Sunday December 15, 2019

लागूऔषध मुद्दामा कारागार चलान भएकाहरुसंग अन्तर्क्रिया कार्यक्रम सम्पन्न : पोखरा 

८ असार, २०७६ शीतलपाटीन्युज डटकम। 1245


लागूऔषध मुद्दामा कारागार चलान भएकाहरुसंग अन्तर्क्रिया कार्यक्रम सम्पन्न : पोखरा 

शीतलपाटीन्युज डटकम।

पोखरा। समुदाय-प्रहरी साझेदारी कार्यक्रम अन्तर्गत जिल्ला प्रहरी कार्यलय कास्कीले यही असार ७ गते कास्की जिल्ला कारागारमा लागूऔषध मुद्दामा कारागार चलानभएका व्यक्तिहरुसगँ एक अन्तरक्रिया तथा छलफल कार्यक्रम सम्पन्न गरेको छ ।

३२औं अन्तराष्ट्रिय लागूऔषध दुरुपयोग तथा ओसारपसार विरुद्धको दिवसको अवसरमा सप्ताहव्यापी कार्यक्रम अन्तर्गत उक्त छलफल तथा अन्तरक्रिया कार्यक्रम आयोजना गरिएको हो । उक्त अन्तरक्रिया कार्यक्रममा लागूऔषध मुद्दामा कारागार चलानभएका व्यक्तिहरुले लागूऔषध प्रयोगकर्ता समाजका रोगी भएको र उनिहरुलाई अन्य अपराधीहरु संगै राख्न नहुने र व्यवहार समेत सकरात्मक हुनु पर्ने कुरा व्यक्त गरेका थिए । सहभागिहरुबाट उठेका जिज्ञाशाहरुलाई सम्बोधन गर्दै जिल्ला प्रहरी कार्यालय कास्की प्रमुख प्रहरी उपरीक्षक दान बहादुर कार्किले लागूऔषध रहित सभ्य, सु-संस्कृत समाज निर्माणका लागि नेपाल प्रहरी लागि परिरहेको र प्रहरी एक्लैको प्रयासले यसमा सार्थकता नपाउने हुदाँ सरोकारवाला निकायहरुले प्रहरीलाई साथ दिनुपर्ने कुरा बताउनुभयको थियो।

साथै उहाँले कैद सजाय भुक्तान गरेर समाजमा उदाहरणिय व्यक्ति बनेर स्थापित भई समाजका कमजोर व्यक्तिहरुको मुहारमा मुस्कान ल्याउन हरसम्भव प्रयास गर्नुपर्ने बताउँदै कारागारबाट निस्किए पश्चात समाज परिवर्तनका लागि नेतृत्वदायि भूमिका निर्वाहको लागि कटिवद्ध हुनुपर्ने कुरा बताउनुभयो ।

सामुदायिक प्रहरी सेवा जिल्ला समन्वय समिति कास्कीका अध्यक्ष बोधराज कार्कीको अध्यक्षतामा सम्पन्न उक्त कार्यक्रममा कास्की कारागारका जेलर गणेश गौतम, लागूऔषध नियन्त्रण व्यूरो पोखराका प्रमुख प्रहरी निरीक्षक टेक बहादुर राउत, रिकोभरी नेपाल गण्डकी प्रदेशका अध्यक्ष शिव न्यौपाने, लागूऔषध नियन्त्रण तथा सुधार आमा समूहका उपाध्यक्ष भगवति गुरुङ लगायत अन्य व्यक्तिहरुको उपस्थिति रहेको थियो ।




यसमा तपाइको मत


सम्बन्धित शीर्षकहरु

यसपाली को world Cup कसले जित्ला?