Wednesday May 27, 2020

विश्वप्रख्यात क्याम्ब्रिज युनिभर्सिटीले सबै पठन-पाठन अनलाइन मार्फत गर्ने

८ जेष्ठ, २०७७ शीतलपाटीन्युज डटकम। 1027


विश्वप्रख्यात क्याम्ब्रिज युनिभर्सिटीले सबै पठन-पाठन अनलाइन मार्फत गर्ने

शीतलपाटीन्युज डटकम।
लण्डन। बेलायतमा रहेको विश्वप्रख्यात ‘क्याम्ब्रिज
युनिभर्सिटी’ले आफ्ना सबै पठन पाठन ‘अनलाइन मार्फत गर्ने भएको छ। आगामी वर्ष २०२१ को समर सेसनसम्म त्यस्तो अनलाइन मात्रको पठन पाठन हुने जनाएको छ। कोरोना महामारीका कारण हाल प्रायजसो बिश्वबिद्यालयहरुमा अनलाइन पठन पाठन भैरहेको भएता पनि आगामी बर्षसम्म यसरि पढाइ गरिने घोषणा गर्ने ‘क्याम्ब्रिज युनिभर्सिटी’ पहिलो शैक्षिक संस्था भएको बेलायतका संचारमाध्यमहरुले उल्लेख गरेका छन्। ‘क्याम्ब्रिज युनिभर्सिटी’द्वारा जारि एक बिज्ञप्तिमा कोभिड -१९ र सामाजिक दुरी लाइ मध्यनजर गर्दै आगामी दिन,सेसनहरुमा सो निर्णयका बारेमा पुनर्मूल्यांकन गरिने बताइएको छ।

यसैबीच ‘लिंक्दइन’ नामको एक सामाजिक सञ्जालले हालै गरेको एक अध्ययनले ६३ प्रतिशत भन्दा बढी भारतीयहरुले आगामी दिनमा इन्टरनेटको माध्यमबाट अध्ययन गर्ने (अनलाइन लर्निङ) गर्ने जनाएको छ।

उक्त संस्थाले हालै गरेको एक अध्ययनमा यस्तो देखिएको बताइएको छ। मङ्गलबार सो संस्थाले उक्त अध्ययनसम्बन्धी प्रतिवेदन सार्वजनिक गरेको हो। भारतमा शिक्षालगायतका विभिन्न व्यवसायिक क्षेत्रका व्यक्तिहरुमा गरेको उक्त सर्वेक्षणले यो अवस्था देखाएको उक्त संस्थाले जनाएको छ।

यस सर्वेक्षणमा उक्त संस्थाले २ हजार ३२३ जनालाई प्रश्न सोधेको थियो। तीमध्येका ६० प्रतिशत भन्दा बढीले आगामी दिनमा पनि आफूहरुले अनलाइनको माध्यमबाट अध्ययन गर्ने जनाएका हुन्। उक्त सर्वेक्षणले अध्ययन गर्ने प्रयोजनका साथै अन्य कामहरु पनि भारतीय नागरिकहरुले अनलाइनको प्रयोगलाई बढाएका पनि सो सर्वेक्षणले देखाएको छ।

यी मध्येका ६० प्रतिशतले आफूहरुले औद्योगिक विषयको ज्ञान पनि अनलाइनबाटै लिन चाहेको बताएका थिए भने अरु ५७ प्रतिशत नागरिकले आफ्नो व्यवसाय वा कामलाई अझ बढी प्रभावकारी बनाउने भन्ने कममा अनलाइन प्रयोग गर्न चाहेको तथा ४५ प्रतिशतले आफ्नो सञ्चार प्रक्रियालाई के कसरी प्रभावकारी बनाउने भन्ने चाहेका सो सर्वेक्षणमा देखिएको छ।
(हिमालय मेलबाट)
 




यसमा तपाइको मत


सम्बन्धित शीर्षकहरु

यसपाली को world Cup कसले जित्ला?