पुर्ण गुरुड्ग। लण्डन। बुद्धिष्ट कम्युनिटी सेन्टर (बीसीसी) युकेले बौद्ध अर्धौं सदनमा श्रद्धेय लामा हर्कजंग घले र प्रदीप गुरुङलाई स्वागत गरेको छ। गत सोमबार १६ सेप्टेम्बर साँझ बीसीसी युकेका अध्यक्ष हर्कबहादुर गुरुङ, आमा प्रमुख जगना गुरुङलगायत कार्यसमितिका पदाधिकारी तथा गुरुहरुले उनीहरुलाई स्वागत गरेको हो। उनीहरु बीसीसी युकेले आउने २ अक्टोबर देखि ६ अक्टोबरसम्म आयोजना गर्न लागेको ञ्यूङ्ने ब्रतका लागि बेलायत आएका हुन्। बौद्ध धर्ममा ञ्यूङ्ने ब्रतको छुट्टै महत्व रहेकोले बीसीसी युकेले यस अघि पनि आयोजना गरेको थियो। सोही अनुरुप यस बर्ष आयोजना गर्न लागिएको बीसीसी युकेले जनाइएको छ। सो अवसरमा ञ्यूङ्ने ब्रतलाई सफलतापूर्वक संचालनबारे कार्यसमिति, गुरु र आमाहरुबीच छलफल भएको थियो। उक्त स्वागत कार्यक्रममा बीसीसी युकेका धर्म गुरु खेन्पो सेनाङ्ग, लोपेन नोर्बु,लोपेन दावा, बीसीसी युकेका प्रमुख सल्लाहकार एवं ञ्यूङ्ने ब्रत संयोजक मेजर खुशीमान गुरुङ,बीसीसी युकेका संस्थापक आमा प्रमुख ज्ञानुमाया गुरुङ,पूर्व आमा प्रमुख पुष्पा गुरुङलगायत कार्यसमितिका पदाधिकारी तथा आमाहरुको बाक्लो उपस्थिति रहेको थियो।
शीतलपाटीन्युज डटकम। लण्डन। समाजका सदस्यहरुको दुखद निधनको कारण साझा नेपाली समाजले आज को लागी तय गरी तयारी गरिएको खेलकुद तथा आपतकालिन सहयोग को लागी च्यारिटि साझ नोभेम्बर ११ मा सारेको छ।आफ्नै समाजका सदस्यहरु दुखित भएको शोकाकुल समयमा मनोरन्जन का कुनै कार्यक्रम नगर्ने साझा नेपाली समाजको निर्णय अनुसार कार्यक्रम सारिएको हो। महासचिव शशांक शर्माका अनुसार यहि नोभेम्बर ११ सोमबारको दिन लेस्टरको जंगल क्लवमा खेलकुद तथा आपतकालिन सहयोग सॅाझ को आयोजना हुनेछ। यसको संयोजन समाजका पुर्व अध्यक्ष एवं ट्रष्टि रण बहादुर केसीले गर्नुहुनेछ। संयोजक केसीले कार्यक्रमलाई सफल बनाउनको लागी बेलायतका सामाजिक अभियन्ताहरु लाई आह्ववान गर्नुभएको भने यो च्यारिटि बाट उठेको रकम खेलकुद र मिडलैन्डको नेपाली समुदायमा प्राथमिकताको आधारमा खर्च गरिने छ। साझा नेपाली समाजका युवा अध्यक्ष दिपक सापकोटाको तर्फबाट कार्यक्रम संयोजक रण बहादुर केसीले निकालेको सुचना- आदर्णिय साझा नेपाली समाजका सहयोगी अतिथिहरु,अभियन्ता लगायत दाजुभाई तथा दिदीबैनीहरु नमस्कार, बिषय- दुखद निधन र अत्येष्ठिको कारण च्यारिटि डिनर सॅाझ को मिति परिवर्तन गरिएको बारेमा उपरोक्त सम्बन्धमा साझा नेपाली समाजले यहि आउदो सोमबार १६ सेप्टेम्बरमा तय गरेको खेलकुद तथा आपतकालीन सहयोग संकलन च्यारिटि डिनर सॅाझको मिति परिवर्तन गरिएको सुचना दिदॅा असहज महसुस गरेको छु।साझा नेपाली समाजलाई निस्वार्थरुपले सहयोग गरिरहनु भएका हजुरहरु सबैलाई कार्यक्रमको मिति नजिकै यो खबर निकाल्न मलाई पक्कै मन थिएन। हामीले दिन रात मेहनत गरेर कार्यक्रमलाई भब्यता को साथ सम्पन्न गर्ने तयारि गरेका थियौ।तर हालै हाम्रो समाज भित्र भएका दुखद निधनले हामीलाई कार्यक्रमको मिति सार्न बाध्य बनायो। साझा नेपाली समाज भाईचाराको लागी गठन गरिएको समाज हो।आफ्नै समाजका सदस्यहरुको दुखद निधन मा हामीले मनोरन्जनपुर्ण कार्यक्रम गर्न हाम्रो नैतिकताले दिदैन।साझा नेपाली समाज मिडलैन्ड स्थित अन्य स्थानिय समाजहरुको अभिभावक समाज पनि भएकोले अभिभावकत्व निभाउने क्रममा बसेको साझा नेपाली समाजको सचिवालयको बैठकले हाम्रै समाजका सदस्यहरुको दुखद निधन भएको १३औं पुन्य तिथी भन्दा पहिला कुनै पनि कार्यक्रम नगर्ने एकमत निर्णय अनुरुप च्यारिटि सॅाझको मिति सारिएको छ। आदर्णिय अतिथिहरु, नया मिति तय गर्ने समबन्धमा एक दुई दिनमा शुरु हुने सोर्ह श्राद,लगतै घटस्थापना र नबरात्री,बिजया दशमी र केही दिन
शीतलपाटीन्युज डटकम। लन्डन। तमु धीं यूकेको १३औं कार्यसमितिका लागि निर्वाचन मण्डल घोषणा गरिएको छ। अध्यक्ष हरि गुरुङको अध्यक्षतामा यही ११ सेप्टेम्बरमा जुममार्फत बसेको बैठकले १४ डिसेम्बर २०२४ मा हुने १३ औं अधिवेशनका लागि एकेन्द्र गुरुङको संयोजकत्वमा निर्वाचन मण्डल घोषणा भएको हो। निर्वाचन मण्डलमा सल्लाहकार मेजर कृष्ण गुरुङ र सल्लाहकार क्याप्टेन बालकृष्ण गुरुङ सदस्य रहनु भएको छ। एकेन्द्र यसअघि बाह्रौं कार्यसमितिमा पनि निर्वाचन मण्डल संयोजक थिए। उक्त दिन २५औँ वार्षिक साधारणसभा समेत हुने कार्यक्रम छ। तमु धीं यूकेको वर्तमान अध्यक्ष हरि गुरुङ २६ डिसेम्बर २०२२ मा भएको १२औ महाधिवेशनबाट अध्यक्षमा निर्वाचित भएका थिए। उहाको दुई वर्ष कार्यकाल सकिन लागेकोले नयाँ कार्यसमितिका लागि निर्वाचन प्रक्रिया सुरु गरीएको हो। निर्वाचनमा १ अध्यक्ष,१ बरिष्ठ उपाध्यक्ष,२ उपाध्यक्ष, १ महासचीव १ उपमहासचिव,१ कोषाध्यक्ष १ सहकोषाध्यक्ष,१ मिडीया सेक्रेटरी लगायत सदस्यहरु चुनिने प्रावधान छ। यस पुर्व तमु धीं यूके आमा समूहको अध्यक्षमा सन्ध्या गुरुङ निर्वाचित भएकी थिइन्। (श्रोत- गोर्खा मिडीया)
