शीतलपाटीन्युज डटकम। वर्तमान प्रविधिको युगमा केवल सैद्धान्तिक ज्ञानले मात्र सक्षम जनशक्ति उत्पादन गर्न प्रायः असम्भव छ। पछिल्लो समयमा नेपालमा प्रविधि शिक्षाले निकै ठुलो फड्को मारेको पाइन्छ। यसै सन्दर्भमा काठमाडौँ शान्तिनगर स्थित न्यु समिट कलेज,शान्तिनगर,काठमाडौँ र टेक ट्रिक्स नेपालद्वारा आयोजित टेक ट्रिक्स २०२३ आगामी वर्ष चौथो संस्करण आयोजना गर्ने प्रतिबद्धताका साथ समापन भएको छ। समापन समारोह कलेजका प्रिन्सिपल चोकराज दवाडी द्वारा सभापतित्व गरिएको थियो भने स्वागत मन्तव्य कलेजका सञ्चालक समिति अध्यक्ष अजय प्रसाद ढकालले राखेका थिए। समापन समारोहमा त्रि.वि.आईओएसटीका डिन प्रा डा. विनिल अर्याल प्रमुख अतिथिका रूपमा आमन्त्रित थिए। आइटी शिक्षामा विद्यार्थीहरूलाई आफू सँग भएको अन्तर्निहित क्षमता प्रस्फुटन गर्न चाहिने यथेष्ट अवसर यस कार्यक्रमले दिएको र आगामी विश्व आइटी शिक्षा र आइटी विज्ञले गर्नेमा दुई मत नभएको प्राध्यापक डा अर्यालले बताए। विभिन्न विधामा सञ्चालित प्रतियोगिताका विजेतालाई नगद पुरस्कार तथा प्रमाणपत्र वितरण गरिएको थियो। प्रमुख अतिथि प्रा.डा. अर्यालले एक लाख पचासी हजार नगद पुरस्कार र प्रमाण पत्र विजेताहरूलाई वितरण गर्नु भएको थियो। जस अन्तर्गत आइटी क्विजमा सेन्ट लरेन्स कलेज विजयी भएको थियो भने द्वितीय स्थान क्याथफोर्ड कलेजले प्राप्त गरेको थियो। क्लास रोयल सञ्जय गौतमले जितेका थिए भने सुजन गौतम दोस्रो भएका थिए। पब्जीका विजेता भने केएफए कलेजका सुभम चित्रकारको समूह भएको थियो भने सुनिल गिरिको टिम हाइप उप विजेता बन्दा टप फ्रागरको उपाधि विशेष खड्कालाई गएको थियो। फिफा २३ विजेता जगदीश पाण्डे भएका थिए भने उप विजेता समीर गुरुङ भए। तीन दिवसीय प्रतियोगिताको मुख्य आकर्षण ह्याकाथन सेन्ट जेभियर्स कलेजले जितेको थियो भने उप विजेता सगरमाथा कलेज र तेस्रो स्थानमा न्यु समिट कलेज भएको थियो। विज्ञ परामर्शदाताको प्रत्यक्ष निगरानी र परामर्शमा ३० घण्टा अवधिमा बनाइएको परियोजनालाई निर्णायकको भूमिकामा रहेका विषय विज्ञ विश्वकाजी श्रेष्ठ,रोशन खत्री,अभिषेक कोइराला,ई.आर. प्रवीण चौहान निर्णयको आधारमा विजेता घोषणा गरिएको थियो।कार्यक्रमलाई मुख्य प्रायोजन गर्ने नेपाल टेलिकम,आइडिया स्टुडियो र भर्टिगो लगायतले सहयोग गरेका थिए। (मुक्तिबाबु रेग्मी)
एनआरएनए समाचार- शीतलपाटीन्युज डटकम। टोकियो। गैर आवासीय नेपाली संघ (एनआरएनए) को आगामी ११औं महाधिवेशनका लागि काठमाडौंबाट अध्यक्ष पदमा उम्मेदवारी घोषणा गरेलगत्तै जापान पुगेका महेशकुमार श्रेष्ठलाई स्थानीय गैर आवासीय नेपालीहरुले नारिता विमानस्थलमा भव्य स्वागत गरेका छन्। श्रेष्ठसँगै महासचिवका प्रत्यासी बुद्धिसागर सुवेदीलाई पनि स्वागत गरिएको छ। आगामी १७ अक्टोबरदेखि तीन दिनसम्म काठमाडौँमा हुने महाधिवेशनका लागि हालका उपाध्यक्ष श्रेष्ठले दुई वर्षे (सन् २०२३–२०२५) कार्यकालका लागि गत शुक्रबार काठमाडौंमा एक समारोहबीच अध्यक्षमा उम्मेदवारी घोषणा गर्दै प्रतिबद्धता सार्वजनिक गरेका थिए।‘समुन्नत नेपाल, सम्मानित गैरआवासीय नेपाली’ नारासहित चुनावी दौडाहामा उत्रिएका श्रेष्ठले जापानमा भएको स्वागतले विजयका लागि उत्साहित गराएको प्रतिक्रिया दिए। जापानका विभिन्न शहरबाट स्वागतका लागि पुगेका शुभेच्छुकहरुले उनलाई विजयको शुभकामना दिएक थिए। विमानस्थलमा संचारकर्मीहरुसँग प्रतिक्रिया दिंदै संघको अध्यक्षमा विजयी भएको तीन महिनाभित्र एक्सन प्लान र रणनीति बनाएर काम गर्ने उनले प्रतिबद्धता जनाए। ‘प्रवासी नेपाली र नेपाल सरकारले एनआरएनएसँग ठूलो आशा अपेक्षा राखेको छ। त्यसैले हामीले दुई बर्ष भित्र अथाह काम गर्नुपर्ने बाध्यता छ। म काम गर्नका लागि नै एनआरएनएको नेतृत्व गर्न चाहेको हुँ,’ उनले भने।त्यस्तै एनआरएनए अमेरिकाका पूर्व अध्यक्ष तथा महासचिवका प्रत्यासी सुवेदीले जापानमा भएको स्वागतले उत्साहित गराएको प्रतिक्रिया दिंदै संघका राष्ट्रिय समन्वय परिषद ९एनसीसी० हरुलाई स्वायत्तता दिनका लागि आफूले प्रयास गर्ने बताए। उनले भने,‘अध्यक्ष श्रेष्ठसहितको हाम्रो टीम जुझारु र लगनशील छ। हामी काममा विश्वास गर्छौं र दुई बर्षभित्र गैर आवसीय नेपालीहरुका पक्षमा र मात्रीभूमिका लागि परिणाममुखी काम गरेर देखाउनेछौं।’ गत शुक्रबार ललितपुरको हिमालय होटलमा आयोजित समारोहमा श्रेष्ठले अध्यक्षमा उम्मेदवारी घोषणा गरेका हुन्। सो अवसरमा उनले आगामी दुई वर्षको लागि पाँच नीतिगत योजनासहितको प्रतिबद्धता पत्र पनि सार्वजनिक गरेका थिए।समारोहमा संघको प्रतिष्ठा र गरिमामाथि प्रश्न उठिरहेको भन्दै श्रेष्ठले विश्वभर छरिएर रहेका प्रवासी नेपालीहरुलाई एकताको सूत्रमा बाँधी भरोसायोग्य, विश्वसनीय र संगठित एनआरएनए बनाउने दृढता व्यक्त गरे। श्रेष्ठ र सुवेदी जापान हुँदै कोरिया, मध्यपूर्व,मलेसिया लगायतका देशहरुमा पुगेर गैर आवासीय नेपालीहरुसँग साक्षात्कार गर्ने कार्यक्रम रहेको छ।
