शीतलपाटीन्युज डटकम।
लन्डन। बेलायती विश्वविद्यालयहरूमा उच्च शिक्षा अध्ययन गर्ने नेपाली विद्यार्थीको सङ्ख्या बढ्दै जांदा समस्या समेत बढेका छन्। जनसङ्ख्या थोरै भए पनि नेपाल बेलायतमा अन्तर्राष्ट्रिय विद्यार्थी पठाउने पाँचौँ ठूलो देश बनेको छ । पछिल्ला पाँच वर्षमा ६० हजारभन्दा बढी विद्यार्थीले शिक्षा,विज्ञान तथा प्रविधि मन्त्रालयबाट ‘नो अब्जेक्सन सर्टिफिकेट’(एनओसी) लिएका छन् भने सन् २०२५ मा मात्रै करिब २० हजार विद्यार्थीले एनओसी लिएका छन्।

लन्डनस्थित नेपाली दूतावासले बिहीबार गरेको‘बेलायतमा अध्ययनरत नेपाली विद्यार्थीका सरोकार’विषयक एकदिने सम्मेलनमा कयौं समस्या उजागर गरिए ।

नेपाली राजदूतावासले ब्रिटेन नेपाल सोसाइटी (बीएनएस) को सहकार्यमा पहिलो पटक एकदिने सम्मेलन गरेको हो। उक्त सम्मेलनमा बेलायती विश्वविद्यालय र कलेजमा अध्ययनरत विद्यार्थी,गृह मन्त्रालय,शिक्षा विभाग,ब्रिटेन–नेपाल चेम्बर अफ कमर्स,एनआरएनए यूके,पूर्वविद्यार्थीहरु,प्राध्यापक,शैक्षिक परामर्शदाता एवं सञ्चारकर्मी गरी ६० बढी प्रतिनिधि सहभागी थिए।

काठमाडौँस्थित शिक्षा,विज्ञान तथा प्रविधि मन्त्रालय र बेलायती दूतावासका अधिकारीहरू पनि भर्चुअल रूपमा जोडिएका थिए ।

कार्यक्रमको उद्देश्य बेलायतका विश्वविद्यालय तथा कलेजहरूमा अध्ययनरत नेपाली विद्यार्थीले भोगिरहेका चुनौतीहरू पहिचान, पहिचान गरीएको चुनौती समाधानका सम्भावित उपायको खोजी तथा आगामी दिनमा गर्न पर्ने सम्भावनालाई समाधान गर्न सकिने कार्ययोजना तयार गर्नु रहेको दूतावासको भनाइ छ।

यस्ता अन्तरक्रियाले यूकेमा अध्ययनरत विद्यार्थीका वास्तविक समस्या बुझ्न र दीर्घकालीन समाधानतर्फ अघि बढ्न सहयोग पुग्ने विश्वास आयोजकको छ।

यसै सन्दर्भमा नेपाली राजदुताबासले भए गरेका प्रगति बारे एउटा प्रेष बिज्ञप्ति-