लन्डन । एनआरएनए यूके अध्यक्ष प्रेम गाहामगरले वंशजको नेपाली नागरिकता निरन्तरताका लागि राजनीतिक नेतृत्वसमक्ष दवाव बढाएका छन्। अध्यक्ष गाहामगरले अहिले बेलायत आएका नेताहरुलाई ज्ञापनपत्र बुझाउंदै उक्त विषयलाई गम्भीरतापूर्वक लिइदिन आग्रह गरेका छन्। यसै सिलसिलामा गाहामगरले संघीय सांसद लालप्रसाद (एलपी) साँवा लिम्बुलाई ज्ञापनपत्र बुझाएका छन्। रेडिङस्थित द फर्गटन ब्रिटिश गोर्खा कार्यालयमा मंगलबार एक कार्यक्रमबीच गाहामगरले एमालेका तर्फबाट निर्वाचित प्रभावशाली सांसद साँवालाई ज्ञापन बुझाएका हुन्। ज्ञापनमा गैरआवासीय नेपाली संघ यूकेले विश्वभर छरिएर रहेका वंशजका नेपाली नागरिकहरुको मागको सम्बोधन गर्न, वंशजका नेपाली नागरिकलाई सधैंकालागि नेपाली नै रहिरहन दिनका लागि नेपालको नागरिकता ऐन २०६३ (पहिलो संशोधन २०७९) को दफा १०,उपदफा १ मा उल्लेख भएको विदेशी नागरिकता लिएपछि नेपाली नागरिकता कायम नरहने भन्ने प्रावधान संशोधन गर्न जोड दिइएको छ। गैरआवासीय नेपालीहरुलाई नेपालको वंशजको नागरिकताबाट वञ्चित गराउने खालका नेपालको संविधान तथा कानूनमा भएका असमान प्रावधानहरुलाई तुरुन्त परिवर्तन गरी गैरआवासीय नेपालीका लागि वंशजको नेपाली नागरिकता निरन्तरताको प्रत्याभूति गराउन गैरआवासीय नेपाली संघ यूकेको माग छ । नेपाल नागरिकता ऐन, २०६३ मा भएको संशोधनले गैरआवासीय नेपाली नागरिकताको व्यवस्था गरेपनि यो व्यवस्थाले पहिले नै प्राप्त नेपाली नागरिकताको निरन्तरता नहुने एनआरएनए यूकेको धारणा छ। साथै ज्ञापनमा गोर्खाहरु त्रिपक्षीय सन्धि अन्तर्गत भर्ती भएर आएकाले गोर्खा तथा निजका सन्ततिहरुको नेपाली नागरिकता कायमै रहने व्यवस्था गर्न पनि जोडदार माग छ । ज्ञापनमा भनिएको छ, गोर्खाहरु सन् १९४७ को त्रिपक्षीय सन्धिअनुसार नेपाल र बेलायत सरकारको बन्दोबस्तमा भर्ती भएकाले उनीहरु र तिनका सन्ततिहरुको समेत नागरिकता खोसिएको छ। नेपाल नागरिकता ऐन, २०६३ (पहिलो संशोधन २०७९ ) को दफा १० को उपदफा १ ले गोर्खा सैनिक तथा उनीहरुको परिवारको वंशजको नागरिकता खोसेको छ। तसर्थ गोर्खा सैनिक तथा उनीहरुको परिवार तथा विश्वभर छरिएर रहेका वंशजका नेपाली नागरिकहरुको अधिकार रक्षाका लागि नेपाल नागरिकता ऐन, २०६३ को दफा १० संशोधन गरि सन् १९४७ को त्रिपक्षीय सन्धिलाई सम्मान गर्न, गोर्खा सैनिक तथा वंशजका नेपाली नागरिकहरुको नागरिकताको निरन्तरता हुने गरि कानून संशोधन गर्न एनआरएनए यूके नेपाल सरकार समक्ष जोडदार माग गर्दछ।' प्रत्युत्तरमा सांसद लिम्बुले एनआरएनए यूकेको जायज मागलाई संसदमा
आर के त्रिपाठी लेख्छन्- ट्रम्पले आज अलान मस्कलाई राष्ट्रिय र अन्तराष्ट्रिय खर्च कटौति गर्ने विभागको प्रमुख पदमा नियुक्त गरे।यो विभाग अमेरिकी सरकारको सबैभन्दा महत्व राख्ने विभागमा पर्छ। हो,अलान मस्क अमेरिकी चुनाबको बेला ट्रम्पको प्रमुख क्यामपेनर थिए। चुनाब खर्च ५०० मिलियन डलर दिए।अरु व्यापारी जम्मा गरे।विलियन डलर भन्दा बढि Trump लाई चुनाब खर्च जुटाई दिए।Trump को चुनाबि Campaign को लागी १० वटा जहाज ५ महिनाको लागी चार्टर गरिदिए।विश्व राजनिती हेर्दा जसले चुनाब जिताउन सहयोग गरे,जसले लामो समय देखि अमेरिकी राष्ट्रपतिमा पुःन Trump को विकल्प छैन भने, उनै अलान मस्कले प्रमुख पदमा नियुक्ति पाउनु स्वभाविक छ।जायजै छ।संसारभर यस्तै हुन्छ। तर शंका के गर्न सकिन्छ? भने अलन मस्कले संयुक्त राष्ट्र संघ,युक्रेन,इजरायल,NATO र अन्य विश्व विकाशको लागी दिईरहेको खर्च Deep Analysis नै काटी दिए भने यहाँनिर समस्या उत्पन्न हुन्छ।यसले विश्व राजनिती लाई ठूलै प्रभाब पार्नेछ। अब अलिकति अलान मस्क को कुरा गरौं। केहि महिना अगाडी बेलायतमा Far Rightist को आप्रवासि खेद,आप्रवासी लाई बस्न नदेउ भन्ने रंगभेदी आन्दोलन Far Rightist हरुले चलाए।केहि मानिस मरे।बेलायतको रोड र भवन जले।आप्रवाशीको पसल,सटर जलाईयो।त्यो बेला अलान मस्कले के भने भने बेलायतमा Far Rightist ले गरेको आप्रवाशी खेद भन्ने आन्दोलन ठिक छ।मेरो समर्थन छ भने।बेलायतको Road अझै जल्नु पर्दछ भने। अमेरिकमा पनि भविष्यमा त्यहि हुनेछ भने/ अलान मस्कको यो Statement को सर्वत्र विरोध भयो।भलै बेलायत सरकारले SMART ROLE लिएकोले Far Rightist हरुको आप्रवाशी खेद आन्दोलन तुहियो वा निस्तेज भयो।यो कार्य गरेकोमा बेलायतको प्रधानमन्त्री Kier Starmer लाई धन्यवाद दिन चाहन्छु । मलाई लाग्दछ,अलान मस्कको यो गतिविधी हेर्दा Trump को कार्यकाल सकिय पछि अलान मस्क Republican पार्टीबाट अमेरिकमा राष्ट्रपति उठ्नेछन्।Trump को यो नियुक्ति त्यसैको तयारी हो जस्तो लाग्छ। अब अलान मस्कले संयुक्त राष्ट्र संघ,NATO, लाई कि मैले भनेको मान् ,नत्र खर्च कटौति गरि दिनेछु भनि धन्क्याउने छन्।शक्ति आर्जन गर्दै लानेछन्।यो कार्यले उता अमेरिकाको Europe Union राज्य संग विस्तारै संबन्ध विग्रदै जानेछ।यस्तो अवस्थामा Russia को EU राज्यमा Encrochment,Advancement बढ्नेछ।यस अवस्थामा Russia Ukrane युद्ध Russia - Europe Union युद्धमा विस्तारै परिणत हुन