शीतलपाटीन्युज डटकम। लण्डन। नारीको ऊच्च सम्मान,चेलीवेटी दिदिबहिनीहरुको सम्मान हामी सॅंधै गर्दछौं।यी सम्मान आदर नमनहरुको लागि तमुधीं लण्डन इकाई तिथी मिति अर्थात बर्ष दिनको चार्डपर्वलाई मनोरन्जन तबरले एकै ठाऊॅंमा भेला भई रमाईलो गरि मनाऊन बर्ष भरिको ब्यस्तता, दिनचर्या,कष्ट,मेहनत सबै भूलेर नाचगानमा रम्ने दिन १६ सेप्टेम्बर २०२३ शनिबार तमुधीं यूके लण्डन इकाई बिशेष आमा समुहको आयोजनामा तमुधीं यूके आमा समुहकी अध्यक्ष सन्ध्या गुरुड्गको प्रमुख अतिथ्यमा नेपाली हरितालीका तीज कार्यक्रम भब्यताको साथ सम्पन्न भयो। प्रमुख अथिति तमुधीं यूके आमा समुह अध्यक्ष श्रीमती सन्ध्या गुरुड्गले केक काटेर ऊपस्थित सबैले सामुहिक रुपमा तीज सेलीब्रेसनको प्रारम्भ गर्नु भएको थियो। आमा समुहकी सचिव गुना गुरुड्गले संचालन गरेको सो कार्यक्रम लण्डन इकाई आमा समुह अध्यक्ष कमला गुरुड्ग,प्रमुख अथिति तमुधीं यूके आमा समुह अध्यक्ष सन्ध्या गुरुड्ग,प्रमुख संरक्षक मिना गुरुड्ग,कार्यक्रम संयोजक बिनु गुरुड्ग र लण्डन इकाईका अध्यक्ष बिष्णु गुरुड्गका धर्मपत्नी श्रीमती कमला गुरुड्गले सामुहिक रुपमा दिप प्रज्वलन गरी कार्यक्रमको समुद्घघाटन गरीएको थियो। बिशिष्ट अथिति तमुधीं यूकेका अध्यक्ष हरि गुरुड्ग, लण्डन इकाई प्रमुख संरक्षक खुशीमान गुरुड्गको धर्मपत्नी मिना गुरुड्ग,बिशिष्ट अथिति एनआरएन युके पूर्व अध्यक्ष श्रीमती पुनम कोन्स्यो गुरुड्ग,काऊन्सिलर लक्ष्य बहादुर गुरुड्ग,ईकाइका पूर्व अध्यक्ष ट्र्ष्टिज एवं एनआरएन युकेका प्रमुख संरक्षक डेबिड गुरुड्ग हुनुहुन्थ्यो। बिशेष अथिति लमजुड्ग समाज यूकेका अध्यक्ष दल बहादुर गुरुड्ग,ऊहांका धर्मपत्नी तारा गुरुड्ग,आमा समुह माला घले,सोंपाल समुहका अध्यक्ष श्रीप्रसाद गुरुड्ग,मनदेवी गुरुड्ग,यूके कोन्स्यो चेलीवेटी प्रमुख चन्द्रदेवी गुरुड्ग,SERTD का संस्थापक अध्यक्ष क्या.नारायण गुरुड MBE, पूर्व ऊपाध्यक्ष समाजसेवी पार्वती गुरुड्ग,नातागोता समाज यूकेका अध्यक्ष,चारभन्ज्याड्ग तमु समाज युकेका संस्थापक अध्यक्ष एवं ईकाईका ट्र्ष्टिज लेनारायण प्रसाद गुरुड्ग,लण्डन इकाई निबर्तमान अध्यक्ष चन्द्र बहादुर गुरुड्ग लगायत धेरै भन्दा धेरै समाज र संस्थाहरुबाट प्रतिनिधित्व गरि ऊपस्थित हुनु भएको थियो। पहिलो चरणको औपचारिक कार्यक्रम आमा समुहकी सचिव गुना गुरुड्गले अति नै ऊत्कृष्ट तबरले संचालन गर्नु भएको थियो। शुभकामना मनतब्य लण्डन इकाईका अध्यक्ष बिष्णु गुरुड्ग लगायत बिशिष्ट र बिशेष अथिति ज्युहरुले दिनु भएको थियो।दोस्रो चरणको मनोरन्जत्मक कार्यक्रम धेरै प्रतिभाको खानी हाम्रो संस्थाको सांस्कृतिक कार्यक्रम संयोजक प्रतिभावन ऊतकृ्ष्ट कार्यक्रम संचालिका हेलीसा गुरुड्ग गर्नु भएको थियो। सुरक्षा सम्बन्धी जानकारी
शीतलपाटीन्युज डटकम। बेलायतको मिडल्यान्ड क्षेत्र भित्र प्रमुख पर्यटकिय शहर ग्रान्थम आजकल नेपालीहरुको पहिलो रोजाइ बनेको छ। सर आइज्याक न्युटन र भुतपूर्व प्रधानमन्त्री मार्गरेट थ्याचारको जन्मस्थान मात्र नभएर राजा महाराजाहरुको एतिहासिक दरबारले पनि यो ठाउँ मिडल्यान्डको प्रमुख आकर्षक बनेको छ। सन २००५ देखी नेपालीहरुको बसोबास गर्ने क्रम सगै २०१५ देखी बाक्लो रुपमा स्थायी बसोबास गरेको र अझै नेपालीहरु आउने क्रम जारी छ ! बढदो जनसन्ख्यासगै आफ्नो धर्म,संस्कृती र परम्परालाई बिशेष ध्यान दिदै आफ्नै समाज गठन गरी बिभिन्न कार्यक्रम गरेको पाइन्छ। सन २०१७ मा देबिलाल गैरेको नेतृत्वमा गठन गरिएको यस सस्थाको पहिलो अधिबेशन आइतबारका दिन ग्रान्थम रेल्वे क्लबको सभाहलमा किशोर लामिछानेको नेतृत्वमा नयाँ कार्यसमिती चयन गरी सम्पन्न गरियो। बेलायतमा सामजिक अभियन्ताका रुपमा चिनिनु हुने किशोर लामिछाने एनआरएन युकेका सल्लाहाकार,साझा नेपाली समाजको प्रबक्ता र निबर्तमान उपाध्यक्ष पनि हुनुहुन्थ्यो। समाजका अध्यक्ष देब बाडाको अध्यक्षतामा सचिब यमु कंडेलले सन्चालन गर्नु भएको कार्यक्रममा नेपालबाट आउनु भएका बुवा आमाहरुले संयुक्त रुपमा पानसमा बत्ती बालेर उदघाटन गर्नु भएको थियो। नेपाली रास्ट्रीय गित बजाएर शुभारम्भ गरिएको यस कार्यक्रममा सस्थाका उपाध्यक्ष किशोर लामिछानेले स्वागत मन्तब्य ब्यक्त गर्नु भए पस्चात सस्थाकै सस्थापक सदस्य, दिबङ्गत सागर कंडेलको आत्माको चिरशान्तिको कामना गर्दै मौन धाराणा गरिएको थियो। गत २०२१ / २०२३ कार्यकालको आर्थीक बिबरण कोषाध्यक्ष बिष्णु अर्यालले प्रस्तुत गर्नु भएको थियो भने २०२१-२०२३ को प्रगती बिबरण सचिब यमु कंडेलले प्रस्तुत गर्नु भएको थियो। यसै बिच एक सम्मान कार्यक्रमपनि आयोजन गरिएको थियो। नेपाली साना बाबु नानीहरुको लागी नेपाली भाषा कक्षा सन्चालन गरी सम्योजकको भूमिका निर्बाह गर्नुहुने सम्योजक उपेन्द्र पौडेल र स्वयमसेबि शिक्षिकाहरु मिरा प्रसाइ,शारदा ढकाल,प्रबिना नेपाल र पुष्पा पौडेललाई खादा लगाएर सम्मान गरिएको थियो ! त्यस्तै हालै मात्र युनिभर्सिटी र GCSC अध्ययन पुरा गरी सकेका बिध्यार्थिहरुलाई पनि गिफ्ट भाउचर र खादा लगाएर सम्मान गरिएको थियो। नेपालबाट आउनु भएका बुवाआमाहरुलाई पनि युके भ्रमण सुखमय रहोसको कामना गर्दै खादा लगाएर सम्मम्म गरिएको थियो। बन्द सत्रमा बिधान समितीका सम्योजक शिब तिमील्सिनाले बिधान सम्सोधनको प्रस्ताब पेश गर्दै केहि बुदाहरु लाई सम्सोधन गराइ सर्बसहमतबाट बिधान पारित भए
शीतलपाटीन्युज डटकम। लन्डन। बेलायतमा सञ्चालित गोर्खा मिडिया डटकमको तेस्रो वार्षिकोत्सव आइतबार अल्डरसटमा विशेष समारोह बीच सम्पन्न भयको छ । सुसी मोटो रेस्टुरेन्ट अल्डरसटमा आयोजित औपचारिक समारोहको प्रमुख अतिथि रोयल बरो अफ ग्रीनवीचका उपमेयर काउन्सिलर जीत रानाभाट रहेका थिए।