GNNNEWS- काठमाडौं । सर्वोच्च अदालतको गत चैत्र २१ गतेको परमादेश अनुसार गैरआवासीय नेपाली संघ (एनआरएनए) को एकता महाधिवेशन गराउन गठित उच्चस्तरीय समितिले सदस्यता वितरण लगायतका कार्यहरू सहज बनाउन आफ्नै वेबसाइट सार्वजनिक गरेको छ। नयाँ वेबसाइट www.nrnahlc.com मार्फत गैरआवासीय नेपालीहरूलाई सदस्यता नवीकरण तथा नयाँ सदस्यता प्राप्त गर्न सक्ने व्यवस्था गरिएको छ। सदस्यताका लागि आवेदन दिने अन्तिम मिति २८ फेब्रुअरी २०२५ तोकिएको छ । यद्यपि आवश्यक परे उच्चस्तरीय समितिले उक्त मिति थप गर्न सक्नेछ। एनआरएनए सदस्यता शुल्क सम्बन्धित राष्ट्रिय समन्वय परिषद् (एनसीसी) ले तोकेको दरअनुसार निर्धारण गरिनेछ। एनसीसी नभएका देशमा भने उच्चस्तरीय समितिले शुल्क निर्धारण गर्नेछ। नयाँ सदस्य तथा नवीकरण गराएका सदस्यहरूले ३-५ मे, २०२५ मा काठमाडौंमा आयोजना हुने अन्तर्राष्ट्रिय महाधिवेशनमा भाग लिन सक्नेछन्। महाधिवेशनमा सहभागी हुन लाग्ने शुल्क समितिले तोकेको दरअनुसार हुने छ। इच्छुक व्यक्तिहरूका लागि समितिले १६ मार्चदेखि ३१ मार्च २०२५ सम्म दर्ता आवेदन खुला गर्ने जनाइएको छ। एनआरएनएका पूर्वअध्यक्ष तथा उच्चस्तरीय समितिका अध्यक्ष डा. शेष घलेले गैरआवासीय नेपालीहरूलाई सदस्यता लिन आग्रह गरेका छन्। उनले भने, "नोभेम्बर २०२४ यता बसेका उच्चस्तरीय समितिका बैठकहरूको निर्णयअनुसार हामीले सदस्यता खुला गरेका छौं। यस पटक सम्पूर्ण सदस्यहरूले प्रत्यक्ष रूपमा काठमाडौंमा भेला भएर अन्तर्राष्ट्रिय समिति चुन्ने ऐतिहासिक अवसर पाउनेछन्। त्यसैले, गैरआवासीय नेपाली संघलाई एकताबद्ध गर्न सबैलाई सदस्यता लिन अपिल गर्दछु।" "आगामी मे महिनामा आयोजना हुने अन्तर्राष्ट्रिय महाधिवेशनले एनआरएनएमा निष्पक्षता, पारदर्शिता तथा प्रजातान्त्रिक सुशासन सुनिश्चित गर्नेछ। नयाँ विधान तथा नेतृत्व निर्माण गर्न हामी सबैले महाधिवेशनलाई उत्सवको रूपमा मनाउनु आवश्यक छ," उनले भने।
GNNNEWS- लन्डन। न्यू योर्कमा कार्यरत नेपाली मूलका बैंकर प्रवेश रिजालले गत अक्टोबर २०२३ मा हमासको आक्रमणमा परी मारिएका १० नेपाली विद्यार्थीहरूको सम्झनामा इजरायलको एक किब्बुजमा मैनबत्ती बालेर श्रद्धाञ्जली अर्पण गरेका छन्। गत मंगलबार इजरायलको दक्षिणी क्षेत्रमा रहेको किब्बुज अलुमिममा आयोजित एक स्मृति कार्यक्रममा न्युयोर्कस्थित क्रस रिभर बैंकको क्वान्टिटेटीभ स्ट्राटेजीज विभागको प्रमुख समेत रहेका रिजालले प्यालेस्टिनी उग्रवादी समूह हमासले अपहरण गरेका नेपाली नागरिक बिपिन जोशीको सुरक्षित मुक्तिका लागि पनि आग्रह गरे। नेपाली लगायत हमास आक्रमणमा मारिएका सबै व्यक्तिहरूको सम्झनामा आयोजित उक्त कार्यक्रममा बोल्दै रिजालले भने, “त्यही ठाउँमा उभिनु जहाँ हाम्रा १० नेपाली दाजुभाइहरूले ज्यान गुमाएका थिए, अत्यन्त पीडादायक अनुभूति हो। तर यो क्षण नेपाल र इजरायलबीचको सहानुभूति र ऐक्यबद्धताको प्रतीक पनि हो।” रिजालले थपे, "हामीले गुमाएका आफन्तहरूको सम्झनामा श्रद्धाञ्जली अर्पण गर्दा मेरो मन अझै भारी छ। किनकि अझै पनि थुप्रै निर्दोष नागरिक हमासको कब्जामा छन्, जसमा नेपाली नागरिक बिपिन जोशी पनि छन्। उनी इजरायल आइपुगेको केही हप्तामै १५ जना नेपालीहरूलाई बचाउने प्रयासका क्रममा अपहरणमा परे। उनको सुरक्षित फिर्तीका लागि हामी प्रार्थना गर्छौं र सबै निर्दोष बन्धकहरूको रिहाइका लागि विश्व समुदायले ऐक्यबद्धता जनाउनुपर्छ।” रिजालले हमासको आक्रमणमा परी ज्यान गुमाएका नेपाली विद्यार्थीहरूलाई स्मरण गर्दै भने, “नेपाली युवा विद्यार्थी यहाँ अध्ययन, प्रगति, र भविष्य निर्माण गर्ने आशासहित आएका थिए। उनीहरूको सपना एक क्षणमै ध्वस्त पारियो। तर आज यी मैनबत्तीहरू बालेर हामी सुनिश्चित गर्न चाहन्छौं कि उनीहरूको सम्झना कहिल्यै मेटिने छैन। उनीहरूका परिवारहरूको हृदयमा र शान्ति तथा सहनशीलताप्रतिको हाम्रो प्रतिबद्धतामा उनीहरू सदैव जीवित रहनेछन्।” रिजालसँग कुराकानी गर्दै किब्बुजमा नेपाली विद्यार्थीहरूसंगै बसेका र काम गरेका इजरायली नागरिकहरूले उनलाई घटनाको विवरण सुनाउनुका साथै मृतक विद्यार्थीहरूको सम्झना गरेका थिए। उनीहरुले अन्तर्राष्ट्रिय सञ्चारमाध्यमले बिपिन जोशीप्रति थप ध्यान दिनुपर्ने माग पनि गरे।
शीतलपाटीन्युज डटकम। पोखरा। यहि फागनु ३ गते आयोजना हुने १९ औं सस्करणको पोखरा अन्तर्राष्ट्रिय म्याराथनलाई विश्वका विभिन्न देशसहित गैर आवाशिय नेपाली संघ अन्तर्राष्ट्रिय समन्वय परिषदले एक कार्यक्रमका बीच रकम हस्तान्तरण गरेका छन्। प्रदेश खेलकुद परिषद गण्डकी, नेपाल भूतपूर्व खेलाडी मञ्च र बगर भाइखलक पोखराले सोमबार संयूक्त रुपमा आयोजना गरेको सम्मान तथा रकम हस्तान्तरण कार्यक्रममा उनीहरुले सो रकम हस्तान्तरण गरेका हुन्। पोखरामा आयोजित एक कार्यक्रममा सो रकम हस्तान्तरण गरेको संस्थाका अध्यक्ष दिल बहादुर गुरूङले जानकारी दिएका छन्। रकम हस्तान्तरण गर्नेहरुमा गैर आवाशिय नेपाली संघ अन्तर्राष्ट्रिय समन्वय परिषद, फ्रेन्ड्स अफ पोखरा यूएसए, पोखरेली मञ्च यूके,तमु धिं युके, तमु समाज युके,बगर भाइखलक युके,सहारा युके, राम बजार सोसाइटि युके,चन्द्र प्रकाश गुरूङ अस्ट्रेलिया लगायत रहेका छन्। गैर आवाशिय नेपाली संघले तीन