GNNNEWS- टोकियो। लन्डनस्थित कम्पनी नेपाल फुड्सले आफ्ना उत्पादनहरु अब जापानमा समेत उपलब्ध गराउन शुरु गरेको छ। नेपाली उत्पादनहरु वाइवाइ चाउचाउ,नेपाली बियर, जुस,निम्की,अचार,कफी,चिया,दालमोठ लगायत दर्जनौं नेपाली सामान जापानको बजारमा उपलब्ध हुन थालेको हो। सोमबार जापानको राजधानी टोकियोमा आयोजित एक समारोहबीच जापानका लागि नेपाली राजदूत डा. दुर्गाबहादुर सुवेदीले ति उत्पादनहरु सार्वजनिक गरे। मन्तव्यका क्रममा राजदूत सुवेदीले आफू बेलायतमै राजदूत हुंदा नेपाल फुड्सका उत्पादनहरु विशिष्ट पाहुनाहरुलाई उपहार दिने गरेको स्मरण गर्दै अब जापानमा समेत नेपाली मौलिक उत्पादनले बजार पाओस् भन्ने शुभकामना दिए। राजदूत डा. सुवेदीले नेपाली उत्पादन जापानको बजारमा निर्यात गर्न सके नेपाल र नेपालीका लागि आर्थिक टेवा पुग्ने समेत बताए। पूर्ण ट्रेडिङ कम्पनी जापानले नेपाल फुड्सका खाद्य तथा नेपाली बियरलाई जापानमा वितरण गर्नेछ। नेपाल फुडसका सिइओ विकास नेपालले जापानको बजार ब्यवस्थापन र आपूर्तिमा विशेष ध्यान दिंदै जापानी बजारमा नेपाली मौलिक उत्पादन उपलब्ध गराइने जनाए। पूर्ण ट्रेडिङ कम्पनीका सिइओ टिका श्रेष्ठले आफ्नो कम्पनीले जापानको कामतामा लामो समय अगाडिबाट नेपाली उत्पादन विक्री वितरण गर्दै आएको जनाउंदै अब नेपाली बियर र नेपाल फुड्सका उत्पादन थपिएको उल्लेख गरे। कार्यक्रममा एनआरएनए आइसीसी उपाध्यक्ष रोविन शेरचन, एनआरएनए जापानका अध्यक्ष नवीन निउरे, नेपाली व्यवसायी संघ जापानका अध्यक्ष बिजेश थकाली,नेपाल आदिवासी जनजाति महासंघ जापानका अध्यक्ष हवल चन्द्र लामा,नेपाल पत्रकार महासंघ जापानका अध्यक्ष शान्त पहरी लगायत जापानमा रहेका नेपाली व्यवसायी एवं अभियन्ताहरुको उपस्थिति थियो।
GNNNEWS- काठमाण्डौ। गैर आवासीय नेपाली संघ एनआरएनएको उच्चस्तरीय समितिको बैठक आह्वान भएको छ। उच्चस्तरीय समितिका संयोजक रहेका डा.शेष घलेले मंसिर ४ गते अर्थात नोभेम्बर १९ तारिखका दिन काठमाडौंमा बैठक आह्वान गरेका हुन्। बैठक एनआरएनएको सचिवालय बालुवाटारमा अपरान्ह ३ बजेदेखि बस्नेगरी विज्ञप्तिमा उल्लेख गरिएको छ। सर्वोच्च अदालतको फैसला अनुसार बैठक बोलाइएको उनले मंगलबार निकालेको प्रेस विज्ञप्तिमा जनाइएको छ। दशौं अधिवेशन हुँदा प्रतिनिधि छनोट लगायतका विवादहरु बढ्दै जाँदा एनआरएनए दुई समूहमा विभाजित भएको थियो। त्यतिबेला घले समूहबाट विनोद कुँवर अध्यक्ष भएका थिए भने संस्थापन पक्ष दावी गर्नेहरुले ३ जना अध्यक्ष बनाएर कार्यकाल ६–६ महिना विभाजन गरेका थिए। कुँवर समूहका सिइओ राजेश राणाले सर्वोच्च अदालतमा दायर गरेको रिटमा चैत २१ गते न्यायाधीशद्वय सपना प्रधान मल्ल र डा. नहकुल सुवेदीको संयुक्त इजलासले त्यतिबेला भएको १० औं अधिवेशनलाई अबैध भन्दै पहिला नै विवाद समाधान गर्नका लागि गठन गरिएको घले नेतृत्वको उच्चस्तरीय समितिलाई ब्युँत्याएको थियो। सर्वोच्चको फैसला पछि एकताको अधिवेशन गर्ने जिम्मेवारी पाए पनि पूर्ण पाठ ढिलो गरी सार्वजनिक हुँदा कार्यान्वयनको चरणमा गएको थियो। यसबीचमा अहिले बालुवाटार कब्जा गरेको डा. बद्री केसी समूहले अर्को रिट दिएर आफूहरुले बैधानिकता पाएको दावी गरे पछि बैठक नै बस्ने सकेको थिएन। तर,सर्वोच्चको फैसला कार्यान्वयनका लागि परराष्ट्रमन्त्रालयले पहलकदमी लिए पछि एकताको अधिवेशन गराउने उच्चस्तरीय समितिको बैठक बस्न लागेको हो। सर्वोच्चको फैसला अनुसार घले नेतृत्वको समितिलाई पहिलो बैठक बसेको ६ महिनाभित्र एकताको अधिवेशन गराउने जिम्मेवारी रहेको छ।
शीतलपाटीन्युज डटकम। लण्डन। गत ८ नोभेम्बर २०२४ शुक्रबार सांझ चर्चित नेपाली मोडल तथा डान्सर अस्मिता रानाको बिदाइ कार्यक्रम ठमेल दोहोरी साँझ, अल्डरसट युकेको हलमा भएको थियो । रानाको बिदाइ तथा भेटघाट कार्यक्रममा सय जना बढीको बाक्लो उपस्थिति रहेको थियो। अस्मिता करिब पाँच महिना अगाडि सांस्कृतिक कार्यक्रमको सिलसिलामा युके अाई पुगेकी थिइन् । युके बसाई अवधिभर नेपालीहरु बिच उनले करिब ६ दर्जन बढी कार्यक्रमहरूमा आफ्नो प्रस्तुति दिई फर्किन लागेकी हुन् । भेटघाट तथा बिदाइ कार्यक्रममा राङभाङ समाज युकेको अध्यक्ष शारदा गुरुङले नेपाली भाषा संस्कृतिको महत्वबारे बोल्दै अस्मिताको कलाको प्रशंसा सहित धन्यवाद ज्ञापन गरेका थिए। त्यस्तै स्याङ्जा समाजको संरक्षक डेभिड गुरुङले पनि कार्यक्रममा बोल्दै शुभकामना सहित धन्यवाद ज्ञापन गरेका थिए। साथै कोल्मा बाहकोट समाज यूकेका अध्यक्ष चन्द्र बहादुर गुरूड्गका साथै साहारा यूकेका अध्यक्ष कृष्ण गुरूड्गले पनि शुभकामना दिनु भएको सो कार्यक्रममा स्याङ्जा समाजका संरक्षकहरु डेभिड गुरुङ्ग र रिटायर्ड मेजर कुमार गुरुड्गले कार्यक्रममा बोल्दै शुभकामना सहित धन्यवाद ज्ञापन गर्नु भएको थियो। कार्यक्रम व्यवस्थापन कोल्मा बहाकोट समाज युकेले गरेको थियो भने कार्यक्रम सञ्चालन सोही समाजको महासचिव मदन राना र मधुसूदन थापाले गरेको थिए। कार्यक्रममा गायिका भबी थापा र गायक मधुसूदन थापा र सन्तोष पुन आफ्नो गीत मार्फत मनोरञ्जन प्रस्तुत गरेका थिए भने अस्मिता रानाले पनि आफ्नो सुन्दर नृत्य प्रस्तुत गरि मनोरञ्जन दिएकी थिइन् । साँझ ७ बजेदेखि सुरु भई झन्डै पाँच घण्टासम्म चलेको कार्यक्रममा विभिन्न संघसंस्थाका प्रतिनिधिहरु लगायत् एक सय बढी व्यक्तित्वहरूको उपस्थिति रहेको थियो । कार्यक्रमको अन्त्यमा अस्मिता राना भावुक हुंदै सम्पूर्ण युकेवासीले दिएको साथ, सहयोग, मांया र हौसलाको लागि साथै कार्यक्रम सफल पारिदिनु हुने सबैलाई धन्यबाद ज्ञापन गरेकी थिईन्। गैर आवासीय नेपालीहरूले कला संस्कृतिको विकास तथा विश्वव्यापीकरणमा पुर्याएको योगदानको चर्चा गर्दै आफुले सक्ने कला क्षत्रमा सहयोग गर्ने प्रतिबद्दता जनाएकी छिन्।