गोर्खा मिडीयाका डाइरेक्टर मीलन तमु गुरुड्गको अध्यक्षतामा भयको तेश्रो बार्षिक उत्सब समारोह गोर्खा मिडियाका सह डाइरेक्टर प्रकास गुरुड्गले संचालन गरेका थिए। पानसमा बत्ती बालेर उद्घाटन गर्दै प्रमुख अतिथी उपमेयर काउन्सिलर जीत रानाभाटले सत्य,तथ्य तथा पारदर्शीरुपमा गोर्खा मिडियाले समाचार तथा भिडियो सम्प्रेषण गर्दै आएको आफ्नो मन्तब्य दिएका थिए। समाजलाई अग्रगामी बनाउन मद्दत पुग्ने गरी ठूलो समुदाय गोर्खाको प्रतिनिधित्व गोर्खा मिडियाले गरेको भन्दै सफलताको शुभकामना दिएका थिए। बीजीडब्लुएसका अध्यक्ष मेजर टिकेन्द्र दल देवान, एनआरएन युकेका वरिष्ठ सल्लाहकार तथा गोर्खा मिडियाका सल्लाहकार, तमु समाज युकेका संस्थापक अध्यक्ष चित्रबहादुर गुरुङ, एनआरएन युकेका अध्यक्ष प्रेम गाहामगर,किरात राई यायोक्खा बेलायत केन्द्रीय कार्यसमितिका अध्यक्ष मेजर योगेश राई,तमु प्ये ल्हु संघ युके अध्यक्ष रनबहादुर गुरुङ,तमुधिं युकेका अध्यक्ष हरि गुरुङ,सहारा युकेका अध्यक्ष लेरि कुसाङ गुरुङ, पीपल मर्गेजका डाइरेक्टर सुर्य गुरुड्ग,फोनिज युके अध्यक्ष गोमा रानामगरले समाचार सम्प्रेषण सत्य तथ्य र निष्पक्ष हुनु पर्ने र यो कुरा गोर्खा मिडीयाले ताजा समाचार प्रकासन गरेको धारणा राखेका थिए। साहित्यतर्फ माया गुरुङ र समाजसेवातर्फ युवा व्यवसायी राजन खकुराल सम्मानित गरीएको सो कार्यक्रममा गोर्खा मिडियाका प्रबन्ध निर्देशक मिलन तमुले सबै जनाको साथ सहयोगमा गोर्खा मिडिया अझै अगाडि बढ्दै जाने विश्वास व्यक्त गरेका थिए।पत्रकारिता र कलाकारितालाई प्रवर्द्धन गर्दै जाने गोर्खा मिडीयाको उदेश्य अनुसार आफूहरुले विभिन्न क्षेत्रका व्यक्तित्वलाई पनि सम्मान गर्दै जाने बताए। उहाले अनलाइन र भिडियो मार्फत सत्य,तथ्य,निष्पक्ष ताजा र पारदर्शी समाचार सामग्री सधैँ पस्किने वाचा गरेका थिए। तेस्रो वार्षिकोत्सव समारोह अवसरमा सम्पूर्ण पाठक,दर्शक,विज्ञापनदाता, मिडिया हाउसका टिम, शुभचिन्तक सम्पूर्णलाई हार्दिक धन्यवाद व्यक्त गर्दै विभिन्न संघसंस्थाको प्रतिनिधित्व गर्दै समारोहमा आउनु भएका विभिन्न व्यक्तिहरुलाई बिशेष धन्यबाद दिएका थिए। कार्यक्रममा धम्पुस परिवार यूकेका अध्यक्ष कुमार गुरुङ,सहारा यूकेका पूर्वअध्यक्ष मिनबहादुर गुरुङ,माइला-कान्छा अभियान बेलायतका पार्वती गुरुङ र माया गुरुङ,शिव कल्चरल सेन्टरका अध्यक्ष वाचस्पति रेग्मी,एभरेस्ट टाइम्सका प्रबन्ध निर्देशक तथा योग प्रशिक्षक नगेन्द्रराज नेम्वाङ, सार्दिखोला
शीतलपाटीन्युज डटकम। वेल्स, यूके - १३ सेप्टेम्बर २०२३ बुधवार। नेपाल सरकारका प्रतिनिधिमण्डल र गैरआवासीय नेपाली संघ यूके,राज्य समन्वय परिसद वेल्सको पदाधिकारी वीच वेल्सको राजधानी कार्डिफमा अन्तरर्क्रिया कार्यक्रम सम्पन्न भएको छ। नेपाल सरकारका सचिब डा. कृष्ण हरि पुस्करको नेतृत्वमा रहेको नेपाली प्रतिनिधिमण्डलका सदस्यहरुमा सह-सचिब कमल भट्टराई,सह-सचिब बलराम रिजाल,उप- सचिब प्रलाद कार्की,उप- सचिब भूपी सापकोटा,उप- सचिब मुक्ति आचार्य लगाएत विभिन्न नगर तथा गाउपालिकाका सदस्यहरु रहनु भएको थियो । संघीयता र डिभोलुसनका उत्कृष्ट अभ्यासहरूको अध्ययनको लागि वेल्सको राजधानी कार्डिफको भ्रमणमा रहनु भएको उक्त प्रतिनिधिमण्डलले सबै दलका सांसद, वक्ता, प्रतिपक्षी नेता, उच्च पदस्थ कर्मचारी मेयर र विश्वविद्यालयका प्राध्यापक लगायत उच्च तहका अधिकारीहरू साथै गैर आवासीय नेपाली संघ युके,राज्य समन्वय परिसद वेल्सका प्रतिनिधिहरुसँग भेटघाट तथा अन्तरर्क्रिया गर्नु भएको थियोl उक्त भेटघाटका क्रममा राज्य समन्वय परिसद वेल्सको तर्फबाट अध्यक्ष विभुषण मान श्रेष्ठ, उपाध्यक्ष डा.बिकाश रानाभाट,सचिव डा.अमर ध्वज मल्ल,सह-सचिव सन्जीब मैनाली, कोषाध्यक्ष शोभा राणा र सदस्य सुर्य ढकालको उपस्थिति रहेको थियो । नेपाल सरकारका प्रतिनिधिमण्डल र राज्य समन्वय परिसद वेल्स बीच अन्तरर्क्रियाको क्रममा गैरआवासीय नेपाली नागरिकता लगायत सम-सामयीक बिषयमा विचार र अनुभवहरू आदान प्रदान गरिएको थियो।यस्ता कार्यक्रमहरुमा हुने ज्ञान र अनुभवको आदानप्रदानले फलदायी सहयोग र भावी साझेदारीका लागि मार्ग प्रशस्त गर्नुको साथै नेपाल सरकार र नेपाली डायस्पोराहरू बीचको सम्बन्धलाई बढावा दिन महत्वपूर्ण भूमिका खेल्नेछ भन्नेमा राज्य समन्वय परिसद वेल्स आशावादी रहेको छ।
शीतलपाटीन्युज डटकम। लन्डन। एसियन महिला एसोसिएसन (आमा) यूकेले एक कार्यक्रमबीच नेपाली महिलाहरुको महान पर्व तीज मनाएको छ। गत १० सेप्टम्बरका दिन अल्डरसटस्थित एम्पायर हलमा कार्यक्रम भएको थिये। महिलाहरुले उत्साहजनक सहभागिता जनाएको सो कार्यक्रममा नेपाली राजदुताबासको राजदूत पत्नी सुनिता आचार्य प्रमुख आतिथी र संस्थाकी अध्यक्ष विभा गुरुङको अध्यक्षतामा भएको थियो।सो अवसरमा अध्यक्ष गुरुङ र उपाध्यक्ष कल्पना गुरुङले प्रमुख अतिथी आचार्यलाई खादा र पुष्पगुच्छाले स्वागत गर्नु भयको थियो। रसमोर बरो काउन्सिलकी डेपुटी मेयर मारा माकुनुरा, लेफटिनेन्ट कर्णेल समान्था डज, उका वेयरकी सिइयो रुबी राउत विशेष अतिथी रहेको सो कार्यक्रम भब्य रहेको थियो। प्रमुख अतिथी आचार्यले दीप प्रज्ववलन गरेपछि नेपाली तथा ब्रिटिश राष्ट्रिय गान बजाइएको र संस्थाकी उपाध्यक्ष कल्पना गुरुङले स्वागत मन्तव्य राखेको सो कार्यक्रममा उका वेयरकी सिइयो रुबी राउतले बेलायतमा संघर्षको अनुभव सुनाउंदै पिरियड प्यान्ट बनाउने आफनो ब्राण्ड कसरी अन्तरराष्ट्रिय बजारमा स्थापित भयो भन्नेबारे प्रेरक मन्तव्य दिएकी थिइन । सो अवसरमा लेफटिनेन्ट कर्णेल समान्था डजले तीज शुभकामना दिंदै नेपाली परिवारमा सफल पुरुषको पछाडि एउटा श्रीमतिको ठूलो देन हुने गरेको पाएको बताइन्। प्रमुख अतिथी आचार्यले सन् २००६ मा स्थापित एसोसिएसनले नेपाली कला संस्कृति जगेर्ना, महिला सशक्तिकरण र अन्य कार्यमा महत्वपूर्ण योगदान गरेको भन्दै प्रशंसा गर्नु भयको थियो। संस्थाकी अध्यक्ष विभा गुरुङले सहभागी र सहयोगी सबैप्रति धन्यवाद दिंदै आमाका गतिविधिबारे प्रकाश पारेको सो कार्यक्रममा संस्थाकी कोषाध्यक्ष दुर्गा पुन,पल गुरुङ र संगीता गैरेले नृत्य प्रस्तुत गरेका थिए। सो तीज कार्यक्रममा प्रमुख अतिथी सुनिता आचार्यद्वारा हस्तान्तरण गरीएको चित्रकला/पेन्टीङ राफलमा अंजु गुरुङले जितेकि थिइन भने वेष्ट ड्रेसको पुरस्कार उका वेयरका तर्फबाट दुर्गा पुन र ललिता गुरुङले पाएका थिए। त्यसैगरि, वेष्ट डान्सरको उपहार कमला विश्वकर्मा(वेष्ट डान्सर हजुरआमा),निलु मानन्धर (वेष्ट डान्सर आमा),कोपिला मगर (वेष्ट डान्स छोरी) र इभाना कालीकोटेले सान्त्वना पुरस्कार पाएकि थिइन। त्यस्तैगरी राफलमा रेबिका श्रेष्ठ, कृस्तिका गुरुङ र सुस्मिता गिरीले आधा तोला सुनको उपहार पाए भने जानकी सुनारले पहिलो पुरस्कार वापत छड्के तिलहरी पाइन्। एसियन महिला एसोसिएसन युकेले प्रत्येक वर्ष गर्दै आयको तीज कार्यक्रममा राफलबाट संकलित नाफा रकम च्यारिटी कार्यमा खर्च गर्ने गरेको छ। नेपालबाट आएकी राष्ट्रिय कलाकार बिन्दा
