GNNNews- लन्डन - नेपाल रन यूकेले आयोजना गरेको “नर्थल्ट १० के” इभेन्टमा अंतरास्ट्रिय रूपमा ख्याति प्राप्त धाविका मीरा राई बिशेष अथितिको रूपमा यूके आइपुगेकी छन। राईलाई नेपाल रन यूके टिमले शनिवार नर्थला फ़ील्ड पार्क रनमा स्वागत गरेको थियो। नेपाल रनको आइतवारको नियमित अपडेटमा नर्थल्ट १० केको फिनिसर टिसर्ट र मेडल प्रमुख प्रायोजक एस्टार फ़ाइनान्सियल सोलुसनका निर्देशक मिन दर्लामीले पहिलो पटक सार्वजनिक गर्दै संस्थाका संयोजक पाण्डव महतोलाई हस्तान्तरण गरेका थिए। आगामी नोभेम्बर ५ तारिखमा “रिमेम्बरेन्स डे” को अवसर पारेर आयोजना गरिएको १० किलोमिटर रनको कार्यक्रममा ३०० जना सहभागीहरु दर्ता भैसकेको र यही बीहिबार बाट दर्ता बन्द गरीने रन डाइरेक्टर संतोस राईले बताए। ए स्टार फाइनान्सियल सोलुसन यूकेको प्रमुख प्रायोजनमा नर्थला फिल्ड पार्क,नर्थल्टमा आयोजना हुन लागेको उक्त इभेन्ट मार्फत मीरा राई इनिसीएटीभको सहयोगार्थ च्यारिटी फन्ड रेज पनि गर्ने जनाइएको छ। समुदायमा स्वास्थ्य तन्दुरुस्ती चेतना साथै सामाजिक कामको सहयोगार्थ आयोजित कार्यक्रममा ३५० बढी नेपाली तथा स्थानीय समुदायको सहभागिता रहने जनाइएको छ। कार्यक्रममा सहभागी हुन नेपाल रन युकेको वेब साइट (www.nepalrun.org) मार्फत फारम भर्न सकिने आयोजकले बताएका छन।कार्यक्रममा सहभागीहरुलाई टिसर्ट, मेडल र प्रथम,द्वीतिय र तृतीयलाइ पुरस्कार पनि प्रदान गरिने बताइएको छ। नेपालीहरुद्वारा आयोजना गरिएको यो विशेष कार्यक्रम मार्फत नेपाली समुदाय,गोर्खा समुदायको सकारात्मक गतिविधि र नेपाल प्रबर्धनमा पनि सहयोग मिल्ने नेपाल रनका संयोजक पाण्डव महतोले जनाएका छन्।कार्यक्रमका सह प्रायोजकहरुमा मेकवर्थ एकाउण्टिंग,ट्राभल कन्सोल,रियल ड्रीम एजुकेसन कन्सल्टेन्सी,एइएसएन रिक्रूटमेंट,किरांत राई यायोख़्खा,एसएनपी प्लस एकाउण्टिंग,आईएमई लण्डन,धरान समाज लगायत रहेको कोषाध्यक्ष रबीन्द्र अधिकारीले जानकारी दिए।
शीतलपाटीन्युज डटकम। काठमाडौँ-संयुक्त राष्ट्रसङ्घका महासचिव एन्टोनियो गुटेरेस नेपालको चारदिने औपचारिक भ्रमणका क्रममा काठमाण्डौ आइपुगेका छन्। उनलाई परराष्ट्रमन्त्री नारायणप्रकाश साउदले त्रिभुवन अन्तर्राष्ट्रिय विमानस्थलको अतिविशिष्ट कक्षमा स्वागत गरेका छन। सो अवसरमा नेपाल सरकारका उच्च अधिकारी,नेपालस्थित संयुक्त राष्ट्रसङ्घको कार्यालयका प्रतिनिधि लगायतल उपस्थित थिए। महासचिव गुटेरेसको स्वागतमा नेपाली सेनाले सम्मान गारत अर्पण गरीएको थियो। महासचिव गुटेरेसले भ्रमणको पहिलो दिन आइतबार राष्ट्रपति रामचन्द्र पौडेलसँग राष्ट्रपति कार्यालय र प्रधानमन्त्री पुष्पकमल दाहाल ‘प्रचण्ड’सँग उनको कार्यालयमा शिष्टाचार भेट गर्ने कार्यक्रम रहेको परराष्ट्र मन्त्रालयले जनाएको छ । महासचिव गुटेरेसले पूर्व प्रधानमन्त्री एवं नेपाली कांग्रेसका सभापति शेरबहादुर देउवा र पूर्व प्रधानमन्त्री एवं नेकपा (एमाले)का अध्यक्ष केपी शर्मा ओलीसँग सङ्घीय संसद् भवन नयाँबानेश्वरमा बेग्ला–बेग्लै शिष्टाचार भेट गर्नेछन्। उपप्रधानमन्त्री द्वय पूर्णबहादुर खड्का र नारायणकाजी श्रेष्ठ तथा परराष्ट्रमन्त्री साउदसँग समेत महासचिव गुटेरेसको छुट्टाछुट्टै भेटवार्ता हुनेछ। भेटवार्तापछि उनले ऐतिहासिक एवं पुरातात्विक महत्वको सम्पदास्थल पाटन दरबार क्षेत्रको पनि अवलोकन गर्ने कार्यक्रम छ। प्रधानमन्त्री दाहालले महासचिव गुटेरेसको सम्मानमा आइतबार साँझ सांस्कृतिक कार्यक्रमसहितको रात्रिभोज आयोजना गर्नेछन्। भ्रमणका क्रममा सोमबार उनी नाम्चे,पोखरा, अन्नपूर्ण आधार शिविर र लुम्बिनी जानेछन्। आगामी मङ्गलबार अपराह्न ४ बजे उनले सङ्घीय संसद्को संयुक्त बैठकलाई सम्बोधन गर्ने कार्यक्रम रहेको संसद् सचिवालयले जनाएको छ। सन् २०१७ मा संयुक्त राष्ट्रसङ्घको महासचिव भएपछि पहिलोपटक नेपाल भ्रमणमा आएका गुटेरेसले यहाँको शान्ति प्रक्रिया, दिगो विकास, जलवायु परिवर्तनलगायत विषयमा छलफल गर्ने परराष्ट्र मन्त्रालयले जनाएको छ। राष्ट्रसङ्घका महासचिवको करिब १५ वर्षपछि नेपालमा हुन लागेको यस भ्रमणलाई कूटनीतिक क्षेत्रमा महत्वका साथ हेरिएको छ। प्रधानमन्त्री दाहालको निमन्त्रणामा महासचिव गुटेरेस औपचारिक भ्रमणका क्रममा नेपाल आएका हुन् ।
योगेन क्षत्री। काठमाण्डौ।एनआरएनए ११ सम्मेलनका क्रममा बंशजको नागरिकताको आवश्यकता र औचित्यबारे चर्को वहस भयो । नागरिकता भनेको के हो ? राज्यसँग नागरिकको कानूनी सम्बन्ध स्थापित गरी अधिकारको रक्षा गर्ने दस्तावेज नागरिकता हो। यो राज्य र नागरिकबीचको सम्बन्ध सेतुको रुपमा रहेको हुन्छ। नागरिकता राजनीतिक समुदायको सदस्यता हो। नागरिक वैयक्तिक पहिचान हो भने नागरिकता राज्य र व्यक्तिको सम्बन्ध सूचकको अवस्था हो। नागरिकता भनेको कुनै ब्यक्तिले समाजमा पाउने राजनीतिक अधिकार हो। मैले बुझेको नागरिकताको परिभाषा यही हो। तर के अहिलेको एनआरएनए लक्षित नागरिकताले नागरिकताको यो गहन अर्थ र परिभाषा बोकेको छ? पक्कै बोकेको छैन। र कदापी बोक्न सक्दैन। हामीले बंशजको नेपाली नागरिकता त्यागेर गैरआवासीय