हिरासतमा रहेका व्यक्तिहरुको मानवअधिकारको पूर्ण प्रत्याभूति हुने गरी व्यवस्थापन गरेका छौँ : आईजीपी दीपक थापा

शीतलपाटीन्युज डटकम।
काठमाण्डौ। प्रहरी महानीरिक्षक दीपक थापाले हिरासतमा रहेका व्यक्तिहरुको मानवअधिकारको पूर्ण प्रत्याभूति हुने गरी व्यवस्थापन गरेको दाबी गर्नु भएको छ।

आइतबार सिंहदरबारमा बसेको प्रतिनिधि सभाअन्तर्गतको कानून,न्याय तथा मानव अधिकार समितिको बैठकमा उहाले हिरासतमा रहेका व्यक्तिहरुलाई आधारभूत आवश्यकता अन्तर्गत गाँस, बास र कपासको व्यवस्थापन गरेको बताउनु भएको हो।

उहाले देशभरका विभिन्न स्थायी तथा अस्थायी इकाइहरुबाट अभियुक्तमाथि मुद्दा चलाउने गरेको बताए। प्रहरीको कतिपय इकाइमा भौतिक संरचना नभएका कारण थुनुवा राख्न समस्या रहेको उहाको भनाइ छ।