वर्षको सम्झौता अनुरुप ७ लाख ५० हजार परिषदकी महिला सचिब टिका गुरूङ र परिषदका सदस्य दिलरास गुरूङले हस्तान्तरण गरे। त्यसै गरी फ्रेन्ड्स अफ पोखराको तर्फबाट मञ्चले सुरू गरेको अक्षयकोष स्थापनार्थ नगद १० लाख पोखरा अन्तर्राष्ट्रिय म्याराथन युएसएका संयोजक सोम गुरूङ र संयोजक यम पौडेले हस्तान्तरण गरेका थिए। पोखरा अन्तर्राष्ट्रिय म्याराथनको अन्तर्राष्ट्रिय पार्टनर सस्थाको तर्फबट नगद ५ लाख ५० हजार मञ्चका अध्यक्ष करम गुरूङले हस्तान्तरण गरे। तमु समाज युकेले सहयोग गरेको ५० हजार वरिष्ठ उपाध्यक्ष भिम बहादुर गुरूङले हस्तान्तरण गरेका थिए। १९ औं संस्करणको पोखरा अन्तर्राष्ट्रिय म्याराथनका लागि अस्ट्रेलियाका संयोजक चन्द्र प्रकाश गुरूङ सामाजिक सञ्जाल लगायत अन्य सहयोगीहरुबाट संकलित नगद रु ३ लाख ६५ हजार २८८ रुपैयाँ हस्तान्तरण गरे। सो अवसरमा बोल्दै एनआरएनए आइसिसीका महिला सचिव टिका गुरूङले पोखराको प्रवद्र्धनमा म्याराथनको भूमिका महत्वपूर्ण रहेको बताउँदै यस्तो सहयोगलाई निरन्तरता दिने बताइन्। कार्यक्रममा बोल्दै सम्मानित व्यक्तित्व एवं समाजसेवी सूर्य गुरूङले पोखरा अन्तर्राष्ट्रिय म्याराथन खेलकुदको विकासका लागि मात्रै नभई यहाँको आर्थिक उर्पाजनमा समेत उत्तिकै भूमिका खेलेको बताए। कार्यक्रममा आफ्ना भनाई राख्दै तमु धि यूकेका संस्थापक अध्यक्ष मिन प्रसाद गुरूङले २० वर्ष आफू सम्मानित हुन पाउँदा गौरव लागेको बताउँदै खेलकुद र सामाजिक क्षेत्रको विकासमा तमु धिंको योगदान योगदान महत्वपूर्ण रहेको बताए। पोखरा अन्तर्राष्ट्रिय म्याराथन अन्तर्राष्ट्रिय पार्टनर संस्था
शीतलपाटीन्युज डटकम। पोखरा। कास्कीको पोखरा महानगरपालिका-९ बसपार्कमा संचालनमा रहेको साहारा बालआधारभूत विद्यालयमा साहारा यूकेले लाईब्रेरी निर्माण गरी हस्तान्तरण गरेको छ।साहारा यूकेका अध्यक्ष कृष्ण गुरुङले मंगलबार एक समारोहबीच पुस्तकालय उद्घाटन गरी शुभारम्भ गर्दै हस्तान्तरण गरेका हुन्। बिध्यालय ब्यबस्थापन समितीको अध्यक्ष बिक्रम थकालीको अध्यक्षमा भएको सो हस्तान्तरण कार्यक्रममा सम्बोधन गर्दै साहारा यूकेका अध्यक्ष कृष्ण गुरुङले विद्यालयमा पुस्तकालय स्थापना गर्नमा प्रत्यक्ष-अप्रत्यक्ष सहयोग पुर्याउने सबैप्रति धन्यवाद दिए। उनले विद्यालयले आफूहरुलाई दिएको सम्मानप्रति पनि आभार प्रकट गरे। उनले विद्यार्थी भाइबहिनीहरुलाई नआत्तिन र शिक्षकहरुको आग्रहलाई मानेर अगाडि बढ्न सुझाव दिए। यस्तै तमु धीं यूकेका अध्यक्ष जुमकाजी गुरुङले संस्थाको तर्फबाट विभिन्न क्षेत्रमा सहयोग गरेको उल्लेख गर्दै साहारा बाल आधारभुत माविलाई पनि सहयोग गर्ने प्रतिबद्धता जनाए। विद्यालयका प्रधानाध्यपाक लोचना कुमारी अधिकारीले स्वागत मन्तव्य व्यक्त गरेको सो कार्यक्रममा पोखरा महानगरपालिका वडा नं ९ का बडाध्यक्ष मर्सानिले आफ्नो कार्यछेत्र भित्र आफुले चाहेको जस्तै लाईब्रेरी बनेकोमा सहयोगदातालाई धन्यवाद दियका थिए। पुस्तकालय ३ लाख रुपैयाँ लागतमा निर्माण गरिएको हो। उक्त आर्थिक सहयोग संकलन गर्न सहारा यूकेका उपाध्यक्ष शारदा गुरुङले संयोजन गरेका थिए। जसमा साहारा युकेका पदाधिकारी,कार्यसमिति सदस्य लगायत ४६ जनाले सहयोग गरी बनाईएको पुस्तकालयमा कम्प्युटरसाइज्ड प्रविधिसमेत जडान गरिएको छ। कार्यक्रममा साहारा पोखराका अध्यक्ष केशव राज बराल,मुधीं यूकेका अध्यक्ष जुमकाजी गुरुङ,निवर्तमान अध्यक्ष हरि गुरुङ,एनआरएनए युके एवम तमुधि युके पूर्वअध्यक्ष हितकाजी गुरुङ,संस्थापक अध्यक्ष मिनप्रसाद गुरुङ,एनआरएनए पूर्वअध्यक्ष सूर्य गुरुङ,वर्तमान उपाध्यक्ष परशु गुरुङ, सहारा यूकेका उपाध्यक्ष शारदा गुरुङ,महासचिव क्या पिताम्बर गुरुङ,कोल्मा बहाकोट समाज यूकेका अध्यक्ष चन्द्र गुरुङ,सार्दिखोला समाज यूकेका अध्यक्ष अमृत गुरुङ,बगर भाइ खलक यूकेका निवर्तमान अध्यक्ष दिलरास गुरुङ,पोखरा ९ का वडाध्यक्ष दिपेन्द्र मर्सानी,गोर्खा मिडियाका प्रबन्ध निर्देशक मिलन तमु,शितलपाटी अनलाइनका सम्पादक वाचस्पति रेग्मी,तमु धीं यूके र सहारा यूकेका सल्लाहकारहरु,कार्यसमिति सदस्यहरु,विद्यालयका कर्मचारीहरु, विद्यार्थीहरु, स्थानीयबासी,सञ्चारकर्मी लगायतको उपस्थिति थियो।
शीतलपाटीन्युज डटकम। काठमाडौं । प्रधानमन्त्री केपी शर्मा ओलीले नेपाल प्रहरी र नेपाली सेनाका केही अधिकृतमा आफ्नो स्वार्थका लागि विरोधीसँग साँठगाँठ गर्ने अशोभनीय प्रवृत्ति रहेको आरोप लगाउनु भएको छ । भृकुटीमण्डपस्थित नेपाल पुलिस क्लब परिसरमा निर्मित 'द ब्लु प्याभिलियन' भवनको उद्घाटन गर्दै प्रधानमन्त्री ओलीले देश र जनताको सुरक्षाका लागि लडिरहँदा प्रहरी र नेपाली सेनाका कतिपय अधिकृतले आफ्नो दुनो सोझ्याउन विरोधीसँग साँठगाँठ गर्ने गरेको टिप्पणी गर्नुभयो । प्रधानमन्त्री ओलीले कुनै पनि प्रकारको दबाब र भनसुनमा नपरेर प्रमाण र तथ्यमा आधारित न्यायसङ्गत अनुसन्धान गर्न पनि नेपाल प्रहरीलाई आग्रह गर्नुभयो। प्रहरी ठीक ढंगले चले सरकारका तर्फबाट कुनै हस्तक्षेप नहुने भन्दै उहाँले त्रसित नभई न्याय स्थापनामा दृढ भएर काम गर्नुपर्ने बताउनुभयो । प्रधानमन्त्री ओलीले तस्कर, भ्रष्ट र ठगहरूमाथि अनुसन्धान गर्दा उल्टै उनीहरूका हप्की सुन्नुपर्ने अहिलेको प्रवृत्तिबाट प्रभावित नभई निर्धक्क काम गर्नसमेत प्रहरीलाई आग्रह गर्नुभयो । कार्यक्रममा गृहमन्त्री रमेश लेखकले नेपाल प्रहरी ऐन संशोधनका लागि विधेयक संसदमा पेस भएको भन्दै त्यसमा आउने रचनात्मक सुझावलाई समावेश गरेर छिटो पारित गर्ने आश्वासन दिनुभयो । २०७७ जेठ ११ गते शिलान्यास भएको प्याभिलियन भवन ७५ करोड ८७ लाखमा निर्माण गरिएको नेपाल प्रहरीले जानकारी दिएको छ।