शीतलपाटीन्युज डटकम। लण्डन। गत ८ नोभेम्बर २०२४ शुक्रबार सांझ चर्चित नेपाली मोडल तथा डान्सर अस्मिता रानाको बिदाइ कार्यक्रम ठमेल दोहोरी साँझ,अल्डरसट युकेको हलमा भएको थियो । रानाको बिदाइ तथा भेटघाट कार्यक्रममा सय जना बढीको बाक्लो उपस्थिति रहेको थियो। अस्मिता करिब पाँच महिना अगाडि सांस्कृतिक कार्यक्रमको सिलसिलामा युके आई पुगेकी थिइन्। युके बसाई अवधिभर नेपालीहरु बिच उनले करिब ६ दर्जन बढी कार्यक्रमहरूमा आफ्नो प्रस्तुति दिई फर्किन लागेकी हुन् । भेटघाट तथा बिदाइ कार्यक्रममा राङभाङ समाज युकेको अध्यक्ष शारदा गुरुङले नेपाली भाषा संस्कृतिको महत्वबारे बोल्दै अस्मिताको कलाको प्रशंसा सहित धन्यवाद ज्ञापन गर्नु भएको थियो। साथै कोल्मा बाहकोट समाज यूकेका अध्यक्ष चन्द्र बहादुर गुरूड्गका साथै साहारा यूकेका अध्यक्ष कृष्ण गुरूड्गले पनि शुभकामना दिनु भएको सो कार्यक्रममा स्याङ्जा समाजका संरक्षक डेभिड गुरुङ्ग र रिटायर्ड मेजजर कुमार गुरुड्गले कार्यक्रममा बोल्दै शुभकामना सहित धन्यवाद ज्ञापन गर्नु भएको थियो। कार्यक्रम व्यवस्थापन कोल्मा बहाकोट समाज युकेले गरेको थियो भने कार्यक्रम सञ्चालन सोही समाजको महासचिव मदन राना र मधुसूदन थापाले गरेको थिए। कार्यक्रममा गायिका भबी थापा,गायक मधुसूदन थापा र सन्तोष पुन आफ्नो गीत मार्फत मनोरञ्जन दिएका थिए भने अस्मिता रानाले पनि आफ्नो सुन्दर नृत्य प्रस्तुत गरि मनोरञ्जन दिएकी थिइन् । साँझ ७ बजेदेखि सुरु भई झन्डै पाँच घण्टासम्म चलेको कार्यक्रममा विभिन्न संघसंस्थाका प्रतिनिधिहरु लगायत् एक सय बढी व्यक्तित्वहरूको उपस्थिति रहेको थियो । कार्यक्रमको अन्त्यमा अस्मिता राना भावुक हुंदै सम्पूर्ण युकेवासीले दिएको साथ,सहयोग,मांया र हौसलाको लागि साथै कार्यक्रम सफल पारिदिनु हुने सबैलाई धन्यबाद ज्ञापन गरेकी थिईन्। गैर आवासीय नेपालीहरूले कला संस्कृतिको विकास तथा विश्वव्यापीकरणमा पुर्याएको योगदानको चर्चा गर्दै आफुले सक्ने कला क्षत्रमा सहयोग गर्ने प्रतिबद्दता जनाएकी छिन्।
आर के त्रिपाठी लेख्छन् - लोभि बाइडेन,झुटा ट्रम्प र मूर्ख अमेरिकी जनताको कारण विश्व लोकतन्त्र कमजोर हुने संकेत -नेपालले के सिक्ने? आर्थिक प्रगती मात्र शाषकिय सफलताको मापनको आधार बन्दो रहेनछ।बेलायतमा ऋषी सुनक पनि राम्रो मै गनिन्थे।Covid ले थलिएको अर्थतन्त्र उनले नै उकासेका थिए।Covid को बेलामा गरेको उनको अर्थ Dealing,तौर तरिका लाई प्रसंसा गर्दै अमेरिका र अन्य यूरोप राष्ट्रहरुले त्यही ऋषी सुनकको तरिका Follow गरे।तर आम चुनाबमा उनको नेतृत्वमा Conservative पार्टिले नराम्रो हार बेहोर्नु पऱ्यो। अमेरिकामा बाइडेन राम्रो गर्दै थिए।अमेरिकाको आर्थिक प्रगती राम्रै थियो तर विश्व सुप्रिमो कायम राख्नु पर्ने बाध्यता,यूरोपको लगायत संसारको प्रजातन्त्र र सिमा सुरक्षा गरि दिनु पर्ने बाध्यता,विश्व विकाशलाई अनुदान,सहयोग गर्नु पर्ने अमेरिकाको बाध्यता,Ukrane Russia युद्धलाई धेरै सहयोग र इजरायल युद्धलाई सहयोग गर्नु पर्ने बाध्यताले अमेरिका आर्थिक रूपमा भित्र भित्रै थलिएको थियो।त्यो मारलाई Trump ले राम्रो प्रयोग गरे।अन्य विश्वमा दिने अनुदान सहयोग घटाउनेछु,इजरायल र युक्रेन लाई दिने युद्ध सहयोग कटौती गर्छु भने।यूरोपको सिमा सुरक्षा गर्न NATO लाई दिने सहयोग काटि दिनेछु भनि भाषण गरे।संयुक्त राष्ट्र संघलाई दिने सहयोग,अनुदान काट्छु भने।यो सब सहयोग काटेर अमेरिकाको जनताको आर्थिक स्तर उकास्छु भन्दै भोट मागे।अमेरिकाको जनतालाइ मूर्ख बनाए। Trump ले झुटो भोट लिए।नेताहरु जनता मूर्ख बनाउन खपीस छन्।जतिसुकै शिक्षित भए पनि जनतालाई झुटो बोलेर जति खेर पनि मुर्ख बनाउन सकिन्छ भन्ने प्रमाणित Trump ले गराई दिए।ट्रम्प जिते।बधाई। जनता मूर्ख हुँदा असल नेता र नेतृत्व पराजित हुँदो रहेछ।ट्रम्प र अमेरिकी जनताले चणक्य नितीलाई असफल पारिदिए।इतिहाँसमा बेलावखत यस्तो हुदो रहेछ।विश्व राजनिति हेर्दा २७०० बर्ष अघि चणक्यले बोलेको निती संझना आयो।असल मान्छे अघि नबढ्दा वा पार्टीले चुनाबी मैदानमा नल्याउँदा जनता मुर्ख हुन्छन् र पार्टीको उमेदवार परास्त गर्दछन्।जनता बेला बखत मुर्ख हुन्छन्।त्यो बेला बेइमानहरु वा खराब नेतृत्व वा नेताहरु शाषनमा आउँछन्। कमला ह्यारिश किन हारिन?पछि पूर्ण विश्लेषण गरौंला।२१०० औं शताब्दीमा पनि रङ्गको गन्ध देखियो।बस के मात्र भनौं भने २१००औं शताब्दीमा पनि यत्रो विकशित देश, शैक्षिक र बिबेकी अमेरिकी जनता पनि बहुलाउँदा रहेछन्।यसको दिर्घ कालीन असर विश्व राजनितीमा पर्नेछ। नेपालमा पनि अघिल्लो चुनाबमा स्वतन्त्र
शीतलपाटीन्युज डटकम। काठमाण्डौ। २५७औँ सिन्धुलीगढी विजयोत्सव समारोहमा सिन्धुलीगढी युद्धका एक नायक सिकारी सरदार वंशु (वंश) गुरुङको सम्मानमा प्रकाशित स्मारिका वंशु गुरुङ विमोचन भएको छ। वंशुको पुख्र्यौली थलो शुक्लागण्डकी नगरपालिका १२ ढोर जस्पुर तनहुँमा स्थापित सिकारी सरदार वंशु (वंश) गुरुङ स्मृति प्रतिष्ठानले प्रकाशन गरेको स्मारिका कमलामाई नगरपालिकाका मेयर उपेन्द्रकुमार पोखरेल र प्रमुख जिल्ला अधिकारी लिलाप्रसाद शर्माले संयुक्त रूपमा विमोचन गरेका हुन्। कमलामाई नगरपालिकाले सिन्धुली गढी विजयोत्सवको अवसरमा कात्तिक २४ गते सिन्धुलीगढीमा आयोजित समारोहमा सो स्मारिका विमोचन गरिएको थियो। स्मारिका बिमोचन गर्दै नगर प्रमुख पोखरेलले सिन्धुलीगढीमा गोर्खाली सेनाले कम्पनी सरकारको सेनालाई पराजित नगरेको भए हामीले नेपाली भनेर गर्व गर्न पाउने अवस्था बन्थ्यो वा बन्दैनथ्यो केही भन्न नसकिने भन्दै सिन्धुलीगढीका सेना नायकहरूलाई राज्यले उचित सम्मान दिनुपर्ने बताए। उनले सिकारी सरदार वंशु गुरुङ स्मृति प्रतिष्ठानका अध्यक्ष क्या.लालजङ गुरुङसहित सदस्यहरु करिब एक दशकबाट सिन्धुलीगढी विजयोत्सव कार्यक्रममा सहभागिता जनाउँदै आएकोसमेत स्मरण गरे। सिकारी सरदार वंशु गुरुङ स्मृति प्रतिष्ठानका अध्यक्ष लालजङ गुरुङले प्रतिष्ठानलाई आयोजक कमलामाई नगरपालिकाबाट वर्सेनि कार्यक्रममा औपचारिक निम्तो आउने गरेकोमा गर्व व्यक्त गर्दै तनहुँको ढोर जस्पुरमा सिकारी सरदार वंशु गुरुङको शालिक स्थापना गरिएको जानकारी दिए। उनले प्रतिष्ठान दोस्रो स्मारिका प्रकाशन गर्न सफल भएको भन्दै अब आफूहरूको माग सिकारी सरदार वंशु गुरुङसहित सिन्धुलीगढी युद्धका सेना नायकहरूलाई राष्ट्रिय विभूति घोषणा रहेको बताए। साभार- गुरुड्ग न्युज।