नागरिकता लिंदै गर्दा हाम्रा सन्तानको नेपालसंगको नाता के हुन्छ? नेपालमा लगानी गरेको सम्पति हाम्रा सन्तानले कसरी प्राप्त गर्दछन्? सामाजिक र आर्थिक अधिकार भित्र के के पर्दछन् ? अहिलेको कानूनी ब्यवस्था प्रष्ट छैन। त्यतिमात्र होइन पहिलो पुस्ता हामी त अन्यायमा परियो नै, हामीपछिको दोस्रो पुस्ताको संख्या पनि धेरै ठुलो भैसक्यो जुन पुस्ता उच्च शिक्षा, ज्ञान र सीपले निखारिएको छ। त्यसलाई नेपालसंग कसरी जोडने? विदेशमा उनीहरुले आर्जन गरेको पूंजी कसरी नेपाल भित्र्याउने? अहिलेसम्म लगानी,प्रविधि र सीप भित्र्याउँछौं भन्ने नारा दिइयो तर त्यसले नेपालको अर्थतन्त्रमा कस्तो योगदान पुग्यो? एनआरएनएलाई हेर्ने दृष्टिकोण र बुझाई अहिले कस्तो छ? एनआरएनएलाई दलका नेताको आशिर्वाद र हस्तक्षेपकारी भूमिका खेल्ने ठाउंमा कसले पुरयायो? नेपाललाई समृधिसंग जोडने खाका के हो? यी थुप्रै अनुत्तरित प्रश्न नेतृत्व सामु छन्। त्यसैले म लगायत हामी बंशजको नागरिकता पक्षधरहरुले यो एनआरएनए नागरिकता अस्वीकार गरेका हौं। हामी यही देशमा जन्मियौ, हाम्रा पुर्खाहरुपनि यही देशमा जन्मिए। पृथ्बी नारायण शाहले नेपाल एकीकरण गर्नु भन्दा अघि जतिबेला नेपालमा विभिन्न २२ से र चौविसे राज्य अस्तित्वमा थिए, त्यतिवेला पनि हाम्रा पुर्खाहरु यहीं थिए । चाहे पृथ्बी नारायण शाहले नेपाल एकीकरण गर्दा होस् अथवा त्यसपछिका हरेक घटना र परिवर्तनका श्रृखलामा हाम्रा पीता पुर्खाले रगत र पसिना बगाए। सकेको योगदान गरे, आज उनीहरुका सन्तान हामी केही समय विदेश (रहरले होइन बाध्यताले) बस्दैमा अनागरिक भन्न
GNNNews- लन्डन - बलिउडकी चर्चित अभिनेत्री मनीषा कोइरालालाई बेलायती संसद्मा आयोजित एक कार्यक्रममा सम्मान गरिएको छ। बलिउड र दक्षिण भारतका सिनेमा उद्योगमा बितेका तीन दशकमा गरेको उल्लेख्य योगदानका लागि अभिनेत्री कोइरालालाई शुक्रबार साँझ सम्मान गरिएको हो। सम्मानका क्रममा सामाजिक क्षेत्रमा कोइरालाको सक्रियताको प्रशंसा गरिएको थियो। बेलायती संसदको तल्लो सदन,हाउस अफ कमन्सका सदस्य इमरान हुसैनले कोइरालालाई निमन्त्रणा गरेका थिए। बेलायती संसदमा आयोजित उक्त कार्यक्रममा एसियन स्ट्यान्डर्ड पत्रिकाकी प्रधान सम्पादक फातिमा पटेलसमेत आयोजक रहेको उक्त विशेष संसदीय रिसेप्सनमा कोइरालालाई सम्मान गरिएको हो। (तस्बिर सौजन्य: हनी रौनियार सुद)
शीतलपाटीन्युज डटकम। लन्डन । बेलायतको स्वीन्डनमा बसोबास गरेका नेपालीहरुको संस्था नेप्लिज एसोसिएसन अफ विल्सायरले बेलायतको संसद भवन भित्र रहेको हाउस अफ कमन्सको टेरेस पेभीलियन हलमा बडा दसैँ मनाएको छ। २६ अक्टोबर २०२३ बिहीवार लण्डन स्थित हाउस अफ कमन (House of Common) मा स्विनडेन युके बसोबास गरेका नेपालीहरुले दशैंलाई विशेष रुपमा मनाएको हो। बेलायतका लागि नेपाली राजदूत ज्ञानचन्द्र आचार्य प्रमुख अतिथी रहेको सो बडादशै कार्यक्रममा राजदुतबाट शुभकामना आशीर्वाद लिई बडा दसैँ मनाइएको कुरा विल्साएर नेपाली कम्युनिटीका अध्यक्ष ज्ञान गुरुड्गले बताउनु भयको छ। प्रमुख अतिथी नेपाली राजदूत आचार्यले संसद भवनको यो हलमा ठुलो नेपाली पर्ब दशै मनाउन पाउनुले नेपाली रितिरिवाज र कला संस्कृतिलाई नेपाल र बेलायतबीचको सम्बन्धमा थप प्रगाढ बनाउन मद्दत गरेको बताउनु भयको थियो। संस्थाका अध्यक्ष ज्ञान प्रसाद गुरुङ्गको अध्यक्षतामा सम्पन्न कार्यक्रमको प्रमुख संयोजकमा विल्सायर स्विनडेन क्षेत्रबाट बेलायतको संसदमा प्रतिनिधित्व गर्ने सांसद सर रोवर्ट वुकल्याण्ड (Sir Robert Buckland) रहेका थिए। कार्यक्रम संयोजक सांसद रोबर्टले नेपाली बडादशैँ तथा शुभदिपावलीको सुखद उपलक्ष्यमा शुभकामना दिदै स्वीन्डनमा बसोबास गर्ने नेपाली समुदायले महत्वपूर्ण सेवा दिइरहेको भन्दै प्रशंसा गरेका थिए। बेलायतको हाउस अफ कमनमा दशै मनाउनको लागि स्वीकृति पाउनु नै नेपालीका लागि गर्वको कुरा हो“संस्थाका अध्यक्ष ज्ञान प्रसाद गुरुङ्गले शीतलपाटीन्युजका प्रमुख सम्पादक बाचस्पति रेग्मीलाई खुसी हुदै बताउनु भयो। बेलायतको संसद भवन भित्र रहेको कार्यक्रम हल बुक नेपाली कला-संस्कृती र रितीरिवाजसंगै नेपालीहरुको महान चाड मनाउन पाउनु नै महत्वपूर्ण कुरा रहेको उहा अध्यक्ष गुरुड्गले बताउनु भयको थियो। बेलायतको संसद भवनमा नेपालीहरुको महान चाड दसैं मनाउने अवसर कन्जरभेटिव पार्टिका सांसद रोवर्ट वुकल्याण्ड तथा युवा व्यवसायी एवं समाजसेवी रबिन्द्रजंग लामिछानेको सहयोग रहेको समेत अध्यक्ष गुरुड्गले बताउनु भयो। महत्व र सुरक्षाका दृष्टिकोणले अति उच्च सुरक्षा राख्न पर्ने स्थानको रुपमा लिइने हाउस अफ कमन्समा आफुहरुले यो सुवर्ण अवसर पाएकोले यसपालीको दशैं थप विशेष,अविस्मरणिय र ऐतिहासिक भएको संस्थाका उपाध्यक्ष राजन मल्लले बताए। संस्थाका सल्लाहकार विज्ञान शर्माले संचालन गरेको कार्यक्रममा लन्डन दूतावासका द्वितीय सचिव रामबाबु नेपाल,लन्डन बरो अफ बार्नेटका काउन्सिलर लक्ष्य बहादुर गुरुङ,युवा व्यवसायी एवं समाजसेवी रबिन्द्रजंग लामिछाने,आइएमई लन्डनका प्रमुख कमल