शीतलपाटीन्युज डटकम। कार्डिफ,वेल्स। ८ फेब्रुवरी २०२५, शनिवारका दिन नेपाली समाज वेल्स यूकेको आठौँ महाधिबेशन भब्य रुपमा सम्पन्न भएको छ। संस्थाकी अध्यक्ष श्रीमती लक्ष्मी केसीले अध्यक्षता गर्नुभएको उक्त कार्यक्रममा सचिब श्रीमती शोभा राणा पोखरेलले उपस्थित सम्पूर्ण सदस्य महानुभाबप्रति स्वागत तथा धन्यवाद ज्ञापन गर्नु भएको थियो। संस्थाका सदस्य महानुभाबहरुको उल्लेख्य मात्रामा सहभागिता रहेको संस्थाको आठौँ महाधिबेशनमा सचिब श्रीमती पोखरेलले संस्थाले सातौँ महाधिबेशन देखि आठौँ महाधिबेशन सम्म भए गरेका कार्यक्रमहरुको प्रगति विवरणको प्रतिबेदन पेश गर्नु भएको थियो। त्यस्तै गरि संस्थाका कोषाध्यक्ष सन्जिब मैनालीले संस्थाको आर्थिक र सहकोषाध्यक्ष श्रीमती कल्पना कन्दंवाले भौतिक सम्पति बिबरण प्रतिबेदनका रुपमा प्रस्तुत गर्नु भयको थियो। भेलाले संस्थाको आर्थिक प्रतिबेदन सर्बसम्मत रुपमा पास गरेको थियो।संस्थाका विभिन्न बिभागहरुका तर्फबाट बिभागिय प्रतिबेदनहरु प्रस्तुत गरिएको थियो। नेपाली भाषा तथा पाठशाला बिभाग डा बिकाश रानाभाट,कार्यक्रम तथा खेकुद बिभाग श्रीराम थापा मगर,कला तथा संस्कृति बिभाग भोज नारायण रेग्मी समेतले आआफ्नो विभागको प्रतिबेदन भेलामा प्रस्तुत गर्नु भयो। भेलाले सम्पूर्ण प्रतिबेदन सर्ब सम्मत रुपमा पास गर्यो। बिधान संशोधन समितिका संयोजक डा अमर मल्लले नेपाली समाज वेल्स,यूकेको विधान सम्बन्धि आएका सुझाबहरु भेलामा प्रस्तुत गर्नुभयो। भेलाले मल्लद्वारा प्रस्तुत भएको सुझाबहरु उपर बृहत छलफल पछि आवश्यक कार्य गर्ने गरि महाधिबेशनले पास गर्यो। अध्यक्ष श्रीमती लक्ष्मी केसीले गत २ बर्षमा भए गरेका कार्यक्रमहरुको हाईलाइट प्रस्तुत गर्दै यस अबधिमा संस्थाको कार्यक्रमहरु सफल पार्न सहयोग पुर्याउनु हुने सम्पूर्ण महानुभाबहरु प्रति हार्दिक आभारका साथ धन्यवाद व्यक्त गर्नु भएको थियो। संस्थाले हालसम्म गरेको प्रगतिमा खुशी ब्यक्त गर्दै आगामी कार्यसमितिले संस्थाको गौरब अझै उचो बनाउने आशा र भरोसा व्यक्त गर्दै आफ्नो कार्यसमिति बिघटन भएको घोषणाका साथ संस्थाको संशोधित "बिधान २००९", निर्वाचन समितिको नियमावली र सुचना अन्तर्गत रहेर नयाँ कार्यसमिति चयन गर्नका लागि निर्वाचन समितिलाई अनुरोध गर्नुभयो। संस्थाका सल्लाहकार एवं पुर्ब अध्यक्ष राम चन्द्र पोखरेल प्रमुख रहनु भएको निर्वाचन समितिमा सदस्य द्वय प.डा. थानेश्वर पाण्डेय र चक्र बहादुर गुरुङले संस्थाका पंजीकृत सदस्य महानुभाबहरु मध्येबाट ११ सदस्यीय नयाँ कार्य समिति निर्बिरोध रुपमा छनौट भएको जानकारी गराउनु भयो। नव निर्वाचित कार्यसमितिमा पदम पुन अध्यक्ष,श्रीमति शोभा राणा
शीतलपाटीन्युज डटकम। काठमाडौँ। दिल्ली विधानसभा चुनावको मतगणनामा आम आदमी पार्टीका सबैभन्दा ठुला नेता अरविन्द केजरीवालले अग्रता बनाएका छन्। निर्वाचन आयोगका अनुसार प्रारम्भिक मतगणनामा केजरीवालले नयाँ दिल्ली सिटमा अग्रता बताएका हुन्। यस सिटमा उनी भाजपाका प्रवेश वर्मा र कांग्रेसका सन्दीप दीक्षितसँग प्रतिस्पर्धा गर्दैछन्। यद्यपि, यी सबै प्रारम्भिक नजिता हुन् र धेरै चरणको मतगणना अझै बाँकी छ। बाबरपुर सिटबाट आप नेता गोपाल राय अगाडि छन्। यहाँ उनी भाजपाका अनिल कुमार वशिष्ठ विरुद्ध चुनाव लड्दैछन्। अर्कोतर्फ, ग्रेटर कैलाश सिटबाट सौरभ भारद्वाज अगाडि छन्। यस सिटमा भाजपाकी शिखा रोय पछाडि छिन्। आम आदमी पार्टीका उम्मेदवार तथा पूर्व उपमुख्यमन्त्री मनीष सिसोदिया पनि दिल्लीको जंगपुराबाट अगाडि छन्। जंगपुरा सिटबाट भाजपाका तरविन्दर सिंह मारवाह र कांग्रेसका फरहाद सुरी पछाडि छन्। मनीष सिसोदियाले यसअघि लड्दै आएको पटपडगंज सिट छोडेका हुन् । त्यहाँ आपले अवध ओझालाई टिकट दिएको थियो। पटपडगंजबाट भाजपाका रवीन्द्र सिंह नेगी अगाडि छन्। दिल्ली विधानसभा चुनावपछि आएका अधिकांश एक्जिट पोलहरूमा भाजपाले अग्रता लिने अनुमान गरिएको छ।सुरुवाती रुझानमा पनि भाजपा अगाडि छ। (रातोपाटीबाट साभार)
शीतलपाटीन्युज डटकम। काठमाडौं । नेपाल प्रहरीका ७५ प्रहरी निरीक्षक (इन्स्पेक्टर) प्रहरी नायब उपरीक्षक (डीएसपी) मा बढुवाको लागि सिफारिस भएका छन् । शुक्रबार बसेको बढुवा समितिको बैठकले जनपद प्रहरी समूहतर्फका ७५ इन्स्पेक्टरलाई डीएसपीमा बढुवाको लागि सिफारिस गरेको हो। बढुवा नामावली-
