GNNNEWS- लन्डन।.ब्रिटिश संसदको पोर्टकुलिस हाउसमा सोमबार बेलुका "नेपाल बेलायत सम्बन्ध" विषयक अन्तरक्रिया आयोजना गरिएको छ। अन्तरक्रियामा भाग लिन नेपालबाट आएका नेपाली कांग्रेसका वरिष्ठ नेता तथा सांसद डा शेखर कोइरालाले नेपाल तथा बेलायतबीच कायम लामो र गहन सम्बन्ध तथा गोर्खा सैनिकहरुले बेलायतमा इमान्दारिपूर्वक गरेको सेवालाई मध्यनजर गर्दै उनीहरुका जायज माग ढिला नगरी सम्बोधन गरिदिन ब्रिटिश सरकारलाई आग्रह गरे । उनले गएको दुईसय वर्षको अवधिमा कुनै पनि बेलायती प्रधानमन्त्रीले नेपालको भ्रमण नगरेको भन्दै ब्रिटिश प्रधानमंत्रीलाई स्वागत गर्न नेपाल इच्छुक रहेको बताए। डा कोइरालाले बेलायत नेपालको एक प्रमुख व्यापारिक साझेदार रहेको बताउंदै संयुक्त अधिराज्यको 'इन्हान्सड फ्रेमवर्क स्किम' अन्तर्गत नेपाली उत्पादनहरुको उपलव्धता बेलायती बजारमा बढाउन आग्रह गरे। उनले चिकित्सक, नर्स, वकिल, विमान चालक, इन्जिनियर, एकाउन्टेन्ट र आतिथ्यताका क्षेत्र लगायत सबै क्षेत्रमा काम गर्ने नेपालीहरुले यहाँको चलायमान अर्थतन्त्रलाई अझ गतिशील बनाउन मदत गरिरहेको जनाए । बढ्दो संख्याका नेपाली मुलका साथीहरु यहाँको चुनाव र चुनावी प्रकृयामा भाग लिइरहेको थाहा पाउँदा खुशी लागेको पनि उनले बताए। बेलायतको लिड्स विश्वविद्यालयमा अन्तरराष्ट्रिय कानूनका प्राध्यापक डा सूर्य सुवेदीले सन् १९२३ मा नेपाल तथा बेलायत बीच सम्पन्न शान्ति तथा मैत्री सन्धिले नेपालको स्वतन्त्रता र सार्वभौम सत्ता प्रवर्द्धन गर्न महत्वपूर्ण भूमिका निर्वाह गरेको बताए। उनले सन् २०१५ मा नयाँ संविधान जारी भए पछि नेपालमा राजनीतिक स्थायित्व आएको जनाए। प्रा सुवेदीले सन् १९९७ भन्दा पहिले ब्रिटिश सेनाबाट सेवानिवृत्त गोर्खा सैनिकहरुको माग संबोधन गर्न पनि अनुरोध गरे। अन्तरक्रियामा सहभागी बेलायतकी सहायक परराष्ट्र मंत्री क्याथरिन वेष्ट तथा सहायक व्यापार मंत्री गरेथ थोमसले नेपालसंगको सम्बन्धलाई उच्च महत्व दिंदै बेलायतको सहयोग जारी रहने बताए। यो एउटा राम्रो सुरुवात हो। उक्त अन्तरक्रिया कार्यक्रम आयोजना गर्न खट्नु हुने आर के त्रिपाठी, रमेश सरांगकोटी लगायत सबै मित्रहरुलाई हार्दिक धन्यवाद। सहायक परराष्ट्र मंत्री क्याथरिन वेष्टले ब्रिटिश प्रधानमंत्रीले नेपालको भ्रमण गर्ने उपयुक्त समय आएको बताइन्। उनले जलवायु परिवर्तनबाट नेपालले व्यहोर्नु परिरहेको चुनौतीबारे बेलायत जानकार रहेको बताउंदै नेपालका महत्वपूर्ण सम्पदा सुरक्षित गर्न अन्तरराष्ट्रिय समुदायसंगको सहकार्यमा बेलायतले मदत गर्ने बताइन्। व्यापार तथा व्यवसाय मन्त्रालय हेर्ने सहायक मंत्री गरेथ टमसले बेलायत तथा
शीतलपाटीन्युज डटकम। लण्डन,नटीड्गहिल । नेपाली काग्रेसका बरिष्ठ नेता, पुर्व उपकुलपति तथा माननिय सांसद डा शेखर कोईरालालाई एक समारोह बिच नेपाली राजदुतास लण्डनको सभाहलमा आज १० जनवरी २०२५ मा भब्य स्बागत गरियो। सो स्वागत समारोहमा नेपाली राजदुताबास लण्डनका कार्यबाहक राजदुत एवम डिपुटी चिफ अफ मिसन बिपिन दुवाडी लगायत बेलायतमा सक्रिय दर्जनै संघसंस्थाका अध्यक्ष,प्रतिनिधीहरु,बुध्दिजीबीहरु, ब्यवसायीहरु,पत्रकारहरु र राजदुताबासका कर्मचारीहरुको भब्य उपस्थिती रहेको थियो। नेपाली राजदुताबासका प्रथम सचिव उद्वव न्यौपानेले संचालन गर्नु भएको स्वागत कार्यक्रम कार्यबाहक राजदुत एवम डिपुटी चिफ अफ मिसन बिपीन दुवाडीले डा कोइरालालाई स्बागत गर्नु भएको थियो। सो स्वागत समारोहमा उपस्थित सम्पुर्ण संघसंस्थाका अध्यक्षहरु, प्रमुखहरु,बुध्दिजीवी, पत्रकारहरुलाई उपस्थित भै कार्यक्रमलाई शोभा बढाई दिएकोमा धन्यबाद समेत दिनु भएको थियो। स्वागत कार्यक्रममा प्रमुख अतिथी डा कोईरालाले भुतपुर्व ब्रिटीस गोर्खाहरुको समान काम,समान पेन्सन,ब्रिटेनबाट नेपाल हवाई उडान,बेलायत सरकारले नेपाललाई गर्ने सहयोगका बारेमा संसद हुने कार्यक्रममा स्पष्ट रुपमा राख्ने र बिदेशमा बस्ने नेपालीहरुको नेपाली नागरीकता बारेमा आफु छलफल गर्न तयार रहेको बताउनु भयो। नेपालको बिकासका लागि बिदेश बस्ने नेपाली र नेपाल बिच सुमधुर सम्बन्ध रहन पर्नेमा डा कोईरालाले जोड दिनु भएको थियो। संबोधनका क्रममा कार्यबाहक राजदुत एवम डिपुटी चिफ अफ मिसन दुबाडीले बेलायतमा रहेका नेपाली संघसंस्थाहरुसंग सहकार्य नेपाली दुताबास तयार रहेको र संघसंस्थाको अभिलेख अपडेट गर्ने काम भैरहेको बताउनु भयो। नेपालीहरुका लागि राजदुताबाट दिने सेवा सुबिधा सजिलो बनाउने उपाएहरुको तरिका भएमा राजदुबासलाई अनुरोध गर्नु भएको थियो। साथै बेलायत सरकारले शुरु गरेको ईभिसालाई समय मै जानकारी लिएर अपडेट गर्न पनि उहाले बताउनु भएको थियो। डा कोईराला १३ जनवरी २०२५ का दिन बेलायतको हाउस अफ कमन्सका सांसद ग्यारेथ थोमस र क्याथिरीन वेष्टसंग भेटबार्ता हुनेछ। सासंदहरुले सो समारोहमा केही नेपाली अभियन्ताहरुलाई पनि निमन्त्रणा गरेको कुरा नेपाली काड्गेसका केन्द्रिय आर्थिक निती तथा योजना विभागका सदस्य बेलायत प्रतिनिधी राजकुमार त्रिपाठीले बताउनु भएको छ। यो कार्यक्रमको संयोजन पनि इन्जीनियर आर के त्रिपाठीले गर्दै आउनु भएको छ।
