शीतलपाटीन्युज डटकम। अमेरीका। स्याड्ग्जा फेदीखोला घर भै अमेरिकामा रहेका छोराछोरी भेट्न अमेरिकाको टेक्सास पुग्नु भएका नेपाली प्रहरीका पुर्व प्रहरी नायव निरीक्षक लाल बहादुर थापा उर्फ राजु थापाको ह्दयाघातबाट निधन भएको समाचार प्राप्त भएको छ। पारिवारीक श्रोतका अनुसार पाल्पा समाज अमेरीकाका सदस्यहरु र टेक्सास नेपाली समाज अमेरीकाका सदस्यहरुका साथ अमेरीकाको टेक्सासमा अन्त्यष्टी गर्ने तथा मृतकको अस्तु नेपाल लगेर अन्त्यष्टी गर्ने कार्यक्रम रहेको जनाईएको छ। बि सं २०२० सालमा स्याड्ग्जा फेदिखोलामा जन्मनु भएको उहा नेपाल प्रहरीमा सेवा गरी पेन्सनमा रहनु भयको थियो। नेपाल प्रहरी रहदा उहाले उच्च ब्यवसायीक दक्षता प्रदर्सन गर्नु भै पुरस्कृत समेत हुनु भएको थियो। हिन्दु धर्म संरक्षण र प्रचार प्रसारमा सक्रिय थापा हिन्दु युबा बाहिनी नेपालका महासचीव भै सक्रिय हुनु हुन्थ्यो। श्रीमती, छोरा र छोरी छाडेर उहा परमधाम हुनु भएको हो।
शीतलपाटीन्युज डटकम। रुस। रुसी रासायनिक हतियार इकाईका प्रमुख जनरल (रथी)इगोर किरिलोभको हत्याका संदिग्ध पक्राउ परेको रुसले जनाएको छ। रुसको सुरक्षा सेवाले बुधबार मस्को बम विस्फोटमा एक वरिष्ठ जनरलको हत्यामा संलग्न एक संदिग्धलाई पक्राउ गरेको जनाएको छ। संदिग्ध उज्बेक नागरिकको भएको जसलाई युक्रेनी गुप्तचर सेवाहरूले भर्ती गरेको बताएको छ। युक्रेनी सुरक्षा स्रोतहरूले सोमबार सीबीएस न्यूजलाई युक्रेनको सुरक्षा सेवा (एसबीयू) ले लेफ्टिनेन्ट जनरल (रथी)इगोर किरिलोभलाई मार्ने विस्फोटको पछाडि रहेको बताए। तर रूसी अधिकारीहरूले तुरुन्तै युक्रेनका नेताहरू विरुद्ध बदला लिने वाचा गरेका थन्। रुसको संघीय सुरक्षा सेवाले संदिग्धको नाम तोकेको छैन तर उनि सन् १९९५ मा जन्मेको जनाएको छ। युक्रेनको सुरक्षा सेवाले उनीमाथि आपराधिक आरोप लगाएको एक दिनपछि किरिलोभको मस्कोमा रहेको उनको आवासगृहको भवन बाहिर विद्युतीय दुईपाग्रे( स्कूटर)मा लुकाइएको बमले हत्या गरेको थियो। आक्रमणमा उनका सहयोगी पनि मारिएका थिए। श्रोत- ईनेप्लिज डटकम।
शीतलपाटीन्युज डटकम। काठमाण्डौ।पूर्वसभाामुख दमननाथ ढुंगानाको निधन भएको छ। फ्रन्टलाइन अस्पतालमा उपचारका क्रममा आइतबार दिउँसो २ बजे ढुंगानाको निधन भएको पारिवारीक स्रोतले जनाएको छ । ढुंगाना एक महिनादेखि बिरामी भएर उपचाररत थिए। उनले २०४८ को आमनिर्वाचन काठमाडौं क्षेत्र नम्बर २ बाट जितेका थिए। त्यसपछि उनी सभामुख भएका थिए। उनी वरिष्ठ अधिवक्तासमेत हुन्। (साभार हेल्थबाणी)