शीतलपाटीन्युज डटकम। अल्डरसट,लण्डन।नवरात्री पुजा एवम बिजया दशमी २०८० को शुभ अवसरमा शिव मन्दिर अल्डरसटले नेपाली राजदुताबासका महामहिम राजदुत ज्ञानचन्द्र आचार्यको गरिमामय उपस्थितीमा गत २१ अक्टोबर २०२३ का दिन नौमती बाजा समेतको भब्य समारोहको आयोजन गरी बडादशैको फुलपाती भित्र्याएको समाचार छ। २१ अक्टोबर २०२३ शनिवार बिहान १० बजेको साईतमा प्रमुख अतिथी महामहिम राजदुत ज्ञानचन्द्र आचार्य र श्रीमती सुनिता आचार्य,रसमोर बरो काउन्सीलका वरसीप मेयर Clive Gratton,नेपाली राजदुताबासको डिपुटी चिफ अफ मिसन श्रीमती रोसन खनाल र करुण अर्याल,काउन्सीलर जीब बेलबासे एवम काउन्सीलर सोफिया,शिव मन्दिरका अध्यक्ष बाचस्पति रेग्मी, गुल्मी नौमती बाजाको टीम,मन्दिरका पेट्रोनहरु, ट्रस्टीहरु, कार्यसमिती पदाधिकारीहरु, डोनरहरु,आमन्त्रित पाहुनाहरु समेतको टोलीले मन्दिर प्राड्गणबाट Municipal Garden सम्म पैदल गै बाजागाजा समेत फुलपाती ल्याएर धार्मिक परम्परा अनुसार पंडित पवन दाहालद्वारा बैदिक मन्त्रद्वारा प्रमुख अतिथी महामहिम राजदुत आचार्य र मेयर Clive Gratton द्वारा पुजा गर्दै शिव मन्दिरमा फुलपाती भित्र्याईएको थियो। साथै शिव मन्दिरका उपाध्यक्ष बिक्रम भट्टराई र महासचिव हरि भट्टराई संयोजक भएको सो फुलपाती भित्र्याउने कार्यक्रममा प्रमुख अतिथी महामहिम राजदुत आचार्यले बिदेशमा रहेर पनि नेपाली संस्कृति,परम्परा र धर्मको जगेर्ना गर्न शिव कल्चरका अभियन्ताहरुले गरेको यो ठुलो प्रयासलाई धन्यबाद दिनु भयको थियो।शिव कल्चरलका अध्यक्ष बाचस्पति रेग्मीको अध्यक्षतामा भयको उक्त कार्यक्रम महासचिव हरि भट्टराईले संचालन गर्नु भयको थियो भने उपस्थित पाहुनाहरुको स्वागत उपाध्यक्ष बिक्रम भट्टराईले गर्नु भयको थियो। रसमोर बरो काउन्सीलका मेयर Clive Gratton, रसमोर बरो काउन्सीलका लिडर David Clifford, काउन्सीलर जीव बेलबासेले संबोधन गर्नु भयको सो कार्यक्रममा हेल्थ एण्ड सेफ्टी ब्रिफिड्ग कोषाध्यक्ष नीरज शर्माले गर्नु भयको थियो। गुल्मी नौमती बाजाको आवाज घन्किएर मनोरन्जन प्रदान गरी मनाईएको सो कार्यक्रममा डोनेसन ब्यवस्थापन सह कोषाध्यक्ष निरज तिवारीले गर्नु भयको थियो । पुजामा कर्ता भएर संयोजक एवम उपाध्यक्ष बिक्रम भट्टराई र श्रीमती पबित्रा भट्टराइ एवम पेट्रोन एवम पुर्व अध्यक्ष रोहित गुरुड्ग र ट्रस्टी सुस्मा गुरुड्गले गर्नु भयको थियो।शिवनामी खादा लगाएर आगन्तुक पाहुनाहरुलाई स्वागत गरिएको सो कार्यक्रममा संस्थाका बिमला पौड्याल भट्रराई,रेखा गुरुड्ग,किशोर गुरुड्ग,शंकर श्रेष्ठले फुलपाती कार्यक्रमको ब्यवस्थापन गर्नु भयको थियो भने गोर्खा मिडीयाका डाइरेक्टर मीलन तमु गुरुड्ले फोटोग्राफी र
शीतलपाटीन्युज डटकम। नेपाल। काठमाडौं तथा आसपासको क्षेत्रमा एकै दिन सात पटक भूकम्पको धक्का महसूस भएको छ। राष्ट्रिय भूकम्प मापन तथा अनुसन्धान केन्द्रका अनुसार धादिङ केन्द्रबिन्दु भएर आइतबार बिहान र साँझ गरी सात पटक भूकम्प गएको छ। बिहानै ६.१ म्याग्नेच्युडको भूकम्प गएको थियो भने साँझ ५.१ म्याग्नेच्युडको भूकम्प गएको छ। केन्द्रका अनुसार, आइतबार बिहान ७:३९ बजे धादिङको खरी आसपास केन्द्रबिन्दु भएर ६.१ म्याग्निच्यूडको भूकम्प गएको थियो। त्यसले २० घरमा क्षति पुगेको थियो भने केही चर्किएका थिए। त्यसपछि बिहानै लगातार तीन पटक भूकम्पको धक्का महसूस भएको थियो। आइतबार बिहान ८:०८ बजे ४.२ म्याग्निच्यूडको भूकम्प गएको थियो। त्यसको केही बेरपछि बिहान ८:२८ बजे ४.३ म्याग्निच्यूड र ८:५९ बजे ४.१ म्याग्निच्यूडको भूकम्प गएको हो। आइतबार अपराह्न ४ः०३ बजे फेरि भूकम्प गएको केन्द्रले जनाएको छ। यो ४.४ म्याग्नेच्युडको थियो। त्यसपछि साँझ ५:३१ बजे धादिङ नै केन्द्रबिन्दु भएर पाँच म्याग्नेच्युडको भूकम्प गएको छ। त्यसको दुई मिनेटपछि ५:३३ बजे ५.१ म्याग्नेच्युडको भूकम्प मापन गरिएको केन्द्रले जनाएका छ। बिहान गएको भूकम्पले घरमा क्षति गरेको थियो। साँझ गएको भूकम्पको असरबारे कतैबाट पनि जानकारी नआएको जिल्ला प्रहरी कार्यालय, धादिङले जनाएको छ। (हिमाल खवर)
शीतलपाटीन्युज डटकम। काठमाडौं। गैर आवासीय नेपाली संघले ६ जना पत्रकारलाई फेलोसीप प्रदान गरेको छ। संघ २० वर्ष पुगेको अवसरमा एनआरएनएको समीक्षा गर्न ६ विषयमा फेलोसीप प्रदान गरिएको हो।काठमाडौंमा पत्रकार सम्मेलनबीच गैर आवासीय संघको कोषबाट अनुसन्धानात्मक रिपोर्ट तयार गर्ने ति पत्रकारलाई फेलोसीप प्रदान गरिएको छ। फेलोसीपबाट प्राप्त रिपोर्ट गैरआवासीय नेपाली संघको विशेष प्रकाशनमा छापिएका छन्।फेलोसीप पाउनेमा रातोपाटी डटकमका राजकुमार सिग्देल छन्। उनले विगतदेखि वर्तमानसम्म परोपकारी काममा गैरआवासीय नेपाली संघको भूमिका विषयमा रिपोर्ट तयार गरेका छन्। विगत २० वर्षको अवधिमा गैरआवासीय नेपालीले आर्थिक प्रवर्धनका क्षेत्रमा गरेको योगदान तथा प्रविधि हस्तान्तरणको विषयमा नेपालखबर डटकममा आवद्ध पत्रकार वसन्त अर्यालले उजागर गरेका छन्। कान्तिपुर टेलिभिजनकी पत्रकार अञ्जना लामिछानेले गैरआवासीय नेपालीहरूका लागि ल्याइएका हालसम्म भएका नीतिगत तथा कानूनी व्यवस्था र उपलब्धिहरु जस्तै,एनआरएनए ऐन, एनआरएनए नागरिकता,मताधिकार एनआरएन इन्भेष्टमेन्ट आदि विषय समेटेकी छन्। ग्यालेक्सी फोर टेलिभिजनमा आवद्ध अंगराज न्यौपानेले वैदेशिक रोजगारीमा रहेका नेपालीहरुको लागि संघ र नेपाल सरकारको समन्वयमा भएका नीतिगत सुधारहरु,संघको भूमिका तथा अब गर्नुपर्ने पहलको विषयमा रिपोर्ट लेखेका छन्। नेपाली भाषा र साहित्य प्रवर्धनका लागि विदेशमा रहेका नेपाली समुदायको योगदान विषयमा लन्डन रहेका कान्तिपुर दैनिकका बेलायत संवाददाता नवीन पोखरेलले रिपोर्ट तयार गरेका छन्। त्यस्तै, गैरआवासीय नेपाली अभियानमा महिला र युवाहरुको सहभागिता तथा योगदान विषय अन्नपूर्ण पोष्टकी तारा चापागाईंले समेटेकी छन्।
