहरी कार्यालयले जनाएअनुसार सुवर्णकुमारी श्रेष्ठले आफूलाई ठगेको भन्दै महानगरीय प्रहरी परिसर काठमाडौंमा दिएको उजुरीको आधारमा जोशीलाई पक्राउ गरिएको हो । 

उनले दर्जन भन्दा बढी चलचित्रमा अभिनय गरेकी छिन् भने केही चलचित्रहरु निर्माण समेत गरेकी छिन् ।  उनले चलचित्र 'नोटबुक', 'न बिर्सें तिमीलाई न पाएँ तिमीलाई' ,'सम्झना' 'सपुत' निर्माण गरेसकेकी छिन् भने चलचित्र 'कान्छी नानी'  'तिमी मात्र तिमी' लगायतका फिल्ममा अभिनय पनि गरेकी छिन् । 



सम्बन्धित शीर्षकहरु

यसपाली को world Cup कसले जित्ला?