शीतलपाटीन्युज डटकम। दुलेगौडा,तनहु। सोलार फर्म लिमिटेड बेलचौतारा तनहुको सौर्य विद्युत् आयोजनाको छैटौँ वार्षिक साधारणसभा आयेजनास्थल मै सम्पन्न भएको समाचार छ। गत शुक्रबार ३ जनवरी २०२५ मा संस्थाका अध्यक्ष आस बहादुर गुरुड्ग (मोहन गुरुङ)को अध्यक्षतामा आयोजनास्थल बेलचौतारामा साधारणसभा सम्पन्न भएको हो। कम्पनीका सचिव होमचन्द्र श्रेष्ठले सञ्चालन गरेका थिए। उक्त कार्यक्रममा स्वागत मन्तव्य राख्दै क्याप्टेन हितमान गुरुङले आयोजनाको सफलताको शुभकामना दिएका थिए।साथै शेयरधनी पदम बहादुर गुरुड्ले पनि सफलताको शुभकामना दिएका थिए। आर्थिक वर्ष २०८०/८१ को आर्थिक प्रतिवेदन सञ्चालक तथा प्रमुख कार्यकारी अधिकृत लेखनाथ पाण्डेले प्रकाश पारेका थिए। उनले यस वर्ष लाभांश बाँडिएको र आगामी वर्ष यसलाई बढाउने प्रतिबद्धता पनि व्यक्त गरेका थिए। कार्यक्रममा लगानीकर्ताको नैराश्यलाई सम्बोधन गर्दै कम्पनीका अध्यक्ष गुरुड्गले आगामी वर्ष अरू परियोजनामा लगानी गरी सबै लगानीकर्ताले सोचेअनुसार प्रतिफल पाउने बताएका थिए। नेपाल विद्युत् प्राधिकरणबाट थप ९० मेगावाट परियोजना सम्पन्न गर्न सोलार फार्मलाई ठेक्का परेकाले अब कम्पनी ठूलो भएको उनले जानकारी गराए। सोलार फार्म लिमिटेड र डोल्मा इम्प्याक फन्डको सहकार्यमा ९० मेगावाट परियोजना आगामी दुई वर्षभित्र सम्पन्न गर्ने लक्ष्य लिएर अगाडि बढेको उनको भनाइ थियो। कार्यक्रममा प्रमुख लगानीकर्ता डोल्मा इम्पक्ट फन्डका प्रतिनिधि,कुमारी बैंकका प्रतिनिधि र सौर्य उर्जाका लगानी कर्ताहरुको उपस्थिति थियो।
शीतलपाटीन्युज डटकम। काठमाडौँ। तिब्बतको दिंग्गे काउन्टी केन्द्रविन्दु भएर मंगलबार बिहान भूकम्प गएको छ। भूकम्प बिहान ६:५० बजे मिनेटमा गएको हो। नेपालको राष्ट्रिय भूकम्प मापन तथा अनुसन्धान केन्द्रका अनुसार ७ म्युाग्निच्युडको धक्का नेपालका अधिकांश भूभागमा धक्का महसुस भएको छ।नेपाल,भारत,भुटान,बंगलादेश र चीनमा पनि धक्का महसुस गरिएको स्थानीय सञ्चार माध्यमले जनाएका छन्। काठमाडौँमा भूकम्पको धक्का महसुस भएपछि स्थानीय त्रसित हुँदै सडकमा निस्किएका थिए। भूकम्पबाट नेपालमा के कति क्षति भयो भन्ने विवरण भने प्राप्त भै नसकेको केन्द्रले जनाएको छ।
शीतलपाटीन्युज डटकम। काठमाण्डौ। नेपाली कांग्रेसका नेता,बौद्धिक व्यक्तित्व आर के त्रिपाठी कांग्रेस केन्द्रिय आर्थिक निती तथा योजना विभाग सदस्यमा सदस्यमा नियुक्त हुनु भएको छ।पार्टी सभापती शेर बहादुर देउवाले बौद्धिक व्यक्तित्व आर के त्रिपाठी लाई कांग्रेसको तर्फवाट देशलाई सल्लाह दिने आर्थिक निती र योजना तर्जुमा गर्ने महत्वपूर्ण केन्द्रिय आर्थिक निती तथा योजना विभाग सदस्यमा नियुक्त सदस्यमा नियुक्त गर्नु भएको हो। देशको अर्थतन्त्रलाई पार्टीको तर्फवाट सल्लाह दिने यो केन्द्रिय अर्थ विभागलाई महत्वपूर्ण विभाग मानिन्छ।यस विभागमा बौद्धिक,प्राज्ञिक र उच्च शिक्षा हासिल गरेका अनुभबी व्यक्तिहरुलाई नियुक्त गर्ने प्रचलन छ। केन्द्रिय अर्थ विभागमा मनोनीत भई काम गरेका सदस्यहरुलाई प्राय योजना आयोग र प्राज्ञिक क्षेत्रमा नियुक्ति गर्ने प्रचलन छ। बेलायत स्थित अन्तराष्ट्रिय नेपाली समुदायका अब्बल समाजसेवी बौद्धिक व्यक्तित्व आर.के.त्रिपाठी यस अगावै नेपाली काँग्रेसको अन्तराष्ट्रिय संबन्ध तथा बिदेश निती बिज्ञमा मनोनित भएका थिए।त्यसै गरि यस अगाबै अघि आर के त्रिपाठीलाई नेपाली कांग्रेसले निर्माण विभाग सदस्यमा नियुक्त गरेको थियो। त्रिपाठी नेपाली डायस्पोराका बौद्धिक व्यक्तित्व मानिन्छन्। नेपाली कांग्रेस पार्टीले बिदेशमा बसोबास गरेका नेपाली कांग्रेस कार्यकर्तालाई महत्वपूर्ण केन्द्रिय आर्थिक निती तथा योजना विभागमा पहिलो पटक नियुक्त गरेको हो। यस नियुक्ति संवन्धमा आर के त्रिपाठीले नेपाली कांग्रेस पार्टी र नेतृत्वलाई विशेष धन्यवाद दिंदै आफ्नो योग्यता र अनुभवले भ्याएसम्म नेपाली कांग्रेस पार्टीको संगठन मजबुद गर्न र नेपाली कांग्रेस पार्टीको समाजवादी अर्थ नितीको बारेका सदैब सल्लाह प्रदान गर्ने बताए।नेपालको दिर्घकालिन विकाश योजना लाई अन्तराष्ट्रबाट प्राप्त अनुभबलाई भरपूर प्रयोग गर्ने बताउनु भयो। कांग्रेसको केन्द्रिय आर्थिक निती तथा योजना विभागमा मनोनीत जिम्मेवारी सहितको पत्र पाएको त्रिपाठीले बताए।उनले इमान्दारीपूर्वक प्राप्त जिम्मेवारी निर्वाह गर्ने समेत बताएका छन् । बेलायत स्थित नेपाली समुदायमा विभिन्न संघ संस्थामा नेतृत्व गरी सल्लाहकार समेत रहेका समाजसेवी त्रिपाठी नेपाली जनसम्पर्क समिति बेलायतका तिन कार्यकालको लागी पूर्व महामन्त्री समेत हुन्।त्यसै गरि गैर आवासीय नेपाली संघ बेलायतको दुई कार्यकाल पूर्व महासचिव समेत रहेका उनी बेलायतको ब्यस्त ट्रान्सपोर्ट अफ लण्डन अन्डरग्राउन्डका सिनियर इन्जिनियर समेत हुन्।त्रिपाठी सिभिल इन्जिनियरिङ विषयमा स्नातक र कन्ट्रक्सन प्रोजेक्ट मेनेजमेण्ट विषयमा स्नातकोत्तर हुन्। भर्खरै बेलायतमा भएको आम निर्वाचनमा लेबर पार्टी लाई
शीतलपाटीन्युज डटकम। रुस। रुसी रासायनिक हतियार इकाईका प्रमुख जनरल (रथी)इगोर किरिलोभको हत्याका संदिग्ध पक्राउ परेको रुसले जनाएको छ। रुसको सुरक्षा सेवाले बुधबार मस्को बम विस्फोटमा एक वरिष्ठ जनरलको हत्यामा संलग्न एक संदिग्धलाई पक्राउ गरेको जनाएको छ। संदिग्ध उज्बेक नागरिकको भएको जसलाई युक्रेनी गुप्तचर सेवाहरूले भर्ती गरेको बताएको छ। युक्रेनी सुरक्षा स्रोतहरूले सोमबार सीबीएस न्यूजलाई युक्रेनको सुरक्षा सेवा (एसबीयू) ले लेफ्टिनेन्ट जनरल (रथी)इगोर किरिलोभलाई मार्ने विस्फोटको पछाडि रहेको बताए। तर रूसी अधिकारीहरूले तुरुन्तै युक्रेनका नेताहरू विरुद्ध बदला लिने वाचा गरेका थन्। रुसको संघीय सुरक्षा सेवाले संदिग्धको नाम तोकेको छैन तर उनि सन् १९९५ मा जन्मेको जनाएको छ। युक्रेनको सुरक्षा सेवाले उनीमाथि आपराधिक आरोप लगाएको एक दिनपछि किरिलोभको मस्कोमा रहेको उनको आवासगृहको भवन बाहिर विद्युतीय दुईपाग्रे( स्कूटर)मा लुकाइएको बमले हत्या गरेको थियो। आक्रमणमा उनका सहयोगी पनि मारिएका थिए। श्रोत- ईनेप्लिज डटकम।
