Sunday November 27, 2022

पाल्पा निर्वाचन क्षेत्र नं १ बाट प्रतिनिधिसभा सदस्यमा नेकपा (एमाले) का नारायणप्रसाद आचार्य विजयी

९ मंसिर, २०७९ शीतलपाटीन्युज डटकम। 1184


पाल्पा निर्वाचन क्षेत्र नं १ बाट प्रतिनिधिसभा सदस्यमा नेकपा (एमाले) का नारायणप्रसाद आचार्य विजयी

शीतलपाटीन्युज डटकम।

काठमाडौं। पाल्पा निर्वाचन क्षेत्र नं १ बाट प्रतिनिधिसभा सदस्यमा नेकपा (एमाले) का नारायणप्रसाद आचार्य विजयी भएका छन् ।

आचार्यले ३१ हजार एक सय तीन मत प्राप्त गरे भने प्रतिस्पर्धी नेपाली कांग्रेसका ज्ञानबहादुर गाहाले २० हजार दुई सय ५६ मत पाएको सहायक निर्वाचन अधिकृत रामहरि पाण्डेयले जानकारी दिएका छन।

 

स्वतन्त्र उम्मेदवार विपिन कँडेलले दुई हजार आठ सय ६३,जनता समाजवादी पार्टी नेपालका मेहरमान रानाले ८५,राष्ट्रिय प्रजातन्त्र पार्टीका ज्ञानबहादुर सिंजालीले दुई सय ५२,मङ्गोल नेशनल अर्गनाइजेशनका थमनबहादुर बुढामगरले एक हजार नौ सय १६ र राष्ट्रिय जनमुक्ति पार्टीका उजरसिं दर्लामीले एक सय १५ प्राप्त गरे।

 

आयोगका अनुसार स्वतन्त्र उम्मेदवारहरु नारायण न्यौपानेले २७,राजु सुनारले ६८ र डोलराज तिमिल्सिनाले १० मत प्राप्त गरेका छन्। प्रतिनिधिसभा क्षेत्र नं १ मा ९६ हजार ३३ मतदाता रहेकोमा निर्वाचनमा ५८ हजार चार सय ९१ मत खसेको थियो।

जसमध्ये एक हजार चार सय सात मत बदर भएको छ। गत मङ्सिर ५ गते साँझदेखि सुरु भएको मतगणना आज सम्पन्न भएको हो। प्रतिनिधिसभामा निर्वाचित आचार्य २०७४ को क्षेत्र नं १ को प्रदेशसभा सदस्य निर्वाचित भएका थिए।



सम्बन्धित शीर्षकहरु

यसपाली को world Cup कसले जित्ला?