Friday January 21, 2022

प्रहरी अस्पताल महाराजगंजको ३६औं बार्षिकोत्सव सम्पन्न, संवेदनशील अवस्थामा उपलब्ध साधनश्रोतको उचित प्रयोग गरी दृढ विश्वास र निस्वार्थ भावना सहित मानवीय सेवा प्रवाह गर्नुपर्ने

२८ चैत्र, २०७६ शीतलपाटीन्युज डटकम। 2843


प्रहरी अस्पताल महाराजगंजको ३६औं बार्षिकोत्सव सम्पन्न, संवेदनशील अवस्थामा उपलब्ध साधनश्रोतको उचित प्रयोग गरी दृढ विश्वास र निस्वार्थ भावना सहित मानवीय सेवा प्रवाह गर्नुपर्ने

नव जनप्रहार।

काठमाडौँ।  नेपाल प्रहरी अस्पतालका मेडिकल डाइरेक्टर प्राविधिक प्रहरी अतिरिक्त महानिरीक्षक डा.आशा सिंहको प्रमुख आतिथ्यमा बिहीबार आयोजित एक कार्यक्रमबीच नेपाल प्रहरी अस्पताल महाराजगंजको ३६औं बार्षिकोत्सव सम्पन्न भएको छ। उक्त अवसरमा प्राविधिक प्रहरी अतिरिक्त महानिरीक्षक डा. सिंहले लामो समयावधी अस्पतलामा सेवा गर्ने प्रहरी कर्मचारीहरुलाई कदरपत्र, उत्कृष्ट कार्य सम्पादन गर्ने कर्मचारीहरुलाई नगद तथा प्रमाणपत्र र उत्कृष्ट विभागहरुलाई प्रशंसापत्र प्रदान गर्नुभयो। 

अस्पतालको विविध गतिविधि र स्वास्थ्यमूलक लेखहरु समेटेर ३६औं वार्षिकोत्सव अवसरमा प्रकाशित ‘अस्पताल दर्पण २०७६’ को पनि उहाँले लोकार्पण समेत गर्नुभयो ।
कार्यक्रममा पूर्व प्रहरी तथा बहालवाला प्रहरी र परिवारका लागि प्रहरी कल्याण कोषले अस्पताललाई प्रदान गरेको २ करोड रुपैयाँको थैली प्रहरी प्रधान कार्यालय कल्याण महाशाखाका प्रहरी वरिष्ठ उपरीक्षक टेक बहादुर तामाङले अस्पतालका प्राविधिक प्रहरी अतिरिक्त महानिरीक्षक डा. सिंहलाई हस्तान्तरण गर्नुभयो। साथै अस्पतालको वार्षिकोत्सवको अवसरमा प्रहरी महानिरीक्षक ठाकुर प्रसाद ज्ञवालीले पठाउनु भएको शुभकामना सन्देश प्राविधिक प्रहरी अतिरिक्त महानिरीक्षक डा.सिंहले वाचन गर्नुभएको थियो।  

कार्यक्रममा प्राविधिक प्रहरी अतिरिक्त महानिरीक्षक डा. सिंहले विश्वव्यापी रुपमा फैलिएको कोरोना भाइरस (कोभिड-१९) को महामारी नियन्त्रणका लागि नेपाल सरकारले लागू गरेको लकडाउनको समयमा समेत उच्च जोखिमका बाबजुद प्रहरी अस्पतालका कर्मचारीहरुले सेवा प्रदान गर्दै आएको उल्लेख गर्नुभयो। हालको संवेदनशील अवस्थामा उपलब्ध स्रोत साधनको उचित प्रयोग गरी दृढ विश्वास र निस्वार्थ भावना सहित मानवीय सेवा प्रवाह गर्नुपर्नेमा उहाँले जोड दिनुभयो। विषम परिस्थितिमा सामूहिक भावना,सहकार्य र उच्च संवेदनशीलताका साथ अस्पतालको लक्ष्य हासिल गर्नेतर्फ अग्रसर हुन उहाँले अस्पतालमा कार्यरत प्रहरी कर्मचारीहरुलाई निर्देशन समेत दिनुभयो।

कार्यक्रममा प्रहरी नायव महानिरीक्षकहरु,प्रहरी वरिष्ठ अधिकृतहरु एवं प्रहरी अधिकृत तथा जवानहरु र पुर्व प्रहरीहरूको उपस्थिति रहेको थियो ।




यसमा तपाइको मत


सम्बन्धित शीर्षकहरु

यसपाली को world Cup कसले जित्ला?