शीतलपाटीन्युज डटकम। पोखरा। पर्यटकीय राजधानी पोखरा प्राकृतिक सुन्दरताले मात्र होइन साहसिक खेलहरूका लागि पनि उत्तिकै प्रसिद्ध छ। प्याराग्लाइडिङ, जिपलाइन र बञ्जीजम्प, स्काइडाइभ,क्यानोइङ, ¥याफ्टिङ,हट एयर बेलुन लगायत साहसिक गतिविधि पोखरा इलाकामा सञ्चालित छन्। प्राकृतिक सौन्दर्य र साहसिक अनुभवमा एकसाथ रमाउन सकिने भएकाले पछिल्लो समय ‘हट एयर बेलुन’ प्रति सार्क मुलुकका पर्यटकको आकर्षण बढ्न थालेको हो। बेलुन नेपाल प्रालिका अध्यक्ष विक्रम बाडेले सार्क मुलुकका पर्यटकले साहसिक यात्रा मन पराउन थालेको र त्यसमध्ये पनि उडानमा सहभागी यात्रुमध्ये ६० प्रतिशत यात्रु छिमेकी मुलुक भारतका हुने गरेको बताए। ‘पोखरा प्राकृतिक मात्र होइन साहसिक गतिविधिको सहर पनि भएको र पछिल्लो समय हट एयर बेलुनप्रति सार्क राष्ट्रका पर्यटकको आकर्षण बढ्दै गएको उनको भनाई छ’, बाडेका अनुसार”सूर्यको किरण हिमालमा पर्दा देखिने मनमोहक दृश्यदेखि हरियाली डाँडाकाँडा र तालतलैयाको दृश्यावलोकनमा रमाउन चाहने पर्यटकलाई बेलुनको साहासिक यात्राले लोभ्याउँदै लगेको छ।” उनले बेलुनको उडानले पाँच वर्ष उमेर माथि साहासिक गतिविधिमा रुचि राख्ने शारीरिक मानसिक तन्दुरुस्त भएका सबैका लागि साहसिकता र मनोरञ्जनको नयाँ ढोका खोलिदिएको बताएका छन। बाडेले पर्यटकका लागि एउटा फरक र रोमाञ्चक अनुभव प्रदान गर्नुका साथै स्थानीय अर्थतन्त्रमा पनि सकारात्मक प्रभाव पार्ने विश्वाससहित यही डिसेम्बर २४ देखि जनवरी १ सम्म पोखरामा अन्तर्राष्ट्रिय बेलुन महोत्सव आयोजना गर्न लागेको पनि जानकारी गराएका छन। ‘पर्यटक आएर मात्र भएन आएपछि भुल्ने र रमाउने गतिविधि पनि हुनुपर्छ,हामीले यसप्रति पनि ध्यान दिएर पोखरालाई साहसिक गतिविधिको केन्द्रका रुपमा विकास गर्न महोत्सवको तयारी गरेका छौँ,’उनले भनेका छन। उनका अनुसार महोत्सवमा हट एयर बेलुनको नाइट ग्लो, टेथर्डलगायत प्रसिद्ध ब्याण्डका साङ्गीतिक कार्यक्रम,बेलुन प्रतियोगिता,डिजे म्युजिकलगायत कार्यक्रम हुनेछन् भने २० देशका व्यावसायिक बेलुन पाइलटले प्रतियोगितामा भाग लिनेछन् । पोखरा पर्यटन परिषद्का अध्यक्ष तारानाथ पहारीले हट एयर बेलुनले साहसिक गतिविधि रुचाउने पर्यटक मात्र नभई,प्राकृतिक सौन्दर्यमा रमाउन चाहने पर्यटकलाई पनि आकर्षित गर्न सफल भएको बताए। ‘पोखरा प्राकृतिक सुन्दरताको केन्द्र मात्रै नभएर साहसिक गतिविधिहरूको पनि महत्वपूर्ण सहर बनिसकेको छ। पछिल्लो समय सार्क राष्ट्रका पर्यटकका लागि हट एयर बेलुन विशेष आकर्षणको केन्द्र बनिरहेको छ’, उनले बताएका छन। अध्यक्ष पहारीले बेलुनले साहसिक खेल र पर्यटनमार्फत पर्यटकीय राजधानी पोखरालाई
शीतलपाटीन्युज डटकम। १.आफ्नो घर भित्र छिर्न थप कठिन बनाउन सुरक्षाका धेरै तहहरू थप्नुहोस्। यस मध्य CCTV वा भिडियो डोरबेलहरू समावेश गर्ने हुन सक्छ -जसको उपयोग कुनै अपराधको स्थितिमा प्रमाणको लागि प्रयोग गर्न सकिन्छ। २.घरमा कोही भए जस्तो देखिएमा त्यस्तो घरलाई चोरहरुले लक्षित गर्ने सम्भावना कम हुन्छ,घर भित्र टाइमर लाइट स्थापना गर्नाले कोही भित्र भएको जस्तो देखाउन मद्दत गर्न सक्छ। त्यस्तै गरी,साँझदेखि बिहान सम्म सेन्सर लाइट घरको अगाडी पछाडी जडान गरेमा सम्भावित चोरहरूलाई रोक्न मद्दत गर्न सक्छ। ३. उच्च मूल्यका तथा सधैं लगाई रहने गहना हरु झ्याल बाट देखिने गरि नराख्नु होस् बरु तिनीहरूलाई www.immobilise.com मा दर्ता गर्न नबिर्सनुहोस्। थप रोकथामका उपायहरूको लागि तलका वेबसाइटहरूमा जानुहोस्: • ताला, झ्याल, ढोका र ग्यारेज सुरक्षा को लागि: www.locksmiths.co.uk मा जानुहोस। • बर्गलर अलार्म: निश्चित गर्नुहोस् कि तपाईंले www.ssaib.org.uk र www.nsi.org.uk बाट अनुमति प्राप्त स्थापनाकर्ता प्रयोग गर्नुहोस्। • शेड को सुरक्षा - उपकरण तथा सीढीहरू पहुँच देखि टाढा राख्नुहोस्। परीक्षण र स्वीकृत प्राप्त लकहरू को लागि www.soldecure.com मा जानुहोस् Aldershot Neighbourhood Team- (स्थानिय नेपाली ब्रिटीस बेलायतको प्रहरी सेवाका दुर्गा थापाको सुझाब)
लन्डन । एनआरएनए यूके अध्यक्ष प्रेम गाहामगरले वंशजको नेपाली नागरिकता निरन्तरताका लागि राजनीतिक नेतृत्वसमक्ष दवाव बढाएका छन्। अध्यक्ष गाहामगरले अहिले बेलायत आएका नेताहरुलाई ज्ञापनपत्र बुझाउंदै उक्त विषयलाई गम्भीरतापूर्वक लिइदिन आग्रह गरेका छन्। यसै सिलसिलामा गाहामगरले संघीय सांसद लालप्रसाद (एलपी) साँवा लिम्बुलाई ज्ञापनपत्र बुझाएका छन्। रेडिङस्थित द फर्गटन ब्रिटिश गोर्खा कार्यालयमा मंगलबार एक कार्यक्रमबीच गाहामगरले एमालेका तर्फबाट निर्वाचित प्रभावशाली सांसद साँवालाई ज्ञापन बुझाएका हुन्। ज्ञापनमा गैरआवासीय नेपाली संघ यूकेले विश्वभर छरिएर रहेका वंशजका नेपाली नागरिकहरुको मागको सम्बोधन गर्न, वंशजका नेपाली नागरिकलाई सधैंकालागि नेपाली नै रहिरहन दिनका लागि नेपालको नागरिकता ऐन २०६३ (पहिलो संशोधन २०७९) को दफा १०,उपदफा १ मा उल्लेख भएको विदेशी नागरिकता लिएपछि नेपाली नागरिकता कायम नरहने भन्ने प्रावधान संशोधन गर्न जोड दिइएको छ। गैरआवासीय नेपालीहरुलाई नेपालको वंशजको नागरिकताबाट वञ्चित गराउने खालका नेपालको संविधान तथा कानूनमा भएका असमान प्रावधानहरुलाई तुरुन्त परिवर्तन गरी गैरआवासीय नेपालीका लागि वंशजको नेपाली नागरिकता निरन्तरताको प्रत्याभूति गराउन गैरआवासीय नेपाली संघ यूकेको माग छ । नेपाल नागरिकता ऐन, २०६३ मा भएको संशोधनले गैरआवासीय नेपाली नागरिकताको व्यवस्था गरेपनि यो व्यवस्थाले पहिले नै प्राप्त नेपाली नागरिकताको निरन्तरता नहुने एनआरएनए यूकेको धारणा छ। साथै ज्ञापनमा गोर्खाहरु त्रिपक्षीय सन्धि