शीतलपाटीन्युज डटकम। काठमाडौँ। सरकारले गैर आवासीय नेपाली संघका दुई अध्यक्षलाई गैर आवासीय नागरिकता प्रदान गरेको छ। प्रधानमन्त्री पुष्पकमल दाहाल प्रचण्डले बालुवाटारमा आयोजित एक कार्यक्रममा अध्यक्षद्वय कुल आचार्य र बद्री केसीलाई गैर आवासीय नेपाली नागरिकता प्रदान गर्नु भएको हो। आचार्यलाई पहिलो र दोस्रो गैर आवासीय नागरिकता केसीलाई प्रदान गरिएको छ। मातृभूमिको सेवा गर्ने मौका प्राप्त भयो : कुल आचार्य जिल्ला प्रशासन कार्यालय काठमाडौंले यही असोज २९ गते कार्यकारी अध्यक्ष केसी र जिल्ला प्रशासन कार्यालय पर्वतले यही असोज २८ गते अध्यक्ष आचार्यका नाममा नागरिकता जारी गरेको थियो। नागरिकतासम्बन्धी ऐनको दफा ७ (क) १ मा विदेशी मुलुकको नागरिकता प्राप्त गरी दक्षिण एसियाली क्षेत्रीय सहयोग संगठनको सदस्य राष्ट्र बाहेकका देशमा बसोवास गरेको र साबिकमा वंशजको वा जन्मका आधारमा निज वा निजको बाबु वा आमा, बाजे वा बज्यै नेपालको नागरिक रही पछि विदेशी मुलुकको नागरिकता प्राप्त गरेको व्यक्तिले आर्थिक,सामाजिक तथा सांस्कृतिक अधिकारको उपभोग गर्न पाउने गरी गैरआवासीय नेपाली नागरिकता प्राप्त गर्न सक्ने व्यवस्था छ। एनआरएन नागरिकता पाएकाहरुले राजनीति गर्न,सरकारी पदमा बस्न र भोट हाल्न पाउने छैनन्। तर उनीहरुले नेपालमा व्यवसाय गर्न र नेपालमा सम्पत्ति राख्न पनि पाउँछन्। यदि नेपालको स्वतन्त्रता,सार्वभौमसत्ता, भौगोलिक अखण्डता तथा राष्ट्रहित विपरीतको कार्य गरेको ठहरेमा नागरिकता रद्द गर्न सकिने व्यवस्था समेत ऐनमा छ । गैरआवासीय नेपालीले नेपाली नागरिकता लिनका लागि निवेदक व्यक्ति वा उनका आमा-बुबा, हजुरबुबा-हजुरआमा साबिकमा नेपालको नागरिक रहेको प्रमाण पेस गर्नुपर्ने हुन्छ। विगतमा नेपाली नागरिकता लिएको भए त्यो त्याग गरेको प्रमाण, विदेशी मुलुकको नागरिकता भएको प्रमाण आवश्यक पर्नेछ। साथै, नेपालको संविधान, कानुनको परिपालना गर्ने प्रतिबद्धता पनि आवश्यक हुने र शपथ गराउनुपर्ने कानुनी प्रावधान समेत छ। (Bishosandesh)
सुरेश कोईराला। काठमाडौं–आगामी अक्टुबर १७ देखि गैर आवासीय नेपाली संघ (एनआरएनए) अन्तरराष्ट्रिय समन्वय परिषद् (आईसीसी)को ११औं महाधिवेशनमा वर्तमान महासचिव डा.केशव पौडेल उपाध्यक्षमा उठ्ने तयारी गरेका छन्। धेरैले उनलाई अध्यक्षमा प्रतिस्पर्धा गर्ने ठानिएको भएपनि उनी उपाध्यक्षमै अडिने तयारीमा छन्। किन त ? उनी भन्छन्, ‘सहमति र सहकार्यका लागि मेरो त्याग हो। संस्था अझै पनि व्यवस्थित बन्न सकेको छैन। सहमति र सहकार्यको विकल्प छैन, त्यसको शुरुआत कसैले न कसैैले गर्नै पर्छ त्यसको शुरुआत मैले गरेको हुँ।’ उनी संस्था संस्थागत, पारदर्शी र पद्धतिमा हिड्नुपर्ने मान्यता राख्ने एनआरएनएकर्मी हुन्। उनी भन्छन्, ‘यो मेरो अगाडिदेखि कै अभियान हो, महासचिवको रूपमा काम गर्दा यसको कार्यान्वयनका लागि मैले धेरै प्रयास गरेको पनि छु, यसलाई अझै सुदृढ बनाउनको लागि म उपाध्यक्ष भएर पुरा गर्नुछ ।’ उनी एनआरएनमा आन्तरिक विवाद पनि देखिएको तर सबै एक भएर जानुको विकल्प नभएको उनको भनाइ छ। ‘यसको प्रयास भएको पनि छ, अबको कार्यसमितिले त्यसलाई अझै बलियो बनाएर लैजानुपर्नेछ,’ उनी भन्छन्। आफू उपाध्यक्षमा निर्वाचित भएपछि गैरआवासीय नेपालीको पक्षमा धेरै काम गर्न बाँकी रहेको र अबको कार्यकालमा त्यसलाई पूरा गर्ने उनको प्रतिबद्धता छ। ‘वंशजको नागरिकता एनआरएनले पनि पाउनुपर्छ, सामाजिक सुरक्षा कोषको कार्यान्वयन, गैरआवासीय नेपालीको भोटिङ राइटको कार्यान्वयन, एनआरएन मन्त्रालयको व्यवस्था,सामुहिक लगानी,डलर खाता, दोहोरो कर हटाउन आवश्यक समन्वय,विदेशमा सिकेको शीपको व्यवहारिक प्रयोग लगायतमा म उपाध्यक्ष बनेपछि समन्वय गर्छु, ’उनले भने।