शीतलपाटीन्युज डटकम। काठमाडौं । आज शुक्रबार बसेको मन्त्रिपरिषदको बैठकले विभिन्न आठ वटा निर्याय गरेको छ।आज बसेको मन्त्रिपरिषदको बैठकले कर प्रणालीको सुधारका लागि पूर्वमन्त्री विद्याधर मल्लिकको संयोजकत्वमा एक समिति गठन गर्ने निर्णय गरेको छ। यस्तै साल्ट ट्रेडिङ कर्पोरेशन र खाद्य व्यवस्था तथा ब्यापार कम्पनीलाई ५० प्रतिशत भन्सार महसुस छूट गरी १०/१० हजार मेट्रिक टन चिनी आायात गर्न स्वीकृति दिने निर्णय गरेको छ। यस्तै सिंचाई नीति, २०८० स्वीकृत गर्ने, संविधान दिवसको अवसरमा राष्ट्रपतिबाट प्रदान गरिने विभूषण वितरण कार्यलाई मर्यादित एवं थप व्यवस्थित गरी विभूषणको गरिमा बढाई राष्ट्रको सम्मानको रुपमा स्थापित गर्न अन्तर्राष्ट्रिय अभ्यास र विभूषणसम्बन्धी प्रचलित कानुनसमेतको अध्ययन गरी तीन महिनाभित्र प्रतिवेदन पेश गर्ने गरी कार्यदल गठन गर्ने निर्णय गरेको छ। बैठकले हाललाई विभूषण वितरण कार्य स्थगन गर्ने निर्णय गरेको छ। यस्तै बैठकले नेपाल नागरिकता (तेस्रो संशोधन) नियमावली, २०८० स्वीकृत गर्ने निर्णय गरेको छ। यसअघि संसदले नागरिकता ऐनमा संशोधन गर्दै एनआरएनलाई संविधान अनुसार नागरिकता दिने व्यवस्था गरेको छ। तर, नियमावलीमा कुन ढाँचामा एनआरएनलाई नागरिकता दिने भन्ने प्रष्ट नहुँदा जिल्ला प्रशासन कार्यालयहरुले एनआरएनलाई नागकिरता दिन सकेका थिएनन्। आज बसेको मन्त्रिपरिषदको बैठकले गरेको निणयसँगै नागरिकता दिने बाटो खुलेको छ। बैठकले विधायन सम्बन्धमा व्यवस्था गर्न बनेको विधेयक संघीय संसदमा प्रस्तुत गर्न स्वीकृति दिने,प्रधानमन्त्री पुष्पकमल दाहाल प्रचण्डको चीन भ्रमण स्वीकृत गर्ने, शुक्लाफाँटा राष्ट्रिय निकुञ्जपीडित जनताको न्यायिक समस्या स्थायीरुपमा समाधानका लगि अधिकारसम्पन्न न्यायिक आयोग गठन गर्ने निर्णय गरेको छ। (क्लिकमान्डु)
शीतलपाटीन्युज डटकम। १६ सेप्टेम्बर २०२३ शनिवार, बेल्स,युके। नेपाली समाज वेल्स,यूकेको आयोजनामा नेपाली चेलीहरुको महान पर्ब तिजको अबसरमा चेलीहरुलाई दर खुवाउने कार्यक्रम सम्पन्न भएको छ। वेल्सका विभिन्न क्षेत्रहरु आभरगाभेनी,न्युपोर्ट, स्वान्सि,निथ र बिशेष गरि कार्डिफ र कार्डिफ वरपरबाट पाल्नुभएका दिदीबहिनीको भब्य सहभागिता रहेको यस कार्यक्रम कार्डिफको रोथ सोसल क्लबमा सम्पन्न भएको थियो। नेपाली समाज वेल्स,युकेकी सचिब शोभा राणा पोखरेलले उपस्थित सम्पूर्णमा हार्दिक स्वागत गर्दै संचालन गर्नु भएको उक्त कार्यक्रममा बिदेशी माटोमा आएर पनि यति धेरै दिदीबहिनीहरुका माँझ नेपाली पर्वहरु मनाउन पाउँदा खुशी ब्यक्त गरियो। नेपाली कला र संस्कृतिको जगेर्नाका लागि संस्थाले खेलेको यस भूमिकामा साथ दिनुहने सम्पूर्णमा हार्दिक आभार व्यक्त गर्दै हरितालिका तिजको शुखद अबसरमा सचिव पोखरेलले हार्दिक शुभकामना व्यक्त गर्नु भयो। संस्थाकी अध्यक्ष लक्ष्मी केसीले स्वागत मन्तब्य तथा तिजको शुभकामना दिनु भएको थियो। अध्यक्ष केसीले कार्यक्रममा अपार सहभागिताले संस्थालाई अझै बढी हौसला बढेकोमा खुसि व्यक्त गर्दै सबैमा हार्दिक आभार व्यक्त गर्नु भयो। आफु सानो हुँदाको समय स्मरण गर्दै बिदेशमा रहेता पनि नेपाली परिकारहरु संगै नेपाली चाड मनाउन पाउँदा हर्षित भएको कुरा व्यक्त गर्नुभयो। तीज पर्ब धार्मिक भन्दा पनि सांस्कृतिक रुपमा बिस्तारै रुपान्तरण हुँदै गएको र सबैलाई समान रुपमा समेट्दै गएकोमा खुशी व्यक्त गर्दै यसले समाजमा सकारात्मक प्रभाब पार्दै गएको जनाउनु भयो। पारिवारिक सु- स्वास्थ्यको कामना सहित ब्रत तथा पुजा हुने यस पर्बले सबैमा खुशियालीको कामना गर्दै वेल्सका विभिन्न क्षेत्रबाट पाल्नुहुने पाहुनाहरुमा हार्दिक स्वागत गर्नुभयो। कार्यक्रमका अवसरमा धन्यवाद मन्तब्य राख्दै उपाध्यक्ष पदम पुनले सम्पूर्ण उपस्थितिको लागि धन्यवाद एवं शुभकामा व्यक्त गर्दै कार्यक्रम सफलताको लागि सहयोग गर्नुहुने सम्पूर्णमा हार्दिक कृतज्ञता व्यक्त गर्नुभयो। हर्ष र उल्लासका साथ सम्पन्न यस कार्यक्रममा वेल्सका बिभिन्न ठाउँबाट पाल्नुभएका दिदीबहिनीहरुले एकापसमा शुभकामना,खुशी साटासाट एवं पूर्ण मनोरन्जनका यस बर्षको तिज पर्ब भब्य रुपमा सम्पन्न भएको छ। कार्यक्रम सफलाको लागि बिशेष सहयोग पुर्याउनुहुने महानुभावहरु प्रेम भण्डारी,शालिकराम काफ्ले,बाबु राम खनाल,संजिव मैनाली,विकास रानाभाट,बलराम अधिकारी,बल थापा,चित्रा देवकोटा,सुर्य ढकाल,जीवन के सी,भोज नारायण रेग्मी,सबिना थापा लगायत प्रत्यक्ष तथा अप्रत्यक्ष रुपमा सहयोग पुर्याउनु हुने सवैमा नेपाली समाज वेल्स,यूके बिशेष धन्यबादका साथ हार्दिक आभार