शीतलपाटीन्युज डटकम। लन्डन। बेलायतमा नेवारी समुदायले ८ औं तः नेवा मुना आयोजना गरेको छ।प्रत्येक दुई बर्षमा हुने यो बृहत् नेवारी भेला पासा पुचःगुथि यूके रेडिङ च्याप्टरको संयोजनमा शनिबार बेजिङस्टोकस्थित अल्डवर्थ स्कुल हलमा कार्यक्रम सम्पन्न भएको हो। कार्यक्रममा बेजिङस्टोकका मेयर काउन्सिलर डान पट्टी लगायत स्थानीय सरकारका प्रतिनिधि , प्रहरी प्रमुख र नेपाली जातीय संघसंस्थाका प्रतिनिधिहरु गरि करिब ४५० जना सहभागी थिए। उक्त कार्यक्रममा नेवा: समुदायका प्रमुख देव-देवी कुमारी, बाराही, भद्रकाली, महाकाली र विन्ध्यावासिनी देवीका ५ वटा रथ यात्राका साथै प्रदर्शन गरिएका रथहरु जुधाउने जात्रा (ख: ल्वाखेउ) गरिएको थियो। सो अवसरमा मन्जुश्री, कुमारी, लाखे, भैरव गण नाच, धिमे प्याखं, हु:ला प्याखं आदि प्रस्तुत गरिएको थियो भने ६ वटा बाजा टोलीले धिमे बाजा,धॉ: बाजा, खिं:बाजा जस्ता विभिन्न तीन दर्जन बाजा प्रस्तुत गरेर माहोल रोमाञ्चक बनाएको थियो। कार्यक्रममा नेवारी महिलाले लगाउने पोषाक हाकु पटासीमा सजिएका रेडिङ च्याप्टरका मैजु समूहले प्रस्तुत गरेको धिमे नाचले सबैको ध्यान खिचेको थियो । नमस्कार ईभेन्टस्ले ईन्टेरियर डेकोरेशन द्वारा सु सज्जित कार्यक्रम स्थल र कमल किचनद्वारा तैयार पारेको नेवारी स्वादका खानाले आफु नेपालनै भएको महशुस गरेका सहभागीहरूले बताएका थिए। कार्यक्रममा प्रमुख अतिथी लन्डनस्थित नेपाली दूतावासकी कार्यवहाक राजदूत रोशन खनालले पासा पुचः गुथि यूकेले बेलायतमा नेवा कला संस्कृति, परम्परा, भाषा, वेषभूषा आदि जगेर्ना र प्रवर्धनमा उल्लेख्य भूमिका निर्वाह गरिरहेको जनाउंदै ति कुरा दोश्रो पुस्तामा हस्तान्तरण गर्दै लैजाने संस्थाको काम सरहानीय भएको बताइन्। पासा पुचः गुथि यूके बोर्ड अफ ट्रष्टी अध्यक्ष सुशिल प्रजापतिले धन्यवाद दिंदै गुथिले बेलायतमा नेवारी कला, संस्कृति स्थापित गर्ने प्रयास गरिरहेको बताए । उनले नेपालबाट प्रेरणा लिएर बेलायतमा आफ्नै मौलिक तरिकाले चाडपर्व मनाउन शुरुवात गरिएको बताए ।प्रजापतिले बेलायतमा जन्मे हुर्केका दर्जनौं बालबालिकालाई नेवारी बाजा र नाचमा प्रशिक्षण समेत दिइएको जनाए । उनले यो वीन्टरमा बांसुरी बाजा प्रशिक्षणको योजना समेत रहेको सुनाए । होष्ट कोअर्डिनेटर दिव्य महर्जनले यस्तो भव्य कार्यक्रमको संयोजन गर्न पाऊदा आफुले भाग्यमानी महशुस गरेको र जात्रामा प्रयोग भएका रथहरु नीर्माणमा सहभागि गुथि सदस्यहरु , सॉस्कृतिक प्रदर्शनीमा सहभागि बाल बालिका लगायत , नेवारी खाना
शीतलपाटीन्युज डटकम। लण्डन । यती इन्टरनेसनल नेपाली फिल्म अवार्ड २०२४ लण्डनमा हालै सम्पन्न भएको छ। शनिबार साँझ लण्डनको ग्रिनफोर्ड हलमा आयोजित बृहत कार्यक्रमका बीच उत्कृष्ट मनोनयनमा रहेका मध्येबाट सर्वोत्कृष्ट घोषण गरिएको हो। अनमोल केसी फर्की फर्कीबाट सर्वोत्कृष्ट अभिनेता र केकी अधिकारी प्रसाद २ बाट सर्बोकृष्ट अभिनेत्री ठहरिएका छन्। नेपाली चलचित्र क्षेत्रको अन्र्तराष्ट्रिय बजार बिस्तार, कलाकार,निर्माता,निर्देशक तथा प्राविधिकहरुलाई सम्मान,पुरस्कार तथा प्रोत्साहन गर्ने हेतुले आयोजना गरिएको इन्फा अवार्डमा जारी सर्वोत्कृष्ट फिल्म घोषित भएको छ भने उपेन्द्र सुब्बा सुब्बाले सर्वोत्कृष्ट निर्देशकको अवार्ड हात पारेका छन्। सर्वोत्कृष्ट कथा/पटकथाको अवार्ड दिमाग खराबबाट आकाश बरालले हात पार्दा प्रसाद २ बाट अर्पण थापा सर्वोत्कृष्ट खलपात्र ठहरिएका छन्। सर्वोत्कृष्ट छाँयाकार प्रसाद २ बाट राजेश श्रेष्ठ, फर्की फर्कीबाट सुरेन्द्र पौडेल सर्वोत्कृष्ट सम्पादक,प्रकाश सपुत सर्वोत्कृष्ट संगीतकार बोक्सीको घर (बुझिन मैले), कालि प्रसाद बास्कोटा सर्वोत्कृष्ट पार्श्वगायक चरी बस्यो (जारी),समिक्षा अधिकारी बोक्सीको घर(बुझिन मैले) सर्वोत्कृष्ट पाश्र्वगायिका,सर्वोत्कृष्ट नृत्य निर्देशक पुजार सार्कीबाट शिशिर खत्री (दर्शन गरें) ले अवार्ड हात पारेका छन्। यता बर्ष २०२४ को पप्पुलर अभिनेताको अवार्ड दयाहाङ राईले फिल्म जारीबाट हात पारेका छन् भने यही फिल्मबाट मिरुना मगरले पपुलर अभिनेत्रीको अवार्ड हात पारेकी छिन्। सर्वोत्कृष्ट अभिनेता जुरी तर्फ पुजार सार्कीबाट प्रदीप खड्का र सुपला सापकोटा बोक्सीको घरबाट अभिनेत्रीको अवार्ड जित्न सफल भएका छन्। पब्लिक च्वाईस तर्फ सर्वोत्कृष्ट अभिनेताको अवार्डमा पल शाहले जित्न सफल भएका छन भने सर्वोत्कृष्ट अभिनेत्री जसिता गुरुङ ठहरिएकी छिन्।पर्फमर अफ दि एयरको अवार्ड मोडल तथा डान्सर शुशान्त खत्रीले जीत्दा इन्करेजमेन्ट अवार्ड फिल्म लण्डन टु पेरिसबाट गरिमा शर्माले हात पारेकी छिन्।साथै लाईफटाईम एचिभमेन्ट अवार्डबाट नेपाली फिल्म क्षेत्रमा लिजेन्ड्री एक्टर भुवन केसी सम्मानित भएका छन्। आवस्यक समन्वय गरी कार्यक्रम भब्य सफल पार्न यती नेपाली एशोसियन युकेका अध्यक्ष पिपला देवान,पूर्वअध्यक्ष उमेश मोक्तान र महासचिव टंक भट्टराई र उपमहासचिव आशिषराज पंतले महत्वपूर्ण भूमिका निर्वाह गरेका थिए।