अन्तर्गत भर्ती भएर आएकाले गोर्खा तथा निजका सन्ततिहरुको नेपाली नागरिकता कायमै रहने व्यवस्था गर्न पनि जोडदार माग छ । ज्ञापनमा भनिएको छ, गोर्खाहरु सन् १९४७ को त्रिपक्षीय सन्धिअनुसार नेपाल र बेलायत सरकारको बन्दोबस्तमा भर्ती भएकाले उनीहरु र तिनका सन्ततिहरुको समेत नागरिकता खोसिएको छ। नेपाल नागरिकता ऐन, २०६३ (पहिलो संशोधन २०७९ ) को दफा १० को उपदफा १ ले गोर्खा सैनिक तथा उनीहरुको परिवारको वंशजको नागरिकता खोसेको छ। तसर्थ गोर्खा सैनिक तथा उनीहरुको परिवार तथा विश्वभर छरिएर रहेका वंशजका नेपाली नागरिकहरुको अधिकार रक्षाका लागि नेपाल नागरिकता ऐन, २०६३ को दफा १० संशोधन गरि सन् १९४७ को त्रिपक्षीय सन्धिलाई सम्मान गर्न, गोर्खा सैनिक तथा वंशजका नेपाली नागरिकहरुको नागरिकताको निरन्तरता हुने गरि कानून संशोधन गर्न एनआरएनए यूके नेपाल सरकार समक्ष जोडदार माग गर्दछ।' प्रत्युत्तरमा सांसद लिम्बुले एनआरएनए यूकेको जायज मागलाई संसदमा
आर के त्रिपाठी लेख्छन्- ट्रम्पले आज अलान मस्कलाई राष्ट्रिय र अन्तराष्ट्रिय खर्च कटौति गर्ने विभागको प्रमुख पदमा नियुक्त गरे।यो विभाग अमेरिकी सरकारको सबैभन्दा महत्व राख्ने विभागमा पर्छ। हो,अलान मस्क अमेरिकी चुनाबको बेला ट्रम्पको प्रमुख क्यामपेनर थिए। चुनाब खर्च ५०० मिलियन डलर दिए।अरु व्यापारी जम्मा गरे।विलियन डलर भन्दा बढि Trump लाई चुनाब खर्च जुटाई दिए।Trump को चुनाबि Campaign को लागी १० वटा जहाज ५ महिनाको लागी चार्टर गरिदिए।विश्व राजनिती हेर्दा जसले चुनाब जिताउन सहयोग गरे,जसले लामो समय देखि अमेरिकी राष्ट्रपतिमा पुःन Trump को विकल्प छैन भने, उनै अलान मस्कले प्रमुख पदमा नियुक्ति पाउनु स्वभाविक छ।जायजै छ।संसारभर यस्तै हुन्छ। तर शंका के गर्न सकिन्छ? भने अलन मस्कले संयुक्त राष्ट्र संघ,युक्रेन,इजरायल,NATO र अन्य विश्व विकाशको लागी दिईरहेको खर्च Deep Analysis नै काटी दिए भने यहाँनिर समस्या उत्पन्न हुन्छ।यसले विश्व राजनिती लाई ठूलै प्रभाब पार्नेछ। अब अलिकति अलान मस्क को कुरा गरौं। केहि महिना अगाडी बेलायतमा Far Rightist को आप्रवासि खेद,आप्रवासी लाई बस्न नदेउ भन्ने रंगभेदी आन्दोलन Far Rightist हरुले चलाए।केहि मानिस मरे।बेलायतको रोड र भवन जले।आप्रवाशीको पसल,सटर जलाईयो।त्यो बेला अलान मस्कले के भने भने बेलायतमा Far Rightist ले गरेको आप्रवाशी खेद भन्ने आन्दोलन ठिक छ।मेरो समर्थन छ भने।बेलायतको Road अझै जल्नु पर्दछ भने। अमेरिकमा पनि भविष्यमा त्यहि हुनेछ भने/ अलान मस्कको यो Statement को सर्वत्र विरोध भयो।भलै बेलायत सरकारले SMART ROLE लिएकोले Far Rightist हरुको आप्रवाशी खेद आन्दोलन तुहियो वा निस्तेज भयो।यो कार्य गरेकोमा बेलायतको प्रधानमन्त्री Kier Starmer लाई धन्यवाद दिन चाहन्छु । मलाई लाग्दछ,अलान मस्कको यो गतिविधी हेर्दा Trump को कार्यकाल सकिय पछि अलान मस्क Republican पार्टीबाट अमेरिकमा राष्ट्रपति उठ्नेछन्।Trump को यो नियुक्ति त्यसैको तयारी हो जस्तो लाग्छ। अब अलान मस्कले संयुक्त राष्ट्र संघ,NATO, लाई कि मैले भनेको मान् ,नत्र खर्च कटौति गरि दिनेछु भनि धन्क्याउने छन्।शक्ति आर्जन गर्दै लानेछन्।यो कार्यले उता अमेरिकाको Europe Union राज्य संग विस्तारै संबन्ध विग्रदै जानेछ।यस्तो अवस्थामा Russia को EU राज्यमा Encrochment,Advancement बढ्नेछ।यस अवस्थामा Russia Ukrane युद्ध Russia - Europe Union युद्धमा विस्तारै परिणत हुन
आर के त्रिपाठी लेख्छन् - लोभि बाइडेन,झुटा ट्रम्प र मूर्ख अमेरिकी जनताको कारण विश्व लोकतन्त्र कमजोर हुने संकेत -नेपालले के सिक्ने? आर्थिक प्रगती मात्र शाषकिय सफलताको मापनको आधार बन्दो रहेनछ।बेलायतमा ऋषी सुनक पनि राम्रो मै गनिन्थे।Covid ले थलिएको अर्थतन्त्र उनले नै उकासेका थिए।Covid को बेलामा गरेको उनको अर्थ Dealing,तौर तरिका लाई प्रसंसा गर्दै अमेरिका र अन्य यूरोप राष्ट्रहरुले त्यही ऋषी सुनकको तरिका Follow गरे।तर आम चुनाबमा उनको नेतृत्वमा Conservative पार्टिले नराम्रो हार बेहोर्नु पऱ्यो। अमेरिकामा बाइडेन राम्रो गर्दै थिए।अमेरिकाको आर्थिक प्रगती राम्रै थियो तर विश्व सुप्रिमो कायम राख्नु पर्ने बाध्यता,यूरोपको लगायत संसारको प्रजातन्त्र र सिमा सुरक्षा गरि दिनु पर्ने बाध्यता,विश्व विकाशलाई अनुदान,सहयोग गर्नु पर्ने अमेरिकाको बाध्यता,Ukrane Russia युद्धलाई धेरै सहयोग र इजरायल युद्धलाई सहयोग गर्नु पर्ने बाध्यताले अमेरिका आर्थिक रूपमा भित्र भित्रै थलिएको थियो।त्यो मारलाई Trump ले राम्रो प्रयोग गरे।अन्य विश्वमा दिने अनुदान सहयोग घटाउनेछु,इजरायल र युक्रेन लाई दिने युद्ध सहयोग कटौती गर्छु भने।यूरोपको सिमा सुरक्षा गर्न NATO लाई दिने सहयोग काटि दिनेछु भनि भाषण गरे।संयुक्त राष्ट्र संघलाई दिने सहयोग,अनुदान काट्छु भने।यो सब सहयोग काटेर अमेरिकाको जनताको आर्थिक स्तर उकास्छु भन्दै भोट मागे।अमेरिकाको जनतालाइ मूर्ख बनाए। Trump ले झुटो भोट लिए।नेताहरु जनता मूर्ख बनाउन खपीस छन्।जतिसुकै शिक्षित भए पनि जनतालाई झुटो बोलेर जति खेर पनि मुर्ख बनाउन सकिन्छ भन्ने प्रमाणित Trump ले गराई दिए।ट्रम्प जिते।बधाई। जनता मूर्ख हुँदा असल नेता र नेतृत्व पराजित हुँदो रहेछ।ट्रम्प र अमेरिकी जनताले चणक्य नितीलाई असफल पारिदिए।इतिहाँसमा बेलावखत यस्तो हुदो रहेछ।विश्व राजनिति हेर्दा २७०० बर्ष अघि चणक्यले बोलेको निती संझना आयो।असल मान्छे अघि नबढ्दा वा पार्टीले चुनाबी मैदानमा नल्याउँदा जनता मुर्ख हुन्छन् र पार्टीको उमेदवार परास्त गर्दछन्।जनता बेला बखत मुर्ख हुन्छन्।त्यो बेला बेइमानहरु वा खराब नेतृत्व वा नेताहरु शाषनमा आउँछन्। कमला ह्यारिश किन हारिन?पछि पूर्ण विश्लेषण गरौंला।२१०० औं शताब्दीमा पनि रङ्गको गन्ध देखियो।बस के मात्र भनौं भने २१००औं शताब्दीमा पनि यत्रो विकशित देश, शैक्षिक र बिबेकी अमेरिकी जनता पनि बहुलाउँदा रहेछन्।यसको दिर्घ कालीन असर विश्व राजनितीमा पर्नेछ। नेपालमा पनि अघिल्लो चुनाबमा स्वतन्त्र