शीतलपाटीन्युज डटकम। पोखरा। पोखरा भ्रमण वर्ष २०२५ को औपचारिक घोषणा समारोह आगामी फाल्गुन पहिलो साता हुने भएको छ। पर्यटन राजधानी पोखरामा करिब २० लाख स्वदेशी तथा विदेशी पर्यटकहरू भित्राउने लक्ष्यका साथ शुभारम्भ गर्न लागिएको पोखरा भ्रमण वर्षको औपचारिक घोषणा समारोह फाल्गुन ३ गते शनिवार पोखरा प्रदर्शनी केन्द्र नयाँबजारमा गर्न लागिएको हो। घोषणा समारोहको तयारीका लागि नगर प्रमुख आचार्यको संयोजकत्वमा १ हजार ५० सदस्यीय मुलआयोजक समिति,आचार्य कै नेतृत्वमा एक निर्देशक समिति र पर्यटन क्षेत्रको प्रतिनिधित्वमा कार्यसम्पादन समिति सहित ४३ वटा उपसमितिहरू गठन गरिएका छन्। यी समिति तथा उपसमितिहरूमा पोखरा महानगर क्षेत्रमा क्रियाशील सरकारी र गैरसरकारी सङ्घसंस्थाका प्रतिनिधिहरू, चार वटै सुरक्षा निकाय,उद्योगी व्यवसायी,सूचना तथा सञ्चार क्षेत्र,राजनीतिक दलका प्रतिनिधिहरू,स्थानीय टोल विकास संस्थाहरू, अधिकारकर्मी तथा नागरिक समाजका प्रतिनिधिहरू लगायतको प्रतिनिधित्व रहेको छ। भ्रमण वर्षका अवसरमा विदेशमा पोखराको प्रवर्द्धन गर्ने गरी सद्भावना दूतहरू समेत घोषणा गर्ने तयारी गरिएको छ। वर्ष भरी पोखराको पर्यटन प्रवर्द्धनात्मक गतिविधिहरू सञ्चालन गरिने छन्। पोखरा महानगरपालिका र गण्डकी प्रदेश सरकारको संयुक्त पहलमा महानगरका ३३ वटै वडाहरूबाट स्थानीय भेषभुषा सहित वृहद झाँकी र्याली निकालिने छ। पोखरा भ्रमण वर्षको औपचारिक घोषणा नेपाल सरकारका उपप्रधान तथा अर्थमन्त्री विष्णु प्रसाद पौडेलले गर्नुहुनेछ। (पोखरा महानगरपालिकाको फेसबुक पेजबाट साभार।
शीतलपाटीन्युज डटकम। लन्डन । गायिका शर्मिला बर्देवा बेलायतको रजिस्टर्ड नर्स हुन्। तर नर्सिङ भन्दा उनको लगाव,तन मन गायनमा छ। गायनमा समर्पणकै कारण करिब ६ महिना नेपाल बस्दा शर्मिलाले ४६ वटा गीत रेकर्ड गरेर लन्डन फर्किएको बताएकि छन् । नेपाल बस्दा उनले करिव ३० वटा आधुनिक-लोक गीत, ५ वटा भजन, ३ नेपाल भाषाका गीत,दुई मूभी गीत,दुईटा राम र गणेश भजन एवं केही गजल पनि रेकर्ड गराएकी छन। कुनै आफ्नै लगानी,कुनै अरुको लगानीमा रेकर्ड भएका हुन् ति गीत । नेपाल बसाइमा उनले धेरै स्टेज शो समेत गरिन् । नयाँ पुरान पुस्ताहरुसँग काम गर्दा आफू एकदम सन्तुष्ट भएको अनुभव पनि उनले सुनाएकि छन। नेपाल छँदा रेकर्ड गरिएका गीतहरु विस्तारै दर्शक श्रोतामाझ आउने क्रम शुरु भएको छ। नयाँ गीत ‘औधी मन पराएँ’ लण्डन आउनासाथ सार्वजनिक भएको छ। शर्मिला र नारायण थापाको स्वर रहेको उक्त गीत म्यूजिक भिडियोसहित सार्वजनिक भएको हो। म्यूजिक भिडियो निर्देशन प्रकाश धितालले गरेका थिए।भिडियोमा प्रतिक्षा काफ्ले र प्रज्वलराज भट्टको अभिनय छ। मिक्सिङ-मास्टरिङ मनोज परियारले गरेका छन्। ‘औधि मन पराएँ…’ गीतको शब्द हर्कबहादुर याक्थुङबा योङहाङले लेखेका हुन् भने संगीत तथा एरेन्ज राजेन्द्र बजगाइँको छ। शर्मिला बर्देवाले गायका गीतहरु अफिसियल यूट्युब च्यानलमा उपलब्ध छ।गायिका बर्देवाले आफ्ना गीत सुनेर मनोरन्जन लिन दर्शक श्रोतालाई आग्रह गरेकि छन। तपाईहरुको निरन्तर माया अनि सद्भाव पाईरहने आसा गरेको उनले बताएकि छन। आगो लाग्यो दिलैमा दमकल बोलाई देउकी चर्चित गायिका बर्देवा हुन। आखैमा झलझली,सजाय काफी हुदैन,आगो लाग्यो दिलैमा जस्ता गीत र हिउचुलीमा हिउ,स्पर्ष,तस्विर मै यस्तो एलवमहरु उनका इतिहास रहेको छ। म्यूजिक भिडियो:
नवराज मैनाली, काठमाडौ। करिब २० वर्ष लामो प्रतीक्षा र प्रयासपछि अन्ततः नेपाल प्रहरीले आफ्नै स्टाफ कलेज स्थापना गरेको छ । उच्च तहका अधिकृतहरूको पदोन्नति र नेतृत्व विकास प्रणाली व्यवस्थित एवं प्रभावकारी बनाउन कलेजको महत्वपूर्ण भूमिका रहने प्रहरी संगठनभित्र विश्वास छ। प्रहरी नेतृत्वका अनुसार अब उच्च पदमा बढुवा हुन कलेजको कोर्स अनिवार्य हुनेछ,जसले बढुवा पारदर्शी र अनुमानयोग्य बनाउनेछ। “फागुनको अन्तिम हप्ता तथा चैतको पहिलो हप्ता प्रवेश परीक्षा सञ्चालन गर्ने र चैतदेखि नै कोर्स सुरु गर्ने तयारी” पुलिस लिडरसिप एन्ड स्टाफ कलेजले मंगलबार स्टाफ कोर्सका लागि १४४ प्रहरी अधिकृतको प्रारम्भिक सूची बनाएर एक साताभित्र प्रवेश परीक्षाका लागि आवेदन माग गरेको छ । उनीहरूमध्ये ३५ जनाले एक वर्षमा ‘पुलिस लिडरसिप एन्ड स्टाफ कलेज (एमपिएस)’ कोर्स गर्न पाउनेछन्। यस्तो कोर्स नगर्ने एसपी र एसएसपीलाई बढुवाको दोस्रो सूचीमा राखिने र त्यसभन्दा माथि बढुवा नहुने मन्त्रिपरिषद्मा रहेको प्रहरी ऐनको विधेयकमा उल्लेख छ। कोर्स लिएका अधिकारीहरूलाई प्रहरी सेवामा गुणात्मक सुधार गर्न, रणनीतिक सोचको विकास लिन र निर्णय क्षमतामा वृद्धि गर्न सहयोग पुग्ने बताइन्छ । ०७० सालको चैतमा भर्ना भएका प्रहरी निरीक्षक आधारभूत तालिमको १५८ तथा पिजी सातौँ ब्याचबाट स्टाफ कलेज लागू गर्ने निर्णय प्रहरीले गरेको छ। यो ब्याचका ६५ जना डिएसपी भइसकेका छन् भने ७९ जना इन्स्पेक्टर छन्। गत ११ पुसमा बसेको पुलिस लिडरसिप एन्ड स्टाफ कलेजको व्यवस्थापन समितिको बैठकले पुलिस लिडरसिप एन्ड स्टाफ कोर्स कार्यप्रणाली–२०८१ र पुलिस लिडरसिप एन्ड स्टाफ कोर्स प्रवेश परीक्षा कार्यादेश–२०८१ स्वीकृत गरेको थियो । त्यससँगै यसको कार्यान्वयन अघि बढेको हो । यही वर्ष फागुनको अन्तिम हप्ता तथा चैतको पहिलो हप्ता प्रवेश परीक्षा सञ्चालन गर्ने र चैतदेखि कोर्स सुरु गर्ने प्रहरी तयारी छ। २० वर्ष अघिदेखि नै प्रहरीमा यस्तो स्टाफ कलेज लागू गर्न छलफल हुँदै आएको थियो । हालका प्रहरी महानिरीक्षक वसन्तबहादुर कुँवरले आफ्नो कार्यकालमा जसरी पनि यसलाई लागू गर्ने बताउँदै एक वर्षदेखि गृहकार्यमा लागेका थिए। स्टाफ कलेजको कोर्स कार्यान्वयनमा गएकोमा उनी खुसी छन्। यसले प्रहरीको नेतृत्व तहमा पुग्ने प्रहरी अधिकृतहरूको क्षमता र दक्षता अभिवृद्धि गर्दै प्रहरीको विद्यमान बढुवा प्रणालीलाई