शीतलपाटीन्युज डटकम। काठमाडौं, प्रहरी महानिरीक्षक बसन्त बहादुर कुँवर संयुक्त अधिराज्यको ग्लास्गोमा सम्पन्न इन्टरपोलको ९२औं महासभामा सहभागी भई आइतबार स्वदेश फर्किनु भएको छ। इन्टरपोल महासचिवालयको आयोजनामा कात्तिक १९ देखि २२ गतेसम्म संचालित उक्त महासभामा सहभागी भई प्रहरी महानिरीक्षक कुँवर स्वदेश फिर्ता हुनुभएको हो। प्रहरी महानिरीक्षक कुँवरसँगै उक्त महासभामा सहभागी भई इन्टरपोल शाखाका प्रमुख प्रहरी उपरीक्षक कोमल शाह समेत स्वदेश फिर्ता हुनु भएको छ। प्रहरी महानिरीक्षक बसन्त बहादुर कुँवरलाई प्रहरी अतिरिक्त महानिरीक्षकहरू, प्रहरी नायव महानिरीक्षक लगायत वरिष्ठ प्रहरी अधिकृतहरूले त्रिभुवन अन्तर्राष्ट्रिय विमानस्थल गौचरमा हार्दिक स्वागत गर्नुभयो। महासभामा National Central Bureau (NCB) नेपालका प्रमुखसमेत रहनुभएका प्रहरी महानिरीक्षक कुँवर नेतृत्वको प्रतिनिधि मण्डलद्वारा मित्रराष्ट्रहरू चीन, दक्षिण कोरिया,अमेरिका, कतार र यूएईका प्रतिनिधीहरूसँगको द्विपक्षीय भेटघाटका क्रममा समसामयिक विषय तथा अन्तर्राष्ट्रिय प्रहरी समन्वयलाई थप प्रभावकारी बनाउने लगायतका विषयहरूमा छलफल भएको थियो। महासभामा इन्टरपोल र विश्व स्वास्थ्य संगठन (WHO) बीचको सहयोग सम्झौता, आतंकवाद रणनीति र परिचालन, इन्टरपोलको विश्लेषणात्मक क्षमताहरूलाई सुदृढ गर्न एकीकृत रणनीति, बाल यौन दुर्व्यवहार सामग्री प्रकाशित गर्ने वेबसाइटहरूको सूची (IWOL) तथा निजी संस्थाहरू बीचको सहकार्य, digital evidence मा कानूनी पहुँच, इन्टरपोलको विद्यान संशोधनको लागि विभिन्न देशहरूबाट पेश गरिएका प्रतिवेदनहरू, Annual financial report and financial statements 2023, Programme of activities and draft budget for 2025 and indications for 2026 and 2027, इन्टरपोलको भवन विस्तार तथा पुन:निर्माण कार्यक्रम जस्ता विषयहरूमा छलफल भई महत्वपूर्ण प्रस्तावहरू पारित समेत भएको थियो। महासभामा कार्यकारी समितिको रिक्त पदहरूमा निर्वाचन समेत भएको थियो। उक्त निर्वाचनमा इन्टरपोलको १९६ सदस्य राष्ट्रहरूको प्रतिनिधिहरू सहभागी भई नेपालले समेत आवश्यक मतदान गरेको थियो। यस महासभाबाट इन्टरपोलको नयाँ महासचिवको रूपमा मित्रराष्ट्र ब्राजिलका Valdecy Urquiza मनोनयन हुनुभएको भनि घोषणा समेत भएको थियो। महासभाले इन्टरपोलको ९३औं महासभा सन् २०२५ मा मित्रराष्ट्र मोरक्कोको माराकेचमा, ९४औं महासभा सन् २०२६ मा मित्रराष्ट्र हङकङ, चीनमा र ९५औं महासभा सन् २०२७ मा मित्रराष्ट्र कतारको दोहामा आयोजना गर्ने निर्णय गरेको छ। प्रहरी महानिरीक्षक बसन्त बहादुर कुँवर नेतृत्वको प्रतिनिधि मण्डल उक्त महासभामा सहभागी हुन कात्तिक १८ गते त्यसतर्फ प्रस्थान गर्नुभएको थियो। (साभार-नेपाल प्रहरी।)
सुरज श्रेष्ठ,लण्डन। डेमक्रटिक मुलुक हुन्,कम्युनिस्ट व़ा राजतान्त्रिक बिश्व़भर नै राजनैतिक नेताहरु र ठूला ब्यापारी बर्गबीच नङ्ग र मासुको झै सम्बन्ध हुन्छ। यो सम्बन्ध हिजो पनि थियो,आज पनि छ र भोलिपनि रहिरहनेछ। सामान्यतः राजनैतिक नेताहरुमा पोजिसनल सामर्थ्य हुन्छ र राजनीति गर्न व़ा बिलासित जिवन बिताउन पैसाको आबश्यकता! ठूला ब्यापारीहरुसँग पैसाको सामर्थ्य हुन्छ र समाजमा आफ्नो ईन्फ्लुएन्स बढाउन तथा ब्यापार प्रबर्धन गर्न राजनैतिक पार्टी/नेत्रृत्व़सँग साठगाठ गर्ने उत्कठ चाहना। सकारात्मक रुपमा राजनैतिक नेताहरु र ठूला ब्यापारी बर्गबीचको सम्बन्ध हुनु कुनै पनि देशको लागि राम्रो हो। राजनैतिक नेताहरुले पब्लिक सेक्टर र पलिसी मेकिङगमा प्रतिनिधित्व़ गरेका हुन्छन् भने ब्यापारी बर्गले प्राईभेट सेक्टरको। कुनै पनि देशको सम्ब्रृद्दी र बिकासको लागि यी दुई सेक्टरबिचको सहकार्य अति जरुरी छ। खासगरी, देशमा रोजगारी सृजना गर्ने तथा ईकनमिक गतिबिधिलाई चलायमान गराउने प्राईभेट सेक्टरले नै हो। (कुनै पनि देशको अर्थतन्त्र भने साना र मझौला ब्यापारले धानिरहेको हुन्छ यद्यपि ठूला ब्यापारिक बर्गहरुतिर राज्य र जनध्यान गैरहेको हुन्छ) अनि देशमा सुसाशन ल्याउन, राज्य-संस्थाहरुलाई सबल र निस्पक्ष बनाउन, ईकनमिक तथा ईन्डस्ट्रिअल पलिसी निर्माण गर्न राजनैतिक नेता/पार्टीहरुले नै भूमिका खेल्ने हो। यसो भनिरहदा बेलायत र अमेरिका जस्तो बिकसित मुलुक हुन् व़ा नेपालजस्तो बिकासशील, यी दुई शक्तिहरु — पोजिसन र पैसा — बिचको सम्बन्ध त्यतिबेला घातक हुन्छ जतिबेला यो सम्बन्ध र सहकार्य निजि स्व़ार्थको लागि मात्र हुन्छ। अन्ततः त्यसले देशलाई नै घात गर्ने हो! देशमा भ्रस्टाचार र कुशासनको मुलजडो नै यहि सम्बन्ध र सहकार्य बनिदिन्छ। अमेरिकालाई नै हेरौं न; भर्खरैको अमेरिकी रास्ट्रपति निर्बाचनमा बिश्व़का सबैभन्दा धनी ब्यक्ति ईलन मोस्कले प्रेसिडन्ट-ईलेक्ट डोनल्ड ट्रम्पलाई यो चुनाब जित्न सहयोग पुर्याए! मस्कको यो सहयोग,मलाई लाग्छ, शकेबल पलिटिकल्ली मोटिभेटेड मात्र होईन। यस सन्दर्भमा, बेलायत अमेरिका तथा नेपाल जस्ता देशहरुका राजनैतिक नेता/पार्टी र ठूला ब्यापारी बर्गबीचको सम्बन्धन र सहकार्य अभ्यासमा केहि फरकपन भने छ। उदाहरणको लागि, बेलायतमा यससम्बन्धी भएको नियम र कानुन राजनैतिक नेता/पार्टी र ठूला ब्यापारीहरु दुबै पक्षले अबलम्बन गर्नैपर्छ। बेलायतका राजनैतिक नेताहरु र ठूला ब्यापारीहरुमा पनि नेपालमाझै मानवजन्यः नीजि लोभ र लालच भई नै हाल्छ, तर यि