शीतलपाटीन्युज डटकम। काठमाडौं, प्रहरी महानिरीक्षक बसन्त बहादुर कुँवर संयुक्त अधिराज्यको ग्लास्गोमा सम्पन्न इन्टरपोलको ९२औं महासभामा सहभागी भई आइतबार स्वदेश फर्किनु भएको छ। इन्टरपोल महासचिवालयको आयोजनामा कात्तिक १९ देखि २२ गतेसम्म संचालित उक्त महासभामा सहभागी भई प्रहरी महानिरीक्षक कुँवर स्वदेश फिर्ता हुनुभएको हो। प्रहरी महानिरीक्षक कुँवरसँगै उक्त महासभामा सहभागी भई इन्टरपोल शाखाका प्रमुख प्रहरी उपरीक्षक कोमल शाह समेत स्वदेश फिर्ता हुनु भएको छ। प्रहरी महानिरीक्षक बसन्त बहादुर कुँवरलाई प्रहरी अतिरिक्त महानिरीक्षकहरू, प्रहरी नायव महानिरीक्षक लगायत वरिष्ठ प्रहरी अधिकृतहरूले त्रिभुवन अन्तर्राष्ट्रिय विमानस्थल गौचरमा हार्दिक स्वागत गर्नुभयो। महासभामा National Central Bureau (NCB) नेपालका प्रमुखसमेत रहनुभएका प्रहरी महानिरीक्षक कुँवर नेतृत्वको प्रतिनिधि मण्डलद्वारा मित्रराष्ट्रहरू चीन, दक्षिण कोरिया,अमेरिका, कतार र यूएईका प्रतिनिधीहरूसँगको द्विपक्षीय भेटघाटका क्रममा समसामयिक विषय तथा अन्तर्राष्ट्रिय प्रहरी समन्वयलाई थप प्रभावकारी बनाउने लगायतका विषयहरूमा छलफल भएको थियो। महासभामा इन्टरपोल र विश्व स्वास्थ्य संगठन (WHO) बीचको सहयोग सम्झौता, आतंकवाद रणनीति र परिचालन, इन्टरपोलको विश्लेषणात्मक क्षमताहरूलाई सुदृढ गर्न एकीकृत रणनीति, बाल यौन दुर्व्यवहार सामग्री प्रकाशित गर्ने वेबसाइटहरूको सूची (IWOL) तथा निजी संस्थाहरू बीचको सहकार्य, digital evidence मा कानूनी पहुँच, इन्टरपोलको विद्यान संशोधनको लागि विभिन्न देशहरूबाट पेश गरिएका प्रतिवेदनहरू, Annual financial report and financial statements 2023, Programme of activities and draft budget for 2025 and indications for 2026 and 2027, इन्टरपोलको भवन विस्तार तथा पुन:निर्माण कार्यक्रम जस्ता विषयहरूमा छलफल भई महत्वपूर्ण प्रस्तावहरू पारित समेत भएको थियो। महासभामा कार्यकारी समितिको रिक्त पदहरूमा निर्वाचन समेत भएको थियो। उक्त निर्वाचनमा इन्टरपोलको १९६ सदस्य राष्ट्रहरूको प्रतिनिधिहरू सहभागी भई नेपालले समेत आवश्यक मतदान गरेको थियो। यस महासभाबाट इन्टरपोलको नयाँ महासचिवको रूपमा मित्रराष्ट्र ब्राजिलका Valdecy Urquiza मनोनयन हुनुभएको भनि घोषणा समेत भएको थियो। महासभाले इन्टरपोलको ९३औं महासभा सन् २०२५ मा मित्रराष्ट्र मोरक्कोको माराकेचमा, ९४औं महासभा सन् २०२६ मा मित्रराष्ट्र हङकङ, चीनमा र ९५औं महासभा सन् २०२७ मा मित्रराष्ट्र कतारको दोहामा आयोजना गर्ने निर्णय गरेको छ। प्रहरी महानिरीक्षक बसन्त बहादुर कुँवर नेतृत्वको प्रतिनिधि मण्डल उक्त महासभामा सहभागी हुन कात्तिक १८ गते त्यसतर्फ प्रस्थान गर्नुभएको थियो। (साभार-नेपाल प्रहरी।)
शीतलपाटीन्युज डटकम। लन्डन। बेलायतस्थित नेपाली समुदायले पहिलो र दोश्रो विश्वयुद्धमा सहादत प्राप्त गरेका सैनिकहरुप्रति श्रद्धान्जली अर्पण गरेका छन् । शनिबार नेपालीको राजधानी मानिने र नेपालीहरु उल्लेख्य बसोवास रहेको अल्डरसटमा ‘रिमेम्बरेन्स डे परेड’ आयोजना गरि श्रद्धान्जली अर्पण गरीयो। ग्रेटर रसमोर नेपलिज कम्युनिटी र गोर्खा मेमोरियल प्रोजेक्ट टिमको सक्रियतामा भएको उक्त परेडमा स्थानीय बेलायती सांसद अलेक्स बेकर,नेपालका संघीय सांसद एलपी सांवा लिम्बु,रसमोर मेयर मारा माकुनुरा, एनआरएनए यूके अध्यक्ष प्रेम गाहामगर,ग्रेटर रसमोर नेपलिज कम्युनिटी अध्यक्ष मन गुरुङ,शिव मन्दिर अल्डरसटका अध्यक्ष विक्रम भट्टराई लगायत गोर्खा सैनिक र स्थानीय नेपाली अगुवाहरु २०० जनाको सहभागीता थियो॥ परेडको आयोजना गर्दै सो समुहले प्रिन्सेस गार्डेनस्थित पहिलो भिसी कुलवीर थापाको सालिकमा रिथ पुष्पगुच्छा अर्पण गर्दै समस्त दिवगंत सैनिकहरुप्रति श्रद्धान्जली अर्पण गरेका थिए। सालिकमा रिथ चढाउनु अघि शिव मन्दिरका मूल पण्डित र बीसीसी यूकेका बौद्ध गुरुद्वारा स्वस्ती मन्त्र उच्चारण गरिएको थियो। बेलायतसहित कमनवेल्थ मुलुकमा ११ नोभेम्बरलाई ‘रिमेम्बरेन्स डे’ का रुपमा मनाउने प्रचलन छ । यसलाई ‘पप्पी डे’ पनि भनिन्छ। सो ११ गते गरिने कार्यक्रमलाई नेपाली समाजले ९ नोभेम्बर मै मनाएको हो। प्रथम विश्वयुद्ध अन्त्यपछि सन् १९१८ नोभेम्बर ११ का दिन ११ बजे रिमेम्बरेन्स सन्डे मनाउन थालिएको हो। यो प्रत्येक वर्ष नोभेम्बरको दोस्रो आइतबार पर्छ।