शीतलपाटीन्युज डटकम। पोखरा। २४ औं सस्करणको आहा रारा पोखरा गोल्डकप मंगलबारबाट पोखरा रंगशालामा सुरू भएको छ। सहारा क्लब पोखराको आयोजना सुरू भएको प्रतियोगिताको उद्घाटन खेलमा आयोजक सहाराले गोल भने गुमाएको छ। साहारा टीम नेपाल पुलिस क्लब संग १–० गोलले पराजित हुँदै सहारा खेलबाटै बाहिरिएको हो। पहिलो हाफको ३६ औं मिनेटमा खेलले पाएको कर्नर किकलाई सदुपयोग गर्दै प्रहरी टीमको खेलाडी उज्वल राईले गोल गरेका थिए। उनको कर्नर किक सोझै दोस्रो बार च्याप्दै गोलमा परिणत हुन पुगेको थियो। सोही गोल नै नेपाल पुलिसका लागि जीतको मुख्य कारण बन्यो। सो गोलका कारण प्रहरीका खेलाडी उज्वल राई खेलको म्यान अफ दि म्याच समेत बने। तीन विदेशी खेलाडी सहित जितको लक्ष्यका साथ मैदानमा उत्रिएको आयोजक टोली साहारा क्लव पहिलो हाफ समयमा धेरै पटक पाएको अवसर खेर गएको थियो। सहारा क्लब पोखराका अध्यक्ष केशवराज बरालको अध्यक्षतामा भएको सो खेल समारोह पोखरा महानगर पालिकाका मेयर धनराज आचार्य प्रमुख अतिथी रहनु भएको थियो। कार्यक्रम उदघाटन गर्दै मेयर आचार्यले आहा रारा गोल्डकप प्रतियोगिताले अन्तर्राष्ट्रियस्तरमा नै छाप छोड्न सफल रहेको बताउँदै पर्यटनको शहर राजधानीलाई खेलकुदको माध्यमबाट चिनाउन अहम भूमिका खेलेको बताउनु भएको थियो। सहारा क्लबका अध्यक्ष बरालको अध्यक्षतामा भएको कार्यक्रममा हिमश्री फुड्सका प्रकाश केसी पनि आहा रारा गोल्ड कप सफलताका बारेमा आफ्ना भनाई राख्नु भएको थियो। यो २४ सौ आहा रारा गोल्डकप भब्य सम्पन्न गर्न बेलायत,हंड्गकंड्ग, अस्ट्रेलियाका साहारा क्लवका सदस्यहरु र तमुधि युकेका अध्यक्ष जुमकाजी गुरुड्गको नेतृत्वमा जम्बो टोली र साहारा क्लव युके अध्यक्ष कृष्ण गुरुड्गको नेतृत्वमा पनि सबभागी भयको छ। सो आहा रारा गोल्डकपका अवसरमा नेपाली फुटबल राष्ट्रिय खेलाडी सनिष श्रेष्ठलाई नगद ५० हजार ५ सय सहित सम्मान गरिएको थियो । सो रकम पूर्व राष्ट्रिय खेलाडी एवं सहाराका मानार्थ सदस्य खेम बहादुर गुरूङले प्रायोजन गर्नु भएको थियो। उद्घाटन कार्यक्रममा यूकेको आर्मी व्रिगेड टोलीले ब्यान्डको प्रस्तुती दिएको थियो भने दोस्रो प्रिक्वाटर खेल अन्तर्गत मछिन्द्र क्लब र एपिएफ क्लबका बीच हुने भएको छ।
GNNNEWS-' लन्डन। बेलायतमा कार्यरत नेपाली चिकित्सक तथा स्वास्थ्यकर्मीहरुले बेलायतको स्वास्थ्य सेवाबाट नेपालले धेरै कुरा सिक्न सक्ने जनाएका छन्। जय नेपाल अन्तरराष्ट्रिय फाउण्डेशन युकेद्वारा आइतबार आयोजित 'बेलायतको एनएचएस: नेपाललाई पाठ' विषयक वेबिनारलाई सम्बोधन गर्दै बेलायतको राष्ट्रिय स्वास्थ्य सेवा (एनएचएस) मा कार्यरत वरिष्ठ चिकित्सक प्रा सत्यन राजभण्डारीले बेलायतमा बिरामी केन्द्रित उपचार हुने गरेकोमा नेपालमा डाक्टर केन्द्रित उपचार पद्धति रहेको बताए। यद्यपि उनले नेपालका सरकारी अस्पतालहरुमा पनि विशेषज्ञहरुको सेवा उपलब्ध हुन थालेको र सेवाको गुणस्तरमा पनि सुधार हुँदै गएको जनाए। उनले नेपालमा डाक्टर र नर्सहरुको तलब सुविधा न्यून रहेको र राजनीतिक हस्तक्षेप उच्च रहेको बताए। उनले बेलायतको जस्तो स्वास्थ्य प्रणाली नेपालको लागि बढी उपयुक्त हुने बताए। एनएचएसमै कार्यरत वरिष्ठ चिकित्सक तथा जय नेपाल अन्तरराष्ट्रिय फाउण्डेशन युकेका अध्यक्ष डा सम्पूर्णानन्द ढुंगानाले ७६ वर्ष पहिले शुरु गरिएको बेलायतको एनएचएसमा स्वास्थ्य सेवा प्रयोग गरेको बिन्दुमा निशुल्क रहेको जनाए। उनले अस्पतालहरुमा धेरैजसो सेवाहरु निशुल्क रहेको तर बहिरंग सेवाका बिरामीहरुले (आउटपेशेंट प्रेसक्रिप्शन) पैसा तिर्नु पर्ने जनाए। केटाकेटी,प्रसुति एवं अर्बुद रोग,मधुमेह जस्ता रोगहरुको औषधि भने निशुल्क छ। उनले इंगल्याण्डमा मात्रै एनएचएसले प्रत्येक दिन औसत १३ लाख मानिसहरुको उपचार गर्ने गरेको जनाउंदै विभिन्न निकायहरुले अस्पतालहरुबाट प्रदान गरिने स्वास्थ्य सेवाको गुणस्तरको निरन्तर अनुगमन गर्ने गरेको जनाए। उनले 'क्लिनिकल सुशासन' पद्धतिको आधारमा अस्पतालहरुको संचालन गर्न र क्लिनिकल परामर्शदात्री निकायहरु स्थापना गर्न पनि सुझाव दिए। डा ढुंगानाले बिरामीहरुको गुनासो सुन्न देश भरि नै अभियान चलाउनु पर्ने तथा अस्पतालमा मृत्यु भएका प्रत्येक बिरामीको रेकर्ड राखेर अनुगमन गर्नु पर्ने पनि जनाए। उनले नेपालको स्वास्थ्य सेवामा सुधार ल्याउन बलियो राजनीतिक प्रतिबद्धता आवश्यक रहेको बताउंदै कम खर्चमा पनि विद्यमान स्वास्थ्य सेवा प्रवाहमा धेरै सुधारगर्न सकिने बताए। नेप्लिज नर्सिङ एसोसिएसन युकेकी अध्यक्ष रश्मिता दर्लामीले नर्सहरु ब्रिटिश स्वास्थ्य सेवा प्रणालीको जगको रुपमा रहेको जनाइन्। उनले एनएचएसमा पेशागत दक्षता वृद्धि गर्ने अवसर तथा रोजगारी सुरक्षित हुनुका साथै तलब सुविधा पनि तुलनात्मक रुपमा राम्रो रहेको बताइन्। उनले काम गर्दै जाँदा आफ्नो विषयगत दक्षता बढाउन सकिने र जांच दिएर शैक्षिक योग्यता पनि लिन सकिने व्यवस्था रहेको बताइन्। एनएचएसमा