GNNNEWS- लन्डन - बेलायतमा कार्यरत सामाजिक संस्था, द गोर्खा सेन्टर, ले गत सप्ताहान्त हेजस्थित आफ्नै कार्यालयको बगैंचामा रमाइलो 'समर बार्बेक्यु पार्टी' आयोजना गरेको छ। कार्यक्रममा चर्चित शेफ तथा द गोर्खा सेन्टरका ब्रान्ड एम्ब्यासडर बिनोद बरालको रेखदेख र निर्देशनमा बार्बेक्यु तयार गरिएको थियो । कार्यक्रममा गायिका तयाहंग्मा राइले लोकप्रिय गीतहरु सुनाएकी थिइन् । कार्यक्रममा पश्चिम लन्डनमा बसोबास गर्ने भूतपूर्व गोर्खा सैनिक, तिनका परिवार तथा नेपाली समुदायका सदस्यहरुको उत्साहजनक उपस्थिति थियो। बार्बेक्यु पार्टीमा डिपार्टमेन्ट अफ वर्क्स एंड पेंसंसको लन्डनस्थित आर्म्ड फोर्सेज च्याम्पियन तथा भेट्रान्स एडभाइजरी एण्ड पेन्सन्स कमिटीका अध्यक्ष पनि सहभागी भएका थिए । त्यस्तै एचएसबीसी बैंकको स्थानीय शाखाका कर्मचारी पनि सहभागी भएका थिए। द गोर्खा सेन्टरले सिफारिस गरेको आधारमा एचएसबीसी बैंकले सैयौं भूतपूर्व गोर्खा सैनिक तथा तिनका परिवारजनको खाता खोली दिएको छ। "स्थापनाकाल देखि नै हामीले भूतपूर्व गोर्खा सैनिक तथा उहाँका परिवारका लागि सक्दो सेवा गर्दै आएका छौं। भूतपूर्व गोर्खा सैनिक लगायत पश्चिम लन्डनमा बसोबास गर्ने सबै नेपाली समुदाय तथा नेपालका मित्रहरुलाई एकै थलोमा भेला गरेर रमाइलो गर्ने, खानपिन गर्ने, हामीलाई स्थापनाकालदेखि नै सहयोग गर्दै आउनु भएका स्वयम्सेवी तथा संस्थाहरुलाई धन्यवाद दिने र सामुदायिक भावनालाई अरु बलियो बनाउने उद्देश्यले हामीले बार्बेक्यु पार्टी आयोजना गरेका हौँ," द गोर्खा सेन्टरका संस्थापक तथा सिइओ भीम तामांगले भने। उनले बार्बेक्यु पार्टीका प्रायोजक, स्वयम्सेवक तथा पाहुना लगायत सहभागी सबैलाई हार्दिक धन्यवाद पनि दिए।
शीतलपाटीन्युज डटकम। लण्डन । संसदीय सुनुवाइ समितिले प्रस्तावित १७ राजदूतको सुनुवाइ सम्पन्न गरेको छ । बिहीबार अमेरिका,बेलायत,स्पेन र श्रीलंकामा प्रस्तावित राजदूतको सुनुवाइ गरिएको हो । सुनुवाइ गरिएका राजदूतको अनुमोदन गर्ने वा अस्वीकृत भन्ने निर्णय आइतबार सुनाइने सभापति ईश्वरी न्यौपानेले जानकारी दिइन् । १४ साउनमा सरकारले १७ देशमा राजदूत सिफारिस गरेको थियो । प्रस्तावित राजदूतविरुद्ध सुनुवाइ समितिमा नौवटा उजुरी परेको थियो । समितिले १४ भदौमा उजुरीकर्तासँग छलफल गरी १६ गतेदेखि राजदूतहरूको सुनुवाइ थालेको थियो । समितिमा इजरायल, मलेसिया,भारत र दक्षिण अफ्रिकाका लागि प्रस्तावित राजदूतविरुद्ध उजुरी परेको छ भने समग्रतामा राजदूत सिफारिस समावेशी नभएको भनेर पनि उजुरी परेको थियो । समावेशिताका सवालमा समितिले परराष्ट्रमन्त्री डा. आरजु राणा देउवा बोलाएरै ध्यानाकर्षण गराएको थियो । अब समितिले उजुरी, उजुरीकर्ताको तर्क,प्रस्तावित व्यक्तिको जवाफका आधारमा अनुमोदन गर्ने वा नगर्ने निर्णय सुनाउनेछ । अमेरिका र बेलायतमा प्रस्तावित राजदूतले अमेरिकी राष्ट्रपतिको नेपाल भ्रमण गराउने र भूतपूर्व ब्रिटिस गोर्खा सैनिकको पेन्सन समस्या समाधान गर्ने आफ्नो कार्ययोजना र प्राथमिकता सुनाएका छन् । संसदीय सुनुवाइ समितिमा बिहीबार सुनुवाइका लागि उपस्थित अमेरिकाका लागि प्रस्तावित लोकदर्शन रेग्मी र बेलायतका लागि प्रस्तावित चन्द्रकुमार घिमिरेले उच्चस्तरीय भ्रमण, आर्थिक,कूटनीतिक,द्विपक्षीय सम्झौता कार्यान्वयन प्राथमिकतामा रहेको उल्लेख गरेका हुन् । बेलायतका लागि प्रस्तावित राजदूत चन्द्रकुमार घिमिरेले भूतपूर्व ब्रिटिस गोर्खा सैनिकले समान पेन्सन नपाएको मुद्दा टुंग्याउन पहल गर्ने प्रतिबद्धता जनाए। ‘समान पेन्सन नपाएको मुद्दा छ। वार्ता चलिरहेको, टुंगिने चरणमा छ,’ उनले भने । सांसदहरूले भूपू गोर्खा सैनिकको समस्या समाधान गर्न के कार्ययोजना छ भनेर घिमिरेलाई दोहोर्याएर सोधेका थिए । जवाफमा घिमिरेले गोर्खा भर्ती समस्याको मुद्दामा दुइटा तहमा वार्ता भइरहेको जानकारी गराए । स्पेनका लागि प्रस्तावित राजदूत सनिल नेपालले नेपाल एयरलाइन्सलाई युरोपियन युनियनको कालोसूचीबाट हटाउन कूटनीतिक पहल गर्ने प्रतिबद्धता जनाए । ‘नेपाल हवाई कालोसूचीको विषयमा स्पेनबाट युरोपियन युनियनमा लबिङ गर्न सकिन्छ । किनकि स्पेनको इयूमा ठुलो प्रतिनिधित्व छ । युरोपका अन्य दूतावास पनि मिलेर इयूमा कन्भिन्सको प्रयास गर्यौँ भने नतिजा आउँछ, यसमा परराष्ट्र मन्त्रालय र अन्य दूतावाससँग पनि छलफल गर्नेछु,’ उनले बताएका छन।