शीतलपाटीन्युज डटकम। लन्डन। बेलायतस्थित नेपाली समुदायले पहिलो र दोश्रो विश्वयुद्धमा सहादत प्राप्त गरेका सैनिकहरुप्रति श्रद्धान्जली अर्पण गरेका छन् । शनिबार नेपालीको राजधानी मानिने र नेपालीहरु उल्लेख्य बसोवास रहेको अल्डरसटमा ‘रिमेम्बरेन्स डे परेड’ आयोजना गरि श्रद्धान्जली अर्पण गरीयो। ग्रेटर रसमोर नेपलिज कम्युनिटी र गोर्खा मेमोरियल प्रोजेक्ट टिमको सक्रियतामा भएको उक्त परेडमा स्थानीय बेलायती सांसद अलेक्स बेकर,नेपालका संघीय सांसद एलपी सांवा लिम्बु,रसमोर मेयर मारा माकुनुरा, एनआरएनए यूके अध्यक्ष प्रेम गाहामगर,ग्रेटर रसमोर नेपलिज कम्युनिटी अध्यक्ष मन गुरुङ,शिव मन्दिर अल्डरसटका अध्यक्ष विक्रम भट्टराई लगायत गोर्खा सैनिक र स्थानीय नेपाली अगुवाहरु २०० जनाको सहभागीता थियो॥ परेडको आयोजना गर्दै सो समुहले प्रिन्सेस गार्डेनस्थित पहिलो भिसी कुलवीर थापाको सालिकमा रिथ पुष्पगुच्छा अर्पण गर्दै समस्त दिवगंत सैनिकहरुप्रति श्रद्धान्जली अर्पण गरेका थिए। सालिकमा रिथ चढाउनु अघि शिव मन्दिरका मूल पण्डित र बीसीसी यूकेका बौद्ध गुरुद्वारा स्वस्ती मन्त्र उच्चारण गरिएको थियो। बेलायतसहित कमनवेल्थ मुलुकमा ११ नोभेम्बरलाई ‘रिमेम्बरेन्स डे’ का रुपमा मनाउने प्रचलन छ । यसलाई ‘पप्पी डे’ पनि भनिन्छ। सो ११ गते गरिने कार्यक्रमलाई नेपाली समाजले ९ नोभेम्बर मै मनाएको हो। प्रथम विश्वयुद्ध अन्त्यपछि सन् १९१८ नोभेम्बर ११ का दिन ११ बजे रिमेम्बरेन्स सन्डे मनाउन थालिएको हो। यो प्रत्येक वर्ष नोभेम्बरको दोस्रो आइतबार पर्छ।
पुर्ण गुरुड्ग। लण्डन। बुद्धिष्ट कम्युनिटी सेन्टर (बीसीसी) युकेले विगत ६ महिनादेखि गुम्बामा सेवा गर्दै आएका लोपेन दावालाई बिदाई गरेको छ। गत शुक्रबार बीसीसी युकेका अध्यक्ष हर्क बहादुर गुरुङ,प्रमुख लामा खेन्पो सेनाङ्ग,आमा प्रमुख जगना गुरुङलगायत कार्यसमितिका पदाधिकारी,सदस्य,आमाहरु र सल्लाहकारहरुले खादा लगाई बिदाई गरिएको हो। काठमाण्डौं बौद्धस्थित शेछेन गुम्बामा आवद्ध लोपेन गत मे महिनादेखि बीसीसी युकेको अल्डरसटस्थित गुम्बामा बौद्ध परम्परानुसार विभिन्न कर्मकाण्डहरु गर्ने,धार्मिक प्रवचन दिनुका साथै विभिन्न पूजापाठहरु गर्दै आएका थिए। भुटान घर भएका लोपेन दिल्ली हुदै भुटान फर्किन लागेका हुन्। बीसीसी युकेले गत २० अक्टोबरका दिन औपचारिक रुपमा बिदाई गरिएको भएता पनि उनी शुक्रबार स्वदेश फर्कन लागेका हुन्। सो अवसरमा गुम्बाका धर्म गुरुहरु लोपेन नोर्बु,लामा हर्कजंग घले,लामा प्रदीप गुरुङ,बीसीसी युकेका पूर्व अध्यक्ष नरेश गुरुङ,महासचिव मेजर हितमान गुरुङ,सचिव रिन्जी शेर्पा,संस्थापक आमा प्रमुख ज्ञानुमाया गुरुङ,सल्लाहकार जंग बहादुर गुरुङ,आमा उपाध्यक्ष शारदा गुरुङलगायतका आमाहरुले समेत खादा लगाई बिदाई गरेका थिए। त्यस्तै, उनलाई बीसीसी युकेका लामा हर्क जंग घले, पूर्व अध्यक्ष नरेश गुरुङ,आमा उपाध्यक्ष शारदा गुरुङ,आमा सदस्य मिना गुरुङले हिथ्रो एयरपोर्टसम्म संगसंगै गई बिदाई गरेका थिए।
शीतलपाटीन्युज डटकम। काठमाडौँ। अमेरिकी राष्ट्रपति पदको चुनावमा ७८ वर्षीय डोनाल्ड ट्रम्प दोस्रो कार्यकालका लागि विजयी भएका छन। कुल ५३८ सिटमा ट्रम्पले २७७ र कमला ह्यारिसले २२४ सिट प्राप्त ग गरेको अमेरिकी सञ्चारमाध्यम एपी न्यूजले जनाएको छ। जित्नका लागि कम्तीमा २७० सिटमा विजय हुनुपर्ने थियो । ट्रम्पको जितसँगै अमेरिकामा राजनीतिक दिशामा परिवर्तन आउन सक्ने सङ्केत देखिएको छ। उहाँको विजयले अन्तर्राष्ट्रिय क्षेत्रमा पनि विभिन्न प्रतिक्रिया उत्पन्न गराएको छ। विशेषगरी अमेरिका–चीन सम्बन्ध, जलवायु परिवर्तन नीतिहरू र नाटो जस्ता मुद्दाहरूमा गहिरो प्रभाव पर्ने अनुमान गरिएको छ। ट्रम्प २०१६ को नोभेम्बरमा राष्ट्रपतिमा निर्वाचित भएर २०२० सम्म चार वर्ष ह्वाइटहाउमा रहनुभएको थियो।उहाँ २०२० मा वर्तमान राष्ट्रपति जो वाइडेनसँग पराजित भएपछि २०२१ जनवरीमा ह्वाइट हाउसबाट बिदा हुनुभएको थियो। बहुप्रतिक्षित सातवटा स्वींग स्टेट अरिजोना (११), जर्जिया (१६), मिचिगन (१५), नेभाडा (६), पेन्सिलभेनिया (१९), विस्कन्सिन (१०) र नर्थ क्यारोलिना (१६) को अधिकांश मत र इलेक्टोरल कलेज पनि उहाँकै पक्षमा परेपछि ट्रम्पले विजय हात पार्नुभएको हो। आजको परिणामले तल्लो सदन र माथिल्लो सदन दुवैमा रिपब्लिकन पार्टीको बहुमत हुने पक्का भएको छ।अमेरिकी माथिल्लो सदन सिनेटमा बहुमतका लागि आवश्यक ५१ मध्ये ५१ स्थानमा रिपब्लिकन पार्टीले विजय प्राप्त गरिसकेको छ।तल्लो सदन हाउसमा पछिल्लो परिणाम अनुसार आवश्यक २१८ मध्ये रिपब्लिकन पार्टीले दुई सय दुई र डेमोक्रेटिक पार्टीले १७५ प्रतिनिधि प्राप्त गरेको छ। ट्रम्पको दोस्रो कार्यकालले ‘अमेरिका प्रथम’ नीति अघि बढाउँदै अमेरिका र अन्य राष्ट्रहरूबिचको सम्बन्धलाई पुनः परिभाषित गर्ने सम्भावना छ। व्यावसायिक पृष्ठभूमिका ट्रम्पले पहिलो कार्यकालमा आर्थिक सुधारका कदमहरू उठाउनुका साथै आप्रवासन, कर नीति र व्यापार सम्बन्धमा कडा अडान लिएको इतिहास रहेको छ । उहाँका समर्थकहरूले यो जितलाई अमेरिकाको ‘स्वतन्त्र’ तथा ‘सशक्त’ नीति पुनःस्थापनाको विजय मानेका छन् भने आलोचकहरूले यसलाई अन्तर्राष्ट्रिय सम्बन्धमा अस्थिरता निम्त्याउने चेतावनी दिएका छन्। ट्रम्पको विजयले आर्थिक मोर्चामा समेत नयाँ तरङ्ग ल्याउने अपेक्षा गरिएको छ। विशेष गरी अमेरिकी बजारमा सकारात्मक सङ्केत देखिएको छ भने अमेरिका–चीन व्यापार युद्धलाई पुनः सुरु गरिने डर पनि छ। ट्रम्पको दोस्रो कार्यकालमा जलवायु परिवर्तन लगायतका अन्तर्राष्ट्रिय मुद्दामा अमेरिकाको सहभागितामा कमी आउन सक्ने र यसले