शीतलपाटीन्युज डटकम। लण्डन। नेपाली राजदुताबास लण्डनका महामहिम राजदुत ज्ञानचन्द्र आचार्य र नेपाल प्रहरीका प्रहरी महानिरीक्षक बसन्त बहादुर कुंवरको टोलीसंग नेपाली राजदुताबास लण्डनमा भेट बार्ता भयको छ। प्रहरी महानिरीक्षक कुंवरको नेतृत्वमा नेपाल प्रहरीका चार बरिष्ठ प्रहरी अधिकृतहरुको टोली बेलायत सरकारको निमन्त्रणामा असोज २२ देखि असोज २६ गतेसम्म आयोजना हुने "Integrated Programme For Strengthening Security And Justice (Phase 2) बिषयक कार्यक्रममा सहभागी हुनका लागि आएको हो। यस पुर्व प्रहरी महानिरीक्षक उपेन्द्रकान्त अर्यालको कार्यकालमा Phase 1 कार्यक्रम भयको थियो। उक्त टोलीमा प्रहरी महानिरीक्षक बसंन्त बहादुर कुंवर,प्रहरी नायव महानिरीक्षक बिष्णु कुमार केशी,प्रहरी बरिष्ठ उपरिक्षकद्वय दान बहादुर कार्की र शेखर खनाल सम्मीलित रहनु भयको छ। नेपालमा UNOPS संग शुरुवात गरीएको योजना अन्तर्गत नेपाल प्रहरी र बेलायत प्रहरीका उच्च अधिकारीहरुसंग सुरक्षा,अनुसन्धान, न्यायका बिषयमा भेटघाट तथा अनुभव आदान प्रदान गर्ने उदेश्यले कार्यक्रममा सहभागी हुन बेलायत आएको हो। प्रहरी महानिरीक्षक कुंवर र नेपाल प्रहरीका बरिष्ठ अधिकृतहरुले मेट्रोपोलिटन पुलिस न्यु स्कटलैण्ड यार्डका डिपुटी एसीसटैन्ट कमिस्नर वार्ड,FCDO Office का स्टफेन ओटर,UNOPS कन्सल्टेन्ट सिसीलिया डन्सटर,नेसनल क्राईम एजेन्सी (NCA),कलेज अफ पुलिसीङ, क्यामब्रिजसायर पुलिस थ्रेट एससमेन्ट टीम,क्यामब्रिजसायर पुलिस VAWG टीमसंग भेटघाट र छलफल कार्यक्रम हुदै रहेको छ। भेटघाटका अवसरमा आपसी समन्वय,हित तथा सहयोग आदानप्रदान गर्ने बिषयमा छलफल समेत भै रहेको जानकारी प्राप्त भयको छ। ग्रीनविच पुलिस बरो कमान्ड पुलिस स्टेसनको समेत गत मंगलवार अबलोकन र अध्ययन भ्रमण गरियको कार्यक्रममा ग्रीनविच बरो काउन्सीलले पाउनाहरुलाई स्वागत र सम्मान गरेको थियो। नेपाली ब्रिटीष नागरीक जीत रानाभाट उपमेयर रहेको सो बरो काउन्सीलमा नेपालीहरुको घना बस्ती रहेको छ। साथै महामहिम राजदुत आचार्य र प्रहरी महानिरीक्षक भेटघाट कार्यक्रममा नेपाली राजदुताबासको डिपुटी चिफ मिसन रोसन खनाल,द्वितिय सचिव रामबाबु नेपाल,तृतिय सचिव गजेन्द्र राईका साथै नेपाल प्रहरीबाट काउन्टर टेरोरीजममा मास्टर्स गर्न बेलायत अध्ययनमा रहेका प्रहरी उपरिक्षक प्रकास रानाभाट,पुर्व डिएसपी बाचस्पति रेग्मी, पुर्व डिएसपी शिबजी श्रेष्ठ, समाजसेबीहरु डा मीन रानाभाट र CA पदम आचार्यको उपस्थिती थियो।
शीतलपाटीन्युज डटकम। पोखरा। तमु धिं नेपालको अध्यक्षमा गोर्खा मिडियाका सम्पादक हुमबहादुर गुरुङ निर्वाचित हुनु भएको छ। संस्थाको ३९ औं साधारणसभा तथा १६ औं महाधिवेशनबाट उहा आगामी ३ वर्षे कार्यकालका लागि पुन अध्यक्षमा सर्वसम्मत निर्वाचित भएको हो। पर्वत जिल्लाको फलेवास नगरपालिका वडा ९,भँगरा घर भई हाल पोखरा निवासी हुम तमु कास्की आवाज दैनिक,फोनिज लगायतका विभिन्न सामाजिक संघसंस्थामा पनि आबद्ध हुनुहुन्छ। साथै संस्थाको अन्य पद मध्य वरिष्ठ उपाध्यक्षमा सु.मे.श्रीप्रसाद गुरुङ, प्रथम उपाधयक्ष गिमाया गुरुङ, द्वितीय उपाध्यक्ष नारायण गुरुङ, महासचिव अधिवक्ता जूनाकुमारी गुरुङ,सचिव जुमकाजी गुरुङ, सहसचिव गोपाल गुरुङ,कोषाध्यक्ष गमबहादुर गुरुङ र सहकोषाध्यक्ष सु.तुलबहादुर गुरुङ निर्विरोध भएको समाचार छ। निर्वाचन समितिमा प्रमुख निर्वाचन अधिकृत तमु धिं नेपालका संस्थापक उपाध्यक्ष शंकर गुरुङ, सदस्यमा सल्लाहकार एवम पूर्व महासचिव रुद्रकुमारी गुरुङ मैना र आजीवन सदस्य पत्रकार राजबहादुर गुरुङ रहेको बिहीबारको मनोनयनमा अध्यक्षसहित सबै पदमा एकल उम्मेदवारी परेपछि सर्वसम्मतको बाटो खुलेको निर्वाचन समितिका प्रमुख शंकर गुरुङले बताउनु भयको छ। तमु धिं नेपालको साधारणसभा तथा महाधिवेशन असोज २७ गते शहरी विकास मन्त्री सीता गुरुङको प्रमुख आतिथ्यमा पोखराको नयाँबजार स्थित तमु धिं नेपालमा हुनेछ।
शीतलपाटीन्युज डटकम। काठमाण्डौ। चितवनका बुद्धिसागर सुवेदीले एनआरएनएको महासचिवमा उम्मेदवारी दिएका छन् । गैर आवासीय नेपाली संघ ( एनआरएनए ) अन्तर्राष्ट्रिय समन्वय परिषद् (आइसीसी)को ११औँ महाधिवेशनमा महासचिवका उम्मेदवार सुवेदीले चुनावी अभियान सक्रिय बनाएका छन् । उनको सक्रियता र कामको मुल्याङ्कनको आधारमा उनी बलियो दावेदार मानिएका छन्। अमेरिकामा सफल ब्यवसायीको रुपमा परिचित सुवेदीले एनआरएनलाई आमूल परिवर्तन गर्नको लागि आवश्यक पद्धति र आर्थिक पारदर्शीता सहितको एनआरएनए बनाउने एजेण्डा स्थापित गर्न आफ्नो उम्मेदवारी रहेको बताएका छन् । गैरआवासीय नेपाली संघको परियोजना र गतिविधि पारदर्शी बनाउँदै सचिवालय सञ्चालन गर्ने उनले प्रतिवद्धता व्यक्त गरेका छन्। यसअघि एनआरएनए राष्ट्रिय समन्वय परिषद् अमेरिकाको अध्यक्ष हुँदा उनले थुप्रै काम गरेका छन्। कोभिडको बेला उनले अमेरिकाबाट स्वास्थ्य सामग्री नेपाल पठाएका थिए। उनले एनआरएनए अमेरिकाको आफ्नै भवनमा कार्यालय स्थापना गरेका छन् । सरल र मिजासिला स्वभावका सुवेदी एनआरएनएमार्फत सबै नेपालीलाई जोड्ने बताएका छन्। आप्रवासी नेपालीहरुको छाता संगठन (एनआरएनए) को अधिबेशनमा बुद्धिसागर सुवेदीले महासचिव पदमा उम्मेदवारी घोषणा गरेर तयारी तीव्र पारेका छन् । आगामी वर्ष २०२३–२५ को कार्यकालका लागि एजेण्डा सहित उम्मेदवारी घोषणा गरेका हुन् । यसैक्रममा उनले विभिन्न देशमा पुगेर एजेण्डा र प्रतिवद्धता प्रस्तुत गरेका छन् । एनआरएनएहरूको सुझाव संकलन गर्दै विभिन्न देशका राष्ट्रिय समन्वय परिषद्सँग छलफल र भेटघाट तीव्र पारेका छन् । उनले वंशजको आधारमा नागरिकताको निरन्तरताका लागि राजनैतिक दलहरु र