Monday August 08, 2022

चौथो पिपल नेपाल कप टि–२० क्रिकेट महामहिम राजदुत डा सुबेदीले ब्याटिड्ग गरेर उद्घाटन गर्ने कार्यक्रम

२२ असार, २०७६ शीतलपाटीन्युज डटकम । 5193


चौथो पिपल नेपाल कप टि–२० क्रिकेट महामहिम राजदुत डा सुबेदीले ब्याटिड्ग गरेर उद्घाटन गर्ने कार्यक्रम

शीतलपाटीन्युज डटकम।

लण्डन । पोखरेली मंच यूकेको आयोजनामा हुन लागेको चौथो संस्करणको पिपल नेपालकप टि–२० क्रिकेट प्रतियोगिताको तयारी अन्तिम चरणमा पुगेको कुरा हिजो बसेको मंचको बैठकले जनाएको छ।मंचका अध्यक्ष मान प्रसाद गुरुङले बैठक पश्चात खेलको तयारी पुरा भयको र बेलायतका लागी नेपाली राजदुत डा दुर्गा बहादुर सुबेदीले ब्याटीड्ग गरेर उद्घाटन गर्ने योजना रहेको बताउनु भयको छ ।

१४ जुलाई २०१९ मा हुने पहिलो दिनको खेलको उद्घाटन महामहिम राजदुत डा सुबेदीले गर्नु हुनेछ भने २१ जुलाई २०१९ मा हुने फाइनल खेलको समापन एनआरएन युकेका अध्यक्ष योग कुमार फगामीले गर्ने कार्यक्रम तय भयको छ। बेलायतमा यति बेला आइसिसी क्रिकेट विश्वकपको करिब–करिब अन्तिम चरणका खेलहरु जारी रहि रहँदा यता पोखरेली मंच यूकेले बेलायतमा रहेका नेपाली संस्थाहरु मध्ये चार वर्ष देखि निरन्तर रुपमा क्रिकेट प्रतियोगिता गर्दै आइरहेको छ । यूवालाई खेल मार्फत अगाडी बढाउने मुख्य उद्धेश्यका साथ आयोजना गरिएको यस प्रतियोगिता ८ टीमले भाग लीने र उपाधी बिजेता टिमले ८ सय पाउण्ड र उपविजेताले ५ सय पाउण्डका साथ आकर्षक ट्रफी र मेडलहरु प्राप्त गर्ने छन ।

मंचका अध्यक्ष गुरुङले बेलायतमा खेलकुदमा नगद पुरुस्कार भन्दा पनि उपाधी बिजेताले प्राप्त गर्ने ट्रफीले विशेष महत्व राख्ने बताउँदै भने–‘जती–जती यो प्रतियोगिताको संस्करण अगाडी बढ्दै जान्छ भविष्यमा त्यतीनै यो कपको महत्व पनि उत्तिकै बढ्नेछ ।’ खेल मार्फत यूवालाई खेल प्रोत्साहन दिन पनि यो प्रतियोगिता महत्वपूर्ण रहेको बताउँदै खेलकुदले नै हाम्रो आपसी सम्वन्ध बलियो बनाउन समेत अहम भूमिका खेलेको बताउनु भयको छ । यूके रिडिङ क्रिकेट क्लब Sonning Lane Reading RG4 6ST खेल मैदानमा यहि जुलाई १४ देखि २१ तारिख सम्म संचालन हुने प्रतियोगितामा ट्रफी, वेष्ट व्याट्सम्यान, बेष्ट बलर, प्लेयर अफ दि टुर्नामेन्ट र खेलाडीलाई प्रदान गरिने कप, ट्रफी र मेडलहरु तयार भइसकेको अध्यक्ष गुरुङले जानकारी दिनु भयको छ।

चौथो संस्करण सम्म आइपुग्दा १२ भन्दा बढी टिमहरु दर्ताका लागि आएको भयपनि ८ टीमलाई मात्र छनौट गरीएको र रिडिङ नेपालीहरुको घना वस्तीको रुपमा बिकसित भइरहेकोले यसलाई खेलकुद शहरको रुपमा पनि अगाडी बढाउने संघको उद्धेश्य रहेको बताउनु भयको छ ।’

सो प्रतियोगिताका लागि बेलायत स्थित नेपाली राजदुतावास, एनआरएन युके, रिडिङ स्थित

रिडिङ नेपलिज कम्यूनिटी बिभीन्न एशोसियसन लगायत महत्वपूर्ण ब्यबसायिक प्रतिष्ठान र समाजसेवीहरुको सहयोग रहेको अध्यक्ष गुरुङले बताउनु भयको छ।



सम्बन्धित शीर्षकहरु

यसपाली को world Cup कसले जित्ला?