Wednesday May 27, 2020

कविन्द्र घिमीरेको कविता : "अनुरोध"

१८ बैशाख, २०७७ शीतलपाटीन्युज डटकम। 1097


कविन्द्र घिमीरेको कविता : "अनुरोध"

दिपक राज जोशीको फेसबुकबाट कविन्द्र घिमिरेको कविता "अनुरोध "

दश -छ को पिकेट डिउटी
सक्दा नसक्दै
मेजर साबले फेरि लेख्दिनुभएछ डिउटी
कलमले रजिष्टरमा लेखेको डिउटी जस्तो
कहाँ सजिलो छ र?
चोकमा बन्दुक सँगको डिउटी

झरी परिरहन्छ
पानीका थोप्लाहरुले हिर्काउलान भनेर
आफ्नो टाउको जोगाउनु भन्दा पहिले
जोगाउनु पर्छ
बन्दुकको नाल म्याग्जिन र त्यस भित्रका गोलीहरु

यी झरीहरुमा
आँखा अगाडि नाच्छन अतितहरु
साँनो छदा
बार्दलीबाट खसेको पानीको थोपालाई
खेलाउदा खेलाउदा भिझ्थ्यो,
कुईना भन्दा मुनीको बाउला
आमा हत्तपत्त आउनुहुन्थ्यो र
फेरीदिनु हुन्थ्यो अर्को लुगा
अचेल
पन्चुको सानो प्वालबाट
बन्दुक जोगाउन खोज्दा खोज्दै
अनायासै छिर्छन पानीका थोपाहरु
शरीरभित्र
अनि हल्लाउछन् जाडोले मुटु
यो चोकमा
यो डिउटिको समयमा
कसरी फेर्नु र ती भिजेका लुगा???

यि पैतालाहरु
गोलघरमा थुनिएको कैदी जस्तै भएका छन्
सुर्योदय देखि सुर्यास्त सम्म
कहिले त चौबिसै घण्टा
नजरबन्द भईरहेछन् बुट भित्र

प्रियाले उताबाट फोन थिचिरहेछिन
यता घण्टी बजिरहेछ
सायद उनी फोन हातमै लिएर निदाईन
यता फोन उठाउने समेत फुर्सद छैन
महाशय!
म यसरी तपाईका लागि बाहिर निस्किरहेछु
तर
तपाईं आफ्नै लागि घरभित्र बस्न सक्नुभएन?

यो लकडाउनको समय
देश बिरामी परेको समय
तपाईलाई अलिकती पनि देशको चिन्ता छ भने
जानुस्
आफ्नै घर भित्र गएर आरामले बस्नुस् ।।

@ कविन्द्र घिमिरे
ककनी २ नुवाकोट
Kabindra ghimire




यसमा तपाइको मत


सम्बन्धित शीर्षकहरु

यसपाली को world Cup कसले जित्ला?