सरकारसँग आवश्यक संवादमार्फत कार्यान्वयन गराउन , महिला, युवालगायत दोश्रो पुस्तालाई श्रमिकमैत्री बनाउँदै एनआरएनए अभियानमा सबै गैरआवासीय नेपालीलाई जोड्ने बताएका छन्। गैर आवासीय नेपाली संघले सञ्चालन गरेको परियोजना र गतिविधिलाई पारदर्शी बनाउँदै सचिवालय सञ्चालन गर्ने प्रतिवद्धता गरेका छन्। अनावश्यक आर्थिक चलखेल र अनियमितालाई रोक्ने र नियन्त्रणको निम्ति पारदर्शी गराउने भनेका छन्। गैर आवासीय नेपाली संघको पंजीकृत सदस्य र राष्ट्रिय समन्वय परिषदहरु स्वाधीनता र स्वतन्त्रतामा हस्तक्षेप नगरी समन्वयकारी भूमिका निर्वाह गरेर विधानको पूर्ण कार्यान्वयनका लागि आफू पूर्ण प्रतिबद्ध रहेको बताँदै आफ्नो टोलीलाई निर्वाचन गराउन आग्रह गरेका छन्। अक्टोबर १७ देखि सुरु हुने महाधिवेशनमा सुवेदी महेशकुमार श्रेष्ठको प्यानलबाट महासचिवका उम्मेदवार हुन्। उनी २०१० देखि एनआरएनए अभियानमा संलग्न भएका हुन् ।
शीतलपाटीन्युज डटकम। लन्डन। नेपाल पत्रकार महासंघ बेलायतले नयाँ सदस्यताका लागि प्रक्रिया अघि बढाउने भएको छ। बेलायत शाखाका अध्यक्ष ध्रुवराज अर्यालको अध्यक्षतामा अक्टोबर ८ मा भर्चुअल माध्यमबाट बस्यो। सो जुम बैठकले शाखाको नयाँ सदस्यता खोल्ने प्रक्रियालाई अघि बढाउन महासचिव नरेन्द्र बस्नेत र सचिव खेमराज रानाभाटलाई तोकिएको हुँदा प्रक्रिया अघि बढाउने गृहकार्य गर्न सुझाव दिने निर्णय गरेको हो । यस्तै शाखाका सदस्यहरुले लिएको अन्तर्राष्ट्रिय प्रेसपास नवीकरण गर्न निवेदन आह्वान गरी प्रक्रिया अघि बढाउन महासचिव बस्नेतलाई जिम्मेवारी दिइएको छ। पत्रकार महासंघ केन्द्रले रौतहट शाखाका सदस्य फणिदेव महतको टाउकोको ट्युमरको उपचार खर्चको लागि सहयोग आह्वान गरेको हुँदा शाखातर्फबाट सन् २०२१ मा बेलायत शाखाले संकलन गरेर केन्द्रमा पठाएको रकममध्येबाट ५० हजार रुपैयाँ सहयोग प्रदान गर्ने निर्णय गरिएको महासचिव बस्नेतले जनाए । बैठकमा गत जुलाई ९ मा भएको १२ औं वार्षिकोत्सव एवं च्यारिटी नाइटको संक्षिप्त रुपमा समीक्षा गर्नुका साथै केही व्यक्तिहरुले कबुल गरेको तर भुक्तानी गर्न बाँकी रकम भुक्तानीको लागि यथाशीघ्र अनुरोध गर्ने र दसैं–तिहार लगत्तै प्रत्यक्ष बैठक आयोजना गर्ने निर्णय भएको छ । महासचिव बस्नेतले सञ्चालन गरेको सो बैठकमा कार्यसमितिका अध्यक्ष अर्याल,वरिष्ठ उपाध्यक्ष दिनेशकुमार परियार,सचिवहरु मञ्जु भण्डारी र खेमराज रानाभाट,कोषाध्यक्ष एसके गुरुङ तथा कार्यसमिति सदस्यहरु बमथापा सूर्यवंशी,बाचस्पति रेग्मी र जयराम तामाङको उपस्थिति थियो ।
शीतलपाटीन्युज डटकम। मिती ८ अक्टूबर २०२३ सोमवार बिहान १० बजे भर्चुवल जुम मार्फ़त एनआरएनए यूके,राज्य समन्वय परिषद इड्गल्यैण्डको २०२१- २०२३ कार्यसमितिले नयॉ कार्यसमिति २०२३-२०२५ लाई हस्तान्तरण गरेको छ। पुरानो कार्यसमितिका पदाधिकारी र नयॉ कार्यसमितिका पदाधिकारीहरूको उपस्थितिबाट कार्यक्रम सम्पन्न भएको थियो। यो कार्यक्रम नया कार्यसमितिका अध्यक्ष शम्भुप्रसाद अर्यालको अध्यक्षतामा रहेको थियो। कार्यक्रमको सुरूवातमा संबोधन निवर्तमान अध्यक्ष लाल बहादुर गुरुङले गर्नुभयो। संबोधन गर्ने क्रममा उहाँले आफ्नो सम्पूर्ण टिमलाई धन्यवाद दिदै नयां टिमसंग पनि आफु हरदम साथ रहेको जनाउनु भयो। बर्तमान अध्यक्ष अर्यालले निबर्तमान कार्यसमितिलाई कुशलता पूर्वक दुई वर्षे कार्यकाल सम्पन्न गरेकोमा हार्दिक बधाई ज्ञापन गर्नुभयो। तत्कालीन कोषाध्यक्ष सचिन भटराई तथा सदस्य बलराम सुवेदीले अघिल्लो कार्यकालको हिसाब किताबको जानकारी दिनु भएको थियो भने निबर्तमान सचिव राम प्रसाद पन्थीले कार्यकालको शुरूको दिनदेखी अहिले सम्म गरेका कामको पूर्ण जानकारी दिदै र ६ वटै महत्वपूर्ण काउन्टि काउन्सिल सक्रिय बनाउनू पर्नेमा जोड दिनूभयो। कार्यक्रमबाटै बैंकमा रहेको £९६ को साथमा अकाउंट तथा अन्य महत्वपूर्ण रहेका कुराहरू जस्तै ईमेल,मिडिया अकाउंट आदि पनि हस्तान्तरण गरियो।तत्कालै नयॉ कार्यसमितिको कोषाध्यक्ष श्रीमती राममाया बिष्टजीले कार्यभार ग्रहण गरेको जानकारी गराउनु भयो। तत्कालीन सहसचिव रहनु भएका अन्जु कुवंरले वर्तमान सचिवको कार्यभार ग्रहण गर्दै पुरानो कार्यसमितिले गरेको सबै कार्यक्रमहरु आफू जानकार रहेको भन्दै कार्यक्रम सञ्चालन गर्नु भयको थियो। अर्को बैठक छिटै बोलाउने गरि कार्यक्रम सम्पन्न भयको कुरा सचिव अन्जु कुवॅरले जानकारी दिनु भयको छ।
