Wednesday May 27, 2020

सनराइज फाइनान्सियल सोलुसन्सको दोस्रो शाखा वेलिङ लण्डनमा

८ जेष्ठ, २०७७ शीतलपाटीन्युज डटकम। 1034


सनराइज फाइनान्सियल सोलुसन्सको दोस्रो शाखा वेलिङ लण्डनमा

शीतलपाटीन्युज डटकम।
लण्डन। बेलायतमा वित्तिय सेवा प्रदान गर्दै आएको सनराइज फाइनान्सियल सोलुसन्स यूकेले आफ्नो दोस्रो शाखा बिस्तार गरेको छ ।

लण्डन लुइशमको लीमा मुख्य कार्यालय रहेको सनराइजले नयाँ शाखा बेक्सलीको वेलिङमा स्थापना गरेको कम्पनीका प्रिन्सिपल प्रेम गैरेले जानकारी दिनुभयको छ। नयाँ शाखा मंगलबारदेखि सञ्चालनमा आइसकेको छ। वेलिङ शाखाको स्थापनासंगै चार्टर एकाउण्टेन्ट उदयराज लम्साल समेत सनराइज फाइनान्सियल सोलुसन्समा आबद्ध भएको प्रिन्सिपल गैरेले जानकारी दिनु भयको छ। लम्सालले वेलिङमा स्थापित नयाँ शाखा सम्हाल्नेछन् ।

सेवाग्राहीलाई सेवा प्रदान गर्ने क्रममा थप सहज होस् भन्ने उद्धेश्यले शाखा बिस्तार गरिएको प्रिन्सिपल गैरे बताउँछन् ।सनराइज फाइनान्सियल सोलुसन्स्ले मोर्गेज, कमर्सियल फाइनान्स, सबै खालका लाइफ इन्सोरेन्स, बिल्डिङ तथा कन्टेन्ट, कमर्सियल र ल्यान्डलर्ड इन्सोरेन्स लगायतका वित्तीय सेवा प्रदान गर्दै आएको छ।

साथै, कम्पनीले बेलायतको प्रतिष्ठित ‘मोन्टेगमेरी पल कम्पनी’ संगको सहकार्यमा इन्भेस्टमेन्ट, पेन्सन, विल्स र स्टेट प्लानि को काम समेत गर्दै आइरहेको छ। छिटो, सजिलो र भरपर्दो सेवालाई प्राथमिकता बनाएको सनराइजका सेवाग्राही पनि बढ्दै गएको तथा बेलायतका सबै क्षेत्रमा सेवा प्रदान गरिसकेको गैरे बताउँछन् । कम्पनीले प्रदान गर्ने सेवालाई गुणस्तरीय राख्दै निकट भविष्यमा थप अर्को एक शाखा समेत खोल्ने तयारी गरिरहेको उनको भनाइ छ ।

सनराइज फाइनान्सियल सोलुसन्सका कुनै पनि सेवा तथा अन्य जानकारीको लागि कम्पनीको वेबसाइट भिजिट गरेर सम्पर्क राख्न सकिनेछ ।
(नेपालीलिङ्कबाट)
 




यसमा तपाइको मत


सम्बन्धित शीर्षकहरु

यसपाली को world Cup कसले जित्ला?