शीतलपाटीन्युज डटकम। लन्डन। साहारा यूकेका निवर्तमान अध्यक्ष ले.रि. कुसाङ गुरुङलाई पितृशोक परेको छ।ले.रि. कुसाङका बुबा डिलबहादुर गुरुङको ९१ वर्षको उमेरमा भाद्र २४ गते आफ्नै निवास नवलपरासीको सुनवल नगरपालिका १ मा निधन भएको हो। डिलबहादुर पुर्ख्यौली पर्वत जिल्ला फलेवास नगरपालिका वडा नं ८ खाल्टे भई हाल नवलपरासी सुनवल नगरपालिका १ किर्तिपुरमा बस्दै आएका थिए।सोमबार बिहानसम्म सामान्य अवस्थामा रहेका डिलबहादुरको अकस्मात निधन भएको उनका जेठा छोरा लेरि कुसाङले जानकारी दिनु भयको छ। वि.सं. १९९० सालमा जन्मिएका डिलबहादुरका ५ छोराहरु छन्। दिवंगत डिलबहादुरको यही बुधबार तमु संस्कार अनुसार सुनवलस्थित स्थानीय घाटमा अन्त्येष्टि गर्ने कार्यक्रम छ ।
शीतलपाटीन्युज डटकम। लन्डन। सहारा क्लब अष्ट्रेलियाका अध्यक्ष राजमान थकालीको निधन भएको छ। लामो समयदेखि फोक्सोको रोगबाट पीडित थकालीको शनिबार निधन भएको सहारा क्लब पोखराका पूर्वअध्यक्ष विक्रम थकालीले जानकारी गराएका छन्। बिक्रम थकालीका अनुसार राजमाननको अष्ट्रेलियामै नेपाली समयअनुसार शनिबार साँझ साढे ५ बजे निधन भएको हो। ५० वर्षीय राजमानका श्रीमती र २ जना छोराहरु छन्। उनको नेपालमा पोखरा ८, नागढुंगामा घर छ। पोखराको सभागृहचोकस्थित मुग्लान रेष्टुरेष्ट तथा पोखरामै संचालित मिमाअस कन्सल्टेन्सीका संचालक राजमान लामो समयदेखि अष्ट्रेलियामै बसोबास गर्दै आएका थिए। फुटबल खेलमा अभिरुची राख्ने उनी सहाराले अष्ट्रेलियामा विस्तार गरेको आफ्नो शाखामा उनी संस्थापक अध्यक्ष भइ सेवा गर्दै आएका थिए ।
शीतलपाटीन्युज डटकम। Please follow the link if you would like kindly to contribute: https://gofund.me/69a513a5 https://gofund.me/d148380e Hey there! I wanted to share something important with you. Binita Chaulgain’s family is facing an incredibly tough time after her tragic passing, and they need help to bring her body back to Nepal for her final rites. Any donation, no matter how small, will make a real difference for them during this painful time; please consider clicking the link below to donate or share it with others who might help.
GNNNEWS- लन्डन - नलगाड नगरपालिका वडा नं २, जाजरकोट स्थायी घर भै फोक्सटोन, केन्टमा बसोबास गरेका बेद खत्रीको शव नेपाल पठाउन फोक्सटोन नेपाली समाजले सहयोग संकलन अभियान शुरु गरेको छ। स्व खत्रीको पूर्व श्रीमती आफ्नी तीन वर्षीय छोरी सहित फोक्सटोनमैबसी रहेकी छन् भने स्व खत्रीको बाबा आमा नेपालमै हुनुहुन्छ। ३१ वर्षीय खत्रीको गत ३० मार्च २०२४ का दिन विलियम हार्भे हस्पिटल, आशफोर्डमा निधन भएको थियो । उनको निधन के कारणले भयो भन्ने बारेकोरोनरको अन्तिम रिपोर्ट आउन अझै बाकी छ। गत वर्ष नोभेम्वर महिनामा पश्चिम नेपालमा आएको भूकम्पबाट प्रभावितखत्रीको परिवारमाथि अर्को चोट परेको छ। उनका वृद्ध बाबुआमालेआफ्नो जेठो छोरा, बेद खत्री, को अनुहार हेर्न साथै अन्तिम दर्शन तथादाह संस्कारका लागि नेपाल