शीतलपाटीन्युज डटकम। लन्डन। गैरआवासीय नेपाली संघ (एनआरएनए) को केन्द्रिय सचिव पदका उम्मेदवार दयानिधि सापकोटा मध्यपूर्व र युरोपेली देशहरुको भ्रमण पुरा गरि आइतबार कर्मभूमि बेलायत फर्किएका छन्। डेलिगेट्सहरुसंग प्रत्यक्ष भेटेर उनीहरुका कुरा सुन्न र आफ्ना प्रतिवद्धता प्रस्तुत गर्न सापकोटा भ्रमणमा निस्किएका थिए। उनी बहराइन, दुबई, कुवेत, बेल्जियम, फ्रान्स, स्पेन, पोर्चुगल, माल्टा र डेनमार्क हुंदै बेलायत फर्किएका छन् । भ्रमणका क्रममा सापकोटाले मतदातासमक्ष आफ्ना ऐक्यबद्धता प्रस्तुत गर्दै उनीहरुबाट सुझाव सल्लाह लिए । नेतृत्व पंक्तिले निर्वाह गर्नुपर्ने जिम्मेवारी र गैरआवासीय नेपालीका अपेक्षा के छन् त्यसबारे पनि सापकोटाले विचारविमर्श गरेका थिए । आफूले भ्रमण गरेका देशका डेलिगेट्सहरुबाट पूर्ण साथ र हौसला पाएको उनले बताए । 'चाहना भएर पनि म धेरै साथीहरुसंम पुग्न सकिन। तर तपाईंहरुले हामीप्रति देखाउनुभएको नैतिक र भावनात्मक समर्थन मेरा लागि अमूल्य छ',उनले भने, 'मैले भेट्न नसकेका डेलिगेट्स साथीहरुलाई पनि म यही समाचारमार्फत मलाई मत दिएर एकपटक नेतृत्वमा आउन सहयोग गरिदिनु हुन अपिल गर्दछु,' उनले भने। सापकोटाले आउंदो शुक्रबार नेपाल पुग्ने योजना बनाएका छन्। वर्तमान एनआरएनए युरोप उपसंयोजक सापकोटाले पारदर्शी संगठन,एकताबद्ध एनआरएनए, सबल सचिवालय,जवाफदेही संस्था र गैरआवासीय नेपालीहरुको हकहित,अधिकार प्रवर्धनका लागि विश्वभर रहेका नेपालीहरुबीच भाइचारा,आत्मियता एवं संगठनात्मक एकता जस्ता प्रमुख एजेण्डा अघि सारेका छन्। आइसीसी सदस्य हुंदै युरोप उपसंयोजकको जिम्मेवारी सम्हालिसकेका सापकोटा सचिव पदका सशक्त दावेदार मानिएका छन्। उनले विश्वभरका मतदातालाई यसपटक पनि साथ दिन अपिल गरेका छन्।
शीतलपाटीन्युज डटकम। लन्डन। एनआरएनए यूकेले संघका पूर्व उपाध्यक्ष तथा वर्तमान स्पोर्टस कोअर्डिनेसन काउन्सिल संयोजक स्वर्गीय राष्ट्र राईप्रति शोक सभा गरेको छ। शनिबार अल्डरसटस्थित आफ्नै कार्यालयमा आयोजित शोक सभा बेलायतस्थित नेपाली संघसंस्था प्रतिनिधि र गोर्खा समुदायको उपस्थिति थियो। शोक सभाका सहभागीले बेलायतको नेपाली समुदायका एक सक्रिय अभियन्ता राईको असामयिक निधनले समाजमा ठूलो क्षति पुगेको भन्दै भावुक बने । उनीहरुले राईप्रति पुष्पगुच्छा र दीप प्रज्ववलन गरेर श्रद्धान्जली अर्पण गरे । एनआरएनए यूके अध्यक्ष प्रेम गाहामगरको सभापतित्वमा भएको शोक सभामा पूर्व ब्रिटिश गोर्खा आकाश सुनुवारले स्वर्गीय राईको व्यक्तिगत तथा सामाजिक जीवनबारे चर्चा गरेका थिए। कार्यक्रममा बिजिडब्लुएस् अध्यक्ष मेजर रि. टिकेन्द्रदल देवानले भूतपूर्व गोर्खाहरुले आफ्ना सहयोद्धा र नेपाली समुदायले एक सच्चा राष्ट्रप्रेमी गुमाउनु पर्दा निकै पीडा महशुस गरेको भन्दै श्रद्धान्जली अर्पण गरे । फोनिज यूकेकी अध्यक्ष गोमा रानाले भावुक बन्दै कविता वाचन गरेकी थिइन्। कार्यक्रममा निकै भावुक बनेका अध्यक्ष गाहामगरले मास्टर रास्ट्र राईको निधनले संस्थाले एक निकट सदस्यमात्र नगुमाइ नेपाली समाजले नै एक असल र निष्ठावान समाजसेवी गुमाएको उल्लेख गरे। सो अवसरमा अध्यक्ष गाहामगरले राजेश राईलाई उनका दाई स्वर्गीय राईको तस्विर र शोक पुस्तिका पनि हस्तान्तरण गरेका थिए। महासचिव प्रमिला लाबुङ राईले सञ्चालन गरेको उक्त कार्यक्रममा पाइपर धुन र मौनधारण गरि स्वर्गीय राईप्रति श्रद्धान्जली अर्पण गरियो । १३ वर्षीया साया राईले पाइपर धुन बजाउंदा त्यहां सन्नाटा छाएको थियो।सन् १९६५ अप्रिल १९ मा खोटाङ दिक्तेल, रुपाकोट मझुवागढी नगरपालिका ९ मा जन्मिएका राईको गत सेप्टेम्बर २१ मा ह्दयाघातका कारण निधन भएको थियो। एनआरएनए यूकेको सन् २०१५–२०१७ कार्यकालका उपाध्यक्ष राई सगरमाथा तेक्वान्दो दोजाङका संस्थापक तथा तेक्वान्दो प्रशिक्षक थिए। सन् १९८३ मा ब्रिटिश आर्मीमा भर्ती भएका राईले ब्रिगेड अफ गोर्खाज्भित्र तेक्वान्दो खेल स्थापित गरेका थिए। दिवंगत माष्टर राई तेक्वान्दो सिक्स्थ डान (डब्लुटिएफ, आइटिएफ) हुन् । उनले ब्रिटिश आर्मीमा छंदा धेरै प्रतियोगिता जितेर अवार्ड प्राप्त गरेका थिए। नेपाली समुदायमा उनलाई स्पष्ट र खरो बोल्ने व्यक्तिका रुपमा लिइन्थ्यो। उनी चित्र कोर्न पनि सिपालु थिए। उनको एउटा चित्र २० हजार पाउण्डमा विक्री भएको र राईले उक्त चित्रबाट प्राप्त पैसा
१२ जना नेपाली हाम्रो सम्पर्कमा छैनन् : राजदूत शीतलपाटीन्युज डटकम। काठमाडौँ। इजरायलमा शनिबार भएको आतंकवादी हमलामा ७ जना नेपालीको मृत्यु भएको समाचार छ। इजरायलको दक्षिणी क्षेत्र किवुज अलुमिम भन्ने स्थानमा प्यालेस्टाइनको हमास आतंकवादी समूहको आक्रमणमा गरी ७ जना नेपालीको मृत्यु भएको हो। गैरआवासीय नेपाली संघ (एनआरएनए) इजरायलका पूर्वअध्यक्ष दीपक ओलीले घाइते भएका ७ जना नेपालीको मृत्यु भएको स्थानीय सोसियल वेलफेयरलाई उदृत गर्दै बताएको हो। ‘७ जना घाइते नेपालीको मृत्यु भएको भनेर सोसियल वेलफेयरले घोषणा गरेको छ। अरु थप विवरण आएको छैन। हामी अहिले घटनास्थलमा जाने प्रयासमा रहेका छौँ,ओलीले भनेका छन। उहाका अनुसार घटनामा थप केही नेपाली हताहतीको आशंका गरिएपनि अहिलेसम्म पुष्टि हुन सकेको छैन। मृत्यु भएका सबैलाई आतंककारी समूहको गोली लागेको थियो। कृषि फार्ममा कार्यरत नेपालीहरु बंकरतर्फ जाँदै गर्दा एकाएक गोली लागेको थियो। गोली लागे पनि उनीहरुले समयमा उपचार नपाएका कारण मृत्यु भयको हो। नेपाली दूतावास इजरायलले पनि घाइते भएका १२ जना नेपाली अहिले आफूहरुको सम्पर्कमा नरहेको जनाएको छ। यद्यपि मृत्युबारे दूतावासले औपचारिक जानकारी नआएको भन्दै पुष्टि गरेको छैन। इजरायलका लागि नेपाली राजदूत कान्ता रिजालले घाइते भएका १२ जना नेपाली अहिले आफूहरुको सम्पर्कमा नरहेको