शीतलपाटीन्युज डटकम। आर के त्रिपाठी लेख्छन् - Trump लाई बधाई दिंदा मेरो आँखा अगाडी Trump को विगत,वर्तमान निती र विश्वमा पार्ने थप प्रभाव-Trump संयमित हुन जरूरी छ। ट्रम्पको USA First नितीले अमेरिकी रुचि र स्वार्थलाई केन्द्रमा राख्नेछ।यसले विश्वव्यापी सुरक्षा,व्यापार र कूटनीतिमा ठूलो असर पार्न सक्छ।रसिया-युक्रेन युद्ध २४ घन्टामा समाप्त गर्ने प्रतिज्ञाको कार्यान्वयन ट्रम्पले चुनावी भाषण गरे जस्तो सजिलो छैन। अघिल्लो कार्यकालमा उत्तर कोरियासँग वार्ता होस् वा चीनसँग व्यापार युद्ध हुँदै सम्झौता,अफगानिस्तानबाट अमेरिकी सेनाको फिर्ती होस् वा इरान सम्झौता खारेज,ट्रम्पका निर्णयहरू परम्परागत अमेरिकी नीति र अभ्यासको विरोधी निर्णय थियो।ट्रम्पले अघिल्लो कार्यकालकै नीति अघि बढाउँछन् कि त्यतिबेलाको अनुभवबाट सिकेर अगाडि बढ्छन् ?हेर्नुपर्छ।ट्रम्पको विजयले लोकतन्त्रको भविष्यलाई अझै चुनौती दिने र त्यसको बाछिटा नेपालसम्म पनि आई पुग्न सक्छ/ अमेरिका-चीन र अमेरिका-भारत सम्बन्धको प्रभाव नेपालले व्यहोर्नुपर्ने र यस्तो अवस्थामा अमेरिकाले नेपाल नीति नबदले पनि भारत वा चीनसँगको नीतिले नेपाल लाई प्रभाव पार्न सक्छ/ जसले USA मा स्थायी बसोबासको अनुमति पाएका छैनन्,Trump को आप्रवासन नीतिमा कडाइले त्यहाँ रहेका नेपाली एवं विश्वभरबाट अमेरिका आएका आप्रवासीहरू प्रभावित हुन सक्छन्/ ट्रम्पका उपराष्ट्रपति जेडी भान्सले युक्रेनको अहिलेको सरकार र नेतृत्व संसारकै सबैभन्दा भ्रष्ट भनेर अभिव्यक्ति दिने गरेका छन्/यस्तो अवस्थामा ट्रम्पको Ukrane-Russia युद्ध निती कस्तो हुन्छ?त्यस नितीले विश्व राजनितीमा प्रभाव पार्नेछ। ट्रम्प इरानका कट्टर विरोधी हुन्/ इजरायल-लेवनान-इरान- हिजिबुल्लाह-हमास-सिरिया युद्धमा Trump को पूर्व नितीमा फेरबदल नभए इजरायल-इरान युद्ध बढ्नेछ।यो ध्रुविकरणले विश्वयुद्ध पनि निम्त्याउन सक्छ।किनकी Trump अर्को नेतान्याहु हुन् वा Trump र नेतान्याहु दाजुभाई जस्तै हुन्। चुनाब Campain को बेला Trump ले चीनको उत्पादनमा ६० प्रतिशत र अन्य देशको उत्पादनमा १० प्रतिशत कर लगाउने घोषणाले चिन र अमेरिका विच व्यापार युद्ध बढ्न सक्छ।यसको असर विश्व राजनितीमा परि नेपाललाई प्रभाब पार्न सक्छ। Trump को अभ्यास कुनै निश्चित दिशामा जाने,आफ्ना मित्र राष्ट्रसँग थप मजबुत सम्बन्ध बनाउने भन्दा पनि त्यसलाई भत्काउने र नयाँ बनाउनेमा धेरै ध्यान दिने देखिन्छ र त्यसले लामो रूपान्तरणमा जाने र अस्थिरता सिर्जना गर्ने देखिन्छ ।यसको असर विश्व राजनितीमा परि नेपाल लाई प्रभाब पार्न सक्छ। पेरिस सम्झौता,इरान सम्झौता,ट्रान्स-प्यासिफिक पार्टनरसीप,विश्व स्वास्थ्य संगठन लगायत संयुक्त राष्ट्र
शीतलपाटीन्युज डटकम। लण्डन। बेलायतको कोभेन्ट्री शहर, जहाँ ठूलो संख्यामा नेपालीहरूको बसोबास छ, यसपटकको तिहार विशेष रुपमा मनाइयो।”कोभेन्ट्री नेपाली समाज” (Coventry Nepali Samaj) को अगुवाइमा भव्य देउसी भैलो कार्यक्रम सम्पन्न भयो। जसले यहाँ रहेका सबै नेपालीहरुलाई आफ्नो संस्कृति र परम्परासँग जोड्न अवसर प्रदान गर्यो। तिहारको पहिलो दिनदेखि नै कोभेन्ट्रीमा नेपालीहरुले परम्परागत कर्महरू पूरा गरेका थिए। भाइटीकाको दिन दाजुभाइको निधारमा टिका लगाई मखमली,सयपत्री फूल र ओखरको साथमा आर्शिवाद दिएर मनाइयो। दिदिबहिनिको मायाले दाजुभाईको मृत्यु समेत टर्दछ भन्ने विश्वास गरिन्छ। माया सद्भाव भातृत्व कायम रहिरहोस भन्दै आरोग्य र दिर्घायुको कामना गर्दछन्। नेपालीहरुले यति टाढा भए पनि आफ्नो मौलिकता र संस्कारलाई निरन्तरता दिन कुनै कसर बाँकी राखेनन्। विशेष कार्यक्रमको रुपमा कोभेन्ट्री नेपाली समाजले आयोजना गरेको देउसी भैलोले कोभेन्ट्रीमा रहने नेपाली समुदायलाई अझै नजिक ल्याउने काम गर्यो। समाजका अध्यक्ष सन्तोष रेग्मीले यो अवसरमा सहभागि सबैलाई धन्यवाद दिदै नेपाली परम्परा र संस्कृति संरक्षणमा समाज सदैव कटिबद्ध रहने प्रण गर्नुभयो। देउसी भैलोमा गीत-संगीत,नृत्य र हाँसोले भरिपूर्ण रमाइलो वातावरण बन्यो। जसले नेपाली संस्कारको मिठास यहाँका नयाँ पुस्तालाई पनि अनुभव गरायो। (Coventry Nepali Samaj)कभेन्ट्री नेपाली समाजले देउसी भैलो खेल्न दुई समूह बनाएको थियो,ताकि सकेसम्म धेरै घरमा पुग्न सकियोस्। अन्त्यमा,टीकाको दिन “Coventry Culture Society” ले पनि नजिकैको RoseBud Cafe मा खुल्ला देउसी भैलो आयोजना गरेको थियो,जहाँ पनि निकै रमाइलो माहोल बन्यो। विभिन्न घरमा खेलेको देउसी भैलोका भिडियो फुटेजहरू संकलन गरेको छु, जसलाई म विस्तारै सम्पादन गरी क्रमिक रूपमा पोस्ट गर्दैछु। यसरी परदेशमा पनि हाम्रो संस्कृतिको संरक्षणमा सबैजना योगदान गर्दै छन्, जुन अत्यन्तै प्रशंसनीय छ। यो किसिमको सांस्कृतिक कार्यक्रमले विदेशमा रहेका नेपालीहरूलाई आफ्नो जरा सम्झाउने मात्र होइन,आफ्नो पहिचानलाई जोगाई राख्न मद्दत पनि पुर्याउँछ। कोभेन्ट्री नेपाली समाजको प्रयासबाट यो तिहार निश्चय नै सबैको लागि अविस्मरणीय रह्यो। यसले नेपाली संस्कृतिलाई विदेशमा समेत जीवन्त बनाइराख्न प्रेरणा दियो। (रमेस खनालको फेसबुकबाट)