Sitalpatinews.Com KATHMANDU, Feb 04: The National Social Welfare Award 2024 has reached its 5th edition, continuing to celebrate individuals and organizations making a profound difference in society. This prestigious recognition honors those dedicated to social service, humanitarian efforts, and community development—uplifting lives through education, healthcare, environmental conservation, human rights, and social justice. This year’s award ceremony will be graced by Honorable Indira Rana Magar, Deputy Speaker of the House of Representatives of Nepal, as the Chief Guest. The event will be a special moment to acknowledge and celebrate the efforts of those who have tirelessly worked for the betterment of society. Among the esteemed nominees for this year’s award is Som Nath Sapkota, a passionate advocate for social welfare and a key figure in Nepal’s tourism sector. His contributions span education, disaster relief, migrant support, religious preservation, and community development, making a meaningful impact on both Nepal and Nepali communities worldwide. Som Nath Sapkota: A Life Dedicated to Service Some individuals dedicate their lives to helping others, and Som Nath Sapkota is one such person. From a young age, he was driven by a strong sense of responsibility to uplift those in need. Over the years, he has actively worked with various national and international organizations, leading initiatives that support communities, empower youth, and preserve Nepal’s rich heritage. Having lived in Europe since 1996, Sapkota has become a strong voice for Nepali migrant workers, offering them guidance and assistance in challenging times. His affiliations include the Non-Resident Nepali Association (NRNA), Lions Club, Help Nepal Network, Nepal Red Cross Society, Chitwan Sewa Samaj, Baglung Sewa Samaj, and numerous Nepalese community associations across Europe. Through these platforms, he has supported Nepali workers abroad, provided aid during crises, and championed causes that improve lives. Bridging the Education Gap: Over 200 E-Libraries Established Believing that education is the foundation of progress, Sapkota
शीतलपाटीन्युज डटकम। पोखरा। कान्तिपुर डेन्टल अस्पताल तथा कान्तिपुर इन्स्टिच्युट अफ हेल्थ साईन्सेज पोखराको २५ औँ बार्षिकोत्सव सम्पन्न भएको छ। स्थापनाको २५ वर्ष पुगेको अवसरमा अस्पतालको रजत जयन्ती समेत मनाईएको छ। कान्तिपुर डेन्टल कलेज टिचिङ हस्पिटल काठमाडौँकै भगिनी संस्थाको रुपमा पोखरामा स्थापित कान्तिपुर डेन्टल अस्पताल २०५६ माघ २१ देखि सेवारम्भ गरेको थियो। त्यसको छ वर्ष पछि दन्त स्वास्थ्य जनशक्ति उत्पादन गर्न भन्दै कान्तिपुर इन्स्टिच्युट अफ हेल्थ साईन्सेज सञ्चालनमा आएको हो। ‘अढाई दशक वितेको पत्तै भएन,हामीले यसबीचमा अस्पतालबाट तीन लाख बढीलाई दन्त सेवा दिन सफल भयौँ,समुदाय तथा विद्यालयमा शिविरमार्फत उपलव्ध गराएको सेवाको गणना गर्दा त्यो भन्दा कयौँ गुणा बढी हुन्छ। जे होस् हाम्रो संस्था गण्डकी प्रदेशको प्रतिष्ठित संस्था बनेको छ,’ अस्पतालका अध्यक्ष डा बुद्धिमान श्रेष्ठले भने। गण्डकी प्रदेशवासीको मुख तथा दन्त स्वास्थ्यमा कान्तिपुर डेन्टलको योगदान उच्च : स्वास्थ्य मन्त्री पाठक सोमबार कान्तिपुर डेन्टल अस्पतालको रजत जयन्तीको उद्घाटन गर्न पुगेका गण्डकी प्रदेशका स्वास्थ्य मन्त्री कृष्ण प्रसाद पाठकले प्रदेशवासीको मुख तथा दन्त स्वास्थ्य क्षेत्रमा कान्तिपुर डेन्टलको योगदान उच्च रहेको बताए। ‘यो हाम्रो प्रदेशकै प्रतिष्ठित संस्था हो,यसले प्रत्यक्ष रुपमा यस क्षेत्रका हजारौँ लाखौँ नागरिकलाई मुख तथा दन्त स्वास्थ्य सेवा दिएको छ। हामी रजत जयन्तीमा म आफै प्रमुख अतिथि बनेर सहभागी हुन पाउँदा खुशी लागेको छ,’ मन्त्री पाठकले भने। उनले प्रदेश सरकार पनि एघार वटै जिल्लामा मुख तथा दन्त स्वास्थ्य कार्यक्रम विस्तार गर्न लागिरहेको भन्दै कतिपय अवस्थामा कान्तिपुरसंग सहकार्य गरेर अघि बढ्न सकिने समेत बताए। उनले त्यहाँ अध्ययनरत विद्यार्थीहरुलाई आफूले सिकेको शिप र ज्ञान स्वदेशमै प्रयोग गर्न आग्रह समेत गरे। कार्यक्रममा सांसद सुनिता थापाले दोभाषेको प्रयोग गर्दै २५ वर्ष सेवा दिएकोमा कान्तिपुरको प्रसंशा गरिन्। उनले अस्पतालहरु अपांगता भएका व्यक्तिमैत्री हुनुपर्ने भन्दै त्यसो नहुँदा धेरै अपांगता भएका व्यक्तिहरुले सेवा लिन गाह्रो भएको बताईन्। उनले कान्तिपुरलाई पनि सो कुरामा ध्यान दिन आग्रह गरिन्। पोखरा विश्वविद्यालयका डीन प्राडा अमर नागिलाले आफ्नो विश्वविद्यालयले व्याचरल अफ डेन्टल हाइजिन कार्यक्रम कान्तिपुर डेन्टलसंग मिलेर गर्न इच्छुक रहेको बताए। कान्तिपुरलाई पोखरामा स्थपित गर्न विशेष भूमिका खेलेका रोटरियन उर्दिप श्रेष्ठले विगत सम्झँदै त्यसबेला देखिको अविछिन्न