शीतलपाटीन्युज डटकम। २३ कात्तिक २०८१ – काठमाडौंस्थित त्रिभुवन अन्तर्राष्ट्रिय विमानस्थल आजैदेखि दैनिक १० घण्टा बन्द गर्न लागिएको छ । विमानस्थलको धावनमार्ग विस्तार,ट्याक्सी वे,पार्किङ वे लगायत काम गर्नुपर्ने भएकाले शुक्रबारदेखि आगामी पाँच महिनासम्म दैनिक १० घण्टासम्म विमानस्थल बन्द गर्न लागिएको त्रिभुवन अन्तर्राष्ट्रिय विमानस्थल कार्यालयले जनाएको छ। विमानस्थल कार्यालयका अनुसार २३ कात्तिकदेखि १८ चैतसम्म राति १० बजेबाट बिहान ८ बजेसम्म यस विमानस्थल बन्द हुने छ। यसअघि काठमाडौंको त्रिभुवन अन्तर्राष्ट्रिय विमानस्थल बिहान ६ बजेदेखि राति २ बजेसम्म खुल्ने गरेको थियो। गर्मीयाममा काम गर्न नसकिने, त्यसैबेला वर्षा पनि हुने भएकाले अहिले कात्तिक महिनादेखि नै विमानस्थल स्तरोन्नतीको काम सुरु गरिएको नेपाल नागरिक उड्डयन प्राधिकरणले जनाएको छ। प्राधिकरणका महानिर्देशक इन्जिनियर प्रदीप अधिकारीले यस्तो जानकारी दिएका हुन्। महानिर्देशक अधिकारीका अनुसार विमानस्थलको रनवेसँग समानान्तर हुनेगरी ट्याक्सी वे निर्माण गरेर सो विमानस्थलको कार्य क्षमता बढाउन लागिएको हो। प्राधिकरणका अनुसार तीन निर्माण व्यवसायीले धावन मार्गको उतर–दक्षिणतर्फ जोडिएका चारवटा ट्याक्सी–वे भत्काउने,पुनर्निर्माण गर्ने, धावनमार्गसँग जोड्ने, स्तरोन्नति गर्ने,नयाँ एप्रोनसँग जोड्नेलगायत काम गर्नेछन् । विमानस्थलको गुरुयोजना अनुसार स्तरोन्नतिका लागि हाल १५ अर्ब रुपैयाँ लागतमा तीनवटा फरक/फरक विदेशी निर्माण व्यवसायीहरूले काम गर्दै आएका छन्। त्रिभुवन अन्तर्राष्ट्रिय विमानस्थलको एक मात्र धावनमार्गको दुवै बिन्दुमा भइरहेको निर्माण कार्यका कारण गत १९चैतदेखि बौद्धतर्फको उत्तरी बिन्दुबाट विमान अवतरणमा निषेध गरिएको छ। काठमाडौं विमानस्थल रातिको समयमा बन्द हुने भएसँगै अहिले धमाधम वायुसेवा कम्पनीहरूले पनि आफ्नो निर्धारित उडान तालिका परिमार्जन गरेका छन्। स्तरोन्नतिपछि विमानको आउजाउ तथा एयर ट्राफिकमा धेरै सुविधा हुने अपेक्षा गरिएको प्राधिकरणले जनाएको छ।
शीतलपाटीन्युज डटकम। काठमाडौँ। अमेरिकी राष्ट्रपति पदको चुनावमा ७८ वर्षीय डोनाल्ड ट्रम्प दोस्रो कार्यकालका लागि विजयी भएका छन। कुल ५३८ सिटमा ट्रम्पले २७७ र कमला ह्यारिसले २२४ सिट प्राप्त ग गरेको अमेरिकी सञ्चारमाध्यम एपी न्यूजले जनाएको छ। जित्नका लागि कम्तीमा २७० सिटमा विजय हुनुपर्ने थियो । ट्रम्पको जितसँगै अमेरिकामा राजनीतिक दिशामा परिवर्तन आउन सक्ने सङ्केत देखिएको छ। उहाँको विजयले अन्तर्राष्ट्रिय क्षेत्रमा पनि विभिन्न प्रतिक्रिया उत्पन्न गराएको छ। विशेषगरी अमेरिका–चीन सम्बन्ध, जलवायु परिवर्तन नीतिहरू र नाटो जस्ता मुद्दाहरूमा गहिरो प्रभाव पर्ने अनुमान गरिएको छ। ट्रम्प २०१६ को नोभेम्बरमा राष्ट्रपतिमा निर्वाचित भएर २०२० सम्म चार वर्ष ह्वाइटहाउमा रहनुभएको थियो।उहाँ २०२० मा वर्तमान राष्ट्रपति जो वाइडेनसँग पराजित भएपछि २०२१ जनवरीमा ह्वाइट हाउसबाट बिदा हुनुभएको थियो। बहुप्रतिक्षित सातवटा स्वींग स्टेट अरिजोना (११), जर्जिया (१६), मिचिगन (१५), नेभाडा (६), पेन्सिलभेनिया (१९), विस्कन्सिन (१०) र नर्थ क्यारोलिना (१६) को अधिकांश मत र इलेक्टोरल कलेज पनि उहाँकै पक्षमा परेपछि ट्रम्पले विजय हात पार्नुभएको हो। आजको परिणामले तल्लो सदन र माथिल्लो सदन दुवैमा रिपब्लिकन पार्टीको बहुमत हुने पक्का भएको छ।अमेरिकी माथिल्लो सदन सिनेटमा बहुमतका लागि आवश्यक ५१ मध्ये ५१ स्थानमा रिपब्लिकन पार्टीले विजय प्राप्त गरिसकेको छ।तल्लो सदन हाउसमा पछिल्लो परिणाम अनुसार आवश्यक २१८ मध्ये रिपब्लिकन पार्टीले दुई सय दुई र डेमोक्रेटिक पार्टीले १७५ प्रतिनिधि प्राप्त गरेको छ। ट्रम्पको दोस्रो कार्यकालले ‘अमेरिका प्रथम’ नीति अघि बढाउँदै अमेरिका र अन्य राष्ट्रहरूबिचको सम्बन्धलाई पुनः परिभाषित गर्ने सम्भावना छ। व्यावसायिक पृष्ठभूमिका ट्रम्पले पहिलो कार्यकालमा आर्थिक सुधारका कदमहरू उठाउनुका साथै आप्रवासन, कर नीति र व्यापार सम्बन्धमा कडा अडान लिएको इतिहास रहेको छ । उहाँका समर्थकहरूले यो जितलाई अमेरिकाको ‘स्वतन्त्र’ तथा ‘सशक्त’ नीति पुनःस्थापनाको विजय मानेका छन् भने आलोचकहरूले यसलाई अन्तर्राष्ट्रिय सम्बन्धमा अस्थिरता निम्त्याउने चेतावनी दिएका छन्। ट्रम्पको विजयले आर्थिक मोर्चामा समेत नयाँ तरङ्ग ल्याउने अपेक्षा गरिएको छ। विशेष गरी अमेरिकी बजारमा सकारात्मक सङ्केत देखिएको छ भने अमेरिका–चीन व्यापार युद्धलाई पुनः सुरु गरिने डर पनि छ। ट्रम्पको दोस्रो कार्यकालमा जलवायु परिवर्तन लगायतका अन्तर्राष्ट्रिय मुद्दामा अमेरिकाको सहभागितामा कमी आउन सक्ने र यसले
शीतलपाटीन्युज डटकम। आर के त्रिपाठी लेख्छन् - Trump लाई बधाई दिंदा मेरो आँखा अगाडी Trump को विगत,वर्तमान निती र विश्वमा पार्ने थप प्रभाव-Trump संयमित हुन जरूरी छ। ट्रम्पको USA First नितीले अमेरिकी रुचि र स्वार्थलाई केन्द्रमा राख्नेछ।यसले विश्वव्यापी सुरक्षा,व्यापार र कूटनीतिमा ठूलो असर पार्न सक्छ।रसिया-युक्रेन युद्ध २४ घन्टामा समाप्त गर्ने प्रतिज्ञाको कार्यान्वयन ट्रम्पले चुनावी भाषण गरे जस्तो सजिलो छैन। अघिल्लो कार्यकालमा उत्तर कोरियासँग वार्ता होस् वा चीनसँग व्यापार युद्ध हुँदै सम्झौता,अफगानिस्तानबाट अमेरिकी सेनाको फिर्ती होस् वा इरान सम्झौता खारेज,ट्रम्पका निर्णयहरू परम्परागत अमेरिकी नीति र अभ्यासको विरोधी निर्णय थियो।ट्रम्पले अघिल्लो कार्यकालकै नीति अघि बढाउँछन् कि त्यतिबेलाको अनुभवबाट सिकेर अगाडि बढ्छन् ?हेर्नुपर्छ।ट्रम्पको विजयले लोकतन्त्रको भविष्यलाई अझै चुनौती दिने र त्यसको बाछिटा नेपालसम्म पनि आई पुग्न सक्छ/ अमेरिका-चीन र अमेरिका-भारत सम्बन्धको प्रभाव नेपालले व्यहोर्नुपर्ने र यस्तो अवस्थामा अमेरिकाले नेपाल नीति नबदले पनि भारत वा चीनसँगको नीतिले नेपाल लाई प्रभाव पार्न सक्छ/ जसले USA मा स्थायी बसोबासको अनुमति पाएका छैनन्,Trump को आप्रवासन नीतिमा कडाइले त्यहाँ रहेका नेपाली एवं विश्वभरबाट अमेरिका आएका आप्रवासीहरू प्रभावित हुन सक्छन्/ ट्रम्पका उपराष्ट्रपति जेडी भान्सले युक्रेनको अहिलेको सरकार र नेतृत्व संसारकै सबैभन्दा भ्रष्ट भनेर अभिव्यक्ति दिने गरेका छन्/यस्तो अवस्थामा ट्रम्पको Ukrane-Russia युद्ध निती कस्तो हुन्छ?त्यस नितीले विश्व राजनितीमा प्रभाव पार्नेछ। ट्रम्प इरानका कट्टर विरोधी हुन्/ इजरायल-लेवनान-इरान- हिजिबुल्लाह-हमास-सिरिया युद्धमा Trump को पूर्व नितीमा फेरबदल नभए इजरायल-इरान युद्ध बढ्नेछ।