पठाइ दिन आग्रह गरेका छन्। उनको शवनेपाल पठाउन झन्डै ५ हजार पौण्ड खर्च लाग्ने अनुमान गरिएको छ। "बेद खत्रीका परिवारजनले अनुरोध गर्नु भएकाले हामीले स्वर्गीय खत्रीकोशव नेपाल पठाउन सहयोग संकलन अभियान शुरु गरेका छौं। योमानवीय कार्यमा सक्दो सहयोग गरीदिनु हुन हामी बेलायतस्थित नेपालीसंघसंस्था तथा सबै सहयोगी मनहरुलाई हार्दिक अपिल गर्दछौं," फोक्सटोन नेपाली समाजका अध्यक्ष सेवानिवृत्त क्याप्टेन राम बहादुरपुनले भने। उनले उठेको सबै रकमको हिसाबकिताब सार्वजनिक गरिनेपनि बताए। यो खातामा सक्दो सहयोग जम्मा गर्न समाजले आग्रह गरेको छ। रकमजम्मा गर्दा जम्मा गर्ने व्यक्ति वा संस्थाको नाम तथा रेफरेन्समा स्वर्गीयखत्रीको नाम उल्लेख गर्न पनि समाजले अनुरोध गरेको छ। Name: FNC Sort Code: 52-41-42 Account No: 47138327 Reference: Late Bed Khatri अथवा, फोक्सटोनस्थित Sterry Funeral Service को नाममा फोक्सटोन नेपाली समाजले पाउने गरी चेक पठाउन पनि सकिने छ । सम्पूर्ण बेलायतवासी नेपालीलाई यस परोपकारी काममा सहयोग गर्न र थप जानकारी चाही अध्यक्ष क्याप्टेन पुनलाई सम्पर्क गर्न पनि समाजलेअनुरोध गरेको छ। सहयोग रकम ५ हजार पौण्ड पुग्ने बित्तिकै वा मे महिना सकिए पछिसहयोग संकलन स्थगित गरिने पनि समाजले जनाएको छ।
शीतलपाटीन्युज डटकम। नेपाली कांग्रेसका महासमिति सदस्य एवं बाग्मती प्रदेशका पूर्व मंत्री बलराम पौडेलको यही माघ १७ गते चितवनमा सवारी दुर्घटना परी भएको अकल्पनीय दुखत निधनको ४५ औ पुण्यतिथिमा हिजो मार्च १५ तारीखमा मिडल्याण्डको ग्रान्थममा एक श्रद्धांजली सभा गरी उहाँको सम्झना गरिएको छ। नेपाली कांग्रेस चितवनका पूराना स्वच्छ छविका नेता पौडेलको ४५ दिनको पुन्यतिथिमा बुबाको सम्झनामा बेलायतको मिडल्याण्ड ग्रान्थममा बस्ने उहाँका छोराहरु राजेन्द्र पौडेल र उपेंद्र पौडेले राखेको पृति प्रसाद कार्यक्रममा मिडल्याण्ड क्षेत्रका समाजिक व्यक्तित्वहरूको उपस्थित रहेको थियो। आजभन्दा ठिक एकवर्ष आगाडि बेलायत भ्रमण आउनु भएका समाजसेवी स्व. बलराम पौडेल स्वच्छ विचार र नेपाललाई असाध्यै माया गर्ने सच्चा रास्ट्रभक्त नेता भएको भन्दै सबैले उहाँको आत्मको चीरशान्तको कामना गर्दै शोकाकुल परिवारजनमा समवेदना प्रकट गरेका थिए। समाजसेवी केशब भण्डारीले संचालन गरेको सम्क्षिप्त शोकसभा कार्यक्रममा मिडल्याण्ड क्षेत्रका समाजिक अभियन्ताहरू दयानिधि सापकोटा,महेश अधिकारी,रण बहादुर केसी,दीपक सापकोटा,प्रेम आले मगर,राम पंथी,पवन शर्मा,नारायण आचार्य, कमल भण्डारी,किशोर लामिछाने लगायतले स्वं. बुबा बलराम पौडेल प्रति श्रद्धांशुमन प्रकट गरेका थिए। पुर्वमन्त्री स्व बलराम पौडेल उपस्थित सबै शुभचिंतक लगायत परिवारमा घटेको यस अकल्पनीय क्षतिमा सहानुभूति एवं समवेदना दिनुहुने बेलायत एवं नेपालका सम्पूर्ण महानुभाव प्रति स्व.बलराम पौडेल ज्यूकी धर्मपत्नी कृष्णकुमारी पौडेलको तर्फबाट छोराहरू राजेन्द्र पौडेल र उपेंद्र पौडेलले धन्यवाद र आभार व्यक्त गरेका छन्।