शीतलपाटीन्युज डटकम। काठमाडौं। नेपाल प्रहरीले अबदेखि जिल्ला प्रहरी परिसर काठमाडौंमा दुई जना प्रहरी उपरीक्षक (एसपी) रहने व्यवस्था गरेको छ। यसअघि एक जना मात्र एसपी रहने प्रथालाई परिवर्तन गर्दै प्रहरी प्रधान कार्यालयले सोमबारदेखि एसपी कुलदिप चन्दलाई नयाँ एसपीका रूपमा पदस्थापन गरेको हो। चन्दको नियुक्तिपूर्व परिसरमा एसपी अपीलराज बोहरा मात्र कार्यरत थिए। प्रहरी प्रवक्ता दिनेश कुमार आचार्यका अनुसार, काठमाडौं परिसरमा कामको अत्यधिक चाप हुने भएकाले दुई जना एसपी रहने व्यवस्था गरिएको हो। प्रहरी प्रधान कार्यालयले एसपी चन्दलाई अब्बल र उत्कृष्ट अधिकृतका रूपमा पहिचान गर्दै काठमाडौं प्रहरी परिसरमा खटाएको जनाएको छ। यसअघि नै परिसरमा दुई जना एसपी राख्ने प्रस्ताव थियो तर कार्यान्वयन हुन सकेको थिएन। २०७८ कार्तिकमा तत्कालीन एसएसपी चक्रबहादुर सिंह नेतृत्वको समितिले काठमाडौं परिसरमा सामाजिक, आर्थिक तथा जघन्य अपराध हेर्ने गरी तीन जना डीएसपी र मुद्दा फाँटको समग्र कमान्ड गर्न एक जना एसपी खटाउन सिफारिस गरेको थियो। उक्त एसपीलाई काठमाडौंका १४ वटा वृत्तका डीएसपीहरू इन्चार्ज रहने गरी मुद्दा अनुगमन गर्ने जिम्मेवारी दिनुपर्ने सुझाव समितिले दिएको थियो। पेशेवर अपहरणकारी समूहका सदस्य दुर्गाबहादुर बुढाथोकी प्रमाण अभावका कारण सफाइ पाएको घटनापछि अनुसन्धानमा हुने कमजोरी न्यूनीकरण गर्न दुई एसपी राख्ने निर्णय गरिएको प्रहरी प्रधान कार्यालय स्रोतले जानकारी दिएको छ। काठमाडौं प्रहरी परिसरको कमाण्ड भने वरिष्ठ प्रहरी उपरीक्षक (एसएसपी) ले सम्हाल्ने व्यवस्था यथावत् नै रहने छ। (सुरक्षा सरोकारबाट)
शीतलपाटीन्युज डटकम। काठमाडौं। सरकारले अघि बढाएको नेपाल प्रहरीको विधेयकविरुद्ध नेपाल प्रहरीका पूर्व प्रहरी महानिरीक्षकहरु नै संगठित भएर विरोधमा उत्रिएका छन्। उनीहरुले मंगलबार संयुक्त वक्तव्य निकाल्ने भएका छन्। स्रोतका अनुसार विधेयकको विषयमा एक चरणमा छलफल भइसकेको छ । मंगलबार प्रहरी महानिरीक्षक बसन्तबहादुर कुँवरसहित उच्च अधिकारीसँग छलफल गरेर आधिकारिक धारणा सार्वजनिक गर्न लागिएको छ।गत साता संसदमा दर्ता गरिएको विधेयकमा प्रहरीलाई गृहको शाखा जस्तो बनाउने प्रावधान राखिएको र यसले संगठनलाई कमजोर बनाउने भन्दै पूर्वप्रहरी महानिरीक्षकहरुले आपत्ति जनाइरहेका छन्। विधेयकमा प्रहरीको नियन्त्रण र परिचालन गृह मन्त्रालयले गर्ने उल्लेख छ। यो प्रावधानले गृह मन्त्रालयको अधिकृतले प्रहरीलाई चलाउने जोखिम रहेको प्रहरीको बुझाई छ ।जिल्लामा पनि सिडिओलाई शक्तिशाली बनाउने प्रावधान विधेयकमा छ। बहालवाला प्रहरी पनि विधेयकप्रति रुष्ट छन्। तर, बोल्न नमिल्ने भएकाले उनीहरु चुप छन्। जस कारण पूर्वप्रहरी महानिरीक्षक तथा पूर्वप्रहरी संगठनले त्यसको विरोध गर्न लागेका छन्। त्यस्तै, विधेयकमा सशस्त्र प्रहरीलाई प्रहरीको अनुसन्धानको अधिकार दिन लागिएको भनेर समेत आलोचना सुरु भएको छ।जस कारण विधेयक विवादमा परेको छ। विवादमा परेसँगै तत्काल यो पारित हुने सम्भावना देखिएको छैन।विधेयकमा ३० वर्षे सेवाहद हटाउनेदेखि तल्लो तहका प्रहरीलाई १६ वर्षमै पेन्सन दिने प्रावधान समावेश छन्। कतिपय राम्रा विषय भएपनि केही विवादास्पद प्रावधान समावेश गरिएपछि विधेयकप्रति प्रहरीभित्र चर्को असन्तुष्टि देखिएको छ। (जनप्रहारबाट )
शीतलपाटीन्युज डटकम। पर्वत। फलेवास नगरपालिका- ११ पाङ्राङका कृषकले काँक्रोको बिउ बिक्री गरेर ६ करोड रुपैयाँ आम्दानी गरेको समाचार छ। २५ वर्षदेखि काँक्राको बिउ उत्पादन गर्दै आएका यहाँका कृषकले यो पटक ६ करोड ३० लाख रुपैयाँ आम्दानी गरेका हुन्। स्थानीय कृषक सूर्यबहादुर कुँवरको नेतृत्वमा २०५७ मा नारायणस्थान बिउ उत्पादन समूह गठन गरेर व्यावसायिक रूपमा बिउ उत्पादनमा लागेका कृषकले यो वर्ष ६३ क्विन्टल काँक्रोको बिउ उत्पादन गरेका थिए। प्रतिकिलो १० हजारका दरले बिक्री गर्दा उक्त रकम भित्र्याएको कृषक बाबुराम भुसालले जानकारी दिए। उनका अनुसार गत वर्ष ७० क्विन्टल बिउ उत्पादन भएकामा यो वर्ष ६३ क्विन्टल मात्र भएको हो। गत वर्ष सात करोड आम्दानी भएको थियो। उनका अनुसार कृषकले भक्तपुरे लोकल जातको काँक्रोको बिउ उत्पादन गर्दै आएका छन्। समूह गठन भएको शुरुको वर्ष चार किलो काँक्राको बिउ र ६५ किलो ४० दिने मूलाको बिउ उत्पादन भएको कृषक भुसालले जानकारी दिए। सुरुआतमा ८०० का दरले बिक्री गरेका कृषकले अहिले १० हजार रुपैयाँमा बिक्री गर्दै आएका उनले बताए। केही वर्ष मूला,उन्नत जातको गोलभेँडा,चम्सुरलगायत बिउ उत्पादन हुँदै आएको थियो। मनग्य आम्दानी हुन थालेपछि केही वर्षदेखि काँक्रोको बिउ मात्र उत्पादन गर्न थालेको भुसालले बताए। उनका अनुसार यहाँका ७२ परिवारले व्यावसायिक रूपमा काँक्रोखेती गर्दै आएका छन्। प्रत्येक वर्ष हरेक कृषकले न्यूनतम छ लाखदेखि १८ लाख रुपैयाँसम्म बिउ बिक्री गरेर आम्दानी गर्दै आएका अर्का कृषक टुकप्रसाद पौडेलले जानकारी दिए। यो वर्ष आफूले एक क्विन्टल काँक्राको बिउ बिक्री गरी १२ लाख आम्दानी गरेको उनको दाबी छ। कृषकले फागुनको पहिलो साता रोपेको काँक्रा जेठ महिनामा तयार भई थन्क्याउने काम गर्छन् भने उत्पादित बिउ असारसम्ममा बिक्री गर्दै आएका छन्। यहाँ उत्पादित अधिकांश बिउ काठमाडौंको कालीमाटी बजारका व्यापारीले खरिद गर्दै आएका जिल्लास्थित कृषि ज्ञान केन्द्रले जनाएको छ। केन्द्रका प्रमुख पर्शुराम अधिकारीले जिल्लाको फलेबास नगरपालिका–११ पाङ्राङ र जलजला गाउँपालिका- ७ धाइरिङमा व्यावसायिक रूपमा काँक्राको बिउ उत्पादन हुँदै आएको जानकारी दिए। उनले उत्पादित बिउ कृषि अनुसन्धान केन्द्र र नार्कमार्फत विभिन्न क्षेत्रमा सिफारिस गर्ने गरिएको छ। (रासस)
