शीतलपाटीन्युज डटकम।
अल्डरसट, लण्डन। बुद्धिष्ट कम्युनिटी सेन्टर यूके (बिसिसी यूके) आमा समूहको २०२६ मार्च १ मा भएको अधिवेशनबाट शारदा गुरुङ अध्यक्षमा निर्बिरोध निर्वाचीत हुनु भएको छ।

यस्तैगरी उपाध्यक्षमा तुलसी घले र दुर्गालक्ष्मी गुरुङ,सचिव पबित्रा गुरुङ,सह-सचिवमा सुन्दरी तामाङ,कोषाध्यक्ष उषा गुरुङ, सह-कोषाध्यक्षमा टुक कुमारी गुरुङ निर्विरोध निर्वाचित भएका छन्।

यस्तैगरी प्रोपर्टी मेम्बरमा प्रेमा गुरुङ,सहायक प्रोपर्टी मेम्बरमा पूर्णकुमारी गुरुङ,मिडिया मेम्बरमा धनु डिङडुङ,फुड मेम्बरमा मिना गुरुङ निर्वाचित भएका छन्। बिसिसी यूके आमा समूह ४१ जना सदस्य निर्वाचित भएका छन्।

बिसिसी यूकेको अध्यक्ष आङदावा शेर्पाको अध्यक्षतामा भएको कार्यक्रम महासचिव मेजर कुमार गरुङ एमभिओले सञ्चालन गरेका थिए।

अधिवेशनको कार्यक्रमपछि भएको निर्वाचन प्रक्रियाको सञ्चालन बिसिसी यूकेका प्रमुख सल्लाहकार तथा निर्वाचन समितिका संयोजक मेजर खुसीमान गुरुङले गरेका थिए। निर्वाचन समितिमा सदस्यहरु संस्थापक अध्यक्ष ज्ञानुमाया गुरुङ र पूर्व अध्यक्ष उर्मिला गुरुङ थिए ।