पोखरा स्पोर्टस। पोखरा।सहारा क्लब पोखराले स्थापनाको २५ बर्षको रजत महोत्सव मनाएको छ । २०५५ भदौ ३० मा स्थापना भएको सहारा मोफसलको चर्चित क्लब हो। फुटबल मार्फत सामाजिक सेवामा निरन्तर क्रियाशील सहाराले पोखरा १७, दोबिल्लास्थित आफ्नै सहारा फुटबल एकेडेमीमा शनिबार रजत महोत्सव समारोह आयोजना गरेको थियो। पोखरा महानगरपालिकाका प्रमुख धनराज आचार्यले रजत महोत्सवको समुद्घाटन गर्दै सहारालाई अझ सफलताको लागि शुभकामना दिए। उनले सहाराको सिको नेपालमा अरुहरुले पनि सिक्नुपर्ने उनको सुझाव थियो। साथै सेती नदी र फुस्रेखोला कटानले दोबिल्ला क्षेत्रको बस्ती तथा विभिन्न भौतिक संरचना जोखिममा परेकोमा समुचित खालको व्यवस्थापनको पहल महानगरले गर्ने उनले प्रतिबद्धता समेत जनाए। समारोहमा क्लबले विभिन्न व्यक्तिलाई विधागत सम्मान गरेको छ। सम्मानित हुनेमा जयलाल पुन,महेश गुरुङ, गणेशबहादुर भट्टराई,डा.नारायण गौतम, निरञ्जन राजवंशी,रामकृष्ण ज्ञवाली, मुछेत्र गुरुङ,रामचन्द्र गुरुङ,उमादेवी गुरुङ, दीपक गुरुङ,जगन गुरुङ छन् भने मरणोपरान्त स्व.उगेन लामा र स्व. बिलबहादुर तामाङको तर्फबाट परिवारजनलाई सम्मान गरियो। साथै हिमश्री फुड्सका कार्यकारी अध्यक्ष प्रेमकुमारी केसी पनि सम्मानित भइन्। प्रेमकुमारी पोखराका वरिष्ठ उद्योगपति, पूर्व सभासद एवं समाजसेवी स्व. सूर्यबहादुर केसीकी धर्मपत्नी हुन्। क्लबले मुच्छेत्र गुरुङलाई मानार्थ सदस्य पनि प्रदान गरेको छ। यो सहित मानार्थ सदस्य संख्या १२ पुगेका छन्। सो अवसरमा सहारा खेलकुद पत्रकारिता पुरस्कार–२०७९ बाट फोटो पत्रकार उमेश पुनलाई नगद २५ हजार ५५५ साथमा ताम्रपत्रसहित पुरस्कृत गरियो। फोटो पत्रकार पुन नेपाल खेलकुद पत्रकार मञ्च गण्डकीका कार्यसमिति सदस्य समेत हुन्। यस्तै, क्लबले सहारा उत्कृष्ट सदस्यबाट धमेन्द्र बराललाई सम्मान गरेको छ। कार्यक्रममा हिमश्री फुड्सका कार्यकारी अध्यक्ष प्रेमकुमारी केसीलगायत विभिन्न महानुभावलाई सम्मान गरिएको थियो। समारोहमा प्रदेश खेलकुद परिषद् गण्डकीका सदस्यसचिव श्रीधर शर्मा, आहा रारा पोखरा गोल्डकपका मुख्य प्रायोजक हिमश्री फुड्सका निर्देशक प्रकाश केसी,नेपाल पत्रकार महासंघ कास्की अध्यक्ष विमला भण्डारी,क्लबका मानार्थ सदस्य जयलाल पुन,सम्मानित व्यक्तित्व तर्फबाट पर्यटन व्यवसायी गणेशबहादुर भटट्राई,सम्मानित व्यक्तित्व नेपाल खेलकुद पत्रकार मञ्चका पूर्व अध्यक्ष निरञ्जन राजवंशी,नेपाल खेलकुद पत्रकार मञ्च गण्डकी अध्यक्ष दीननाथ बराल लगायतले शुभकामना मन्तव्य व्यक्त गरेका थिए। क्लबले रजत महोत्सव अवसरमा प्रकाशन गरेको सहारा रजत जयन्ती स्मारिका पनि प्रकाशन गरेको छ। उक्त स्मारिका महानगर प्रमुख आचार्यले विमोचन गरे। क्लब अध्यक्ष हरिराम
शीतलपाटीन्युज डटकम। काठमाण्डौ। एनआरएनए अध्यक्षमा पाँच जनाकै उम्मेदवार कायम रह्यो भने पनि म विजयी हुन्छु। करिब १३५० मत ल्याएर चुनाव जित्छु। यत्ति कुरो चाहिं म ठोकुवा गरेर भन्न सक्छु, अध्यक्षको प्रत्यासी रबिना थापाले बताउनु भयको छ। निर्वाचनको बेला एनआरएनमा ठूलो राजनीतिकतरंग देखिन्छ। पहिलो कुरा त एनआरएनमा दलीय समर्थन भन्ने कुरा नै हुँदैन। एनआरएनको पञ्जीकृत सदस्य देखि केन्द्रीय अध्यक्षसम्म दुईचार जनानेताहरुलाई सबैले चिनेकै हुन्छन्। अब नेताहरुको दैलोमा पुग्दैमा दलीय समर्थन मिल्यो भन्न मिल्दैन।यही कारणले आज एनआरएन यो हालतमाआइपुगेको हो। यदि दलीय हिसाबले समर्थन गर्ने कुरा गर्नुहुन्छ भने कांग्रेसको सबैभन्दा नजिक त म छु। म रगतमा नै कांग्रेस भएको परिवारबाट प्रतिनिधित्व गर्छु। एकदुई जना नेतालेभन्दैमा यसलाई समर्थन भन्ने हुँदैन। यदि पार्टीले कुनै निर्णय गरेको छ भने खै त प्रमाण ? बाहिर ल्याउनुहोस्। मलाई देखाइदिनुहोस्, थापाले भन्नु भयको छ। १०/१५ वटा संस्थाको नेतृत्व लिइसकेको अनुभवमसँग छ। तर,मैले संस्थाभित्र कहिल्यै राजनीति गरिनँ। एनआरएनमा पनि म राजनीतीकरण हुनदिन्नँ। त्यसको लागि पनि मेरो उम्मेदवारी हो। कार्यकाल छोटो रह्यो भन्दै अघि बढ्न मलाई पनि नेताहरुको सुझाव छ। तर, मैले त्यसलाई सुझावको रुपमा मात्रै लिनुपर्दछ। यो वा त्यो समर्थनको नाम दिंदै प्रचारबाजी गर्न आवश्यक छैन। त्यसले संस्थालाई ठूलो नोक्सान पुग्छ। महिला भएकै कारणले प्रतिस्पर्धीमा मलाई कमजोर जस्तो ठानिएको होला। तर,त्यो भम्र हो। मलाई कमजोर र गलत देखाउने प्रचार मात्रै हो। १०औं महाधिवेशनमा मलाई के भनिन्थ्यो? मनोनयन दर्ता नै गर्दिनँ। ऊ उम्मेदवार नै होइन,अध्यक्षमा उठ्दिनँ, प्रचारका लागि प्रचार गरियो। तर,अध्यक्षमा मनोनयन दर्ता गराउने पहिलो व्यक्ति म नै थिएँ। दुर्भाग्यवश मैले उम्मेदवारी दिएकै कारण चुनाव नै गराउन सकेनन्। तपाईंहरुले त्यसरी बुझ्नुहोस्। अहिले पनि मलाई कमजोर देखाउने प्रयास भइरहेको छ। मेरो उम्मेदवारीमा शंका गरिएको छ।त्यसैले म पत्रकार मार्फत गैरआवासीय नेपालीहरुलाई भन्न चाहान्छु,भ्रममा नपर्नुहोस्। म ११औंमहाधिवेशनमा अध्यक्षको प्रमुख दाबेदार हुँ,म उम्मेदवारी दिन्छु र मेरो उम्मेदवारी कुनै पनि हालत फिर्ता हुँदैन। अघिल्लो अधिवेशनमा पनि उहाँहरुकै प्रतिस्पर्धी थिएँ। अहिले पनि। डा.बद्री केसीजीको समूहमा रहनु भएका साथीहरु महेश श्रेष्ठजी,आरके शर्माजी अहिले तीनतिर हुनुहुन्छ। प्राविधिक रुपमा त मलाई चुनाव जित्न झन् सजिलो
शीतलपाटीन्युज डटकम। लण्डन। मातृत्व र मातृभूमिको सम्मानमा मानवसेवा आश्रम नेपालका प्रमुख संस्थापक एवं केन्द्रीय अध्यक्ष रामजी अधिकारीज्यूबाट सहजीकरण हुने आमा सेमिनारमा यहाँको गरिमामय समुपस्थितिका लागी सम्पूर्ण बेलायतबासी नेपाली जनसमुदायलाई सादर निमन्त्रणा गर्दछौं। मानवसेवा आश्रम बेलायतका अध्यक्ष सुनिल बाबु खडकाको निम्तामा बेलायत आएको मानवसेवा आश्रमको टोलीले मानवता,करुणा,परोपकार, शान्ति,खुसी,आमा र मातृभूमिको विषयमा ज्ञान चर्चा (मनोमंजन कार्यक्रम) सँगै हाम्रो राष्ट्र नेपाललाई २०८२ साल भित्र सहयोगापेक्षी (वेसहारा,अशक्त,असाहय, अनाथ,अभिभावविहिन) सडकआश्रित मानवमुक्त राष्ट्र नेपाल निर्माण, घोषणा र घोषणा पछिको पूर्ण कार्यन्वयनका लागि मानवसेवा आश्रम दृढ संकल्पका साथ मानविय सेवा जुटिरहेको छ। साझा नेपाली समाजका महासचिव शशांक शर्माका अनुसार मिडलैन्डवासी नेपाली परोपकारी एवं मानवताप्रेमीमनहरु सँग स्नेहमिलन,विचार विमर्शको अभिष्टका साथ सोमवार २५ सेप्टेम्बरमा आयोजना हुने कार्यक्रममा सबैको सहभागिताको लागि सादर निमन्त्रणा गरिएको छ।साथै यो सेमिनारको संयोजन गर्ने जिम्मा समाजका कोषाअध्यक्ष उपेन पौडेल र कार्यसमिति सदस्य गोबिन्द सापकोटालाई दिएकोछ। सेमिनारमा हुने तँपाईको सहभागिता,प्रेम र प्रेरणाले सहयोगापेक्षी सडक मानवमुक्त राष्ट्र नेपाल निर्माण गर्न र मानवता प्रवर्द्दनको लागि महत्वपूर्ण भूमिका निर्वाह गर्ने छ।