यो ध्रुविकरणले विश्वयुद्ध पनि निम्त्याउन सक्छ।किनकी Trump अर्को नेतान्याहु हुन् वा Trump र नेतान्याहु दाजुभाई जस्तै हुन्। चुनाब Campain को बेला Trump ले चीनको उत्पादनमा ६० प्रतिशत र अन्य देशको उत्पादनमा १० प्रतिशत कर लगाउने घोषणाले चिन र अमेरिका विच व्यापार युद्ध बढ्न सक्छ।यसको असर विश्व राजनितीमा परि नेपाललाई प्रभाब पार्न सक्छ। Trump को अभ्यास कुनै निश्चित दिशामा जाने,आफ्ना मित्र राष्ट्रसँग थप मजबुत सम्बन्ध बनाउने भन्दा पनि त्यसलाई भत्काउने र नयाँ बनाउनेमा धेरै ध्यान दिने देखिन्छ र त्यसले लामो रूपान्तरणमा जाने र अस्थिरता सिर्जना गर्ने देखिन्छ ।यसको असर विश्व राजनितीमा परि नेपाल लाई प्रभाब पार्न सक्छ। पेरिस सम्झौता,इरान सम्झौता,ट्रान्स-प्यासिफिक पार्टनरसीप,विश्व स्वास्थ्य संगठन लगायत संयुक्त राष्ट्र
शीतलपाटीन्युज डटकम। काठमाडौँ। अमेरिकी राष्ट्रपति पदको चुनावमा ७८ वर्षीय डोनाल्ड ट्रम्प दोस्रो कार्यकालका लागि विजयी भएका छन। कुल ५३८ सिटमा ट्रम्पले २७७ र कमला ह्यारिसले २२४ सिट प्राप्त ग गरेको अमेरिकी सञ्चारमाध्यम एपी न्यूजले जनाएको छ। जित्नका लागि कम्तीमा २७० सिटमा विजय हुनुपर्ने थियो । ट्रम्पको जितसँगै अमेरिकामा राजनीतिक दिशामा परिवर्तन आउन सक्ने सङ्केत देखिएको छ। उहाँको विजयले अन्तर्राष्ट्रिय क्षेत्रमा पनि विभिन्न प्रतिक्रिया उत्पन्न गराएको छ। विशेषगरी अमेरिका–चीन सम्बन्ध, जलवायु परिवर्तन नीतिहरू र नाटो जस्ता मुद्दाहरूमा गहिरो प्रभाव पर्ने अनुमान गरिएको छ। ट्रम्प २०१६ को नोभेम्बरमा राष्ट्रपतिमा निर्वाचित भएर २०२० सम्म चार वर्ष ह्वाइटहाउमा रहनुभएको थियो।उहाँ २०२० मा वर्तमान राष्ट्रपति जो वाइडेनसँग पराजित भएपछि २०२१ जनवरीमा ह्वाइट हाउसबाट बिदा हुनुभएको थियो। बहुप्रतिक्षित सातवटा स्वींग स्टेट अरिजोना (११), जर्जिया (१६), मिचिगन (१५), नेभाडा (६), पेन्सिलभेनिया (१९), विस्कन्सिन (१०) र नर्थ क्यारोलिना (१६) को अधिकांश मत र इलेक्टोरल कलेज पनि उहाँकै पक्षमा परेपछि ट्रम्पले विजय हात पार्नुभएको हो। आजको परिणामले तल्लो सदन र माथिल्लो सदन दुवैमा रिपब्लिकन पार्टीको बहुमत हुने पक्का भएको छ।अमेरिकी माथिल्लो सदन सिनेटमा बहुमतका लागि आवश्यक ५१ मध्ये ५१ स्थानमा रिपब्लिकन पार्टीले विजय प्राप्त गरिसकेको छ।तल्लो सदन हाउसमा पछिल्लो परिणाम अनुसार आवश्यक २१८ मध्ये रिपब्लिकन पार्टीले दुई सय दुई र डेमोक्रेटिक पार्टीले १७५ प्रतिनिधि प्राप्त गरेको छ। ट्रम्पको दोस्रो कार्यकालले ‘अमेरिका प्रथम’ नीति अघि बढाउँदै अमेरिका र अन्य राष्ट्रहरूबिचको सम्बन्धलाई पुनः परिभाषित गर्ने सम्भावना छ। व्यावसायिक पृष्ठभूमिका ट्रम्पले पहिलो कार्यकालमा आर्थिक सुधारका कदमहरू उठाउनुका साथै आप्रवासन, कर नीति र व्यापार सम्बन्धमा कडा अडान लिएको इतिहास रहेको छ । उहाँका समर्थकहरूले यो जितलाई अमेरिकाको ‘स्वतन्त्र’ तथा ‘सशक्त’ नीति पुनःस्थापनाको विजय मानेका छन् भने आलोचकहरूले यसलाई अन्तर्राष्ट्रिय सम्बन्धमा अस्थिरता निम्त्याउने चेतावनी दिएका छन् । ट्रम्पको विजयले आर्थिक मोर्चामा समेत नयाँ तरङ्ग ल्याउने अपेक्षा गरिएको छ । विशेष गरी अमेरिकी बजारमा सकारात्मक सङ्केत देखिएको छ भने अमेरिका–चीन व्यापार युद्धलाई पुनः सुरु गरिने डर पनि छ । ट्रम्पको दोस्रो कार्यकालमा जलवायु परिवर्तन लगायतका अन्तर्राष्ट्रिय मुद्दामा अमेरिकाको सहभागितामा कमी आउन
शीतलपाटीन्युज डटकम। काठमाडौं। प्रहरी महानिरीक्षक बसन्त बहादुर कुँवर इन्टरपोलको ९२ औं महासभामा सहभागी हुन आइतबार बिहान संयुक्त राज्य बेलायततर्फ प्रस्थान गर्नुभएको छ। इन्टरपोल महासचिवालयको आयोजनामा संयुक्त राज्य बेलायतको ग्लास्गोमा कात्तिक १९ देखि २२ गतेसम्म संचालन हुने उक्त महासभामा सहभागी हुन प्रहरी महानिरीक्षक कुँवर बेलायततर्फ प्रस्थान गर्नुभएको हो। National Central Bureau (NCB) नेपालका प्रमुख समेत रहनुभएका प्रहरी महानिरीक्षक कुँवरसँग महासभामा सहभागी हुन सशस्त्र प्रहरी नायव महानिरीक्षक अन्जनी कुमार पोखरेल र इन्टरपोल शाखाका प्रमुख प्रहरी उपरीक्षक कोमल शाह समेत त्यसतर्फ प्रस्थान गर्नुभएको छ। उहाँहरूलाई प्रहरी अतिरिक्त महानिरीक्षक, प्रहरी नायव महानिरीक्षक लगायत वरिष्ठ प्रहरी अधिकृतहरूले त्रिभुवन अन्तर्राष्ट्रिय विमानस्थल गौचरमा शुभकामना सहित हार्दिक बिदाइ गर्नुभयो। इन्टरपोलका सबै १९६ सदस्य राष्ट्रहरूका प्रतिनिधिहरू सहभागी हुने उक्त महासभामा इन्टरपोलका महत्वपूर्ण नीतिगत विषयहरूमा मतदानद्वारा निर्णय गरिने प्रावधान अनुसार नेपालले पनि मतदानहरूमा भाग लिनेछ । उक्त महासभामा इन्टरपोल र विश्व स्वास्थ्य संगठन (WHO) बीचको सहयोग सम्झौता, आतंकवाद रणनीति र परिचालन, इन्टरपोलको विश्लेषणात्मक क्षमताहरूलाई सुदृढ गर्न एकीकृत रणनीति, बाल यौन दुर्व्यवहार सामग्री प्रकाशित गर्ने वेबसाइटहरूको सूची (IWOL) तथा निजी संस्थाहरू बीचको सहकार्य, digital evidence मा कानूनी पहुँच, इन्टरपोलको संविधान संशोधनको लागि विभिन्न देशहरूबाट पेश गरिएका प्रतिवेदनहरू, annual financial report and financial statements 2023, programme of activities and draft budget for 2025, indications for 2026 and 2027,इन्टरपोलको भवन विस्तार तथा पुनर्निर्माण कार्यक्रम जस्ता विषयहरूमा छलफल तथा महासभामा कार्यकारी समितिको रिक्त पदहरूमा निर्वाचन समेत हुने कार्यक्रम रहेको छ। साथै प्रहरी महानिरीक्षक बसन्त बहादुर कुँवरको नेतृत्वमा सहभागि हुने प्रतिनिधी मण्डलद्वारा मित्रराष्ट्रहरू चीन,दक्षिण कोरिया,अमेरिका,कतार र यूएईका प्रतिनिधीहरूसँग समसामयिक विषय तथा अन्तर्राष्ट्रिय प्रहरी समन्वयमा थप प्रभावकारी बनाउने लगायतका विषयहरूमा छलफल तथा द्विपक्षीय बैठक हुने कार्यक्रम रहेको छ। प्रहरी महानिरीक्षक बसन्त बहादुर कुँवरको अनुपस्थितिमा प्रहरी अतिरिक्त महानिरीक्षक टेक प्रसाद राईले नेपाल प्रहरी प्रधान कार्यालयको दैनिक प्रशासनिक कामकाजको जिम्मेवारी सम्हाल्नु हुनेछ। नेपाल प्रहरी फेसबुकवाल।।
