शीतलपाटीन्युज डटकम।
काठमाडौं। साहित्यकार डा.दुबसु क्षेत्रीको अध्यक्षतामा “नेपाल–बेलायत लेखक संघ”(नेपाल–ब्रिटेन राइटर्स एसोसिएसन)को गठन गरिएको छ। बेलायत र नेपालीबीच भाषिक,साहित्यिक र सांस्कृतिक कार्यक्रम आदानप्रदान गर्ने,दुवै देशका भाषा र साहित्यका उत्कृष्ट कृतिहरू अनुवाद तथा प्रकाशन गर्ने एवम् द्विपक्षीय साहित्यिक सांस्कृतिक भ्रमण,साहित्यिक महोत्सव, अन्तरक्रिया र सम्मेलन आयोजना गर्ने उद्देश्य राखेर संघको गठन गरिएको हो।

उक्त संघको वरिष्ठ उपाध्यक्षमा सुरेशजंग शाह,उपाध्यक्षमा डा. गोपाल पौड्याल,विमल भौकाजी,कृसु क्षेत्री र गोपीकृष्ण प्रसाईं चयन भएका छन्। त्यस्तै,संघको महासचिवमा वीरेन्द्र कुँवर,सचिवमा नगेन्द्रराज रेग्मी र बद्रीप्रसाद ढकाल साथै कोषाध्यक्षमा पुनम क्षेत्री चयन भएका छन्।

संघको सदस्यहरूमा तुलसीहरि कोइराला,मोहनवीर थापा,डा. नवराज रिजाल,भेषराज घिमिरे,लक्ष्मी उप्रेती,सन्ध्या पहाडी,मणि लोहनी,भरत भारद्वाज,मनोज न्यौपाने,राजेशजंग शाह,नारद पौडेल, तारा सुवेदी,सुमन कार्की,भगवती बस्नेत,सुमन वर्षा,ललिता दोषी, विमला तुम्खेवा,भुवन मास्के,किशोर उप्रेती,भरत साउद,मेघेन्द्र विश्वकर्मा र युवक उप्रेतीलाई चयन गरिएको संघको विज्ञप्तिमा उल्लेख छ।