शीतलपाटीन्युज डटकम। लन्डन। बेलायतमा यति इन्टरनेसनल नेपाली फिल्म अवार्ड-२०२४ को व्यापक तयारी भएको छ ।सन् १९६० मा स्थापित युरोपकै सबैभन्दा पुरानो नेपाली संस्था यती नेपाली एसोसिएसन यूकेले अवार्ड गर्न लागेको हो । बिहीबार सांझ लन्डनमा आयोजित पत्रकार भेटघाटमा यती अध्यक्ष पिपला देवानले नेपाली चलचित्र उद्योगको प्रवर्धन एवं कलाकारहरुलाई प्रोत्साहन गर्न बेलायतमा पहिलो पटक उत्कृष्ट स्तरको अवार्ड वितरण गर्न लागिएको बताउनु भएको हो। यही १४ सेप्टेम्बर शनिबार लन्डनस्थित ग्रीनफोर्ड टाउन हलमा हुन लागेको अवार्ड कार्यक्रममा भाग लिन कलाकारहरु भुवन केसी,अनमोल केसी,केकी अधिकारी, जसिता गुरुङ,मिरुना मगर,जिया केसी, सुशान्त खत्री,मलिना जोशी,गरिमा शर्मा, शिल्पा मास्के आदि लन्डन आइसकेका छन् भने करिब दुई दर्जन (२२ जना) कलाकार लन्डन आउने क्रम जारी रहेको आयोजकले जनाएका छन्। अवार्डमा कुल ५६ वटा नेपाली चलचित्रबाट उत्कृष्ट छानेर १६ विधामा अवार्ड दिइने आयोजकको भनाइ छ। वरिष्ठ कलाकारहरु सुनिल थापा,गौरी मल्ल र उज्वल घिमिरेको एक जुरीले ति फिल्म २६ दिन लगाएर मूल्यांकन गरेको पनि यती आयोजकले जनाएको छ। यति नेपाली एसोसिएसन युकेको आयोजना र संगीक्षा फिल्मस् इन्टरटेनमेन्ट प्रा.लि.को व्यवस्थापनमा ग्रीनफोर्ड हलमUB6 9QN मा इन्फा यूके अवार्ड वितरण कार्यक्रम हुनेछ। सांझ ५ देखि शुरु हुने कार्यक्रम हेर्न प्रवेश शूल्क साधारण ४०,भीआईपी ५० र भीभीआईपी १०० पाउन्ड टीकटको ब्यवस्था गरीएको छ । नेपाली चलचित्र उद्योग, कलाकार र कला संस्कृतिलाई प्रवर्धन प्रोत्साहन गर्ने आशा व्यक्त गरे। यस्ता कार्यक्रमको निरन्तरताले भविष्यमा लन्डन नेपाली फिल्मको मुख्य बजार बन्न सक्ने उनको अपेक्षा थियो। उत्कृष्ट बनाउने लक्ष्यसहित गर्न लागिएको कार्यक्रमको शुभकामना दिंदै केसीले यूकेवासी नेपालीलाई १४ सेप्टेम्बरको कार्यक्रममा आइदिन अपिल पनि गरे। नायिका मिरुना मगरले आफू अहिलेसम्म अवार्ड कार्यक्रममा भाग नलिएको बताउंदै यती अवार्ड निष्पक्ष र उत्कृष्ट हुने विश्वास व्यक्त गरिन्। प्रमुख प्रायोजक माया इभेन्ट्स र माया सपोर्टेड लिभिङका निर्देशक एवं यती स्पोर्टस् सेक्रेटरी राज पाण्डेले आफूहरुले धेरै दुःख गरेर कार्यक्रम आयोजना गरेको जनाउंदै प्रायोजनले मात्र कार्यक्रम सफल नहुने भएकाले सबै दर्शकहरुलाई इभेन्ट हेर्न आइदिन अनुरोध गरेका छन। नेपाली चलचित्र क्षेत्रको अन्तर्राष्ट्रिय बजार विस्तार,कलाकार,निर्माता,निर्देशक तथा प्राविधिकहरुलाई सम्मान, पुरस्कार तथा प्रोत्साहन लागि कार्यक्रम हुन लागेको आयोजकले जनाएको छ।
शीतलपाटीन्युज डटकम। लन्डन। बेलायतमा यति इन्टरनेसनल नेपाली फिल्म अवार्ड-२०२४ को व्यापक तयारी भएको छ ।सन् १९६० मा स्थापित युरोपकै सबैभन्दा पुरानो नेपाली संस्था यती नेपाली एसोसिएसन यूकेले अवार्ड गर्न लागेको हो । बिहीबार सांझ लन्डनमा आयोजित पत्रकार भेटघाटमा यती अध्यक्ष पिपला देवानले नेपाली चलचित्र उद्योगको प्रवर्धन एवं कलाकारहरुलाई प्रोत्साहन गर्न बेलायतमा पहिलो पटक उत्कृष्ट स्तरको अवार्ड वितरण गर्न लागिएको बताउनु भएको हो। यही १४ सेप्टेम्बर शनिबार लन्डनस्थित ग्रीनफोर्ड टाउन हलमा हुन लागेको अवार्ड कार्यक्रममा भाग लिन कलाकारहरु भुवन केसी,अनमोल केसी,केकी अधिकारी, जसिता गुरुङ,मिरुना मगर,जिया केसी, सुशान्त खत्री,मलिना जोशी,गरिमा शर्मा, शिल्पा मास्के आदि लन्डन आइसकेका छन् भने करिब दुई दर्जन (२२ जना) कलाकार लन्डन आउने क्रम जारी रहेको आयोजकले जनाएका छन्। अवार्डमा कुल ५६ वटा नेपाली चलचित्रबाट उत्कृष्ट छानेर १६ विधामा अवार्ड दिइने आयोजकको भनाइ छ। वरिष्ठ कलाकारहरु सुनिल थापा,गौरी मल्ल र उज्वल घिमिरेको एक जुरीले ति फिल्म २६ दिन लगाएर मूल्यांकन गरेको पनि यती आयोजकको जनाएको छ। यति नेपाली एसोसिएसन युकेको आयोजना र संगीक्षा फिल्मस् इन्टरटेनमेन्ट प्रा.लि.को व्यवस्थापनमा ग्रीनफोर्ड हलमUB6 9QN मा इन्फा यूके अवार्ड वितरण कार्यक्रम हुनेछ। सांझ ५ देखि शुरु हुने कार्यक्रम हेर्न प्रवेश शूल्क साधारण ४०,भीआईपी ५० र भीभीआईपी १०० पाउन्ड टीकटको ब्यवस्था गरीएको छ । नेपाली चलचित्र उद्योग, कलाकार र कला संस्कृतिलाई प्रवर्धन प्रोत्साहन गर्ने आशा व्यक्त गरे। यस्ता कार्यक्रमको निरन्तरताले भविष्यमा लन्डन नेपाली फिल्मको मुख्य बजार बन्न सक्ने उनको अपेक्षा थियो। उत्कृष्ट बनाउने लक्ष्यसहित गर्न लागिएको कार्यक्रमको शुभकामना दिंदै केसीले यूकेवासी नेपालीलाई १४ सेप्टेम्बरको कार्यक्रममा आइदिन अपिल पनि गरे। नायिका मिरुना मगरले आफू अहिलेसम्म अवार्ड कार्यक्रममा भाग नलिएको बताउंदै यती अवार्ड निष्पक्ष र उत्कृष्ट हुने विश्वास व्यक्त गरिन्। प्रमुख प्रायोजक माया इभेन्ट्स र माया सपोर्टेड लिभिङका निर्देशक एवं यती स्पोर्टस् सेक्रेटरी राज पाण्डेले आफूहरुले धेरै दुःख गरेर कार्यक्रम आयोजना गरेको जनाउंदै प्रायोजनले मात्र कार्यक्रम सफल नहुने भएकाले सबै दर्शकहरुलाई इभेन्ट हेर्न आइदिन अनुरोध गरेका छन। नेपाली चलचित्र क्षेत्रको अन्तर्राष्ट्रिय बजार विस्तार,कलाकार,निर्माता,निर्देशक तथा प्राविधिकहरुलाई सम्मान, पुरस्कार तथा प्रोत्साहन लागि कार्यक्रम हुन लागेको आयोजकले जनाएको छ।
