२१ भाद्र, २०८०
शीतलपाटीन्युज डटकम
लन्डन। अन्तर्राष्ट्रिय नेपाली साहित्य समाजले नौजना साहित्यकार महिलालाई नवरत्न पुरस्कारले सम्मान गर्ने भएको छ।
नेपाली साहित्य मार्फत कला,संस्कृति र समाज सेवाका क्षेत्रमा अतुलनीय योगदान पुर्याएका नौ जना विशेष साहित्यका महिला व्यक्तित्वहरूलाई नगद २ सय ५० डलरसहित सम्मानपत्रले सम्मान गर्न लागिएको हो। नवरत्न पुरस्कार समिती संयोजक तारा अधिकारीको संयोजकत्वमा पुनम काफ्ले र गोमा न्यौपाने संलग्न समितिको हालै बसेको बैठकले उक्त निर्णय गरेको हो।
समितिको निर्णयअनुसार माया गुरूङ (साहित्य–बेलायत),अनु शाह (साहित्य-बोस्टन), आचार्य प्रभा (साहित्य-कोलोराडो),ज्योति राई (समाजसेवा-न्यूयोर्क), मञ्जु कार्की संग्रौला (डिसी-समाजसेवा),रीतादेवी प्रधान (क्यालिफोर्निया- साहित्य), शान्ता घिमिरे (न्यूजर्सी- साहित्य), डा. संगीता स्वेच्छा (साहित्य-युरोप) र सुनिता डंगोल (उपमेयर–काठमाडौं, समाजसेवा) रहेका छन्।
हालसम्म उक्त पुरस्कारबाट ४५ जना महिला सम्मानित भइसकेका छन्।
(गोर्खा मिडिया)
