काठमाडौँ – वाङमय शताब्दी पुरुष सत्यमोहन जोशीको निधन भएको छ ।

नेपाली साहित्य तथा संस्कृतिका धरोहर जोशीको एक सय तीन वर्षको उमेरमा उपचारको क्रममा निधन भएको हो।

उनी तीन साताअघिदेखि ललितपुर ग्वार्कोस्थित किष्ट मेडिकल कलेजमा उपचाररत थिए।

जोशीको आइतबार बिहान ७ बजेर ९ मिनेटमा निधन भएको पारिवारिक स्रोतले जनाएको छ।

अस्पताल बसाइको सुरुका दिनमा जोशीको स्वास्थ्यवस्थामा केही सुधार भए  पनि पछि बिग्रँदै गएको थियो ।