शीतलपाटीन्युज डटकम। लण्डन। विश्वको सबै भन्दा अग्लो ८८४८ मीटरको सगरमाथा हिमाल चढेर कीर्तिमानी कमाएका आरोही तथा पूर्वगोर्खा सैनिक हरि बहादुर बुढा मगर (एमबीई)ले यूकेको दुई प्रतिष्ठित अवार्ड प्राप्त गरेका छन्। ' मगरले सोल्जरिङ अन अवार्ड २०२४ मा “प्रेरणा अवार्ड” र प्राइड अफ ब्रिटेन अवार्ड २०२४ मा “विशेष मान्यता अवार्ड” विजेता बनेर दुईवटा अवार्ड प्राप्त गरेका हुन्।पश्चिम नेपालको दुर्गम जिल्ला रोल्पामा जन्मेका हरि बहादुर बुढा मगर साहसी भएका हुन। १९ वर्षको उमेरमा ब्रिटिस सेनाको गोर्खा ब्रिगेडमा भर्ती भएका उनी पाँच महाद्वीपमा १५ वर्ष सेवा गरेका छन। सन् २०१० मा अफगानिस्तानमा ब्रिटिस सेनाका तर्फबाट शान्ति स्थापनार्थ खटिएर जिम्मेवारी बहन गर्दै गर्दा पेट्रोलीड्गका क्रममा अचानक विद्रोहीहरूले थापेको विद्युतीय धराप एम्बुसमा पर्दा आईईडी विस्फोटमा परेर उनले दुबै गोडा गुमाएका थिए। घटनापछि मानसिक तनावलाई हरिले आफ्नो जीवनलाई पुनर्निर्माण गर्ने निधो गरे। त्यसपछि उनले कायकिङ, प्याराग्लाइडिङ,स्कीइङ,पौडी खेल्नेसहितका चुनौतीपुर्ण अभ्यास गर्न थाले। सगरमाथामा मानव पाइला राखेको ७०औँ बर्ष पुगेको बर्षगाँठलाई समात्दै १९ मे २०२३ मा ८८४८ मीटरको सरगमाथाको सफल आरोहण गरेर दुवै घुँडामाथि खुट्टा नभएका पहिलो व्यक्ति बन्ने ऐतिहासिक उपलब्धि हासिल गरेर इतिहास रचे। उनले नेपाल सरकारले लगाएको अपांगता भएका व्यक्तिको आरोहण प्रतिबन्ध हटाउन कानूनी लडाइँ लडेर असमानता विरुद्धको कानूनी संघर्ष जितेका थिए। त्यसपछि कृत्रिम खुट्टाको डिजाइन निर्माण गरेर आफ्नो अभियानको लागि आवश्यक कोष जुटाएका थिए। सोल्जरिङ अन अवार्ड २०२४' अक्टोबर १६ मा वेस्टमिन्स्टरको पार्क प्लाजा होटलमा आयोजित गरिएको थियो। जहाँ हरिलाई 'विशेष प्रेरणा अवार्ड' प्रदान गरियो । धेरै प्रतिस्पर्धीमध्ये फाइनल पुगेका तीन फाइनालिष्टमध्ये हरिले यो अवार्ड प्राप्त गरेका थिए। यो अवार्ड सशस्त्र बल समुदायमा रहेका व्यक्तिलाई दिने चलन छ। जसले कठिनाइ पार गरेर अरूलाई प्रेरित गरेका हुन्छ। हरिको सगरमाथाको सफल आरोहण र प्रेरणादायी यात्रा यस अवार्डको प्रमुख कारण थियो । अक्टोबर १९ साँझ सम्पन्न 'प्राइड अफ ब्रिटेन अवार्ड २०२४'मा हरिलाई 'विशेष मान्यता अवार्ड' प्रदान गरियको थियो, जुन यूकेका नचिनिएका नायकको सम्मान गर्न आयोजित कार्यक्रम हो। यो पुरस्कार उनलाई अपांगता अधिकारको पक्षमा लड्न र भौतिक सीमाहरूले कसैको सपना पूरा गर्न रोक्न हुँदैन भन्ने
शीतलपाटीन्युज डटकम। लण्डन। अन्तराष्ट्रिय धादिङ समाजको अध्यक्षमा पुनःराजन खकुराल युकेबाटचयन हुनु भएको छ । मंगलबार सदरमुकाम धादिङबेसी स्थित क्रिक रिसोर्टमा भएको समाजको तेस्रो महाधिवेशनले अध्यक्षमा पुनःखकुराललाई चयन गरेको हो। पुर्नगठित समाजमा वरिष्ठ उपाध्यक्षमा दिनेश तामाङ (नेपाल),उपाध्यक्षमा सविन थपलिया (अस्ट्रेलिया),खुल्ला उपाध्यक्षमा राजेन्द्र श्रेष्ठ (जापान),बद्री खतिवडा(अमेरीका) चयन हुनु भएको छ । यस्तै महासचिवमा बाबुकाजी भण्डारी(जापान),सचिवमा राजेन्द्र थपलिया (द.कोरिया), सचिवमा कल्याण विक्रम कार्की (अष्ट्रेलिया), कोषाध्यक्षमा रामकुमार थापा (नेपाल),सह कोषाध्यक्षमा सोमनाथ कडेंल (कतार) चयन हुनुभएको छ। यसैगरी सदस्यहरुमा दिपक तिमिल्सिना (युके),पारस भण्डारी(अस्ट्रेलिया),विनोद उप्रेती(अस्ट्रेलिया),कमल दुवाडी(अमेरीका),छन्द प्रसाद सिलवाल (भारत) चयन हुनुभएको छ। समाजका अनुसार १ जना महिला उपाध्यक्ष,महिला सविच, प्रवक्ता र ४ जना सदस्य मनोनियत गरिने छ। महाधिवेशनको नेपाल सरकारका कृषी तथा पशुपंन्छी विकास मन्त्री रामनाथ अधिकारीले उद्घाटन गर्नुभएको थियो। कार्यक्रमलाई सम्बोधन गर्नुहुँदै मन्त्री अधिकारीले विश्वभर छरिएर रहेको धादिङ्गेलीहरुलाई अन्तराष्ट्रिय धादिङ समाजले जोड्नु पर्ने र प्रवासमा रहेका धादिङ्गेलीहरुले जिल्लामा परेका समस्या पहिचान गरी सहयोग गर्नुपर्ने बताउनुभयो। महाधिवेशनमा विश्वका १४ देशमा रहेका धादिङ्गेलीहरु मध्येबाट एक सय २५ जना भन्दा बढि प्रतिनीधी सहभागी थिए। महाधिवेशनको लागि १४ देशबाट सहभागी भएको र ४ देशबाट प्रतिनिधि नआएको अध्यक्ष खकुरालले बताउनुभयो। भौतीक उपस्थिति जनाउन नसकेका प्रतिनीधिहरु भर्चुअल माध्यमबाट जोडिएको उहाँको भनाई छ। अन्तराष्ट्रिय धादिङ समाजको १८ देशमा राष्ट्रिय समन्वय परिषदको शाखा विस्तार भएको छ।२०७४ साल असोज १६ धादिङबेसीमा भुवन गुरुङ संयोजकत्वमा सम्पन्न पहिलो भेलाले अन्तराष्ट्रिय धादिङ समाज तदर्थ समिति गठन गर्ने निर्णय गरेको थियो जस अनुरुप ०७४ असोज ३१ (अक्टोबर १७) मा धादिङबेसीमा सम्पन्न भेलाले नानुकाजी अर्याल अध्यक्ष रहेको तदर्थ समिति बनेको थियो। त्यसपछि अन्तर्राष्ट्रिय धादिङ समाजको विश्व भेला तथा प्रथम अधिवेशन २०७६ असोज २७ गते काठमाडौमा सम्पन्न भएको थियो। उक्त अधिबेशनबाट अध्यक्षमा पुनः नानुकाजी श्रेष्ठ चयन हुनुभएको थियो भने तेस्रो कार्यकालको लागि २०७८ असोज २४ गते भएको दोस्रो अधिवेशनमा अध्यक्षमा राजन खकुराल चयन भएको हुनुभएको थियो।
