Monday November 28, 2022

मालामा नअटाएको पप्पी फूल : बिजय हितान

२६ कार्तिक, २०७९ शीतलपाटीन्युज डटकम। 1132


मालामा नअटाएको पप्पी फूल : बिजय हितान

मालामा नअटाएको पप्पी फूल

“”””””””””””””””””””””

बिजय हितान 

 

लालिगुराँस सँग मेरो

रङ्गको नाता गाँसिएको छ भनेर

उसलाई बिन्ती गरें एकदिन

र भनें - 

तिमी बुट्ट्यान माथि माथि फूल

मलाई भुइभरी फूल्न देउ

र हामी बनपाखालाई रमणीय बनाऔं !

गुराॅसले अस्विकार गर्दै भन्यो-

तँ जुठो रगतले सिन्चित बनेर उम्रेको

जा अन्तै

अरुको छातीभरी सिउरी रहेरै फूल !!

 

सयपत्री र मक्खमली सँग मेरो

घरेलु सम्बन्ध छ भनेर

उनिहरुलाई पनि बिन्ती गरेँ एकदिन

र भनें-

तिमीहरु घरका पेटिहरुमा फूल

म आङ्गनका ढिकहरुतिर फूलुला

र हामीहरु मिलेर घरआंगनलाई उज्यालो पारौं !

उनिहरुले पनी अस्विकार गर्दै भने-

तँ फ्लान्डरफिल्डका चिहान घारितिर उम्रने

जा अन्तै

कसैको टोपिको घेरामा सिउरी रहेरै फूल !!

 

अनी एक दिन

म पनि

गुराँस, सयपत्री, मक्खमली, गुर्दौली जस्ता फूलहरूका

थुङ्गाहरु बिच घुस्रिंदै

माला बनेर उनिएँ 

तर मलाई तिनिहरुले

चेपे

चिमटे

पिल्स्याए

गिज्याए

र म मालाबाट चुॅडिएर झर्न पर्ने भयो !

 

अनि म ओईलिएं कि क्या हो ! 

 

त्यसपछी

समयको हावासङै

मेरा परागकणहरु उडेर 

हंगकंगका कंक्रिट जङलहरुमा

र बेलायतका समतल मैदानहरुमा पुग्दा

म परागसेचित हुन पुगेछु !

 

फल्सरूप,

म यतै फूल्न पुगेछु

म यतै लहलह झुल्न पुगेछु !

हो म अब 

अन्चाह 

यतै फूल्नु छ

यतै हजारौं कोपिलाहरु फूलाऊनु छ  

र यतै मगमग सुगन्ध छर्दै बसाउनु छ !!! 

 

- विजस हितान 

११/११/२०२२



सम्बन्धित शीर्षकहरु

यसपाली को world Cup कसले जित्ला?