३१ जेष्ठ, २०८२
शीतलपाटीन्युज डटकम।
अमेरीका। अमेरिकाका लागि महामहिम नेपाली राजदूत लोकदर्शन रेग्मीले अमेरिकी राष्ट्रपति डोनाल्ड ट्रम्पसमक्ष आफ्नो ओहोदाको प्रमाणपत्र पेस गरेका छन् ।गत बुधबार ११ जुन २०२५ मा राष्ट्रपतिको कार्यालय ह्वाइट हाउसमा आयोजित एक समारोहमा राजदूत रेग्मीले ओहोदाको प्रमाणपत्र पेस गरेको कुरा अमेरीकास्थित नेपाली नियोगले जनाएको छ ।
कार्यक्रममा राजदूत रेग्मीले नेपालका राष्ट्रपति, प्रधानमन्त्री र नेपाली नागरिकका तर्फबाट राष्ट्रपति ट्रम्पको सुस्वास्थ्य,खुसी र सफल कार्यकालको कामना गरेको समाचार छ।
राजदूत रेग्मीले ओहोदाको प्रमाण बुझाउदै नेपाल र अमेरिका बीचको द्विपक्षीय र पारस्परिक सम्बन्ध निरन्तर वृद्धि र मजबुत हुने विश्वास व्यक्त गरेका थिए।
राष्ट्रपति ट्रम्पले राजदूत रेग्मीलाई अमेरिकामा स्वागत गर्दै नयाँ दायित्व बहन गरेकोमा बधाई ज्ञापन गरेको समाचार छ। राष्ट्रपति ट्रम्पले अमेरिकी सरकार दुई देशबीच सामूहिक चासोका साथ सहकार्यमार्फत सुमधुर र पारस्परिक सम्बन्ध थप मजबुत बनाउन प्रतिबद्ध रहेको बताएका थिए।
महामहिम राजदुत रेग्मी यस पुर्व बेलायतका राजदुत थिए।