नेपाल मिडीया टुडे, काठमाडौं। सर्वोच्च अदालतद्धारा सीट भन्दा बढि यात्रु नराख्न र लामोदुरीमा दुई सवारी चालक अनिवार्य राख्न अन्तिरिम आदेश जारी गरेको छ। वरिष्ठ अधिवक्ता विष्णु लुईटेल लगायतले दायर गरेको रिटमा मंगलबार सर्वोच्च अदालतका न्यायाधिस अब्दुल अजिज मुसलमानको एकल इजालसले यातायात क्षेत्रसँग सम्बन्धित विभिन्न पाँच वटा विषयमा अन्तिरिम आदेश जारी भएको हो। रिट निवेदकले सवारी तथा यातायात व्यवस्था ऐन २०४९ को दफा १०२ विपरित सीट क्षमता भन्दा बढी यात्रु सार्वजनिक यातायातमा सवार नचढाउन नराख्न तथा यातायात व्यवस्था सम्बन्धी प्रचलित नेपाल कानुनको प्रभाकारी कार्यान्वयन गरी नागरिकलाई सुरक्षित, विश्वसनिय, सरल र सुलभ सेवा सञ्चालन गर्नु गराउनु र हाल अव्यवस्थित सार्वजनिक सवारीका कारण सडक दुर्घटनामा परी मृत्यु हुनेको संख्या दिनप्रतिदिन बढ्दै गएको हुदा सो लाई न्यूनिकरण गर्ने उपाय अवलम्बन गराउन विपक्षीका नाममा परमादेश निर्देशनात्कम आदेशको माग गरिएको थियो। त्यसैगरी सवारी साधान भित्र यात्रुको इच्छा विपरित ठूलो स्वरमा म्यूजिक सिस्टम नबजाउन,उच्च बाहन शक्ति मोटरसाइकल चालकहरुले सडक यात्रु र समाजलाई आंतकित हुने गरी ठुलो स्वर र तिव्र गतिमा मोटरसाइकल नचलाउन,१८ वर्ष उमेर नभएका नावालकलाई परिचालकको काममा नलगाउन,लामो बाटोमा यातायात सेवा सञ्चालकले गर्ने यात्रीबाहक सार्वजनिक सवारीमा चालक फेर्नु पर्ने हुँदा कम्तिमा दुइवटा चालक अनिवार्य रुपमा राख्ने व्यवस्था गराउन र चाँडवाडको समयमा यातायात व्यवसायीले जोखिमपूर्ण यात्रा गराउदा दुर्घटना हुने भएकोले कडाइका साथ नियमन तथा निगरानी गर्न विपक्षीहरुका नाममा अन्तरिम आदेशसगै अग्राधिकारको माग गरिएको थियो । यातायात सञ्चालनको नियमन निकायका दश वटा संस्थालाई विपक्षी वनाएको सो रिटमा वरिष्ट अधिवक्ता विष्णु लुईटेल,अभिवक्ताहरु टंक प्रसाद भटट्राई, शिवकुमार अधिकारी,भुवन प्रसाद वाग्ले,धनेन्द्र बहादुर श्रेष्ठ,शुसिला कुमारी रोकाय,आशिष लुईटेल,इलाज पुन मगर, अच्यूत लुइटेल र सञ्चारकर्मी राधाकृष्ण कटवाल लगायतले रिट दर्ता गरेका थिए भने वरिष्ट अधिवक्ता लुईटेल र अधिवक्ता वाग्लले वहस गरेका थिए। सवारी तथा यातायात व्यवस्था ऐनमा स्पष्ट व्यवस्था भएपनि सार्वजनिक यातायात सञ्चालकहरुले पालना नगरेको नियमन निकायहरुले कार्यान्वयमा ध्यान नदिएको भन्दै प्रधानमन्त्री तथा मन्त्रीपरिषदको कार्यालय, भौतिक पूर्वाधार तथा यातायात मन्त्रालय सिंहदरबार काठमाडौं, गृह मन्त्रालय सिंहदरबार काठमाडौं, यातायात व्यवस्था विभाग, मिनभवन काठमाडौं, महानिर्देशक यातायात व्यवस्था विभाग मिनभवन काठमाडौं, नेपाल प्रहरी
शीतलपाटीन्युज डटकम। लन्डन। नेपाली चलचित्रजगत्का नायक भुवन केसी,नायिका मिरुना मगरलगायत कलाकार बेलायत आइपुगेका छन्। बेलायतमा यही सेप्टेम्बर १४ तारिखमा हुने यति इन्टरनेसनल नेपाली फिल्म अवार्ड-२०२४ (इन्फा) का लागि कलाकारहरु बुधबार यहाँ आएका हुन्। पुरानो नेपाली संस्था यति एसोसिएसन युकेको निमन्त्रणामा नेपाली सिनेजगतका सुप्परस्टार केसी, अहिलेका चर्चित नायिका मिरूना,नायक अनमोल केसी,कलाकार जसिता गुरूङ बुधबार हिथ्रो एयरपोर्ट ओर्लिएका हुन। कलाकारहरुलाई आयोजकहरुले स्वागत गरेका थिए।यति नेपाली एसोसिएसन युकेको आयोजना र संगीक्षा फिल्मस् इन्टरटेनमेन्ट प्रा.लि.को व्यवस्थापनमा ग्रीनफोर्ड हलमा इन्फा यूके अवार्ड वितरण कार्यक्रम हुनेछ। प्रवेश शूल्क साधारण ४०, भीआईपी ५० र भीभीआईपी १०० पाउन्ड निर्धारण गरिएको छ।नेपाली चलचित्र क्षेत्रको अन्तर्राष्ट्रिय बजार विस्तार, कलाकार,निर्माता,निर्देशक तथा प्राविधिकहरुलाई सम्मान,पुरस्कार तथा प्रोत्साहन हेतु आयोजना कार्यक्रम हुन लागेको आयोजकले जनाएको छ। अवार्ड वितरणअघि वर्ष २०२३ अप्रिल १४ देखि २०२४ जुन २१ सम्म प्रदर्शनमा आएका फिल्महरुलाई आधार मानेर इन्फा अवार्डको उत्कृष्ट मनोनयन सूची समेत सार्वजनिक गरि सकेको छ। जुरी संयोजक सुनिल थापा, जुरी सदस्य गौरी मल्ल र उज्वल घिमिरेले एभेष्ट फिल्म एकेडेमीमा फिल्महरु हेरेपश्चात् उत्कृष्ट मनोनयन छनोट गरिएको आयोजकले जारी गरेको विज्ञप्तिमा उल्लेख छ। उत्कृष्ट सूचीबाट छानिएकाले पुरस्कार पाउनेछन्। अवार्ड कार्यक्रम भव्य,सभ्य,मर्यादित तथा निष्पक्ष बनाउनका लागि युके कमिटीमा संस्थाका अध्यक्ष पिप्ला पाण्डे देवान,पूर्वअध्यक्ष उमेशराज मोक्तान,महासचिव टंक भट्टराई,उपमहासचिव आशीषराज पन्त, कोषाध्यक्ष पुण्य खतिवडा खटिरहेका छन् भने नेपाल कमिटीमा सुनिल क्षेष्ठ अध्यक्ष,मनोज केसी महासचिव,मोहन श्रेष्ठ सचिव, प्रशाक कुंवर कोषाध्यक्ष र मनिष कार्की संयोजकका रुपमा रहेको आयोजकले जनाएको छ।
शीतलपाटीन्युज डटकम। लन्डन। साहारा यूकेका निवर्तमान अध्यक्ष ले.रि. कुसाङ गुरुङलाई पितृशोक परेको छ।ले.रि. कुसाङका बुबा डिलबहादुर गुरुङको ९१ वर्षको उमेरमा भाद्र २४ गते आफ्नै निवास नवलपरासीको सुनवल नगरपालिका १ मा निधन भएको हो। डिलबहादुर पुर्ख्यौली पर्वत जिल्ला फलेवास नगरपालिका वडा नं ८ खाल्टे भई हाल नवलपरासी सुनवल नगरपालिका १ किर्तिपुरमा बस्दै आएका थिए।सोमबार बिहानसम्म सामान्य अवस्थामा रहेका डिलबहादुरको अकस्मात निधन भएको उनका जेठा छोरा लेरि कुसाङले जानकारी दिनु भयको छ। वि.सं. १९९० सालमा जन्मिएका डिलबहादुरका ५ छोराहरु छन्। दिवंगत डिलबहादुरको यही बुधबार तमु संस्कार अनुसार सुनवलस्थित स्थानीय घाटमा अन्त्येष्टि गर्ने कार्यक्रम छ ।