शीतलपाटीन्युज डटकम। लण्डन। लन्डनमा मृत भेटिएका २५ वर्षीय सन्दीप तामाङको नेपालमा उनको वुवा बेन कुमार तामाङ र बेलायतमा उनी बस्ने घरका बेटी सिंहजी सँग सम्पर्क भएको कुरा एनआरएन प्रवक्ता लक्ष्मी तमाड्गले जानकारी दिनु भयको छ। पारिवारिक स्रोतका अनुसार तामाङ केही समयअघि ‘स्किल्ड’ भिसामा बेलायत आएका थिए। तामाङको शव बुझ्ने र नेपाल लैजाने वा बेलायतमै अन्त्येष्टि गर्ने जस्ता विषयमा नेपाली दूतावास लण्डनको दायित्व भएको हुदा अहिले यो जिम्मेवारी दुतावासले लिएको छ। नेपाली दूतावास लण्डनले यो काम गरेन भने एनआरएनए युकेले गर्छ भनेर हामीले उनको बुवा बेन कुमार तामाङलाई बचन दिएका छौं। तपाईंहरुको चासो र सहयोगप्रति आभार ब्यक्त गर्दछौ भनिएको छ।
प्रवक्ता, एनआरएन युके। लन्डन । बेलायत पढ्न आएको चार दिनमै निधन भएकी स्वर्गीय कमला गुरुङको परिवारलाई एनआरएनए यूकेले १, ७५२ पाउण्ड आर्थिक सहयोग गरेको छ। संस्थाका अध्यक्ष प्रेम गाहामगरले अल्डरसटस्थित एनआरएनए यूके कार्यालयमा आइतबार कमलाका श्रीमान निरज गुरुङलाई उक्त सहयोग हस्तान्तरण गरेका हुन्। अध्यक्ष गाहामगरले स्वर्गीय कमलाको परिवारका लागि आर्थिक सहयोग गर्ने सबै दाताहरुप्रति आभार व्यक्त गरे। गाहामगरले प्राकृतिक विपत्ति वा मानवीय घट्ना हुंदा बेलायतमा झण्डै ३३४ नेपाली संघसंस्था भएका र तिनले जनही १०० पाउण्डमात्र सहयोग गरे भने पनि ३३ हजार ४०० पाउण्ड संकलन हुने भएकाले सबैको एकीकृत पहल आवश्यक हुने बताए। उनले केही महिनाअघि बेलायतमै दिवंगत विद्यार्थी सदीक्षा तामाङको परिवारका लागि उठाइएको १० हजार ५०० पाउण्ड चन्दा सुनिलबाबु खड्काले रोकेर हस्तान्तरण हुन नसकेको भन्दै मानवीय र सामाजिक कार्यमा राजनीति नगर्न आग्रह पनि गरे। कमलाका श्रीमान निरजले आफूहरुलाई परेको अप्ठेरो समयमा बेलायतस्थित नेपाली समुदायबाट प्राप्त सहयोगका लागि सबैमा कृतज्ञता व्यक्त गरेका थिए। उनले अध्यक्ष गाहामगरले 'लिड' गरेर अप्रत्यासित चन्दा संकलन भएको भन्दै खुशी पनि व्यक्त गरे। हस्तान्तरण कार्यक्रममा उपाध्यक्ष अनिल मल्ल,आइसीसी सदस्य सुमन पुन,आइसीसी सदस्य शारदा गुरुङ,सदस्य तारा गर्बुजा मगर र निरजका भिनाजु रोइन्द्र गुरुङ उपस्थित थिए। स्वर्गीय गुरुङको परिवारलाई एनआरएनए यूकेबाहेक कोल्मा बहाकोट समाज यूके,तमु समाज यूके,स्याङ्जा समाज यूके,ग्रेटर रेडिङ नेपलिज सोसाइटी लगायत कयौं संघसंस्था तथा व्यक्तिले आर्थिक सहयोग गरेका छन्। आइतबार कोल्मा बहाकोट समाज यूकेको नेतृत्वमा विभिन्न संघसंस्थाबाट संकलित ४४, ८३० पाउण्डमध्ये झण्डै ६ हजार पाउण्ड