मिलन र आरकेको अर्को गीत ‘बिर्सनलाई सकिन नानी’ बजारमा सार्वजनिक

शीतलपाटीन्युज डटकम।
लण्डन।गोर्खा मिडियाका प्रबन्ध निर्देशक मिलन गुरुङ र कलाकार आरके गुरुङको प्रस्तुति ‘बिर्सनलाई सकिन नानी’ बोलको म्युजिक भिडियो बजारमा आएको छ।

आरके युट्युब च्यानलमार्फत शुक्रबार गीतको म्युजिक भिडियो सार्वजनिक भएको हो। उक्त गीतमा आरके गुरुङ,शीतल गुरुङ,सरिता सारु मगर र सुनिमा गुरुङको आवाज छ। सिताराम परियारको शब्दमा आरके गुरुङले लय भरेको उक्त गीतलाई सुदिप सागरले एरेन्ज गरेका छन्।
प्रिज्म डिजिटल स्टुडियो काठमाडौंमा कमल सिन्जाली र गोविन्दले रेकर्ड गरेको उक्त गीतलाई मिक्सिङ श्यामस्वेत रसाइलीले गरेका छन्। सात मुहाने तमू समाजको घर र सिकाली चौरमा गीतको भिडियो छायांकन गरिएको हो। 

दिप गुरुङले निर्देशन गरेको उक्त भिडियोमा अञ्जु गुरुङ, जुना गुरुङ,आनन्द गुरुङ र मनोज गुरुङले अभिनय गरेका छन्। छायांकनमा सम्पूर्ण तमू समाज काठमाडौंको आमा टोलीले पनि सहयोग गरेको मिलन तमूले बताए।

(Gurkha Media)