Thursday March 04, 2021

सगुनका फाउण्डर गोविन्द गिरी नयाँ फिचरहरुबारे युकेस्थित लगानीकर्तालाई प्रस्तुत गर्दै

७ फाल्गुन, २०७७ शीतलपाटीन्युज डटकम। 1235


सगुनका फाउण्डर गोविन्द गिरी नयाँ फिचरहरुबारे युकेस्थित लगानीकर्तालाई प्रस्तुत गर्दै

शीतलपाटीन्युज डटकम।
लन्डन । सामाजिक संजालमा आधारित इकमर्स कम्पनी सगुनको पछिल्लो फिचरहरुबारे सगुनका संस्थापकहरुले बेलायतस्थित एनआरएन अगुवा तथा लगानीकर्ताहरुलाई जानकारी गराएका छन्।
मंगलबार भर्चुअल मध्यमद्वारा आयोजित एक कार्यक्रममा प्रस्तुति दिंदै अमेरिकामा मुख्यालय रहेको सगुन इंकका संस्थापक गोविन्द गिरीले ‘मुड टक’ जस्ता नयाँ फिचर बजारमा ल्याएको बताए।
मुड टकमा गएर आफ्ना परिवार तथा साथीहरुसंग च्याट गर्न सकिने र २४ घण्टामा च्याट आफै डिलिट हुने उनले बताए। उनले यसमा चित्र वा भिडियो पनि चांडै शेयर गर्न मिल्ने र यो फिचरले मानिसहरुलाई कुराकानी शुरु गर्न,सम्वन्ध बलियो बनाउन सघाउने विश्वास व्यक्त गरे । उनले सगुन एपको नयाँ भर्सन छिटै उपलब्ध हुने जानकारी पनि दिए।

“सगुनमा तपाईंले विभिन्न फिचर्सहरु प्रयोग गर्न पाउनुहुन्छ। जस्तै ‘ट्रेण्डीङ्ग भिडियोज’ (trending videos) जसमा तपाईंको इच्छा अनुसार विभिन्न टपिक्समा लोकप्रिय भिडियोहरु हेर्न पाउनु हुन्छ भने सगुन चलाए वापत केही स्मार्ट कोइन्स पनि आर्जन गर्न पाउनुहुन्छ। आफ्ना आफन्तहरु विभिन्न देशमा हुने भएको हुनाले विभिन्न देशका ‘ट्रेण्डीङ्ग ग्लोबल स्टोरिज’ पनि एकै ठाउँमा हेर्न पाउनु हुन्छ। यदि तपाईंको मनभित्र खुम्चिएर रहेका कुनै सेक्रेटहरु छन् अथवा समाजमा पस्किने केही बिचारहरु छन् जुन अरु कसैले केही भन्ला कि भनेर तपाई हामीले समाजमा भन्न सकिरहेका हुँदैनौं भने यस्ता विचारहरुलाई पनि प्रकट गर्ने व्यवस्था सगुनले मिलाएको छ,”गिरीले भने।

कार्यक्रममा बोल्दै सगुनका सहसंस्थापक कविन सिटौलाले सगुनको यात्रामा युके निवासी नेपाली समुदायको निरन्तर सहयोगका लागि आभार व्यक्त गरे। “अब हामी लक्ष्य नजिक पुग्दै छौं र तपाईंहरुको सद्भाव र सुझावको अपेक्षा गरेका छौं,” उनले भने। उनले बेलायतबाट शुरू गरेको शेयर खरिद बिक्री यस पटकको बन्द गर्दैगर्दा बेलायत नै आइपुगेको समेत बताएका थिए।

कार्यक्रममा बोल्दै १०० भन्दा बढी स्टार्ट अप कम्पनीहरुमा लगानी गरेका अमेरिकास्थित एकजना लगानीकर्ता चिन्ता बजगाईंले आफुले लगानी गरेका कम्पनीहरुमध्ये सगुन ‘टप फाइभ’ मा पर्ने जनाए। त्यस्तै अस्ट्रेलियास्थित लगानीकर्ता तथा सगुनका सल्लाहकार झकेन्द्र शर्माले सगुनमा गरिएको लगानीबाट राम्रो प्रतिफल आउनेमा आफु ढुक्क रहेको बताए। संसारका २०० भन्दा बढी कम्पनीहरूमा लगानी गरेको आफ्नो अनुभव सुनाउंदै उनले स्टार्ट अप कम्पनीमा लगानी गर्नु आफै जोखिमपूर्ण भए पनि त्यसबाट पाइने मुनाफा निकै आकर्षक हुने उनले बताए।

सगुनका फाउण्डर गोविन्द गिरी र कोफाउण्डर कविन्द्र सिटौला उपस्थिती रहेको सो कार्यक्रम सगुनका ग्लोबल कोअर्डीनेटर सूर्य गुरुङले सबै सहभागीहरुलाई स्वागत गरेका थिए। कार्यक्रमको शुरुमा सगुनका युरोप संयोजक युवराज सेडाइले सगुनका नयाँ फिचरहरुबारे विस्तृत जानकारी दिएका थिए। एनआरएनए युकेकी अध्यक्ष पूनम गुरुङले अमेरिका जस्तो मुलुकमा बसेर ठूल्ठूला कम्पनीहरुसंग अत्यन्त प्रतिस्पर्द्धात्मक वातावरणमा पनि आफ्नो छुट्टै पहिचान बनाउन प्रयत्नरत सगुनको यो अभियानमा तपाई हामी सबै जुटेर यसबाट हुने आर्थिक लाभ लिन अनुरोध गरिन्। श्रीमती गुरूङले  सगुनको सफलताले नेपाल र नेपालीलाई फाइदा हुने विश्वास व्यक्त गरिन्।

लन्डन बरो अफ बार्नेटका उपमेयर लक्ष्य गुरुङ,एनआरएनएका केन्द्रिय सल्लाहकारद्वय कुल आचार्य र विश्व आदर्श पण्डितले सगुनमा आफुहरु सन् २०१७ देखि नै जोडिएको भन्दै अरुलाई पनि जोडिन अनुरोध गरे। जुम कार्यक्रममा एनआरएनएका आइसीसी सदस्यहरु,एनआरएनए युकेका पदाधिकारीहरु,विभिन्न संघसंस्थाका प्रतिनिधिहरु, व्यवसायी तथा बेलायतमा कार्यरत पत्रकारहरु लगायत करिब एक सय ५० जना भन्दा बढीको उपस्थिति थियो।

कार्यक्रममा उपस्थित शुभचिन्तकहरु र लगानीकर्ताहरुले संस्थापकहरूसंग प्रश्न राखेका थिए। जिज्ञासामा फाउण्डर गिरीले सगुनले प्राप्त गरेको सफलताको बारेमा प्रष्ट पारेका थिए।
www.sagoon.com मा गएर सगुनको बारेमा थप जानकारी प्राप्त गर्न सकिन्छ।




यसमा तपाइको मत


सम्बन्धित शीर्षकहरु

यसपाली को world Cup कसले जित्ला?