शीतलपाटीन्युज डटकम।
लन्डन। बेलायतस्थित नेपाली व्यवसायीहरूको साझा संस्था ब्रिटेन–नेपाल च्याम्बर अफ कमर्सको अध्यक्षमा बिराज भट्ट सर्वसम्मत चयन भएका छन्। शुक्रबार साँझ लन्डनस्थित नेपाली दूतावासमा सम्पन्न संस्थाको वार्षिक साधारणसभाले भट्टलाई नयाँ अध्यक्षमा चयन गरेको हो।

नयाँ कार्यसमितिको उपाध्यक्षमा कमल पौडेल र इन्द्र गिरी तथा सचिवमा राजेन्द्र श्रेष्ठ सर्वसम्मत रूपमा चयन भएका छन्।
त्यसैगरी,सदस्यहरूमा कृष्ण भट्ट,सन्तोष मण्डल,अन्जनी फुंयाल,प्रभु न्यौपाने,नाडिया विलियम्स,प्रकाश ढुंगाना, अनिल न्यौपाने,मोसाद अन्जिज,वीपी खनाल,वसन्त नेपाल,विकास नेपाल,क्याम्पबेल मिचेल र दीपक श्रेष्ठ चयन भएका छन्।

बेलायतका सफल पर्यटन व्यवसायी भट्टले अध्यक्षको जिम्मेवारी सम्हाल्दै बेलायतबाट नेपालमा लगानी भित्र्याउन पहल गर्ने,ट्राभल तथा पर्यटन क्षेत्रको प्रवर्द्धन गर्ने,दुई देशबीचको सम्बन्ध थप प्रगाढ बनाउने तथा विभिन्न ट्रेड डेलिगेशनमार्फत व्यापार र लगानीका सम्भाव्यता पहिचान गर्ने प्रतिबद्धता व्यक्त गरेका छन्।