खर्च कटाएर बांकी रकम कमलाका श्रीमान निरजलाई हस्तान्तरण गरिएको छ। नेपालमा गण्डकी प्रदेश, स्याङ्जा बिरुवा गाउँपालिका– ४ ओरस्टे गाउँ निवासी कमला उच्चशिक्षा हासिल गर्ने सुन्दर सपना सांचेर बेलायत आएको केही दिनमै बिरामी परिन्। तर,दुर्भाग्य उपचारका क्रममा गत डिसेम्बर ३ तारिख रेडिङस्थित रोयल बर्कसायर अस्पतालमा उनको निधन भयो। स्वर्गीय कमलाको गुरुङ संस्कार अनुसार गत २७ डिसेम्बर बुधबार रेडिङस्थित क्याभरसम क्रिमेटोरियममा अन्त्येष्टि भइसकेको छ। एनआरएनए यूकेले संकलन गरेको चन्दा निम्न छः १. एनआरएनए यूके कार्यसमिति ३११ पाउण्ड २. सुनिता थापा,अध्यक्ष नेपलिज नर्सिङ एसोसिएसन यूके ३०० पाउण्ड ३.सुक सुनार,अध्यक्ष सृजनशील समाज यूके २५१ पाउण्ड ४.वीर बलाल,अध्यक्ष गुल्मी जिल्ला समाज यूके
शीतलपाटीन्युज डटकम। लण्डन। बेलायतमा रहेर कानुन र लेखन क्षेत्र्मा सक्रिय गोविन्द बेल्वासेलाई पत्नीशोक परेको छ। बेलायतको पिटरबरोमा सपरिवार बस्दै आएका बेल्वासेको ५४ वर्षीया पत्नी सिता बेल्वासेको विहीबार निधन भएको हो। विगत केही महिनादेखि अस्वस्थ रहेको उनको आफ्नो निवासमा निधन भएको पारिवारीक स्रोतबाट जानकारी प्राप्त भएको छ। केही महिना अस्पताल बसेर उपचार समेत गराएकी उनलाई करिब एक महिनाअघि डिस्चार्ज गरी घर ल्याइएको थियो। वि.सं. २०२६ श्रावण ११ गते गुल्मीको छत्रकोट गाउंपालिका साविक श्रृंगा रुप्सेमा जन्मिएकी उनी उनलाई भौतिक रुपमा गुमाउनु पर्दा बेल्वासे परिवार विक्षिप्त भएको समाचार छ। स्वर्गीय बेल्वासेले श्रीमान, दुई छोरी र एक छोरा बेलायतमै छन्। सिता बेलबासे सन् २००६ देखि बेलायतमा बसेकि थिइन् । पति बेल्वासे डायस्पोरामा चर्चित लेखक तथा कानून व्यवसायी हुन्। हाल फ्लाइ केटिएम ट्राभल कम्पनीका प्रवन्ध निर्देशक बेल्बासेले रातो पासपोर्ट,राष्ट्रवाद: भ्रम कि यथार्थ,एम्मा जस्ता पुस्तक लेखिसकेका छन्।दोहोरो नागरिकता प्रावधानबारे शुरुदेखि नै वहस गर्दै आएका उनले सोही पक्षमा नेपालमा मुद्धासमेत लडेका थिए। यस दुखदघडीमा शोक सन्तप्त परिवार प्रति हार्दिक श्रद्धाञ्जली एवम् परिवारमा शीतलपाटीन्युज डटकम गहिरो समवेदना ब्यक्त गर्दछ।
शीतलपाटीन्युज डटकम। लन्डन।लन्डनस्थित युनिभर्सिटी अफ वेष्ट लन्डनमा अध्ययनरत २३ वर्षीय नेपाली विद्यार्थी सुदीप भुषाल सम्पर्क विहीन भएका छन्। केही सातादेखि हराइरहेकाले खोजी गरिदिन परिवार र उनी अध्ययनरत विश्वविद्यालयको नेपाली समाजले आग्रह गरेको छ। साइबर सेक्यूरिटी विषय अध्ययनरत भुषाल परिवारसंग गत १५ नोभेम्बर यता सम्पर्कविहीन छन्। सुदीपकी दिदी सुष्मिता भुषालले अनेक तरिका अपनाउंदा पनि भाइ नभेटिएकामा चिन्ता व्यक्त गर्दै खोजीका लागि बेलायतको नेपाली समुदायमा अपिल गरेकी छन्। उक्त विश्वविद्यालयको नेपलिज सोसाइटीले पनि खोजीका लागि सबैमा अपिल गरेको छ। (नेपालीलिंक)
