शीतलपाटीन्युज डटकम।

लन्डन। सहारा यूकेको आगामी २० डिसेम्बर २०२५ मा बार्षिक साधारणसभा र निर्वाचन हुने भएको छ। अल्डरसटस्थित एम्पायर हलमा बिहान ११ देखि साधारणसभा र दिउँसो ३ बजेपछि कार्यसमितिको निर्वाचन हुने समाचार प्रकाशन भएको हो। 

 निर्वाचन समिति संयोजक महेश गुरुङ रहेको सो निर्वाचनमा तमुधि युकेका पुर्व अध्यक्ष ज्ञाम गुरुङ र समाजसेवी एकेन्द्र गुरुङ आयुक्त रहेको सहारा यूकेका अध्यक्ष कृष्ण गुरुङ र महासचिव क्या.पिताम्बर गुरुङले सूचनामार्फत जानकारी गराउनु भएको छ।

सूचनाअनुसार उम्मेदवार बन्न चाहने व्यक्तिको एकजना प्रस्तावक र एकजना सर्मथकको हस्ताक्षर सहितको उम्मेदवारी मनोनयन फाराम भर्नुपर्ने छ। उम्मेदवारी मनोनयन दर्ता वा फिर्ता निर्वाचन समितिले तोकिएको सम्पर्क कार्यालयमा आफै उपस्थित भएर गर्नुपर्ने सूचनामा उल्लेख छ। 

कुनै समूह वा व्यक्तिको आधारमा निर्वाचनका समूहगत रुपमा आह्वान गर्न वा प्रचार प्रसार गर्न नपाइने,निर्वाचन समितिले गरेको आचारसंहिता र नियमवालीको उल्लंघन गर्ने उम्मेदवारको उम्मेदवारी रद्द गर्न सकिने लगायत ९ बुँदे नियमावलीसमेत तल प्रस्तुत गरिकएको छ।