बताउनु भयको छ। शनिबार घाइते भएका मध्ये केही आफूहरुको सम्पर्कमा आएर गोली लागेको बताएपनि अहिले भने कुनै सम्पर्क नभएकाले यसै भन्न सकिने अवस्था नरहेको राजदुतको भनाइ छ। त्यहाँ धेरै मानिस हताहत रहेकाले अवस्था भयावह रहेको भन्दै उहाले अहिलेसम्म उद्दार हुन नसकेको बताउनु भयको छ। उनका अनुसार घाइते ३ जना अस्तालमा भर्ना भएकामा एक जना चाहिँ डिस्चार्ज भएका छन्। यस्तै दुई जना अहिलेसम्म बंकरभित्रै सकुसल रहेका छन्। उनीहरुलाई आइतबार कार्यरत कम्पनीले खानेकुरा लगेर दिएको जानकारी आएको रिजालको भनाइ छ। नेपाली समय अनुसार शनिबार बिहान ०६ः३० बजेदेखि इजरायलको दक्षिण क्षेत्रमा प्यालेस्टाइनको हमास समूहबाट आक्रमण भएको थियो। हालसम्म सो आक्रमणबाट नेपालीबाहेक सयौंको संख्यामा मृत्यु र घाइते भएका तथा केही मानिसहरुलाई हमास समूहले अपहरण तथा बन्धक बनाएको बताइएको छ। सो क्षेत्रमा हवाई,जल र स्थलमार्गबाट प्यालेस्टाइनमा अवस्थित हमास समुहका लडाकुहरु प्रवेश गरी आकस्मिक तवरले आक्रमण गर्ने एवं
शीतलपाटीन्युज डटकम। लण्डन।फिलीपिन्समा भयको ४६औ मिसेस युनिभर्स २०२३ को प्रतियोगितामा विमला बुढाथोकी नेपाललाई विश्वभर चिनाउने प्रयासमा नेपाली पोशाकमा सजिएर प्रस्तुत भएकी छन्। नेपालको तर्फबाट ‘मिसेस युनिभर्स २०२३’ को प्रतिनिधित्व गर्दै मनिलामा भइरहेको मिसेस युनिभर्समामा आज भएको प्रिइलिमिनेशन राउन्डमा उनले नेपालीपन झल्काउने पहिरनमा उपस्थित भएकी हुन्। अक्टोबर १ तारिखबाट भोलि ८ तारिखसम्म हुने ४६औं मिसेस युनिभर्स प्रतियोगितामा बेलायत निवासी विमला नेपालको प्रतिनिधित्व गर्दै फिलिपिन्स पुगेकी हुन्। आज राती सेमी फाइनल तथा नेशनल कष्टम राउण्डको प्रतियोगिता हुदैछ। नेपालको प्रतिनिधित्व गर्न पाएकोमा गौरव गर्दै आफूले फिलिपिन्स पुगेदेखि नै नेपाल र नेपालीलाई चिनाउने प्रयत्नमा लागेको विमलाले बताइन्। प्रतियोगितामा सहभागिता जनाउन आउनेहरुलाई नेपाली सामाग्रीहरु कोसेली स्वरुप प्रदान गर्दै नेपाल भ्रमणमा आउन निमन्त्रणा समेत दिएको उनले बताइन्। विश्वभरका दर्जनौं मिसेस सुन्दरीहरुको सहभागिता रहेको ‘मिसेस युनिभर्स २०२३’ को ग्राण्ड फिनाले भोलि आइतबार हुदैछ। लन्डन फेसन हाउसले बेलायतमा आयोजना गरेको ‘कोरोनेसन नाइट’ मा विमलालई मिसेस नेपाल युनिभर्स २०२३ घोषणा गरेको थियो।
शीतलपाटीन्युज डटकम। हिथ्रो,लण्डन। नेपाल प्रहरीका प्रहरी महानिरीक्षक बसन्त बहादुर कुंवरको नेतृत्वमा नेपाल प्रहरीका चार बरिष्ठ प्रहरी अधिकृतहरु बेलायत आई पुगेको समाचार छ। उहाहरु बेलायत सरकारको निमन्त्रणामा असोज २२ देखि असोज २६ गतेसम्म आयोजना हुने "Integrated Programme For Strengthening Security And Justice (Phase 2) बिषयक कार्यक्रममा सहभागी हुन लण्डन आउनु भयको हो। उक्त टोलीमा प्रहरी महानिरीक्षक बसंन्त बहादुर कुंवर,प्रहरी नायव महानिरीक्षक बिष्णु कुमार केशी,प्रहरी बरिष्ठ उपरिक्षकद्वय दान बहादुर कार्की र शेखर खनाल सम्मीलित रहेको कुरा नेपाल प्रहरी प्रधान कार्यालय,प्रहरी महानिरीक्षकको सचिवालय केन्द्रिय प्रहरी समाचार कछको दैनिक समाचार बुलेटिनमा जनाइएको छ। UNOPS संग शुरुवात गरीएको योजना अन्तर्गत नेपाल प्रहरी र बेलायत प्रहरीका उच्च अधिकारीहरुसंग सुरक्षा,अनुसन्धान,न्यायका बिषयमा भेटघाट तथा अनुभव आदान प्रदान गर्ने उदेश्यले आयोजित उक्त कार्यक्रममा अपराधका चुनौतिहरु बारे अनुभव आदान प्रदान गर्नुका साथै त्यस्ता चुनौतीको सामना गर्न उपयुक्त कानुन,सीप,श्रोतसाधनको माध्यमद्वारा प्रयास गर्ने,सामुदायिक पुलिसिॅङ,यौनिक एवम लैगिक हिसाका साथै बालबालिका बिरुध्द हुने अपराधको खतरालाई संबोधन गर्ने बिषयमा छलफल हुने कार्यक्रम रहेको छ। महिला तथा बालबालिकाहरुको लागि बिशेष ध्यान केन्द्रित गर्दै लैङ्गिक हिंसा नियन्त्रण तथा रोकथाम गर्न नेपाल प्रहरीको छमता बिकास र सुदृढ गर्ने यो कार्यक्रमको लक्ष राखिएको छ। कार्यक्रममा नेपालका प्रहरी महानिरीक्षक कुंवर र नेपाल प्रहरीका बरिष्ठ अधिकृतहरु,मेट्रोपोलिटन पुलिस न्यु स्कटलैण्ड यार्डका डिपुटी एसीसटैन्ट कमिस्नर वार्ड,FCDO Office का स्टफेन ओटर,UNOPS कन्सल्टेन्ट सिसीलिया डन्सटर, नेसनल क्राईम एजेन्सी (NCA),कलेज अफ पुलिसीङ,क्यामब्रिजसायर पुलिस थ्रेट एससमेन्ट टीम,क्यामब्रिजसायर पुलिस VAWG टीमसंग भेटघाट र छलफल हुने कार्यक्रम रहेको छ। भेटघाटका अवसरमा आपसी समन्वय,हित तथा सहयोग आदानप्रदान गर्ने बिषयमा छलफल समेत हुनेछ। साथै ग्रीनविच पुलिस बरो कमान्ड पुलिस स्टेसनको समेत अबलोकन र अध्ययन भ्रमण गरिने कार्यक्रम रहेको छ। प्रहरी महानिरीक्षक कुंवरको अनुपस्थितीमा प्रहरी अतिरिक्त महानिरीक्षक टेक प्रसाद राईले दैनिक प्रसासनिक कामकाजको जिम्मेबारी समाल्नु हुने र टीमलाई प्रहरी अतिरीक्त महानिरीक्षक र नायव महानिरीक्षकहरुले अन्तराष्ट्रिय विमानस्थल गौचरणमा शुभकामना सहित बिदाई गर्नु भयको थियो। हिथ्रो एअरपोर्ट टर्मीनल ४ मा सामाजीक अभियन्ता एवम चार्टर एकाउन्टेन्ट पदम आचार्य र पुर्व डिएसपी बाचस्पति रेग्मी स्वागत गरेका थिए।
