बारा- बारा क्षेत्र नं २ मा जनता समाजवादी पार्टीका अध्यक्ष उपेन्द्र यादवले पुनः अग्रता लिएका छन् ।

आइतबार सम्पन्न उपनिर्वाचनको जारी मतगणनामा अध्यक्ष यादवले एक हजार ८३२ मत पाएका छन् ।

दोस्रो स्थानमा रहेका जनमत पार्टीका शिवचन्द्रप्रसाद कुशवाहाले एक हजार ६६१ मत पाएका छन् । साथै नेकपा एमालेका पुरुषोत्तम पौडेल ६२९ मत ल्याएर तेस्रो र राष्ट्रिय स्वतन्त्र पार्टीका रमेश खरेलले २६९ मत ल्याएर चौथो स्थानमा रहेको मुख्य निर्वाचन अधिकृतको कार्यालयले जनाएको छ ।

बारा क्षेत्र नं २ मा ६५ प्रतिशत अर्थात् ६८ हजार आठ सय ८७ मत खसेको थियो ।