शीतलपाटीन्युज डटकम। लण्डन।बिकसीत देशहरु जस्तै नेपाल पनि सेबा सुबिधा र सम्पर्कमा धेरै अगाडी आएको पाइएको छ। तपाई युके,अमेरीका,कतार,साउदी अरेबिया, मलेशिया, अस्ट्रेलिया जहाबाट पनि नेपाल जादै हुनुहुन्छ भने अब सजिलो भयको छ। कुरा सुन्दै मजा,नेपाल जाने योजना गर्दैगर्दै तपाई बसेकै देशबाट त्रिभुवन बिमानस्थलमा पिकअप पाउने सजिलो ब्यवस्था भयको समाचार प्राप्त भयको छ। इक्याब नेपाल सर्भिसले (E-Cab Nepal service to Book Taxi prior to reach Kathmandu Airport) तपाई कामाण्डौ पुग्नु अगाडी नै आफ्नो अवतरण समय राखेर टेक्सी बुक गर्न सक्ने एप्स ल्याएको छ। एप्स डाउनलोड गरेर आफुलाई आबस्यक परेको समय राखेर टेक्सी बुक गरेर ढुक्क हुनु होस। एप्स डाउनलोड गर्न तलको लिड्क प्रयोग गरेर ढुक्क हुनु होस। Download our App and schedule your ride For passenger- https://onelink.to/3bp5m7
शीतलपाटीन्युज डटकम। लण्डन। इङल्यैण्डको स्विण्डन स्थित 'नेपाली समाज विल्शायर (NAW )'ले यसपालीको दशैंलाई भव्य रुपमा मनाउने तयारी गरेको छ। आगामी २६ अक्टोबर २०२३ का दिन दशैंको द्वादशीको अवसरमा लण्डन स्थित हाउस अफ कमन (House of Common) मा दशै मनाउने अवसर पाएको नेपाली समाज विल्शायरले यसपालीको दशैंलाई विशेष रुपमा सभ्य र भव्य तरिकाले मनाउने गरी आवस्यक तयारीमा जुटेको छ। "लण्डनको हाउस अफ कमनमा दशै मनाउनको लागि स्वीकृति पाउनु नै हाम्रो लागि गर्वको कुरा हो"संस्थाका अध्यक्ष ज्ञान प्रसाद गुरुङ्गले भन्नु भयको छ। "बेलायतको संसद भवन भित्र नेपाली कला-संस्कृती र रितीरिवाजलाई झल्काउन पाउने यो अवसरलाई हामिले हाम्रो गर्भको रुपमा लिएका छौ।" सितिमिती जोसुकैको पहुच भन्दा बाहिर रहने बेलायतको संसद भवनमा नेपालीहरुको महान चाड मनाउन पाउनु आफैमा चानचुने कुरा भने होईन। यो अवसर प्राप्त गर्नको लागि ठुलै मेहनत र पहुँचको पनि आवस्यकता पर्ने गर्छ। यस्का लागि कन्जरभेटिव पार्टिका सांसद रोवर्ट वुकल्याण्डले ठूलो भुमिका खेलिदिएको अध्यछ्य गुरुङले बताउनु हुन्छ। "यो स्थानमा दशै मनाउन पाउनुले हाम्रो रितिरिवाज र कलासँस्कृतिलाई विश्व समुदायसम्म फैलाउन अझ सहयोग गर्छ" अध्यक्ष गुरुङ्गले थप्नु भयको छ। महत्व र सुरक्षाका दृष्टिकोणले अति उच्च स्थानको रुपमा लिइने हाउस अफ कमनमा हालसम्म कुनै पनि नेपाली संस्थाले कार्यक्रम गर्ने अवसर नपाएको र आफुहरुले यो सुवर्ण अवसर पाएकोले स्थानका आधारमा पनि यसपालीको दशैं थप विशेष, अविस्मरणिय र उल्लासमय हुने आयोजक संस्थाकी सचिव जेनिशा थापाले बता एकि छन। आयोजक संस्थाले सो दिन १ बजे देखि ५ बजेसम्मको लागि विशिष्ट हल बुक गरेको छ। साथै सहभागीहरुलाई स्विण्डन देखि कार्यक्रम स्थलसम्म स:शुल्क यातायातको ब्यवस्था समेत गर्ने भएको छ। जम्मा १७० जना क्षमता भएको सो हलमा नेपाली कला-संस्कृती झल्कने गीत/संगीत लगायत मौलिक नेपाली भोजनको ब्यवस्था रहने सचिव थापाले वताएकी छन। कार्यक्रमको लागि सशुल्क टिकटको ब्यवस्था गरिएको बताउँदै सचिव थापाले सो अवसरमा सामेल हुन इच्छुक नेपालीहरुले आयोजक संस्था नेपाली समाज विल्शायरको वेबसाईट मार्फत वा फोन न ०७५५२२१७४३५ र ०७३८४६८९९१४ मार्फत सिधै सम्पर्क गर्न सकिने जानकारी समेत दिएकी छिन।
शीतलपाटीन्युज डटकम। लन्डन। चलचित्र निर्देशक समाज’को बेलायत च्याप्टर गठन भएको छ। चलचित्र गोर्खा वारियरको भर्खरै बेलायतमा सम्पन्न ग्राण्ड प्रिमियरमा सहभागी हुन बेलायत पुगेका निर्देशक समाजका अध्यक्ष जनकदिप पराजुली र महासचिव अरुण कुमार प्रधानको उपस्थितिमा सनम कुमार बैरागीको संयोजकत्वमा यहि २६ गते मंगलबार बेलायत च्याप्टर गठन गरिएको हो। यस्तै उप-सयोजकमा फिल्म निर्देशक प्रदीप शाही चयन भएका छन्। उनले पछिल्लो समय फिल्म अन्तिम संस्कार निर्देशक गरेका थिए। बेलायतभरी कर्मथलो बनाएर रहेका नेपाली चलचित्र निर्देशकहरुलाई एउटै छातामुनि ल्याउन र नेपालमा आएर चलचित्र सम्बन्धि काम गर्दा सहज बाताबरण बनाउने उद्देश्यले यो च्याप्टर गठन गरिएको महासचिव प्रधानले बताए। बेलायतबासी अन्य नेपाली चलचित्र निर्देशकहरुलाई भने सदस्यमा राखिने बताईएको छ। निर्देशक समाजको बेलायत चाप्टर गठन कार्यक्रम इनास युके चलचित्र प्रबर्द्धन समिती तथा संयोजक मनिष श्रेष्ठको आयोजनामा उक्त कार्यक्रम भएको थियो। सो कार्यक्रममा कलाकार संघको युकेको सहसचिब तथा नायिका सृजना निङ्लेखु,चलचित्र निर्माता पर्शुराम राई,निर्देशक आर्यम नकर्मी,सबिन श्रेष्ठ,दिपेश सिलवाल,आषिश श्रेष्ठ, प्रकाश श्रेष्ठ,अनिता ताम्राकार,राजेन्द्र खस लगायत इनास युकेका अध्यक्ष बिनोद चिपालु लगायतका चलचित्रकर्मीको उपस्थिति रहेको थियो। (सेलीब्रेटी नेपाल)
