Sunday April 11, 2021

प्रसङ्ग अन्तर्राष्ट्रिय महिला दिवस

२५ फाल्गुन, २०७७ शीतलपाटीन्युज डटकम। 1125


प्रसङ्ग अन्तर्राष्ट्रिय महिला दिवस

उमेश रेग्मी,
लण्डन।


म थाकेर अफिसबाट फर्कदा
तिमी मुस्कानले स्वागत गरिदेउन 
म भान्छामा तिमीलाई सघाइदिन्छु
तिमी मिठो खानेकुरा पस्कि देउन

जिन्दगीको अप्ठेरोमा म छटपटाउँदा
तिमी साहारा भएर उभिदेउन
दर्दहरुमा म रोइ रहंदा
तिमी मलम बनेर आइदेउन

छोराछोरीको पिरलोमा कति अल्मलिन्छौ
दु:ख सहने कसरि मलाइ बताइदेउन
केहि छिन तिमी पनि बिश्राम गर
परिवारको व्यथाहरु म मा बिसाइदेउन

रहरहरु त्यागी कति अरुलाई दिन्छौ
सम्झौताको कला मलाइ पनि सिकाइदेउन
आमा बनेर पाएका ति असिमित मायाहरू
केहि अंश त्यसको मलाइ पनि दिलाइदेउन

म कविताहरुमा तिम्रो तारिफ गर्छु
तिमी मेरो प्रेरणा बनिदेउन
म मायाका शब्दहरुले तिमीलाई सिंगार्छु
तिमी नवदुलहि झैँ लजाइदेउन

आफन्त र साथीभाइको रमाइलोमा
तिमी पनि संधै रमाइदेउन
खुशियाली अपार राखेर संधै
हाम्रो यो घरलाई एक मन्दिर बनाइदेउन

लहैलहैमा म कतै बहकिन्छु होला
तिमी हात थामी मेरो, सम्हाली देउन
ठिक बेठिकको दोबाटोमा म अल्मलिदा
संगै मलाइ गन्त्यब्यसम्म डोरयाइदेउन

 8 March 2021.




यसमा तपाइको मत


सम्बन्धित शीर्षकहरु

यसपाली को world Cup कसले जित्ला?