शीतलपाटीन्युज डटकम। लण्डन। यहाहरु धेरैलाई थाह होला,हाम्री पूज्य श्री चन्द्रकला सखीज्यू नेपालवाट पशुपतिनाथ मन्दिर प्रांगणमा आयोजना भएको कोटीहोममा श्रीराम कथा वाचनका लागि आयोजक मानव सेवा फाउन्डेसनले गरेको निमन्त्रणालाई स्वीकार गरेर वेलायतवाट केहि समय अघि काठमाण्डौ जानु भएको थियो। त्यो विशाल जनसागरले भरि भराउ कोटीहोममा श्रीसखीज्युले गरेको आकर्षक प्रस्तुतिवाट नेपाल र नेपाली मात्र होइन विश्वको सनातन समुदाय नै गर्व गर्दछ भन्ने कुरा श्रीसखीज्युलाई विभिन्न संघ संस्था र नागरिक समाजहरुले गरेको भव्य अभिनन्दनवाट स्पष्ट भैसकेको छ। सायद भनिरहनु नपर्लाकि बहूभाषिक अन्तर-राष्ट्रिय कथा वाचिका श्रीसखीज्यू नेपाल आमाकी एक सुयोग्य सुपुत्री हुनुहुन्छ,जसले सानो उमेरमै आफ्नो धर्म, संस्कार, संस्कृति, राष्ट्र र राष्ट्रियता सम्बन्धि गरेको जागरणका लागि देश-विदेशमा ख्याति कमाइसक्नुभएको छ। उहाँ अनन्त श्री विभूषित,अध्यजगदगुरु श्रीमद् रामानन्दाचार्य स्वामी श्रीरामकृष्णाचार्य महायोगी सिद्धबाबाकि कृपा पात्र त हुनुहुन्छ नै, साथै आज विश्व भरिकै सन्त सिरोमणि भारत अयोध्याका अनन्त श्री विभूषित परमपूज्य परम्बन्दनिय श्री नृत्यगोपालदास महाराज ज्यूकि नातिनी शिष्य पनि हुनुहुन्छ। साथै,उहाँ विश्वभर रहेका युवा वर्गलाई अन्तर-राष्ट्रिय आञ्जनेय युवा क्लबको अध्यक्षको हैसियतले आफ्नो धर्म,संस्कार,संस्कृति,राष्ट्र र राष्ट्रियता सम्बन्धि जागरण ल्याउन काम गरिरहने पहिलो व्यक्तित्व पनि हुनुहुन्छ। माथि भने झैँ उहाँले हालै मात्र नेपालको पशुपतिनाथमा आयोजित कोटिहोममा नव दिवसीय श्री रामकथाको आकर्षक वाचन गरी अपार सफलता हासिल गरिसक्नु भएको सन्दर्भमा अब बेलायतमा पनि वहाले आफ्नो धर्म-संस्कृतिको लगातार जागरण गरिरहनु हुने छ। यसको तत्काल सुरुवात गर्न संघारमै आइसकेको नवरात्रको पावन अवसरमा महायोगी सिद्धबाबा स्पिरिचुअल एकेडेमीले श्रीसखी ज्यूकै वाचनमा श्रीरामकथाको भव्य कार्यक्रम आयोजना गर्ने भएको छ। इच्छुक सबै महानुभावहरुलाई हामी अहिले देखि नै कथा सुन्न निमन्त्रणा गर्दछौ। यसको बिस्तृत जानकारी केहि पछि हामी सार्बजनिक गर्ने छौ। सखी ज्यूको बारेमा थप प्रकास पार्नु पर्दा सनातन धर्म र संस्कृतिको जागरणका लागि श्री सखी ज्यूले बेलायतमा गुरुकुलको पनि सञ्चालन गरी विभिन्न स्थानहरूमा युवा र बालबालिकाभित्र सचेतना जगाइरहनु भएको छ। सचेतना कार्यक्रम भित्र राम-नाम संकीर्तन,हिमालयन सिद्ध महायोग साधना र लघु-कथा-वाचन पनि समेटिने हुनाले गुरुकुल अध्यापन कार्यक्रम जन-जनको आत्मकल्याणसंग सम्बन्धित छ। यो अभियान परमपूज्य, परम्बन्दनिय,प्रातस्मरणीय श्रीसद्गुरुदेव जगदगुरु महायोगी सिद्धबाबाको असिम कृपाका साथ् तीव्र रूपमा अघि
शीतलपाटीन्युज डटकम। लण्डन। प्रबासी नेपाली मंच (ओएनएफ) यूकेको दक्षिण पुर्व (साउथ इस्ट) इलाका कमिटि अध्यक्षमा राममाया बिष्ट निर्वाचित भएकी छिन्। आइतबार साउथ इस्टस्थित वीलवुचमा आइतबार सम्पन्न छैठौ अधिवेशनले १५ सदस्यीय कार्यसमिति सर्वसम्मत रुपमा चयन गरेको हो। साउथ इस्टमा बिष्ट पहिलो महिला अध्यक्ष हुन। यसअघि पुरुषहरु नै अध्यक्ष भएका थिए। उपाध्यक्षमा करुणा हमाल, सचिवमा जीबिका नहर्की, उपसचिवमा राजेन्द्र लम्साल तथा सदस्यहरुमा रत्ना हमाल शाही,लिलाराम सापकोटा, सन्तोष गिरी,अनिस थपलिया, नबिन भट्ट,थर्क सिंह खड्का, किरण अधिकारी र मनिषा खड्का छन। तीन जना सदस्य पछि कार्यसमितिले थप गर्नेछ। नव निर्वाचित अध्यक्ष बिष्टसहित कार्यसमिति लाई ओएनएफ अन्तरराष्ट्रिय कमिटिका उपसचिव तथा अधिवेशनका प्रमुख अतिथि कर्ण शाहीले सपथ ग्रहण गराएका थिए। निर्वाचन समिति संयोजक केदार थपलियाले सम्पुर्ण कार्यसमिति सर्वसम्मत भएको जानकारी अधिवेशनलाई गराए। निर्वाचनका लागि संयोजक थपलिया तथा सदस्यद्वय ओएनएफ यूके उपाध्यक्ष डा मुकुन्द बास्तोला र सचिब पुण्य रेग्मी भएको समित गठन गरिएको थियो। यसैबीच,अध्यक्ष बिष्टले निर्वाचित भए लगत्तै सबै सँग हातेमालो गरेर अघि बढने प्रतिबद्धता जनाइन्। नवनिर्वाचित कार्यसमितिलाई ओएनएफ अन्तरराष्ट्रिय कमिटि सदस्य कल्पना त्रिपाठी,उपसचिव कर्ण शाही र ओएनएफ यूके अध्यक्ष तुंगभद्र भुसालले शुभकामना दिएका थिए। यसअघि,निवर्तमान अध्यक्ष अर्कराज तिमल्सिनाले विगतमा गरेका काम र आगामी दिनमा गर्न सक्ने कामका बारेमा सुझाब दिए । सचिव पंकज बजगाईले कार्य प्रगति विवरण पेश गरेका थिए। उक्त प्रतिवेदन सर्वसम्मत ढंगले पारित भएको थियो। अधिवेशनमा पुर्वअध्यक्ष दिनेश घिमिरे,ओएनएफ अन्तरराष्ट्रिय कमिटि सल्लाहकार विनोद ज्ञवाली, उपाध्यक्षद्वय डा.मुकुन्द बास्तोला,सुरेश जंग शाहलगायतको अधिवेशनमा उपस्थिति थियो।