शीतलपाटीन्युज डटकम। लन्डन। एनआरएनए युरोप उपसंयोजक दयानिधि सापकोटाले एनआरएनए केन्द्रिय सचिव पदमा उम्मेदवारी दिने घोषणा गरेका छन्। बेलायत लेस्टरका एकजना सफल व्यवसायी सापकोटाले अग्रज र डेलिगेट्ससँग लामो छलफल एवम परामर्शपछि सचिवमा उम्मेदवारी दिने घोषणा गरेका हुन्। 'पारदर्शी संगठन,जवाफदेही संस्था-एकताबद्ध एनआरएनए: सबल सचिवालय' उनको मुख्य एजेन्डा छ। सापकोटाले एनआरएनएमा आफ्नो लामो अनुभव सदुपयोग गर्दै संघको वृहत्तर हित र मातृभूमिका लागि थप काम गर्ने प्रण पनि गरेका छन्। एनआरएनए ११ औं विश्व सम्मेलन तथा अन्तरराष्ट्रिय महाधिवेशन आउंदो १७ देखि २० अक्टोबरसम्म काठमाडौंमा हुँदैछ। अहिले केन्द्रिय नेतृत्वको आकांक्षीमध्ये अग्रपङ्क्तिमा देखिएका उनले बेलायतबाट प्रतिनिधित्व गर्दै आइसीसी सदस्य र युरोप उपसंयोजकको जिम्मेवारी कुशलतापूर्वक पुरा गरेका कारण उनी सबैको रोजाइ बनेका छन्। सापकोटा सन् २००६ बाट नै गैर आवासीय नेपाली संघ बेलायतमा सक्रिय भूमिकामा आएका थिए। स्वीडेनको राजधानी स्टकहोममा सम्पन्न १४औं युरोपियन क्षेत्रीय बैठकसहित १२औं महिला, युवा तथा विज्ञ सम्मेलन र चेक रिपब्लिकमा आयोजित १५ औं युरोपियन क्षेत्रीय सम्मेलन सफल बनाउन निकै खटिएका सापकोटाको रचनात्मक भूमिकाले त्यतिखेर सर्वत्र प्रशंसा पाएको थियो। बेलायत नेपाल दुवैतिर च्यारिटीकर्म,आपतविपत र प्राकृतिक विपत्तिमा साथ,नेपालको शैक्षिक तथा स्वास्थ्य क्षेत्रमा निरन्तर आर्थिक सहयोग गर्ने उनी नाम जस्तै 'दयालु' रहेको उनलाई चिन्नेहरु बताउंछन्। ‘बोल्ड पर्सनालिटी’ र स्पष्ट वक्ताको पहिचान बनाएका उनले दर्जनौ सामाजिक संस्थामा काम गरेर अनुभव हासिल गरेका छन्। बाग्लुङ जिल्लाको काठेखोला गाउपालिका बिहुँकोट ५ देउरालीमा बुबा पद्मनाथ सापकोटा र आमा भावी सापकोटाको कोखबाट जन्मिए दयानिधि। स्थानीय अमर माध्यमिक विद्यालयबाट एसएलसी र काठमाडौंको शंकरदेव क्याम्पसबाट बीकम अध्ययन गर्दै गर्दा सन् १९९३ मा जर्मनी पुगे उनी। करिब १५ वर्ष जर्मनीमा बिताएपछि उनी सन् २००६ अक्टोबर १ मा बेलायत आइपुगेका थिए।
शीतलपाटीन्युज डटकम। काठमाडौँ। गैरआवासीय नेपाली संघ (एनआरएनए) को उपाध्यक्षमा बेलायतबाट रामशरण सिम्खडाले उम्मेदवारी घोषणा गरेका छन्। आगामी अक्टोबरमा हुने संघको ११ औँ विश्व सम्मेलनमा आफ्नो उम्मेदवारी उपाध्यक्षमा रहने सिम्खडाले जानकारी दिए। सिम्खडा हाल संघको उपमहासचिवको हैसियतमा रहेका छन् भने संघमा उनलाई बलियो साङ्गठनिक पकड भएका अभियन्ताका रूपमा चिनिन्छ। सन् २००१ देखि बेलायत बस्दै आएका उनी संघमा स्थापनाकाल देखि नै सक्रिय छन्। संघको बेलायतस्थित राष्ट्रिय समन्वय परिषद्को स्थापनामा समेत सक्रिय भूमिका खेलेका सिम्खडा नेपालीले विदेशमा हासिल गरेको ज्ञान,सिप,दक्षता र पुँजीलाई मातृभूमिको समृद्धिका लागि प्रयोग गर्दै नेपालको आर्थिक विकासमा लाग्नुपर्नेमा जोड दिन्छन्। सन २००४ को अन्त्यतिरबाट एनआरएनए युकेको स्थापनासँगै अभियानमा सरिक उनी त्यसयता सक्रिय रुपमा लागिरहेका छन् । २००५ मा संघको पहिलो विधान मस्यौदा समिति,२०११ मा एनआरएनए युकेको राष्ट्रिय संयोजक,२००७–११,२०१३–१७ यूके सल्लाहकार हुँदै २०१७–१९, २०१९–२१ दुई कार्यकाल आईसीसी सदस्य बनेका उनी विधान समिति सदस्य ३ पटक,उपसंयोजक एक कार्यकाल र केन्द्रीय नीति निर्माण समिति संयोजक,केन्द्रीय परोपकार तथा मानव कल्याण समिति सदस्य सचिव हुँदै उनी हाल केन्द्रीय उपमहासचिव पदमा क्रियाशील रहेका हुन्। आफ्नो रुचिको पद महासचिव भए पनि ‘सबै सँगसँगै हिँडौँ’ भन्ने अभिलाषाले केन्द्रीय उपाध्यक्षमा उम्मेदवारी घोषणा गरेको उनको भनाइ छ। विधि विधानतः संस्थालाई हिँडाउने र संघको मौलिक पहिचान ‘नेपालमा पर्दा केही गर्ने अठोट’ लाई पुनजागृत गराउने स्पष्ट मार्गचित्र सहित केन्द्रीय उपाध्यक्षमा आकांक्षी रहेको उनले बताए। गैरआवासीय नेपाली संघभित्र मौलाउँदै गएको विकृति र स्वार्थको कारण २०२१–२३ को कार्यकालले जम्बो टिम निर्माण गर्नु परेको उनको भनाइ छ। ‘हामीले संस्थालाई शिरदेखि तिरैसम्म २ भागमा फुटाउनु भन्दा आलोचना सहेर भए पनि संस्था दुई चिरा हुन नदिऔँ भनेर बहुपदीय अवधारणामा गयौँ। यसै बिचमा पनि एनआरएनका केही थातिरहेको मुद्धाहरुले यसै कार्यकालमा मुर्तरुप पाएको छ,’उनले भनेका छन। (रातोपाटीबाट)
पुर्ण गुरुड्ग, लण्डन । बुद्धिष्ट कम्युनिटी सेन्टर (बीसीसी) यूके अल्डरसटमा श्रद्धेय हिज इमिनेन्स फाग्छोग् रिन्पोछेद्वारा बीसीसी यूकेमा धार्मिक प्रवचन दिएका छन्। गत सोमबार ११ सेप्टेम्बरका दिन हिज इमिनेन्स फाग्छोग् रिन्पाछेले खोरवा दोङटुक अवलोकेतेश्वरको साधना आगाम तथा चार चित्ता परिवर्तनबारे प्रवचन दिएका थिए ट। उनले अंग्रेजी र नेपाली भाषामा प्रवचन दिएका थिए। भारतको जोङ्सर शेद्राबाट परम्परागत शिक्षा प्राप्त गरेका श्रद्धेय रिन्पोछ धार्मिक प्रवचनका लागि संसारका विभिन्न स्थानमा पुग्ने क्रममा गत सोमबार बीसीसी यूकेको अल्डरसटस्थित गुम्बामा आएका हुन्। मानिसको जीवन शैली र अभ्यास शैलीबाट धर्म र नीजि जीवनमा सन्तुलन राखी आधुनिक संसारमा कसरी अभ्यास गर्न सकिन्छ भन्ने बारे बिशेष प्रवचन दिएका श्रद्धेय रिन्पोछेले अध्ययन र चिन्तनको जग बसाले पछि मात्र बुद्ध धर्मको गहन सिद्धान्त बुझ्न सकिने विश्वास व्यक्त गरे। बेलायतका विभिन्न स्थानबाट सहभागी भक्तजनहरुको बाक्लो उपस्थिति रहेको कार्यक्रममा बीसीसी युकेको तर्फबाट अध्यक्ष हर्क बहादुर गुरुङ र बीसीसी युके आमाहरुको तर्फबाट आमा प्रमुख उर्मिला गुरुङलगायत पदाधिकारी एवं सदस्यहरुले श्रद्धेय रिन्पोछेप्रति मण्डला अर्पण गरेका थिए। सो अवसरमा बीसीसी युकेका अध्यक्ष हर्क बहादुर गुरुङ श्रेद्धय रिन्पोछे गुरुको स्वागत गर्दै बीसीसी युकेले हाल सम्म गर्दै आएको विभिन्न धार्मिक,सामाजिक एवं परोपकारी कार्य बारे जानकारी गराए। त्यस्तै, उनले बीसीसी युकेलाई श्रद्धेय गुरुले यसअघि तारा डोल्मा देवीको मूर्ति प्रदान गरेको स्मारण गर्दै धन्यवाद दिए। साथै, उनले बीसीसी यूकेको आगामी परियोजनाहरु बारे जानकारी गराउँदै सो परियोजनालाई सहयोग गर्न सहभागी भक्तजनहरुमा आग्रह गरे। बीसीसी युकेका उपाध्यक्ष क्याप्टेन देब घलेको संयोजकत्वमा सम्पन्न कार्यक्रममा लामा निमा