Saturday January 28, 2023

प्रहरी महानिरीक्षक सिंह र अमेरिकन राजदूत रिचार्ड बीच भेटवार्ता

१६ मंसिर, २०७९ शीतलपाटीन्युज डटकम। 1350


प्रहरी महानिरीक्षक सिंह र अमेरिकन राजदूत रिचार्ड बीच भेटवार्ता

शीतलपाटीन्युज डटकम।

काठमाडौं। प्रहरी महानिरीक्षक धीरजप्रताप सिंह र नेपालका लागि अमेरिकन राजदूत डीन रिचार्ड थम्पसन बीच भेटवार्ता भएको छ।

प्रहरी प्रधान कार्यालय नक्सालमा भएको भेटमा महानिरीक्षक सिंहले अमेरिकन सरकारले नेपाल प्रहरीलाई गर्दै आएको सहयोगका लागि धन्यवाद व्यक्त गर्नु भयको समाचार छ। उहाले आगामी दिनमा पनि यस्ता सहयोगले निरन्तरता पाउने र आपसी सम्बन्ध सुमधुर हुने विश्वास व्यक्त गर्नु भयको छ। 

भेटमा अमेरिकी राजदूत रिचार्डले हालै नेपालमा सम्पन्न आम निर्वाचनलाई शान्तिपूर्ण,निष्पक्ष र भय रहित वातावरणमा सम्पन्न गर्न नेपाल प्रहरीले निर्वाह गरेको विशेष भूमिकाको प्रशंसा गरेका थिए।

नेपाल प्रहरीमा दक्ष जनशक्ति उत्पादन गर्न तालिमको व्यवस्थाका साथै प्रविधिको विकास,साइबर अपराध नियन्त्रण एवं महिला तथा बालबालिकाका क्षेत्रमा अमेरिकी सरकारले सहयोग गर्ने प्रतिबद्धता उनले व्यक्त गरे। नेपाल प्रहरीले सार्वजनिक शान्ति कायम राख्न अपनाएको नीतिले अमेरिकी नागरिकले नेपालमा आफूलाई सुरक्षित ठानेको उल्लेख गर्दै राजदूत रिचार्डले नेपाल प्रहरीलाई धन्यवाद दिए।

भेटका अवसरमा प्रहरी महानिरीक्षक सिंह र राजदूत थम्पसन बीच दुई पक्षीय आपसी हित तथा पारस्परिक सम्बन्धका विषयमा समेत छलफल भएको थियो ।

(श्रोत-नेपाल वाच)



सम्बन्धित शीर्षकहरु

यसपाली को world Cup कसले जित्ला?