Sunday July 05, 2020

छोटो मिठो मेरो विचार : फोनको संसार

११ असार, २०७७ शीतलपाटीन्युज डटकम। 1157


छोटो मिठो मेरो विचार : फोनको संसार

उमेश रेग्मी ।

आज मलाई गजब को लहड चल्यो । मलाई पनि पल्लो कोठामा भएकी छोरीलाई "Happy Birthday" भन्न मन लाग्यो। श्रीमतीलाइ बिबाहको "Happy Anniversary" लेख्न मन लाग्यो। साथी भाइहरुसंग आफ्नो विचार शेयर गर्न मन लाग्यो। अर्थ न बर्थका कुराहरुलाई पोस्ट गरेर वाह वाह लुट्न मन लाग्यो। बेला न कुबेला खिचेका अनि रुप न रंगका तस्बिरहरु अरुलाई देखाउन मन लाग्यो। मलाई पनि सामाजिक संजाल मा आफ्नो एकाउन्ट खोल्न मन लाग्यो। आफ्नो मनको इच्छा श्रीमती र छोरी लाई सुनाए। उनीहरुको अनुहारमा अच्चम्म भाव प्रस्ट देखिन्थ्यो मेरो कुरो सुनेर। श्रीमतीले सोधिन "सामाजिक संजालमा एकाउन्ट खोल्न त फोन चाहियो नि बुढा, छ त?" म झस्याङ्ग भए।

फोन त्यो पनि मोबाइल फोन कहाँबाट लेराउने। हामी जस्तो जागिरेले त्यस्तो फोन किन्ने भनेको पनि ठुलै कुरो रहेछ। घुस खाने ठाउमा जागिर खान पाएको भए नि हुन्थ्यो भन्ने जस्तो लाग्छ कहिलेकाही घरको अभाव देख्दा। तर पुर्पुरोमा नभएको कुरो के पाइन्थ्यो र। गरिबीको अस्त ब्यस्त तालमा अल्झेको जिन्दगीमा मलाई सामाजिक संजालको फितुर चल्दा आफैसंग झोक चल्यो एकछिन।

बल्ल बल्ल पोहोर साल किनेको फोन श्रीमतीलाई नभई भएन। त्यो देखे पछि छोरीले फोन नभए स्कूल नै  जान्न भन्न थालि, उसलाई पनि किन्दिनै पर्यो। अनि आफु चाही बुच्चाको बुच्चै।

अजिङ्गरको आहारा दैबले पुर्याऊँछ भने झैँ मलाई पनि आज फोन किन्ने साइत आइ लाग्यो त्यो पनि दशैँको पेश्कीले। श्रीमतीको अलि अलि डर मनमा छदै थियो तर पनि हिम्मत गरेर एउटा फोन किनी छाडे मैले। घर फर्किदै गर्दा मनमा ग्लानी अनि खुशीको मिश्रण अनुभव गरिरहेको थिए। दशैँको पेश्की फोनमा सिध्याऊँदा श्रीमतीबाट खानु पर्ने गाली पनि सम्झीरहेको थिए मैले।

सोचको बिपरित घरमा फोनको खुशी साथ स्वागत भयो। लाग्यो होला बल्ल बुढो पनि आधुनिक भयो भनेर। उनीले नै Facebook, Instagram, अनि क्या हो क्या हो खोलि दिइन मलाई। उनको सहयोगले गर्दा मैले पनि Facebook चलाउन जाने। छोरीले Instagram चलाउन सिकाई। उसलाई पनि आफ्नो बाऊ आधुनिक भाको खुब मन परेको छ।

आजभोलि म श्रीमतीलाई "I Love You" भनेर लेख्छु Facebook मा। मलाई उत्तर पनि आउँछ तुरुन्तै "I Love You Too" ताज्जुब लाग्छ मलाई। श्रीमतीसंग माया जताउन मलाई फोनको साहारा चाहिएको अनि उता छोरीसंगको भेटघाट फोनमा नै सिमित भएको देख्दा लाग्छ आधुनिकीकरण भनेको यहि हो जस्तो। साथीभाईको गजब गजबका अनि उरनठ्याउला पोस्टले कहिले काही मन बहलाउन सहयोग हुन्छ तर मनको कुनामा लुकेको कौतुहलता अनि सामिप्यको अधुरो पना भने रहि रहन्छ I

आधुनिक बन्ने क्रममा परस्परबाट टाढा हुन पुगेका हामी फोनको साहारामा रमाउन बाध्य छौ। फोनमा नै माया गर्छौ, फोनमा नै भावना पोख्छौ, रुन्छौ, चिच्च्याउछौ, हास्छौ अनि वास्तविकता बुझेर गम्भीर  हुन्छौ।

सामाजिक संजालमा "आफ्ना" लाई खोज्दै जादा आफै हराएको पत्तै भएनI




मतहरू

bfyhgatry

dissertation completion fellowship https://dissertationyjx.com/ - dissertation dedication dissertation defense powerpoint dissertation search dissertation examples


यसमा तपाइको मत


सम्बन्धित शीर्षकहरु

यसपाली को world Cup कसले जित्ला?