शीतलपाटीन्युज डटकम। लन्डन। सहारा क्लब अष्ट्रेलियाका अध्यक्ष राजमान थकालीको निधन भएको छ। लामो समयदेखि फोक्सोको रोगबाट पीडित थकालीको शनिबार निधन भएको सहारा क्लब पोखराका पूर्वअध्यक्ष विक्रम थकालीले जानकारी गराएका छन्। बिक्रम थकालीका अनुसार राजमाननको अष्ट्रेलियामै नेपाली समयअनुसार शनिबार साँझ साढे ५ बजे निधन भएको हो। ५० वर्षीय राजमानका श्रीमती र २ जना छोराहरु छन्। उनको नेपालमा पोखरा ८, नागढुंगामा घर छ। पोखराको सभागृहचोकस्थित मुग्लान रेष्टुरेष्ट तथा पोखरामै संचालित मिमाअस कन्सल्टेन्सीका संचालक राजमान लामो समयदेखि अष्ट्रेलियामै बसोबास गर्दै आएका थिए। फुटबल खेलमा अभिरुची राख्ने उनी सहाराले अष्ट्रेलियामा विस्तार गरेको आफ्नो शाखामा उनी संस्थापक अध्यक्ष भइ सेवा गर्दै आएका थिए ।
शीतलपाटीन्युज डटकम। लण्डन। बेलायतमा बसोबास गरेका साई धर्माबलम्बी युके र शिव कल्चरल एण्ड कम्युनिटी सेन्टरका नेपालीहरुले कैलाश मानसरोवरको यात्रा तय गरेको समाचार छ। साई सेन्टर फानबोरो युकेकी सुस्मा गुरुड्ग संयोजक रहेको उक्त यात्रा टीममा शिव कल्चरल एण्ड कम्युनिटी सेन्टरका अध्यक्ष बिक्रम भट्टराई समेतले यो यात्रा तय गरेको हो।यो समुहले मानसरोबर शिव भगवानको जन्मस्थल रहेकोले यो स्थानको तिर्थाटन गरिएको हो। यो पवित्र स्थलमा हिन्दु धर्माबलम्बीहरुले तय गर्ने यात्रा कम्तिमा ५ जनाको समुह हुनु पर्ने नियम रहेको छ। कैलाश मानसरोवर यात्रा धेरै जाडो हुने भएका कारण यस्को यात्रा आयोजना हरेक वर्ष जूनबाट शुरु गरेर सेप्टेम्बर महिनासम्म मात्र यात्रा गरीन्छ। यो ठाउमा पुग्न दुईवटा मात्रै बाटो छ। लिपुलेख उत्तराखंड भएर र रतथा नाथू-ला दर्रे बाट सिक्किम भएर। कैलाश मानसरोवर यात्रा आफ्नो धार्मिक मूल्य र सांस्कृतिक महत्त्वका कारण जाने गरीन्छ। यो कैलाश पर्वत पवित्र मानसरोवर तालको हिन्दू धार्मिक मान्यताको एउटा अटूट हिस्सा मानिएको छ।कैलाश पर्वत भगवान शिवको निवास स्थान मानिन्छ। यहाँबाट लगभग २० किमी टाढा नीलो-हरीयो रंगको मानसरोवर ताल लगभग १५,०१५ फिटको ऊंचाईमा अबस्थित छ। यो स्थान बौद्ध र जैन धर्मका अनुयायिका बीच बहुत महत्त्वपुर्ण धार्मिकस्थल मानिन्छ। गतबर्ष भारत भ्रमण गरेको यो समुहले चीनको मानसरोबर तिब्बतमा गर्दैछ भने भविष्यमा पनि निरन्तरता दिने कुरा अध्यक्ष भट्टराईले बताउनु भएको छ
शीतलपाटीन्युज डटकम। लन्डन । बेलायतमा यही सेप्टेम्बर १४ तारिखमाा यति इन्टरनेसनल नेपाली फिल्म अवार्ड-२०२४ (इन्फा) हुँदैछ। यति नेपाली एसोसिएसन, युकेको आयोजना र संगीक्षा फिल्मस् इन्टरटेनमेन्ट प्रा.लि.को व्यवस्थापनमा इन्फा यूके अवार्ड वितरण कार्यक्रम हुन लागेको हो। कार्यक्रम ग्रीनफोर्ड हलमा हुनेछ। https://www.facebook.com/share/v/1GRLNQ95wp/?mibextid=UalRPS प्रवेश शूल्क साधारण ४०, भीआईपी ५० र भीभीआईपी १०० पाउन्ड निर्धारण गरिएको छ। नेपाली चलचित्र क्षेत्रको अन्तर्राष्ट्रिय बजार विस्तार, कलाकार,निर्माता,निर्देशक तथा प्राविधिकहरुलाई सम्मान,पुरस्कार तथा प्रोत्साहन हेतु आयोजना कार्यक्रम हुन लागेको आयोजकले जनाएको छ । कार्यक्रम नेपाली चर्चित फिल्मकर्मीको उपस्थितिमा हुनेछ। अवार्ड वितरणअघि वर्ष २०२३ अप्रिल १४ देखि २०२४ जुन २१ सम्म प्रदर्शनमा आएका फिल्महरुलाई आधार मानेर इन्फा अवार्डको उत्कृष्ट मनोनयन सूची समेत सार्वजनिक गरिसकेको छ। जुरी संयोजक सुनिल थापा, जुरी सदस्य गौरी मल्ल र उज्वल घिमिरेले एभेष्ट फिल्म एकेडेमीमा फिल्महरु हेरेपश्चात् उत्कृष्ट मनोनयन छनोट गरिएको आयोजकले जारी गरेको विज्ञप्तिमा उल्लेख छ । उत्कृष्ट सूचीबाट छानिएकाले पुरस्कार पाउनेछन् । अवार्ड कार्यक्रम भव्य, सभ्य, मर्यादित तथा निष्पक्ष बनाउनका लागि युके कमिटीमा संस्थाका अध्यक्ष पिप्ला पाण्डे देवान, पूर्वअध्यक्ष उमेशराज मोक्तान, महासचिव टंक भट्टराई, उपमहासचिव आशीषराज पन्त, कोषाध्यक्ष पुण्य खतिवडा खटिरहेका छन् भने नेपाल कमिटीमा सुनिल क्षेष्ठ अध्यक्ष, मनोज केसी महासचिव, मोहन श्रेष्ठ सचिव, प्रशाक कुंवर कोषाध्यक्ष र मनिष कार्की संयोजकका रुपमा रहेको आयोजकले जनाएको छ। प्रेस विज्ञप्ती आदरणीय पत्रकार मित्रहरु, नेपाली चलचित्र क्षेत्रको अन्तर्राष्ट्रिय बजार बिस्तार, कलाकार, निर्माता, निर्देशक तथा प्राविधिकहरुलाई सम्मान, पुरस्कार तथा प्रोत्साहन हेतु आयोजना हुदैछ, यति ईन्टरनेशनल नेपाली फिल्म अवार्ड २०२४(इन्फा) । १९६० मा स्थापित यति नेपाली एसोसियसन, युकेको आयोजना संगिक्षा फिल्मस् इन्टरटेनमेन्ट प्रा.लि.को व्यवस्थापनमा भाद्र २९ (सेप्टेम्बर १४) गते इन्फा अवार्ड लण्डणमा आयोजना हुनेछ । वर्ष २०२३ अप्रिल १४ देखि २०२४ जुन २१ सम्म प्रदर्शनमा आएका फिल्महरुलाई आधार मानेर इन्फा अवार्डको उत्कृष्ट मनोनयन सुचि तयार पारिएको छ । जुरी संयोजक सुनिल थापा, जुरी सदस्य गौरी मल्ल र उज्वल घिमिरेले एभेष्ट फिल्म एकेडेमीमा फिल्महरु हेरे पश्चात उत्कृष्ट मनोनयन छनोट गरिएको हो। अवार्ड कार्यक्रम भव्य,सभ्य,मर्यादित तथा निष्पक्ष बनाउनका लागि युके कमिटीमा संस्थाका अध्यक्ष पिप्ला पाण्डे देवान, पूर्व अध्यक्ष उमेश मोक्तान,
