Thursday March 04, 2021

‘हजार जुनीसम्म’को शिर्ष गीतमा आयुष केसीको स्वर (भिडियो)

२७ श्रावण, २०७६ शीतलपाटीन्युज डटकम 1321


‘हजार जुनीसम्म’को शिर्ष गीतमा आयुष केसीको स्वर (भिडियो)

शीतलपाटीन्युज डटकम।

रियालिटी शो सारेगमपमा चौथो भएका आयुष केसीले चलचित्र ‘हजार जुनीसम्म’मा भारतीय स्वर दिएका छन् । उनले उदय सोताङ्गको हिट गीत ‘हजार जुनीसम्म’का लागी आफ्नो स्वर दिएका छन् । चलचित्रमा यसलाई रि–एरेञ्ज गरिएको छ। गीतलाई उदयले नै तयार पारेका हुन् । केहि दिन अगाडी आयुषले उदयकै उपस्थितिमा गीत रेकर्ड गराएका थिए । धेरै बाल गायकको स्वर रिजेक्ट गरेका उदयले आयुषले भने आफुलाई खुसि बनाएको बताए । चलचित्रमा उदय र आयुष दुवैको स्वरमा गीत रहनेछ भने निर्माण पक्षले आयुषको स्वर रहेको गीत सार्वजनिक गरेको छ । गीतमा पवन चाम्लिङ्ग ‘किरण’ को शब्द र योगेन्द्र घातानीको संगीत रहेको छ । 

उदयको स्वरमा चलचित्रमा गीत गाउँदै गरेको आर्यन सिग्देल देखिनेछन् भने आयुषको स्वरमा उनले चाइल्ड स्टार अनुभव रेग्मी । उदयले स्टुडियोमा रेकर्डिङको क्रममा आयुषलाई केहि सिकाएका थिए । यहि साउन ३० गतेबाट प्रदर्शनमा आउने तयारीमा रहेको यो चलचित्रमा आर्यन सिग्देल, स्वस्तिमा खड्का,  संचिता लुइँटेल , अनुभव रेग्मी, सलोन बस्नेतलगायतका कलाकारहरुको अभिनय छ । नाई नभन्नु ल सिरिजका निर्देशक विकासराजको निर्देशन रहेको चलचित्रको पटकथा सामीप्यराज तिमल्सेनाले तयार पारेका हुन् । यसमा उदयराज सोताङ्ग, राजनराज सिवाकोटी, बसन्त सापकोटा र प्रविन पौडेलको संगीत, अर्जुन जिसीको सम्पादन छ । कविता रेग्मी फिल्मकी कार्यकारी निर्माता हुन् भने यसमा विशाल चाम्लिङ निर्माता छन् ।

 




यसमा तपाइको मत


सम्बन्धित शीर्षकहरु

यसपाली को world Cup कसले जित्ला?