शीतलपाटीन्युज डटकम। लन्डन। स्याङ्जा समाज यूके अध्यक्ष शारदा गुरुङलाई पितृशोक परेको छ। कोल्मा बहाकोट समाज यूकेका सल्लाहकार समेत रहेका शारदाका बुबा पूर्वगोर्खा ६ गोर्खा राइफल स्टाफ सार्जेन्ट मेखबहादुर गुरूङको बिहीबार उपचारका क्रममा पोखराको चरक हस्पिटलमा निधन भएको समाचार प्राप्त भयको छ। उहा ९० वर्षको उमेरमा परमधाम हुनु भयको छ। स्याङ्जा राङभाङ चिरूवा निवासी मेखबहादुरका तीन छोरा शारदा गुरुड्ग,गोकुल गुरुड्ग, राजिन गुरुड्ग तथा तीन छोरीमा नरमाया, एकु र सुशीला गुरुङ छन्।
शीतलपाटीन्युज डटकम। लन्डन। एनआरएनए यूकेले संघका पूर्व उपाध्यक्ष तथा वर्तमान स्पोर्टस कोअर्डिनेसन काउन्सिल संयोजक स्वर्गीय राष्ट्र राईप्रति शोक सभा गरेको छ। शनिबार अल्डरसटस्थित आफ्नै कार्यालयमा आयोजित शोक सभा बेलायतस्थित नेपाली संघसंस्था प्रतिनिधि र गोर्खा समुदायको उपस्थिति थियो। शोक सभाका सहभागीले बेलायतको नेपाली समुदायका एक सक्रिय अभियन्ता राईको असामयिक निधनले समाजमा ठूलो क्षति पुगेको भन्दै भावुक बने । उनीहरुले राईप्रति पुष्पगुच्छा र दीप प्रज्ववलन गरेर श्रद्धान्जली अर्पण गरे । एनआरएनए यूके अध्यक्ष प्रेम गाहामगरको सभापतित्वमा भएको शोक सभामा पूर्व ब्रिटिश गोर्खा आकाश सुनुवारले स्वर्गीय राईको व्यक्तिगत तथा सामाजिक जीवनबारे चर्चा गरेका थिए। कार्यक्रममा बिजिडब्लुएस् अध्यक्ष मेजर रि. टिकेन्द्रदल देवानले भूतपूर्व गोर्खाहरुले आफ्ना सहयोद्धा र नेपाली समुदायले एक सच्चा राष्ट्रप्रेमी गुमाउनु पर्दा निकै पीडा महशुस गरेको भन्दै श्रद्धान्जली अर्पण गरे । फोनिज यूकेकी अध्यक्ष गोमा रानाले भावुक बन्दै कविता वाचन गरेकी थिइन्। कार्यक्रममा निकै भावुक बनेका अध्यक्ष गाहामगरले मास्टर रास्ट्र राईको निधनले संस्थाले एक निकट सदस्यमात्र नगुमाइ नेपाली समाजले नै एक असल र निष्ठावान समाजसेवी गुमाएको उल्लेख गरे। सो अवसरमा अध्यक्ष गाहामगरले राजेश राईलाई उनका दाई स्वर्गीय राईको तस्विर र शोक पुस्तिका पनि हस्तान्तरण गरेका थिए। महासचिव प्रमिला लाबुङ राईले सञ्चालन गरेको उक्त कार्यक्रममा पाइपर धुन र मौनधारण गरि स्वर्गीय राईप्रति श्रद्धान्जली अर्पण गरियो । १३ वर्षीया साया राईले पाइपर धुन बजाउंदा त्यहां सन्नाटा छाएको थियो।सन् १९६५ अप्रिल १९ मा खोटाङ दिक्तेल, रुपाकोट मझुवागढी नगरपालिका ९ मा जन्मिएका राईको गत सेप्टेम्बर २१ मा ह्दयाघातका कारण निधन भएको थियो। एनआरएनए यूकेको सन् २०१५–२०१७ कार्यकालका उपाध्यक्ष राई सगरमाथा तेक्वान्दो दोजाङका संस्थापक तथा तेक्वान्दो प्रशिक्षक थिए। सन् १९८३ मा ब्रिटिश आर्मीमा भर्ती भएका राईले ब्रिगेड अफ गोर्खाज्भित्र तेक्वान्दो खेल स्थापित गरेका थिए। दिवंगत माष्टर राई तेक्वान्दो सिक्स्थ डान (डब्लुटिएफ, आइटिएफ) हुन् । उनले ब्रिटिश आर्मीमा छंदा धेरै प्रतियोगिता जितेर अवार्ड प्राप्त गरेका थिए। नेपाली समुदायमा उनलाई स्पष्ट र खरो बोल्ने व्यक्तिका रुपमा लिइन्थ्यो। उनी चित्र कोर्न पनि सिपालु थिए। उनको एउटा चित्र २० हजार पाउण्डमा विक्री भएको र राईले उक्त चित्रबाट प्राप्त पैसा