शीतलपाटीन्युज डटकम। लण्डन। बेलायतको रेडिङ्गमा बिगत दुई दशक देखि सामाजिक कार्यमा सक्रिय सामाजिक ब्यक्तित्व कृष्ण न्यौपाने ‘लाइफटायम एचिभमेन्ट कम्युनिटि अवार्ड’बाट सम्मानित हुनुभएको छ। ३१ अक्टोवर २०२४ का दिन रेडिङ्गवरो काउन्सिलमा मेयर Glenn Dennis बाट कृष्ण न्यौपाने ‘लाइफटायम एचिभमेन्ट कम्युनिटि अवार्ड’बाट सम्मानित हुनु भएको होl समुदायका जल्दाबल्दा मुद्दाहरु र स्थानीय बिकाससंग प्रत्यक्ष सरोकारराख्ने क्षेत्रमा महत्वपुर्ण र दरिलो योगदान पुर्याएका व्यक्तिले यस्तो अवार्ड प्राप्त गर्ने गर्छन l उक्त कम्युनिटी अवार्ड कार्यक्रमको संचालन तथा समन्वय रेडिङ्ग स्थित ‘एकता र जातीय समानताका लागि गठबन्धन’ भन्ने संस्थाले गरेको थियो । यस कार्यक्रममा बिबिध विधामा २० व्यक्तित्वहरुलाई कम्युनिटी अवार्डबाट सम्मानित गरिएको थियो। कृष्ण न्यौपाने रेडिङ्ग क्षेत्रमा एक परिचित नाम हो,उहाले ग्रेटर रिडिङ नेपाली समाजको अध्यक्षको नेतृत्व समेत गरि सक्नु भएको र हाल उहाँ सल्लाहकार हुनुहुन्छ। उहाँ सङ स्थानीय समुदायसंग रहेर धेरै लामो समय सम्म सामुदायिक अनुसन्धान कार्य,तालिम संचलान,स्वास्थ्य, खानपान,वातावरणमा काम गरेको अनुभव छ। स्थानीय समुदायका आवाज, जल्दाबल्दा मुद्दा स्थानीय सरकार,राष्ट्रिय स्वास्थ्य सेवा, अनुसन्धानमा कार्यरत निकायहरु समक्ष उजागर गर्ने गर्नुहुन्छ l यसअघि स्थानीय च्यारिटेवल संस्थाहरुमा रहेर ‘हेड अफ ट्रष्टि’,कार्यक्रम निर्देशकको भूमिका निभाइसक्नु भएको छ। विश्व पर्यावरणिय परिवर्तनबाट मानव र वातावरणमा पर्दै गएको प्रत्यक्ष नकारात्मक असर सच्याउने अभियान र कार्यमा मात्र केन्द्रित नभएर स्थानीय स्तरमा देखापरेको वातवरणिय असरलाई कसरी सदुपयोग गर्न सकिन्छ त्यसतर्फ खोजीकार्य हुनु पर्ने उहाँ बताउनु हुन्छl नयाँ प्रजातीका बोटबिरुवाहरु जस्तै: फूल,जडिबुटि,तरकारी सम्बन्धि अनुसन्धान र बिस्तार कसरी गर्न सकिन्छ यसतर्फ केहि कामगर्ने मन भएको समेत उहाले बताउनु भयो । यसैबिच हाल उहाँ रेडिङ्ग युनिभर्सिटिमा (आंसिक रुपमा ) सामुदायिक अनुसन्धानकर्ताको भूमिकामा रहेर काम गर्दै आउनु भएको छ। यसअघि एकिकृत अनुसन्धान तथा बिकास केन्द्र, युके सिआईसि संस्थाको स्थापना र कार्यक्रम बिस्तारमा उहाँको अग्रणी भूमिका रहेको थियो र यो संस्थाले ईसं २०१३ देखि वर्कशायरको रेडिङ्गमा बिभिन्न कार्यक्रम बिस्तार तथा फोहरमैला व्यवस्थापनमा कामगर्दै आएको छ। उहाँको स्थानीय समुदायसंग काम गर्दाको अनुभव समेत समेटिएको ‘मानव शरीर, खानपान र व्यायाम’ नामक एक पुस्तक प्रकाशित गर्नु भएको छ। (उज्यालो समाचार डटकम)
शीतलपाटीन्युज डटकम। काठमाडौं। प्रहरी महानिरीक्षक बसन्त बहादुर कुँवर इन्टरपोलको ९२ औं महासभामा सहभागी हुन आइतबार बिहान संयुक्त राज्य बेलायततर्फ प्रस्थान गर्नुभएको छ। इन्टरपोल महासचिवालयको आयोजनामा संयुक्त राज्य बेलायतको ग्लास्गोमा कात्तिक १९ देखि २२ गतेसम्म संचालन हुने उक्त महासभामा सहभागी हुन प्रहरी महानिरीक्षक कुँवर बेलायततर्फ प्रस्थान गर्नुभएको हो। National Central Bureau (NCB) नेपालका प्रमुख समेत रहनुभएका प्रहरी महानिरीक्षक कुँवरसँग महासभामा सहभागी हुन सशस्त्र प्रहरी नायव महानिरीक्षक अन्जनी कुमार पोखरेल र इन्टरपोल शाखाका प्रमुख प्रहरी उपरीक्षक कोमल शाह समेत त्यसतर्फ प्रस्थान गर्नुभएको छ। उहाँहरूलाई प्रहरी अतिरिक्त महानिरीक्षक, प्रहरी नायव महानिरीक्षक लगायत वरिष्ठ प्रहरी अधिकृतहरूले त्रिभुवन अन्तर्राष्ट्रिय विमानस्थल गौचरमा शुभकामना सहित हार्दिक बिदाइ गर्नुभयो। इन्टरपोलका सबै १९६ सदस्य राष्ट्रहरूका प्रतिनिधिहरू सहभागी हुने उक्त महासभामा इन्टरपोलका महत्वपूर्ण नीतिगत विषयहरूमा मतदानद्वारा निर्णय गरिने प्रावधान अनुसार नेपालले पनि मतदानहरूमा भाग लिनेछ । उक्त महासभामा इन्टरपोल र विश्व स्वास्थ्य संगठन (WHO) बीचको सहयोग सम्झौता, आतंकवाद रणनीति र परिचालन, इन्टरपोलको विश्लेषणात्मक क्षमताहरूलाई सुदृढ गर्न एकीकृत रणनीति, बाल यौन दुर्व्यवहार सामग्री प्रकाशित गर्ने वेबसाइटहरूको सूची (IWOL) तथा निजी संस्थाहरू बीचको सहकार्य, digital evidence मा कानूनी पहुँच, इन्टरपोलको संविधान संशोधनको लागि विभिन्न देशहरूबाट पेश गरिएका प्रतिवेदनहरू, annual financial report and financial statements 2023, programme of activities and draft budget for 2025, indications for 2026 and 2027,इन्टरपोलको भवन विस्तार तथा पुनर्निर्माण कार्यक्रम जस्ता विषयहरूमा छलफल तथा महासभामा कार्यकारी समितिको रिक्त पदहरूमा निर्वाचन समेत हुने कार्यक्रम रहेको छ। साथै प्रहरी महानिरीक्षक बसन्त बहादुर कुँवरको नेतृत्वमा सहभागि हुने प्रतिनिधी मण्डलद्वारा मित्रराष्ट्रहरू चीन,दक्षिण कोरिया,अमेरिका,कतार र यूएईका प्रतिनिधीहरूसँग समसामयिक विषय तथा अन्तर्राष्ट्रिय प्रहरी समन्वयमा थप प्रभावकारी बनाउने लगायतका विषयहरूमा छलफल तथा द्विपक्षीय बैठक हुने कार्यक्रम रहेको छ। प्रहरी महानिरीक्षक बसन्त बहादुर कुँवरको अनुपस्थितिमा प्रहरी अतिरिक्त महानिरीक्षक टेक प्रसाद राईले नेपाल प्रहरी प्रधान कार्यालयको दैनिक प्रशासनिक कामकाजको जिम्मेवारी सम्हाल्नु हुनेछ। नेपाल प्रहरी फेसबुकवाल।।
शीतलपाटीन्युज डटकम। लन्डन। नेपालमा पहिलो पटक सुन्दर पर्यटकीय नगर पोखरामा अन्तरराष्ट्रिय बेलुन महोत्सव हुने भएको छ।पोखरामा विगत ६ वर्षदेखि हट एअर बेलुन सञ्चालन गर्दै आएको बेलुन नेपालको आयोजनामा आगामी डिसेम्बर अन्तिम साता हुने महोत्सवको तयारी भै रहेको छ । आयोजक बेलुन नेपाल र इभेन्ट संयोजक करिज्माटिक इभेन्टका प्रतिनिधिले लन्डन ब्ल्याकहिथस्थित एभरेष्ट इन रेष्टुरेन्टमा बेलायतको नेपाली समुदायका अगुवाहरु माझ महोत्सवबारे जानकारी गराएका थिए। डिसेम्बर २४ तारिख शुरु हुने ९ दिने महोत्सव जनवरी १ तारिख अंग्रेजी नयाँ वर्षका दिन समापन हुनेछ । महोत्सवको संयोजक कम्पनी करिज्म्याटिक इन्टरटेनमेन्टका प्रमुख सुरेश तण्डुकारले नेपालमै पहिलोपटक आयोजना हुन लागेको अन्तरराष्ट्रिय बेलुन महोत्सव सफल बनाउन तीव्र तयारी भइरहेको जानकारी गराए।