शीतलपाटीन्युज डटकम। लन्डन। बेलायत भ्रमणमा रहेका पत्रकारहरु डण्ड गुरुङ र दीलिपाश्री अधिकारीलाई नेपाल पत्रकार महासंघ युके र फोनिज यूकेले सम्मान गरेको छ । लन्डन साउथ ह्यारोस्थित गोल्डेनसीप रेस्टुरेन्टमा उनीहरुका लागि बिहीबार साँझ 'स्वागत, सम्मान तथा बिदाइ' कार्यक्रम गरिएको हो। नेपाल पत्रकार महासंघ बेलायत शाखा अध्यक्ष विमला सेनेले गुरुङ र अधिकारीलाई खादासहित मायाको चिनो प्रदान गरेर सम्मान गरीएको थियो। एबीसी टेलिभिजनका सम्पादक डण्ड गुरुङ फोनिजका निवर्तमान अध्यक्ष र अधिकारी नेपाल प्रेस युनियन नेपालकी उपमहासचिव छन् । पत्रकार गुरुङले सम्मानका लागि आयोजकप्रति धन्यवाद दिँदै पत्रकार महासंघ यूके शाखाले महिला नेतृत्व पाउनु उदाहरणीय भएको बताएका थिए। उनले बेलायतबाट महासंघ केन्द्रले पनि सिकोस् भन्ने कामना व्यक्त गरेका थिए। अब असोज ५ मा तय भएको नेपाल पत्रकार महासंघ नेपालको निर्वाचनले समेत महिला नेतृत्व चयन गर्ने आशा व्यक्त गरेका थिए। गुरुङले बेलायत शाखामा पराजित भएपछि असन्तुष्टि राख्नेहरुले अर्कोपटक फेरि अवसर आउँछ भन्ने बुझेर ‘बेलायतका पत्रकारहरु एक ढिक्का छौं’ भन्ने सन्देश दिन आवश्यक रहेकोमा पनि जोड दिएका थिए। पत्रकार अधिकारीले लन्डनमा आफ्नो सम्मानप्रति आभार व्यक्त गर्दै पत्रकार महासंघ बेलायतमा देखिएका केही मतभेद निराकरणका लागि नेपाल प्रेस युनियनले महासंघ केन्द्रसँग समन्वय गर्ने कुरा व्यक्त गरेकी छन। आदिवासी जनजाती पत्रकार महासंघ यूके सहआयोजक समेत रहेको कार्यक्रममा फोनिज यूके अध्यक्ष बम थापा सूर्यवंशी मगरले स्वागत मन्तव्य दिएका थिए। शाखाका महासचिव खेमराज रानाभाटले सञ्चालन गरेको कार्यक्रममा तनहुँ समाज यूकेका संरक्षक एवं सिकारी सरदार वंशु गुरुङ स्मृति प्रतिष्ठान बेलायतका संयोजक लेख गुरुङले पत्रकारहरुसँग संस्थाले विगतदेखि नै सहकार्य गर्दै आएको स्मरण गरे। उनले शिकारी सरदार वंशुलाई राष्ट्रिय विभूति घोषणा गर्ने पहल भइरहेको जनाउँदै पत्रकारहरुबाट पनि सहयोग अपेक्षा गरेका । सामाजिक अभियन्ता गणेश इजम र एनआरएनए यूके पूर्वसचिव एवं बुद्धिजिवी डा. मीन रानाभाटले पत्रकारहरुलाई शुभकामना दिँदै निष्पक्ष लेखनमार्फत समाजलाई दिशानिर्देश गर्न सुझाव दिएका थिए। अध्यक्ष विमला सेनेले कोठामा बसेर केही अराजक मानसिकता भएका ‘कथित’ पत्रकारहरुले शाखाको आधिकारिकता माथि धावा बोल्ने काम गरिरहेको भन्दै मिलेर जान सकिने धारणा राखेकी थिईन। ‘हामीलाई बेलायतको समाजले स्वीकारेको छ। तर,मानव विकासको उत्कृष्ट नमुना रहेको देशमा अराजक मानसिकता
शीतलपाटीन्युज डटकम। Please follow the link if you would like kindly to contribute: https://gofund.me/69a513a5 https://gofund.me/d148380e Hey there! I wanted to share something important with you. Binita Chaulgain’s family is facing an incredibly tough time after her tragic passing, and they need help to bring her body back to Nepal for her final rites. Any donation, no matter how small, will make a real difference for them during this painful time; please consider clicking the link below to donate or share it with others who might help.
शीतलपाटीन्युज डटकम। लन्डन । गाईजात्रा कार्यक्रमका लागि चर्चित हास्य कलाकार गजुरेल, सुबोध गौतम बेलायत आइपुगेका छन्। इभेन्ट नेपाल युकेको आयोजनामा सेप्टेम्बर ७ शनिबार हेजमा र सेप्टेम्बर ८ आइतबार प्लमस्टिड एशियन कम्युनिटी हलमा हुने कार्यक्रमका लागि गजुरेल,सुबोध गौतम,प्रभात लामा,मोहन गजुरेलको टोली बुधबार लन्डनको हिथ्रो विमानस्थल ओर्लिएका हुन्। उनीहरुलाई आयोजक इभेन्ट नेपाल युकेका पदाधिकारी लगायतले स्वागत गरेका थिए। हास्य कलाकार गजुरेलले सबै वर्ग युवा,बुबा युके निवासीमात्रै नभई छिमेकी बेल्जियम, फ्रान्सबाट समेत ७ र ८ तारिखको कार्यक्रममा सहभागी हुन उनले आग्रह गरे । उनको यो तेस्रो पटकको बेलायत भ्रमण हो । इभेन्ट नेपालले कार्यक्रम आयोजना गर्नु सराहनीय रहेको भन्दै प्रशंसा गरे । यस्तै गौतमले पनि आफूहरु सुविधाजनक तरिकाले बेलायत आएको भन्दै कार्यक्रमका लागि निमन्त्रणा गरे । लामाले हँसाउने आफूहरुको कर्म भएको भन्दै उनले बेलायतमा सुरु भएको यस्ता कार्यक्रमलाई स्थापित गर्न आग्रह गरे । गाईजात्रा यूके कार्यक्रममा लाइभ दोहोरी, डाइनामिक म्युजिक टिम (ब्यान्ड) हुनेछन् । ७ सेप्टेम्बरको कार्यक्रममा लोक तथा दोहोरी कलाकार टीका सानु, राजु ढकाल र दिपक थापाले प्रस्तुति दिने छन् । ८ को कार्यक्रममा मनमाया वाइबा, दीपक थापा र राजु ढकालले गीत गाउने आयोजकले जनाएको छ । कार्यक्रम उद्घोषण दीपक मैथाने मगरले गर्नेछन् । कार्यक्रममा सहभागीले कार्यक्रम हलको गेटमा ३५ पाउन्ड र अग्रिम टिकेट लिने ३० पाउन्ड मात्र तिर्नुपर्नेछ ।