लुङ्गरिक रिन्पोछे,खेन्पो कर्म छुल्त्रिम,खेन्पो फुर्तेम्बा,खेन्पो छेवाङ्गलगायत धर्म गुरुहरुको बिशेष उपस्थिति रहेको थियो। त्यस्तै,बीसीसी यूकेका संस्थापक अध्यक्ष लेप्टन काजी शेर्पा, पूर्व अध्यक्षहरु लेप्टन नारायण प्रसाद गुरुङ बिएमई, प्रमुख सल्लाहकार मेजर खुशीमान गुरुङ, संस्थापक आमा प्रमुख ज्ञानुमाया गुरुङ, निवर्तमान आमा प्रमुख पुष्पा गुरुङलगायत कार्यसमितिका पदाधिकारी, आमाहरु,भक्तजनहरुको उपस्थिति रहेको थियो। कार्यक्रमको अन्त्यमा बीसीसी युकेका उपाध्यक्ष एवं कार्यक्रम संयोजक क्याप्टेन देब घलेले कार्यक्रममा सहभागी भैदिएकोमा हिज इमिनेन्स क्याब्गन फाग्छोग् रिन्पोछे लगायत, कार्यसमिति, आमाहरु,पूर्व अध्यक्षहरु, सल्लाहकारहरु,भक्तजनहरु लगायत सबै सहभागीलाई धन्यवाद दिए। बीसीसी युकेका अध्यक्ष हर्क बहादुर गुरुङको अध्यक्षतामा सम्पन्न
शीतलपाटीन्युज डटकम। लण्डन। गैरआवासीय नेपाली संघ (एनआरएनए) को महिला सचिवमा राधिका गुरुङ (टिका) ले उम्मेदवारी दिने भएकी छन् ।। गैरआवासीय नेपाली संघको वर्तमान महिला सचिव समेत रहेकी गुरुङले संघको ११ औं महाधिवेसनमा पुनः सचिव पदमा उम्मेदवारी दिने भएकी हुन्। विगत २७ वर्षदेखि हङकङमा व्यवसाय तथा सामाजिक कार्यमा सक्रिय रहेकी राधिका गुरुङ (टिका) एनआरएनएमा उदयमान महिला अभियन्ता मानिन्छिन्। संघको अधिकांश पदाधिकारीहरुले आआफ्नो पदमा उम्मेदवारी दिने तयारी गरे पछि गुरुङ्गले पनि आफ्नो पदमा उम्मेदवारी दिने भएकी हुन्। संघको १० औं महाधिवेसनमा निर्वाचन नगरेर नै घोषणा गरिएको वर्तमान कार्यसमितिलाई टिके कार्यसमिति भन्ने आरोप लागे पछि संघका वर्तमान कार्यकारी अध्यक्ष डा.बद्री केसी,रविना थापा,महिला उपाध्यक्ष यासमिन वेगम सैयद,महासचिव गौरीराज जोशी लगायतका पदाधिकारीहरुले एक पटक जनअनुमोदन हुने भन्दै सोही पदमा उम्मेवारी दिने घोषणा गरेका छन्। टिका गुरुङ हङकङमा मात्र नभइ विश्वभरका नेपालीहरुमाझ परिचित छन्। एनआरएनए हङकङको सदस्य,कोषाध्यक्ष,महिला संयोजक,उपाध्यक्ष र निरन्तर दुई कार्यकाल अध्यक्षको जिम्मेवारी कुशलताका पूर्वक पूरा गरकी गुरुङ अहिले संघभित्र निकै सकृय पदाधिकारी मध्ये एक हुन्। हङकङ सरकारबाट पनि सम्मानित भइसकेकी गुरुङले सामाजिक कार्यमा र्पुयाएको योगदानको कदर स्वदेश तथा विदेशमा पाइरहेकी छिन्। एनआरएनए हङकङको नेतृत्वमा रहँदा गुरुङले सन् २०१८ मा पहिलो पटक हङकङमा एसिया प्यासिफिक रिजनल मिटिङ गराएर नेपालका प्रतिनिधिसहित ३५ वटा राष्ट्रका एनआरएनए प्रतिनिधि,एनआरएनए अभियन्ता,अग्रजहरुको उपस्थितिमा ऐतिहासिक सम्मेलन गर्न सफल भइन्। त्यसपछि दोस्रो कार्यकालमा कोरोना महामारीमा उनको नेतृत्वमा भएको सहयोग अतुलनीय छ। कोरोना महामारीका बेला उनले १७ लाख १९ हजार माक्स र १३० वटा अक्सिजन मेसिनसहित लगभग ४ करोड रुपैयाँको डोनेशन उठाएर नेपाल पठाएकी थिइन। नेतृत्वमा रहँदा कहिल्यै नथाक्ने गुरुङको सक्रियताबाट लोभिने धेरै छन्। गैरआवासीय नेपाली संघको निर्वाचन अक्टोवरको तेस्रो साता काठमाण्डौंमा हुदैछ।
पुर्ण गुरुड्ग। लण्डन। बुद्धिष्ट कम्युनिटी सेन्टर (बीसीसी) यूके अल्डरसटमा श्रद्धेय हिज इमिनेन्स क्याब्जे कालु रिन्पोछे धार्मिक प्रवचन दिएका छन्। गत आइतबार १० सेप्टेम्बरका दिन हिज इमिनेन्स कालु रिन्पोछेले निगुमा (डाकिनी) साधनाको प्रवचन र शोधन योगा अभ्यास गराए । साथै, उनले उपस्थित भक्तजनहरुलाई दीर्घायु अभिषेक समेत प्रदान गरे। उनले अंग्रेजीमा दिएको प्रवचनलाई बीसीसी युकेका खेन्पो फुर्तेम्बाले नेपालीमा अनुवाद गरेका थिए। भारतको दार्जिलिङ्गमा दोश्रो कालु रिन्पोछेका रुपमा जन्मिएका हिज इमिनेन्स गुरु निगुमा योगाका गुरु हुन। उनले आफ्नो पूर्ववर्तीले सुरु गरेको मोनलाम शाङ्पाको परम्परा अर्थात् ज्ञानलाई सिकाउन यूरोप, अमेरिका,एशियाका विभिन्न देशमा ध्यान केन्द्र स्थापना गरेका छन्। आपूmसंग भएको सोही ज्ञान सिकाउने क्रममा बीसीसी युके अल्डरसटमा उनी दोस्रो पटक आएका हुन्। बौद्ध धर्ममा आस्थावान भक्तजनहरुको बाक्लो उपस्थिति रहेको बीसीसी युकेको तर्फबाट अध्यक्ष हर्क बहादुर गुरुङ र बीसीसी युके आमाहरुको तर्फबाट आमा प्रमुख उर्मिला गुरुङलगायत पदाधिकारी एवं सदस्यहरुले श्रद्धेय रिन्पोछेप्रति मण्डला अर्पण गरेका थिए। सो अवसरमा बीसीसी युकेका अध्यक्ष हर्क बहादुर गुरुङले श्रेद्धय रिन्पोछे गुरुको स्वागत गर्दै बीसीसी युकेले हाल सम्म गर्दै आएको धार्मिक, सामाजिक र परोपकारी कार्य बारे जानकारी दिए। साथै, उनले बीसीसी युकेको आगामी परियोजनाहरु बारे जानकारी गराउँदै सो परियोजनामा सहयोग गर्न भक्तजनहरुलाई अनुरोध गरे। बीसीसी यूकेका वरिष्ठ उपाध्यक्ष आङ दावा शेर्पाको संयोजकत्वमा सम्पन्न कार्यक्रममा बीसीसी युकेका खेन्पो कर्म छुल्त्रिम, खेन्पो फुर्तेम्बालगायत धर्म गुरुहरुको बिशेष उपस्थिति रहेको थियो। त्यस्तै, संस्थापक अध्यक्ष लेप्टन काजी शेर्पा, पूर्व अध्यक्ष धर्म तामाङ्ग, प्रमुख सल्लाहकार मेजर खुशीमान गुरुङ, संस्थापक आमा प्रमुख ज्ञानुमाया गुरुङ,निवर्तमान आमा प्रमुख पुष्पा गुरुङलगायत कार्यसमितिका पदाधिकारी, आमाहरु,भक्तजनहरुको उपस्थिति रहेको थियो। कार्यक्रमको अन्त्यमा बीसीसी युकेका वरिष्ठ उपाध्यक्ष एवं कार्यक्रम संयोजक आङ दावा शेर्पाले कार्यक्रम सफल बनाइदिएकोमा हिज इमिनेन्स कालु रिन्पोछेलगायत,कार्यसमिति,आमाहरु,पूर्व अध्यक्षहरु,सल्लाहकारहरु, भक्तजनहरुलगायत सबैप्रति धन्यवाद ज्ञापन गरेका थिए। बीसीसी युकेका अध्यक्ष हर्क बहादुर गुरुङको अध्यक्षतामा सम्पन्न कार्यक्रममा उपाध्यक्ष क्याप्टेन देब घलेले रिन्पोछेको छोटो परिचय दिएका थिए भने महासचिव मेजर हितमान गुरुङले औपचारिक कार्यक्रम संचालन गरेका थिए।