महोत्सवमा नेपालसहित विभिन्न २० बढी मुलुकबाट १ लाख ५० हजार बढीको सहभागिता अपेक्षा गरिएको छ। ५ सय रोपनी क्षेत्रफलमा आयोजना हुने महोत्सवका लागि राष्ट्रिय तथा अन्तराष्ट्रिय गरी ३० भन्दा बढी हट एअर बेलुनहरु व्यवस्था गरिएको छ। महोत्सवमा हट एअर बेलुन उडानका लागि बेलायत, स्पेनहित युरोपेली देशहरुबाट समेत दक्ष र अनुभवी बेलुन पाइलटहरु ल्याइने तण्डुकारले कार्यक्रममा बताएका थिए। उडान र कार्यक्रमका समयका लागि हेल्थ एण्ड सेफ्टीका लागि समेत भरपर्दो प्रबन्ध मिलाइएको भन्दै उनले यात्रुको लागि २० हजार डलरको बीमा गराइने जानकारी दिए।महोत्सवमा खाना,व्यापार तथा खेलकुद लगायतका विभिन्न १ सय बढी स्टल रहनेछन् भने २० भन्दा बढी राष्ट्रिय स्तरका चर्चित कलाकारले मनोरञ्जनात्मक प्रस्तुतिहरु दिनेछन्। चिनियाँ कम्पनी बी वाई डी प्रमुख प्रायोजक रहेको उक्त महोत्सवमा महानायक राजेश हमाल तथा नायिका प्रियंका कार्की कार्यक्रमको ब्रान्ड एम्बेसडर रहेको पनि उनले जनाएका छन। कार्यक्रममा बेलुन नेपालका सहसंस्थापक एवम् निर्देशक रहेका बेलायतस्थित व्यवसायी दीपक श्रेष्ठले नेपालको पर्यटन प्रवर्धनमा टेवा पुर्याउनु महोत्सवको प्रमुख लक्ष्य रहेको बताएका थिए। महोत्सवले साहसिक पर्यटन गन्तव्यका रुपमा पोखरामा देश विदेशका थप पर्यटकहरु आकर्षित गर्न सफल हुने विश्वास उनले व्यक्त गरे। ६ वर्षअघि नेपालमै पहिलो पटक सञ्चालन गरिएको हट एअर बेलुन हालसम्म पूर्ण सुरक्षित रहेको जनाउँदै श्रेष्ठले निर्धक्क बनेर महोत्सवमा सहभागी हुन र बेलुन उडानको आनन्द लिन सबैलाई आग्रह गरेका छन। हटएअर बेलुन उदाउँदा हामीले यात्रु तथा चालकको सुरक्षालाई
शीतलपाटीन्युज डटकम। लण्डन । गैरआवासीय नेपाली संघ (एनआरएनए) का उपाध्यक्ष डा. हेम राज शर्मा यूएईस्थित नेपाली समुदायका सदस्यहरूसंग दुवईमा सम्पन्न अन्तरक्रिया कार्यक्रममा सहभागी भएका छन्। संघको स्थापना दिवसको औपचारिक कार्यक्रम सम्पन्न गरी काठमाण्डौंबाट दुवई पुगेका डा. शर्माले गैरआवासीय नेपालीहरूको विविध समस्याहरूको समाधानमा संघले गर्ने भूमिकाबारे स्पष्ट पारे। मंगलवार यूएईको प्रमुख व्यावसायिक शहर दुवईमा आयोजित उक्त कार्यक्रममा एनआरएनए यूएईका अध्यक्ष विकास शाही तथा संघका सचिव मनोज श्रेष्ठले डा. शर्मालाई स्वागत गर्दै सम्मान प्रकट गरे। यो अवसरमा गैरआवासीय नेपालीहरूको मुद्धा र वर्तमान अवस्थामा संघको भूमिकाबारे महत्वपूर्ण छलफल गरियो। कार्यक्रमलाई सम्बोधन गर्दै डा. हेम राज शर्माले एनआरएनएको स्थापनादेखि हालसम्म संघले गरेका विविध कार्यहरूको चर्चा गरे। उनले विदेशमा रहेका नेपालीहरूको आर्थिक, सामाजिक र सांस्कृतिक समस्याहरूको समाधानमा संघको सक्रियता अझै बढाउने प्रतिबद्धता जनाए। “एनआरएनए हाम्रो साझा संस्था हो, र यसले विदेशमा रहेका नेपालीहरूको हक, हित र अवसरलाई प्रवर्द्धन गर्न सधैं क्रियाशील छ,” डा. शर्माले भने। डा. शर्माले गैरआवासीय नेपालीहरूलाई आफ्नो योगदान र अनुभवको माध्यमबाट संघलाई सहयोग गर्न आह्वान गरे। उनले भविष्यमा यस्ता अन्तरक्रियाहरूलाई निरन्तरता दिनुपर्नेमा जोड दिँदै, विदेशमा रहेका नेपालीहरूको एकता र योगदानले मातृभूमिमा सकारात्मक प्रभाव पार्ने विश्वास व्यक्त गरे। उनले नेपाल र विदेशमा रहेका नेपाली समुदायलाई एक आपसमा जोड्न एनआरएनएले पुलको रूपमा कार्य गरेको उल्लेख गर्दै, यसलाई अझ सशक्त बनाउन सबैको सहभागिता र सहयोग आवश्यक रहेको बताए। कार्यक्रममा सहभागी भएका एनआरएनएका अन्य पदाधिकारी र सदस्यहरूले पनि आ–आफ्ना धारणा व्यक्त गरेका थिए। आइसीसी सदस्य पुस्कर सापकोटाले संघले दीर्घकालीन विकास योजनाहरू अघि सार्नुपर्ने आवश्यकता औंल्याए। एनआरएनए यूएईका अध्यक्ष विकास शाहीले गैरआवासीय नेपालीहरूको भलाइ र सशक्तिकरणका निम्ति एनआरएनए यूएईले अन्य शाखाहरू र मातृसंस्थासंग सहकार्य गरिरहने वाचा गरे। कार्यक्रममा एनआरएनए युएईका पूर्वअध्यक्ष ठाकुर प्रसाद ढुंगानाले स्वागत मन्तव्य दिदैं संघभित्र एकताको विकल्प नरहेको बताउँदै सके सम्म छिटो टुंग्गोमा पुराउनु पर्ने बताए । कार्यक्रममा बोल्ने बक्ताहरुले संस्थाभित्र सहमति, सह्कार्य, एकताको अवस्यकता रहेको औंल्याए। (नेपालब्रिटेन डटकमबाट)
शीतलपाटीन्युज डटकम। लन्डन–काभ्रे सोसाइटी यूकेले गत महिना आएको बाढीपहिरोबाट प्रभावित जिल्लावासीलाई सहयोग गरेको छ। बाढीपहिरोमा परी मृत्यु हुने जिल्लाका जम्मा ७९ जनाको परिवारलाई आर्थिक सहयोग गरिएको हो। बाढीपहिरोबाट गृहजिल्लामा ठूलो क्षति पुगेपछि अध्यक्ष नारायण फुयांल नेतृत्वको काभ्रे सोसाइटी यूके टीमले सहयोग अभियान सञ्चालन गरेको थियो। जसको संयोजन सल्लाहकार तस्विर लामाले गरेका थिए। काभ्रे सोसाइटी यूकेका कोषाध्यक्ष जीवन थापाले वाढीपहिरोमा परेर निधन भएका व्यक्तिका आफन्तलाई नगद रकम उपलब्ध गराएको बताए। प्रति व्यक्ति १२ हजार ७ सयका दरले निधन भएका ७९ जनाका आफन्तलाई रकम हस्तान्तरण गरिएको उनले बताए। उक्त कार्यका लागि उद्योग बाणिज्य संघ पनौतीका अध्यक्ष भोला थापा र महासचिव महेश पौडेलले समन्वय गरिरहेका छन्। सहयोग रकम पालिका,वडा तथा मृतक व्यक्तिका घरघर पुगेर समेत हस्तान्तरण गरिएको छ। सहयोग हस्तान्तरणको पहिलो दिन बेथानचोक र पनौती क्षेत्रका पीडितका आफन्तलाई उपलब्ध गराइएको छ भने बाँकी पीडितहरुलाई पालिका, वडा तथा पायक पर्ने विभिन्न स्थानबाट उपलब्ध गराइने कोषाध्यक्ष थापाले बताउनु भएको छ। पनौती उद्योग बाणिज्य संघका अध्यक्ष भोला थापाले काभ्रे सोसाइटी यूकेको सहयोगमा पनौती उद्योग बाणिज्य संघका तर्फबाट योगदान गर्न पाएकोमा खुशी व्यक्त गरका छन्। सहयोग हस्तान्तरणका क्रममा बेथानचोक गाउँपालिकाका अध्यक्ष भगवान अधिकारी, उपाध्यक्ष तारा राना तिमल्सिना,प्रमुख प्रशासकीय अधिकृत राजेन्द्र भण्डारीसहित वडा अध्यक्षहरुको सहभागिता थियो। पनौती १० का वडा अध्यक्ष मोहन भण्डारी,१२ का अध्यक्ष जयराम केसी सहितको उपस्थितीमा पीडितहरुलाई राहत उपलब्ध गराइएको हो।