शीतलपाटीन्युज डटकम। काठमाडौँ । नेपालको संविधानसभाका अध्यक्ष एवं नेकपा एमालेका उपाध्यक्ष सुवासचन्द्र नेम्वाङको हृदयाघातबाट निधन भएको छ। सामान्य रुघाखोकी लागेर घरमा आराम गरिरहनु भएका नेम्वाङलाई सोमबार राति हृदयघात भएपछि उपचारका लागि राति १:३० बजे त्रिवि शिक्षण अस्पताल लगिएकामा उपचारको क्रममा त्यहीँ निधन भएको उहाँका स्वकीय सचिव कृष्णप्रसाद काफ्लेले बताए। उहाबारे जानकारी लिन प्रधानमन्त्री पुष्पकमल दाहाल,पार्टी अध्यक्ष केपी शर्मा ओली,सभामुख देवराज घिमिरे,राष्ट्रियसभा अध्यक्ष गणेश तिमिल्सिना लगायत पार्टी नेता अस्पताल पुगेका थिए। विसं २००९ फागुन २८ गते जन्मिएका नेम्वाङ नेपाली राजनीतिमा शालीन र सबैलाई मिलाएर जान सक्ने नेताको रुपमा छवी बनाएका थिए।
पुर्ण गुरुड्ग, लण्डन। बौद्ध अर्घौं सदन, पोखराका पूर्व अध्यक्ष स्वर्गिय बीरबहादुर गुरुङप्रति भावपूर्ण श्रद्धाञ्जली व्यक्त गरेका छन् । गत बुधबार २ अगष्टका दिन बेलायतमा बसोबास गर्ने सदनका आमाहरुले अल्डरसटस्थित बुद्धिष्ट कम्युनिटी सेन्टर (बीसीसी) गुम्बामा १०८ वटा दीपप्रज्ज्वलन गर्दै भावपूर्ण श्रद्धाञ्जली व्यक्त गरेका हुन्। पोखरा रामघाटस्थित बौद्ध अर्घौं सदनको विकास, बौद्ध शिक्षा पठनपाठनका साथसाथै बौद्ध धर्म, संस्कार र संस्कृतिको संरक्षण तथा सम्वद्र्धनमा महत्वपूर्ण भूमिका निभाउदै आएका पूर्व अध्यक्ष गुरुङको २१ औं दिनको पुण्य तीथिमा बौद्ध पराम्परानुसार मलम पाठ, मर्मेपाठ, शूरपूजापाठका साथ दीपप्रज्ज्वलन गरिएको हो। बीसीसी यूकेका लामा गुरु लुङ्गरिग रिन्पोछे, खेन्पो फुर्तेम्बा, खेन्पो छुल्त्रीम कर्मले पूर्व प्रधानाध्यपाक समेत रहेका शिक्षाविद् स्वर्गिय गुरुङको दिवंगत आत्माको चीर शान्तिको कामनाका लागि गरिएको पूजापाठमा बीसीसी यूकेका आमाहरु तथा शुभचिन्तकहरुको समेत बिशेष उपस्थिति रहेको थियो ।
शीतलपाटीन्युज डटकम। काठमाडौ। प्रधानमन्त्री पुष्पकमल दाहाल ‘प्रचण्ड’ की पत्नी सीता दाहालको आजै अन्त्येष्टि गरिने भएको छ । प्रधानमन्त्रीको सचिवालयले दिएको जानकारी अनुसार बुधबार दिउँसो २ बजे पशुपति आर्यघाटमा अन्तिम संस्कार गरिनेछ । ६९ वर्षीया दाहालको आज बिहान कार्डियाक अरेस्टका कारण निधन भएको हो । अन्तिम संस्कार अघि दाहालको पार्थिव शरीरलाई श्रद्धाञ्जलीका लागि ११ बजेदेखि १ बजेसम्म नेकपा माओवादी केन्द्रको पार्टी केन्द्रीय कार्यालय पेरिसडाँडामा राखिनेछ । साभार-न्युज २४।