शीतलपाटीन्युज डटकम। पोखरा। २४ औं आहा ! रारा पोखरा गोल्डकपको सम्पूर्ण तयारी पुरा भएको जानकारी प्राप्त भएको छ । पोखरा स्पोर्टसका अनुसार पोखरा रंगशालामा यहि माघ २२ गतेबाट सुरू हुने उक्त प्रतियोगिताको सम्पूर्ण तयारी पुरा भएको आयोजक सहारा क्लबले जनाएको हो। “खेलकुदको विकासमा सहकार्य गरौं,पोखरालाई खेलकुद पर्यटन शहरको रुपमा स्थापित गरौं” भन्ने उद्देश्यका साथ आयोजित मोफसलको बहुप्रतिष्ठित राष्ट्रिय तथा अन्तर्राष्ट्रिय अन्तर क्लब आमन्त्रित आहा रारा पोखरा गोल्ड कप फुटबल प्रतियोगिता फागुन ३ गते सम्म सञ्चालन हुनेछ। फाउल खेले नगद जरिवाना गरिने २४ औं आहा रारा पोखरा गोल्डकपमा पहिलो पटक फाउल खेल्ने खेलाडी वा अफिसियलहरुले फाउल खेले बापत नगद जरिवाना तिर्नु पर्ने प्रावधान अघि सारीएको छ । आयोजकका अनुसार प्रत्येक पहेलो कार्डको रू १ हजार, दोहोरो पहेलो कार्ड (रातो कार्ड)को रू २ हजार तथा सिधै रातो कार्ड पाएमा रू ३ हजार जरीवाना शुल्क बुझाउनु पर्ने प्रावघान राखीएको छ। प्रतियोगितामा ३ विदेशी टिम, ८ ए डिभिजनका क्लबहरु र आयोजक सहारा क्लब पोखराको टिम गरि १२ टिमको सहभागीता हुनेछ। समूह ‘ए’ तर्फ आयोजकसहित नेपाल पुलिस,एनआरटी,चर्च ब्वाइज यूनाइटेड,त्रिभुवन आर्मी क्लब र यूकेको ब्रिगेड ब्वाइज क्लब छन्। तीमध्ये यूके र आर्मीले सिधैँ क्रमशः पहिलो र तेस्रो क्वाटरफाइनल खेल्ने छन् । समूह ‘बि’ मा एपिएफ,मच्छिन्द्र,भारतको थन्डरबोल्ट नर्थ यूनाइटेड, संकटा,थ्रिस्टार र उजेकिस्तानको ब्लाक बुल्स फुटबल क्लब छन्। तीमध्ये थिस्टार र उजेकिस्तानले सिधैँ क्रमशः दोस्रो र चौथो क्वाटरफाइनल खेल्ने छन्। गत २३औं सस्करणको बिजेता त्रिभुवन आर्मी फुटबल क्लब र उपबिजेता थ्री स्टार क्लब ललितपुर रहेको थियो। यस पटक विजेतालाई नगद पुरस्कार रु १२ लाख १ हजार र उपविजेतालाई रु ६ लाख १ हजार नगद प्रदान गरिनेछ । प्रतियोगितालाई पहिलो संस्करण देखि नै मुख्य प्रायोजकको रुपमा मोफसलको प्रतिष्ठित व्यापारीक प्रतिष्ठान हिमश्री फुड्स प्रा. लि.को उत्पादन रारा तयारी चाउचाउले गरेको छ ।कुल अनुमानित आम्दानी १ करोड ५१ लाख रुपैया रहेको प्रतियोगितामा अनुमानित खर्च रू १ करोड ४२ लाख २० हजार रुपैयाँ रहेको जनाइएको छ।आहा रारा पोखरा गोल्डकपको २४ औं संस्करणमा प्रि क्वाटर र क्वाटर फाइनल
GNNNEWS- लन्डन। बेलायतस्थित नेपाली व्यवसायी तथा एनआरएन अभियन्ताहरुले बेलायतका लागि नवनियुक्त नेपाली राजदूत चन्द्र कुमार घिमिरेसंग अन्तरक्रिया गरेका छन्। गैर आवासीय नेपाली संघका पूर्व अध्यक्ष कुल आचार्यले विषय प्रवेश गर्दै गैर आवासीय नेपाली नागरिकता सविधानमा व्यवस्था गरे पनि अहिले सम्म त्यसको कार्यान्वयनमा जटिलता रहेको बताए। उनले एनआरएन नागरिकता पाउने आफु पहिलो व्यक्ति भएकाले पनि एनआरएन नागरिकताको वितरण सहज र प्रभावकारी बनाउन आफुले पहल गरिरहेको जनाए। उनले गैर आवासीय नेपाली नागरिकता प्रदान गरि सके पछि फेरी आफ्नै नागरिकलाई भिसा लगाउ भन्नु संविधानको मर्म विपरित हुने भन्दै उक्त प्रावधान सच्याउन आग्रह गरे। होली काउ ग्रुपका अध्यक्ष पनि रहेका आचार्यले नेपालमा लगानी गर्न यहांको नेपाली डायष्पोरा आफैं सक्षम रहेको बताउंदै नेपाल तथा बेलायतबीच सिधा हवाई सम्पर्क कायम गर्न र दोहोरो कर हटाउने सम्झौता गर्न पहल गरि दिन राजदूत घिमिरेलाई आग्रह गरे। अन्तरक्रियामा व्यवसायी तथा पेशेवरहरुले गैर आवासीय नेपाली नागरिकता कार्यान्वयनमा देखिएका जटिलता र नेपालमा वैदेशिक लगानीका प्रशासनिक झण्झट, बेलायत–नेपाल सम्बन्ध जनस्तरमा थप प्रगाढ बनाउन बेलायतस्थित नेपाली डायस्पोराको भूमिका, नेपालको आर्थिक समृद्धिमा नेपाल सरकारको अपेक्षा, भूतपूर्व गोर्खा समस्या आदि विषयमा धारणा राखेका थिए । नेपालले विदेश बस्ने नेपालीलाई नेपाली भनेर स्वीकारेन भने त्यो देशका लागि घाटा हुने सहभागीहरुको तर्क थियो। सोलार नेपाल प्रा लिका संचालक समेत रहेका वरिष्ठ चार्टर्ड अकाउन्टेन्ट एलएन पाण्डेले बेलायतका लगानी कर्ताहरु मिलेर खोलेको उक्त कम्पनीले सन् २०२१ मा तनहुँको शुक्ला गण्डकी नगरपालिका- ५ मा ५ मेगावाट सौर्य विद्युत उत्पादन गरी नेपाल विद्युत प्राधिकरण लाई आपूर्ति गरिरहेको बताए। उनले आफ्नो कम्पनीले कोशी र लुम्बिनी प्रदेशमा थप सौर्य उर्जा आयोजना विकास गर्न काम गरिरहेको जनाउँदै स्वच्छ उर्जा उत्पादकहरुलाई थप सहुलियत दिन नेपाल सरकारलाई आग्रह गरे। पाण्डेले नेपालमा कम्पनी खोल्नदेखि अरु काम गर्न कर्मचारीतन्त्रबाट निकै सास्ती झेल्नुपरेको अनुभव सुनाउँदै एनआरएन तथा विदेशी लगानीकर्ताहरुलाई आकर्षित गर्न सरकारले प्याकेज घोषणा गर्नु पर्ने सुझाव पनि दिए। व्यवसायी उत्तम नेपालले विविध असहजताका कारण आफ्नो फेशन उद्योगका लागि जनशक्ति र कच्चा पदार्थ समेत नेपाल छाडेर अन्यत्रबाट ल्याउनु परेको जनाए । एनआरएन अभियन्ता तथा व्यवसायी दयानिधि सापकोटाले